kac'herien e vefe kalz a dud, mar o devije kalon a-walc'h
|
kaerat e oa ma voe berzet outi tostaat ouzh Tour Pisa
|
kaerder ar brezel eo e laka pep penn-bras war ur bagad muntrerien bennigañ e vanniel, hag aspediñ a ra Doue, kent mont da beurzistrujañ e amezeien
|
kalite ul levr a zo diouzh e lenner
|
kalon eo a rank an den kaout a-benn sevel en e sav ha komz; kalon eo ivez a rank an den kaout evit mont en e goazez ha selaou
|
kalz a dud a vev laouen hep gouzout dezho
|
kalz eus hor politikourien zo divarrek. Ar re all zo barrek d'ober n'eus forzh petra
|
kalz muioc'h a vez distrujet dre gomzoù mab-den eget dre e zilavar
|
kalz tud a garfe chom hep paeañ an tailhoù; nemet ar binvideien ne zeu a-benn d'en ober avat. Ar beorien a gompren, neuze, ez eo ret dezho paeañ memes evito
|
kannader: un den onest hag a gaser d'an estrenvro da gontañ gevier evit mad e vro
|
kaout a c'haller ar yezh hep arc'hant, hep madoù, hep nerzh politikel ha hep an dimeziñ, met ne c'haller ket kaout arc'hant, madoù, nerzh politikel nag an dimeziñ hep ar yezh
|
kaout disfiz er c'homzoù ne ra tamm ebet kement a zroug evel kaout re a fiziañs enno
|
kaout kalon zo kaout aon da vezañ kemeret evel kac'her
|
kaout kalz a vennozhioù n'eo ket a bouez, met kentoc'h bevañ unan anezho
|
kaout kement a yezhoù disheñvel eo kevrinusañ fed an denelezh
|
kaout kement tra zo ret evit bezañ laouen n'eo ket abeg da vezañ laouen
|
kaout keuz ha neuze adkregiñ, eus ar penn kentañ - setu ar vuhez
|
kaout lorc'h en deskamant eo ar gwashañ diouiziegezh
|
karg an arbennigour n'eo ket bezañ ar gwir gantañ muioc'h eget gant ar re all, met kentoc'h bezañ en e c'haou evit abegoù tri mil kempennetoc'h
|
karout a ran ar merc'hed, met ne vaman ket outo
|
karout a ran bro-Alamagn kement ma kaven gwell kaout div
|
karout a ran, karout a rez, karout a ra, karout a reomp, karout a rit, karout a reont. Salv ne vefent ket displegadurioù, met ar gwirvoud
|
karout a reomp ar vuhez, n'eo ket dre ma'z omp boas da vevañ, met dre ma'z omp boas da garout
|
karout a ris, karet e voen, ha flouret e voe va dremm gant an heol. Buhez, ne zleez netra din! Buhez, kuitez omp!
|
karout e labour eo an damheñvalañ tra ouzh an eurvad evit mab-den er bed-mañ
|
karout hon enebourien (evel ma c'houlenn an Aviel) n'eo ket ul labour evit an dud, met evit an aelez
|
kavout a ra deomp ez eus ur gwir vro ac'hanomp; e gwirionez, avat, a-boan ma'z eus ac'hanomp muioc'h eget stumm ar maezioù
|
kavout a ra din e c’hallfen mont gant al loened da chom, hag int ken habask ha ken distrafuilh; chom a ran da sellet outo e-pad pell, pell. Ne vrevont ket o c’horf ouzh al labour na klemmichal diwar-benn o stad; ne chomont ket dihun en deñvalijenn ha gouelañ en askont d’o fec’hedoù; ne heugont ket ac’hanon o vreutaat o dlead da Zoue; hini ebet n’eo drouklaouen – hini ebet n’eo sot gant an albac’henn ma rank bezañ perc’henn war draoù; hini ebet ne zaoulin ket dirak unan all, na dirak unan eus e seurt a voe bev miliadoù a vloavezhioù zo; hini ebet n’eo kiriek nag oberiant dre ar bed a-bezh
|
kavout a ra din e tellezimp, deiz pe zeiz, bezañ dieubet diouzh ar gouarnamantoù
|
kavout a ra din em eus kavet al liamm a vank etre al loened hag homo sapiens sevenet: ni an hini eo
|
kavout a ra din eo Kissinger an anatañ torfedour brezel a zo libr er bed
|
kavout a ra din ez eo lazhañ n’eus forzh pe loen bev un tammig evel en em lazhañ hon-unan, ha ne welan diforc’h ebet etre poanioù ul loen ha poanioù un den
