Logos Multilingual Portal

Select Language

à a b c ç d ë e f g h i l m n o ò p q r s t u v

...l\'ùnico vëo libbro, un scrïtô no gh\'à de beseugno de inventâlo into vëo senso da pòula perché o l\'è drento de niätri e basta tradùilo. O travaggio de \'n scritô o l\'é o travaggio de \'n traduttô
Marcel Proust
a bellessa a serve a-e dònne pe ëse ammæ da-i òmmi, a nesciaia pe ammâ i òmmi
Coco Chanel
a bellessa a sta inti euggi de chi ammïa
Anonymous
a Bibbia a ne mostra a voei ben a-i nòstri nemixi pægio che se foìsan nòstri amixi. Fòscia perché son e mæxime personn-e
Vittorio De Sica
a burocraçìa a l\'é un meccanìximo zagante ch\'o ven mansinòu da di nanetti
Honoré de Balzac
a çerchia da perfeçion de soventi a mette di sapelli a-o megioamento
George F. Will
à chi à vinto no se ghe ciamma s\'o l\'à dïto a veitæ ò no. Quande se inandia e se comensa \'na guæra no conta ninte aveighe raxon, ma vinse
Adolf Hitler
a coltùa a l\'é un instromento ch\'o ven manezzòu da-i professoî pe fabbricâ di ätri professoî che fabbrichian à sò vòtta di ätri professoî
Simone Weil
a conscensa a l\'é a voxe de drento chi n\'avverte che quarchidun porrieiva veine
H.L. Mencken
a conscensa a l\'é un can chi ne lascia passâ, ma niätri no ghe poemmo impedî de baiâ
Nicolas de Chamfort
a conversaçion a pòrta di fruti söo che tra di spïti che son appreuvo à fâ cresce i sò dubbi
Emil Cioran
a corpoaçion di mëghi a l\'é vegnùa à ëse unna gran menassa pe-a sanitæ
Ivan Illich
a cortexia a l\'é a lengua che o sordo o sta à sentî e che l\'òrbo o vedde
Mark Twain
a cortexìa a l\'è pe-a natùa umann-a quello che o cädo o l\'é pe-a çeivia
Arthur Schopenhauer
a cösa che tutti çe sentimmo ciù attræti o l\'é o passòu, appreuvo ch\'a l\'é l\'ùnica cösa che conoscemmo e che ghe voemmo ben pe \'n davvei
Pier Paolo Pasolini
a cösa ciù bella che a natùa a l\'à dæto à l\'òmmo a l\'é a vitta curta
Plinius Secundus
a cresciansa de sæximo a se peu mesuâ con preçisùa da quante s\'ammerma o sangue marso
Friedrich Wilhelm Nietzsche
a deçixon crestiann-a de conscidiâ o mondo brutto e grammo a l\'à fæto vegnî o mondo brutto e grammo
Friedrich Wilhelm Nietzsche
a delinquensa organizzâ a l\'é söo che l\'ätra cäa (sossa) do dòllao
Raymond Chandler
a democraçìa a dà à ciaschidun a poscibilitæ d\'opprìmmise da pe lê
James Russell Lowell
a democracìa a dovieiva ëse quarcösa de ciù che doî loî e \'n bæ che vótan in sce cöse mangiâ da çenn-a
James Bovard
a democraçia a l\'é a patética confiansa into sæximo collettivo de \'n\'ignoansa personale
H.L. Mencken
a democraçìa a l\'é fraga e de ciantâghe tròppo bandëe de d\'äto a se fregoggia
Enzo Biagi
a democraçia a sostituisce a deçixon de \'na minoansa de corrotti con l\'eleçion de \'na maggioansa ch\'a no se n\'intende
George Bernard Shaw
a desgraçia de sto paise a l\'é che gh\'é tròppo polìtichi che se créddan, in caxon de \'nna convinsion basâ in sce l\'espeiensa che se pòsse imbroggiâ tutti pe de longo
Franklin Pierce Adams
a destinaçion a l\'é partî
Giuseppe Ungaretti
à dî a veitæ, se sa solo quande se sa pöco. Con ciù se sa, ciù cresce i dubbi
Johann Wolfgang von Goethe
a dònna a l\'é un regallo ch\'a ve çerne
Georges Brassens
a dònna che, da comm\'a fa, s\'accapisce ch\'a faià \'na scena se ghe dian a veitæ, a domanda che se ghe conte de micce
Elizabeth Jenkins
a duâ da pascion a l\'é in proporçion da rexistensa ch\'a fa a dònna a-o prinçipio
Honoré de Balzac
à fâ compricòu quello che l\'é sencio no ghe veu guæi, ma fâ che e cöse compricæ pàggian sence inte \'na mainëa da no créddise, te â lì a creativitæ
Charles Mingus
a fantaxìa di òmmi a l\'é ciù pövia che a realtæ de pe coscì
Cesare Pavese
a farta de quarcösa che se vorriæ a l\'é unna parte da feliçitæ che no se peu fâne de meno
Bertrand Russell
a fedeltæ a l\'é l\'arte de mette e còrne söo che co-o penscëo
Décoly
a feliçitæ a l\'é anâ d\'accòrdio con ti mæximo
Luis Buñuel
a feliçitæ a l\'é l\'éstaxi sempiterna d\'ëse mastrussæ ben ben
Jonathan Swift
a feliçitæ a l\'é quarcösa de mäveggioso, con ciù ti ne dæ e ciù te n\'arresta
Blaise Pascal
a feliçitæ a l\'é unna recompensa ch\'a l\'arriva à chi no l\'à çercâ
Anton Chekhov
a feliçitæ a l\'é \'na condiçion imaginäia, che \'na vòtta i grændi attribuìvan a-i figgeu, e òua i figgeu a-i grændi
Thomas Szasz
a feliçitæ a no l\'é quarcösa che ti preuvi, ma quarcösa che ti t\'arregòrdi
Oscar Levant
a finalitæ a peu giustificâ i mezi, basta che ghe segge quarcösa che giustìfiche a finalitæ
Leon Trotsky
a finansa a l\'é l\'arte de fâ passâ e palanche da \'na man à l\'ätra fin tanto che no scéntan
Rober W. Sarnoff
a fìxica a l\'é comme o sesso, de segùo a peu avei de conseguense pràtiche ma no l\'é pe quello che se ghe dedichemmo
Richard P. Feynman
a fòrsa de \'nna lengua a no consciste into refuâ quello che l\'é foestê, ma inte l\'ascimilâlo
Johann Wolfgang von Goethe
a gente a no meue pe farta de dinæ, ma perché a no peu arrivâ a-e resòrse
Vandana Shiva
a Gexa a dixe che a Tæra a l\'é ciatta, ma mi sò ch\'a l\'é rionda, percöse ò visto a seu ombra inta lunn-a e gh\'ò ciù confiansa inte \'n\'ombra che inta Gexa
Ferdinand Magellan
a giöxìa a l\'é un beuiâ de cæn ch\'o l\'attïa i laddri
Karl Kraus
a giustiçia a l\'é söo che a convegnensa do ciù fòrte
Plato
a giustiçia a l\'é söo che quello che ghe ven ciù ben a-o ciù fòrte
Thrasymachus
a gran differensa tra o sesso à pagamento e o sesso de badda a l\'é che, pe comun, o sesso à pagamento o l\'é ciù à bon patto
Brendan Francis
a grandixe a no sta into reçeive di onoî, ma into meitâli
Aristotle
a guæra a l\'é a forma de terrorìximo moderno ciù praticâ
Gino Strada
a guæra a l\'é döçe pe chi no a conosce
Desiderius Erasmus von Rotterdam
a guæra a l\'è o massacro de òmmi che no se conóscian, pe l\'avvantaggio de òmmi che se conóscian ma schivian de massacrâse
Paul Valéry
a guæra a l\'é o scistema che o Segnô o l\'à çernùo pe mostrâ a giografìa a-i americæn
Ambrose Bierce
a guæra a l\'é unna leçion de l\'istöia che i pòpoli no s\'arregòrdan mai basta
Benito Mussolini
a guæra a no se peu umanizzâ a se peu solo abolî
Albert Einstein
a lengua a l\'é a pelle de l\'ànima
Fernando Lázaro Carreter
a lengua a l\'é ben ben ciù sciätâ che a vitta
Manuel Seco
a lengua a l\'é söo che a reduçion do penscëo a-a sò forma ciù sencia
Anonymous
a lengua a l\'é un segno, o segno ciù importante da nòstra condiçion umann-a
Octavio Paz
a lengua a l\'é unna pelle, mi fretto a mæ lengua contra unn\'ätra
Roland Barthes
a lengua a l\'é unn\'arte anònima, collettiva e inconscente, o resultato da creativitæ de miggiæa de geneaçioin
Edward Sapir
a lettùa a l\'é pe-a mente quello che a ginnàstica a l\'é pe-o còrpo
Joseph Addison
a levre ghe gusta a polenta. O dixe o cheugo
Stanislaw Jerzy Lec
a leze, inta sò grandiosa imparsialitæ, a proibisce segge a-i mosci segge a-i misci de dormî sotta i ponti
Anatole France
a lezze ciave do capitalìximo a l\'é: ò mi ò ti; no mi e ti
Karl Liebknecht
a libertæ a l\'é comme a poexìa; a no l\'à de mestê de aggettivi: a l\'é libertæ!
Enzo Biagi
a libertæ a l\'é mai tanto de quello preçiosa che bisà scompartîla
Wladimir Iljitsch Lenin
a libertæ a no l\'existe, ma a çerchia da libertæ scì, e a l\'é sta çerchia chì ch\'a ne fa lìbei
Carlos Fuentes
a libertæ d\'ammâ a no l\'é meno santa da libertæ d\'appensâ, quello che ancheu ciàmman mette e còrne, unna vòtta ô ciammàvan erexìa
Victor Hugo
a libertæ solo pe chi sostegne un goerno, a libertæ de chi appartegne à \'n partïo, a no l\'é libertæ. A libertæ a l\'é de longo solo a libertæ de chi a pensa à unn\'ätra mainëa
Rosa Luxemburg
a lòtta contra o poei a l\'é a lòtta da memöia contra l\'obliansa
Milan Kundera
a l\'é sta pascion pe-i libbri ch\'a m\'à fæto vegnî a nescia ciù instruïa do mondo
Louise Brooks
a l\'ëa mai tanto bella che gh\'aivan proibïo d\'anâ da-a vexin a-a Töre de Pisa
Anónimo
a màchina fotogràfica a no peu contâ de stoppe, ma a peu aggiuttâ à contâle
Harold Evans
a maffia a l\'é un tràffego comme \'n ätro co-a defferensa che d\'ògni \'n pittin a späa
Mario Puzo
a mainëa de constrùe unna superstar a l\'é de fâghe tegnî a bocca serrâ. Revelâ un artista a-o pùbbrico peu voei dî mandâlo à quaterno. No serve à nisciun de vei a veitæ
Bob Ezrin
a malinconia a l\'é a feliçitæ d\'ëse triste
Victor Hugo
a màscima speçializzaçion a l\'é a ciù gran farta de coltùa
José Ortega y Gasset
a mattaia a l\'é unna condiçion umann-a. A mattaia a l\'é drento de niätri comme a raxon. O problema o l\'é che a societæ pe ciammâse çivile a doviæ açettâ a raxon e a mattaia ascì
Franco Basaglia
a megio mainëa de fâse imbroggiâ a l\'é quella de créddise d\'ëse ciù fùccai di ätri
François de La Rochefoucauld
a megio mainëa de gödîse a libertæ a l\'é de dâne tanta a-i ätri
Carlo Dossi
a megio mainëa de imprende à fâ un cine a l\'é de fâne un
Stanley Kubrick
a memöia di òmmi a l\'é \'na cösa mäveggiosa, ma a fa di äri
Primo Levi
a mòrte a l\'é quarcösa che no beseugna aveine poïa, perché, quande ghe semmo lê a no gh\'é, e quande lê a gh\'é niätri no ghe semmo ciù
Epicurus
a mòrte a l\'é unna condiçion de perfeçion, l\'ùnica che un òmmo mortâ o ghe peu arrivâ
Emil Cioran
a mòrte a mette poïa, ma mettieiva ancon ciù poïa o savei de dovei vive in sempiterno e no poei moî mai ciù
Anton Chekhov
a mòrte a no sta into no poei comunicâ, ma into no poei ciù fâse accapî
Pier Paolo Pasolini
a mòrte a se paga de vive
Giuseppe Ungaretti
a mòrte a viveiva drento de mi, scin ch\'a no m\'à lasciòu pe anâ à vive inte \'n ätro còrpo
Octavio Paz
a moæ a l\'é o cheu mòrto da famiggia. A spende o meise do poæ pe accattâ di ben de consummo da meggioâ o pòsto che lê o mangia o dòrme e o mïa a televixon
Germaine Greer
a mæ religion a l\'é de çercâ a veitæ inta vitta e a vitta inta veitæ
Miguel de Unamuno
a naçion ch\'a s\'arroinn-a a seu tæra, a s\'arroinn-a da pe lê
Franklin Delano Roosevelt
a natùa umann-a a l\'é quella cösa ch\'a ne fa giastemmâ o pedon quande guidemmo e l\'ötista quande anemmo à pê
Oren Arnold
a neçescitæ a n\'à de leze
Oliver Cromwell
a no l\'é a lòtta ch\'a ne constrenze à ëse artisti, a l\'é l\'arte ch\'a ne constrenze à lottâ
Albert Camus
a no l\'é a vitta chi detèrmina a conscensa, ma a conscensa chi detèrmina a vitta
Karl Marx
a nostargia a n\'é ciù quella de \'nna vòtta
Simone Signoret
a paxe a no l\'è un regallo che o Segnô o fa a-i òmmi, o l\'é un regallo che i òmmi se fan à lô
Elie Wiesel
a paxe ciù desgraçiâ a l\'é megio che a guæra ciù giusta
Desiderius Erasmus von Rotterdam
a paxe de drento a l\'é neçessäia pe scombatte i messaggi de terrô co-i quæ i grændi interesci se preuvan à rovinâ a vitta de tutti
Arturo Paoli
a pëna a l\'é a lengua de l\'ànima
Miguel de Cervantes
a perdia a m\'à dæto a-a testa
Ennio Flaiano
a pezo intolleransa a ne ven da quello che ciàmman raxon
Miguel de Unamuno
a poexìa a l\'azzonze vitta a-a vitta
Mario Luzi
a poexìa a l\'é o conzónzise de doe pòule che no çe figuemmo che pòssan mescciâse e fórman quarcösa coscì comme inte \'n mistëio
Federico García Lorca
a poexìa a me serve pe dî quello che no se peu dî
José Hierro
a poïa de stâ da soli a l\'é ciù fòrte che a poïa de ligagge, e coscì çe sposemmo
Cyril Connolly
a polìtica a l\'é l\'ombra che e grænde intrapreise fan cazze in sciâ societæ
John Dewey
a polìtica a l\'é un atto d\'equilibrìximo tra quelli che veu intrâ e quelli che no veu sciortî
Jacques-Benigne Bossuet
a polìtica a l\'é \'na guæra ch\'a no spanteiga de sangue, tanto che a guæra a l\'é unna polìtica ch\'a spanteiga do sangue
Mao Zedong
a polìtica a no l\'é l\'arte do poscìbile. A consciste into çerne tra o desastroso e o desgustoso
John Kenneth Galbraith
a polìtica, ch\'a l\'é l\'arte de occupâse da cösa pùbbrica, a l\'é fæta da-i polìtichi, che son di artisti di daffæ privæ
Carl William Brown
a pòula a l\'appartegne pe meitæ à chi parla e pe meitæ à chi sta à sentî
Michel de Montaigne
a pòula a rende l\'òmmo lìbeo. Chi no se sa esprimme o l\'é un scciavo
Ludwig Feuerbach
a prefaçion a l\'é a parte ciù importante de \'n libbro. Â lézan scinn-a i crìtichi
Philip Guedalla
a primma cösa ch\'a fa unna dònna quand\'a veu che un òmmo o l\'acciappe, l\'é méttise à corrî
Molière
a primma meitæ da nòstra vitta ne l\'arroinn-a poæ e moæ, a segonda i nòstri figgi
Clarence Darrow
a primma miccia da gestion a l\'é a convinsion de existe. A segonda che arriescî veu dî ëse intranti
Robert Heller
a primma raxon de chi mostra a l\'é quella de formâ da gente ch\'a sacce imprende da pe lê
Daniel De Montmollin
a proibiçion de l\'incesto a no se àpprica à l\'amô che gh\'emmo pe niätri mæximi
Yossi Sarid
a propaganda a l\'é quella ramma de l\'arte da böxìa chi consciste inte l\'imbroggiâ tòsto i amixi, sensa imbroggiâ pe ninte i nemixi
Frances Cornford
a proprietæ a l\'é unn\'inçenta, quello che se creddemmo de aveighe, in realtæ o l\'é lê ch\'o ne possede
Alphonse Karr
a qualitæ de \'n libbro a depende da chi ô leze
Emilio Praga
a raxon de l\'educaçion a l\'è de cangiâ unna mente veua con unn-a averta
Malcolm Steve Forbes
a raxon do travaggio a l\'é quella de guägnâse o tempo lìbeo
Aristotle
a raxon primmäia da polìtica a l\'é de tegnî de longo a popolaçion in allarme, co-a sprescia d\'ëse ghiâ verso a seguessa, in menassâla con \'na quantitæ sensa fin de fäsci allarmi, tutti imaginäi
H.L. Mencken
a realtæ a l\'é quella cösa che, quande ti fornisci de créddighe, a no svampisce
Philip K. Dick
a reçerca de base a l\'é quella che fasso quande no sò cöse son appreuvo à fâ
Wernher von Braun
a reçerca in scê mouttìe a l\'é anæta mai tanto avanti che à momenti no s\'attreuva ciù nisciun ch\'o segge san arrëo
Aldous Huxley
a reclamme a se peu descrive comme a sciensa d\'affermâ l\'intelligensa umann-a quello tanto che basta pe tiâghe feua di dinæ
Stephen Leacock
a ricchessa di pövei a l\'é rappresentâ da-i seu figgi, quelli di ricchi da poæ e moæ
Massimo Troisi
a sàtira polìtica a no serve ciù à ninte da quande Henry Kissinger o l\'à piggiòu o Premmio Nobel pe-a paxe
Tom Lehrer
a scheua a l\'é l\'agensìa de reclam ch\'a te fa credde d\'avei de beseugno da societæ coscì comm\'a l\'é
Ivan Illich
a sciensa a no m\'inteessa. A no tegne in conscideaçion o seunno, l\'azzardo, a contradiçion, o sentimento; tutte cöse che pe mi en preçiose
Luis Buñuel
a sciollaia da gente a ne ven da l\'aveighe \'na respòsta à tutto. O sæximo do romanzo o ne ven da l\'aveighe unna dimanda pe tutto
Milan Kundera
a se ciamma recescion quande o tò vexin o perde o travaggio; deprescion quande ti ô perdi ti
Harry S. Truman
a sencitæ a l\'é a forma da vëa grandixe
Francesco De Sanctis
a senestra a l\'é un mâ ch\'o se peu comportâ söo che perché gh\'é a drïta
Massimo D'Alema
a servitù de belle vòtte, a no l\'è \'na violensa di baccæn, ma unn\'intentaçion di servi
Indro Montanelli
a seu conscensa a l\'ëa netta, de fæto o no â deuviava mai
Stanislaw Jerzy Lec
a smersa umann-a a gh\'à söo che unn\'arma ch\'a l\'é pe in davvei de bon riescî: o rïe
Mark Twain
a smersa umann-a a no peu comportâ tròppo realtæ
Carl Jung
a soçietæ a l\'é permisciva inte cöse che no costa racca
Enzo Biagi
