Pasòlini l'stê cupê in dàl 1975 e a fà spêcie vàdder che al silèinzi 'd'na sôla vôs la pôsa custêr acsè chêra a tòtta 'na naziòun
|
pensèr an fa mai dan
|
pentîres e pò tachêr da prinzèpi: ècco cus'l'è la vètta
|
per avêr na fciàia lànga bisègna tachê a êser vêc prôpria prêst
|
per cal pôc c'a sò a dêv ringraziêr solamèint la mê ignorànza
|
per catêr un amîgh bisègna srêr un ôc, e per tgnîrel da cât, tòtt e dû
|
per chi àn sà mènga in dàn dêr, al vèint an tîra mai dala pêrt giòsta
|
per dimàndi àmm la vètta l'è zerchêr la cartlèina giòsta per archiviêres
|
per dimàndi dànni la strêda piò cûrta per la perfeziòun l'è la teneràzza
|
per éser abàsta fùreb da guadagnèr tótt chi sòld ét dév éser abàsta stùpid da vléri
|
per êser èd quî ch'i fân i dizzionâri bisègna avêregh quêl c'àn và mènga in'd'la têsta, perché l'è impussìbil fêr 'na fôto 'd'la lèngua
|
per êser patriôtic, udiê tòtt i paês fôra àl vòster, per êser religiôs tòtt al religiòun fôra che la vôstra, e per êser onêst tòtt al falsitê fôra che la vôstra
|
per èser sè stàss bisègna èser quelchidùn
|
per êser un immacolê componeint d'un grêg ed pêgri, bisègna prèma ed tòtt êser 'na pêgra
|
per fêr cuntèint quelchidûn, invêce che dêregh quêl bisègna cavêregh al vôi
|
per fêr in môd che al mêl àl gâva la mî, l'è abâsta che chi bòun ìn fâghen gnînta
|
per furtûna la gèint l'an capèss mènga cum'a funziòuna al sistêma bancâri e monetâri, altrimèinti èd sicûr a ghe srèvv 'na rivoluziòun prèmma èd dmatèina
|
per gnîr fôra dai nôster problêma a gavâm da cambiêr dàl tòtt la ralaziòun tra nuêter e al nòster passê
|
per i amm al mànd l'è ed ch'al dànni e per al dànni l'è l'amm ch'al cmànda incòsa
|
per la gèint an n'è mènga la còsa mijôra c'ag càpita quàl ch'i vôlen
|
per la magiòr pèrt di àmm l'esperièinza lé cumpàgna a i fanê dedrê ed 'na nêv, chi fân lûs sòl su qual ch'l'è bêle stê
|
per l'evoluziòun d'i cristiân ingh vrân mènga di dês mèlla ân cumpâgn ài animêl domêstic mò di milliòun d'ân cumpâgn ai animêl selvâdegh. Un cristiân, insàmma, l'è e al srà sèimper un animêl selvâdegh
|
per ògni lèngua c'la môr a sparèss 'na figùra èd l'àm
|
per ogni problèma cumplichè a ghè sèimper 'na soliziòun. Ed sòlit sbaglièda
|
per quall ch'am riguèrda a sûn seimpèr pròunt a impàrer, anch s'àm piês mènga tànt fêr al scularàtt
|
per quànta gèint a varrà la pêina èd stêr al mànd, quând an's'murirà piò?
|
per quî chi gh'ân dàll zervêl stêr dapperlôr a ghà di vantâg: prèmma èd tòtt i stân per còunt sùo e pò 'ìn stân mènga cun chi êter
|
per quî ch'i sân trôp l'è diffìzil an dîr mènga dal ciavêd
|
per quî da sôld an n'è ménga fâzil capîr come mâi i puvràtt, s'i ghân fâm, in sòunen ménga al campanêl per fêres purtêr da zéina
|
per ruvinèr quelchidùn l'è abàsta migliorèrel
|
per spieghêr 'na parôla a gh'ìn vôl dàgli êtri, che pò ànca lôr i ên da spieghêr, e via a la lânga. Capîres l'è n'ilusiòun
|
per supurtêr la vètta a giàmm dal ciavêd, e pò a sla cuntàm ànch a nuêter
|
per tirèr avanti dimàndi ân bisègna solamèint fêr a meno ed vìver
|
per tirêr sò quelchidûn c'àl gâva sucês bisègna tgniregh la bàca srêda. Fêr savêr a la gèint tòtt d'ùn artèsta a vôl dîr mandèrl'a gàmb a l'âria. Vàdder la veritê àn sêrev a nissûn
|
per tirêres fôra dalla vétta èd societê, a pinsêva a 'na zitê, grânda. Al dé d'incô, l'è l'ùnic desêrt a purtêda èd mân
|
per tòtt i pchê, a srà da inculpêr de piò la dànna c'la fà pchê per di sòld o l'àmm c'al pêga pêr fêr pchê?
