gad i ti dy hun gael dy arwain gan y plentyn fuost ti
|
gadewch imi ddweud wrthych chi rywbeth sydd gennym ni, yr Israeliaid, yn erbyn Moses. Aeth â ni am ddeugain mlynedd drwy'r anialwch er mwyn dod â ni i'r un man yn y Dwyrain Canol lle nad oes dim olew
|
gair ciprys yw rhywbeth sy'n gysylltiedig ag egwyddor a anghofiwyd
|
gall bywyd fod yn wych os nad yw'n eich dychryn
|
gall cyfreithiwr anfedrus beri i achos cyfreithiol gael ei ddal yn ôl am fisoedd neu am flynyddoedd. Gall cyfreithiwr medrus beri oedi hwy byth
|
gall Duw, fel atalnod, newid pob dim
|
gall dyn fod yn anffyddlon heb fod byth yn fradwrus
|
gall fod gan yr eneidiau mwyaf y gwendidau mwyaf yn ogystal â'r rhinweddau mwyaf
|
gall haelioni hefyd, gwaetha'r modd, fod yn gyfystyr â busnes da
|
gall hyd yn oed asyn fynd i Fecca, ond ni olyga hynny y daw'r asyn yn bererin
|
gall newyddiaduraeth o safon gnoi unrhyw law a gais ei bwydo, a dyna y dylai ei wneud
|
gall swnio'n wirion, ond gadewch imi ei ddweud: arweinir y gwir chwyldrowr gan deimladau dwfn o gariad
|
gall unben newid y gyfraith, ond ni all newid arferion
|
gall unrhyw un gydymdeimlo â dioddefaint ffrind, ond mae gofyn natur hynaws iawn i gydymdeimlo â llwyddiant ffrind
|
gall unrhyw wirionyn wynebu argyfwng – byw o ddydd i ddydd sy’n blino dyn yn lân
|
gall y canlyniad gyfiawnhau'r dull, cyhyd ag y bo rhywbeth sy'n cyfiawnhau'r canlyniad
|
gall y corff, o'i drin yn dda, bara am oes
|
gall y sawl sy'n ymladd golli. Mae'r sawl nad yw'n ymladd eisoes wedi colli
|
gall ysmygwyr ein dysgu i fod yn oddefgar. Ni chwrddais â neb sy'n cwyno am bobl nad ydynt yn ysmygu
|
gallaf ddioddef nerth bôn braich, ond mae rhesymu bôn braich yn annioddefol
|
gallant dorri'r holl flodau, ond ni wnânt byth atal y gwanwyn
|
gallwn naill ai trechu syniadau croes drwy drafod, neu mae'n rhaid inni adael iddynt gael llais. Ni ellir trechu syniadau o'r fath drwy rym, oherwydd bydd hynny'n cadw ein deallusrwydd rhag datblygu yn naturiol
|
gallwn wastad yn hatal ein hunain ar y ffordd i fyny, ond byth ar y ffordd i lawr
|
galwedigaeth ddychrynllyd o anodd yw bod yn wraig, gan mai ymdrin â dynion yw'r prif waith
|
gan amlaf bydd gan ddyn ddau reswm am wneud rhywbeth: un sy'n swnio'n dda, a'r gwir reswm
|
gan amlaf, nid rhywbeth iddyn nhw yw'r pethau y mae ar bobl eisiau gwybod amdanynt
|
gan ddifaterwch, llwfdra ac oportiwnistiaeth eu dinasyddion y lleddir democratiaethau, i raddau mwy hyd yn oed na chan unbeniaid a chan ormeswyr
|
gan mai ym meddyliau dynion y mae rhyfeloedd yn dechrau, ym meddyliau dynion y mae'n rhaid codi'r amddiffynfeydd heddwch
|
gan mwyaf, angen sy'n clymu'r cortynnau sy'n rhwymo parch dyn at arall
|
gan na all pobl ymladd yn erbyn marwolaeth, trueni ac anwybodaeth, maent wedi penderfynu, er mwyn bod yn hapus, beidio â meddwl amdanynt o gwbl
|
gan nad dyn dysgedig mohonof, gwn yn iawn y bydd rhai ymhongar yn credu bod ganddynt yr hawl i'm beirniadu, a dweud fy mod yn anniwylliedig. Y fath ffyliaid gwirion! Oni wyddant y gallwn eu hateb fel y gwnaeth Marius ateb y pendefigion Rhufeinig: ' A yw'r rhai sy'n ymfalchïo yng ngwaith eraill yn honni eu bod yn barnu teilyngdod fy ngwaith i?'