|
kavout a ra din ez eo ret doujañ al lezenn, gant ma vez implijet da zifenn ar re zinershañ en hon touez
|
kavout a ra din n'eo ket e pelec'h emaomp eo a gont er bed-mañ kement ha war-zu pelec'h emaomp o vont... ret merdeiñ, a-wechoù gant an avel hag a-wechoù a-benn d'an avel, ret deomp merediñ avat, ha n'eo ket bezañ kaset gant red an dour, na chom war an eor
|
kavout a ra din, evel ma kav deoc'h-c'hwi, ez eo risklusoc'h an aozadurioù-bank eget an armeoù padel
|
kavout a ran ez eo barbar n'eus forzh pe dorfed graet a-enep un den o vezañ ma'z eo eus ur bobl pe eus ur relijion all, pe dre ma n'eo ket eus an hevelep live er gevredigezh, pe dre ma komz ur yezh all
|
kazus e kaven ma bloavezhioù er Parlamant, ken kazus evel ma bloavezhioù er skol eil-derez e Torino. Ur c'holl amzer, penn da benn
|
kazus eo pizhoni speredel ar re a oar tra pe dra met a chom hep strivañ da dreuzkas ar ouiziegezh-se
|
kefridi nemeti renkad ar vicherourien eo bezañ skouer vat
|
keit ha ma seller ouzh ar brezel evel ar fallagriezh e talc'ho d'hon boemañ. Pa vo sellet outañ evel un dra ledet ne vo mui gwelet mat
|
keit ha ma tegemer an dud loustajoù e tegasint korvoadur d'ar re o gwerzh
|
keit ha ma vez graet troidigezhioù, ur c'harbed zo eus ar yezh, ha n'eo ket penn an hent
|
keit ha ma'm bez tra pe dra d'ober c'hoazh, ne'm bo graet netra
|
kement a ijiner a zo gwir
|
kement a lezennoù zo ma n'eus den na c'hallfe ket bezañ krouget
|
kement den a vez ganet a rankfe bezañ fur, fur a-fed dibab al lec'h, ar bloaz hag ar gerent
|
kement eus ar pezh a vez graet 'ar renerezh' anezhañ a dalvez lakaat skoilhoù war hent an neb a labour
|
kement kemm a vez graet en hol lezennoù a gemer arc’hant eus godell un den hag en laka e godell un den all
|
kement mennozh zo a zo en empenn c'hoazh, dres evel emañ kement delwenn zo er maen-marbr
|
kement tra a c'hall bezañ ijinet a vo sevenet, gant den pe zen, deiz pe zeiz
|
kement tra a ouzon... n'her gouzon nemet dre ma karan
|
kement tra a vez termenet dizere ganeomp hiziv a zo bet dereat da soñj an dud ur wech bennak, tu pe du. Ha gwarantiñ a c'haller n'aio ket an istor war e c'hiz?
|
kement tra a zebromp hep na vefe ret evit gwir a zo preizh diouzh kofoù ar beorien
|
kement tra n'ouzon ket am eus desket er skol
|
kementad ar re zizesk hag ar re zesket a chom evel ma oa - bremañ avat e oar ar re zizesk skrivañ
|
kemer an dramm evit an atletour zo evel kontañ gevier ha laerezh evit ar politikour. Diaes da chom hep ober
|
ken alies e vez sontet an dud ken n'o deus kollet pep barn
|
ken diaes eo d'ar fur da gaout pinvidigezh evel d'ar pinvidig da gaout furnez
|
ken na vo liv kroc'hen an den hep muioc'h a dalvoudegezh eget liv e zaoulagad, e vo brezel e pep lec'h
|
ken na zeu e vennozh da vat, un den ideet eo an hini en deus ur mennozh nevez
|
keneiled eo al lodenn-se eus ar ouenn denel a c'haller bezañ denel ganti
|
kent cheñch mennozh bezit sur hoc'h eus ur varn da cheñch
|
kent soñjal penaos kelenn e vefe mat lakaat anat pe zisoc'hoù a glasker
|
kentañ arouez ar marv eo ar c'hanedigezh
|
Kentañ Lezenn ar C'hazetennerezh: kadarnaat ar rakvarnioù kentoc'h eget sevel en o enep
|
kentañ mojenn ar renerezh eo ez eus anezhañ. Eil mojenn ar renerezh eo e klot ar berzh a reer gant ar varregezh
|
kentañ pal ar skoliour zo krouiñ tud hag a zo desket drezo o-unan
|
kentoc'h eget ar garantez, an arc'hant hag ar brud, ro din ar wirionez
|
