ra binvidikaomp an eil egile dre hon diforc'hoù
|
ra blijo d'an neb na c'hall ket ober ar pezh a garfe ober, ober ar pezh a c'hall ober
|
ra fougaso ar re all al levrioù bet savet ganto; me zo stad ennon gant ar pajennoù am eus lennet
|
rak mann n'hon eus ezhomm da gaout aon, nemet rak an aon e-unan
|
rak n'eo ket mab-den met kentoc'h ar bed a zo deuet da vezañ amreizh
|
rakwelet a zo diaes, dreist-holl rakwelet an dazont
|
ral e vez priziet gant ar merc'hed ar baotred o douj ar muiañ
|
ral eo ar re a implij o spered, nebeut a implij o c’halon, dibar ar re a implij an daou
|
rannet e vez an dud e daou rummad: ar re reizh hag ar re enepreizh. Gant ar re reizh eo e vezont rannet
|
rannet eo ar bed etre ar re na gouskont ket dre m'o deus naon hag ar re na gouskont ket p'o deus aon rak ar re naonek
|
re eus ar pezh a vez graet 'an deskadurezh' anezhañ n'eo ket kalz muioc'h eget un emglozadur ker diouzh ar gwirvoud
|
red hor buhez eo ar gwir velezour d'hor poell
|
reiñ a c'haller hep karout, ne c'haller ket karout hep reiñ avat
|
reiñ un askorn d'ar c'hi n'eo ket brokusted ar galon. Seurt brokusted zo rannañ an askorn gant ar c'hi pa vezit ken marnaoniet eveltañ
|
reizhañ stil an den zo reizhañ e zoare soñjal
|
relijion a-walc'h hon eus evit hol lakaat da gasaat an eil egile, ket a-walc'h avat evit karout an eil egile
|
rener ur gelaouenn zo un den hag a zisparti ar gwinizh diouzh ar pell hag a embann, neuze, ar pell
|
renkañ ul levraoueg zo un doare sioul da vezañ burutellour skridoù
|
ret bezañ gwellwelour a-benn bezañ Demokrat, ha ret bezañ farser a-benn chom unan
|
ret deomp holl, a-benn gouzañv ar gwirvoud, magañ ennomp un nebeud follezhoùigoù
|
ret dit cheñch da zoare soñjal, ha n'eo ket da oabl
|
ret e vefe deomp disfiziout e n'eus forzh pe embregerezh hag a c'houlenn ur gwiskamant nevez
|
ret e vefe deomp lavaret ez eo gaou pep gwirionez n'eo ket pep distaget gant da nebeutañ ur c'hoarzhadenn
|
ret e vefe d'an den bezañ piket e galon a-hed ar wech. Setu perak e vefe ret chom hep dimeziñ
|
ret e vefe d'an den bezañ reizh e c'hoari... pa vez sur ez aio ar maout gantañ
|
ret e vefe d'an dud gouzout peseurt riskloù zo pa glaskont en em zistrujañ
|
ret e vefe d'ar bed c'hoarzhin muioc'h, goude debriñ avat
|
ret e vefe d'ar gaouiad gouzout, a-benn bezañ kredet, e rankfe chom hep kontañ nemet ar gevier ret
|
ret e vefe d'ar vell-droad en em zieubiñ diouzh an apotikerien hag ar finañserien
|
ret e vefe kaout un devezh, unan hepken, pa ne vez ket difennet chaseal ar senedourien
|
ret e vefe priziañ un dant kalz muioc'h eget un diamant
|
ret e vefe sellet ouzh Bradley Manning evel un haroz. Emañ oc’h ober ar pezh a rankfe ur c’heodedour onest, reizh, ober: reiñ da c’houzout da dud ar vro petra emañ ar gouarnamant, ar re a zo o ren, oc’h ober. Int, anat deoc’h, a fell dezho mirout se evel un dra guzh
|
ret e vefe soñjal muioc'h diwar-benn an oberoù mat eget diwar-benn en em gavout mat; mont a rafe gwell ganeomp goude
|
ret eo bezañ kreñv-meurbet evit karout an digenvez
|
ret eo da n'eus forzh pe zen hag a zellez bezañ graet den anezhañ rebech dezhañ e-unan ar rebechoù graet da n'eus forzh pe zen all
|
ret eo da vab-den lakaat termen d'ar brezel, anez e lakaio ar brezel termen da vab-den
|
ret eo deomp bezañ izelek, ha gouzout ivez ez eo izeloc'h ar re all egedomp-ni
|
ret eo deomp digeriñ an hent evit ar rummadoù nevez, rak ma ne reomp ket en em lakaint dirazomp forzh penaos
|
ret eo deomp holl sentiñ d'al lezennoù; evit o c'hompren, avat, ez eus ezhomm eus un alvokad
|
ret eo deomp stourm a-enep ar yezh a-benn chom hep bezañ bec'hiet gant he stummoù-lavar, he c'hlichedoù hag he zroiennoù boas - kement tra hag a verk ar skrivagner fall
|
ret eo d'an demokratelezh bezañ muioc'h eget daou vleiz hag ur penn-deñved o vouezhiañ a-benn divizout petra a vo da goan
|
ret eo stourm evit ar peoc'h dre zoareoù peoc'hus
|
ret-mat eo din o heuliañ, rak me eo o rener
|
risklus eo bezañ ar gwir ganit pa vez ar pennadurezhioù e gaou
|
risklus eo bezañ gwirion, ma n'oc'h ket genaouek ivez
|
risklus eo d'un den war ar renk e votadegoù ar prezidant distagañ komzoù hag a c'hallfe an dud derc'hel soñj anezho
|
ro da skouarn d'an holl, met da vouezh da nebeut. Selaou rebech pep hini, met mir da varn da-unan
|
roet e vez urzhioù d'an natur dre sentiñ outi
|