a soçietæ a peu existe solo in sce \'nna çerta base de corteixi böxìe e à condiçion che nisciun no digghe pe \'n davvei quello ch\'o pensa
Lin Yutang
a soçietæ a tegne da conto i òmmi normali. A l\'éduca i figgeu à arroinâse da lô e à vegnî strafaläi, e coscì ëse normali. Di òmmi normali an massòu maniman çento mioin de ätri òmmi normali inti ùrtimi çinquant\'anni
R.D. Laing
a sola cösa ch\'a spartisce da quello ch\'o vorriæ inta vitta a l\'é de soventi söo che a voentæ de provâ, a forsa de credde ch\'a segge poscìbile
Richard M. DeVos
a sola feliçitæ a-o mondo a sta into comensâ. Vive l\'é bello perché vive veu dî comensâ, de longo, tutti i momenti
Cesare Pavese
a sola mainëa de protezze a nòstra coltùa, l\'é açettâ de méttila à peigo
Paul Andreu
a sola mainëa de stâ ben de salute a l\'è quella de mangiâ quello che no n\'emmo coæ, beive quello che no ne gusta e fâ quello che no vorriëscimo fâ
Mark Twain
a sola miscioin de classe popolare a l\'é quella de dâ o bon exempio
Oscar Wilde
a solidaietæ a no l\'é dâ, ma travaggiâ contra e ingiustiçie
Abbé Pierre
a solitùdine a l\'é piaxeive, ma gh\'é de longo beseugno de quarchidun ch\'o ne digghe ch\'a ô l\'é
Honoré de Balzac
à son de çercâ à pai quello che no semmo, smettemmo d\'ëse quello che semmo
Ernst Jünger
à son de curlâ, quande ti t\'affermi ti dæ unna patta pe-a tæra
Carmelo Bene
a speansa a ven ben da colaçion, ma a l\'é ben ben gramma da çenn-a
Francis Bacon
a speansa de vegnî ricchi a l\'ëa unn-a de raxoin da misëia
Tacitus
a spontaneitæ a l\'é fruto de longhe meditaçioin
Pablo Neruda
a stampa a no veu informâ o lettô, ma dâghe da intende ch\'a l\'é appreuvo à informâlo
Nicolás Gómez Dávila
a strategìa de l\'amô â semmo deuviâ solo quande no semmo innamoæ
Cesare Pavese
a s\'é innamoâ franco comme s\'innamöa de longo tutte e dònne fóccae; comme \'na nescia
Angeles Mastretta
a televixon a gh\'à \'na fòrsa da lion, a televixon a no gh\'à poïa de nisciun, a televixon a te fa dormî comme \'n belinon
Enzo Jannacci
a televixon a l\'é a primma coltùa davvei democràtica, a primma coltùa pe tutti e goernâ da quello che a gente a veu. Quello che mette poïa o l\'é quello che a gente a veu
Clive Barnes
a televixon a l\'é fæto ben ben pe-a pscichiatrìa, tanto co-o fâ savei cös\'a l\'é, comme co-o fâla vegnî neçessäia
Alfred Hitchcock
a televixon a l\'é o spegio che se ghe peu vei a derotta do nòstro scistema coltuale
Federico Fellini
a televixon a l\'é unn\'invension ch\'a te permette de fâte demoâ into teu salòtto da de gente che pe comun no ti faiësci manco intrâ in cà
David Frost
à travaggiâ gh\'é meno da angosciâse che à demoâse
Charles Baudelaire
a tæra a gh\'à unna pelle, e sta pelle a gh\'à de mouttìe; unn-a de ste mouttìe a se ciamma \'òmmo\'
Friedrich Wilhelm Nietzsche
a tæra a l\'é di seu patroin, ma o paisaggio o l\'é de chi sa apprexâlo
Upton Sinclair
a vëa filosofìa a l\'é de imprende torna à vei o mondo
Maurice Merleau-Ponty
a vëa ignoansa a no l\'è farta de conoscensa ma o refùo de conosce
Karl Popper
a vea raxon de l\'existensa a l\'é de mette insemme a regiosa opinion che gh\'emmo de niätri con e cöse gramme che tutti pénsan de niätri
Quentin Crisp
a veitæ a l\'é de grammo denegâ, comme de grammo sconde
Ernesto Che Guevara
a veitæ a l\'é o ciù gran valô che gh\'emmo. Economizzémmola
Mark Twain
a veitæ a l\'é söo che drento de niätri. No se peu attrovâla con deuviâ violensa contra di nemixi de de feua
Mohandas Karamchad Gandhi
a veitæ a no dannezza mai unna còusa giusta
Mohandas Karamchad Gandhi
a veitæ a no sta inte \'n seunno solo, ma inte tanti
Pier Paolo Pasolini
a virtù di poæ a l\'é unna gran deutta
Quintus Horatius Flaccus
a vitta a l\'é comme sunnâ o violin in pùbbrico, da maniman che se imprende à sunnâ l\'instromento
Samuel Butler
a vitta a l\'é mäveggiosa se no se n\'à poïa
Charlie Chaplin
a vitta a l\'é o paragon de pòule
Alessandro Manzoni
a vitta a l\'é quello che te intravvegne, tanto che t\'ê appreuvo à fâ de ätre cöse
John Lennon
a vitta a l\'é unna chintann-a. Quello che ti ne tïi feua o dipende da quello che ti gh\'æ misso drento
Tom Lehrer
a vitta a l\'é unna frase interrotta
Victor Hugo
a vitta a no l\'é quella ch\'emmo visciùo ma quella che çe regordemmo e comme çe a regordemmo pe contâla
Gabriel García Márquez
a vitta a se peu capî söo che in derrê, ma a se vive in avanti
Søren Kierkegaard
a vitta pe mi a l\'à smisso d\'ëse unna barselletta. A no me demöa ciù
Charlie Chaplin
a zoentù a l\'é \'na mouttìa che tutti ne guæimmo
Dorothy Fuldheim
a \'paxe\' a l\'é quande no späa nisciun; a \'paxe giusta\' a l\'é quande a nòstra parte a l\'ottegne quello ch\'a veu
Bill Mauldin
a-a fin, no ç\'arregordiëmo de pòule di nòstri nemixi, ma do scilensio di nòstri amixi
Martin Luther King
a-a giornâ d\'ancheu e scheue ærte en ciù nì meno unna smersa de axilo nïo pe di grændi virtuali, donde quarche vòtta, franco à caxo, se peu attrovâghe quarche menn-a de insegnamento, che pe-o ciù no se sa cös\'o vagghe
James Howard Kunstler
a-a giornâ d\'ancheu i zoeni s\'appénsan che e palanche séggian tutto, e quande saian vegi descreuvian ch\'a l\'é pròpio de coscì
Oscar Wilde
a-a giornâ d\'ancheu, à l\'infeua do tabacco, de l\'alcol e da televixon e ciù tante dròghe son proibïe, ma i nòstri figgi peuan attrovâle de lengê inte tutte e scheue
Manu Chao
a-a natùa se ghe comanda söo che con obbidîghe
Francis Bacon
a-i guasti de \'n peigoso roiddo da voentæ de tutti, a-o passâ pe euggio da conscensa di çittadin inta perdia do senso do drïto, ùrtimo, estremmo bastion da costion morale, l\'é dovei da collettivitæ resciste, resciste, resciste, comme in sce \'na linia do Piave, che no se ghe peu renonsiâ
Francesco Saverio Borrelli
a-i mæ tempi no gh\'ëa de best sellers e no çe poeivimo prostituî. A nòstra prostituçion no ne l\'avieiva accattâ nisciun
Jorge Luis Borges
a-o mondo gh\'é söo che \'na cösa ch\'a l\'é pezo de fâse fâ di parli appreuvo: no fâse fâ di parli appreuvo
Oscar Wilde
a-o mondo no gh\'é ninte ciù diffìçile che a sccettessa e ninte de ciù fàçile che \'na strisceuia
Fedor Michailovich Dostoevski
a-o sécolo vintéximo se peu perdonâ tutto, scinn-a e doe guære mondiale e quelle appreuvo, e desfiadde de mòdda e e corse de fórmola un, ma no o peccòu d\'avei sagrificòu o cine a-a televixon
Luigi Pintor
a-o tempo da mattaia, créddise de no ëse toccæ da-a mattaia, veu zà dî ëse matti
Saul Bellow
affortunòu quello ch\'o rïe de lê mæximo, no gh\'ammanchià a demöa
Habib Bourguiba
ammâ o seu travaggio a l\'é a cösa ch\'a s\'avvexinn-a de ciù a-a feliçitæ in sce sta tæra
Rita Levi Montalcini
amô, a pòula ciù deuviâ pe rivòlzive à \'na personn-a de l\'ätro sesso che no v\'arregordæ comm\'a s\'acciamma
Oliver Herford
amô? Fòscia co-o tempo; se çe conoscemmo pezo
Ennio Flaiano
an cangiòu l\'òrdene di anelli, ma a cadenn-a a l\'é arrestâ unna cadenn-a
Gianni Rodari
ancheu ciù che mai o dovei di òmmi de coltùa o l\'é quello de semenâ di dubbi e no quello de cheugge de çertesse
Norberto Bobbio
appreuvo che un polìtico o no se credde mai quello ch\'o dixe, o se mäveggia se i ätri se o créddan
Charles De Gaulle
arrestâ, mäveggiâse, veu dî comensâ capindo
José Ortega y Gasset
ascì l\'anarfabetìximo di ätri o rende diffìçile scrive
Stanislaw Jerzy Lec
asquæxi tutti i òmmi meuan pe-e cùe, no pe-e mouttìe
Molière
astimmo chi gh\'à ciù de settant\'anni: dan de longo a-e dònne un amô pe tutta a vitta
Oscar Wilde
avanti che arrivéscimo, a-o mondo no gh\'ammancava ninte, e quande çe ne saiëmo anæti ninte no gh\'ammanchià
Omar Khayyam
avanti de cangiâ de idea, açertæve d\'aveine unn-a
Albert Brie
avanti de tutto seggi lìbeo, dappeu ciamma a libertæ
Fernando Pessoa
avanti de tutto, l\'emoscion! Söo che appreuvo, a comprenscion
Paul Gauguin
avei da moî a l\'é dùa, ma l\'idea de dovei moî sensa avei visciùo a no se peu comportâ
Erich Fromm
avei raxon a l\'é unna raxon de ciù pe no avei nisciun successo
Nicolás Gómez Dávila
aveighe avùo \'na bonn-a educaçion, a-a giornâ d\'ancheu, o l\'é un grande desvantaggio, appreuvo ch\'a te taggia feua da \'n muggio de cöse
Oscar Wilde
aveighe tròppo sprescia à desdebitâse de \'n piaxei, a l\'é unna forma de desconoscensa
François de La Rochefoucauld
aveighe tutto p\'ëse contento, a no l\'é unna raxon p\'ësilo
Normand Jacques
aveighe un amigo a no l\'é unna cösa che tutti se ne peuan ambî
Antoine de Saint-Exupéry
avvocato: un ch\'o n\'avvarda da-i robariçi con levâneghe da mezo l\'intentaçion
H.L. Mencken
avvocato: un cómprixe ch\'o no l\'arreisega ninte
Anónimo
basta che lê a se mette à criâ in sciô möro à tutti a veitæ. Nisciun ghe credde e tutti â pìggian pe matta!
Luigi Pirandello
basta co-a dròga into spòrte; che proibìscian i contròlli!
Anonymous
basta meggioâ unna personn-a pe arroinâla
Oscar Wilde
belin, stæ sitti! isæ a man tutti quelli che veu resciuscitâ e un passo avanti tutti che veu rinzovenî
Nicanor Parra
ben ben de gente avieivan posciùo arrivâ à aveighe do sæximo, se no se creddeivan d\'aveighelo de zà
Lucius Annaeus Seneca
ben ben de gente se pèrdan i piaxei menùi da vitta, tanto che spëtan a grande feliçitæ
Pearl S. Buck
ben ben de viægi p\'ëse bravi dévimo desmette d\'ëse onesti
Jacinto Benavente y Martínez
Berlusconi a l\'é unn-a de quelle mouttìe che se cùan co-e vaccinn-e. Pe guæî da Berlusconi ghe veu unna bella pontùa de Berlusconi
Indro Montanelli
besorrieiva ëse de longo innamoæ. Eive perché no se dorrieiva mai sposâse
Oscar Wilde
bigamia veu dî aveighe un maio de tròppo, monogamia ascì
Erica Jong
biòu chi no s\'aspëta de gratitùdine, perché o no l\'arrestià deluso
W.C. Bennett
bisà che semmo modesti e che s\'arregordemmo che i ätri van de meno de niätri
Oscar Wilde
bisà de longo zugâ con lealtæ, quande se gh\'à in man e carte che peuan guägnâ
Oscar Wilde
bisà ëse fòrti ben, pe aveighe cäo de stâ a-o solitäio
Pier Paolo Pasolini
bisà fâ castagna, ma no mancâ de pòula
Gabriel García Márquez
bisà scombatte contra a lengua, intanto ch\'a no l\'imponn-e e seu fòrmole, i seu cliscé, e seu frase fæte, tutto quello chi caratterizza mai tanto ben un grammo scrïtô
Julio Cortázar
bon Denâ e feliçe anno neuo
Anonymous
cäa democraçìa, vegni torna à cà, che no l\'é tardi
Ivano Fossati
cazze into viçio de l\'obbidiensa l\'é de longo còmodo
Don Lorenzo Milani
çe creddemmo che semmo un paise, ma a veitæ a l\'é che no semmo guæi ciù che \'n paisaggio
Nicanor Parra
çe femmo imbroggiâ de lengê da quello che amemmo
Molière
çerca o redìcolo inte tutte e cöse e ti l\'attroviæ
Jules Renard
çerti viægi, e pòule do gatto en quello che ghe veu
Anónimo
çertidun no peu comportâ o scilensio perché o gh\'à tròppo sciäto drento de lê
Robert Fripp
çertidun se créddan che a genialitæ a segge ereditäia; i ätri no gh\'an de figgeu
Marcel Achard
che e gente sgreuzze dìxan ciæo i sò pensamenti, no l\'é pe ninte vëo; e o ciæo che se ghe peu attrovâ in lô, o no ne vegne da-o savei patronezzâ a lengua, ma da-o fæto che no pénsan guæi
Samuel Johnson
che fortunn-a pe chi goerna che i òmmi no pénsan
Adolf Hitler
che ghe segge de lengue despæge o l\'é un di ciù grændi mistëi de l\'umanitæ
Elias Canetti
che i ätri s\'ambìscian de quello ch\'an scrïto; mi son orgoggioso de quello ch\'ò lezùo
Jorge Luis Borges
che i òmmi no impréndan guæi da-e leçioin de l\'istöia a l\'é a ciù importante de tutte e leçioin de l\'istöia
Aldous Huxley
che tutti i òmmi séggian fræ o l\'é o seunno de chi no gh\'à de fræ
Charles Chincholles
che un o l\'é mâ pràtico s\'accapisce appreuvo ch\'o deuvia tròppo pòule
Ezra Pound
chi ammïa i seu mendi, o no vé quelli di ätri
Ali ibn Abi Talib
chì coscì gh\'é assotterròu mæ moggê. Lasciæ ch\'a ghe stagghe; òua a se pösa, e mi ascì fasso o mæximo
John Dryden
chi l\'é chi à descoverto l\'ægua no o semmo, ma semmo segùi ch\'o no l\'é stæto un pescio
John Culkin
chi l\'é de longo bon d\'apprexâ a bellessa no saià mai vegio
Franz Kafka
chi l\'é innamoòu söo che de lê, o gh\'à sto vantaggio chì, che a-o manco o n\'attrovià guæi concorrenti
Georg Christoph Lichtenberg
chi l\'é pöveo, s\'o l\'é ammòu?
Oscar Wilde
chi no gh\'à de imaginaçion no gh\'à de äe
Muhammad Ali
chi no pensa, saieiva conseggeive ch\'o desse recatto a-i sò pregiudiçi, de semme in semme
Luther Burbank
chi no sa e lengue foestëe, o no sa ninte da sò
Johann Wolfgang von Goethe
chi peu denegâ che l\'ambiente o l\'è arroinòu?
Günter Grass
chi sa cös\'o descroviva Colombo, se l\'América a no se ghe metteiva da mezo
Stanislaw Jerzy Lec
chi sa rïe o l\'é o bacan do mondo
Giacomo Leopardi
chi se credde che un crescio esponensiale o pòsse contunniâ pe de longo inte \'n mondo fornïo, ò ch\'o l\'é un sciòllo, ò ch\'o l\'é un economista
Kenneth Boulding
chi se segge ch\'o l\'agge o poei pe \'n menuto o commette un delitto
Luigi Pintor
chi ubbidisce o l\'é asquæxi sempre megio de chi comanda
Ernest Renan
chi veu partî pe-e stelle, ch\'o no s\'ammïe d\'in gïo in çercâ da compagnia
Christian Friedrich Hebbel
ciammo òmmo chi l\'é patron da seu lengua
Don Lorenzo Milani
ciù che inte tutti i ätri momenti de l\'istöia, l\'umanitæ a l\'é de fronte à \'na croxëa. \'Na stradda a pòrta a-a despeaçion e a-a ciù fonda deprescion; l\'ätra a pòrta à l\'estinsion tutto arrëo. Preghemmo à avei tanto sæximo da fâ a çernia giusta
Woody Allen
ciù ti gh\'æ e meno ti vorriësci dâ, meno ti gh\'æ e ciù ti daiësci
Anonymous
co-a morale correzzemmo i äri di nòstri instinti, e con l\'amô i äri da nòstra morale
José Ortega y Gasset
co-o tempo ò fæto un accòrdio pe stâ in paxe: lê o no me scöre e mi no scappo da lê; un bello giorno çe incontriëmo
Mario Lago
comme à tutti i òmmi, lê ascì gh\'é toccòu de vive inte di brutti tempi
Jorge Luis Borges
comme i amixi lecchin te peuan guastâ, coscì i nemixi che te crïan de belle vòtte te corëzan
Sant'Agostino
comme l\'é fàçile scrive diffìçile
Eugenio Colorni
comme mai, pe comun, se schiva de stâ a-o solitäio? Appreuvo che en pöchi ben, quelli che se treuvan in bonn-a compagnia da pe lô
Carlo Dossi
con ciù anemmo sciù, e ciù paggemmo piccin à quelli che no peu xeuâ
Friedrich Wilhelm Nietzsche
con ciù o còrpo o l\'é scernïo, ciù o comanda, con ciù o l\'é fòrte e megio o l\'obbidisce
Jean-Jacques Rousseau
con ciù se fa de lezze. ciù gh\'é de laddri
Lao Tse
con ciù \'nna personn-a a l\'è intelligente, e meno o l\'à di dubbi in sce l\'assurdo
Joseph Conrad
con meno che e gente san comme se fa à fâ e leze e e säsisse e megio che dòrman de neutte
Otto von Bismarck
conscìdia, avanti de pensâ
Stanislaw Jerzy Lec
construimmo unn\'existensa con quello che piggemmo; construimmo unna vitta con quello che demmo
Winston Churchill
convertî un seu da cortivâ inte \'n seu ch\'o prodùe çibbo ch\'o ven deuviòu comme biocombustìbile, o l\'é un delitto contra l\'umanitæ
Jean Ziegler
cöse finià alò? L\'äia ò o petròlio?
Anónimo
cöse l\'é arröbâ inte \'nna banca à confronto de fondâ unna banca?
Bertolt Brecht
costa cäo ëse sccetti se s\'è intelligenti. Comme ëse onesti se s\'è ambiçioxi
Fernando Pessoa
cös\'a l\'é l\'arte? prostituçion
Charles Baudelaire
cös\'a saiæ a vitta se no gh\'æiscimo o cheu de fâ de preuve?