|
per ùn candidè l'è pericolôs dîr di quê che pò la gèint la se p'srèv arcurdêr
|
per un indiân, l'ôr dal sôl al bàsta e avânza
|
per 'na dànna la manèra piò crudêl per fêrgla paghêr l'è restêr fedêl al sô àmm
|
percé mài la natûra l'avrà fât i cristiân? Per fêr da vàdder cl'è tànt grànda da permàtters èd fêr di sbâli o sôl per ignorànza?
|
perché ìs mâzen i cristiân chi ân mazè di êter cristiân? Per dimostrêr c'àns dêv mazêr nisûn?
|
perché mài stêr a fêr ancàra chi erôr quànd ag'n'è tànt ed nôv da fêr
|
perdòuna séimper i nemîgh: an ghé gnînta ch'agh fâga gnîr piò sò i cajòun
|
pessimêsta l'è ûn che s'àl ghà la sêlta tra dû mêl a'i ciâpa tòtt e dû
|
Picasso l'è un pitôr, ànca mè; Picasso l'è spagnôl, ànca mè; Picasso l'è comunèsta, gnànca mè
|
pinsêr l'è al mistêr piò pês ch'ag sìa
|
pinsêr l'è sèimper un quèl terrìbil
|
piò al côrp l'è fròst piò al cmânda, piò l'è tôst e piò l'ubbidès
|
piò che in êtri ocasiòun ed'la stòria, l'umanitê la ghà dinànzi dô strèdi: ònna la pòrta a la disperaziòun e ch'l'êtra a la sô fîn. Speràmm d'avêr al capèss per tôr quàla giôsta
|
piò t'ìn sê, piò te stê mêl
|
piò un al gà dal capèss e meno al gà pòra dl'asurditê
|
piotôst che dêr àl cêvi 'd'la zitê a un polìtic, a srév miî cambiêr la sradûra
|
piotòst che gnìnta l'è mî savèr quèl ch'an còunta gnìnta
|
plèzza: 'na pèla c'la cambia animè
|
pôc quê i armânen uguê cumpâgn a l'atacamèint d'i polìtic agli idèi ch'i ghân fât avêr la pultròuna
|
poesìa l'è màtter insàmm dô parôli ch'àn's pèinsa mènga 'gh stâghen bèin e chi fôrmen quêl in d'na spêcie èd mistêr
|
pòlel èser un puvràtt un ch'al gh'ha quelchidùn ch'agh vôl bèin?
|
polìtica: 'na guêra d'interêsi fâta pasêr per 'na questiòun èd prinzèppi
|
pòra ed la mòrt? Mo, i dìsen cla sìa la piò bèla aventùra in d'la vètta
|
prèmma dàl matrimôni, a 'na ragâza àgh tàcca èd fêr l'amôr per tgnîres strèch un àmm. Dàpp al matrimôni àgh tàcca tgnîrsel strèch per fêr l'amôr
|
prémma dal nòster arìv, al mànd angh calèva ghìnt; dàpp la nostra partèinza angh calarà gnìnta
|
prèmma ed cambiêr idèa almeno prôva a dmandêret stè ghnê ònna
|
prèmma èd pinsêr a la manêra d'educhêr, a srà mî pinsêr a quàll c'às vôl utgnîr
|
prèmma ed quàl te cràd i s'avrirân di stradòun imèins per l'àmm lèbber, in manèra ch'al pôsa andêr a costruîr 'na societê mijôra
|
prèmma pèinsa a êser lèbber, e pò dmânda la libertê
|
prôva a dmandêret s'tê cuntèint e t'èn srê piò cuntèint
|
pròva a ragiunêr, prèmma èd pinsêr
|
purtrôp al dè d'incô in dal senâri dal mànd nuêter ocidentêl a sàm sèimper i ûnic protagonèsta e i ûnic spetatôr, e acsè, cùn al nòstri televisiòun e i nòster giornêl ascultàm sôl al nòstri ragiòun e a pruvàm sôl al nòster dulôr
|
purtrôp, a untantân às pôl êser inamurê. Difâti mè a scrêv per scurdêrem ed l'amôr
|
purtrôpp la generositê la pôl ànch dvintêr un afêr
|