o baxo o l'é un mezo inzegnoso ch'o schiva a-i innamoæ de dî tròppo sciollaie
|
o bello da democraçìa o l'é pròpio sto fæto chì: tutti peuan parlâ, ma no serve stâ à sentî
|
o bello da guæra o l'é che ògni cappo di assascin o fa benexî a sò bandëa e o ciamma con solennitæ o Segnô, avanti de méttise à massacrâ o sò pròscimo
|
o ben o peu resciste a-e derotte, o mâ no
|
o ben pùbbrico o l'é a somma de'n muggio de desgraçie privæ
|
o böxardo o dovieiva tegnîse à mente che, p'ëse creddùo, bisà dî söo che e böxìe neçessäie
|
o brutto inandio de l'umanitæ o l'é che i nesci son segùi comme tutto, e i intranti in cangio en pin de poïe
|
o brutto o l'é che a larghessa a peu ëse ascì un bon affare
|
o capitalìximo o l'é o pezo nemigo de l'umanitæ
|
o casteggian o l'é a lengua franca di indiæn d'América
|
o çê stellòu de d'äto a-a mæ testa, a leze morale drento de mi
|
ò che semmo boin de batte e idee conträie co-o raxonamento, ò bisà che e lascemmo esprimme. No se peu batte e idee co-a fòrsa, maniman s'afferma o lìbeo desgheuggise de l'intelligensa
|
o cìnico o l'é un che quande o sente profummo de scioî, o s'ammïa d'in gïo pe çercâ a cascia da mòrto
|
o ciù fòrte piaxei de sta vitta o l'é o veuo piaxei de inluxoin
|
o ciù gran sapello a-a comprenscion de unn'euvia d'arte l'é pretende d'accapîla
|
o conseggio ch'o ven çercòu o no vegne açettòu voentëa, pe comun; e quello ch'o no ven çercòu o l'é sens'ätro un sgreuxo
|
o consenso o l'é quello che tanti dìxan quande son insemme a-i ätri, ma che se se pìggian à un pe un, nisciun no se o credde
|
o conträio de 'n pòpolo çivilizzòu o l'é un pòpolo creatô
|
o còrpo, à trattâlo ben, o peu duâ tutta a vitta
|
o crescio di paixi ch'en appreuvo à desviluppâse a l'é ligâ a-a desmilitarizzaçion
|
o culto da prefeçion o pòrta de longo à avei ciù cäo o mastrusso che a veitæ
|
ò de longo organizzòu a mæ vitta in mainëa da moî con trexentomïa repentïi e manco unna nostargia
|
o débito pùbrico o l'é grande basta da dâse a mente da pe lê
|
o derrê de l'anno o no l'é o derrê do tempo
|
o desviluppo o l'é comme 'na stella mòrta, che ne viemmo ancon a luxe, mæximo s'a l'é asmòrta da pe coscì e in sempiterno
|
o desviluppo o l'é un viægio con ben ben ciù de negæ che de naveganti
|
o deuvio a l'é l'ùnica caxon ch'a fasse e pòule bonn-e, vertadëe, lezìttime pòule de 'na lengua
|
o diäo o l'é un ottimista, s'o se credde de poei pezoâ i òmmi
|
o digitale o l'é a speditessa, o riescî fïto. O papê o l'é o piaxei
|
o dinâ o l'é un bravo servitô, ma un grammo baccan
|
o divòrsio de che se segge menn-a o l'é 'na pessa in sce cösa ch'a l'é finïa mâ. A battaggia pe-o divòrsio a l'é 'na battaggia de retroguardia. Beseugna bàttise contra o maiezzo
|
o dovei o l'é quello che ç'aspëtemmo che fasse i ätri
|
o dubbio o l'é un di nommi de l'intelligensa
|
o dubbio o no fa piaxei, ma a çertessa a fa rïe
|
o fanatìximo o consciste into redoggiâ i sfòrsci quande ti t'æ ascordòu a raxon
|
o fàscino: 'na mainëa pe sentîse responde scì sensa avei fæto nisciunn-a domanda ciæa
|
o figgeu o no l'é un vaso da impî, ma un feugo da açende
|
o fin o l'é inti mezi, pægio che l'ærboo inta semensa
|
o foresto o l'é drento de niätri. Quande scappemmo da-o foresto e scombattemmo contra de lê, lottemmo contra o nòstro inconscente.
