tamògna l'è la fòrza èd l'abitùdin
|
tanti discusiòun interminâbil èd chi teôlog i srèven, in pôchi parôli: 'L'è acsé. An n'è mènga acsè. L'è acsé. An n'è mènga acsè'
|
te dê al vôt tòtt al vòlti che t'fê la spêsa
|
tè et pô andêr avanti e indrê e da tòtt al pêrt finc'at pêr sèinza 'rivêr mài ai cunfîn ed l'àlma, per vìa che quàl chi ciâmen 'logos' l'è pròpria in fànda in fànda
|
te pô ferghêr tòtt, e sèimper, la la reclàm l'è fâta bèin e a ghè abâsta sôld
|
te t'èm zercarèss mènga st'en m'avèssa bêle catê
|
tè t'pôl anch cuntèr dal bal, col paròli, ma l'espressiòun d'la tô ghègna la dirà seimpèr la veritê
|
te, la mê santa lèngua / quàlla ch'am piès piò ed tòtti / anch ed tòtt l'argèint / anch ed tòtt l'ôr dal mànd
|
tén srê mâi cuntéint s't'andrê avânti a vlêr savêr ch'sa sìa la felicitê. T'én starê mâi béin al mànnd se t'zêrch ch'sa sìa mâi la vétta
|
te't pô fêr di lavôr straordinâri sèinza pretànder ed'avêr tòtt al mêrit
|
tgnìrla cùrta l'è al segrèt dal capèss
|
tîn i ôc bèin avêrt prèmma èd spusêret, mò dàpp, sôl in fàssa
|
tîn séimper in'a'méint che té t'ê ùnnich. Cumpâgn a tòtt chi êter
|
tô mò 'na pusiziòun. Stêr neutrêl a favurèss sèimper l'opressôr e mâi la vìttima. Al silèinzi al fà zôgh al torturadôr e mâi a chi l'è turmintê
|
tòt al vôlti che ûn l'è abâsta per fêr un quêl cum'às dêv, e al vîn pêz s'i àl fân in dû e a ghè al chês che s'igh màtten trî persòuni o de piò an vègna fât pôpria per gnìnta
|
tòt i prinzèppi morêl universêl in n'ên che dal fantasiî da gnìnta
|
tòti agli ofèsi fàti a 'na persòuna sòl per vìa ch'al vìn da 'n'èter paèe, ch'al pèrla 'n'ètra lèngua, al gà 'n'ètra religiòun opùr perché l'è piò puvratt o danaròs che nuetèr per mè l'è un quèl disumàn
|
tòti al parôli i èn stêdi, in prinzèpi, nôvi
|
tòtt a g'avàm abàsta fòrza per tgnîr bôta ai mêl ed chi èter
|
tòtt a g'avàmm da ubidîr al lêz, mò per capîrli agh vôl n'avochêt
|
tòtt al famî felîzi i s'arvîsen. Ogni famìa mèsa mêl l'è desgraziêda a sô môd
|
tòtt al làttri d'amôr i ên ridicòli. S'ìn fòssen ménga ridìcoli in's'réven ménga làttri d'amôr
|
tòtt al mànd l'è un teàter, e c'al dànn e ch'i àmm in n'ên che atôr, chi fân al sô entrêdi e al sô usîdi
|
tòtt al mêl ch'às fà al vîv piò che nuêter; al bèin ch'às fà èd règola al vîn suplî insàm ai nôster ôs
|
tòtt al parôli i ên fêlsi. Però, bêda béin, sa ghe srévv mâi séinza al parôli?
