baich drom ar ddyn ydw' i. Byddaf bron â'i fygu a mynnaf ei fod yn fy nghario. Heb ei ryddhau, byddaf yn fy narbwyllo fy hun, ac yn darbwyllo eraill, fy mod yn edifar a'm bod yn awyddus i'w gwneud yn rhwydd iddo ym mhob ffordd, ond nid drwy adael iddo gael gwared ar fy mhwysau
|
banc: man a wnaiff fenthyg arian ichi, os gellwch brofi nad oes ei angen arnoch
|
barddoniaeth yw uniad dau air na thybir y gellir eu huno, ond sydd yn ffurfio rhywbeth fel pe bai drwy ddirgelwch
|
barddoniaeth yw'r gelfyddyd o roi'r môr mewn gwydryn
|
Barn y Cyhoedd...ymgais i drefnu anwybodaeth y gymuned, ac i'w dyrchafu i urddas grym ffisegol
|
baromedr: teclyn dyfeisgar sy'n dweud sut dywydd y mae hi'n ei wneud yma yn awr
|
beirniad yw dyn heb yr un goes sy'n dysgu i bobl redeg
|
bellach deallaf y gyfrinach ar gyfer gwneud y bobl orau: tyfu yn yr awyr agored, a bwyta a chysgu gyda'r tir
|
beth bynnag a fo ar ddyn eisiau ei ddweud, un enw yn unig sydd i'w fynegi, un ferf yn unig i roi bywyd ynddo ac un ansoddair yn unig a all ei oleddfu
|
beth bynnag y bo gwragedd yn ei wneud, rhaid iddynt ei wneud ddwywaith yn well na dynion i gael eu hystyried hanner cystal â hwy. Yn ffodus, nid peth anodd yw hynny
|
beth fyddai bywyd pe na baem yn ddigon dewr i fentro dim?
|
beth sydd mewn ysgrifennu llyfr? Ei ddarllen yw'r rhan galed
|
beth sy'n foesol yw'r hyn sy'n gwneud ichi deimlo'n dda wedyn, a beth sy'n anfoesol yw'r hyn sy'n peri ichi deimlo'n ddrwg wedyn
|
beth yw celfyddyd? Puteindra
|
beth yw diben bywyd, os nad yw dyn yn ddigon dewr i frwydro?
|
beth yw dwyn o fanc o'i gymharu â sefydlu banc?
|
beth yw dyletswydd gyntaf dyn? Mae'r ateb yn fyr: bod yn ef ei hun
|
beth yw'r byd go-iawn, os nad y freuddwyd a freuddwydia pawb - y freuddwyd sydd yn gyffredin i bawb?
|
beth yw'r gwahaniaeth rhwng plentyn pumlwydd effro a chwilfrydig a rhywun pedair blynedd ar bymtheg, di-glem a hurt? Pedair blynedd ar ddeg yng nghyfundrefn addysg Prydain Fawr
|
beth, rhestr o newyddiadurwyr proffesiynol! Dim ond syniad a ledaenir gan grachysgolheigion, gan goegathrawon, a chan rai a hoffai fod yn ohebwyr, pobl sy'n ceisio cadw eraill rhag meddwl drostynt eu hunain. Mae rhestr o'r fath yn chwerthinllyd ac ni ddaw dim ohoni. Mae hefyd yn anfoesol am ei bod yn cyfyngu ar yr hyn sydd heb ffiniau, ac yn wir a ddylai fod hebddynt. Mae'n tueddu i gyfyngu ar ryddid dyn i'w fynegi ei hun
|
biwrocratiaeth: anhawster i bob ateb
|
ble bynnag y bydd dyn, os bydd wrth ei fodd, dyna ei wlad
|
ble bynnag yn y byd y bo, yr un yw crefydd dyn busnes
|
bob tro y gwelaf oedolyn ar gefn beic, ’rwy' i'n peidio ag anobeithio am y ddynoliaeth
|
bob yn awr ac yn y man mae'n dda sylweddoli ein bod, hyd yn awr heddiw, hyd yn oed yn awr, yn llunio'r hiraeth a fydd yn rhoi gwres i yfory sydd ar wawrio
|
boed inni gyfoethogi ein gilydd drwy ein gwahaniaethau
|
boed i'r sawl na all wneud yr hyn y chwennych ei wneud, chwennych yr hyn y gall ei wneud
|
boi fel hyn yw actor - os nad amdano fe ’rwyt ti'n sôn, ’dyw e ddim yn gwrando
|
bradwr yw'r sawl sy'n gadael ei blaid i ymuno ag un arall; un a gafodd droëdigaeth yw'r sawl sy'n gadael plaid arall i ymuno â'ch un chi
|
brenhiniaeth awyr-agored ffyddlondeb dyn yw pêl-droed
|
breuddwyd pawb nad oes ganddo frawd yw i bawb fod yn frodyr
|
breuddwydia a byddi'n rhydd yn dy ysbryd, ymladda a byddi'n rhydd yn dy fywyd
|
breuddwydwyr mawr fu pawb a gyflawnodd rywbeth mawr
|
brolied eraill am y tudalennau a ysgrifennwyd ganddynt; ’rwyf i'n falch o'r rhai a ddarllenais
|
bron bob amser, mae'r sawl sy'n ufuddhau yn well na'r sawl sy'n gorchymyn
|
brwydr dyn yn erbyn grym yw brwydr y cof yn erbyn ebargofiant
|
bu Crist farw dros ein pechodau. A fentrwn wneud ei ferthyrdod yn ddiystyr drwy beidio â phechu?
