cadwaf yn llwyr i mi fy hun yr hawl i'm gwrth-ddweud fy hun
|
cael cynifer o wahanol ieithoedd yw nodwedd ddirgelaf y ddynoliaeth
|
caethwas yw'r sawl sy'n aros i rywun ddod i'w ryddhau
|
caiff dyn ei lwyr gyflyru i gynhyrchu drwy’r gwaith a wna, a cheidw’r un wedd a’r un olwg pan fo y tu allan i’r ffatri
|
caiff newyddiadurwr ei symbylu gan ei linell derfyn. Bydd yn ysgrifennu'n waeth os bydd ganddo amser
|
camddeall yw'r dull cyfathrebu a geir amlaf rhwng pobl
|
camfarn yn unig sydd arni angen cefnogaeth y llywodraeth. Gall y gwirionedd sefyll ei hun
|
camgymeriad yw tybio nad oes neb sy'n deall ei gymeriad ei hun. Mae'r rhan fwyaf o bobl yn gwybod yn dda iawn beth yw eu gwendidau, ond maent yn dal i roi enwau arnynt sy'n wahanol i'r rhai a ddefnyddir fel arfer gan weddill y byd
|
campwaith y gelfyddyd o hyfforddi anifeiliaid yw crefydd, oherwydd hyffordda bobl i wybod sut y dylent feddwl
|
caniatewch imi fathu a rheoli arian cenedl, ac ni waeth gen i pwy sy'n gwneud y deddfau
|
caraf ferched, ond nid eu hedmygu
|
caraf i, ceri di, câr ef, carwn ni, cerwch chi, carant hwy. O na baent yn realiti, yn hytrach nag yn ffurfiau rhediadol
|
caraf yr Almaen cymaint fel yr oedd yn well gen i gael dwy
|
carchar yw pob argyhoeddiad
|
cariad yw anfeidroldeb y gall pwdls ei amgyffred
|
cariad yw aros am lawenydd a chael ei fod, pan gyrraedd, yn annifyr
|
cariad yw goramcangyfrif y gwahaniaethau rhwng y naill wraig a’r llall
|
cariad yw'r hyn sy'n digwydd i ŵr a gwraig nad ydynt yn adnabod ei gilydd
|
cariad: dull poblogaidd o annerch, a ddefnyddir wrth siarad â rhywun o'r rhyw arall pan na ellir cofio ei (h)enw
|
cariad? Efallai gyda threigl amser, drwy ddod i wybod y gwaethaf amdanom ein hunain
|
cariwyr iach democratiaeth yw'r Americanwyr
|
caru ei waith yw'r peth tebycaf i ddedwyddwch i ddyn yn byd hwn
|
carwn fywyd, nid am ein bod yn gyfarwydd â byw, ond am ein bod yn gyfarwydd â charu
|
casgliad call yw bod 'anawsterau' iaith yn wrthgyfartal â chryfder y cymhelliad i'w dysgu
|
Castileg eo lingua franca yr Indiaid Americanaidd
|
cawell hurtod yw'r byd
|
cawn fod drwy'r hyn a gawn; cawn fywyd drwy'r hyn a roddwn
|
cawn ni i gyd ein hatynnu gan y gorffennol, am mai dyna'r unig beth a adwaenwn ac a wir garwn
|
cawn obeithio nad oedd y mabolgampwyr normal a enillodd fedalau yn y gêmau paralympaidd yn cymryd cyffuriau
|
cedwch eich llygaid ar agor led y pen cyn priodi, ac wedi eu hanner cau wedyn
|
cefais fy siomi yn y natur dynol hefyd, a rhoddais y gorau iddo, am fy mod yn ei gael yn rhy debyg i'm natur fy hun
|
cei hyd i fwy mewn coedydd nag mewn llyfrau. Bydd y coed a’r creigiau’n dysgu iti bethau na fydd yr un meistr yn eu dweud wrthyt
|
ceir y prif brawf o wir fawredd dyn yn y modd y cenfydd ei fychandra ei hun
|
celfyddyd yw hudoliaeth a ryddhawyd rhag y celwydd o fod yn wirionedd
|
celfyddyd yw'r celwydd a bair inni wybod y gwirionedd
|
celwyddgi diffuant yw actor
|
cenhedlwyd bancio mewn drygioni ac fe’i ganed mewn pechod. Y Bancwyr biau’r ddaear. Cymerwch hi oddi arnynt, ond gadewch iddynt y grym i greu arian, ac ar drawiad ysgrifbin creant ddigon o arian i’w phrynu’n ôl eto. Os cymerwch y grym hwnnw oddi arnynt, er hynny, bydd pob ffortiwn mawr, fel f’un i, yn diflannu, a dylent hwythau ddiflannu, am mai byd gwell, dedwyddach i fyw ynddo, fyddai hwn. Os ydych am aros yn gaethion i’r Bancwyr, fodd bynnag, ac am dalu cost eich caethwasiaeth eich hun, gadewch iddynt ddal i allu creu arian -
|
cerais, fe'm carwyd, ac anweswyd fy wyneb gan yr haul. Bywyd, nid oes arnat ddim i mi! Bywyd, ’rydyn ni'n gyfartal!
