dâ a coltùa de regallo l'é comme regallâ a sæ; o resto o ven da lê
|
dâ recatto à 'na biblioteca a l'é 'na mainëa scilensiosa de exerçitâ l'arte da crìtica
|
da un grand'òmmo gh'é de longo quarcösa da imprende, mæximo s'o sta sitto
|
danni a mente a-i teu pensamenti ...vegnian à ëse e teu pòule. Danni a mente a-e teu pòule vegnian à ëse e teu açioin. Danni a mente a-e teu açioin ... vegnian à ëse a teu natùa. Tégnite da conto a teu natùa ... a saià o teu destin
|
danni mente à tutti, ma a teu voxe no stâla à imprestâ guæi à nisciun. Stanni à sentî l'opinion de tutti, ma dappeu pénsila comme ti veu ti
|
dappeu ch'o l'é anæto pe træ vòtte in televixon, che se segge belinon o vegne intervistòu e o dixe a sò e finn-a quella di ätri
|
dappeu l'é vegnùo o progresso à destrùe tutto, ciù che a guæra, appreuvo che se a guæra a destrùe e cöse, o progresso o l'à destruto a nòstra mainëa de vive
|
de belle vòtte inta vitta bisà savei bàttise, no söo sensa poïa, ma finn-a sensa speansa
|
de derrê à ògni cìnico, gh'é un idealista deluso
|
de quanti mai lagni çe desbarassemmo, quande deçidemmo de no ëse quarcösa, ma quarchidun
|
de scrive, mi no me son mai apensòu d'avvexinâme a-o pòpolo. Ben, à dî a veitæ, no me son mai apensòu d'avvexinâme à nisciun
|
de soventi a l'é coscì: con ciù unna veitæ a l'é de grammo dî, e ciù besorrieiva dîla
|
de soventi lascemmo in paxe quello ch'o l'à appissòu o feugo e gastighemmo chi n'à avvertïo
|
de soventi, açende un bricchetto fa ciù rëo che stâ lì à giastemmâ o scùo
|
de tutte e ciaghe che ascìdian l'umanitæ, a pezo l'é quande comanda i prævi
|
de tutte e cöse che o sæximo o ne dà pe réndine a vitta feliçe arrëo, a ciù grande a l'é sens'ätro o possesso de l'amixiçia
|
de tutte e cöse segùe a ciù segùa a l'é o dubbio
|
de tutte e pervescioin sessuale, fòscia a ciù strafaläia a l'é a castitæ
|
de vòtte a nòstra luxe a s'asmòrta, ma dappeu a sciamma a ven torna açeisa da unn'ätra personn-a. Ciaschidun de niätri o l'é debitô di ciù prefondi ringraçiamenti à quelli ch'à açeiso torna sta sciamma chì
|
de vòtte l'è megio çercâ à ëse contenti inte desgraçie, ciuffïto che scombàttila pe voeine sciortî
|
de 'na çittæ no ti te gödi e sette ò trentesette mävegge, ma a respòsta ch'a dà à unna teu domanda
|
dédico st'ediçion chì a-i mæ nemixi, che m'an aggiuttòu mai tanto inta mæ vitta profescionale
|
definî unna pòula l'é comme acciappâ unna porçelletta a-o xeuo
|
democraçìa o l'é o nomme che ghe demmo a-o pòpolo tutte e vòtte che ghe n'emmo de beseugno
|
descreuve un paise e invàddilo en de longo stæti a mæxima cösa
|
descrovimmo coscì unna veitæ sencia e doggia: primmo, semmo unna comunitæ de pòpoli che parla a mæxima lengua e, segondo, parlâla a l'é unna mainëa, tramezo a-e tante, d'ëse òmmi
|
deuviâ in libertæ o nòstro inzegno, eive a vëa feliçitæ
|
dévimo scombatte pe-a paxe con di istromenti de paxe
|
dî a veitæ co-a vorpe sotta l'ascella besorriæ tegnîlo pe 'n atto da mascarsoin
|
dî de scì à tutto e à tutti l'é comme no existe
|
dìmmosea zuarisoræo, de semme in semme bisà arraggiâse, tanto che tutto vagghe liscio
|
divorsiâ perchè no ti veu ben à 'n òmmo l'é da nesci, à momenti comme sposâlo perchè ti ghe veu ben
|
dìxan che co-i dinæ s'accatta tutto. Ma no l'é vëa. Se peu accattâ da mangiâ ma no a coæ de mangiâ, e meixinn-e ma no a sanitæ, un letto sciòcco ma o seunno noe, o savei ma o sæximo no, l'imàgine ma no o bon stâ, a demöa ma no a giromìa, e conoscense ma no l'amixiçia, i servi ma no a fedeltæ, i cavelli grixi ma no a respettabilitæ, un pâ de giornæ quete ma no a paxe. Co-i dinæ ti peu avei a scorsa de tutto, ma a semensa noe. Quella lì co-i dinæ a no s'accatta
|
do 1975, Pasolini o ven massòu e s'arresta de vei comme o scilensio de 'na voxa sola o peu costâ tanto à 'na naçion intrega
|
doe cöse me fan restâ: l'intelligensa de bestie e a bestialitæ di òmmi
|
doman, quande saiò mòrto, no me stæ à vegnî à cianze, no arrestiò sottatæra, son vento de libertæ
|
domandemmo solo de dâ unna poscibilitæ a-a paxe
|
domàndite se t'ê contento e ti finiæ d'ësilo
|
dòppo tutto son i rappòrti co-e personn-e quello che dà varsciùa a-a vitta
|
d'ògni un pò dinni a veitæ, che coscì quande ti dixi de böxìe te creddian
|
dæ ben a mente: o cadàveo de Marx o respïa ancon
|