|
o gallo o canta ascì quella mattin ch'o fornisce inta pugnatta
|
o gastigo o l'à a fonsion de meggioâ chi gastiga
|
o giornale me o sciorbo. A l'é a sola fantaxìa che me permetto pe comun
|
o giornalista o l'é aspresciòu da-o dovei serrâ. S'o gh'à do tempo o scrive pezo
|
o giornalìximo o l'arte de impî un spaçio gianco
|
o giornalìximo o l'é spantegâ quello che quarchidun no veu che se sacce, o resto o l'é do reclammo
|
o graddo de çiviltæ de 'na societæ o se peu mesuâ comme se intra inte seu prexoin
|
o gran meito da societæ o l'é ch'a ne fa apprexâ o stâ da pe niätri
|
o guao d'ëse in oräio o l'é che no gh'é nisciun lì pe apprexâlo
|
ò impreiso à deuviâ a pòula 'imposcìbile' co-o ciù gran saeximo
|
o lenguaggio o l'é unna parte do nòstro organìximo, no meno compricâ de lê
|
o libbro a l'é unn-a de öcaxoin de feliçitæ che gh'emmo niätri òmmi
|
o libbro ciù importante pe 'n comunista comme mi o l'é a Bibbia
|
o libbro o saià a sarvessa da smersa umann-a
|
o livello d'anarfabetìximo o no l'é cangiòu ma a-a giornâ d'ancheu i anarfabeti san leze
|
o louante o ven ciù pövio con ciù o prodùe ricchessa
|
o luscio o l'arroinn-a o ricco e o fa cresce a misëia
|
o l'é mai tanto curto l'amô e mai tanto longa l'obliansa
|
o l'é söo che l'äro ch'o l'à de beseugno d'ëse sostegnùo da-o Goerno. A veitæ a peu existe da pe lê
|
o l'é un äro créddise che nisciun no conosce a seu personalitæ. E ciù tante gente i seu mendi i san ben comme tutto, ma prescìstan à dâghe di nommi ch'en despægi da quelli che ghe dà, pe comun, tutto o resto do mondo
|
o l'é un bello andio, quello de dâ mente söo che à quello ch'o fa un artista, in cangio che à quello ch'o dixe da sò euvia
|
o l'ëa pròpio un conseggio milìa, quello che 'na vòtta ò sentïo che o dàvan à 'n zoeno; fanni de longo quello che ti gh'æ poïa de fâ
|
o mâ che femmo o no ne tïa addòsso tanta ïa e ostilitæ quante o ben che femmo
|
o maiezzo a l'é a caxon ciù importante do divòrsio
|
o maiezzo inta vitta o l'é comme un duello into mezo de 'na battaggia
|
o maiezzo o l'é comme i fonzi; çe n'accorzemmo tròppo tardi s'en boin ò s'en grammi
|
o mangiâ ciù peigoso a l'é a torta da sposoei
|
o megio argomento contra a democraçia o l'é 'na conversaçion de çinque menuti con l'elettô de mezo
|
o megio da vitta o no se çerca, o s'attreuva
|
o megio de l'avvegnî o l'é ch'o l'arriva un giorno pe vòtta
|
o mercòu o l'é un pòsto che i òmmi peuan imbroggiâse un con l'ätro
|
o mondo o dovieiva rïe de ciù, ma dòppo avei mangiòu
|
o mondo o gh'à e struttùe do lenguaggio e o lenguaggio o gh'à e forme da mente
|
o mondo o l'é destinòu à vegnî da maniman ciù redìcolo; eive percöse quelli che scrive cöse da rïe son i primmi vëi òmmi de l'avvegnî
|
o mondo o l'é materno pe-i òmmi e masccista pe-e dònne
|
o mondo o l'é scompartïo tra quelli che no dòrme perché gh'an bazinn-a e quelli che no dòrme perché gh'an poïa de quelli che gh'à bazinn-a
|
o mondo o no l'é vëo, ma o l'é reale
|
o mæ avvegnî o comensa quande staggo sciù a-a mattin... tutti i giorni attreuvo quarcösa de creativo da fâ inta mæ vitta
|
o mæ gatto o fa quello che vorriæ fâ mi, con meno lettiatùa
|
o mæ lagno o no l'é de savei se son grande ò piccin, ma poei ammiâ se crescio tutti i giorni
|
o no ve mette poïa un mondo de anarfabeti sensa memöia, feua che quella di sò ordenatoî?
