pa beth yw Dyn, iddo wneud cynlluniau?
|
pa beth yw pleser, onid poen bêr odiaeth
|
pa un a ddihysbyddir gyntaf - awyr ynteu olew?
|
paham ailadrodd hen wallau, os oes cynifer o wallau newydd i'w gwneud?
|
paham ofni marwolaeth? Hi yw anturiaeth harddaf bywyd
|
paham y gwnaeth natur greu dyn? Ai i ddangos ei fod yn ddigon mawr i wneud camgymeriadau, ynteu am ei fod yn gwbl anwybodus?
|
paham y lladwn bobl sydd wedi lladd eraill? I ddangos i eraill na ddylid lladd?
|
paham, at ei gilydd, y bydd pobl yn osgoi unigedd? Gan mai ychydig sydd yn cael eu bod mewn cwmni da pan fyddant ar eu pennau eu hunain
|
paid â bod mor ddiymhongar... ’dwyt ti ddim mor fawr â hynny
|
paid â bod yn edifar am yr hyn na allit ei wneud, ond yn hytrach am yr hyn y gallasit fod wedi ei wneud ond nad oeddit am ei wneud
|
paid â cheisio bod yn rhywun llwyddiannus; ceisia, yn hytrach, fod yn rhywun gwerthfawr
|
paid â cheisio byw am byth; lwyddi di ddim
|
paid â gofyn dim a chlywi di ddim celwyddau
|
paid â gweiddi am help yn y nos. Efallai y byddi di'n deffro dy gymdogion
|
paid â gwneud i eraill fel y mynnet iddyn nhw ei wneud i ti. Efallai nad yr un chwaeth sydd ganddyn nhw
|
paid â phleidleisio; dyw e ddim ond yn rhoi hwb iddyn nhw
|
paid ag aros am y cyfle iawn: crea fe
|
paid ag ymddiried mewn syniad na ddaeth i'r meddwl wrth gerdded
|
paid byth â theimlo'n edifar am yr hyn yr wyt wedi ei feddwl am dy wraig. Mae hi wedi meddwl pethau llawer gwaeth amdanat ti
|
paid byth ag egluro. Fydd dim angen eglurhad ar dy gyfeillion, a fydd dy elynion ddim yn dy gredu beth bynnag
|
pam talu i rywun olrhain dy achau? Cer yn wleidydd a bydd dy wrthwynebwyr yn gwneud hynny drosot
|
pam y dylwn i hidio am genedlaethau'r dyfodol? Beth maen nhw wedi ei wneud i mi?
|
pan aiff pethau o chwith, paid â mynd gyda nhw
|
pan beidiwch â chredu, realiti yw'r hyn nad yw'n diflannu
|
pan chwenychi rywbeth, bydd yr holl fydysawd yn cydgynllwynio i sylweddoli dy ddymuniad
|
pan ddewisa'r duwiau ein cosbi, dim ond ateb ein gweddïau a wnânt
|
pan ddiffiniodd Dr Johnson wladgarwch fel lloches olaf adyn, ’roedd yn anwybyddu posibiliadau aruthrol y gair 'diwygiad'
|
pan ddinistriwch gofebau, cedwch y pedestalau. Gellir wastad eu defnyddio i rywbeth
|
pan ddywedwn 'meddyliwch', yr hyn a olygwn yw 'meddyliwch am farw'
|
pan dyfa' i'n fawr, ’rwy' i am fod yn fachgen bach
|
pan edrychi'n ddwfn i mewn i lygaid rhywun arall, rhaid iti edrych arnat ti dy hun
|
pan fo amheuaeth, mae dyn yn penderfynu o blaid yr hyn sy'n iawn
|
pan fo argyfwng, ceir yn sydyn fod epidemig, un a fuasai wedi ymddangos yn hurt ym mhob cyfnod blaenorol: epidemig gorgynhyrchu
|
pan fo dau fersiwn gwahanol o stori, y peth doethaf yw credu'r un lle y mae pobl i'w gweld ar eu gwaethaf
|
pan fo dau o bobl mewn busnes yn cytuno o hyd, mae un ohonynt yn ddiangen
|
pan fo dau o dan ddylanwad y nwydau mwyaf treisiol, mwyaf gwallgof, a mwyaf diflannol, mae gofyn iddynt dyngu y gwnânt aros yn y cyflwr cynhyrfus, annormal a blinderus hwnnw, yn barhaol, hyd onis gwahano angau
|
pan fo Duw'n aros yn fud, geliir peri iddo ddweud a fynni di
|
pan fo dwy bersonoliaeth yn cwrdd mae fel pe bai dwy gemeg yn cyffwrdd â'i gilydd: os oes adwaith o gwbl, mae'r ddwy'n cael eu gweddnewid
|
pan fo dyn yn darllen, mae'n ei archwilio ei hun. Nid yw gwaith awdur ond rhoi i'r darllenydd ffordd o weld, y tu mewn iddo ef ei hun, rywbeth efallai na fuasai wedi gallu ei ganfod fel arall
|
pan fo dyn yn dwyn dy wraig, nid oes dial gwell na gadael iddo ei chadw
|
pan fo dyn yn fodlon ei fyd, teithio yw aros mewn man arall, nid bod yn bell i ffwrdd
|
pan fo dyn, yng nghwsg ac yn ddi-syfl yn ei wely, yn breuddwydio am rywbeth, beth sydd fwyaf real – ai efô, fel bod ymwybodol, ynteu’r breuddwyd ei hun?