|
gan nad oeddwn i'n poeni am cael fy ngeni, ni wnaf boeni am farw
|
gan nad yw gwleidydd byth yn credu beth mae'n ei ddweud, mae'n synnu braidd pan gymerir y bydd yn driw i'w air
|
gan y gŵyr pawb fod sigaréts yn beryglus, paham y cânt eu gwerthu?
|
gan yr ifainc mae dyheadau am bethau na fydd byth yn digwydd; gan yr henoed mae atgofion am yr hyn na ddigwyddodd byth
|
geiriadur yw'r holl fydysawd yn nhrefn yr wyddor
|
geiriau yn unig sydd gennym
|
gellid lleihau'r prinder bwyd drwy'r byd i gyd, sy'n bygwth hyd at bum can miliwn o blant, am gost un diwrnod yn unig o ryfela modern
|
gellid, yn hawdd, luchio hanner y cyffuriau modern drwy'r ffenestr, ond bod perygl y byddai'r adar yn eu bwyta
|
gellir barnu pa mor waraidd yw cymdeithas drwy fynd i mewn i'w charchardai
|
gellir bod i'r chwith i bob dim, ond nid i synnwyr cyffredin
|
gellir cael iaith heb arian, heb eiddo, heb rym gwleidyddol a heb briodas, ond ni ellir cael arian, eiddo, grym gwleidyddol na phriodas heb iaith
|
gellir cael pob dim am arian, medden nhw. - Na, nid gwir mo hynny. Gellir prynu bwyd, ond nid archwaeth; moddion, ond nid iechyd; gwelyau meddal, ond nid cwsg; gwybodaeth ond nid deallusrwydd; sglein, ond nid cysur; hwyl, ond nid pleser; cydnabod, ond nid cyfeillgarwch; gweision, ond nid ffyddlondeb; gwallt gwyn, ond nid anrhydedd; dyddiau tawel, ond nid heddwch. Gellir cael cragen pob dim am arian. Ond nid y cnewyllyn. Nid am arian y ceir hwnnw
|
gellir caru bod dynol os na fyddir ei adnabod yn rhy dda
|
gellir crynhoi theori'r Comiwynyddion mewn un ymadrodd: diddymu eiddo preifat
|
gellir cymharu pobl sy'n dwlu ar lyfrau ac sydd â silffoedd yn llawn o lyfrau, heb hyd yn oed troi tudalen, ag eunuchiaid mewn harîm
|
gellir diffinio anhapusrwydd orau fel y gwahaniaeth rhwng ein doniau a'n disgwyliadau
|
gellir diffinio'r fwrgeisiaeth fel unrhyw grŵp o bobl sy'n anfodlon ar beth sydd ganddynt, ond sy'n fodlon ar yr hyn ydynt
|
gellir disgrifio cyhoeddusrwydd fel yr wyddor o atal deallusrwydd dynol yn ddigon hir i gael arian oddi wrtho
|
gellir goddef pob dim mewn bywyd, heblaw am ddyddiau lawer o ddedwyddwch di-fwlch
|
gellir maddau pob dim i'r ugeinfed ganrif, hyd yn oed y ddau ryfel byd, a'r rhai a'u dilynodd, y sioeau ffasiwn a'r rasys fformiwla un, ond yn benddifaddau, anfaddeuol fu aberthu'r sinema er mwyn y teledu
|
gellir mesur mawredd cenedl, a'i chynnydd moesol, yn ôl y ffordd y bydd yn trin ei hanifeiliaid
|
gellir mesur y cynnydd mewn doethineb, yn fanwl, yn ôl y lleihad cyfatebol mewn dicter
|
gellir rhoi heb garu, ond ni ellir caru heb roi
|
gellir rhoi'r ddynol-ryw mewn tri dosbarth: y rhai sy'n marw o gael eu gorweithio, y rhai sy'n marw gan ddiflastod a'r rhai sy'n marw o gael eu gorfeichio gan bryder
|
gellir talfyrru llawer dadl faith rhwng diwinyddion fel hyn: 'Fel hyn y mae. Nid fel hyn y mae. Fel hyn y mae. Nid fel hyn y mae'
|
gellir twyllo pawb drwy'r amser, os yw'r hysbysebu'n iawn a'r gyllideb yn ddigon mawr
|
gellwch wneud pethau rhyfeddol pan na fyddwch yn hawlio'r clod