Vincent Van Gogh
credde into progresso no veu dî credde che un progresso o ghe segge zà stæto
Franz Kafka
creddemmo söo che à quello che viemmo; coscì, da dòppo che gh\'é a televixon, creddemmo à tutto
Dieter Hildebrandt
ç\'ascordemmo de lengê e nòstre corpe, quande ê conoscemmo söo che niätri
François de La Rochefoucauld
dâ a coltùa de regallo l\'é comme regallâ a sæ; o resto o ven da lê
Antoine de Saint-Exupéry
dâ recatto à \'na biblioteca a l\'é \'na mainëa scilensiosa de exerçitâ l\'arte da crìtica
Jorge Luis Borges
da un grand\'òmmo gh\'é de longo quarcösa da imprende, mæximo s\'o sta sitto
Lucius Annaeus Seneca
danni a mente a-i teu pensamenti ...vegnian à ëse e teu pòule. Danni a mente a-e teu pòule vegnian à ëse e teu açioin. Danni a mente a-e teu açioin ... vegnian à ëse a teu natùa. Tégnite da conto a teu natùa ... a saià o teu destin
Frank Outlaw
danni mente à tutti, ma a teu voxe no stâla à imprestâ guæi à nisciun. Stanni à sentî l\'opinion de tutti, ma dappeu pénsila comme ti veu ti
William Shakespeare
dappeu ch\'o l\'é anæto pe træ vòtte in televixon, che se segge belinon o vegne intervistòu e o dixe a sò e finn-a quella di ätri
Enzo Biagi
dappeu l\'é vegnùo o progresso à destrùe tutto, ciù che a guæra, appreuvo che se a guæra a destrùe e cöse, o progresso o l\'à destruto a nòstra mainëa de vive
Bruno Ugolotti
de belle vòtte inta vitta bisà savei bàttise, no söo sensa poïa, ma finn-a sensa speansa
Sandro Pertini
de derrê à ògni cìnico, gh\'é un idealista deluso
George Carlin
de quanti mai lagni çe desbarassemmo, quande deçidemmo de no ëse quarcösa, ma quarchidun
Coco Chanel
de scrive, mi no me son mai apensòu d\'avvexinâme a-o pòpolo. Ben, à dî a veitæ, no me son mai apensòu d\'avvexinâme à nisciun
Jorge Luis Borges
de soventi a l\'é coscì: con ciù unna veitæ a l\'é de grammo dî, e ciù besorrieiva dîla
André Gide
de soventi lascemmo in paxe quello ch\'o l\'à appissòu o feugo e gastighemmo chi n\'à avvertïo
Nicolas de Chamfort
de soventi, açende un bricchetto fa ciù rëo che stâ lì à giastemmâ o scùo
Eleanor Roosevelt
de tutte e ciaghe che ascìdian l\'umanitæ, a pezo l\'é quande comanda i prævi
Daniel Defoe
de tutte e cöse che o sæximo o ne dà pe réndine a vitta feliçe arrëo, a ciù grande a l\'é sens\'ätro o possesso de l\'amixiçia
Epicurus
de tutte e cöse segùe a ciù segùa a l\'é o dubbio
Bertolt Brecht
de tutte e pervescioin sessuale, fòscia a ciù strafaläia a l\'é a castitæ
Remy de Gourmont
de vòtte a nòstra luxe a s\'asmòrta, ma dappeu a sciamma a ven torna açeisa da unn\'ätra personn-a. Ciaschidun de niätri o l\'é debitô di ciù prefondi ringraçiamenti à quelli ch\'à açeiso torna sta sciamma chì
Albert Schweitzer
de vòtte l\'è megio çercâ à ëse contenti inte desgraçie, ciuffïto che scombàttila pe voeine sciortî
Maurice Maeterlinck
de \'na çittæ no ti te gödi e sette ò trentesette mävegge, ma a respòsta ch\'a dà à unna teu domanda
Italo Calvino
dédico st\'ediçion chì a-i mæ nemixi, che m\'an aggiuttòu mai tanto inta mæ vitta profescionale
Camilo José Cela
definî unna pòula l\'é comme acciappâ unna porçelletta a-o xeuo
Aurélio Buarque de Holanda Ferreira
democraçìa o l\'é o nomme che ghe demmo a-o pòpolo tutte e vòtte che ghe n\'emmo de beseugno
Robert de Flers
descreuve un paise e invàddilo en de longo stæti a mæxima cösa
Samuel Johnson
descrovimmo coscì unna veitæ sencia e doggia: primmo, semmo unna comunitæ de pòpoli che parla a mæxima lengua e, segondo, parlâla a l\'é unna mainëa, tramezo a-e tante, d\'ëse òmmi
Octavio Paz
deuviâ in libertæ o nòstro inzegno, eive a vëa feliçitæ
Aristotle
dévimo scombatte pe-a paxe con di istromenti de paxe
Martin Luther King
dî a veitæ co-a vorpe sotta l\'ascella besorriæ tegnîlo pe \'n atto da mascarsoin
Karl Kraus
dî de scì à tutto e à tutti l\'é comme no existe
Tahar Ben Jelloun
dìmmosea zuarisoræo, de semme in semme bisà arraggiâse, tanto che tutto vagghe liscio
Friedrich Wilhelm Nietzsche
divorsiâ perchè no ti veu ben à \'n òmmo l\'é da nesci, à momenti comme sposâlo perchè ti ghe veu ben
Zsa Zsa Gabor
dìxan che co-i dinæ s\'accatta tutto. Ma no l\'é vëa. Se peu accattâ da mangiâ ma no a coæ de mangiâ, e meixinn-e ma no a sanitæ, un letto sciòcco ma o seunno noe, o savei ma o sæximo no, l\'imàgine ma no o bon stâ, a demöa ma no a giromìa, e conoscense ma no l\'amixiçia, i servi ma no a fedeltæ, i cavelli grixi ma no a respettabilitæ, un pâ de giornæ quete ma no a paxe. Co-i dinæ ti peu avei a scorsa de tutto, ma a semensa noe. Quella lì co-i dinæ a no s\'accatta
Arne Garborg
do 1975, Pasolini o ven massòu e s\'arresta de vei comme o scilensio de \'na voxa sola o peu costâ tanto à \'na naçion intrega
Aramcheck
doe cöse me fan restâ: l\'intelligensa de bestie e a bestialitæ di òmmi
Flora Tristán
doman, quande saiò mòrto, no me stæ à vegnî à cianze, no arrestiò sottatæra, son vento de libertæ
Ernesto Che Guevara
domandemmo solo de dâ unna poscibilitæ a-a paxe
John Lennon
domàndite se t\'ê contento e ti finiæ d\'ësilo
John Stuart Mill
dòppo tutto son i rappòrti co-e personn-e quello che dà varsciùa a-a vitta
Wilhelm von Humboldt
d\'ògni un pò dinni a veitæ, che coscì quande ti dixi de böxìe te creddian
Jules Renard
dæ ben a mente: o cadàveo de Marx o respïa ancon
Nicanor Parra
e ànime ciù grænde son bonn-e di ciù gròsci viçi e de ciù grænde virtù
René Descartes
e ànime gh\'an \'na seu mainëa de inténdise, de intrâ in intimitæ, scin à dâse do ti, tanto che e nòstre personn-e en imbroggiæ de longo à mescciâse co-e pòule ordenäie, inta scciavitù di eubbrighi soçiali
Luigi Pirandello
e ànime larghëe ghe patìscian de ciù se ê lusciæ che se ghe fæ di sgreuxi
Nicolò Tommaseo
e böxìe en \'na partïa neçessäia de tutto quello che ghe veu pe comportâ a vitta
Bergen Evans
e cobbie zoene no se figùan manco tutto quello che dévan a-a televixon. Unna vòtta co-o compagno l\'ëa finn-a de mestê raxonâghe insemme
Isidoro Loi
e cöse che semmo ciù ben en quelle che n\'emmo mai ciù impreiso
Luc de Clapiers Marquis de Vauvenargues
e descoerte no aggiùttan o Terso Mondo, ma fan cresce l\'ingiustiçia
Ryszard Kapuściński
e domande che no se respóndan da lô in sciô nasce, no se ghe porrià mai responde
Franz Kafka
e dònne en basta miödinn-e perché tutti i figgi pòssan dî con convinsion de seu moæ ch\'a l\'ëa unna santa
Remy de Gourmont
e dònne ne veuan ben pe-i nòstri mendi. Se ghe n\'emmo ben ben, ne perdonn-an tutto, compreiso a nòstra stramesuâ intelligensa
Oscar Wilde
e dònne pìggian de longo a forma do seunno ch\'o ê contegne
Juan José Arreola
e dònne... se fan inverdugâ da \'na focciära, un comprimento o e fa scappâ
Raymond Quatorze
e fàbbriche de arme aggiùttan à scombatte à desoccupaçion?
Anónimo
e frontëe da mæ lengua son e frontëe do mæ mondo
Ludwig Wittgenstein
e gente che no rïan mai, no en guæi säie
Pierre Dac
e gente çivilizzæ no peuan pe\'n davvei fâ sesso sensa l\'amô
Bertrand Russell
e gente dovieivan conosce i reiseghi che van incontra, se çèrcan à ammassâse
Ron C. Carman
e gente neuian inta gnisca, se ti ghe metti drento un pittin de scellin
Peter Sellers
e gente scimpatìzzan ciù voentëa con l\'infeliçitæ che co-a feliçitæ
Simone de Beauvoir
e gente se fan abbarlugâ ciù de lengê da \'na böxìa gròssa che da unn-a piccinn-a
Adolf Hitler
e gente se gh\'appénsan de meno à offende un ch\'o se fasse voei ben, che un ch\'o sa mette poïa
Niccolò Machiavelli
e gente se scompartìscian inte doe menn-e: i galantòmmi e i mascarsoin. A çernia â fa i galantòmmi
Oscar Wilde
e gente viægian pe mäveggiâse de montagne, di mâ, di sciummi e de stelle, e se pàssan d\'arrente sensa mäveggiâse de lô mæximi
Sant'Agostino
e idee en ciù fòrte che e arme atòmiche
Fidel Castro
e idee, comme e pruxe, sätan da un à l\'ätro, ma no l\'é che déntan tutti
Stanislaw Jerzy Lec
e inluxoin dùan ancon, à despëto da raxon e do savei
Giacomo Leopardi
e istöie en i nòstri seunni. E i nòstri seunni en a nòstra vitta
Tim Burton
e lengue, comme e religioin, vìvan de erexìe
Miguel de Unamuno
e leze en de tägnæ che e mosche gròsse desfóndoan, tanto che quelle piccinn-e gh\'arreèstan ciappæ
Honoré de Balzac
e mente creative en de longo stæte avvoxæ appreuvo ch\'en bonn-e de sorvevive a-i pezo scistemi educativi
Anna Freud
e mæxime pòule, stæte dïte da de bocche despæge, pìggian di scignificati despægi, finn-a conträi
Alessandro Morandotti
e naçioin ciù grænde s\'en de longo comportæ da malemmi e quelle piccinn-e da bagasce
Stanley Kubrick
e patatte frïte son unn-a de creaçioin ciù spïtuale do genio pariggin
Maurice Edmond Sailland dit Curnonsky
e pe no fâse röbâ... dan i sò dinæ a-e banche
Anónimo
e personn-e che se peu imbroggiâ ciù de lengê, semmo pròpio niätri
Edward Bulwer-Lytton
e personn-e no gh\'an grende idee; son e grende idee à incontrâ e personn-e
Franco Modigliani
e personn-e n\'en redìcole, feua che quande veuan pai ò ëse quello che no son
Giacomo Leopardi
e pòule che fan fortunn-a réndan ciù pövia a lengua
Sacha Guitry
e pòule che ti deuvi pe contâ a teu realtæ, créan a realtæ
Martin Brofman
e pòule ciù antighe e ciù curte - scì e na - veuan a ciù grande conscidiaçion
Pythagoras
e pòule en comme de monæe; unn-a a vâ comme tante, e tante no van comme unn-a
Francisco de Quevedo y Villegas
e pòule gh\'an a varsciùa che ghe dà chi e stà à sentî
Giovanni Verga
e pòule no végnan creæ inte accademie da-i accadémichi, ma da-e gente pe-a stradda. I ötoî di diçionäi ê acciàppan asquæxi sempre tròppo tardi e ê imbarsàmman in òrdene arfabético, de belle vòtte quande no veuan ciù dî quello che voeiva dî i ötoî
Gabriel García Márquez
e previxoin econòmiche sèrvan söo che à fâ paei onesta l\'astrologìa
John Kenneth Galbraith
e ricchesse no te réndan moscio, ma te dan da fâ
Fernando de Rojas
e scìmie antropòidi e i babboin no descöran, appreuvo che maniman i òmmi i arrægan à travaggiâ
Antoine Le Grand
e seu intençioin ëan onoeive arrëo, comme se ghe dixe: in sostansa, o voeiva arröbâ tutte e roscinn-e de \'na scignöa, in piggiâla comme moggê
Henry Fielding
e sole respòste che sèrvan son quelle che te méttan de neuve dimande
Vittorio Foa
e strìe an ciantòu lì d\'existe quande niätri emmo ciantòu lì de bruxâle
Voltaire
e traduçioin, comme e moggê, ben de ræo en fedele, se gh\'an quarcösa de bello
Roy Campbell
e veitæ che conta, i grændi prinçipi, in sciâ fin, en de longo dötrei; en quelli che t\'à mostròu tò moæ da figgeu
Enzo Biagi
e vittöie contra e dònne son e sole che s\'ottegne con scappâ
Napoleon Bonaparte
emmo pròpio fæto fïto à scordâçe de quande eimo niätri che emigràvimo
Susanna Agnelli
emmo söo che a feliçitæ ch\'emmo dæto
Eduard Pailleron
en pöco ben e cöse che intravvegne in bon ponto, e o resto o no l\'intravven pe ninte; l\'istòrico de consciensa o correzzià sti mendi
Herodotus
erexìa o l\'é söo che un scinònimo de libertæ de penscëo
Graham Greene
escì, l\'é de longo vëo ascì o conträio
Leo Longanesi
ëse dònne l\'é ben ben de grammo fâ, appreuvo che bisà aveighe da trattâ ciù che tutto co-i òmmi
Joseph Conrad
ëse orgoggioxi da pròpia coltùa a l\'é a pezo qualitæ de ignoansa
Jeremy Taylor
ëse zoeno e no ëse revoluçionäio a l\'é \'na contradiçion finn-a biològica
Salvador Allende
espeiensa: quande a vitta a te dà un pëtene quande t\'æ perso tutti i cavelli
Judith Stern
existe i grammi appreuvo che existe i boin; levæ da mezo i boin e da maniman scentià i grammi ascì
Carl William Brown
existe söo che un ben, a sacciùa, e söo che un mâ, l\'ignoansa
Socrates
fâ do turìximo veu dî anâ à çercâ ben ben lontan a coæ de vegnîsene torna à cà
George Elgozy
fa \'n pittin rïe vedde che e gente gramme s\'appénsan che tutto gh\'anià ben de longo
Victor Hugo
feua che quarche òmmo, tutte e bestie gh\'an l\'ànima
Anónimo
fin à tanto che e gente ammian Césare e Napolion, Césare e Napolion vegnian de longo feua pe portâ da misëia a-e gente
Aldous Huxley
finn-a into spòrte bisà convive co-a maffia?
Carlo Cattaneo
fondâ de biblioteche l\'é comme constrùe ancon di granæ pùbbrichi, allugâ de proviande pe \'n uverno do spïto, che da un muggio de segni o veggo ch\'o l\'arriva, con mæ despiaxei
Marguerite Yourcenar
fòscia sto mondo chì o l\'é l\'inferno de \'n ätro planeta
Aldous Huxley
ghe n\'é pe coscì che n\'orrieiva pagâ de tasce, ma söo che i ciù ricchi gh\'arriéscian; i pövei coscì an da savei che dévan pagâ e tasce pe liätri ascì
Carl William Brown
ghe n\'é pe coscì de gente che vìvan contenti e no ô san manco
Luc de Clapiers Marquis de Vauvenargues
ghe n\'é pe coscì de mainëe pe arrivâ, o megio o l\'é de no partî manco
Ennio Flaiano
ghe n\'ei pe coscì de tempo, se no n\'asgreiæ
Bernard le Bovier de Fontenelle
ghe veu o teu nemigo e o teu amigo insemme pe corpîte a-o cheu: o primmo pe parlâte appreuvo e o segondo pe vegnîtelo à dî
Mark Twain
ghe veu tanto, ma tanto tempo, pe ëse zoeno
Pablo Picasso
gh\'é ciù da vergheugnâse à no fiâse di nòstri amixi che à lasciâse marmellâ da lô
François de La Rochefoucauld
gh\'é da gente mai tanto pövia ch\'a gh\'à söo che di dinæ
Anonymous
gh\'é de gente che paghieivan pe véndise
Victor Hugo
gh\'é de gente che san tutto, ma l\'é tutto quello che san
Niccolò Machiavelli
gh\'é de giornalisti onesti coscì comme gh\'é di polìtichi onesti. \'Na vòtta che se son lasciæ accattâ, arrèstan accattæ
William Moyers
gh\'é de longo doe raxoin pe fâ quarcösa: unn-a onesta e unn-a vëa
John Pierpont Morgan
gh\'é de longo un pittin de mattaia inte l\'amô. Ma gh\'é ascì un pittin de raxon inta mattaia
Friedrich Wilhelm Nietzsche
gh\'è de longo unna mainëa giusta e unna mainëa sbaliâ; quella sbaliâ a pâ de longo a ciù raxoneive
George Moore
gh\'é de pòrte a-o mâ che se àrvan co-e pòule
Rafael Alberti
gh\'é de pòule che dovieivan servî söo che un viægio
François-René de Chateaubriand
gh\'é de quelli fattorixi che n\'en de feliçitæ, ma che son comme \'na mainëa de cianze con bontæ
Gabriela Mistral
gh\'é de scioî pe tutte e bande, pe chi ê veu vedde
Henri Matisse
gh\'é di comunisti che se no t\'ê comunista t\'ê sùbito fascista. A no se capisce. L\'é comme se a no ëse catòlico voeisse dî ëse pe fòrsa mormon
Jorge Luis Borges
gh\'é di òmmi che l\'etæ a ghe fa vegnî i cavelli gianchi, ma a no ghe schiffisce pe ninte o cheu, ch\'o gh\'arresta arrëo fresco e zoeno e o ghe batte de longo pe tutte e cöse belle e bonn-e
Ludoviko Zamenhof
gh\'é di studdioxi che travaggia pe impî o çervello de l\'òmmo e di ätri pe veuâgheo. No serve stâ à dî che sti chì en i ciù tanti
Carl William Brown
gh\'é mai tante de quelle lezze che nisciun no peu ëse segùo de no finî appiccòu
Napoleon Bonaparte
gh\'é pöco cöse che stàggan ferme comme l\'attaccamento di groppi polìtichi a-e idee che gh\'an permisso d\'arrivâ a-o poei
John Kenneth Galbraith
gh\'é quarcösa de ciù bello pe\'n pòpolo che a lengua di sò antighi?
Johann Gottfried von Herder
gh\'é quarcösa de tràgico into fæto che, tòsto che l\'òmmo o l\'à inventòu unna màcchina bonn-a da sostituîlo into travaggio, o l\'à comensòu à fâ da bazinn-a
Oscar Wilde
gh\'é quarcösa inte quello che dimmo?
George Steiner
gh\'é solo unn\'avariçia dignitosa, quella de pòule
Constancio Vigil
gh\'é söo che \'na régola pe-i polìtichi de tutto o mondo: quande t\'ê a-o goerno no stâ mai à dî e mæxime cöse che ti dixi quande t\'ê à l\'oppoxiçion. Se ti te ghe preuvi, tutto quello che ti ghe guägni l\'é de dovei fâ quello che i ätri no gh\'en riescïi pe ninte
John Galsworthy
gh\'é un muggio de böxìe in gïo pe-o mondo; e o pezo l\'é che \'na meitæ son vëe
Winston Churchill
gh\'é un solo vëo successo: ëse bon da vive a vitta a-a teu mainëa
Christopher Morley
gh\'é unn\'arma ciù peigosa che a calunnia: a veitæ
Charles Maurice de Talleyrand-Périgord
gh\'é \'na sola cösa a-o mondo ch\'a no l\'imbròggia mai: e apparense
Ugo Bernasconi
gh\'emmo dexe menuti pe realizzâ unn\'idea, avanti ch\'a vagghe torna into mondo di seunni
Richard Buckminster Fuller
gh\'emmo tutti o viçio de giudicâne niätri da-i nòstri ideali e i ätri da-e sò açioin
Harold Nicolson
gh\'ò a ciù bonn-a memöia pe ascordâme de tutto
Robert Louis Stevenson
gh\'ò de beseugno de sentî pe mæ moæ o mæximo respëto che se gh\'à pe \'n ideale
Anne Frank
giornali, radio e televixon en unna demöa in man di ricchi. E i ricchi î deuvian pe vegnî ancon ciù ricchi
Ryszard Kapuściński
giustiçia veu dî açettâ e ingiustiçie che gh\'é
Anatole France
Hollywood o l\'é un pòsto donde te pàgan miggiæa de dòllai pe \'n baxo e çinquanta citti pe l\'ànima
Marilyn Monroe
i allevi màngian quello che i professoî an zà appaïo
Karl Kraus
i americæn son di portoei sæn de democraçia
Giorgio Gaber
i amixi en quella partïa da rassa umann-a che un o se peu permétte d\'ëse uman
George Santayana
i ascädi ciù gròsci pe \'n òmmo coménsan quand\'o peu fâ comme ghe gusta à lê
Thomas Henry Huxley
i avvocati en e sole personn-e che, se no san a leze, no végnan punìi
Jeremy Bentham
i bibliòfili che gh\'à de biblioteche che no ne gïan manco \'na pàgina, se peuan paragonâ a-i éunuchi inti harem
Carlo Dossi
i ciù tanti òmmi no veuan neuâ, avanti de savei neuâ
Hermann Hesse
i ciù tanti, no solo açèttan a violensa s\'a l\'é commissa da-e lezìttime ötoritæ, ma a conscìdian in sostansa lezìttima contra çerte smerse de personn-e, finn-a sensa dâ mente à chi l\'é che a deuvia
Edgar Z. Friedenberg
i delinquenti de vëi son i scignöi d\'ancheu, e i delinquenti d\'ancheu son i scignöi de doman
Carl William Brown
i diçionäi bisà corrézili de longo, pægio de carte giogràfiche
Carlo Dossi
i diçionäi en comme i releui: o pezo o l\'é megio che ninte e no çe poemmo affiâ manco do megio
Samuel Johnson
i dinæ aggiùttan à comportâ a misëia
Alphonse Allais
i dittatoî peuan cangiâ e lezze, ma i costummi no
Jacinto Benavente y Martínez
i donchisciòtte da giornâ d\'ancheu no scombàttan contra, ma pe-i moin à vento
Anónimo
i figgeu attreuvan tutto into ninte, i òmmi no attreuvan ninte inte tutto
Giacomo Leopardi
i figgeu gh\'an de mainëe de vei, de pensâ e de sentî ch\'en söo che e sò; a cösa ciù strafaläia a l\'é de voeile cangiâ co-e nòstre
Jean-Jacques Rousseau
i giornalisti no se créddan e boxìe di polìtichi, ma e ripétan! Pezo ancon!