|
pan fo gwyddonydd hyglod, ond oedrannus, yn dweud bod rhywbeth yn bosibl, mae bron yn sicr o fod yn iawn. Pan fo'n dweud bod rhywbeth yn amhosibl, mae'n bur debyg ei fod yn anghywir
|
pan fo pawb yn meddwl yn yr un ffordd, nid oes neb yn meddwl llawer
|
pan fo plentyndod yn marw, yr enw a roddwn ar ei gyrff yw oedolion, a dônt yn rhan o gymdeithas, un o enwau mwyaf llednais uffern. Dyna paham ’rydym yn arswydo rhag plant, hyd yn oed os ydym yn eu caru. Maent yn dangos inni pa mor ddarfodedig ydym
|
pan fo pobl yn rhydd i wneud fel y mynnont, fel arfer byddant yn dynwared ei gilydd
|
pan fo rhinwedd wedi cysgu, bydd yn deffro wedi hadfywio
|
pan fo rhyddid neilltuol o dan sylw, rhyddid yn gyffredinol sydd o dan sylw
|
pan fo rhywun yn honni ei fod yn gwybod beth yw hapusrwydd, gellir bod yn sicr ei fod wedi ei golli
|
pan fo'n datblygu yng nghroth y fam, nid oes yr un syniad yn yr ymennydd
|
pan fo'r angen yn fawr, mae rhai a wnaiff gredu unrhyw beth
|
pan fo'r wasg yn rhydd, a phawb yn medru darllen, mae pob dim yn ddiogel
|
pan fydd dyn am ladd teigr, dywedir mai sbort ydyw; pan fydd teigr am ei ladd ef, dywedir mai ffyrnigrwydd ydyw
|
pan fydd gennych hyder ynoch eich hun, rydych yn magu hyder mewn eraill
|
pan fydd gwir athrylith yn ymddangos yn y byd hwn, mae modd ei adnabod drwy’r arwydd hwn: mae'r holl hurtod yn cynghreirio yn ei erbyn
|
pan fydd llywodraeth yn dibynnu ar fancwyr am arian, hwy ac nid arweinwyr y llywodraeth sy'n rheoli. Y llaw sy'n rhoi sy'n rheoli'r llaw sy'n derbyn. Nid oes gan arian famwlad ac nid oes gan gyllidwyr wladgarwch na pharch. Elw yw eu hunig amcan
|
pan fyddaf farw, ni fydd neb yn wylo amdanaf, ac ni fydd pridd yn fy ngorchuddio, gan mai gwir wynt rhyddid ydwyf
|
pan fyddwn ni'n sâl sylweddolwn nad ydym yn byw ar ein pen ein hunain, ond ein bod wedi ein cadwyno wrth deyrnas arall, a gagendor yn ein gwahanu oddi wrthi, teyrnas ddieithr inni ac un na allwn gael ein deall drwyddi: ein corff
|
pan fyddwn yn ein hanghofio ein hunain y gwnawn bethau sy'n haeddu cael eu cofio
|
pan fyddwn yn ffynnu, mae ein ffrindiau'n gwybod pwy ydym; pan fyddwn yn drallodus, gwyddom pwy yw ein ffrindiau
|
pan gaiff dyn ei fod ar ochr y mwyafrif, mae'n bryd iddo aros ac ailfeddwl
|
pan glywaf y dorfa'n curo dwylo i ddangos cymeradwyaeth i rywun, byddaf bob amser yn tosturio wrtho. Wedyn, nid oes ond iddo fyw yn ddigon hir a byddant yn chwibanu arno
|
pan gyrhaeddodd y cenhadon, gan yr Affricanwyr ’roedd y tir a chan y cenhadon ’roedd y Beibl. Gwnaethant ddysgu inni weddïo â'n llygaid ar gau. Pan wnaethom eu hagor, ganddynt hwy ’roedd y tir a chennym ninnau ’roedd y Beibl
|
pan lygrir yr iaith, cyll pobl ffydd yn yr hyn a glywant, ac arweinia hyn at drais
|
pan na feiddia pobl bellach amddiffyn ei hiaith, mae'n barod i fod yn gaeth