|
gelyn tra chyfrwys yw’r gwirionedd. Mae’n dwyn cyrch ar y mannau yn ein calon lle nad oeddem yn disgwyl hynny, a ninnau heb baratoi i’w hamddiffyn
|
genir dyn yn anwybodus, nid yn hurt; addysg sy'n ei wneud yn hurt
|
gobeithio na fydda' i byth yn mynd mor hen nes fy mod i'n troi'n grefyddol
|
gochelwch rhag diffinio y sawl sy'n rhannu eich barn fel yr unig rai deallus
|
gofyn i ti dy hun a wyt yn hapus, a byddi'n peidio â bod
|
golyga rhyddid gyfrifoldeb. Dyna paham y bydd y rhan fwyaf o bobl yn arswydo rhagddo
|
golygydd yw rhywun sy'n gwahanu'r gwenith oddi wrth y manus, ac yna sy'n cyhoeddi'r manus
|
gorchmynnir natur drwy ufuddhau iddi
|
gorwedd holl ogoniant y byd mewn gronyn o ŷd
|
gwaetha'r modd, gellir bod mewn cariad yn bedwar ugain oed. ’Rwyf i, mewn gwirionedd, yn ysgrifennu er mwyn anghofio cariad
|
gwaith newyddiadurwr yw egluro i eraill yr hyn nad yw ef ei hun yn ei ddeall
|
gwaith yw'r lloches i bobl nad oes ganddynt ddim gwell i'w wneud
|
gweithiwn i ennill ein hamser hamdden
|
gweithiwr cynhyrchiol yw awdur, nid i'r graddau y mae'n cael syniadau, ond i'r graddau y mae'n cyfoethogi'r cyhoeddwr sy'n cyhoeddi ei waith
|
gweithred wleidyddol yw cognio. Pan adawn i gorfforaethau goginio drosom, collwn reolaeth. Mae ffydd dyn yn aruthrol os meddylia y byddant yn onest, ac mai cig eidion yw eu cig eidion
|
gwelais yr wyddoniaeth a addolwn, a'r awyrennau a garwn, yn dinistrio'r gwareiddiad y disgwyliwn iddynt ei wasanaethu
|
gwell bod heb ddeddfau na'u torri bob dydd
|
gwell bod yn anhapus mewn cariad nag yn anhapus mewn priodas, ond llwydda rhai i fod yn anhapus yn y ddau
|
gwell gan fenyw gall aros ar ei phen ei hun nag aros gyda neb arall
|
gwell gennyf bryfocio â'r gwirionedd na phlesio â gweniaith
|
gwell gennyf fod yn optimist ac yn anghywir nag yn besimist ac yn gywir
|
gwell gwneud ac edifarhau nag edifarhau peidio â gwneud
|
gwell gwybod pethau di-werth na pheidio â gwybod dim
|
gwell heddwch anfanteisiol na'r rhyfel mwyaf cyfiawn
|
gwell poeni mewn amheuaeth na gorffwys wedi gwneud camgymeriad
|
gwell rhoi mwy o fywyd yn eich dyddiau na mwy o ddyddiau yn eich bywyd
|
gwella arddull dyn yw gwella ei ffordd o feddwl
|
gwelwch bob dim, cuddiwch lawer, cywirwch ychydig
|
gwên yw'r pellter byrraf rhwng dau
|
gwenwch; nid i fwyta ac i frathu yn unig y gwnaed eich dannedd
|
gwerth bardd yw gwerth ei gerdd orau
|
gwerth dyn yw cynifer o bobl ag o ieithoedd mae'n eu medru
|
gwir amcan sosialaeth yw hyn yn uinon - goresgyn a mynd y tu hwnt i’r cyfnod rheibus yn natblygiad y ddynoliaeth
|
gwir athroniaeth yw dysgu gweld y byd eto
|
gwir bleser yw dirmygu pleser
|
gwir lwyddiant yw cyrraedd eich gorau posibl
|
gwir syberwyd moesol yw'r gelfyddyd o wisgo eich buddugoliaethau fel methiannau
|
gwir werthfawrogir yr hyn a geir drwy ymdrechu
|
gwladgarwch yw eich argyhoeddiad fod y wlad hon yn well na phob un arall, am i chi gael eich geni ynddi
|
gwladgarwch yw'r mwyaf ffaeledig o bob angerdd
|
