cäa democraçìa, vegni torna à cà, che no l'é tardi
|
cazze into viçio de l'obbidiensa l'é de longo còmodo
|
çe creddemmo che semmo un paise, ma a veitæ a l'é che no semmo guæi ciù che 'n paisaggio
|
çe femmo imbroggiâ de lengê da quello che amemmo
|
çerca o redìcolo inte tutte e cöse e ti l'attroviæ
|
çerti viægi, e pòule do gatto en quello che ghe veu
|
çertidun no peu comportâ o scilensio perché o gh'à tròppo sciäto drento de lê
|
çertidun se créddan che a genialitæ a segge ereditäia; i ätri no gh'an de figgeu
|
che e gente sgreuzze dìxan ciæo i sò pensamenti, no l'é pe ninte vëo; e o ciæo che se ghe peu attrovâ in lô, o no ne vegne da-o savei patronezzâ a lengua, ma da-o fæto che no pénsan guæi
|
che fortunn-a pe chi goerna che i òmmi no pénsan
|
che ghe segge de lengue despæge o l'é un di ciù grændi mistëi de l'umanitæ
|
che i ätri s'ambìscian de quello ch'an scrïto; mi son orgoggioso de quello ch'ò lezùo
|
che i òmmi no impréndan guæi da-e leçioin de l'istöia a l'é a ciù importante de tutte e leçioin de l'istöia
|
che tutti i òmmi séggian fræ o l'é o seunno de chi no gh'à de fræ
|
che un o l'é mâ pràtico s'accapisce appreuvo ch'o deuvia tròppo pòule
|
chi ammïa i seu mendi, o no vé quelli di ätri
|
chì coscì gh'é assotterròu mæ moggê. Lasciæ ch'a ghe stagghe; òua a se pösa, e mi ascì fasso o mæximo
|
chi cresce de sæximo, cresce de dô
|
chì ghe vive un òmmo lìbeo; no ô serve nisciun
|
chi l'é chi à descoverto l'ægua no o semmo, ma semmo segùi ch'o no l'é stæto un pescio
|
chi l'é de longo bon d'apprexâ a bellessa no saià mai vegio
|
chi l'é innamoòu söo che de lê, o gh'à sto vantaggio chì, che a-o manco o n'attrovià guæi concorrenti
|
chi l'é pöveo, s'o l'é ammòu?
|
chi no gh'à de imaginaçion no gh'à de äe
|
chi no pensa, saieiva conseggeive ch'o desse recatto a-i sò pregiudiçi, de semme in semme
|
chi no peu quello ch'o veu, ch'o veugge quello ch'o peu
|
chi no sa e lengue foestëe, o no sa ninte da sò
|
chi peu denegâ che l'ambiente o l'è arroinòu?
|
chi sa cös'o descroviva Colombo, se l'América a no se ghe metteiva da mezo
|
chi sa rïe o l'é o bacan do mondo
|
chi se credde che un crescio esponensiale o pòsse contunniâ pe de longo inte 'n mondo fornïo, ò ch'o l'é un sciòllo, ò ch'o l'é un economista
|
chi se segge ch'o l'agge o poei pe 'n menuto o commette un delitto
|
chi ubbidisce o l'é asquæxi sempre megio de chi comanda
|
chi veu partî pe-e stelle, ch'o no s'ammïe d'in gïo in çercâ da compagnia
|
ciammo òmmo chi l'é patron da seu lengua
|
ciù che inte tutti i ätri momenti de l'istöia, l'umanitæ a l'é de fronte à 'na croxëa. 'Na stradda a pòrta a-a despeaçion e a-a ciù fonda deprescion; l'ätra a pòrta à l'estinsion tutto arrëo. Preghemmo à avei tanto sæximo da fâ a çernia giusta
|
ciù ti gh'æ e meno ti vorriësci dâ, meno ti gh'æ e ciù ti daiësci
|
co-a morale correzzemmo i äri di nòstri instinti, e con l'amô i äri da nòstra morale
|
co-o tempo ò fæto un accòrdio pe stâ in paxe: lê o no me scöre e mi no scappo da lê; un bello giorno çe incontriëmo
|
comme à tutti i òmmi, lê ascì gh'é toccòu de vive inte di brutti tempi
|
comme i amixi lecchin te peuan guastâ, coscì i nemixi che te crïan de belle vòtte te corëzan
|
comme l'é fàçile scrive diffìçile
|
comme mai, pe comun, se schiva de stâ a-o solitäio? Appreuvo che en pöchi ben, quelli che se treuvan in bonn-a compagnia da pe lô
|
con ciù anemmo sciù, e ciù paggemmo piccin à quelli che no peu xeuâ
|
con ciù o còrpo o l'é scernïo, ciù o comanda, con ciù o l'é fòrte e megio o l'obbidisce
|
con ciù se fa de lezze. ciù gh'é de laddri
|
con ciù 'nna personn-a a l'è intelligente, e meno o l'à di dubbi in sce l'assurdo
|
con meno che e gente san comme se fa à fâ e leze e e säsisse e megio che dòrman de neutte
|
conscìdia, avanti de pensâ
|
construimmo unn'existensa con quello che piggemmo; construimmo unna vitta con quello che demmo
|
convertî un seu da cortivâ inte 'n seu ch'o prodùe çibbo ch'o ven deuviòu comme biocombustìbile, o l'é un delitto contra l'umanitæ
|
cöse finià alò? L'äia ò o petròlio?
|
cöse l'é arröbâ inte 'nna banca à confronto de fondâ unna banca?
|
costa cäo ëse sccetti se s'è intelligenti. Comme ëse onesti se s'è ambiçioxi
|
cös'a l'é l'arte? prostituçion
|
cös'a saiæ a vitta se no gh'æiscimo o cheu de fâ de preuve?
|
credde into progresso no veu dî credde che un progresso o ghe segge zà stæto
|
creddemmo söo che à quello che viemmo; coscì, da dòppo che gh'é a televixon, creddemmo à tutto
|
ç'ascordemmo de lengê e nòstre corpe, quande ê conoscemmo söo che niätri
|