|
tòtt al rivoluziòun modêrni i ên finidi cùn dêr piò fôrza al stêt
|
tòtt al scièinzi esâti i ên basêdi sùl circa circôrum
|
tòtt al vòlti che t'insègn, insègna a avèr di dòbbi a propòsit ed qual c't'insègn
|
tòtt al vôlti che 'na zêrta libertê l'è mèssa in discussiòun, l'è prôpria la libertê in generêl ch'l'è in discussiòun
|
tòtt al vôlti chi câmbien 'na lêz i ciâpen d'i sôld in bisâca èd quelchidûn per màtterli in bisâca èd quelcdùn êter
|
tòtt al vôlti ch'a vàdd un adûlt in biciclèina a la smàt e disperèrem per la râza umâna
|
tòtt al vôti ch'ìn'm'dân ragiòun a m'è indavîs d'aver tôrt
|
tòtt al zitê, per quânt i sìen cîni, i èn spartîdi in dû: ònna d'i puvràtt e ch'l'êtra d'i récch, e i ên sèimper in guêra
|
tótt an còunta gnint e al rèsta ancàrra meno
|
tòtt as supòrta in d'la vètta, a pèrt dimàndi dè ed felicitè sèinza tirèr al fiè
|
tòtt considerê, al mànnd a ghè dò gèner d'àmm: quî chi stân a cà e quî ch'ingh stân mènga
|
tòtt c'al sistêma religiôs dal dè d'incô al desvîn dàlla mancânza d'ùn manicômi a Gerusalèmme
|
tòtt i àmm i duvrèvven sintîr in dla pròpria ghègna i sciâf chi hàn dê a n'èter àmm
|
tòtt i àmm i gàn 'na dànn per la mèint; quî spusê, in iò, ig n'ân ànc ònna a cà
|
tòtt i àmm i ghàn ùn còunpit in dla vètta mo an l'è mai quàl chi vrèvven decìs per sè
|
tòtt i aziòun èd buntê in n\'ên che dimostraziòun èd potêr
|
tòtt i caiòun i fàn cunfusiòun tra al valòr e al prèzi
|
tòtt i dio i èren imortêl
|
tòtt i letôr, quànd i lêzen, i lêzen se stàss. Qual cl'à fât al scritòr l'è 'na specie d'un pêr d'ucê ch'i fân vàdder a chi lêz qual ch'al gh'à dèinter e che sèinza an n'avrèvv mènga vêst
|
tòtt i quê fôra dal normêl ìs piêsen dimàndi, e préma èd tòtt la vétta, al quêl piò fôra dal normêl
|
tòtt i zervè dal mànd in pòlen fèr gnìnta còuntra al feserìi chi vàn per la magiòr
|
tòtt i zervêl dal mànd in pôlen fêr gnînta còuntra al feserî chi vân per la magiôr
|
tòtt insàmm a sàm arivê a la conclusiòun che per la magiôr pêrt èd la gèint al dirètt à studiêr l'è sminuî da l'oblîg d'andêr a scôla
|
tòtt i'agèint 'fasinànt i ghân quèl da tgnìr nascòst, 'd règola l'è àl fât ch'ìn pôlen mènga fêr a mêno èd piasêr a chi êter
|
tòtt l'è pericolôs. S'an fòssa mènga acsè an ghe srèv gnanc gôst a stêr al mànd
|
tòtt quàl che al dè d'incô a ciamâm immorêl da quèlch pêrt e sòia mè quând l'êra considerê morêl. E chi 's dîs ch'in cambiarân idèa n'êtra vòlta?