gwleidydd yw dyn a fydd yn aberthu dy fywyd dros ei wlad
|
gwleidyddiaeth - celfyddyd ymdrin â bywyd cyhoeddus - yw gwaith gwleidyddion sy'n gelfydd mewn materion preifat
|
gwleidyddiaeth yw adran adloniant diwydiant
|
gwleidyddiaeth yw celfyddyd chwilio am broblemau, cael hyd iddynt, eu camddehongli, ac wedyn gamddefnyddio'r dulliau anghywir i'w datrys
|
gwleidyddiaeth yw'r cysgod a deflir dros y gymdeithas gan fusnes mawr
|
gwleidyddiaeth yw'r gelfyddyd o rwystro pobl rhag ymddiddori yn yr hyn sy'n berthnasol iddynt
|
gwleidyddiaeth yw’r alwedigaeth ail hynaf, i fod. ’Rwyf wedi dod i sylweddoli ei bod yn ymddangos yn hynod debyg i’r hynaf
|
gwleidyddiaeth yw’r gelfyddyd fwyn o ennill pleidleisiau gan y tlawd ac arian i ymgyrchu gan y cyfoethog drwy addo amddiffyn y ddau, y naill oddi wrth y llall
|
gwleidyddiaeth: gweithred o gydbwyso rhwng pobl sydd am gymryd rhan weithredol a'r rhai nad ydynt am beidio â chymryd rhan weithredol
|
gwleidyddiaeth: gwrthdrawiad rhwng diddordebau o dan rith brwydr dros egwyddorion
|
gwn fod barddoniaeth yn anhepgor, ond i beth ni wn
|
gwna bethau gwirion, ond gwna nhw'n frwd
|
gwnaiff pobl nofio drwy gachu, os rhoddir ychydig sylltau ynddo
|
gwneir yn iawn am farw drwy fyw
|
gwneir ysgrifennu yn anodd hefyd gan anllythrenneddd eraill
|
gwreiddioldeb yw llên-ladrad heb i neb sylwi
|
gwrth-Gomiwnydd oeddwn i pan oedd ’na gomiwnyddion
|
gwybodaeth a roddir ddwywaith yw gwadiad
|
gwyddom fod llywodraeth drwy arian cyfundrefnol yr un mor beryglus â llywodraeth drwy droseddu cyfundrefnol
|
gwyddom y gall dyn ddarllen Goethe neu Rilke fin nos, ac yna chwarae Bach neu Schubert, cyn mynd, fore trannoeth, i Auschwitz i weithio
|
gwyddoniaeth yw unrhyw beth sydd wastad yn agored i'w drafod
|
gwylia dy feddyliau - byddant yn esgor ar dy eiriau. Gwylia dy eiriau - byddant yn esgor ar dy weithredoedd. Gwylia dy weithredoedd - byddant yn esgor ar dy arferion. Gwylia dy arferion - byddant yn esgor ar dy gymeriad. Gwylia dy gymeriad - bydd yn esgor ar dy dynged
|
gwyliwch: mae celain Marx yn dal i anadlu
|
gwyn byd y sawl a chwarddo am ei ben ei hun; ni fydd yn brin o ddifyrrwch
|
gwyn byd y sawl na ddisgwy ddiolch, oherwydd ni chaiff ei siomi
|
gŵyr dyn fwy nag unrhyw anifail, ond gŵyr lai hefyd. Gŵyr anifeiliaid eraill yr hyn sy’n rhaid iddynt ei wybod, ond ni wyddom ni
|
gŵyr pawb fod y peth a'r peth yn amhosibl ei wireddu, hyd nes y daw rhywun a'i ddyfeisio
|
gŵyr unbeniaid sut i ddatrys pob problem ar wahân i’r un fwyaf difrifol: hwy eu hunain
|
gyda golwg ar rwystrau, gall mai llinell grom yw'r pellter lleiaf rhwng dau bwynt
|
gyda phob iaith sy'n marw mae delwedd o ddyn yn diflannu
|
gyda'n gilydd ’rydym wedi dod i sylweddoli bod yr hawl i ddysgu, i'r rhan fwyaf o bobl, yn cael ei chyfyngu gan ei bod yn rhaid mynychu'r ysgol
|
gynt ni châi neb feddwl yn rhydd; yn awr ceir gwneud hynny, ond bellach nid oes neb yn medru ei wneud. Erbyn hyn, dim ond beth maent i fod i’w feddwl yn maent yn awyddus i’w feddwl, ac iddynt hwy, dyma yw rhyddid
|