Coluche
i goerni no impréndan mai. Söo che e gente impréndan
Milton Friedman
i grændi amoî s\'annónsian à \'na mainëa ciæa; tòsto che ti a vei ti dixi: chi a l\'é sta galuscio chì?
Ennio Flaiano
i grændi avvegnimenti do mondo succédan into çervello
Oscar Wilde
i impurti se càvan a fòssa co-i seu denti
Henri Estienne
i italiæn en de longo lesti à corrî à aggiuttâ quelli che vinse
Ennio Flaiano
i italiæn pèrdan e guære comme se foìsan partïe de ballon e e partïe de ballon comme se foìsan guære
Winston Churchill
i leccastivæ s\'assoméggian a-i amixi comme i loî a-i cæn
George Chapman
i libbri gh\'an i mæximi nemixi de l\'òmmo: o feugo, l\'ùmmio, e bestie, o tempo e o sò mæximo contegnùo
Paul Valéry
i libbri gh\'an un sò orgheuggio; se s\'impréstan no végnan ciù in derrê
Theodor Fontane
i libbri grammi fan nasce grammi andi, e i andi grammi fan nasce libbri boin
René Descartes
i libbri se respëtan con deuviâli
Umberto Eco
i mai en boin amanti, màscime quande tradìscian e moggê
Marilyn Monroe
i matti àrvan e stradde che dappeu i säi sarçìscian
Carlo Dossi
i mendi di ätri s\'assoméggian tròppo a-i nòstri
Leo Longanesi
i mòrti en ciù tanti che i vivi. E végnan de longo ciù tanti. I vivi en ræi
Eugène Ionesco
i òmmi arroinn-an e cöse ciù co-e pòule che co-o scilensio
Mohandas Karamchad Gandhi
i òmmi càngian sentimenti e mainëe de fâ co-a mæxima lestixa co-a quæ càngian i sò interesci
Arthur Schopenhauer
i òmmi ch\'arriéscian megio à stâ co-e dònne en i mæximi che peuan benìscimo fâne de manco
Charles Baudelaire
i òmmi en de longo sccetti; càngian söo de sccettessa, tutto lì
Tristan Bernard
i òmmi gh\'an i riflesci lenti, pe comun capìscian söo che inte geneaçioin appreuvo
Stanislaw Jerzy Lec
i òmmi nàscian ignoanti, no sciòlli; a sciollaia a vegne feua da l\'educaçion
Bertrand Russell
i òmmi no gh\'an guæi stimma pe-i ätri, ma manco pe lô
Leon Trotsky
i òmmi no saian virtoxi, se no se ghe permette d\'ëse viçioxi
Frank Meyer
i òmmi no se vergheugnan de pensâ de cöse sosse, ma se vergheugnan de pensâ che i ätri î créddan boin de sti penscëi sossi
Friedrich Wilhelm Nietzsche
i òmmi son vegnùi à ëse instromenti di sò mæximi instromenti
Henry David Thoreau
i òmmi tïan sciù tròppo muäge e mai ponti à basta
Isaac Newton
i òmmi végnan de compagnia appreuvo che no en boin de stâsene da pe lô
Arthur Schopenhauer
i òmmi végnan di ereu, söo che se no peuan fâ differente
Paul Claudel
i òmmi, de zà che n\'an posciùo levâ da mezo a mòrte, a misëia, l\'ignoansa, p\'ëse contenti gh\'é stæto ciù cäo no pensâghe pe ninte
Blaise Pascal
i partïi polìtichi me gùstan pròpio, en i ùnichi pòsti che gh\'é arrestòu donde no se raxonn-a de polìtica
Oscar Wilde
i paxifisti en comme de pëgoe che se créddan che o lô o segge vegetarian
Yves Montand
i poeti no meui ìmitan. I poeti meui xàttan
Thomas Stearns Eliot
i poeti no se genn-an de sò espeiense: e sfrùtan
Friedrich Wilhelm Nietzsche
i poeti son di òmmi ch\'an conservòu i sò euggi da figgeu
Alphonse Daudet
i polìtichi en söo che i camê di banchê
Ezra Pound
i polìtichi pàrlan pe-i sò partïi, e i partïi no fallìscian mai, n\'an mai fallïo e no fallian mai
Walter Dwight
i pòpoli originäi en a reserva morale de l\'umanitæ
Evo Morales
i pövei van in guæra à scombatte e à moî pe-i capriçi, e ricchesse e o sovercio di ätri
Plutarch
i regòrdi che gh\'emmo un de l\'ätro, finn-a inte l\'amô, no son mai i mæximi
Marcel Proust
i regòrdi se dévan interpetrâ pægio che i seunni
Leo Longanesi
i seunni végnan vëi; sensa sta poscibilitæ a natùa a no ne sponcieiva à fâne
John Updike
i speçialisti en de gente che resegóndan de longo i mæximi äri
Walter Gropius
i Stati Unïi pan destinæ da-a Provvidensa à impestâ tutta l\'América de misëia in nomme da libertæ
Simon Bolivar
i traduttoî son comme i pittoî da retræti, peuan fâ ciù bella a còpia ma a l\'à de longo à assomeggiâse à l\'originäio
Elie Fréron
i traduttoî son i cavalli da tïo da coltùa
Aleksandr Pushkin
i zoeni an di dexidëi che no se realìzzan mai; i vegi gh\'an di regòrdi de quello che no l\'é mai intravvegnùo
Hector Hugh Munro
i zoeni se inlùddan in sciô sò avvegnî, i vegi in sciô sò passòu
Décoly
imprende à descorrî veu dî imprende à tradùe
Octavio Paz
in concruxon, a patria a l\'é a lengua
Camilo José Cela
in Italia i ciù tanti polìtichi no se bàttan pe di progetti, ma pe defende di interesci
Indro Montanelli
in ponto quantitæ de mòrti quelli che fa e arme son enti de beneficensa, confronto à quelli che fa e çigarette
Silvio Garattini
in sciô cammin verso o sæximo, o primmo passo o l\'é taxei, o segondo stâ à sentî, o terso arregordâ, o quarto méttise à fâ, o quinto mostrâ a-i ätri
Solomon Ibn Gabirol
in sostansa, a creaçion de monæa da-o ninte comme fa e banche a l\'é un pittin comme a creaçion de dinæ che fa i fäsai, cangia solo chi ghe guägna
Maurice Allais
in Svìssea van matti pe-a nettixe; làvan finn-a e palanche
Marcos Vergara Meersohn
in tempo de guæra a veitæ a l\'é mai tanto preçiosa ch\'a dovieiva ëse de longo protetta da \'na muägia de böxìe
Winston Churchill
in tempo de guæra e leze tàxan
Marcus Tullius Cicero
indubitâse de niätri mæximi o l\'è o primmo segnâ de intelligensa
Ugo Ojetti
inricchìmmoçe de differense che gh\'é tra de niätri
Paul Valéry
insemme semmo arrivæ à concrùe che pe e ciù tante gente o dirïto a-o studdio o l\'é scönïo da l\'eubbrigo d\'anâ à scheua
Ivan Illich
inta lidda tra ti e o mondo, megio che ti tegni co-o mondo
Frank Zappa
inta vitta comme in sciô tranvai, quande ti t\'assetti l\'é öa de chinâ
Camillo Sbarbaro
inta vitta de \'n òmmo e giornæ che no se peuan ascordâ saian çinque ò sei à dîghe tanto. Tutte e ätre fan muggio
Ennio Flaiano
inta vitta se compòrta tutto, feua che tanti giorni de feliçitæ ch\'a no smette mai
Johann Wolfgang von Goethe
inte cöse grænde i òmmi se móstran comme ghe conven, inte quelle piccinn-e se fan vei comm\'en
Nicolas de Chamfort
inte costioin de conscensa e raxoin di ciù tanti no cóntan ninte
Mohandas Karamchad Gandhi
inte costioin de vitale importansa, l\'essensiale o l\'é o stile e no a scinçeitæ
Oscar Wilde
inte l\'amixitæ, coscì comme in amô, s\'é de spesso ciù contenti pe-e cöse che no se sa che pe quelle che se sa
François de La Rochefoucauld
inte l\'ëse uman no gh\'é ninte de ciù prefondo che a seu pelle
Paul Valéry
inte mæ istöie d\'amô unna vòtta a pentixon a vegnîva dappeu; òua a vegne alò
Ennio Flaiano
inte nisciunn\'ätra lengua l\'é de grammo accapîse comme inta pròpia
Karl Kraus
inte tutti i tempi di fäsummi ciammæ prævi an misso in sciâ testa de coronn-e à di laddri ciammæ rè
Rober Green Ingersoll
intelligensa militare a l\'é unna contradiçion in tèrmini
Groucho Marx
Internet a l\'é ascì \'na vertadëa asciascinn-a da varietæ de lengue
Dieter Wunderlich
intérpetre: chi mette doe personn-e de lengua despægia in condiçion d\'accapîse, con repete à un e à l\'ätro quello che ghe vegne ben ch\'àggian dïto
Ambrose Bierce
inti campi de conçentramento viveivimo menuto pe menuto e pensàvimo o manco che se poeiva, appreuvo che pensâ veu dî frustâse
Haïm-Vidal Sephiha
inti scìngoli a mattaia a l\'é ræa, ma inti groppi, inte naçioin e inte époche a l\'é a régola
Friedrich Wilhelm Nietzsche
inti Stati Unïi se construisce tutti i anni ciù prexoin che scheue e collegi
Jesús Sepúlveda
into momento che un o se dimanda o scignificato e a varsciùa da vitta, o l\'é mòuto
Sigmund Freud
là donde brùxan i libbri a va a finî che brùxan i òmmi ascì
Heinrich Heine
làscite ghiâ da-o figgeu che t\'ê stæto
José Saramago
lasciæme dî, à costo de pai redìcolo, che o vëo revoluçionäio o l\'é ghiòu da di grændi sentimenti d\'amô
Ernesto Che Guevara
leze e ëse coioxi a l\'é a mæxima cösa
Pascal Quignard
lìarte a l\'é a böxìa ch\'a ne permette de capî a veitæ
Pablo Picasso
lìòmmo o no sa ciù cöse che e ätre bestie. O ne sa de meno. Lô san cöse gh\'an da savei. Niätri no
Fernando Pessoa
l\'América o l\'é un paise ch\'o no sa dond\'o va ma o l\'é deçiso à stabilî un record de speditessa pe arrivâghe
Laurence J. Peter
l\'amixiçia a l\'é fæta de lealtæ, e no de fedeltæ pasciva
Ferruccio de Bortoli
l\'amixitæ a l\'é un tratiâ desinteessòu tra di pægi; l\'amô o l\'é \'na relaçion accandacâ tra baccæn e scciavi
Oliver Goldsmith
l\'amô de patria o no conosce e frontëe di ätri
Stanislaw Jerzy Lec
l\'amô o desmette d\'ëse un piaxei quand\'o no l\'é ciù un segretto
Aphra Behn
l\'amô o fa vegnî matti, o maiezzo o fa vegnî becchi, o patriottìximo nesci e grammi
Paul Léautaud
l\'amô o l\'é a neggia ch\'a se forma co-o vapô di sospïi
William Shakespeare
l\'amô o l\'é l\'infinïo à dispoxiçion di cæn
Louis-Ferdinand Céline
l\'amô o l\'é quello ch\'o l\'intravegne à \'n òmmo e à \'na dònna che no se conóscian
William Somerset Maugham
l\'amô o l\'é sempiterno, scin tanto ch\'o dùa
Henri de Régnier
l\'amô o l\'é söo che un brutto mastrusso contra de niätri, tanto che contunnie a smersa umann-a
William Somerset Maugham
l\'amô o no l\'é mai asgreiòu
Miguel de Cervantes
l\'amô tra chi imprende e chi mostra o l\'é o primmo e ciù importante scæn verso a conoscensa
Desiderius Erasmus von Rotterdam
l\'ànima de l\'òmmo a no pâ mai tanto fòrte e nòbile comme quande a renonsia a-a vengansa e a s\'incalla à perdonâ un tòrto
E.H. Chapin
l\'approvaçion di ätri o l\'é un stimolante che de vòtte l\'é megio no fiâse
Paul Cézanne
l\'arte a l\'é un investimento de palanche, a coltùa a l\'é un àlibi
Ennio Flaiano
l\'arte a no l\'è un spegio da aspegiâ o mondo, ma un martello da dâghe di corpi
Vladimir Majakovskij
l\'arte a scròlla d\'in sce l\'ànima a pùa ch\'a se gh\'é ammuggiâ inta vitta de tutti i giorni
Pablo Picasso
l\'attô o l\'é un böxardo scinçëo
Albert Camus
l\'avvegnî o l\'appartegne a-e gente che vé e poscibilitæ alò che végnan ciæe pe tutti
Theodore Levitt
l\'avvocato o l\'é pe natùa o compâ do banchê
Henry Ford
l\'é bello accòrzise da maniman che n\'accapimmo ninte
Maurice Maeterlinck
l\'é ben ben bello no fâ do mâ. Ma l\'é ben ben brutto no fâ do ben
Padre Alberto Hurtado
l\'é ben ben diffìçile travaggiâ benìscimo e, into mæximo tempo, desprexâ o lòu che ti fæ
Milan Kundera
l\'é ciù fàçile desintegrâ un àtomo che un pregiudiçio
Albert Einstein
l\'è ciù fàçile perdonâ un nemigo che un amigo
William Blake
l\'é ciù fàçile scombatte pe di prinçipi che anâghe appreuvo
Alfred Adler
l\'é ciù megio azzontâ da vitta a-e giornæ, che de giornæ a-a vitta
Rita Levi Montalcini
l\'é de bon fâ scrive i sò regòrdi, pe un ch\'o l\'à \'na gramma memöia
Arthur Schnitzler
l\'è de grammo antevedde, màscime in ponto avvegnî
Chinese saying
l\'é de grammo arriescî o fâ accapî quarcösa à \'na personn-a che o sò saläio o depende da-a sò capaçitæ de no accapîlo
Upton Sinclair
l\'é de grammo conosce quelli che va appreuvo a-a corrente de sò idea
Stanislaw Jerzy Lec
l\'é de grammo dî chi l\'é che fa e pezo çiötaie, se i nemixi co-e pezo intensioin ò i amixi co-e megio
Lord Lytton
l\'é megio ëse ottimisti e avei tòrto che pescimisti e avei raxon
Kurt Gödel
l\'é megio no avei de leze che infrànzile tutti i giorni
Ugo Foscolo
l\'é megio savei cöse inùtile ciuffïto che no savei ninte
Lucius Annaeus Seneca
l\'é peigoso avei raxon inte de costioin donde e ötoritæ constituïe gh\'an tòrto
Voltaire
l\'é perché l\'umanitæ a no saiva ond\'a l\'anava ch\'a l\'é arriescïa à trovâ a seu stradda
Oscar Wilde
l\'è pròpio quande ç\'ascordemmo de niätri che riescimmo à fâ de cöse che se meitan d\'ëse arregordæ
Anonymous
l\'é ræo che i òmmi che gh\'an o màscimo respeto pe-e dònne séggian tegnùi da conto da liätre
Joseph Addison
l\'economia do mondo ancheu a l\'é unna stramesuâ casa da zeugo
Fidel Castro
l\'educaçion a l\'é a mainëa chi ne consentisce d\'arrivâ à \'n livello ciù ærto de pregiudiçi
Laurence J. Peter
l\'educaçion l\'é quande se descreuve da maniman che no semmo ninte
Will Durant
l\'egoìximo o no sta into vive comme voemmo niätri, ma into pretende che i ätri vìvan comme ne gusta à niätri
Oscar Wilde
l\'erético o l\'é quello ch\'o l\'appissa o feugo, no quello chi ghe bruxa drento
William Shakespeare
l\'espanscion a gh\'à drento a complescitæ, e a complescitæ l\'accandacâse
Cyril Northcote Parkinson
l\'espeiensa a l\'é quella cösa mäveggiosa ch\'a te fa conosce i sbali quande ti î fæ \'nna segonda vòtta
Franklin P. Jones
l\'essensa da matemàtica a sta inta seu libertæ
Georg Cantor
l\'evoluçion da smersa umann-a a no se compià inte pöco dexenn-e da miggiæa d\'anni comme intravegne pe-e bestie domésteghe, scì ben inte \'n muggio de mioin de anni, comme pe-e bestie sarvæghe. De fæto l\'òmmo o l\'é e o saià pe de longo un animâ sarvægo
Charles Darwin
l\'evoluçion, ch\'a va da l\'ameba à l\'òmmo, a-i filòsofi a ghe pâ un progresso, ma no semmo se l\'ameba a l\'é da mæxima opinion
Bertrand Russell
l\'existensa de\'n desoccupòu a l\'è \'na denegaçion do drïto de vive ch\'a l\'é pezo che a mæxima mòrte
José Ortega y Gasset
l\'idealìximo a l\'é a nòbile tòga che i scignöi da polìtica ghe ingheuggian a sò smangiaxon de comandâ
Aldous Huxley
l\'idealìximo o cresce in proporsion drïta a-a nòstra distansa da-o problema
John Galsworthy
l\'ignoansa a l\'é a ciù gran vivagna de feliçitæ
Giacomo Leopardi
l\'ignoansa a l\'é a moæ da feliçitæ e da satisfaçion do sesso
Giordano Bruno
l\'ignoansa a l\'é vixinn-a a-a veitæ ciù che o pregiudiçio
Denis Diderot
l\'imaginaçion a l\'é söo che o fruto da nòstra memöia
Pierre Bonnard
l\'imaginaçion a ne confòrta de quello che no poemmo ëse. O senso de l\'umorìximo de quello che semmo
Winston Churchill
l\'imaginaçion a serve pe viægiâ e a costa meno
George William Curtis
l\'impëio britànnico o l\'é nasciùo da-a despeaçion de\'n\'intrega geneaçion de ingreixi ch\'an siassòu o mondo in çerchia de \'n pittin de mangiâ comme se deve
Bill Marsano
l\'importante no l\'é aveighe tante idee ma vìvine unn-a
Ugo Bernasconi
l\'importante no l\'é de fâ tante cöse, ma fâle con tanto amô
Madre Teresa di Calcutta
l\'inçertessa a l\'é unna margaita che e feugge no ti ê finisci mai de desfeuggiâle
Mario Vargas Llosa
l\'infeliçitæ a se peu ciammâ a differensa tra e nòstre capaçitæ e e nòstre speanse
Edward De Bono
l\'inferno e o pareiso me pan feua mesùa. E açioin di òmmi no meitan coscì tanto
Jorge Luis Borges
l\'instruçion a l\'é \'na cösa mai bella, ma de semme in semme besorriæ tegnîse ascì à mente che no gh\'é ninte de quello chi conta in davvei ch\'o pòsse ëse mostròu
Oscar Wilde
l\'intellettuale o l\'é un scignöo ch\'o fa ligâ torna i libbri ch\'o no l\'à lezzùo
Leo Longanesi
l\'intelligensa a no ne fa vegnî solo ciù raçionali, ma ascì ciù peigoxi
Simon Wiesenthal
