daliaf i gredu bod pobl, mewn gwirionedd, yn dda yn eu calon. Y cwbl sydd yw hyn, ni allaf godi fy ngobeithion ar sylfaen a wnaed o ddryswch, trueni ac angau.
|
dangosir parch at lyfrau drwy eu defnyddio
|
darfu am ddychan gwleidyddol pan ddyfarnwyd y Wobr Nobel am Heddwch i Henry Kissinger
|
darllen yw cyfieithu, oherwydd nid yr un yw profiadau unrhyw ddau ddyn. Mae darllenydd gwael yn debyg i gyfieithydd gwael. Wrth ddysgu darllen yn dda, nid yw dysg cyn bwysiced â greddf
|
darllenwr da, prif ddarllenwr, darllenwr gweithredol a chreadigol, yw ailddarllenwr
|
datblygiad rhydd pobun yw'r amod i ddatblygiad rhydd pawb
|
datblygwyd dulliau o drin afiechydon na wyddys beth ydynt eto
|
dau ddull gweithredu yn unig sydd gan fodau dynol: anghyfrifoldeb a phanig
|
daw breuddwydion yn wir; pe na allent, ni fyddai natur yn ein symbylu i'w cael
|
daw dydd y synnir am lofruddio anifail yn yr un ffordd ag y synnir am lofruddio dyn
|
daw ein bywyd i ben pan dawn am y pethau sydd o wir bwys
|
daw hawliau ohonynt eu hunain i’r sawl sydd yn cyflawni ei ddyletswyddau
|
daw meddu ar lyfr i gymryd lle ei ddarllen
|
daw’r dydd pan fydd lluniau’n cymryd lle dyn, na fydd angen iddo fod mwyach, dim ond gwylio. Mwyach nid bodau byw fyddwn ni ond gwylwyr yn unig
|
deallusyn yw rhywun sydd â meddwl sy'n ei wylio ei hun
|
deallusyn yw'r math o ddyn sydd wedi rhwymo'r llyfrau nad yw wedi eu darllen
|
Deddf Gyntaf Newyddiaduraeth: cadarnhau rhagfarn yn hytrach na'i gwrth-ddweud
|
deddf Meksimen: ni fydd byth ddigon o amser i wneud cyfieithiad da, ond bydd wastad ddigon o amser i'w ail-wneud
|
dedwyddwch - y cyfoeth a erys gan ddyn pan gaiff ei dwyllo'n dda
|
dedwyddwch eithaf bywyd yw’r argyhoeddiad o gael eich caru er eich mwyn chi eich hun, neu a chywiro hynny, o gael eich caru er eich gwaethaf
|
defnydd yw'r athro ieithoedd gorau
|
defnyddio dy feddwl yn ddilyffethair, dyna wir ddedwyddwch
|
dehonglir atgofion fel breuddwydion
|
deil gwybodaeth i gynyddu gan y gallwn ein seilio ein hunain ar waith y meddyliau mawr sydd wedi ein rhagflaenu
|
delfrydiaeth yw'r doga bendefigaidd y bydd boneddigion y byd gwleidyddol yn ei thaenu dros eu hewyllys i gael grym
|
democratiaeth annwyl, tyrd adre', ’dyw hi ddim yn rhy hwyr
|
democratiaeth yw dewis eich unbeniaid, wedi iddynt ddweud wrthych yr hyn ’rydych chi'n meddwl eich bod am ei glywed
|
democratiaeth yw'r enw a roddwn ar y bobl bob tro y bydd arnom eu hangen
|
democratiaeth: a ninnau, felly, heb allu gwneud cyfiawnder yn gryf, ’rydym wedi penderfynu mai grym yw cyfiawnder
|
dengarwch: ffordd o gael ateb cadarnhaol heb fod wedi gofyn yr un cwestiwn clir
|
dengys hanes inni fod pobl, pan ddarganfyddant farbariaeth, yn ymfyddino er mwyn ei hatal
|
dewrder yw beth sydd ei angen i sefyll ar eich traed a siarad; dewrder hefyd yw beth sydd ei angen i eistedd a gwrando
|
dewrder yw ofni cael eich gweld fel cachgi
|
dial creulonaf merch yw aros yn ffyddlon i ddyn
|
diau fy mod yn wallgof; ond os nad wyf, ni ddylai'r lleill fod yn rhydd ychwaith
|
diau mai'r unig heddwch parhaol a geir rhwng dyn a'i wraig yw ymwahaniad
|
difethir yr hanner cyntaf o'n bywyd gan ein rhieni, a'r ail hanner gan ein plant
|
dilynwch siampl y goreuon, y rhai sy'n rhoi'r gorau i bob dim er mwyn adeiladu gwell byd
|