|
o nòstro ciù grande sagrin inta vitta o ne ven da-o fæto che semmo pe de longo a-o solitäio, e tutti i nòstri giammin, tutte e nòstre açioin, çèrcan söo che de scappâ da sta solitùdine chìe
|
o novanta via çento di polìtichi o l'arroinn-a a sveuga de l'ätro dexe via çento
|
ò passòu a mæ vitta à confirmâ a régola
|
o passòu o l'é o comenso
|
o patriotìximo a l'é a teu convinsion che o teu paise o l'é megio che tutti i ätri perché ti gh'ê nasciùo ti
|
o peccòu ciù gròsso o l'é o peccòu d'ëse nasciùi
|
o penscëo o l'é comme unna grann-a d'ænn-a inta màcchina do poei
|
o penscëo o va arrieu, vegne avanti e cöse
|
o pezo che ghe peu intravvegnî à 'n genio o l'é d'ëse capïo
|
ò piggiòu da-o spìrito ciù de quante o spìrito o l'à piggiòu da mi
|
o poeta o l'é pægio à quello nòbile prìnçipe de nuvie, ch'o sta de cà inta borrasca e o se ne rïe de l'arçê; dappeu, exiliòu in sciâ tæra e tramezo a-i lòi, co-e seu äe da zagante o no l'arriesce manco à camminâ
|
o polìtico o deve ëse bon da dî cös'accapitià doman, o meise che ven e un ätr'anno, e dappeu o deve ëse bon ascì de fâne capî perché o no l'é successo
|
o polìtico o pensa a-e eleçioin che vegnià, o statista a-e geneaçioin che vegnià
|
o primmo scìntomo da mòrte a l'é a nascion
|
o regòrdo che un libbro o lascia o l'é ciù importante che o libbro mæximo
|
o regòrdo da feliçitæ o no l'é ciù feliçitæ, o regòrdo do patimento o l'é ancon patimento
|
o regòrdo o l'é de longo un ponto de incontro
|
o repentïo a l'é a ferma intension de no lasciâ de trasse st'ätra vòtta
|
o saläio do ciù erto dirizzente de 'na grande intrapreisa o no l'é 'na recompensa pe-i resultati ottegnùi. De soventi, o l'é un atto affettoso ch'o se fa da pe lê
|
o scàndalo o comensa quande a poliçìa a ghe dà un taggio
|
o scciavo o l'é quello ch'o l'aspëta che quarchidun o vegne à infranchîlo
|
o Segnô o l'é mòrto pe-i nòstri peccoei. Gh'emmo o möro de no comméttine, che coscì o seu sagrifiçio o no segge servïo à ninte?