l\'ipocrexìa o l\'é un regallo che o viçio o fa a-a virtù
François de La Rochefoucauld
l\'istöia a ne mostra che i òmmi e e naçioin se compòrtan con do sæximo söo che quande an avùo fornïo tutte e ätre poscibilitæ
Abba Eban
l\'istöia a saià corteise con mi, appreuvo che gh\'ò l\'intension de scrìvila
Winston Churchill
l\'istöia d\'amô milïa a l\'é quella ch\'a se desgheugge tutta pe pòsta
George Bernard Shaw
l\'Italia a marçisce inte \'n bon stâ ch\'o l\'é egoìximo, nesciaia, ignoansa, ciæto, moralìximo, coaçion, conformìximo; prestâse inte quarche mainëa à fâ cresce sto marsumme o l\'é, òua, o fascìximo
Pier Paolo Pasolini
l\'òmmo bravo o l\'é intelligente, quello grammo o l\'é pe de ciù, ascemellòu. E deutte morale e quelle intellettuale van da mæxima
Jorge Luis Borges
l\'òmmo chi perde l\'onô inti daffæ, o perde segge i daffæ, segge l\'onô
Francisco de Quevedo y Villegas
l\'òmmo ch\'o se preuva à guägnâse l\'affeçion di ätri con de bonn-e açioin, o l\'é destinòu in cangio à fâ l\'amäa espeiensa da desconoscensa
Bertrand Russell
l\'òmmo ciù ricco o l\'é quello che i seu piaxei en ciù à bon patto
Henry David Thoreau
l\'òmmo o cortiva mille reuse e o no gh\'attreuva quello ch\'o çerca; ma o porrieiva attrovâlo inte \'nna reusa sola
Antoine de Saint-Exupéry
l\'òmmo o l\'é de longo lesto à moî pe \'nn\'idea, basta ch\'a no ghe segge ciæa
Paul Eldridge
l\'òmmo o l\'é fæto d\'ægua tòsto pe l\'80 via çento; donca no gh\'é da mäveggiâse s\'o l\'é inquinòu
Carl William Brown
l\'òmmo o l\'é l\'ùnico bestia ch\'o ven rosso. Ò ch\'o n\'à de beseugno
Mark Twain
l\'òmmo o l\'é un animâ soçiale ch\'o l\'à in ïa i seu scìmili
Eugène Delacroix
l\'òmmo o l\'é un garsonetto, o dô o l\'é o seu meistro
Alfred de Musset
l\'òmmo o l\'é unna bestia raçionale, ch\'a perde o contròllo tutte e vòtte ch\'o dovieiva comportâse segondo e régole da raxon
Oscar Wilde
l\'òmmo o no vive söo che de pòule, mæximo se de vòtte o l\'é constreito à mangiâsele
Adlai Stevenson
l\'òmmo o prodùe o mâ comme e avie prodùan l\'amê
William Golding
l\'opinion che un chi credde o segge ciù feliçe che l\'àteo a l\'é strafaläia, comme quella che un ciocco o segge ciù feliçe che un chi n\'é bevùo
George Bernard Shaw
l\'organizzaçion da soçietæ americann-a o l\'é un scistema incroxòu de mezi monnopòli che tutti san che gh\'en pe-e palanche, con di elettoî che tutti san ch\'en orbixæn, e tutto sotta a ghìa di mezi de comunicaçion che tutti san ch\'en böxardi
Paul Goodman
l\'originäio o no conresponde ben a-a traduçion
Jorge Luis Borges
l\'originalitæ a l\'é l\'arte de copiâ sensa fâse descreuve
William Ralph Inge
l\'oscenitæ a no l\'é a pornografìa, l\'oscenitæ a l\'é che ghe segge quarchidun ch\'o pòsse moî da-a famme
José Saramago
l\'ottimista o l\'é quello ch\'o pensa che e cöse no peuan anâ pezo de coscì
Alessandro Morandotti
l\'ottimista o se credde che sto chì o segge o megio di mondi che ghe pòsse ëse; o pescimista o l\'a poïa ch\'a segge pròpio coscì
Robert Oppenheimer
l\'umanitæ a gh\'à da mette fin a-a guæra, se donca a guæra a mettià fin à l\'umanitæ
John Fitzgerald Kennedy
l\'ùnica cösa che ne mostra l\'espeiensa l\'é l\'espeiensa a no ne mostra ninte
André Maurois
l\'ùnica cösa ch\'a no lascia che o Segnô o ne mande un ätro deluvio a l\'é che o primmo o no l\'é servïo
Nicolas de Chamfort
l\'ùnica lòtta ch\'a se perde a l\'é quella ch\'a se mòlla
Madres de Plaza de Mayo
l\'ùnica mainëa che un giornalista o dovieiva ammiâ un polìtico a l\'é da l\'ærto in basso
Frank Kent
l\'ùnica mainëa de desviluppâ o senso de responsabilitæ inte personn-e a l\'é de affiâghe de responsabilitæ
Kenneth Blanchard
l\'ùnica mainëa de no dâ à divedde a-i ätri i nòstri lìmiti, a l\'é quella de no scompassâli mai
Giacomo Leopardi
l\'ùnica tendensa do cine da giornâ d\'ancheu a l\'é guägnâ un sacco de palanche
Roman Polanski
l\'ùnico tiranno a-o mondo che pòsso açettâ a l\'é a mæ conscensa
Mohandas Karamchad Gandhi
l\'utopìa a sta a-o zinâ. M\'arentiscio de doî pasci e lê a s\'arrösa de doî pasci; fasso dexe pasci e o zinâ o s\'arrösa de dexe pasci; pe quante camminn-e, no l\'acciappiò mai. Cös\'a serve l\'utopìa? A serve pròpio à camminâ
Eduardo Galeano
l\'ægua a parla pe de longo ma a no se ripete mai
Octavio Paz
magara descreuve a veitæ foïse mai tanto de bon fâ, comme convinse e gente à créddise o fäso
Marcus Tullius Cicero
maiezzo: doe personn-e che se méttan d\'accòrdio pe contâ a mæxima miccia
Karen Durbin
maniman, a libertæ de stampa a l\'é quella ch\'a l\'à patïo de ciù o lento desandio de l\'idea de libertæ
Albert Camus
marviaggio quello momento de feliçitæ ch\'o m\'à reiso infeliçe pe de longo
Franco Trincale
me creddo che co-o tempo se guägniëmo che no ghe segge ciù de goerni
Jorge Luis Borges
me creddo che \'na bonn-a traduçion a consciste inte l\'accapî o testo e pe accapî beseugna avei visciùo into mondo vëo, ch\'o se peu toccâ, sensa redùe tutto à remenâ de pòule
Douglas Hofstadter
me creddo d\'avei attrovòu l\'anello ch\'o manca tra e bestie e l\'\"homo sapiens\": niätri
Konrad Lorenz
me dïvan che ghe voeiva quarche mòrto pe poei arrivâ à \'n mondo donde no s\'ammassesse ciù nisciun
Albert Camus
me reservo con fermessa o drïto de contradîme da mi
Paul Claudel
me saiæ cäo de vedde sposæ i prævi e no solo quelli eterosessuali
Anónimo
me sento ottimista in sce l\'avvegnî do pescimìximo
Jean Rostand
meggioâ o stile veu dî meggioâ o penscëo
Friedrich Wilhelm Nietzsche
meitæ do mondo a l\'é fæta da de gente ch\'an quarcösa da dî e no peuan dîlo; l\'ätra meitæ da de gente che n\'an ninte da dî e contùnnian dixéndoo
Robert Frost
meno gh\'emmo e ciù demmo. Pâ de strannio ma a l\'é a lògica de l\'amô
Madre Teresa di Calcutta
mi me fïo söo che de statìstiche ch\'ò zà mastrussòu
Winston Churchill
mi no depenzo e cöse comme e veggo, ma comme me e appenso
Pablo Picasso
mi son de bocca bonn-a: me contento do mëgio che gh\'é
Oscar Wilde
mi son mi e a mæ çircostansa
José Ortega y Gasset
mi son \'nna parte de tutto quello ch\'ò attrovòu in sciô mæ cammin
Alfred Tennyson
mïa ben de n\'acciammâ intelligenti söo che quelli che â pénsan pægio che ti
Ugo Ojetti
mïa de tegnî i euggi averti ben, avanti che ti te maii; e mezi serræ dòppo
Benjamin Franklin
miga tutti son condannæ à ëse intelligenti
Carlo Emilio Gadda
moî no l\'é ninte; l\'é no vive ch\'o mette poïa
Victor Hugo
m\'appenso, donca ghe son
René Descartes
m\'ò de longo creddùo che se gh\'é un pòsto a-o mondo che no gh\'é de rasse, o l\'é l\'Italia: de fæto e nòstre madonnæ gh\'an avùo tròppo öcaxoin de demoâse
Enzo Biagi
nascemmo prìnçipi, e à son de çivilizzâçe, vegnimmo à ëse baggi
Eric Berne
nettezzâ a cà tanto che i figgeu stan ancon che créscian a l\'é comme paezzâ in sciô marciapê avanti ch\'agge avùo fornïo de neiâ
Phyllis Diller
ninte gh\'à de beseugno d\'ëse cangiòu comme i viçi di ätri
Mark Twain
ninte l\'è imposcìbile pe quelli che no dévan fâlo
A.H. Weiler
ninte l\'é teuscego e tutto l\'é teuscego; a differensa a l\'é inta quantitæ
Paracelsus
nisciun goerno no peu reze tanto, sensa unna fòrte oppoxiçion
Benjamin Disraeli
nisciun òmmo ch\'o segge in davvei patron da seu lengua o peu patronezzâne unn\'ätra
George Bernard Shaw
nisciun peu ëse mai tanto abbelinòu da aveighe ciù cäo a guæra che a paxe; perché in tempo de paxe i figgi assottæran i poæ, tanto che in tempo de guæra i poæ assottæran i figgi
Herodotus
nisciun se meita e teu lagrime e chi se ê meita no te faià mai cianze
Gabriel García Márquez
nisciunn-a descriçion no poética da realtæ a porrià mai ëse completa
John David Barrow
nisciunn-a dònna a peu comportâ un maio ch\'o zeuga, feua che s\'o guägna de longo
Thomas Dewar
no aveighe de viçi o no l\'azzonze ninte a-a virtù
Antonio Machado
no çe doviëscimo mai affiâ de unn\'intrapreisa che ghe veugge un vestî neuo
Henry David Thoreau
no çercâ à vegnî un òmmo de riescïa, ma ciuffïto un òmmo de varsciùa
Albert Einstein
no credde a-a fortunn-a o l\'é o segnâ che un o no gh\'à d\'espertixe
Joseph Conrad
no demmo mai a mente à cös\'emmo fæto; veddemmo solo quello che n\'arresta da fâ
Marie Curie
no dexidiâ a dònna di ätri l\'é de grammo riescî, appreuvo che quelle che n\'en de nisciun, pe comun, n\'én guæi accaparante
Enzo Biagi
no diggo che e dònne no séggian nesce: o Segnô Onnipotente o l\'à fæte degne di òmmi
George Eliot
no existe i fæti, ma söo che e interpetraçioin
Friedrich Wilhelm Nietzsche
no fasso de limöxine. No son basta pövio da poeile fâ
Friedrich Wilhelm Nietzsche
no ghe peu ëse guæi de dubbi: o desviluppo sostegnìbile a l\'é unn-a de idee ciù peigose
Nicholas Georgescu-Roegen
no gh\'é a breiga de vive a vitta se no t\'ê un goelon de quello ch\'a te exibisce
Emmanuel Wathelet
no gh\'è amô ciù scincëo che quello pe-o pitto
George Bernard Shaw
no gh\'é da indubitâse che a sola paxe stagna e ch\'a dùe, tra maio e moggê, a l\'é a separaçion
Lord Chesterfield
no gh\'é de amô se no se patisce ò se no se fa patî
Henri François-Joseph de Régnier
no gh\'é de erbe gramme e manco di òmmi grammi. Gh\'é söo che di grammi paisæn
Victor Hugo
no gh\'é de grandixe sensa sencitæ
Leo Tolstoy
no gh\'é de mestê de bruxâ i libbri pe destrùe unna coltùa, basta de mainëa che e gente no î lézan ciù
Ray Bradbury
no gh\'é de régole. Tutti i òmmi en de eçeçioin à \'na régola ch\'a no l\'existe
Fernando Pessoa
no gh\'é de religioin moderæ, a religion a l\'à de longo scombattùo a raxon
Patrick Emin
no gh\'é doe personn-e che lëzan o mæximo libbro
Edmund Wilson
no gh\'é idee prematùe, gh\'é di momenti boin che beseugna savei aspëtâ
Jean Monnet
no gh\'é mai de figgi inlezìtimi, ma solo genitoî inlezìtimi
Leon R. Yankwich
no gh\'é megio investimento pe che se segge comunitæ che mette do læte drento à di figgeu
Winston Churchill
no gh\'é nì de comenso nì de fin; gh\'é söo che a stramesuâ pascion pe-a vitta
Federico Fellini
no gh\'é ninte che segge contra a lezze se un çentanâ de òmmi de daffæ deçìddan de fâlo
Andrew Young
no gh\'é ninte chi indùa pe de longo, feua che o cangiamento
Heraclitus
no gh\'è ninte ch\'o pòsse ëse ciù sosso che unna guæra ascosa
Susan Sontag
no gh\'é ninte ch\'o segge bello sotta tutti i ponti de vista
Quintus Horatius Flaccus
no gh\'é ninte de ciù dannoso pe \'na naçion do fæto che i fùccai pàssan da intelligenti
Francis Bacon
no gh\'é ninte de ciù grammo fâ che resciste à \'n pittin de strisceuia
Arnold Lobel
no gh\'é ninte de tanto strafaläio ò redìcolo che o no segge stæto dïto \'na vòtta ò l\'ätra da quarche filòsofo
Oliver Goldsmith
no gh\'é nisciun ch\'o parle mâ de qualitæ ascose di ätri
Bertrand Russell
no gh\'é nisciun fiòcco de neive ch\'o cazze mai into pòsto sbaliòu
Zen saying
no gh\'é nisciunn-a malediçion ciù grande che unn\'idea ch\'a ven spantegâ pe mezo da violensa
Ezra Pound
no gh\'é un cammin verso a paxe. A paxe a l\'é o cammin
Mohandas Karamchad Gandhi
no gh\'é unna demöa ciù ùtile e nòbile de \'n diçionäio. Segge pe-i figgeu da çinqu\'anni in sciù, segge con un pò de fortunn-a, pe-i scrïtoî fin quande compìscian çent\'anni
Gabriel García Márquez
no gh\'emmo drïto de consummâ feliçitæ sensa prodùine, ciù de quante gh\'emmo drïto de consummâ ricchesse sensa prodùine
George Bernard Shaw
no gh\'emmo ninte da aveighe poïa, feua che a poïa mæxima
Franklin Delano Roosevelt
no gh\'ò poïa da grammixe di malemmi, ma do scilensio di galantòmmi
Martin Luther King
no gh\'ò tempo pe avei sprescia
John Wesley
no gh\'unn\'opinion tanto strafaläia che no ghe segge un filòsofo bon da esprìmmila
Marcus Tullius Cicero
no l\'é a libertæ ch\'a l\'ammanca, ammanca i òmmi lìbei
Leo Longanesi
no l\'é dïto che ti seggi un crestian solo perché ti væ in gexa, coscì comme no l\'é dïto che se ti væ a-o garaxe ti seggi unna màcchina
Laurence J. Peter
no me mesccio voentëa inti fæti mæ
Karl Kraus
no me pòsso permette o luscio de perde tempo à fâ dinæ
Alexander Agassiz
no me stæ à ciammâ d\'ëse corteise; ciammæme söo che de fâ comme se o foìse
Jules Renard
no peu guägnâ nisciun sensa che un ätro o perde
Lucius Annaeus Seneca
no poemmo ëse ciù senscìbili a-o piaxei sensa ësilo a-o dô ascì
Alan Watts
no pòsso avei nisciunn-a stimma pe-i traduttoî, perché se donca comensieiva scrivendo inte \'na lengua universale e ciatta, sensa ödô e fatta
Günter Grass
no pòsso cangiâ o passòu, ma pòsso cangiâ i mæ regòrdi
Anónimo
no pòsso vive con quarchidun ch\'o no peu vive sensa de mi
Nadine Gordimer
no scrivo mai o mæ nomme in scî libbri che m\'accatto, feua che quande l\'ò lezùi; appreuvo che l\'é söo che allantöa che pòsso dî che son i mæ
Carlo Dossi
no se fa di amixi chi no s\'è mai fæto un nemigo
Alfred Tennyson
no se fa polìtica co-a morale, ma manco sensa
André Malraux
no se nasce dònna, ma se vegne à ësilo
Simone de Beauvoir
no se peu gödî pe \'n davvei de l\'òçio, se no se gh\'à un muggio de travaggio da fâ
Jerome K. Jerome
no se peu permette che i sciensiæ tortùan e bestie; che fàssan i seu espeimenti co-i giornalisti e i polìtichi
Henrik Ibsen
no se vende a tæra donde camminn-a un pòpolo
Tashunka Witko
no semmo cöse ne intraven, te ô lì cöse ne intraven
José Ortega y Gasset
no sò se o Segnô o l\'existe, ma s\'o no l\'existe o ghe fa ciù bella figùa
Stefano Benni
no son basta zoeno da savei tutto
Oscar Wilde
no son comunista. No me o pòsso permette
Ennio Flaiano
no son mai e virtù, ma de longo i viçi à dîne chi l\'é l\'òmmo da \'na vòtta à l\'ätra
Umberto Galimberti
no son söo che paxifista. Son un paxifista militante. Son lesto à dâme pe-a paxe
Albert Einstein
no stâ à aspëtâ o momento bon: créilo
George Bernard Shaw
no stâ à çercâ à vive pe de longo. No ti gh\'â faiæ mai
George Bernard Shaw
no stâ à ëse coscì modesto... no t\'ê miga coscì importante
Golda Meir
no stâ à voei ninte e ti saiæ l\'òmmo ciù moscio do mondo
Miguel de Cervantes
no stâ mai à deuviâ unn\'esprescion foresta, \'na pòula scientìfica ò unna pòula diffìçile se ghe n\'é zà unn-a pægia into parlâ de tutti i giorni
George Orwell
no stâ mai à giudicâ un libbro da-o cine che n\'an fæto
J.W. Eagan
no stâ mai à piggiâ \'na stradda zà segnâ; a pòrta söo che donde gh\'é zà stæto di ätri.
Alexander Graham Bell
no stemmo de cà inte \'na naçion, stemmo de cà inte \'na lengua
Emil Cioran
no stæ à asgreiâ do tempo à çercâ di sappelli; podama no ghe n\'é pesso
Franz Kafka
no stæ à criâ pe ciammâ aggiutto de neutte. Porriësci addesciâ i vexin
Stanislaw Jerzy Lec
no stæ à deuviâ a pòula foresta \"ideali\". Gh\'emmo zà \'na bellìscima pòula nostrâ: \"böxìe\"
Henrik Ibsen
no stæ à leze pe demoâve comme fa i figgeu, ò pe imprende comme i ambiçioxi. Na, lezzei pe vive!