|
pan na fydd dyn bellach yn oer, nac yn newynog nac yn ofnus, mae'n anfodlon
|
pan neidi gyda llawenydd, gofala nad oes neb yn symud y tir oddi tan dy draed
|
pan oeddwn i'n grwt, dywedid wrthyf y gallai unrhyw un ddod yn Arlywydd. Yn awr ’rwyf yn dechrau credu ei bod yn wir
|
pan oeddwn yn iau, gallwn gofio pob dim, p'un a oedd wedi digwydd neu beidio
|
pan orffwysaf fy nhraed mae fy meddwl hefyd yn peidio â gweithio
|
pan roddais fwyd i'r tlodion, dywedasant mai sant oeddwn. Pan holais pam nad oedd dim i'w fwyta gan y tlodion, dywedasant mai comiwnydd oeddwn
|
pan syrthia i gysgu, mae dyn yn ei anghofio ei hun. Pan ddeffry, fe'i cofia ei hun
|
pan wela' i Berlusconi a'r pwtyn arall, mae'n peri imi deimlo awydd i beidio â bod yn un o'r ddynol-ryw
|
pâr yw tri o bobl lle y mae un wastad yn absennol ar y pryd
|
paranöig yw rhywun sy'n gwybod ychydig o'r hyn sy'n digwydd
|
parthed gwerthoedd: cadwn arian mewn coffor, ond breuddwydion... mewn drôr
|
pe bai fy meddyg yn dweud wrtha' i nad oedd gen i ond chwe munud i fyw, nid aros i hel meddyliau a wnawn i, ond teipio ychydig yn gynt
|
pe bai ieuenctid heddiw yn codi i wrthwynebu'r maffia dirgelaidd a hollalluog, gallai, mae'n siŵr, beidio â bod yn hunllef hollbresennol
|
pe bai pob dim ar y ddaear yn rhesymegol, ni ddigwyddai ddim
|
pe bai pobl yn eu hadnabod eu hunain yn well, byddent yn dysgu eu casáu eu hunain
|
pe bai'n rhaid dysgu pob deddf, ni fyddai amser ar ôl i'w torri
|
pe bawn i'n dweud fy ngwir farn, fe gawn fy nwyn i'r ddalfa neu fy nghau mewn gwallgofdy. Dere ’nawr, ’rwy'n siŵr mai felly y byddai hi i bawb
|
pe bawn yn ymerawdwr, dechreuwn lunio geiriadur, er mwyn rhoi ystyr i bob gair
|
pe buasai deddfau Nürnberg wedi cael eu dilyn, buasai pob arlywydd ar yr Unol Daleithiau oddi ar y Rhyfel wedi cael ei grogi
|
pe deallai pobl yn well y peryglon o arfer rhai geiriau neilltuol, câi geiriaduron eu harddangos yn ffenestri'r siopau llyfrau â bandyn coch amdanynt: 'Ffrwydrol - Triniwch â Gofal'
|
pe medrwn ysgrifennu prydferthwch dy lygaid
|
pe na baem ond yn gallu uno â'n gilydd... dyna hardd ac agos fyddai'r dyfodol
|
pe na bai dim carchardai, sylweddolem ein bod i gyd mewn cadwyni
|
pe na bai gwŷr a gwragedd yn byw gyda'i gilydd, byddai llawer mwy o briodasau da
|
pe na buasai Duw wedi creu gwraig, ni buasai wedi creu blodyn ychwaith
|
peidier â gorfodi rhyddid barn cyn cael rhyddid meddwl
|
peidio â chwennych yw'r un peth â meddu
|
peidiodd gwrachod â bod pan beidiasom â'u llosgi
|
peidiwch â cholli amser yn chwilio am rwystrau; efallai nad oes dim
|
peidiwch â cholli eich rhithganfyddiadau. Pan fyddant wedi mynd, efallai y byddwch o hyd yn bod, ond byddwch wedi peidio â byw
|
peidiwch â darllen fel y gwna plant, er mwyn ymddifyrru, nac ychwaith fel yr uchelgeisiol, er mwyn ymaddysgu. Na, darllenwch er mwyn byw