dim ond ar bethau nad oes gan ddyn ddiddordeb ynddynt y mae modd rhoi barn wir ddiduedd; diau mai dyna paham y mae barn ddiduedd wastad yn gwbl ddi-werth
|
dim ond atal barngyflawniad eto y mae adolygiad da gan y beirniaid
|
dim ond â'r galon y gwelir yn iawn. Mae'r hyn sydd yn hanfodol yn anweledig i'r llygad
|
dim ond cyfleustra'r trechaf yw cyfiawnder
|
dim ond cyfnewid hwyliau drwg liw dydd ac aroglau drwg liw nos yw priodas
|
dim ond cynllunio gwael yw antur
|
dim ond drwy ddynwared eraill y daw dyn yn ddyn
|
dim ond drwy eu defnyddio y daw geiriau'n eiriau da, gwir a dilys mewn iaith
|
dim ond drwy'r aneffeithiol y mae gwyddoniaeth y Gorllewin wedi llwyddo i symud ymlaen, o'r syml i'r cymhleth
|
dim ond enw a roddwn ar ein camgymeriadau yw profiad
|
dim ond gair arall am ryddid meddwl yw heresi
|
dim ond gan ddynion mawr y mae gwendidau
|
dim ond gweision i weini ar fancwyr yw gweleidyddion
|
dim ond gwella rhywun sydd ei eisiau er mwyn ei ddifetha
|
dim ond gwirio darganfyddiadau greddf a wna gwyddoniaeth
|
dim ond gwirioniaid sydd heb amheuon. Wyt ti'n siŵr? ’Does dim amheuaeth gen i!
|
dim ond gwyliadwriaeth y farn gyhoeddus sy'n sicrhau dyfodol unrhyw gymdeithas
|
dim ond os cymerwch ffordd y machlud y cewch hyd i wrid y wawr
|
dim ond pan fo'n ddigon tywyll y gwelir y sêr
|
dim ond pan fyddant am ymddangos yn wahanol i'r hyn ydynt y bydd pobl yn wirion
|
dim ond pan nad oes ganddynt ddim dewis y daw pobl yn arwyr
|
dim ond rhith cyndyn o barhaol yw’r gwahaniaeth rhwng y gorffennol, y presennol a’r dyfodol
|
dim ond rhith yw realiti, er ei fod yn un parhaus iawn
|
dim ond rhywun sydd ond codi carreg i edrych o dani ydw i. Nid arna’ i mae’r bai os bydd angenfilod yn ymddangos o bryd i’w gilydd
|
dim ond set o luniau yn yr ymennydd yw pob bywyd, ac o'u plith nid oes gwahaniaeth rhwng y rhai a enir i bethau go-iawn a'r rhai a enir i freuddwydio cudd, ac nid oes achos i brisio'r naill rai'n fwy na'r lleill
|
dim ond sŵn yw gair a dim ond papur yw llyfrau
|
dim ond tlodi pobl a wna rhwystrau, dim ond peri iddynt fod yn greulon wrth ei gilydd, gwneud iddynt siarad iaith ryfedd, annealladwy, â’i gilydd am le i fyw ac am reidrwydd geowleidyddol, ac achosi iddynt wneud datganiadau i eithrio mewnfudwyr estron, bron fel pe baent yn wahanglwyfus, ac fel pe bai’r ffordd ofnadwy y bydd pob pobl yn troi i mewn arni ei hun yn gallu creu, yn lle trueni ac anfodlonrwydd, gyfoeth a grym
|
dim ond trafferth a achosodd y Gwaharddiad
|
dim ond tro sâl a wneir â ni er mwyn parhau'r ddynoliaeth yw cariad
|
dim ond tynnu ar ein cof yw dychymyg
|
dim ond un broblem athronyddol wir ddifrifol sydd, sef hunanladdiad
|
dim ond un llwyddiant sydd - gallu byw dy fywyd yn dy ffordd dy hun
|
dim ond wedi dymchwel y goeden olaf, dim ond wedi gwenwyno'r afon olaf, dim ond wedi dal y pysgodyn olaf, y pryd hynny yn unig y byddwch yn deall na ellir bwyta arian
|
dim ond y gelfyddyd o lanw lleoedd gwag yw newyddiaduraeth
|
dim ond y meddwl wedi ei leihau i'w ffurf symlaf yw iaith
|
dim ond y rhai sydd yn meiddio methu llawer a all gael llwyddiant mawr
|
dim ond y sawl nad yw wedi astudio dim yn drylwyr sydd ag argyhoeddiadau
|
dim ond y sawl nad yw'n ofni marw dros y gwirionedd sy'n deilwng o siarad amdano
|
dim ond y sawl sydd am dalu trethi a ddylai fyw mewn llochesi rhag trethi, gan mor fach yw pob un ohonynt
|