Gustave Flaubert
no stæ mai do päo co-e gente andante. Accandacæli a-o vòstro livello
Quentin Crisp
no stæve à lasciâ imponn-e a libertæ de pòula avanti da libertæ de penscëo
Stanislaw Jerzy Lec
no s\'allonghisce a vitta, s\'allonghisce a vegiaia
Anónimo
no s\'arriva mai tanto lonxi comme quande no se sa onde se va
Johann Wolfgang von Goethe
no s\'é ancon accapïo che söo che co-a demöa, co-a pascion e co-o rïe se ottëgne unna vëa cresciansa coltuale
Dario Fo
no s\'ëa mai visto avanti mai tanta differensa tra chi travaggia e chi guägna sensa travaggiâ
Vandana Shiva
no ti ghe peu mostrâ ninte à \'n òmmo; ti peu söo che aggiuttâlo à descreuvilo drento de lê
Galileo Galilei
no ti me çerchiësci se no ti m\'avesci zà attrovòu
Blaise Pascal
no ti peu controllâ cöse te succede, ti peu solo controllâ e teu reaçioin à quello che te succede
Brian Tracy
no ti peu dî che a çiviltæ a no va avanti, visto che à ògni guæra t\'ammàssan à \'na neuva mainëa
Will Rogers
no ti peu strenze a man con un pugno streito
Indira Gandhi
no ti porriæ mai fâ \'na revoluçion pe constrùe \'na democraçìa. Bisà che ti gh\'æ \'na democraçìa pe fâ \'na revoluçion
Gilbert Keith Chesterton
no t\'æ mai accapïo pe davvei unna cösa, scin quande no t\'ê bon de fâla accapî à teu madonnâ
Albert Einstein
no ve stæ à affiâ di primmi instinti, e ciù vòtte en onesti
Charles Maurice de Talleyrand-Périgord
no veggo un äro che no aviæ posciùo fâ mi ascì
Johann Wolfgang von Goethe
no veu dî guæi ninte chi l\'é che sposemmo, de zà che a mattin appreuvo descreuviëmo de segùo ch\'a l\'é unn\'ätra personn-a
Samuel Rogers
no veuggio demostrâ ninte, veuggio fâ vedde
Federico Fellini
no veuggio denegâ che a meixinn-a a pòsse servî à quarche personn-a; diggo ch\'a l\'é \'na desgraçia pe-a smersa umann-a
Jean-Jacques Rousseau
no viemmo e cöse comm\'en, ma comme semmo niätri
Anaïs Nin
n\'accapiò mai comme segge che móstran à di zoeni à bombezzâ i paixi co-o napalm e dappeu no i làscian che scrìvan \"belin\" in scî seu ærii
Marlon Brando
n\'an mostròu à credde che quello che l\'é bello o no gh\'à de beseugno de servî à ninte, e che quello ch\'o serve o no peu ëse bello. Veuggio fâve capî che \'na cösa ch\'a serve a peu ëse bella ascì
Mohandas Karamchad Gandhi
n\'ëse d\'accòrdio a l\'é a forma ciù nòbile de patriottìximo
Thomas Jefferson
n\'ò mai lasciòu che a scheua a se mesccesse co-a mæ educaçion
Mark Twain
o baxo o l\'é un mezo inzegnoso ch\'o schiva a-i innamoæ de dî tròppo sciollaie
Alessandro Morandotti
o bello da democraçìa o l\'é pròpio sto fæto chì: tutti peuan parlâ, ma no serve stâ à sentî
Enzo Biagi
o bello da guæra o l\'é che ògni cappo di assascin o fa benexî a sò bandëa e o ciamma con solennitæ o Segnô, avanti de méttise à massacrâ o sò pròscimo
Voltaire
o ben o peu resciste a-e derotte, o mâ no
Rabindranath Tagore
o ben pùbbrico o l\'é a somma de\'n muggio de desgraçie privæ
Anatole France
o böxardo o dovieiva tegnîse à mente che, p\'ëse creddùo, bisà dî söo che e böxìe neçessäie
Italo Svevo
o brutto inandio de l\'umanitæ o l\'é che i nesci son segùi comme tutto, e i intranti in cangio en pin de poïe
Bertrand Russell
o brutto o l\'é che a larghessa a peu ëse ascì un bon affare
Ugo Ojetti
o capitalìximo o l\'é o pezo nemigo de l\'umanitæ
Evo Morales
o casteggian o l\'é a lengua franca di indiæn d\'América
Carlos Fuentes
o çê stellòu de d\'äto a-a mæ testa, a leze morale drento de mi
Immanuel Kant
ò che semmo boin de batte e idee conträie co-o raxonamento, ò bisà che e lascemmo esprimme. No se peu batte e idee co-a fòrsa, maniman s\'afferma o lìbeo desgheuggise de l\'intelligensa
Ernesto Che Guevara
o cìnico o l\'é un che quande o sente profummo de scioî, o s\'ammïa d\'in gïo pe çercâ a cascia da mòrto
H.L. Mencken
o ciù fòrte piaxei de sta vitta o l\'é o veuo piaxei de inluxoin
Giacomo Leopardi
o ciù gran sapello a-a comprenscion de unn\'euvia d\'arte l\'é pretende d\'accapîla
Bruno Munari
o conseggio ch\'o ven çercòu o no vegne açettòu voentëa, pe comun; e quello ch\'o no ven çercòu o l\'é sens\'ätro un sgreuxo
Samuel Johnson
o consenso o l\'é quello che tanti dìxan quande son insemme a-i ätri, ma che se se pìggian à un pe un, nisciun no se o credde
Abba Eban
o conträio de \'n pòpolo çivilizzòu o l\'é un pòpolo creatô
Albert Camus
o còrpo, à trattâlo ben, o peu duâ tutta a vitta
Enrique Clarasó Daudí
o crescio di paixi ch\'en appreuvo à desviluppâse a l\'é ligâ a-a desmilitarizzaçion
Oscar Arias
o culto da prefeçion o pòrta de longo à avei ciù cäo o mastrusso che a veitæ
Paul Ariès
ò de longo organizzòu a mæ vitta in mainëa da moî con trexentomïa repentïi e manco unna nostargia
Fabrizio De André
o débito pùbrico o l\'é grande basta da dâse a mente da pe lê
Ronald Reagan
o derrê de l\'anno o no l\'é o derrê do tempo
Carlos Drummond de Andrade
o desviluppo o l\'é comme \'na stella mòrta, che ne viemmo ancon a luxe, mæximo s\'a l\'é asmòrta da pe coscì e in sempiterno
Gilbert Rist
o desviluppo o l\'é un viægio con ben ben ciù de negæ che de naveganti
Eduardo Galeano
o deuvio a l\'é l\'ùnica caxon ch\'a fasse e pòule bonn-e, vertadëe, lezìttime pòule de \'na lengua
Alessandro Manzoni
o diäo o l\'é un ottimista, s\'o se credde de poei pezoâ i òmmi
Karl Kraus
o digitale o l\'é a speditessa, o riescî fïto. O papê o l\'é o piaxei
Giuseppe Annoscia
o dinâ o l\'é un bravo servitô, ma un grammo baccan
Alexander Dumas
o divòrsio de che se segge menn-a o l\'é \'na pessa in sce cösa ch\'a l\'é finïa mâ. A battaggia pe-o divòrsio a l\'é \'na battaggia de retroguardia. Beseugna bàttise contra o maiezzo
Luciano Bianciardi
o dovei o l\'é quello che ç\'aspëtemmo che fasse i ätri
Oscar Wilde
o dubbio o l\'é un di nommi de l\'intelligensa
Jorge Luis Borges
o dubbio o no fa piaxei, ma a çertessa a fa rïe
Voltaire
o fanatìximo o consciste into redoggiâ i sfòrsci quande ti t\'æ ascordòu a raxon
George Santayana
o fàscino: \'na mainëa pe sentîse responde scì sensa avei fæto nisciunn-a domanda ciæa
Albert Camus
o figgeu o no l\'é un vaso da impî, ma un feugo da açende
François Rabelais
o fin o l\'é inti mezi, pægio che l\'ærboo inta semensa
Mohandas Karamchad Gandhi
o foresto o l\'é drento de niätri. Quande scappemmo da-o foresto e scombattemmo contra de lê, lottemmo contra o nòstro inconscente.
Julia Kristeva
o gallo o canta ascì quella mattin ch\'o fornisce inta pugnatta
Stanislaw Jerzy Lec
o gastigo o l\'à a fonsion de meggioâ chi gastiga
Friedrich Wilhelm Nietzsche
o giornale me o sciorbo. A l\'é a sola fantaxìa che me permetto pe comun
Aneurin Bevan
o giornalista o l\'é aspresciòu da-o dovei serrâ. S\'o gh\'à do tempo o scrive pezo
Karl Kraus
o giornalìximo o l\'arte de impî un spaçio gianco
Rebecca West
o giornalìximo o l\'é spantegâ quello che quarchidun no veu che se sacce, o resto o l\'é do reclammo
Horacio Verbitsky
o graddo de çiviltæ de \'na societæ o se peu mesuâ comme se intra inte seu prexoin
Fedor Michailovich Dostoevski
o gran meito da societæ o l\'é ch\'a ne fa apprexâ o stâ da pe niätri
Charles Chincholles
o guao d\'ëse in oräio o l\'é che no gh\'é nisciun lì pe apprexâlo
Franklin P. Jones
ò impreiso à deuviâ a pòula \'imposcìbile\' co-o ciù gran saeximo
Wernher von Braun
o lenguaggio o l\'é unna parte do nòstro organìximo, no meno compricâ de lê
Ludwig Wittgenstein
o libbro a l\'é unn-a de öcaxoin de feliçitæ che gh\'emmo niätri òmmi
Jorge Luis Borges
o libbro ciù importante pe \'n comunista comme mi o l\'é a Bibbia
Nichi Vendola
o libbro o saià a sarvessa da smersa umann-a
Voltaire
o livello d\'anarfabetìximo o no l\'é cangiòu ma a-a giornâ d\'ancheu i anarfabeti san leze
Alberto Moravia
o louante o ven ciù pövio con ciù o prodùe ricchessa
Karl Marx
o luscio o l\'arroinn-a o ricco e o fa cresce a misëia
Denis Diderot
o l\'é mai tanto curto l\'amô e mai tanto longa l\'obliansa
Pablo Neruda
o l\'é söo che l\'äro ch\'o l\'à de beseugno d\'ëse sostegnùo da-o Goerno. A veitæ a peu existe da pe lê
Thomas Jefferson
o l\'é un äro créddise che nisciun no conosce a seu personalitæ. E ciù tante gente i seu mendi i san ben comme tutto, ma prescìstan à dâghe di nommi ch\'en despægi da quelli che ghe dà, pe comun, tutto o resto do mondo
Arthur Helps
o l\'é un bello andio, quello de dâ mente söo che à quello ch\'o fa un artista, in cangio che à quello ch\'o dixe da sò euvia
David Hockney
o l\'ëa pròpio un conseggio milìa, quello che \'na vòtta ò sentïo che o dàvan à \'n zoeno; fanni de longo quello che ti gh\'æ poïa de fâ
Ralph Waldo Emerson
o mâ che femmo o no ne tïa addòsso tanta ïa e ostilitæ quante o ben che femmo
François de La Rochefoucauld
o maiezzo a l\'é a caxon ciù importante do divòrsio
Groucho Marx
o maiezzo inta vitta o l\'é comme un duello into mezo de \'na battaggia
Edmond About
o maiezzo o l\'é comme i fonzi; çe n\'accorzemmo tròppo tardi s\'en boin ò s\'en grammi
Woody Allen
o mangiâ ciù peigoso a l\'é a torta da sposoei
James Thurber
o megio argomento contra a democraçia o l\'é \'na conversaçion de çinque menuti con l\'elettô de mezo
Winston Churchill
o megio da vitta o no se çerca, o s\'attreuva
Anonymous
o megio de l\'avvegnî o l\'é ch\'o l\'arriva un giorno pe vòtta
Abraham Lincoln
o mercòu o l\'é un pòsto che i òmmi peuan imbroggiâse un con l\'ätro
Anacharsis
o mondo o dovieiva rïe de ciù, ma dòppo avei mangiòu
Mario Moreno (Cantinflas)
o mondo o gh\'à e struttùe do lenguaggio e o lenguaggio o gh\'à e forme da mente
Eugenio Montale
o mondo o l\'é destinòu à vegnî da maniman ciù redìcolo; eive percöse quelli che scrive cöse da rïe son i primmi vëi òmmi de l\'avvegnî
Carl William Brown
o mondo o l\'é materno pe-i òmmi e masccista pe-e dònne
Belén Sánchez
o mondo o l\'é scompartïo tra quelli che no dòrme perché gh\'an bazinn-a e quelli che no dòrme perché gh\'an poïa de quelli che gh\'à bazinn-a
Paulo Freire
o mondo o no l\'é vëo, ma o l\'é reale
Fernando Pessoa
o mæ avvegnî o comensa quande staggo sciù a-a mattin... tutti i giorni attreuvo quarcösa de creativo da fâ inta mæ vitta
Miles Davis
o mæ gatto o fa quello che vorriæ fâ mi, con meno lettiatùa
Ennio Flaiano
o mæ lagno o no l\'é de savei se son grande ò piccin, ma poei ammiâ se crescio tutti i giorni
Eduardo Chillida
o no ve mette poïa un mondo de anarfabeti sensa memöia, feua che quella di sò ordenatoî?
Harold Bloom
o nòstro ciù grande sagrin inta vitta o ne ven da-o fæto che semmo pe de longo a-o solitäio, e tutti i nòstri giammin, tutte e nòstre açioin, çèrcan söo che de scappâ da sta solitùdine chìe
Guy de Maupassant
o novanta via çento di polìtichi o l\'arroinn-a a sveuga de l\'ätro dexe via çento
Henry Alfred Kissinger
ò passòu a mæ vitta à confirmâ a régola
Sacha Guitry
o passòu o l\'é o comenso
William Shakespeare
o patriotìximo a l\'é a teu convinsion che o teu paise o l\'é megio che tutti i ätri perché ti gh\'ê nasciùo ti
George Bernard Shaw
o peccòu ciù gròsso o l\'é o peccòu d\'ëse nasciùi
Samuel Beckett
o penscëo o l\'é comme unna grann-a d\'ænn-a inta màcchina do poei
Bruno Arpaia
o penscëo o va arrieu, vegne avanti e cöse
Nina Ivanoff
o pezo che ghe peu intravvegnî à \'n genio o l\'é d\'ëse capïo
Ennio Flaiano
ò piggiòu da-o spìrito ciù de quante o spìrito o l\'à piggiòu da mi
Winston Churchill
o poeta o l\'é pægio à quello nòbile prìnçipe de nuvie, ch\'o sta de cà inta borrasca e o se ne rïe de l\'arçê; dappeu, exiliòu in sciâ tæra e tramezo a-i lòi, co-e seu äe da zagante o no l\'arriesce manco à camminâ
Charles Baudelaire
o polìtico o deve ëse bon da dî cös\'accapitià doman, o meise che ven e un ätr\'anno, e dappeu o deve ëse bon ascì de fâne capî perché o no l\'é successo
Winston Churchill
o polìtico o pensa a-e eleçioin che vegnià, o statista a-e geneaçioin che vegnià
Otto von Bismarck
o primmo scìntomo da mòrte a l\'é a nascion
Stanislaw Jerzy Lec
o regòrdo che un libbro o lascia o l\'é ciù importante che o libbro mæximo
Gustavo Adolfo Bécquer
o regòrdo da feliçitæ o no l\'é ciù feliçitæ, o regòrdo do patimento o l\'é ancon patimento
Lord Byron
o repentïo a l\'é a ferma intension de no lasciâ de trasse st\'ätra vòtta
Marcel Achard
o saläio do ciù erto dirizzente de \'na grande intrapreisa o no l\'é \'na recompensa pe-i resultati ottegnùi. De soventi, o l\'é un atto affettoso ch\'o se fa da pe lê
John Kenneth Galbraith
o scàndalo o comensa quande a poliçìa a ghe dà un taggio
Karl Kraus
o scciavo o l\'é quello ch\'o l\'aspëta che quarchidun o vegne à infranchîlo
Ezra Pound
o Segnô o l\'é mòrto pe-i nòstri peccoei. Gh\'emmo o möro de no comméttine, che coscì o seu sagrifiçio o no segge servïo à ninte?
Jules Feiffer
o Segnô o me perdonià. O l\'é o seu mestê
Heinrich Heine
o segretto ciù diffìçile da mantegnî a l\'é l\'opinion che gh\'emmo de niätri mæximi
Marcel Pagnol
o segretto da feliçitæ o l\'é de cede a-e intentaçioin
Oscar Wilde
o segretto da riescïa o sta inte l\'onestæ e inta mainëa de fâ comme se deve. Se t\'arriesci à fìnzili tutti doî, ti ghe l\'æ fæta
Groucho Marx
o segretto do successo o l\'é a scinceritæ, se t\'arriesci à fìnzila, ti ghe l\'æ fæta
Arthur Bloch
o sesso o leva e tenscioin. L\'amô o e fa vegnî
Woody Allen
o socialìximo o peu arrivâ söo che in biçicletta
José Antonio Viera Gallo
ò sospeiso a mæ educaçion solo quande ëa à scheua
George Bernard Shaw
o spagnòllo o no saià \'na vëa lengua de coltùa scin à quande a sciensa a no saià scrïta in spagnòllo
Angel Martín Municio
o spòrte vëo o no gh\'à ninte da fâ co-o zeugo netto; o l\'é pin de rouxìe, de giöxìe, de fanfaronaie, indifferensa verso tutte e régole e de piaxei sàdico de vei a violensa. In sciâ fin, a l\'é guæra sensa späi
George Orwell
o successo o l\'é avei quello che se veu, a feliçitæ a l\'é voei quello che se gh\'à zà
Jackson H. Brown
o successo o l\'é fàçile da ottegnî, o diffìçile l\'é meitâlo
Albert Camus
o sæximo a l\'è a cösa che into mondo a l\'é mëgio scompartïa, tutti en convinti d\'aveighene basta
René Descartes
o sæximo de vive o consciste into levâ da mezo tutto quello che no ghe n\'é franco de beseugno
Lin Yutang
o sæximo o no sta into destrùe i ìdoli, ma into no stâne à creâ
Umberto Eco
o tegniva ærta a sò bandëa... pe no aveila da ammiâ
Stanislaw Jerzy Lec
o tempo di tramandi, de meze mesùe, di attesti che no serve à ninte, feua che à consolâ, di retardi o l\'é in zinn-a de fornî. A-o sò pòsto, intremmo inte \'n\'época de conseguense
Winston Churchill
o tempo o l\'é o megio autô. O treuva de longo o finâ milìa
Charlie Chaplin
o travaggio o curtisce e giornæ e o longhisce a vitta
Denis Diderot
o travaggio o l\'arrösa da niätri træ grænde desgraçie: a gnägnoa, o viçio e o beseugno
Voltaire
o travaggio o l\'é o sosto de quelli che no gh\'an ninte de megio da fâ
Oscar Wilde
o Vatican o l\'é a ciù gran fòrsa da reaçion che ghe segge in Italia. Pe-a gexa en tiranni i goerni che lìmita i seu privilegi e provvidensiali quelli comme o fascìximo che, in cangio, i fan cresce
Antonio Gramsci
o vento o no sciuscia mai da-a banda giusta pe chi no sa ond\'anâ
Lucius Annaeus Seneca
o vëo spëgio di nòstri raxonamenti o l\'é l\'insemme da nòstra vitta
Michel de Montaigne
o verbo lëze o no l\'ammette l\'impeativo. O spartisce sta caratterìstica con di ätri verbi, comme amâ e assunnâse
Daniel Pennac
o viçio o l\'é \'na creatùa mai tanto de quello brutta, che con ciù ti a vei, ciù a te gusta
Finley Peter Dunne
o vin o fa ben ben mâ a-a salute (da testa) de quelli che no ô beive
Anónimo
o vinçitô o l\'appartegne a-o sò bottin
Francis Scott Fitzgerald
ò visto a sciensa, che adoavo, e l\'ærio, che ammavo, destrùe quella çiviltæ a-a quæ speava che servìssan
Charles Lindbergh
ò vosciùo a perfeçion e ò arroinòu quello ch\'anava ben
Claude Monet
ògni convinsion a l\'é unna prexon
Friedrich Wilhelm Nietzsche
ògni òmmo o gh\'à un penso inta vitta, ch\'o no l\'é mai quello ch\'o s\'aviæ vosciùo çerne
Hermann Hesse
ògni pensamento o l\'é unn\'ecceçion a \'na régola geneâ, ch\'a l\'é de no pensâ
Paul Valéry
ògni pòula a rebella a seu memöia
Eduardo Pérsico
ògni pòula, dïta ò scrïta, a l\'é lengua mòrta
Robert Louis Stevenson
ògni sàtira che o censô o l\'é bon d\'accapî a ven, comme l\'é giusto, proibïa
Karl Kraus
ognidun ciamma barbäie quello chi no l\'é inte sò usanse
Michel de Montaigne
ognidun comme còrpo o l\'é scìngolo, comme ànima mai
Hermann Hesse
ognidun o l\'è comme o Segnô o l\'à fæto e ben ben de vòtte pezo ancon
Miguel de Cervantes
ognidun sta à sentî solo quello ch\'o l\'accapisce
Johann Wolfgang von Goethe
onde ti væ, Ivan? Vaggo à Minsk. Ti dixi de böxìe, Ivan! Ti me dixi che ti væ à Minsk, pe dâme da intende che ti væ à Mosca ma in cangio ti væ pe d\'in davvei à Minsk. Ti conti de mosse, Ivan!
Jorge Luis Borges
òua ò capïo o segretto pe megioâ i òmmi: cresce à l\'äia averta, mangiâ e dormî co-a tæra
Walt Whitman
parlâ zerbo gh\'arriéscian tutti, parlâ ciæo pöchi ben
Galileo Galilei
parlo spagnòllo co-o Segnô, italian co-e dònne, franseise co-i òmmi e tedesco a-o mæ can
Charles V
passa o tempo e l\'öa finn-a inta giornâ ciù dùa
William Shakespeare
patî sensa allamentâse a l\'é l\'ùnica leçion ch\'emmo da imprende inte sta vitta
Vincent Van Gogh
pe appartegnî sensa maccia à \'na streuppa de pëgoe, beseugna ëse avanti tutto \'na pëgoa
Albert Einstein
pe attrovâ un amigo bisà serrâ un euggio; pe tegnîselo, doî
Norman Douglas
pe bonn-a fortunn-a che gh\'é o Bush à defende a democraçia
Anónimo
pe comportâ l\'existensa contemmo de böxìe e, sorve tutto, çe ê contemmo da niätri
Elena Ferrante
pe comun, i òmmi se créddan de lengê quello che gh\'é cäo créddise
Caius Iulius Caesar
pe conto mæ, son de longo lesto à imprende, mæximo se no me gusta sempre piggiâ de leçioin
Winston Churchill
pe de longo, i fæti nàscian pe sconfonde e teorìe
Carlo Dossi
pe desgraçia, un à ottant\'anni o se peu innamoâ. Mi scrivo ben appòsta pe scordâme de l\'amô
Jorge Luis Borges
pe ëse patriòtta, aggi in ïa tutte e naçioin feua che a tò; pe ëse religioso tutte e sette feua che a tò; pe ëse onesto tutte e böxardaie feua che e tò
Lionel Strachey
pe quanti ghe saià ancon a breiga de vive, quande no moiëmo ciù?