|
o Segnô o me perdonià. O l'é o seu mestê
|
o segretto ciù diffìçile da mantegnî a l'é l'opinion che gh'emmo de niätri mæximi
|
o segretto da feliçitæ o l'é de cede a-e intentaçioin
|
o segretto da riescïa o sta inte l'onestæ e inta mainëa de fâ comme se deve. Se t'arriesci à fìnzili tutti doî, ti ghe l'æ fæta
|
o segretto do successo o l'é a scinceritæ, se t'arriesci à fìnzila, ti ghe l'æ fæta
|
o sesso o leva e tenscioin. L'amô o e fa vegnî
|
o socialìximo o peu arrivâ söo che in biçicletta
|
ò sospeiso a mæ educaçion solo quande ëa à scheua
|
o spagnòllo o no saià 'na vëa lengua de coltùa scin à quande a sciensa a no saià scrïta in spagnòllo
|
o spòrte vëo o no gh'à ninte da fâ co-o zeugo netto; o l'é pin de rouxìe, de giöxìe, de fanfaronaie, indifferensa verso tutte e régole e de piaxei sàdico de vei a violensa. In sciâ fin, a l'é guæra sensa späi
|
o successo o l'é avei quello che se veu, a feliçitæ a l'é voei quello che se gh'à zà
|
o successo o l'é fàçile da ottegnî, o diffìçile l'é meitâlo
|
o sæximo a l'è a cösa che into mondo a l'é mëgio scompartïa, tutti en convinti d'aveighene basta
|
o sæximo de vive o consciste into levâ da mezo tutto quello che no ghe n'é franco de beseugno
|
o sæximo o no sta into destrùe i ìdoli, ma into no stâne à creâ
|
o tegniva ærta a sò bandëa... pe no aveila da ammiâ
|
o tempo di tramandi, de meze mesùe, di attesti che no serve à ninte, feua che à consolâ, di retardi o l'é in zinn-a de fornî. A-o sò pòsto, intremmo inte 'n'época de conseguense
|
o tempo o l'é o megio autô. O treuva de longo o finâ milìa
|
o travaggio o curtisce e giornæ e o longhisce a vitta
|
o travaggio o l'arrösa da niätri træ grænde desgraçie: a gnägnoa, o viçio e o beseugno
|
o travaggio o l'é o sosto de quelli che no gh'an ninte de megio da fâ
|
o Vatican o l'é a ciù gran fòrsa da reaçion che ghe segge in Italia. Pe-a gexa en tiranni i goerni che lìmita i seu privilegi e provvidensiali quelli comme o fascìximo che, in cangio, i fan cresce
|
o vento o no sciuscia mai da-a banda giusta pe chi no sa ond'anâ
|
o vëo spëgio di nòstri raxonamenti o l'é l'insemme da nòstra vitta
|
o verbo lëze o no l'ammette l'impeativo. O spartisce sta caratterìstica con di ätri verbi, comme amâ e assunnâse
|
o viçio o l'é 'na creatùa mai tanto de quello brutta, che con ciù ti a vei, ciù a te gusta
|
o vin o fa ben ben mâ a-a salute (da testa) de quelli che no ô beive
|
o vinçitô o l'appartegne a-o sò bottin
|
ò visto a sciensa, che adoavo, e l'ærio, che ammavo, destrùe quella çiviltæ a-a quæ speava che servìssan
|
ò vosciùo a perfeçion e ò arroinòu quello ch'anava ben
|
ògni convinsion a l'é unna prexon
|
ògni òmmo o gh'à un penso inta vitta, ch'o no l'é mai quello ch'o s'aviæ vosciùo çerne
|
ògni pensamento o l'é unn'ecceçion a 'na régola geneâ, ch'a l'é de no pensâ
|
ògni pòula a rebella a seu memöia
|
ògni pòula, dïta ò scrïta, a l'é lengua mòrta
|
ògni sàtira che o censô o l'é bon d'accapî a ven, comme l'é giusto, proibïa
|
ognidun ciamma barbäie quello chi no l'é inte sò usanse
|
ognidun comme còrpo o l'é scìngolo, comme ànima mai
|
ognidun o l'è comme o Segnô o l'à fæto e ben ben de vòtte pezo ancon
|
ognidun sta à sentî solo quello ch'o l'accapisce
|
onde ti væ, Ivan? Vaggo à Minsk. Ti dixi de böxìe, Ivan! Ti me dixi che ti væ à Minsk, pe dâme da intende che ti væ à Mosca ma in cangio ti væ pe d'in davvei à Minsk. Ti conti de mosse, Ivan!
|
òua ò capïo o segretto pe megioâ i òmmi: cresce à l'äia averta, mangiâ e dormî co-a tæra
|
