da belec'h emaout o vont, Ivan? Da vMinsk. Gevier a lavarez, Ivan! Lavaret a rez din emaout o vont da vMinsk a-benn lakaat ac'hanon da grediñ emaout o vont da vMoscova, met evit gwir ez eo da vMinsk emaout o vont. Gevier a lavarez, Ivan!
|
da bep kudenn luziet ez eus un disoc'h eeun - an dra-se n'eo ket gwir
|
da betra e talvez ar vuhez, ma n'eo ket kalonek a-walc'h an den da stourm?
|
da gavout ur mignon ez eo ret serriñ ul lagad; evit e virout ez eo ret serriñ daou
|
da gentañ holl ez eus ezhomm d'un den a stad bezañ enoëus. Kement-se n'eo ket aes atav
|
da gentañ, bez dieub - goude, goulenn ar frankiz
|
da gomunisted zo, bezañ enep-komunist a dalvez bezañ faskour. Kement-se a zo digomprenus, evel lavaret eo mormon an neb na lavar ket eo katolik
|
da vare ar brezel ez eo ken prizius ar wirionez ma vefe ret dezhi bezañ difennet dalc'hmat gant ur bagad gevier
|
da vare ar sotoni, sot eo da'n den soñjal ne grogo ket ar sotoni ennañ
|
da vare ur c’hriz, n’eo nemet ar faltazi a zo pouezusoc’h eget ar ouiziegezh
|
da zen ebet ne vank morse un abeg mat evit en em zistrujañ
|
dalc'hbec'h, an neb a zo bet fouge ennañ en ur lâret e oa bet degaset un dispac'h gantañ, en deus gwelet antronoz ne ouie tamm petra e oa oc'h ober, ne oa ket an dispac'h heñvel e nep doare ouzh an hini en dije karet ober
|
dalc'hmat ez eus un doare mat; dalc'hmat ez eus un doare fall. Bep gwech ez eo hini fall a hañval bezañ ar poellekañ
|
dalc'hmat on bet estonet gant an troioù sot a vez ret d'ar stêrioù ober a-benn tremen dindan kement pont zo
|
dalc’hit soñj atav ez oc’h dibar e pep keñver. Dres evel an holl dud all
|
daou seurt skinwelerezh zo: ar skinwelerezh speredek a ra ur bobl diaes da ren, hag ar skinwelerezh genaouek, a ra ur bobl aes da ren
|
daou zoare zo da aloubiñ ha da yeviñ ur vroad. An eil zo dre ar c’hleze, hag egile zo dre an dleoù
|
daou zoare zo da dizhout an eürusted: ober an neuz da vezañ foll eo an eil, ha bezañ foll eo egile
|
daoust ha gouzout a rit petra en an den avat? Ur reuzeudig a zo ret dezhañ mervel, reuzeudikoc’h eget ar buzhug pe eget delioù warlene a oa marvet hep ober van outañ
|
daoust hag ar merc'hed war ar ru eo a zo o varmouzañ ar merc'hed er skinwel, pe er c'hontrol? Pe, a-hend-all, daoust ha n'eont ket holl da gaout ar memes kuzulierien, ha tra ken?
|
daoust hag evit pet den e talvezo chom bev, pa ne varvimp mui?
|
daoust ma'z eus kement a yezhadurourezed hag a yezhadurourien, muioc'h memes...