|
peidiwch â gofyn imi fod yn garedig; peidiwch â gofyn ond imi ymddwyn fel pe bawn i felly
|
peidiwch ag arfer y gair estron hwnnw: 'ideals'. Mae gennym y gair brodorol ardderchog hwnnw: 'celwyddau'
|
peidiwch byth â chystadlu â'r bobl drws nesaf. Tynnwch nhw i lawr i'ch lefel chi
|
peidiwch byth â defnyddio ymadrodd estron, na gair gwyddonol, na gair jargon, os na ellwch feddwl am air cyfatebol mewn iaith bob-dydd
|
peidiwch byth â dilyn y llwybr sathredig; dim ond i fan lle y bu eraill o'ch blaen y bydd yn arwain
|
peidiwch byth â meddwl, ni waeth pa mor angenrheidiol neu pa mor gyfiawn fo, nad trosodd yw rhyfel
|
peidiwch byth ag amau na all grŵp bach o bobl ymrwymedig, feddylgar, newid y byd
|
peintiaf bethau fel ’rwyf yn eu gweld yn fy meddwl, nid fel y'u gwelaf â'm llygaid
|
peintiwr yw dyn sy'n peintio'r hyn y mae'n ei werthu. Arlunydd, ar y llaw arall, yw dyn sy'n gwerthu'r hyn mae'n ei beintio
|
penderfynir gwir werth dyn gan ei allu i ymryddhau oddi wrtho ei hun
|
pennaf hanfod addysg yw’r hyn a ddad-ddysgwyd gennym
|
pery dychmygion, er gwaethaf rheswm a gwybodaeth
|
pery euogrwydd cyhyd â'r teimlad o fod yn edifar
|
pesimist: rhywun, pan gaiff ddewis rhwng dau ddrwg, sydd yn dewis y ddau
|
petai pleidleisio'n newid rhywbeth, byddent yn ei wneud yn anghyfreithlon
|
peth cyffredin yw gwneud y syml yn gymhleth; gwneud y cymhleth yn syml, yn rhyfeddol o syml, dyna beth yw bod yn greadigol
|
peth i'w edmygu yw addysg, ond mae'n dda cofio, o bryd i'w gilydd, na all athro ddysgu dim sy'n werth ei wybod
|
peth rhyfeddol yw'r cof dynol, ond mae'n dueddol o fod yn gyfeiliornus
|
pleidleisio yw ildio cyfrifoldeb
|
pleidleisiwch i'r dyn sy'n addo leiaf; ni fydd yn peri cymaint o siom â'r lleill
|
plentyn o hyd yw dyn gonest
|
pleser mwyaf diriaethol y bywyd hwn yw pleser gwag rhith
|
po fwyaf deallus fo dyn, lleiaf y mae'n disgwyl gwiriondeb
|
po fwyaf llygredig y wladwriaeth, mwyaf i gyd o gyfreithiau
|
po fwyaf o bethau y bydd ar ddyn gywilydd ohonynt, mwyaf parchus ydyw
|
po fwyaf o gyfoeth y mae'r gweithiwr yn ei greu, tlotaf yn y byd ydyw
|
po fwyaf o gyfreithiau, mwyaf i gyd o ladron
|
po fwyaf o nwyddau a gynhyrcha, rhataf yn y byd yw'r gweithiwr fel eitem i'w phrynu a'i gwerthu
|
po fwyaf sydd gennych, mwyaf sydd arnoch ei eisiau; po leiaf sydd gennych, mwyaf a roddwch
|
po fwyaf y bydd dyn yn ymdebygu i'r syniad ohono ei hun y mae ef ei hun wedi ei ddychmygu, dilysaf i gyd fydd ef
|
po leiaf a fydd gennym, mwyaf a roddwn. Ymddengys yn hurt, ond dyna resymeg cariad
|
