hanes cyfoes yw pob hanes
|
hanes: adroddiad, un ffug gan amlaf, ar ddigwyddiadau, rhai dibwys gan mwyaf, a achosir gan reolwyr, cnafon gan mwyaf, a chan filwyr, ffyliaid gan mwyaf
|
hanfod hapusrwydd yw bod yn rhydd, hynny yw, peidio â chwennych dim
|
hapusrwydd yw dod ymlaen â thi dy hun
|
hapusrwydd yw pan fo'r hyn a feddyliwch, a ddywedwch ac a wnewch, yn cydgordio
|
harddwch rhyfel yw bod pob pennaeth ar fintai o lofruddion yn trefnu bendithio ei faner ei hun ac yn galw ar Dduw, cyn cychwyn i ddifodi ei gymdogion
|
hawdd i ddyn ysgrifennu ei atgofion, pan fydd ei gof yn wael
|
hawdd y gellir maddau i ddyn am fod yn wirion am awr, gan fod cynifer nad ydynt yn peidio â bod yn wirion hyd yn oed am awr, drwy eu bywyd i gyd
|
hawdd y twyllir dyn gan yr hyn a gâr
|
hawliau dynol pobl gyfreithlon yn unig a berchir
|
haws chwalu atom na rhagfarn
|
haws cyfreithloni rhai pethau na'u cyfiawnhau
|
haws dysgu ail iaith i bawb na dyfeisio peiriant cyfieithu
|
haws i ddyn garu'r ddynoliaeth gyfan nag iddo garu ei gymydog ei hun
|
haws maddau i elyn nag i gyfaill
|
haws o lawer yw mygu chwant cyntaf na diwallu'r rhai sy'n dilyn
|
haws twyllo trwch poblogaeth cenedl gan gelwydd mawr na chan un bach
|
haws yw twyllo pobl na'u darbwyllo eu bod wedi cael eu twyllo
|
heb arian a heb amser, nid yw'r dychymyg ond yn freuddwyd sy'n ffoi ac na all gael ei droi'n weithred
|
heb fod wedi profi trueni, ni ellir gwerthfawrogi moethusrwydd
|
heb gariad, ni all y gwâr fodloni ei reddf rywiol
|
heb gof, ni wyddai dyn ddim ac ni fedrai wneud dim
|
heb os nac oni bai, o'r holl bethau a rydd doethineb i wneud bywyd yn wir ddedwydd, cyfeillgarwch yw'r mwyaf
|
heb rithyn o amheuaeth, mae datblygiad cynaliadwy yn un o'r cysyniadau mwyaf dinistriol
|
heddiw o hyd, y ddyfais fwyaf poblogaidd i arbed llafur yw gŵr ariannog
|
heddiw, casino anferth yw'r economi byd-eang
|
heddiw, efallai nad darganfod beth ydym yw'r nod, ond gwrthod beth ydym
|
heddiw, yn fwy nag erioed, mae'n ddyletswydd ar bobl ddiwylliedig i godi amheuon yn hytrach nag i gywain sicrwydd
|
hefyd ymhlith y syniadau hynny sy'n ymddangos yn ffantasi gwag i bobl heddiw, ond a fydd yn amlwg i genedlaethau'r dyfodol, mae cyflwyno iaith gyffredin rhwng pobloedd wahanol
|
helpwch fi i ddeall beth ’rwy' i'n ei ddweud wrthych, a gwnaf ei egluro'n well
|
henaint yw'r peth mwyaf annisgwyl o bob dim a all ddigwydd i ddyn
|
heretic sy'n gwneud tân, nid y ferch sy'n llosgi ynddo
|
hir yw bywyd, os bydd yn llawn
|
hir yw'r oriau a byr yw bywyd
|
hoffwn i dystysgrif marwolaeth pawb o'r ddynol-ryw i gael ei hysgrifennu yn yr un iaith â'i dystysgrif geni
|
hoffwn weld offeiriaid yn priodi, y rhai cyfunrhywiol a'r rhai gwahanrywiol fel ei gilydd
|
holl amcan gwleidyddiaeth ymarferol yw cadw'r werin bobl mewn braw - ac felly'n gweiddi i gael eu harwain i ddiogelwch - drwy ei bygwth â chyfres ddi-ben-draw o ellyllon, y cwbl yn ddychmygol
|
hyd nes bod ei syniad yn llwyddo, dyn â chwilen yn ei ben yw'r un â syniad newydd
|
hyd nes na fydd lliw croen dyn yn fwy arwyddocaol na lliw ei lygaid, bydd rhyfel ym mhobman
|
hyd yn oed os dilyni bob un o'i lwybrau, ni chei hyd i ffiniau'r enaid, gan ddyfned ei logos
|
hygoeledd cariad yw ffynhonnell fwyaf sylfaenol awdurdod
|
hynt ein bywyd yw'r gwir ddrych i'n rhesymu
|
hysbysebu yw'r gelfyddyd o wneud celwyddau cyfain allan o hanner gwirioneddau
|