|
tòtt quàl ch'a sàm, in definitîva l'è la parôla
|
tòtt quàl ch'àn sò mènga a l'hò imparê a scôla
|
tòtt qual ch'et lêz in dàl fòi l'è prôpria vêra, a pêrt i fât ch't'è vèst còi tò ôc
|
tòtt quàl ch'èt pô ricavêr da tànt tribulêr l'è ed murîr com'un cân
|
tòtt qual ch'ûn as pôl imaginêr a ghè srà quelchidûn ch'àl farà dabòun
|
tòtt quàl ch\'agh vôl l\'è l\'ignorânza e \'na grân ghègna, e pò al sucês l\'è sicûr
|
tòtt qual c'a savàmm an's sèrev èter c'a murîr ed 'na môrt piò bròta ed quàla dal bêsti c'in sân gnìnta ed gnìnta
|
tòtt qual c'as màgna sèinza bisèign às pòrta vìa al stàmeg di puvràtt
|
tótt quall ch l'è inventê l'è véra
|
tòtt quàll ch'a sò... al sò solaméint per vìa ch'a sûn inamurê
|
tòtt quànt i ên di senâri, fôra che zêrt atôr
|
tòtt quànt i rèdden in d'la stàssa lèngua
|
tòtt quî chi armàgnen bòun d'aprezèr la blàzza in sràn mai vèc
|
tòtt quî chi èn arivê a fêr al côsi in grând i èren di grân sugnadôr
|
tòtt quî chi ghân al cmànd ànch sôl per un minût i fàn quêl èd criminêl
|
tòtt quî ch'i vôlen la presidèinza al pûnt da cazêr vìa dû ân per fêr la campàgna elettorêl in's mèriten mènga la fidûcia per ch'la càrica lè
|
tòtta la felicità ch'a gh'avàm l'è quala ch'a i àm dê
|
tòtta la glòria dàl mànd la stà in un grân èd furmèint
|
tòtta la stôria l'è stôria dal dé d'incô
|
tòtta la stôria modêrna la dimâstra che al capitêl, s'àns'gh màtt mènga un frêno, agh pôl dêr dèinter, sèinza gnànch un problêma o d'la pietê, per fêr andêr tòtta la clâs operàia in fànda a la misêria piò bròtta
|
tòtti al rivoluziòun i vân a finîr in gnînta e i lâsen solamèint 'na pultìa 'd'na nôva burocrazìa
|
tòtti i atraziòun i funziòunen a sèins'invêrs
|
tótti i pensér i én bèle in dal zervèl, cóme tótti él stàtui in dal mèrm
|
tra amîg cumpâgn che tra inamurê dimàndi vôlti a s'è piò cuntèint per auàl c'àn se sà mènga che per quàl c'às'sà
|
tra dô ridûdi as pôl dîr tòtt, ànc la veritè
|
tra dû mêl a preferèss sèimper quall ch'an n'ho ancàrra pruvè
|
tra i mê quê piò preziòs i gh'en ch'al paròli chan'no mai dètt
|
tra 'na molècola e ch l'ètra a ghè la stàssa distànza ch l'a ghè tra dò stràlli
|
trâta al persòuni cumpâgn si fòssen qual ch'i duvrèvven êser e acsè t'eg darê 'na mân a dvintêr qual ch'i pôlen êser
|
tròpa rôba èd quàl ch'a ciamàm 'educaziòun' an n'è êter che n'isolaméint da la realtê ch'às pêga ànch chêr
|
t'é bêle zughê abâsta, t'é magnê abâsta. Dai mò, l'è ôra t'ét tòga d'in di pê
|
t'ê un mêz mât quând te fê séimper al stàss lavôr pinsând ch'a câmbia quêl
|
t'èn duvrèss mài giudichèr un lèbber dal fìlm
|
t'èn n'ê mènga capî amôd un quêl fintànt che tal sê spieghèr a tô nòna
|
t'èn pò mènga controlèr quàl ch'at càpita, mo et pò controlèr al tò reaziòun a qual ch'at càpita
|
t'èn pô mènga dêr la mân col pògn srê
|
t'èn pô mènga dîr che la civiltê l'àn và mènga inânz, dàto che a tòtti al guêri ìt mâzen in n'êtra manêra
|
t'en pô mènga fichèr un curtlàz in dla schèina a un, e pò tirèrel fôra un cicìn e dìr ch'et fê di progrès
|
t'en'g'la farê mâi a fêr 'na rivoluziòun per màtt'r'insàmm 'na democrazìa. A ghà da êser 'na democrazìa per fêr 'na rivoluziòun
|
t'èn'g'pô insgnêr gnînta a un àmm, teg pô sôl dêr 'na mân a catêrel dèintr'a se stàss
|
t'la finirê d'èser paurôs èd tòtt quând la finirê èd sperêr
|