|
darn a gav dezho e vez heritet an ijin; darn all n'o deus ket a vugale
|
dav eo disfiziout en nevezadennoù diezhomm - dreist-holl pa vezont renet gant ar poell
|
dazont hor bugale a sell atav ouzh hiziv. Warc'hoazh a vo re ziwezhat
|
da'm meno, hor frankiz a lakaer en arvar muioc'h gant an ensavdaurioù-bank eget gant an armeoù padel. Mar lez pobl Amerika, deiz pe zeiz, d'ar bankoù prevez ren skignerezh o moneiz, da gentañ dre ar revoneizadur ha neuze dre zic'hwez ar moneiz, e tiouerint ar bobl eus an holl vadoù, ken na zihuno o bugale hep ti nag aoz war ar c'hevandir bet gounezet gant o zadoù
|
da'm meno, tra ma vez trawalc'h ez eo ar baourentez un droug ha n'eur ket evit e c'houzañv
|
dedennet omp holl gant an tremened, dre ma'z eo an dra nemetañ a anavezomp hag a garomp evit gwir
|
deiz pe zeiz e vimp ur bobl c'hoazh, n'eo ket Iuzevien hepken
|
dek munud hoc'h eus evit embreger ur mennozh, kent na zistroio da vro an huñvreoù
|
dellid bras ar gevredigezh eo e vezomp lakaet ganti da brizañ an digenvezded
|
demokratelezh kaezh, deus d'ar gêr, amzer zo c'hoazh
|
demokratelezh: ha ni, neuze, dic'houest da lakaat ar justis da vezañ kreñv, hon eus divizet eo an nerzh ar justis
|
den an trede mileniom en devo sevenadur Bush, onestiz Berlusconi ha madelezh Putin
|
den ne c'hall da lakaat da santout izeloc'h eget ar re all hep na asantfes
|
den ne c'hall pignat war da gein ma ne vez ket daougrommet
|
den ne c'hall, e-pad pellik amzer, diskouez un dremm dezhañ e-unan hag unan all d'an engroez, hep na zeufe, erfin, da vezañ daoubennet, hep gouzout pehini eo an dremm gwirion
|
den ne fich ma blev gwelloc'h eget an avel
|
den ne glev nemet ar pezh a gompren
|
den ne ra muioc'h a zroug eget ar re a ya dre-holl oc'h ober vad
|
den ne sell er geriadur a-raok komz
|
den ne zellez da zaeloù, hag an hini o dellez ne'z lakao ket da ouelañ
|
den ne zlefe bezañ perc'henn war vuioc'h a vadoù eget na zo ret evit bevañ; ar peurrest, evit bezañ reizh, a rankfe bezañ e-kerz ar stad
|
den ne'n deus ar gwir da vezañ laouen e-unan-penn
|
derc'hel a ran da grediñ ez eo mat an dud, e gwirionez, en o c'halon. Eeun eo an afer: n'on ket evit sevel va esperañsoù war un diazez n'eus ennañ nemet an dizurzh, an dienez hag ar marv.
|
deskard eo an den, ar boan eo e vestr
|
desket em eus implijout ar ger 'dibosupl' gant ar brasañ aked
|
desket em eus n'he deus ur vuhez talvoudegezh ebet, met ivez n'eus netra a dalvez muioc'h eget ur vuhez
|
desket omp bet da grediñ n'eus ket ezhomm d'ar pezh a zo kaer bezañ talvoudus ha ne c'hall ket ar pezh a zo talvoudus bezañ kaer. Fellout a ra din diskouez e c'hall ar pezh a zo talvoudus bezañ kaer ivez
|
deskiñ komz a zo deskiñ treiñ
|
deuet omp pelloc'h da vezañ ar pezh a stourmemp en e enep da ugent vloaz
|
devezh diwezhañ ar bloaz n'eo ket devezh diwezhañ an amzer
|
devezh ebet n'eo ket re hir evit an neb a labour
|
diaes anavezout an neb a ya anezhañ e-unan gant red an dour
|
diaes eo bezañ didroidell mar bezer speredek, evel ma'z eo diaes bezañ onest ma bezer uhelbal
|
diaes eo chom hep c'hoantaat gwreg un den all: goude holl, n'eo ket gwall zedennus ar re n'int ket da zen ebet
|
diaes eo gouzout gant piv e vezer noazet ar muiañ, gant enebourien mennet da ober o gwashañ, pe gant keneiled mennet da ober o seizh gwellañ
|