|
cerdded yw moddion gorau dyn
|
chi sy’n byw’n ddiogel mewn tai wedi eu cynhesu, chi sy’n cael, pan ewch adref ar ddiwedd y dydd, fwyd poeth ac wynebau cyfeillgar, ystyriwch hyn: ai dyn yw’r sawl sy’n gweithio yn y baw, nad yw’n adnabod heddwch, sy’n ymladd am damaid o fara, sy’n marw oherwydd rhyw ‘ie’ neu ‘nage’
|
chwaeth syml sydd gen i. Byddaf wastad yn fodlon ar y gorau
|
chwarae dy ran yn dda; yn hynny y mae'r anrhydedd
|
chwedl a adroddir gan hurtyn yw bywyd, yn llawn sŵn a chynddaredd, heb ystyr yn y byd
|
chwerthinllyd yw pob dim pan feddylir am farwolaeth
|
chwiliais am berffeithrwydd, a dinistrio'r hyn a oedd yn gweithio'n iawn
|
chwiliwch am y chwerthinllyd ym mhob dim, ac fe'i cewch
|
clasur llenyddol yw un o'r llyfrau hynny sy'n gadael y darllenydd yn meddwl tybed beth arall sydd i'w ddweud am y stori
|
cododd ei faner ei hun yn uchel... fel na fyddai'n rhaid iddo edrych arni
|
cof pob dyn yw ei lenyddiaeth breifat
|
cofiwch o hyd eich bod yn gwbl unigryw. Yn union fel pawb arall
|
Cofiwch, hyd yn oed petaech chi’n byw am dair mil o flynyddoedd, neu am ddeng mil ar hugain, ni allech golli bywyd neb ond eich bywyd eich hun, a hefyd na fydd gennych yr un bywyd wedyn. Ceir, felly, mai i’r un peth y daw’r bywydau hwyaf a’r rhai byrraf. Rhennir yr eiliad hon gan bob creadur byw, ond mae amser a aeth heibio wedi mynd heibio am byth. Ni all neb golli’r gorffennol na’r dyfodol, oherwydd os nad ydynt yn perthyn ichi, sut y gallant gael eu dwyn oddi arnoch?
|
collir cysgod pan fo gormod o oleuni... neu ormod o dywyllwch
|
Comiwnyddiaeth, yn ei hanfod, yw undod dyn â'i natur, gwir atgyfodi ei natur, y naturiolaeth a gyflawnir gan ddyn a'r ddyneiddiaeth a grëir gan natur
|
consensws yw bod pawb yn cytuno i ddweud ar y cyd yr hyn nad oes neb yn ei gredu fel unigolyn
|
conswl: yng ngwleidyddiaeth America, dyn sydd wedi methu cael ei ethol i swydd ond a gaiff un gan y weinyddiaeth ar yr amod ei fod yn gadael y wlad
|
cosb yw cariad. Fe'n cosbir am beidio â gallu aros ar ein pennau ein hunain
|
cred druenus yng nghyd-ddoethineb anwybodaeth unigol yw democratiaeth
|
cred pobl eu bod yn rhydd, ond dim ond yn rhydd i gredu hynny maen nhw
|
cred rhai fod athrylith yn cael ei hetifeddu; mae eraill nad oes ganddynt blant
|
credaf ei bod yn rhaid parchu'r gyfraith, cyhyd ag y caiff ei defnyddio i amddiffyn y rhai lleiaf ffodus yn ein plith
|
credaf fod lladd unrhyw greadur byw ychydig fel ein lladd ein hunain ac ni welaf ddim gwahaniaeth rhwng dioddefaint anifail a dioddefaint bod dynol
|
credaf imi gael hyd i'r ddolen goll rhwng anifeiliaid a homo sapiens gwareiddiedig: ni
|
credaf mai Kissinger yw'r troseddwr rhyfel amlycaf sydd â'i draed yn rhydd yn y byd
|