Elias Canetti
pe tanti òmmi a vitta veu dî anâ à çercâ a cartelletta giusta onde archiviâse
Clifton Fadiman
pe tanto che ti vagghi e che ti sarçisci tutti i cammin, no t\'arriviæ mai a-i confin de l\'ànima, da mai tanto ch\'o l\'é prefondo o seu logos
Heraclitus
pe tutti i problemi compricæ gh\'é de longo unna soluçion sencia. Ch\'a l\'é sbaliâ
H.L. Mencken
pe un muggio de dònne a stradda ciù curta verso a perfeçion a l\'é a tenniessa
François Mauriac
pe \'n candidòu l\'é peigoso dî de cöse che e gente porrieivan tegnîse à mente
Eugene Joseph McCarthy
pe-i ciù tanti òmmi, l\'espeiensa a l\'é comme i fanæ de poppa de \'n barco, che fan ciæo söo che à quello che çe lascemmo de derrê
Samuel Taylor Coleridge
pe-o piaxei de vive sensa breiga gh\'é sens\'ätro a breiga de vive sensa piaxei
Sant'Agostino
peccòu che tutti quelli che saieivan boin da goernâ a Naçion séggian de zà occupæ à portâ o tassì e à taggiâ cavelli
George Burns
pellissa: unna pelle ch\'a cangia de bestia
Anonymous
pensâ no te fa miga mâ
Giovanni Guareschi
pensâ o l\'é o travaggio ciù dùo che ghe segge
Henry Ford
perchè a natùa a l\'à creòu l\'òmmo? Pe fâ capî ch\'a l\'é mai tanto grande ch\'a peu fâ finn-a di äri, ò pe ignoansa e basta?
Jackson Holbrook
perché deuviâ de pòule gròsse? Veuan dî mai tanto pöco
Oscar Wilde
perché resegondâ i vegi äri, quande ghe n\'é mai tanti de neuvi da fâ?
Bertrand Russell
perché s\'ammassa e personn-e ch\'à ammassòu de ätre personn-e? pe fâ capî che ammassâ l\'é sbaliòu?
Norman Mailer
percöse avei poïa da mòrte? a l\'é a ciù grande avventùa da vitta
Charles Frohman
peu ëse che l\'ùnico pòsto che un òmmo o peu sentîse a-o segùo pe\'n davvei a l\'é \'na prexon de màscima seguessa, se no foìse perchè gh\'é de longo peigo d\'ëse libeòu
Germaine Greer
peuan taggiâ tutte e scioî, ma no porrian affermâ a primmaveia
Pablo Neruda
Picasso o l\'é un pittô, e mi ascì; Picasso o l\'é spagnòllo, e mi ascì; Picasso o l\'é comunista, e mi manco
Salvador Dalí
piggiâ l\'andio à unna cösa gh\'à mai tanta de quella fòrsa che ç\'avviemmo scinn-a à vive
Gesualdo Bufalino
pöchi ne véddan comme semmo, ma tutti véddan quello che finzemmo d\'ëse
Niccolò Machiavelli
podama che ancheu l\'obiettivo o no l\'é de descreuve quello che semmo ma de refuâ quello che semmo
Michel Foucault
podama l\'ética a l\'é \'na sciensa ch\'a l\'é scentâ arrëo de d\'into mondo; no fa ninte, bisà inventâla torna
Jorge Luis Borges
provâ che gh\'ò raxon l\'é comme ammette che porriæ aveighe tòrto
Pierre Caron de Beaumarchais
pùbbrico registro di giornalisti! Idea da peisafumme, da professoî fäsci, da giornalisti mancæ, da gente ch\'a no veu che i ätri pénsan co-a seu testa. O registro o l\'é \'na sciollaia ch\'a fa rïe, sensa morale, appreuvo ch\'a vorriæ mette un terme à quello che de terme o no ghe ne deve avei, a-a lìbea esprescion do penscëo
Luigi Einaudi
p\'ëse coerenti, bisà ëse ignoanti ancheu comme l\'anno passòu
Bernard Berenson
p\'ëse niätri mæximi bisà ëse quarchidun
Stanislaw Jerzy Lec
quande a lengua a l\'é corrompïa a gente a perde a fê inte quello ch\'a sente, e sto fæto chì o pòrta a-a violensa
Wystan Hugh Auden
quande a stampa a l\'é lìbea e tutti san leze, tutto l\'é segùo
Thomas Jefferson
quande a virtù a l\'à dormïo, a sta sciù con ciù asbrïo
Friedrich Wilhelm Nietzsche
quande cacciæ zù i monumenti, miæ de sarvâ i pedestalli. Peuan de longo vegnî à taggio
Stanislaw Jerzy Lec
quande doî òmmi de daffæ en à tutt\'öe d\'accòrdio, un di doî o l\'é de sovercio
William Wrigley Jr.
quande e gente peuan fâ comme veuan, pe comun fan o verso a-i ätri
Eric Hoffer
quande figgeu me dïvan che tutti poeivan diventâ prescidente di Stati Unïi. Staggo che comenso à credde ch\'a segge vëa
Clarence Darrow
quande gh\'é doe verscioin de \'n\'istöia conträie fra de lô, o megio l\'é de credde à quella donde e gente ghe fan ciù brutta figùa
H. Allen Smith
quande i Miscionäi en arrivæ chì coscì, i africæn aivan a tæra e i Miscionäi gh\'aivan a Bibbia. N\'an mostròu à pregâ co-i euggi serræ. Quande i emmo averti torna, liätri aivan a tæra e niätri a Bibbia
Jomo Kenyatta
quande l\'òmmo o no gh\'à ciù freido, labbia ò poïa, o l\'é descontento
Ennio Flaiano
quande o çervello o se forma inta pansa da moæ, o no gh\'à nisciunn-a idea de drento
Maurice Blanchot
quande o Segnô o se taxe, se ghe peu fâ dî quello che se veu
Jean-Paul Sartre
quande se incontra doe personalitæ, l\'é comme quande se mesccia doe sostanse chìmiche; se gh\'é \'na reaçion, tutte doe végnan cangiæ
Carl Jung
quande sento che \'n òmmo tutto o mondo ghe ciòcca e moæn, o me fa de longo un pittin de mäpró. Pe sentîli à scigoâ o gh\' söo che da vive do tempo à basta
H.L. Mencken
quande ti bottezzi da-a feliçitæ, mïa ben che nisciun no te leve a tæra de sotta i pê
Stanislaw Jerzy Lec
quande ti t\'addòrmi ti t\'ascòrdi chi t\'ê. Quande ti t\'addesci ti te n\'arregòrdi
Jorge Luis Borges
quande tutti pénsan a-a mæxima mainëa, no pensa nisciun
Walter Lippmann
quande t\'ammïi ben inti euggi quarchedun t\'ê constreito à ammiâte da ti
Tahar Ben Jelloun
quande un òmmo o l\'ammassa unna tigre, ô ciàmman spòrte, quande a tigre a l\'ammassa l\'òmmo, â ciàmman bestialitæ
George Bernard Shaw
quande un pòpolo o no s\'incalla ciù à defende a seu lengua o l\'é lesto pe-a scciavitù
Remy de Gourmont
quande ven \'na guæra a primma vìttima a l\'è a veitæ
Hiram Warren Johnson
quande zoeno, m\'arregordava tutto. Che o foìse intravvegnùo ò no
Mark Twain
quand\'a l\'arrivià l\'inspiaçion a me trovià che so\' appreuvo à pittuâ
Pablo Picasso
quante vitte inte \'na vitta, quanti òmmi inte \'n òmmo
Giovanni Papini
quarchidunn-a de ciù grænde istöie d\'amô che conoscio gh\'an avùo un solo protagonista
Wilson Mizner
quella che pe-a gatta a l\'é a fin do mondo; o resto do mondo o o ciamma parpaggia
Lao Tse
quella neuva inspiaçion, che s\'a l\'ammanca tradùe veu dî solo parafrasâ inte \'n\' ätra lengua
Fernando Pessoa
quelli che parla tanto no dìxan ninte
Françoise Sagan
quelli che scrìvan comme pàrlan, mæximo se pàrlan ben, scrìvan ben ben mâ
Georges-Louis Leclerc, Comte de Buffon
quelli che s\'an ambïo d\'avei fæto \'na revoluçion, an de longo visto, o giorno appreuvo, che no saivan cöse se fävan, che a revoluçion ch\'aivan fæto a no s\'assomeggiava pe racca à quella ch\'avieivan vosciùo fâ
Friedrich Engels
quelli che s\'asseunna de giorno san ben ben de cöse che no sa quelli che s\'asseunna de neutte
Edgar Allan Poe
quello che gh\'emmo in comun l\'é che semmo tutti un despægio da l\'ätro
Anónimo
quello che me despiaxe, de belinate fæte da zoeno, no l\'é d\'aveile fæte, ma de no poeine fâ de ätre
Pierre Benoit
quello che me mette ciù poïa o l\'é l\'inverno da memöia
Juan José Arreola
quello che no serve a-o sciammo o no serve manco à l\'avia
Marcus Aelius Aurelius Antoninus
quello che veuggio, l\'é che tutto gh\'agge a forma de çercio e che no ghe segge, pe mainëa de dî, nì comenso e nì fin inta forma, ma ch\'a dagghe - a-o conträio - l\'idea de \'n insemme armonioso, quello da vitta
Vincent Van Gogh
quello chi l\'é de ciù grammo ottegnî o l\'é ciù apprexòu
Aristotle
quello chi te pâ \'na çimma, o l\'é söo che un scæn
Lucius Annaeus Seneca
quello ch\'acciammemmo \'progresso\' o l\'é o scangio de \'n\'angosciaia con \'n\'ätra angosciaia
Henry Havelock Ellis
quello ch\'o dà breiga inte l\'amô, o l\'é ch\'o l\'é un delitto ch\'o l\'à de beseugno de \'n cómprixe
Charles Baudelaire
quello ch\'o l\'à de longo cangiòu o stato inte \'n inferno in tæra o l\'é stæto pròpio o tentativo di òmmi de cangiâlo inte \'n pareiso
Friedrich Hölderlin
quello ch\'o no domanda ninte, o s\'aspëta tutto
Jean Rostand
quello ch\'o no se peu dî o dev\'ëse taxùo
Ludwig Wittgenstein
quello pittin che sò, l\'é perché so\' ignoante
Sacha Guitry
quæ a l\'é a differensa tra un figgeu de çinque anni addescio e coioso, e un zoeno angoscioso e attögnellòu de dixineuve anni? Quattorz\'anni de scheua in Inghirtæra
Bertrand Russell
raxonâ ciæo a l\'é a cortexìa do filòsofo
José Ortega y Gasset
réçita ben a teu parte, l\'önô o l\'é tutto chì
Edgar Lee Masters
resciòrve i nòstri problemi veu dî cangiâ arrëo a relaçion con niätri mæximi e con tutto o nòstro passòu
Alejandro Jodorowsky
scì à l\'economia de mercòu, no a-a societæ de mercòu
Lionel Jospin
sciensa l\'é tutto quello chi consentisce de longo a discuscion
José Ortega y Gasset
scin à tanto che ghe saià de petròlio no ghe saià de paxe inti paixi do levante
Anónimo
scin à tanto che o cô da pelle o gh\'avià ciù importansa che o cô di euggi, a saià de longo \'na guæra
Bob Marley
scin da-o comenso, e grænde banche, ingiarmæ de nommi naçionali, en stæte söo che de societæ de speculatoî privæ a-o scianco di goerni...
Karl Marx
scin òua, a mòrte l\'é quello che a vitta a l\'à inventòu de ciù drùo
Emil Cioran
scrive a l\'é unna mainëa de parlâ sensa ëse interrotti
Jules Renard
scrive veu dî de longo asconde quarcösa de mainëa ch\'o ven descoerto
Italo Calvino
scrive \'na poexìa dòppo Auschwitz a l\'é unna cösa da barbai
Theodor W. Adorno
se a libertæ a veu dî quarcösa, a veu dî o drïto de dî a-e gente quello che no gh\'an coæ de sentîse dî
George Orwell
se a sciensa a no l\'é perfetta, no veu dî che ti gh\'æ de beseugno da religion
Anonymous
se a zoentù a ghe saià contra pe \'n davvei, finn-a a potentìscima e misteiosa maffia a scentià comme \'n peson
Paolo Borsellino
se comportæ quarcösa, da maniman â poei comportâ de ciù, e dòppo un pittin a vegne à ëse normale
Israel Zangwill
se constrùe tutto in sce l\'ænn-a e ninte in sciâ prìa, ma niätri emmo da constrùe comme se l\'ænn-a a foìse prìa
Jorge Luis Borges
se doe personn-e se àmman, a no peu anâ à finî ben
Ernest Hemingway
se dovieiva pensâ ciù à fâ ben che à stâ ben, che coscì se finieiva finn-a pe stâ ciù ben
Alessandro Manzoni
se dæ l\'imprescion che gh\'ei de beseugno de palanche, no ve daian racca. Pe fâ di dinæ bisà finze d\'ëse mosci
Alexander Dumas
se foìscimo boin da méttise insemme... comm\'o saieiva bello e vexin l\'avvegnî!
Ernesto Che Guevara
se i òmmi accapìssan ciù ben comme son peigose çerte pòule, i diçionäi inte veddrinn-e di libbræ saieivan ingheuggeiti inte \'na lista de papê rosso con scrïto:
André Maurois
se i teu prinçipi morali te réndan tristo, stanni segùo ch\'en sbaliæ
Robert Louis Stevenson
se into zeugo do ballon gh\'é da violensa l\'é perché in Italia, a-a giornâ d\'ancheu conta solo chi guägna
Arrigo Sacchi
se no ti t\'aspëti quello che no gh\'é da aspëtâse, no ti o descroviæ, da tanto ch\'o scappa e ch\'o no l\'é guæi da créddighe
Heraclitus
se o Segnô o no fäva a dònna, o no fäva manco a sciô
Victor Hugo
se o voto o cangesse quarcösa, o mettieivan feua leze
Anonymous
se peu contâ de böxìe co-a bocca, ma con l\'esprescion che se gh\'à inte quello momento se dixe de longo a veitæ
Friedrich Wilhelm Nietzsche
se peu fallî inte tante mainëe, ma se peu arriescî inte \'nna mainëa sola
Aristotle
se peu stâ à mancinn-a de tutto, ma no do sæximo
Enzo Biagi
se poesse scrive a bellessa di tò euggi
William Shakespeare
se scià se fa accapî con \'n exempio, mi n\'accapiscio ciù ninte
Ennio Flaiano
se s\'æse da studdiâ tutte e leze no arrestieiva ciù o tempo de trasgredîle
Johann Wolfgang von Goethe
se te gusta quello che ti fæ, o no saià mai ciù un travaggio
Confucio
se ti aggiutti quarchidun ch\'o l\'é inti imbròggi, stanni segùo ch\'o se ô tegne à mente, st\'ätra vòtta ch\'o l\'è inti imbròggi
H.V. Prochnow
se ti conosci ben l\'argomento, e pòule vegnian
Marcus Porcius Cato
se ti dixi a veitæ, dappeu no ti gh\'æ da arregordâte de ninte
Mark Twain
se ti gh\'æ in ïa unna personn-a, ti gh\'æ in ïa quarcösa de lê che ti gh\'æ drento ti ascì
Hermann Hesse
se ti gh\'æ \'na capaçitæ, deuvila à tutte e mainëe che ti peu. No stâla à ammuggiâ. No fâtela fâ rëo comme un raixo. Spénditia abbrettio, pægio de \'n milionäio ch\'o l\'eu anâ co-e strasse à l\'äia
Brendan Behan
se ti te veu gustâ a teu virtù, fanni \'n peccòu, d\'ògni \'n pò
Ugo Ojetti
se t\'ê de l\'idea de dî a veitæ a-e gente, çerca à demoâli, se donca t\'ammàssan
Billy Wilder
se t\'ê segùo d\'accapî tutto quello che intravvegne, allantöa t\'ê sconfuso a-a desmattâ
Walter F. Mondale
se t\'eu fâ rïe o Segnô, cóntighe i teu progetti
Blaise Pascal
se t\'eu inricchîte co-o scrive, scrivi quella menn-a de cöse che leze e gente che mescia e lerfe quande lézan
Don Marquis
se t\'eu schivâ de vei un nescio, t\'æ alò da rompî o teu spegio
François Rabelais
se t\'æ poïa de stâ da solo, no te stâ à sposâ
Anton Chekhov
se un goerno o depende da-e banche pe-i dinæ, son ste chì e no i cappi do goerno che contròllan a scituaçion. A man chi dà a l\'è de sovia a-a man chi reçeive. E palanche no an de patria e i finansê no gh\'an de patriottìximo nì de vergheugna; dan mente söo che à guägnâ
Napoleon Bonaparte
se un òmmo o no l\'é lesto à bàttise pe-e seu idee, ò che e seu idee no van ninte, ò ch\'o no vâ ninte lê
Ezra Pound
se un òmmo o parte con de seguesse o finià con de dubianse, ma se un òmmo o parte con de dubianse o l\'arrivà a-a fin con quarche seguessa
Francis Bacon
se un òmmo o veu mesciâ o mondo, bisà che avanti o se mesce lê
Socrates
se un pòpolo o s\'aspëta d\'ëse lìbeo con arrestâ ignoante, o spea quarcösa ch\'a no l\'é mai ciù stæta e ch\'a no saià mai
Thomas Jefferson
se vive \'na vòtta sola, ma se ti ô fæ ben, \'na vòtta a l\'é à basta
Joe E. Lewis
se voemmo che cange e cöse, bisà che occupemmo e banche e femmo sätâ a televixon. No gh\'è ätra poscìbile soluçion revoluçionäia
Luciano Bianciardi
se \'na dònna a l\'é mâ ingiarmâ, se daià mente a-o vestî. S\'a l\'é vestïa ben, se daià mente a-a dònna
Coco Chanel
se \'na dònna a se rende, l\'é solo perché a l\'à vinto
Aldo Camarota
seggei corteixi co-e gente tanto che montæ, perchè gh\'ei da intoppâle torna quande chinæ
Wilson Mizner
seggi larghê: respëta l\'egoìximo di ätri
Stanislaw Jerzy Lec
seggi sccetto e ciæo co-o teu avvocato... Che dappeu o se gh\'appensa lê à impacciugâ tutto
Anonymous
seggi ti o cangiamento che ti veu vedde into mondo
Mohandas Karamchad Gandhi
segùo che ghe peu ëse un rappòrto platònico, ma söo che tra maio e moggê
Anonymous
semmo a nòstra memöia, semmo quell\'imaginäio museo de forme che cangia de longo, quello muggio de spegi rotti
Jorge Luis Borges
semmo appreuvo à imprende in sciâ nòstra pelle che l\'organìximo chi destrùe o sò ambiente o se destrùe da pe lê
Gregory Bateson
semmo che un òmmo o peu leze Goethe e Rilke a-a seia, o peu sunnâ Bach ò Schubert, e a-a mattin appreuvo o peu anâsene à travaggiâ à Auschwitz, comme ninte foìse
George Steiner
semmo de gexa à basta pe piggiâçe in grinta, ma no pe voeiçe ben
Jonathan Swift
semmo fæti da mæxima röba che l\'é fæto i seunni
William Shakespeare
semmo quello che femmo pe cangiâ quello che semmo
Eduardo Galeano
semmo træ vòtte ciù mosci che i nòstri messiäi, ma semmo ascì træ vòtte ciù feliçi?
Tony Blair
semmo tutti condannæ à stâ in prexon da pe niätri inta nòstra pelle, pe tutta a vitta!