po leiaf y byddi'n bwyta, yn yfed, ac yn prynu llyfrau; po leiaf yr ei i'r theatr, i'r dawnsfeydd, i'r dafarn; po leiaf y byddi'n meddwl, yn caru, yn damcaniaethu, yn canu, yn arlunio, yn ffensio, ac yn y blaen, mwyaf i gyd y byddi'n cynilo, mwyaf i gyd fydd dy drysor, na fydd na gwyfyn na rhwd yn ei lygru - dy gyfalaf. Po leiaf y byddi di, po leiaf y mynegi dy fywyd dy hun, mwyaf i gyd a fydd gennyt, h.y. mwyaf i gyd fydd dy fywyd wedi ei estroneiddio, mwyaf i gyd fydd dy fod wedi ei ddieithrio
|
po uchaf y codwn yn y byd, mwyaf di-nod yr ymddangoswn i'r rhai na allant hedfan
|
po wannaf fo'r corff, mwyaf mae'n gorchymyn; po gryfaf fo, mwyaf mae'n ufuddhau
|
pob dim a wn... ni wn mohono ond am fy mod yn caru
|
pobl ddychmygol sydd yn bod yn ffantasïau awduron yw darllenwyr
|
pobl fel hyn yw gwleidyddion: pan welant y goleuni ym mhen draw’r twnnel, ânt allan a phrynu rhagor o dwnnel
|
pobl sy'n gweld y posibiliadau cyn iddynt fod yn amlwg biau'r dyfodol
|
prentis yw dyn, poen yw ei feistr
|
prif achos lledaenu anwybodaeth dorfol yw bod pawb yn medru darllen ac ysgrifennu
|
prif ffynhonnell problemau yw datrysiadau
|
prin yw'r enaid rhydd, ond ’rwyt ti'n ei adnabod wrth ei weld - yn sylfaenol, am dy fod ti'n teimlo'n dda, yn dda iawn, wrth fod yn agos iddo neu wrth fod yn ei gwmni
|
prin yw’r bobl a ddefnyddia eu deall, ychydig a defnyddia eu calon, unigryw yw’r rhai a ddefnyddia’r ddau
|
priod swyddogaeth dyn yw byw, nod bod. Ni wnaf wastraffu fy niwrnodau yn ceisio eu hestyn. Defnyddio f’amser a wnaf i
|
priodas yw deuddyn yn cytuno i ddweud yr un celwydd
|
priodas: cymuned ac ynddo feistr, mesitres a dau gaethwas, gan wneud cyfanswm o ddau
|
priodas: ffurfioldeb angenrheidiol cyn cael ysgariad
|
priodi gwraig yr wyt yn ei charu ac sy'n dy garu yw betio gyda hi pwy fydd y cyntaf i beidio â charu'r llall
|
priodi yw prif achosi ysgaru
|
profiad yw'r peth rhyfeddol hwnnw sy'n galluogi dyn i adnabod camgymeriad pan fydd yn ei wneud eto
|
profiad: crib y mae bywyd yn ei rhoi iti yn syth ar ôl iti fynd yn foel
|
propaganda yw'r gangen honno o'r gelfyddyd o ddweud celwyddau sydd bron â thwyllo ffrindiau dyn, heb lwyr dwyllo ei elynion
|
pryd bynnag y bydd pobl yn cytuno â mi, ’rwy'n teimlo ei bod yn rhaid fy mod yn anghywir
|
pryd bynnag y byddwch chi'n dysgu, dysgwch i'ch gwrandawyr amau popeth a ddysgwch
|
pryd bynnag y ceir y gall un dyn wneud rhyw ddyletswydd drwy ymroi iddi, mae wastad yn waeth os y'i gwneir gan ddau o bobl - a phrin y caiff ei gwneud o gwbl os bydd tri wrthi
|
pryd y daw UNESCO i enwi'r blaned yn Dreftadaeth i'r Ddynoliaeth?
|
Prydain Fawr yw'r unig wlad yn y byd lle mae'r bwyd yn fwy peryglus na'r rhyw
|
pwy a all wadu nad yw'r amgylchedd wedi cael ei ddinistrio?
|
pwy a ŵyr beth y buasai Columbus wedi ei ddarganfod, pe na buasai America yn y ffordd
|
pwy, wrth gael ei garu, sy'n dlawd?
|
p'un sydd fwyaf euog o'r ddau hyn sy'n camymddwyn: y ferch sy'n pechu am arian, ynteu'r dyn sy'n talu i bechu?
|
p'un sy'n clonio fwyaf, geneteg ynteu'r teledu?
|