credaf nad lle ’rydym yn sefyll yw'r peth mawr yn y byd hwn cymaint ag i ba gyfeiriad ’rydym yn mynd... rhaid hwylio, weithiau gyda'r gwynt ac weithiau yn ei erbyn, ond rhaid inni hwylio, ac nid mynd gyda'r llif, na gorwedd wrth yr angor
|
credaf y byddwn, ryw ddydd, yn haeddu bod yn rhydd oddi wrth lywodraethau
|
credaf yn ddiffuant, fel y gwnewch chi, fod sefydliadau bancio'n fwy peryglus na byddinoedd sefydlog
|
credu yw creu
|
credwch bob dim a ddywedir wrthych am y byd - nid oes dim sy'n rhy erchyll i fod yn amhosibl
|
credwn ein bod yn meistroli geiriau, ond geiriau sydd yn ein meistroli ni
|
credwn mai gwir wlad ydym, ond mewn gwirionedd nid ydym nemor fwy na thirlun
|
crefydd yw peidio â chredu mewn dim hefyd
|
crefyddau yw'r arfau mwyaf marwol a ddyfeisiwyd erioed gan y Fall
|
creodd Duw ddyn, ac o weld nad oedd yn ddigon unig, rhoddodd iddo gydymaith fel y teimlai ei unigrwydd yn fwy
|
creulondeb i anifeiliaid yw'r brentisiaeth i greulondeb i bobl
|
crëwyd yr Ymerodraeth Brydeinig fel isgynnyrch i genedlaethau o Saeson gorffwyll yn crwydro'r byd gan chwilio am bryd da o fwyd
|
Cristionogaeth, fel y caiff ei threfnu yn ei heglwysi, fu pennaf gelyn cynnydd moesol yn y byd, ac felly mae o hyd
|
croen yw iaith: ’rwy' i'n rhwbio fy iaith i yn erbyn y llall
|
crogwn fân ladron, a phenodi'r lladron mawr i swyddi cyhoeddus
|
cryfach syniadau nag arfau niwclear
|
cusan: dyfais athrylithgar sy'n cadw rhai sy'n caru rhag siarad gormod o lol
|
cwympo mewn cariad - dyna rywbeth i bobl sy'n gweini
|
cydwybod yw'r hyn a ddywedodd dy fam wrthyt cyn dy fod yn chwech oed
|
cydwybod yw'r llais mewnol sy'n ein rhybuddio y gallai fod rhywun arall yn edrych
|
cydymaith yw anifail sy'n gyfaill, nid un o haid
|
cyfaddawdu yw'r gelfyddyd o rannu teisen yn y fath fodd fel y cred pawb mai ganddo ef y mae'r darn mwyaf
|
cyfalafiaeth yw gelyn gwaethaf y ddynoliaeth
|
cyfalafiaeth yw raced gyfreithlon y dosbarth sy’n rheoli
|
cyfarth cŵn sy'n denu lladron yw cenfigen
|
cyfeillgarwch yw plentyndod cariad
|
cyfeillion yw'r rhan honno o'r hil ddynol y gellir bod yn ddynol gyda hi
|
cyffur cysgu di-baid yw Mamwlad. Ni all dyn genfigennnu digon wrth yr Iddewon, na thosturio digon wrthynt, am beidio â bod ag un, neu am fod â rhai dros dro, Israel yn gyntaf dim
|
cyfiawnder yw atal anghyfiawnderau sefydledig
|
cyfieithu yw siarad, cyfieithu yw gwrando, cyfieithu yw darllen, cyfieithu yw ysgrifennu, cyfieithu yw meddwl. Mae pawb yn cyfieithu, heblaw am rai cyfieithwyr
|
cyfieithu yw'r math dwysaf o ddarllen
|
cyfieithwyr yw ceffylau gwedd diwylliant
|
cyfieithydd ar y pryd: rhywun sy'n galluogi dau anghyfiaith i ddeall ei gilydd drwy ailadrodd, wrth y naill a'r llall, yr hyn a fuasai er lles i'r cyfieithydd pe buasai wedi cael ei ddweud
|
cyflawnais y pechod gwaethaf erioed: nid oeddwn yn hapus
|