dim ond y sawl sy'n anhapus iawn sydd â'r hawl i dosturio wrth rywun arall
|
dim ond yn eithafion y raddfa gymdeithasol y caiff brenhinoedd eu cydnabod
|
dim ond yr hyn a gollais sy'n perthyn imi am byth
|
dim ond yr hyn na thalwyd amdano sy'n profi'n gostus
|
dim ond yr hyn sydd fwyaf manteisiol i'r cryfaf yw cyfiawnder
|
dioddef heb gwyno yw'r unig wers sy'n rhaid inni ei dysgu yn y bywyd hwn
|
diolch i Dduw, comiwnydd ydw' i
|
diplomydd yw dyn sydd wastad yn cofio pen blwydd menyw heb fyth gofio ei hoedran
|
dirwasgiad ydyw pan gyll dy gymydog ei waith; argyfwng ydyw pan golli d'un di
|
disgwyliwn am y diwrnod y cawn ddweud hyn yn unig wrth ein meirwon: nid ydym wedi ildio, nid ydym wedi rhoi'r gorau iddi, nid ydym yn euog o frad
|
disodli’r hyn a oedd yn gweithio gan rywbeth a swniai’n dda fu llawer o hanes cymdeithasol y byd gorllewinol dros y tri degawd diwethaf
|
diwedd doethineb yw breuddwydio mor uchel fel y collir y breuddwyd wrth ei geisio
|
diweirdeb - y mwyaf annaturiol o'r holl wydroadau rhywiol
|
diwygiwr: dyn sy'n teithio ar hyd carthffos mewn cwch â gwaelod gwydr
|
diwylliant yw'r hyn a erys mewn dyn pan fo wedi anghofio pob dim
|
does dim angen pregethau ar yr ifainc, ond yn hytrach siamplau o onestrwydd, o ffydd mewn egwyddorion ac o anhunanoldeb
|
doeth yw'r sawl sy'n mwynhau'r sioe a gynigir gan y byd
|
doethineb yw cael gwared â'r diangen
|
drama yw bywyd, un nad yw'n caniatáu rhoi cynnig arni. Felly, cenwch, wylwch, dawnsiwch, chwerddwch a mynnwch fyw'n angerddol, cyn i'r llen ddisgyn ac i'r darn ddiweddu heb gymeradwyaeth
|
drama yw bywyd. Nid ei hyd sy'n cyfrif, ond ansawdd y perfformiad
|
dros y tri degawd diwethaf, ’rydym wedi llithro’n araf o fod ag economi marchnad i fod yn gymdeithas farchnad. Teclyn gwerthfawr ac effeithiol i drefnu gweithgarwch cynhyrchu yw economi marchnad. Mae ‘cymdeithas farchnad’, fodd bynnag, yn fan lle y mae pob dim ar werth. Ffordd o fyw ydyw, lle y mae’r farchnad yn rheoli pob cylch o fywyd
|
drwy brofiad chwerw, ’rydym yn dysgu bod yr organeb sy'n dinistrio ei amgylchfyd yn ei ddinistrio ei hun
|
drwy ein moesau 'rydym yn unioni cam ein greddfau, a thrwy gariad ’rydym yn unioni cam ein moesau
|
drwy faeddiadau y dysgir y gelfyddyd o ennill
|
drwy gerdded y gwneir llwybrau
|
drwy gymryd arno ei fod yn ffŵl, mae Pinochet wedi dangos ei fod yn ddeallus iawn... fel milwr
|
drwy siarad ieithoedd gwahanol y deallwn ein gilydd yn well
|
dweud a wna'r athro gweddol. Egluro a wna'r athro da. Dangos a wna'r athro rhagorol. Ysbrydoli a wna'r athro mawr
|
dŵr yw 80% o wneuthuriad dyn, felly nid oes ryfedd ei fod mor llygredig
|
dwywreiciaeth yw cael un gwr yn ormod. Mae'r un peth yn wir am unwreiciaeth
|
dwy' i ddim yn ddigon ifanc i wybod pob dim
|
dwy' i ddim yn mynd i eistedd wrth dy fwrdd di a dy wylio di'n bwyta, heb ddim byd ar fy mhlât i, a dweud mai ciniawr ydw i. 'Dyw eistedd wrth dy fwrdd di ddim yn gwneud dyn yn giniawr. 'Dyw bod yma yn America ddim yn gwneud dyn yn Americanwr
|
dwy’ i ddim yn credu bod dyn yn werth cymaint iddo gael dwy fenyw neu fod menyw yn werth cyn lleied iddi fod yn ail ddewis
|
dyfeisiau semiotig yw dillad: mewn geiriau eraill, peiriannau cyfathrebu
|
dylai celwyddgi gofio, er mwyn iddo gael ei gredu, na ddylai ddweud mwy o gelwyddau nag sy'n rhaid
|
