parlâ zerbo gh'arriéscian tutti, parlâ ciæo pöchi ben
|
parlo spagnòllo co-o Segnô, italian co-e dònne, franseise co-i òmmi e tedesco a-o mæ can
|
passa o tempo e l'öa finn-a inta giornâ ciù dùa
|
patî sensa allamentâse a l'é l'ùnica leçion ch'emmo da imprende inte sta vitta
|
pe appartegnî sensa maccia à 'na streuppa de pëgoe, beseugna ëse avanti tutto 'na pëgoa
|
pe attrovâ un amigo bisà serrâ un euggio; pe tegnîselo, doî
|
pe bonn-a fortunn-a che gh'é o Bush à defende a democraçia
|
pe comportâ l'existensa contemmo de böxìe e, sorve tutto, çe ê contemmo da niätri
|
pe comun, i òmmi se créddan de lengê quello che gh'é cäo créddise
|
pe conto mæ, son de longo lesto à imprende, mæximo se no me gusta sempre piggiâ de leçioin
|
pe de longo, i fæti nàscian pe sconfonde e teorìe
|
pe desgraçia, un à ottant'anni o se peu innamoâ. Mi scrivo ben appòsta pe scordâme de l'amô
|
pe ëse patriòtta, aggi in ïa tutte e naçioin feua che a tò; pe ëse religioso tutte e sette feua che a tò; pe ëse onesto tutte e böxardaie feua che e tò
|
pe quanti ghe saià ancon a breiga de vive, quande no moiëmo ciù?
|
pe tanti òmmi a vitta veu dî anâ à çercâ a cartelletta giusta onde archiviâse
|
pe tanto che ti vagghi e che ti sarçisci tutti i cammin, no t'arriviæ mai a-i confin de l'ànima, da mai tanto ch'o l'é prefondo o seu logos
|
pe tutti i problemi compricæ gh'é de longo unna soluçion sencia. Ch'a l'é sbaliâ
|
pe un muggio de dònne a stradda ciù curta verso a perfeçion a l'é a tenniessa
|
pe 'n candidòu l'é peigoso dî de cöse che e gente porrieivan tegnîse à mente
|
pe-i ciù tanti òmmi, l'espeiensa a l'é comme i fanæ de poppa de 'n barco, che fan ciæo söo che à quello che çe lascemmo de derrê
|
pe-o piaxei de vive sensa breiga gh'é sens'ätro a breiga de vive sensa piaxei
|
peccòu che tutti quelli che saieivan boin da goernâ a Naçion séggian de zà occupæ à portâ o tassì e à taggiâ cavelli
|
pellissa: unna pelle ch'a cangia de bestia
|
pensâ no te fa miga mâ
|
pensâ o l'é o travaggio ciù dùo che ghe segge
|
perchè a natùa a l'à creòu l'òmmo? Pe fâ capî ch'a l'é mai tanto grande ch'a peu fâ finn-a di äri, ò pe ignoansa e basta?
|
perché deuviâ de pòule gròsse? Veuan dî mai tanto pöco
|
perché resegondâ i vegi äri, quande ghe n'é mai tanti de neuvi da fâ?
|
perché s'ammassa e personn-e ch'à ammassòu de ätre personn-e? pe fâ capî che ammassâ l'é sbaliòu?
|
percöse avei poïa da mòrte? a l'é a ciù grande avventùa da vitta
|
peu ëse che l'ùnico pòsto che un òmmo o peu sentîse a-o segùo pe'n davvei a l'é 'na prexon de màscima seguessa, se no foìse perchè gh'é de longo peigo d'ëse libeòu
|
peuan taggiâ tutte e scioî, ma no porrian affermâ a primmaveia
|
Picasso o l'é un pittô, e mi ascì; Picasso o l'é spagnòllo, e mi ascì; Picasso o l'é comunista, e mi manco
|
piggiâ l'andio à unna cösa gh'à mai tanta de quella fòrsa che ç'avviemmo scinn-a à vive
|
pöchi ne véddan comme semmo, ma tutti véddan quello che finzemmo d'ëse
|
podama che ancheu l'obiettivo o no l'é de descreuve quello che semmo ma de refuâ quello che semmo
|
podama l'ética a l'é 'na sciensa ch'a l'é scentâ arrëo de d'into mondo; no fa ninte, bisà inventâla torna
|
provâ che gh'ò raxon l'é comme ammette che porriæ aveighe tòrto
|
pùbbrico registro di giornalisti! Idea da peisafumme, da professoî fäsci, da giornalisti mancæ, da gente ch'a no veu che i ätri pénsan co-a seu testa. O registro o l'é 'na sciollaia ch'a fa rïe, sensa morale, appreuvo ch'a vorriæ mette un terme à quello che de terme o no ghe ne deve avei, a-a lìbea esprescion do penscëo
|
p'ëse coerenti, bisà ëse ignoanti ancheu comme l'anno passòu
|
p'ëse niätri mæximi bisà ëse quarchidun
|