Tennessee Williams
semmo tutti ignoanti pe pe coscì, ma no tutti in scê mæxime cöse
Albert Einstein
semmo tutti pægi de fronte a-a lezze, ma no de fronte à quelli che gh\'à l\'incàrego de fâla respettâ
Stanislaw Jerzy Lec
sensa dinæ e sensa tempo, a fantaxia a l\'é solo un seunno ch\'o passa e o no se peu realizzâ
Charles Baudelaire
sensa memöia l\'òmmo o no savieiva ninte e o no saieiva bon da ninte
Giacomo Leopardi
sò che da poexìa no se peu fâ de manco, ma no savieiva dî pe cöse
Jean Cocteau
son allagnòu: comenso à aveighe de idee che no son d\'accòrdio
Francesco Tullio Altan
son àteo, graçie a-o Segnô
Luis Buñuel
son belli solo quelli euggi che v\'ammïan con tenniessa
Coco Chanel
son çircondòu da prævi che dixe de longo che o seu regno o no l\'é de sto mondo, ma intanto méttan e moæn in sce tutto quello che peuan arranfâ
Napoleon Bonaparte
son de ciù quelli che meue tanto che scàppan che quelli che meue in scombatte
Selma Lagerlöf
son de longo d\'accòrdio co-e gente instrute, basta che pàrlan pe primme
William Congreve
son matto de segùo, ma se no ô son, manco i ätri dovieivan ëse lìbei
George Bernard Shaw
son segùo che a revoluçion a l\'é a vivagna do dirïto
Fidel Castro
son stæta inte \'n lunäio, ma no son mai stæta pontuale
Marilyn Monroe
son un òmmo co-i lìmiti da mæ geneaçion. Ma n\'ò mai dïto quello che no voeiva dî, ascì ben che n\'ò de longo dïto quello che voeiva dî
Enzo Biagi
söo che chi no gh\'à poïa de moî in nomme da veitæ o l\'é degno de dîla
José María Vargas Vila
söo che e personn-e instruïe ghe gusta imprende; i ignoanti gh\'é ciù cäo mostrâ
Edouard Le Berquier
söo che i grændi òmmi peuan aveighe di græn mendi
François de La Rochefoucauld
söo che i mòrti véddan a fin da guæra
Plato
söo che i ödaçioxi en boin da perdonâ. Un spoioso o no perdonn-a mai: no l\'é inta sò natùa
Laurence Sterne
söo che i vinçitoî deçìddan quæ séggian stæti i delitti de guæra
Garry Wills
söo che l\'òmmo ch\'o no s\'aspëta ninte o l\'é lìbeo pe d\'in davvei
Andrew Young
söo che quande aviei taggiòu l\'ùrtimo ærboo, atteuscegòu l\'ùrtimo sciumme, acciappòu l\'ùrtimo pescio, söo che allöa accapiei che e palanche no se peuan mangiâ
Cree Indian Prophecy
söo che quande fa scùo basta se peu vei e stelle
Martin Luther King
söo che quello che no se paga o costa
Camillo Sbarbaro
söo chi no à approfondïo ninte o peu aveighe de convinsioin
Emil Cioran
staggo assettòu in sciâ schenn-a de \'n òmmo, o stenzo, l\'arrægo à camallâme. E intanto çerco à convìnçime mi e tutti i ätri ch\'o me fa un muggio de mäpró e che veuggio meggioâ a seu sciòrte à tutte e mainëe poscìbile. Feua che chinâ d\'in sciâ seu schenn-a
Leo Tolstoy
stante che a vitta a l\'é quello ch\'a l\'é, un o s\'asseunna vengansa
Paul Gauguin
stâsene da pe niätri l\'é pe-o spïto quello che o çibbo o l\'é pe-o còrpo
Lucius Annaeus Seneca
stemmo à sentî söo che quelle domande che semmo boin da respóndighe
Friedrich Wilhelm Nietzsche
sti chì en i mæ prinçipi, se no ghe gùstan ghe n\'ò di ätri
Groucho Marx
sto disegno chì o m\'à piggiòu ninte ciù de çinque menuti, ma me gh\'é vosciùo sciusciant\'anni pe arrivâ à fâlo
Auguste Renoir
st\'atteisa chì a l\'é tremenda; speo ch\'a l\'indùe!
Oscar Wilde
svaiâse veu dî, tòsto sempre, cangiâ a mainëa d\'angosciâse
Charles Régismanset
s\'acciamma borghexìa tutte quelle gente ch\'en descontente de quello che gh\'an e satisfæte de quello che son
Nicolás Gómez Dávila
s\'é attrovòu de cùe pe de maottìe che n\'ëan conosciùe
Ronald Reagan
s\'o ven commisso in nomme do Segnô e da patria nisciun delitto o saià tanto grammo da no ëse perdonòu da-e gente
Tom Robbins
tanti saieivan viliacchi, se gh\'abbastesse o cheu
Thomas Fuller
ti cresci pe indavvei quello giorno che pe-a primma vòtta ti te rïi appreuvo da ti
Ethel Barrymore
ti peu dâ sensa ammâ, ma no ti peu ammâ sensa dâ
Amy Carmichael
ti peu fâ de cöse milïa, se no ti pretendi d\'aveine o meito
Edward Moore 'Ted' Kennedy
ti veu rende imposcìbile che un òmmo o pòsse opprimme un ätro òmmo? assegùite che nisciun gh\'agge do poei
Mikhail Bakunin
tòsto tutti i mëghi gh\'an de mouttìe che gh\'é ciù cäe
Henry Fielding
tra doe desgraçie, çerno de longo quella che n\'ò mai provòu
Mae West
tra e cöse ciù preçiose che gh\'ò, gh\'é de pòule che no ò mai dïto
Orson Rega Card
tra quelle idee che a-i contemporanni ghe pan de fantaxìe sensa contegnùo e a-i pòsteri unna cösa natuale, gh\'é ascì l\'introduçion de \'na lengua comun tra di pòpoli despægi
Ludoviko Zamenhof
tra unna molécola e l\'ätra ghe passa tanta distansa comme tra doe stelle
Carlo Dossi
tradùe a l\'é a forma ciù prefonda de leze
Octavio Paz
tutta a complescion religiosa da giornâ d\'ancheu a l\'é dovùa a-a farta de \'n manicòmio à Gerusalemme
Henry Havelock Ellis
tutta a gloia do mondo a sta inte \'na grann-a de gran
José Martí
tutte e dònne ghe saiæ cäo ëse fedele; o diffìçile l\'é attrovâ un òmmo da ësighelo
Marlene Dietrich
tutte e famigge feliçe s\'assoméggian; ògni famiggia desgraçiâ, in cangio, a o l\'é a-a seu mainëa
Leo Tolstoy
tutte e pòule son stæta, unna vòtta, un neologìximo
Jorge Luis Borges
tutte e sciense exatte en dominæ da l\'approscimaçion
Bertrand Russell
tutte e vòtte che basta \'na personn-a sola à fâ un travaggio con a giusta attension, o lòu o ven fæto a-a biscöchinn-a da doe personn-e, e de belle vòtte o no ven manco compïo se l\'incàrego o ven confiòu à træ, ò ancon de ciù
George Washington
tutte e vòtte che e gente me dan raxon, gh\'ò de longo l\'imprescion d\'aveighe tòrto
Oscar Wilde
tutti gh\'emmo da ubbidî a-e lezze, ma pe accapîle ne ghe veu un avvocato
Fabio Fumi
tutti gh\'emmo fòrsa à basta pe comportâ e desgraçie di ätri
François de La Rochefoucauld
tutti i çervelli do mondo no peuan fâ ninte contra tutte e sciollaie che ven de mòdda
Jean de La Fontaine
tutti i dê ëan inmortæ
Stanislaw Jerzy Lec
tutti i òmmi gh\'an unna dònna inta testa, quelli sposæ, in ciù, ghe n\'an unn\'ätra à cà
Noel Clarasó Serrat
tutti i òmmi réçitan, feua che quarche attô
Eugène Ionesco
tutti niätri gh\'emmo unna reixe pægia, semmo tutti figgi de l\'evoluçion de l\'universo, de l\'evoluçion de stelle e semmo, donca, pe \'n davvei tutti fræ
Margherita Hack
tutti quelli ch\'an fæto de græn cöse, l\'é perché an assunnòu tanto
Orison Swett Marden
tutti vorrieivan vive pe ben ben do bello, ma nisciun no vorrieiva vegnî vegio
Benjamin Franklin
tutto l\'é peigoso. ma s\'a no foise coscì, no ghe saiæ a breiga de vive
Oscar Wilde
tutto no vâ ninte e o resto o vâ de meno
León de Greiff
tutto o nòstro savei o n\'aggiutta söo che à moî de \'na mòrte un pittin ciù dösa de quella de bestie che no san ninte
Maurice Maeterlinck
tutto quello che ancheu ciamemmo inmorale, inte quarche pòsto e inte quarche tempo o l\'è stæto conscideòu morale. Cöse n\'assegùa ch\'o no cange torna de nomme?
Friedrich Wilhelm Nietzsche
tutto quello che l\'é e tutto quello che semmo, in sciâ fin, a l\'é pòula
Víctor García de la Concha
tutto quello che no sò l\'ò impreiso à scheua
Ennio Flaiano
tutto quello che un o se peu figuâ, gh\'é di ätri che ô faian vegnî vëo
Jules Verne
un ambasciatô o l\'é un galantòmmo ch\'o ven mandòu feua stato à contâ de serfanelle pe-o ben do sò paise
Sir Henry Wotton
un amigo o l\'è un che insemme à lê ti peu ascì stâ sitto
Camillo Sbarbaro
un baxo permisso o no vâ mai comme un baxo arröbòu
Guy de Maupassant
un bon diçionäio o l\'é un spegio, donde un, s\'o sa çercâ, o l\'attreuva quello ch\'o s\'aspëtava zà
Anónimo
un brao lettô, un gran lettô, un lettô allouòu e creativo o l\'é un ch\'o leze torna
Vladimir Nabokov
un cìnico o no l\'é solo un ch\'o tïa feua de leçioin amäe da-o passòu, ma un ch\'o l\'é deluso avanti o tempo da l\'avvegnî
Sydney J. Harris
un clàscico o l\'é un libbro ch\'o no l\'à mai finïo de dî quello ch\'o l\'à da dî
Italo Calvino
un compromisso a l\'è l\'arte de spartî \'na torta de mainëa che ciaschidun se credde che gh\'é toccòu o tòcco ciù gròsso
Ludwig Erhard
un conçerto per sarvâ o planeta... o me fa vegnî in cheu o Titanic
Anónimo
un crìtico o l\'é \'n òmmo sensa gambe chi mostra à corrî
Channing Pollock
un cuatô editoriale o l\'é un ch\'o scompartisce o gran da-o loeggio e o stampa o loeggio
Adlai Stevenson
un di avvantaggi de l\'amô de groppo o l\'é che un, s\'o veu, o se peu fâ unna pisaggia
Woody Allen
un diçionäio o l\'é tutto l\'universo, in òrdene arfabético
Anatole France
un diçionäio o peu contegnî söo che \'na partïa piccinn-a do patrimònio de \'na lengua
Giacomo Leopardi
un diplomàtico o l\'é un òmmo chi se sovvegne de longo de l\'anniversäio de \'na dònna ma o no s\'arregòrda mai quant\'anni a l\'à
Robert Frost
un fattoriso o l\'é a distansa ciù curta tra doe personn-e
Víctor Borge
un figgeu inte \'na tegnùa o l\'ammïa un ærio ch\'o passa e o s\'asseunna de \'n pòsto lontan. Un viægiatô d\'in sce l\'ærio o vé a tegnùa e o s\'asseunna de cà seu
Carl Burns
un filòsofo o l\'é un òrbo chi çerca inte \'na stansia scùa un gatto neigro chi no gh\'é. Un tiòlogo o l\'é l\'òmmo ch\'o l\'arriesce à trovâlo
H.L. Mencken
un galante o l\'é un òmmo bello contento, ch\'o l\'é lesto à ciantâ lì d\'ësilo
Enrique Jardiel Poncela
un giornalista o l\'é un ch\'o deve dâ a-i ätri a descceiga de quello ch\'o no l\'à capïo manco lê
Lord Alfred Northcliff
un giorno saiëmo torna de personn-e e no söo che di ebrei
Anne Frank
un goerno a l\'é l\'ùnica barca chi perde d\'in çimma
James Reston
un intellettuale o l\'é un che o sò spïto o se sta à ammiâ da lê
Albert Camus
un matto o l\'é quell\'òmmo ch\'o l\'à perso tutto feua che a raxon
Gilbert Keith Chesterton
un meistro licche lacche o raxonn-a. Un bravo meistro o fa accapî. Un meistro milïa o demostra. Un grande meistro o l\'inspïa
William Arthur Ward
un mito a l\'é \'na religion che no ghe credde ciù nisciun
James K. Feibleman
un muggio de longhe rattelle tra teòloghi se peuan transumme de coscì: A l\'é coscì. A no l\'é coscì. A l\'é coscì. A no l\'é coscì
Benjamin Franklin
un o l\'é ciù vertadëo con ciù ch\'o s\'assomeggia à l\'idea ch\'o s\'é assunnòu de lê mæximo
Pedro Almodóvar
un o no l\'é quello ch\'ò l\'é appreuvo à quello ch\'o scrive, ma appreuvo à quello ch\'o l\'à lezzùo
Jorge Luis Borges
un offeisa ch\'a ven fæta à \'n ätro òmmo in caxon do seu appartegnî à un ätro pòpolo, de despægia lengua, religion ò classe soçiale, segondo mi a l\'é \'na cösa da bàrbai
Ludoviko Zamenhof
un òmmo chi no moieiva pe quarcösa o no l\'é inandiòu pe vive
Martin Luther King
un òmmo con ciù o l\'é ricco, con de ciù cöse o peu fâ de meno
Henry David Thoreau
un òmmo con unn\'idea neuva o l\'é un sciòllo scin che quell\'idea a no l\'à successo
Mark Twain
un òmmo da pe lê o l\'é de longo inte \'na brutta compagnìa
Paul Valéry
un òmmo instruïo o l\'é un perdigiorno ch\'o l\'ammassa o tempo con studdiâ
George Bernard Shaw
un òmmo o peu ëse imbroggiòu söo che da lê mæximo
Ralph Waldo Emerson
un òmmo sensa seunni, sensa utopìe, sensa ideali o saieiva un bestia chi mette poïa, un pòrco sarvægo loureòu in matemàtica pùa
Fabrizio De André
un òmmo, quæ se segge òmmo, o vâ ciù de \'na bandëa, quæ se segge bandëa
Eduardo Chillida
un òsso a-o can a no l\'é caitæ. A caitæ a l\'é l\'òsso scompartïo co-o can, quande ti gh\'æ a mæxima brasca do can
Jack London
un pittô o l\'é un ch\'o depenze quello ch\'o vende. Un artista, in cangio, o l\'é un ch\'o vende quello ch\'o depenze
Pablo Picasso
un poeta o l\'accapisce a natùa ciù ben che un sciensiòu
Novalis
un proverbio o l\'é unna frase curta basâ in sce \'nna grande espeiensa
Miguel de Cervantes
un pscichiatra o l\'é un lëmo ch\'o ve fa un muggio de domande caistiose che vòstra moggê a ve fa de badda
Joey Adams
un reformatô o l\'é un ch\'o nàvega inte \'na chintann-a in sce \'na barca co-o fondo de veddro
James J. Walker
un sciensiòu into louëio o no l\'é solo un ténnico o l\'é ascì un figgeu de fronte a-i fenòmeni da natùa che l\'apperlénguan comme e istöie de foæ
Marie Curie
un tràgico indicatô de quelle ch\'en e varsciùe da nòstra çiviltæ o l\'é che no gh\'é un business megio che a guæra
Douglas Mattern
un treitô o l\'é un ch\'o lascia o sò partïo pe scrìvise à un ätro; un convertïo o l\'é un ch\'o lascia sto partïo chì per scrìvise a-o vòstro
Georges Clemenceau
un vëo libbro o no l\'é quello ch\'o se lëze, ma quello ch\'o ne lëze
Wystan Hugh Auden
unn-a de cöse ciù de grammo fâ, inta vitta, a l\'é de aveighe into cheu de pòule che no ti peu dî
James Earl Jones
unna banca o l\'é un pòsto che te impréstan un pægua quande o tempo o l\'é in candeia e te ciàmman de dâghio in derrê quande comensa à ceuve
Robert Frost
unna banca o l\'é un pòsto donde te préstan de palanche se t\'arriesci à mostrâ che no ti n\'æ de beseugno
Bob Hope
unna bonn-a partïa de quello che ciammemmo amministraçion o consciste into rende de grammo riescî o travaggio de gente
Peter Drucker
unna bonn-a reçenscion veu dî söo che se tramanda l\'esecuçion
Dustin Hoffman
unna campagna polìtica a vegne à costâ ben ben de ciù de quello che se peu permette un galantòmmo
Anonymous
unna çigaretta a l\'é l\'exempio milìa do piaxei milìa. A l\'é deliçiosa a no te lascia mai satisfæto. Cöse se peu voei de ciù?
Oscar Wilde
unna dònna lìbea a l\'é franco o conträio de \'na scorlùssoa
Simone de Beauvoir
unna giurìa a l\'é fæta de dozze personn-e stæte çernùe appòsta pe deçidde chi gh\'à l\'avvocato ciù bravo
Robert Frost
unna laurea in lettie a l\'é comme un diploma in origami: e pöco assæ da mæxima utilitæ
James Graham Ballard
unna lengua a l\'é un dialetto con \'n exérçito e unn\'armâ
Joshua A. Fishman
unna lengua chi taggia a l\'é o solo instrumento da taggio ch\'o vegne da maniman ciù affiòu à son de deuviâlo
Washington Irving
unna lengua lògica arrëo e sensa caratterìstiche sò a saieiva unna lengua sensa vitta e tròppo compricâ
Ludoviko Zamenhof
unna lettia elettrònica a no peu contegnî o reuo de \'nna làgrima
José Saramago
unna moltinaçionale a s\'assomeggia à unn\'instituçion totalitäia ciù che quæ se segge ätra cösa stæta inventâ da-i òmmi
Noam Chomsky
unna setta ò un partïo son un elegante anonimòu, stæto creòu pe avansâ à l\'òmmo o greive giammin de pensâ
Ralph Waldo Emerson
unna vòtta a poliçia a l\'ëa comandâ da di galantòmmi. Un äro ch\'o l\'é stæto correzùo
Joe Orton
unna vòtta ò lezùo un diçionäio da-o prinçipio a-a fin; o m\'é pasciùo un poemma bello comme tutto, dedicòu à tutte e cöse
Ophelia
unn\'attivitæ ch\'a prodùe söo che dinæ a l\'é unn\'attivitæ ch\'a no vâ guæi
Henry Ford
ve ciammo scuse se ve diggo scignöi, ma no ve conoscio guæi ben
Groucho Marx
ve credei che o nòstro cäo Segnô o segge catòlico?
Georg Christoph Lichtenberg
vedde tutto, asconde tanto, corrëze pöco
Gregorio Magno
vegnià o giorno che massâ \'na bestia saià pægio che massâ un òmmo
Leonardo Da Vinci
vegnùo grande? mai ciù!
Pier Paolo Pasolini
veuan a guæra, ma no i lasciëmo in paxe
José Saramago
vive da sola l\'é pægio che ëse à \'na festa donde no te dà mente nisciun
Marilyn Monroe
vive in mainëa ciù sencia che coscì i ätri peuan vive e basta
Mohandas Karamchad Gandhi
vive sensa filosofâ l\'é pròpio comme tegnî i euggi de longo serræ. sensa mai çercâ à arvîli
René Descartes
vivemmo dominæ da-e smangiaxoin ciù basse, comme 50.000 anni in derrê
Rita Levi Montalcini
voei ben a-o nòstro nemigo (comme ne domanda l\'Evangelio) a no l\'é unna cösa pe-i òmmi, ma ciuffïto pe-i àngei
Jorge Luis Borges
voeiva dîve \'na raxon che niätri israeliæn ghe l\'emmo con Mosé: o n\'à fæto anâ pe quarant\'anni into deserto pe fâne arrivâ inte l\'ùnico pòsto do Mezo Levante che no gh\'é de petròlio
Golda Meir
voî v\'ascordæ che i fruti en de tutti e a tæra a no l\'é de nisciun
Jean-Jacques Rousseau
\'na conferensa a l\'é unna riunion de gente che à piggiâle à unn-a pe vòtta no peuan fâ ninte, ma insemme peuan deçidde che no se peu fâ ninte
Fred Allen
\'na memöia a no se scrive pe informâ chi â leze ma pe protezze chi â scrive
Dean Acheson
\'pe-o teu ben\' o l\'é un argomento chi convinse e chi peu finn-a fâ açettâ à \'n òmmo a seu destruçion
Janet Frame