diaes eo krediñ emañ an den o lavaret ar wirionez pa ouzoc'h e kontfec'h-c'hwi ur gaou ma vijec'h en e lec'h
|
diaes eo lakaat an den da gompren tra pe dra pa zepant e c'hopr war chom hep e gompren
|
diaes-bras eo labourat en un doare dreist, ha war un dro disprizañ al labour a rez
|
diasur eo e pelec'h e vo ar marv ouzh da c'hortoz, neuze gortoz eñ e pep lec'h
|
diazezañ levraouegoù zo evel sevel skiberioù boutin evit mirout ar greun, kalziñ traoù rak kousk goañv ar spered, a welan menegoù niverus emañ o tont, en desped din
|
dibaot eo an ene libr, e anaout a rez avat p'en gwelez - dreist-holl dre m'en em santez mat, mat-kenañ, pa vezez tost dezhañ pe pa vezez gantañ
|
diboell ha kriz, gant ur bagad brokerien o trokañ arc'hant, e voe krouet ur bed digevatal, reuzeudik hag euzhus. Ret eo lakaat an termen d'o fennvestroniezh, hep termal tamm
|
didermen eo an hollved avat
|
diemsav-tre en deiz a hiziv eo bezañ bet desavet mat, rak mirout a ra ouzhoc'h a gemer perzh e kement a draoù
|
dieskuz eo d'ar skiantourien boureviañ al loened; graent o zaolioù-arnod, kentoc'h, war ar gazetennerien ha war ar bolitikourien
|
dieubidigezh sklaved ar Su zo lod eus ar stourm evit dieubiñ labourerien an Norzh
|
digant ar vutunerien e c'hallomp deskiñ gouzañv ar re all. N'on en em gavet gant den ebet hag a glemm en abeg d'ar re na vutunont ket
|
digarezit ac'hanon ma ran 'tudchentil' ac'hanoc'h, met n' ho anavezan ket mat
|
digollet e vez ar marv dre vevañ
|
dimezelezh: daou zen hag a'n em glev evit kontañ ar memes gaou
|
dimezelezh: ur gumuniezh enni ur mestr, ur vestrez ha daou sklav, oc'h ober daou en holl
|
dimeziñ gant ur plac'h a garez hag a'z kar a zo pariañ ganti karantez piv a baouezo da gentañ
|
din e seblant ez eer re bell ganti evit a sell an ifern hag an neñvoù: oberoù mab-den ne zellezont ket kement-se
|
dindan ur gouarnamant hag a doullbac'h en un doare direizh, al lec'h evit un den reizh zo un toull-bac'h ivez
|
diorren libr pep hini eo an diviz evit diorren libr an holl
|
diorret ez eus bet doareoù da bareañ kleñvedoù hag a zo c'hoazh dianav
|
diouiziegezh an den eus e ziouigiezh e-unan eo ar gwashañ diouiziegezh
|
diouzh ei brenester e selaou buhez ar bed hag an dud, ha gouzout a ra ez eo lakaet er-maez, met n'en em zistruj ket, dre ma lavar ur c'hreunennig feiz outañ e rank gouzañv ar boan-mañ en e galon betek ar penn, ar boan zivent-mañ, a daolenn ar pezh, en diwezh, a varvo
|
diouzh ret, ar madoù prevez zo un dle a rank bezañ adpaeet d'ar geveredigezh
|
dirouestlañ hor c'hudennoù a dalvez kemmañ penn-da-benn an darempredoù kenetrezomp-ni hon-unan hag an darempredoù gant hon holl amzer dremenet
|
disfiz an den ennañ e-unan zo kentañ arouez ar speredegezh
|
disoc’h pep dispac’h modern zo bet kreñvaat galloud ar stad
|
disouezhet on bet ivez gant anien mab-den, ha lezet eo bet a-gostez ganin, p'en kaven re heñvel ouzh va anien-me
|
distambouc'h eo kuriusted an dud a-fed pep tra nemet ar pezh a dalvez ar boan gouzout
|
dit-te, ar yezh santel/ dit-te, ar yezh a azeulan/ muioc'h eget an holl arc'hant/ muioc'h eget an holl aour
|
divarvel eo an nep a vev evit ar momed
|
divezh ec'h implij ar varzhed o skiant-prenañ: diwadañ a reont anezhi
|
diwall petra a c'hoantaez, bez' e c'hallfe dont da wir
|
diwallit da dermenañ ar re a zo a-du ganeoc'h evel ar re speredek nemeto
|
diwallit: derc'hel a ra korf Marx da alanat
|