cyflwr dychmygol yw hapusrwydd, un a briodolid gynt gan y byw i'r meirw, ond a briodolir bellach, gan amlaf, gan oedolion i blant, a chan blant i oedolion
|
cyflwr o berffeithrwydd yw marwolaeth, yr unig un o fewn cyrraedd meidrolion
|
cyflwynaf yr argraffiad hwn i'm gelynion sydd wedi gwneud cymaint i'm helpu yn fy ngyrfa
|
cyfnewid diduedd rhwng rhai cyfartal yw cyfeillgarwch; a chariad yn gyfathrach resynus rhwng gormeswyr a chaethion
|
cyfreithiwr yw acwmplydd naturiol y banciwr
|
cyfreithiwr yw dyn sy'n achub dy ystâd rhag dy elynion, ac sy'n ei chadw iddo ei hun
|
cyfreithwyr yw'r unig droseddwyr cymdeithasol y mae'n rhaid dewis, o'u plith hwy, rai i fod yn farnwyr arnynt
|
cyfreithwyr yw'r unig rai na chânt gosb am beidio â gwybod y gyfraith
|
cyfriethiwr - acwmplydd nad yw'n cymryd yr un risg
|
cyfriethiwr - rhywun sy'n ein hamddiffyn rhag lladron drwy fynd â'r temtasiwn i ffwrdd
|
cyfrinach dedwyddwch yw ildio i demtasiynau
|
cyfrinach llwyddiant yw didwylledd; unwaith y gellwch ffugio hynny, ’rydych chi'n siŵr o lwyddo!
|
cyllido yw'r gelfyddyd o drosglwyddo arian o law i law hyd nes ei fod, o'r diwedd, yn llwyr ddiflannu
|
cymdeithasegwr yw rhywun sy'n mynd i gêm bêl-droed er mwyn edrych ar y gwylwyr
|
cymer merched ffurf y freuddwyd sy'n eu cofleidio
|
cymer ofal am beth y dymuni di, gallai ddod yn wir
|
cymerodd bymtheng mlynedd imi ddarganfod nad oedd gennyf ddim dawn i ysgrifennu, ond ni allwn roi'r gorau iddi, am fy mod yn rhy enwog erbyn hynny
|
cymerwch ochr. Mae aros yn niwtral yn helpu'r gormeswr, ac ni helpa'r gormesedig byth. Mae tawelwch yn calonogi'r arteithiwr, nid yr arteithiedig
|
cyn dim arall, emosiwn! Dim ond wedyn y daw dealltwriaeth!
|
cyn gynted ag y bydd dyn yn dechrau siarad iaith estron, mae ystumiau ei wyneb a'i ddwylo, ac iaith ei gorff, i gyd yn newid. Mae eisioes yn rhywun gwahanol
|
cyn gynted ag y goddefir rhywbeth, daw'n oddefadwy, a chyn bo hir daw'n arferol
|
cyn inni ddod, nid oedd y byd yn brin o ddim; wedi inni ymadael, ni fydd y byd yn brin o ddim
|
cyn meddwl sut i addysgu, byddai'n dda egluro pa ganlyniadau y dymunir eu cael
|
cyn newid eich meddwl, gwnewch yn siŵr fod gennych farn i'w newid
|
cyn priodi, rhaid i ferch garu gyda dyn er mwyn ei ddal. Wedi priodi, rhaid iddi ei ddal er mwyn caru gydag ef
|
cyngerdd i achub y blaned... mae'n f'atgoffa o'r Titanic
|
cyngor ardderchog oedd hwnnw a glywais unwaith yn cael ei roi i rywun ifanc: 'gwna bob amser yr hyn 'rwyt ti'n ofni ei wneud'
|
cyngor da yw credu'r hyn a wna'r artist, a hynny yn unig, yn hytrach na'r hyn a ddywed am ei waith
|
cynhelir cynifer o boliau piniwn nes nad oes gan neb farn bellach
|
cynrychiolir cyfoeth y tlodion gan eu plant, ac eiddo'r cyfoethogion gan eu rhieni
|
cysegrais fy mywyd i archwilio beth yw bywyd, ond ni wn paham nac i beth mae'n bod
|
cysyniad moesol yw deallusrwydd
|