|
bu dechrau i'r maffia a bydd iddo ddiwedd hefyd
|
buasai sawl un wedi cyrraedd doethineb, pe na buasai wedi tybio ei fod eisoes wedi cyrraedd
|
buddsoddi cyfalaf yw celfyddyd, ac mae diwylliant yn esgus
|
busnes go wael yw un nad yw'n gwneud dim byd ond arian
|
bydd anhunanol: parcha hunanoldeb eraill
|
bydd digon o amser gan y sawl nad yw'n ei wastraffu
|
bydd Duw'n maddau imi; dyna ei waith
|
bydd gan ddyn y trydydd mileniwm ddiwylliant Bush, gonestrwydd Berlusconi a chalon garedig Putin
|
bydd hanes yn garedig wrtha' i, am mai fy mwriad i yw ei ysgrifennu
|
bydd lawer yn colli'r enydau o lawenydd wrth obeithio am yr hapusrwydd mawr
|
bydd pob dim y gellir ei ddychmygu yn cael ei wireddu gan rywun, ryw ddydd
|
bydd rhai deallusion yn gweithio i lanw ein hymennydd, tra bydd eraill yn gwneud eu gorau i'w wacáu. Yr ail garfan sydd fwyaf niferus, wrth gwrs
|
bydd y dyfodol yn ennill, ni fydd eiddo yn y seiberofod. Wele DotGomiwnyddiaeth
|
bydd y newid yr hoffit ei weld yn y byd
|
bydd y sawl a gais brynu cyfeillgarwch drwy weithredoedd llawn ewyllys da yn cael ei ddadrithio wrth brofi anniolchgarwch dyn
|
bydd y sawl sy'n edrych ar ei wendidau ei hun yn methu gweld y rheini mewn pobl eraill
|
bydd y sawl sy’n derbyn mwy yn derbyn gan arall; ni fydd yn fwy nac yn well nag arall: y cwbl a fydd ganddo yw mwy o gyfrifoldebau. Rhaid iddo roi mwy o wasanaeth hyd yn oed. Byw i wasanaethu
|
bydd yr amgychiadau yn gwneud y dyn cymaint ag y bydd y dyn yn gwneud yr amgylchiadau
|
byddaf hefyd yn darllen llyfrau, llawer o lyfrau; ond dysgaf lai ganddynt hwy nag oddi wth fywyd. Yr unig lyfr sydd wedi dysgu llawer imi yw'r geiriadur. Y geiriadur, ’rwy'n dwlu arno! Ond caraf y ffordd hefyd, geiriadur mwy rhyfeddol byth
|
byddaf yn darllen y papur ag awch. Dyna'r unig fath o ffantasi a gaf i'm difyrru yn gyson
|
byddaf yn dyfynnu eraill er mwyn fy mynegi fy hun yn well
|
byddai iaith gwbl resymegol, heb ddim o'i theithi ei hun, yn ddifywyd ac yn rhy fecanyddol
|
Byddai Las Vegas yn digio o gael ei chymharu ag Wall Street. Yn Las Vegas, mae pobl yn gwybod beth yw’r ods. Ar Wall Street maen nhw’n ymyrryd â’r ods wrth ichi chwarae’r gêm
|
byddai llawer yn hoffi osgoi talu trethi, ond y cyfoethog yn unig sy'n llwyddo i wneud hynny. Mae'r tlodion yn sylweddoli, felly, ei bod yn rhaid iddynt dalu hyd yn oed drostynt hwy
|
byddai llawer yn llwfrgwn, pe baent yn ddigon dewr
|
byddai profi fy mod yn iawn cystal â chydnabod y gallwn fod yn anghywir
|
byddai unrhyw fenyw'n hoffi bod yn ffyddlon. Yr hyn sy'n anodd yw cael hyd i ddyn i fod yn ffyddlon iddo
|
byddai'n well gan y rhan fwyaf o bobl farw na meddwl; a dyna a wnânt, a dweud y gwir
|
byddai’n rhyw gysur i’n musgrelledd ein hunain ac i wendid ein gweithiau, pe bai pob dim yn darfod mor araf ag y daeth i fod; ond fel y mae, twf araf deg sydd i gynnydd ond chwim yw’r ffordd i ddistryw
|
byddwch yn ddoethach nag eraill, os gellwch; ond peidiwch â dweud hynny wrthynt
|
byddwch yn hynaws wrth bobl wrth ichi godi yn y byd, oherwydd cewch gwrdd â hwy eto wrth ichi fynd i lawr
|
byrder yw enaid doethineb
|
bywyd dyn yw maen prawf y geiriau
|
bywyd yw beth sy'n digwydd iti tra byddi di'n brysur yn gwneud cynlluniau eraill
|