diwallit: pennadurezhioù ar yec'hed a c'hall bezañ noazus
|
diwar an empenn, ha diwar han empenn hepken, e sav hor plijadur, hol levenez, hor c'hoarzhin hag hor farsal, kenkoulz hag hor poan hag hon doan
|
diwar o anien e plij d'ar Saozon n'eus forzh piv hag a zo hep talant hag a zo izelek a-fed se
|
dizoleiñ ur vro nevez hag hec'h aloubiñ zo bet atav ar memes tra
|
dle ar stad zo bras a-walc'h ma c'hall ober war e dro e-unan
|
dlead reizh mab-den eo bevañ, ket bezañ. Ne gollin ket va devezhioù o klask o astenn. Implijout a rin va amzer
|
dont da bennvad zo dont da vezañ ar gwellañ ma c'haller
|
Doue n'eo ket evit kemmañ an tremened; setu perak e rank gouzañv ez eus eus an istorourien
|
dour eo a ra 80% eus an den, neuze n'eus ket de vezañ souezhet ez eo saotret
|
dousig: un doare ledet-tre da gomz ouzh unan all, implijet evit komz gant un den eus ar reizh all pa n'eur ket evit derc'hel soñj eus e/hec'h anv
|
dre an drougziwezhoù e tesker an arz a c'hounit
|
dre ar skiant-prenet c'hwerv emaomp o teskiñ ez eo en em zistrujañ a ra an organeg a zistruj hec'h endro
|
dre chañs ez eo deuet Bush da zifenn an demokratelezh
|
dre forzh dont da vezañ heñvel ouzh ar pezh n'omp ket e paouezomp a vezañ ar pezh omp
|
dre gerzhet e vez savet ar gwenodennoù
|
dre gomz yezhoù disheñval en em gomprenomp gwell
|
dre hor buhezegezh e tivankomp mankoù hon anien, ha dre ar garantez e tivankomp mankoù hor buhezegezh
|
dre ma ne c'hall ket an dud stourm a-enep ar marv, ar reuzidigezh hag an diouiziegezh, o deus divizet, a-benn bezañ eürus, chom hep soñjal enno
|
dre ma ne gred morse ur politikour ar pezh a lavar en em gav souezhet pa greder e vo den d'e c'her
|
dre ma ne oan ket chalet gant va ganedigezh, n'on ket chalet gant ar marv
|
dre ma ne ouie ket da belec'h edo o vont e teuas an denelezh a-benn da gavout he hent
|
dre o implijout e vez respetet al levrioù
|
dre ober an neuz da vezañ foll en deus diskouezet Pinochet ez eo speredek-meurbet...evel brezelour
|
dreist pep tra all, ar strolladoù politikel hiziv a ro lañs d'ar galloud ha d'an ostizerezh
|
drevezañ eo a ra ar varzhed n'eo ket bet peurzesket o micher ganto. Laerezh eo a ra ar varzhed mailh war o micher
|
drevezañ, a-fed son pe a-fed mennozhioù, eo naontek ha pevar-ugent dre gant a bep 'krouidigezh' - laerezh a-ratozh-kaer, tamm pe damm
|
drougweler: un den, p'en devez da choas etre daou zroug, a zibab an daou
|
droukskoueriet on gant an diforc'hiñ diwar vugale, rak evidon, evel evit meur a hini all, ez eo lezenekaat ar muntrañ
|
d'an ampoent, war-bouez ar butun, an alkool hag ar skinwel, ez eo difennet ar braz eus an drammoù gant al lezenn; hor bugale koulskoude a c'hall, dalc'hmat, o c'havout e-kichen pep skol
|
d'ar brederourien e seblante bezañ anat e oa un argerzh a gasas eus an amibenn da vab-den an araokadur, met hag a-du e vefe an amibenn gant se, n'ouzer ket
|
d'ar muiañ, ur pemp pe ur c'hwec'h bennak a zevezhioù diankouaus en devez an den en e vuhez; evit ar peurrest, ne reont nemet stoufañ un toull
|
d'hor mare-ni ez eo heñvel an deskadurezh eil-derez ouzh un diwallerezh evit ar re a zo, koulz lavaret, oadourien, ma c'hall bezañ, dre zegouezh, un tamm deskadurezh, met ma ne c'haller ket kaout fiziañs ez eo gwall dalvoudus war an holl
|
d'ur poent resis, evit ma'z afe tra pe dra en-dro c'hoazh, ret lakaat pep tra en argoll
|