dylai dyn wastad chwarae'n deg... pan fydd yn siŵr o ennill y gêm
|
dylai dyn wastad fod mewn cariad. Dyna paham na ddylid byth briodi
|
dylai fod un diwrnod, un yn unig, pan fo'n dymor agored i hela seneddwyr
|
dylai pawb sy'n cael ei eni fod yn ddoeth iawn wrth ddewis y lle, y flwyddyn a'r rhieni
|
dylai pobl wybod pa beryglon sy'n eu hwynebu wrth geisio eu lladd eu hunain
|
dylai unrhyw Americanwr sydd yn barod i sefyll i gael ei ethol yn arlywydd gael ei wahardd, yn awtomatig, rhag byth wneud hynny
|
dylai'r byd chwerthin yn fwy, ond wedi bwyta
|
dylem ddweud mai gau yw pob gwir na chafodd ei ddatgan ag o leiaf un chwarddiad
|
dylem feddwl mwy am wneud yn dda nag am deimlo'n dda; wedyn byddem yn teimlo'n well
|
dyletswydd uchaf dyn yw amddiffyn anifeiliaid rhag creulondeb
|
dyletswydd yw'r hyn a ddisgwylir gan eraill
|
dylid gweld Bradley Manning fel arwr. Mae’n gwneud yr hyn y dylai dinesydd onest, parchus, ei wneud: rhoi gwybod i bobl eich gwlad beth mae’r llywodraeth, y bobl sydd yn eich rheoli, yn ei wneud. Maent hwy, wrth gwrs, am ei gadw’n gyfrinach
|
dylid prisio dant yn uwch o lawer na diamwnt
|
dylid ystyried mai anonest yw dweud y gwir mewn ffordd anniffuant
|
dyma beth sy'n dda am ddemocratiaeth: mae i bob barn ei llafar ond afraid gwrando
|
dyma nhw'n gofyn imi: ydych chi o blaid dadreoli cyffuriau? A dyma finnau'n ateb: dechreuwn yn gyntaf drwy ddadreoli bara. Mae gwaharddiadau aruthrol arno drwy hanner y byd
|
dyn dall mewn ystafell dywyll yn chwilio am gath ddu, nad yw yno, yw athronydd. Diwinydd yw'r sawl sy'n dod o hyd iddi
|
dyn ydwyf i â'r un cyraeddiadau â rhywun arall o'm cenhedlaeth i, ond ni fu i mi erioed ddweud yr hyn nad oeddwn am ei ddweud, hyd yn oed os na ddywedais bob amser yr hyn yr oeddwn am ei ddweud
|
dyn yw'r unig anifail sy'n cochi - neu sydd ag angen ei wneud
|
dyn yw’r unig greadur sy’n gwrthod bod yr hyn ydyw
|
dyna bryderon a â gyda'r gwynt pan benderfynir bod yn rhywun, yn hytrach nag yn rhywbeth
|
dyna ddigon am gyffuriau mewn chwaraeon; gwahardder y profion!
|
dyna drueni nad pechod yw yfed dŵr - dyna braf fyddai!
|
dyna ffodus i reolwyr yw nad yw pobl yn meddwl
|
dyna fuan y gwnaethom anghofio'r amser pan oeddem yn ymfudwyr
|
dyna f'egwyddorion; os nad ydych chi'n eu hoffi, mae gen i rai eraill
|
dyna gyfnod ofnadwy pan fo'r gwirion yn arwain y dall
|
dyna hawdd yw ysgrifennu'n anodd
|
dynion mawr yw'r rhai sydd fwyaf ar eu pennau eu hunain
|
dynwared, mewn sain neu mewn syniadau, yw naw deg naw y cant o unrhyw 'waith creadigol' - lladrad bwriadol, mwy neu lai
|
dysgu siarad yw dysgu cyfieithu
|
dysgwyd inni gredu nad oes angen i'r hyn sy'n hardd fod yn ddefnyddiol ac na all y defnyddiol fod yn hardd. 'Rwyf i am ddangos y gall y defnyddiol fod yn hardd hefyd
|
dyw pobl ddim yn cael syniadau gwych; y syniadau gwych sy'n cael hyd i bobl
|
dywed y gwir bob hyn a hyn, fel y byddant yn dy gredu pan ddywedi gelwydd
|
dywed yr eglwys fod y Ddaear yn wastad, ond fe wn ei bod yn gron, gan fy mod wedi gweld y cysgod ar y lleuad, ac mae gennyf fwy o ffydd yn y cysgod nag yn yr Eglwys
|
dyweddi yw dyn hapus sy'n barod i beidio â bod felly
|
dywedwn gelwyddau er mwyn goddef ein bodolaeth, ac yn anad dim dywedwn gelwyddau wrthym ni ein hunain
|
dywedwn hefyd fod rhywbeth annelwig braidd am ryddid; ond nid oes dim byd annelwig am ei absenoldeb
|
