uêter ch'a stê al sicûr in dàl vôstri ca' al caldéin, uêter che a la sîra a turnê e a catê 'na mnêstra chêlda e d'la géint amîga: pinsê mò se quàst l'è un àmm, ch'al lavôra in mêz al fâng, ch'àn ghà mâi pês, ch'al lôta per un tôc èd pân, ch'al môr sôl per un sé o per un nò
|
un ambassadôr l'è un bòun àmm mandê fôra a dîr dal bâl per al bèin dal sô paês
|
un amîg an n'è mènga ûn c'àt sûga i ôc s'te zîg, mo ûn c'àn't farà màa zighêr
|
un amîgh l'è un da stêrgh insàmm anch sèinza avrîr bàca
|
un àmm al dvèinta sâg quànd al tâca a tôr misûra cìrca circôrum èd la sô ignorânza
|
un àmm al dvèinta un àmm sôl s'àl fà cumpâgn a chi êter àmm
|
ûn àmm al piânta un êlber mènga per lò, mò per tòtt quî chi gnarân
|
un àmm che an pèrd mènga la ragiòun per zèrti què a vòl dìr ch'an gà mènga 'na ragiòun da perdèr
|
un àmm ch'àl ghà n'idèa nôva l'è un mât fintânt che c'l'idèa l'àn ghà sucês
|
un àmm ch'àn lêz gnînta a in sà de piò d'ûn ch'àl lêz i giurnêl e bâsta
|
un àmm c'àn n'è mènga pròunt a murîr per quêl an n'è mènga pròunt a stêr al mànd
|
un àmm da per lò an n'ê mai in bòuna cumpagnìa
|
un àmm istruî l'è un pôgia piân che per pasatèimp al stòddia
|
un àmm l'è un animêl addomestichê, che per anni-annôrum l'ha cmandê i èter animê cùn l'ingân, la violèinza, la crudeltê
|
un àmm l'è zà ed còrda 's'an sà mènga d'èser cuntèint, quasché l'è al mutîv. E basta, tòtt lè! Se un al gh'arìva a capîrel al srà subèt cuntèint
|
un àmm onêst al srà séimper un ragazôl
|
un àmm sèinza vôi, sèinza ilusiòun, sèinza ideèl, al srèv un animêl, un màster, un cinghiêl laureè in matemàtica
|
ûn an n'è mâi acsé sincêr cumpàgn a quând l'amàt d'êser un busiêrd
|
ùn archeôlogh l'è al marî mijôr c'a pôsa avêr 'na dànna: piò lê la dvèinta vêcia e piò lò al'la trôva interesânt
|
un atôr l'è un tîp che s'tèn ciacâr mènga èd lò àn't'ascôlta gnànc
|
un avochê c'an capêss gnìnta al pôl tirèr avànti un procês per di mês o per di ân. Un brêv ag la chêva a tirêr avànti dimàndi de piò
|
un avochê l'è un galantàm ch'al sêlva la tô rôba dai tô nemîgh e as'la tîn per lò
|
un bêl impedimèint a la felicitê l'è aspetêres 'na felicitê trôp grânda
|
un bês permàss an srà mai bêl com'ùn rubê
|
un bòun dizzionâri l'è un spêc 'n'dove che ùn, slè bòun ed zerchêr, al câta qual c'a s'aspetèva
|
un bòun letôr, un letôr in gàmba, un letôr atîv, creatîv, al dêv êser un riletôr
|
un bòun mèster per la tô lèngua: gnìnta l'è mî che druvèrla
|
un cavèl l'è 'na questiòun èd prinzèppi c'às sàm scurdê
|
un cìnic an n'è mènga sôl ûn c'àn n'impêra gnînta da qual c'l'è bêle sucês, mò l'è ûn bêle spoetizê da quàl c'a gnarà
|
un cìnic l'è ûn che s'àl sèint udôr èd fiôr às guêrda intôren per vàdder in da l'è la câsa da môrt
|
un clâsic l'è un lèbber ch'an finirà mai ed cuntêres al sô stôri
|
un cretéin ch'a n'in sà l'è piò cretéin d'ûn ignorânt
|
un cristiân l'è condizionê completaméint al comportaméint produtîv da l'organizaziòun dàl lavôr, e fôra da la fàbrica às pòrta adrê séimper ch'la pêla e ch'la têsta
|
un cristiân, bàsta ch'sîa, al còunta de piò 'd 'na bandêra, basta ch'sîa
|
un cunsèlli dmandê èd sôlit àn piês mài dimàndi, mò quàl gnànc zerchê l'è prôpria un scrêzi
|
un cunzêrt per lalvêr àl pianêta... àm fà gnîr in'a'mèint al Titânic
|
ùn di piasêr in dàl lêzer al làttri vêci l'è savêr c'àn bisègna mènga rispànder
|
ûn di prèmm quê ch'l'hà da fêr un dutôr l'è insgnêr a la gèint d'an tôr mènga dal medsèin
|
ûn di quê piò dûr in d'la vètta l'è avêr in fànda al côr dàll parôli ch't'èn pô mènga tirêr fôra
|
ùn di vantâg dal piasêr rispêr al dulôr l'è che almèno a quàl t'ègh pô dîr bâsta
|
ùn di vantàgg d'èn n'êser brîsa cuntèint l'è c'as pôl desiderèr la felicitê
|