kentoc'h eget freuzañ ar binvideien e rankomp freuzañ ar beorien
|
kentoc'h eget na soñjer en em zigoro balioù bras, ha tud zieub a yelo hebiou a-benn sevel ur gevredigezh well
|
kentoc'h eget reiñ alc'hwezioù kêr d'ur politikour, e c'hallfe bezañ gwell cheñch an torzhelloù
|
kerkent ha ma krog un den da gomz ur yezh estren e kemm e ardoù hag e jestroù, ha yezh e gorf. Un den all eo endeo
|
kerkent ha ma stag an den da c'houlenn petra eo ster ha talvoudegezh ar vuhez, eo klañv
|
kerkent ha ma vez gouzañvet un dra bennak e teu da vezañ un dra hag a c'haller reuzañ, ha dindan nebeud amzer e teu da vezañ normal
|
kevredad-labour ar vedisinerezh zo deuet da vat da c'hourdrouz ar yec'hed
|
kevredigezh Amerika zo aozet e doare ur c'henreizhadur plezhennet, anezhañ damunpiauoù, brudet evit bezañ aes da werzhañ, ha mouezherien, brudet evit bezañ dic'houiziek, hag a vez diheñchet gant ur yoc'hstlenn, brudet evit bezañ faos
|
kevrin an eürusted zo kouezhañ en temptadur
|
kinnig a ran an embannadur-mañ da'm enebourien o deus va skoazellet kement em micher
|
kinnig ar sevenadur zo kinnig ar sec'hed. Ar peurrest a zeu war-zilerc'h
|
klask a dalvez kaout ur pal, met kavout a dalvez bezañ dieub, bezañ prest da zegemer, bezañ hep pal
|
klask a ris ar bervezhded, ha distrujañ ar pezh a yae mat en-dro
|
klaskit al lu e pep tra, hag e gavout a reoc'h
|
klemm, evel ma vez graet abaoe pell, ez eo savet ar yoc'hsevenadur evit ar re unnek vloaz, a zo ur gaou mezhus. Ez hengounel ez eo bet e-tro pevarzek vloaz an oad diazez
|
komz a blij din. Alies ne gomzan nemet evit va c'hlevet va-unan o komz. A-wechoù e vezan ken ampart ken na gomprenan ket ar pezh am eus lavaret
|
komz krenn-ha-krak ha frañchamant gant da alvokad... E labour-eñ, neuze, a vo luziañ pep tra
|
komz zo treiñ, selaou zo treiñ, lenn zo treiñ, skrivañ zo treiñ, soñjal zo treiñ. An holl dud a dro, war-bouez troourien zo
|
koñsul. E politikerezh Amerika, un den, pa n'eo ket deuet a-benn da gaout ur post dre an dilennadegoù, a zo roet unan dezhañ gant ar velestradurezh, gant ma'z asant da guitaat ar vro
|
kontañ a reomp gevier a-benn gouzañv hor buhez, ha dreist-holl e kontomp gevier deomp-ni hon-unan
|
kontañ eo a ra ar c'helenner madik. Displegañ eo a ra ar c'helenner mat. Diskouez eo a ra ar c'helenner dreist. Awenañ eo a ra ar c'helenner meur
|
kontañ gevier zo un dra ret-holl a-benn gallout gouzañv ar vuhez
|
kouezhañ e karantez zo evit ar servijourien
|
kouezhañ e karantez zo ur stad dibad a vleuperezh
|
kred soñjal
|
krediñ a ran start e tarzh ar gwir lezennel diwar an dispac'h
|
krediñ a ran start ez eo dav kompren un destenn a-benn ober un droidigezh vat diwarni, hag evit kompren, ez eo dav bezañ bet bevet er bed ha bet darempredoù gant ar bed evel m'emañ. Pleustriñ war ar c'homzoù hepken n'eo ket a-walc'h
|
krediñ a reer e vestronier ar gerioù, ar gerioù eo avat hor mestron ni
|
krediñ en araokaat ne dalvez ket krediñ ez eus bet graet araokadennoù
|
krediñ zo krouiñ
|
kredit pep tra a lavarer deoc'h diwar-benn ar bed; n'eus mann re zivalav da vezañ dibosubl
|
kresk ar furnez a c'hall bezañ muzuliet resis gant an digresk er vuanegezh, a glot gantañ
|
kresk broioù an trede bed a zo diouzh an dizoudardiñ
|
krisañ veñjañs ur plac'h zo chom feal d'ur gwaz
|
Krist a varvas evit hor pec'hedoù. Ha krediñ a rafemp didalvoudekaat e verzherinti dre chom hep pec'hiñ?
|
krougañ a reomp al laeron vihan, hag el laeron vras e fiziomp kargoù publik
|