un di vantàz ed fèr l'amòr tótt insàmm l'è che un s'al vòl al pòl anch durmìr
|
un dizzionâri l'è tòtt l'univêrs in ôrdin alfabêtic
|
un espêrt l'è quelchidûn ch'l'hà fât tòtt i sbâli ch'i's'pôlen fêr in un càmp dimàndi ristràt
|
un fân clàb in pràtica l'è gròp èd gèint ch'i dîsen a un atôr c'àn'n'ghè mènga sôl lò a pinsèrla in'na zêrta manèra èd sè stàss
|
un fidanzê lìè un àmm cuntèint c'l'ha acetê de'n'êserl piò
|
un filôsof l'è un ôreb in d'na stànza al'ôrba c'al zêrca un gât nêgher c'àn ghè mènga. Un teôlog al le catarà
|
un giornalêsta l'è ûn c'al spiêga a chi êter qual c'an n'ha capî gnànca lò
|
un inteletuèl l'è ùn con un spìrit ch'as compiès da per lò
|
un inteletuèl l'è ùn ed qui chi mànden a rileghèr i lèbber ch'in n'àn mènga lèt
|
un lèbber l'ha da êser cumpãgn a un manarèin per al mêr giazê ch'a ghavàm dèinter
|
un lèbber vêra an nè mènga qual ch'a lizzàm, mo qual ch'as lêz a nuèter
|
ùn l'è seinzêter piò sincêr s'al s'arvîsa a quall cl'ha sugnê ed dvintêr
|
ûn l'è tânt piò rispetâbil cun quànt i ên quê chi al fân vergugnêr
|
un mèster acsè acsè l'insègna. Un brêv mèster al spiêga. Un mèster tôgo al dà la dimostraziòun. Un mèster ecezionêl l'ispîra
|
ùn mîto l'è 'na religiòun che an'g cràd piò nissûn
|
un ôs a un cân an n'è mènga fêr la caritê. La caritê l'è fèr a mêz d'un ôs còl cân quând et ghê fâm cumpâgn a lò
|
un otimèsta l'è quàll ch'àl pèinsa ch'àn pôl mènga andêr pêz ed come la và
|
un paês sèinza cîne documentâri l'è cumpâgn a 'na famìa sèinza àlbum, èd fotografî
|
un paranoich l'è ûn ch'àl sà in cicinèin èd quàl ch'a sucêd
|
un pitôr l'è ùn c'al dipènz quàl c'al vànd. Un artèsta l'è invece ùn c'al vànd quàl c'al dipènz
|
un poèta al capèss la natùra mî d'un sienziê
|
un polìtic al dêv êser bòun ed prevàdder qual ch'a gnarà edmàn, al mês ch'a vîn e l'ân pròsim, e pò dàpp spièghêr al perché l'è andêda in n'êtra manêra
|
un polìtic l'è ûn ch'àl darà la tô vétta per al sô paês
|
ùn prisunêr èd guêra l'è ûn c'àl prôva a mazêret, an'g'la chêva brîsa e pò àt dmânda d'èn mazêrel mènga
|
un provêrbi l'è 'na frès cùrta ispirèda da una lànga esperièinza
|
un psichiâtra l'è un mèz mât ch'at fà 'na mòcha ed dmàndi costôsi cumpàgn a quìlli ch'àt fà agrâtis tô muiêra
|
un putèin an n'è mènga un vès da impìr mo un fòg da impièr
|
un putèin in un casêl al guêrda n'areoplân c'àl pâsa e àl s'insègna un pôst luntân; ûn c'àl viâza inzèmma a l'areoplân al guêrda al casêl e àl s'insègna cà sô
|
un quêl l'è al ricôrd, e un êter quêl l'è arcurdêres
|
un quêl l'è morêl se dàpp che t'l'è fât te't sèint bèin, l'è immorêl s'àt fà stêr mêl
|
un responsàbil editorièl l'è un ch'al matt da na pèrt la paia e da chl'ètra al furmèint e po' a la fin al mànda in stampa la paia
|
un riformadôr l'è ûn c'al viâza ind na fàgn cùn 'na bêrca dal fànd èd vêder
|
un scritôr l'è produtîv brîsa cùn quànt idèi al tîra fôra mò cùn quànt quatrèin al fà fêr al sô editôr
|
un segnèl tràgic ed qui chi èn i valòr ed la nòstra civiltè l'è al fàt ch'an ghè mènga un afèr piò bèl che la guèra per fèr di sòld
|
un sinônim l'è 'na paròla ch'èt drôv quànd t'èn sê mènga cum'às scrèvv la prèmma ch'a t'e gnû in mèint
|
un sociôlog l'è ùn c'al và a la partîda per guardêr i spetadôr
|
un specialèsta l'è ùn c'al sà sèimper de piò ed sèimper meno quê, al pûnt da savêr pròpria tòtt mò ed gnìnta
|
un tèimp as pôl dîr finî quâns tòtt al sô ilusiòun principêl i ên finîdi
|
un traditôr l'è ûn c'àl môla al sô partî per andêr cùn un êter; un convertî l'è ûn c'àl môla al sô partî per iscrèvvers al tô
|
un'àmbra l'às pêrd per trôpa lûs... o per trôp scûr
|
ùn'àmm l'è tànt piò sgnôr cùn quànt i ên i quê ch'àl pôl fêr sèinza
|
un'emoziòun, s'l'lè genuìna, l'è fâta séinza intenziòun
|