i afêt familièr is màtn'adôs sôl in ocasiòun specê
|
i agêint i ên ridìcol quând i dân da vàdder d'êser quàl ch'in ên mènga
|
i agèint i viazèn per fêr chês al muntàgni, ai mêr, ai fiòm, al stràlli; mo i pâsen ed cô a lôr stàss sèinza gnànch 'na brìsla ed meravìa
|
i agèint in gh'la chêven mènga a supurtêr tròpa realtê
|
i agèint is sèinten pià asvèin a la sventùra piotòst che a la felicitè
|
i âlmi i gân 'na manêra specêl per intànders, per stêr asvèin, fìn a dêres dal tè, mèinter al persòuni i gân di problêma a scambiêres al parôli normêl, dàto chi ên schiêvi dàl rêgoli d'la societê
|
i àm ìs verghègnen mènga d'avêr di pinsêr spôrch, mò piotôst dàl fât che a chi êter àgh vègna in mèint c'a gavàmma di pinsêr spôrch
|
i americân i pèren destinê da la Providèinza a stremnêr la misêria in tòt al continèint 'mericân
|
i amicèzzi i ên cumpâgn ai matrimôni: ònna vàlta so dês i ên per amôr
|
i amîgh i ên c'la pêrt 'd la râza umâna che sêgh te't'pô permàtter d'êser umân
|
i amîgh in's câten ménga a chês, mò secànd al pasiòun che ûn al ghà
|
i àmm chi sân stêr miî cùn càl dànn i ên quî chi sân stêr benìssim sèinza
|
i àmm i càmbien opiniòun e comportamèint cun la velocitè di cambiamèint di sò interèsi
|
i amm i cultivèn tanti rôsi sèinza catèregh quall chi zerchèven: e bêda ch'il psrèven catèr in ônna daperlê
|
i àmm i dròven al paròli solamèint per tgnìr nascòst quàl ch'i pèinsen
|
i amm i èn acsè: i tirèn di azidèint ai pedòun quand i èn in màchina, e al màchini quand i èn a pê
|
i àmm i èn dvintè di strumèint adiritùra di sò strumèint
|
i àmm i tirèn sò dimàmdi mùr mo in costruèssen mai abàsta pòunt
|
i àmm in gh'an mènga na grân consideraziòun per chi èter mo gnànch per se stàss
|
i amm in sràn mai di santarèl s'in pòlen ménga lasèrs andèr a quèlch vézzi
|
i àmm, sicòme che in gl'àn mènga cavèda a eliminèr la mòrt, la misèria, l'ignoranza, i àn pensè bèin, per èser cuntèint, ed'n pensèreg mènga
|
i àn cambiè l'òrdin di anê ma la cadèina l'armàin sèimper 'na cadèina
|
i ân catê dal cûri per dal malatî ch'ìn s'êren mâi sintîdi
|
i arcôrd ch'a gavàmm l'ûn èd clêter, ànch in dl'amôr, in n'ên mâi cumpâgn
|
i avochê i ên i ùnich che ànch s'ìn chgnàssen mènga la lêz ìn'ni castîghen mài
|
i avochê i ên i ùnich delinquèint per cûi a sà da catêr un giùdice c'àl sìa ûn èd lôr
|
i babuèin e àl sèmmi in pêrlen mènga perché si parlèssen i i srèvven mèss a lavurêr subbèt
|
i budlòun i se schèven la fôsa coi sô dèint
|
i câlcol, in amôr, is pôlen fêr solamèint quànd ans s'è mènga inamurè
|
i catîv i ghên perché a ghè ch'i bòun; cavê vìa i bòun e piân piân i sparirân ànch i catîv
|
i criminê d'aiêr i ên i sgnôr dal dè d'incô, e i criminê dal dè d'incô i ên i sgnôr de dmân
|
i cristiân i èn i ùnic animêl chi dveintèn ràss. O ch'igh'nân bisègn
|
i cristiân i ghân sôl dû môd èd fêr: da iresponsâbil e da agitê
|
i cristiân i vînen al mànd ignorânt, mènga stùpid: la stupidêra la rîva cun l'educaziòun
|
i cristiân in n'ên mènga prisunêr dal sô destêin mò dal sô opinòun
|
i cristiân in'ìn sân mènga de piò èd chi êter animê: piotôst mèno. Perché i animê i sân quàl ch'i dêven savêr. Nuêter no
|
i cunfîn d'la mê lèngua i ên i cunfîn ànch dal mê mànd
|
i dè ch'ìn's'spôlen brîsa scurdêr in d'la vètta d'ùn àmm i srân zînc o sê. Chi êter i fân mòccia
|
i difèt ed chi éter i perèn propria damànd i nostèr
|
i dirét i dvèinten de piò dapperlôr, se't'fê al tô dvêr cum'às dêv
|
i ditatòr i pòlen cambièr al léz mo mènga egli abitùdin
|
i dizionâri i ên cumpâgn ài arlôi: al piò lôfi l'è mî ed gnînta mò an ghè da fidêres gnànch dal piò tôgo
|
i dizzionàri i ên da corêzer continuamèint, cumpâgn al mâpi
|
i don Chisiôtte dàl dè d'incô ìn cumbâten mènga còuntra i mulèin a vèint mò da la lôr pêrt
|
i dutôr i dân dàl medsèini ch'i cgnàssen pôc a d'i malê ch'i cgnàssen ancàrra mêno per curêr di malân ch'in cgnàssen per gnînta
|
i dutôr i ên cumpâgn ai avuchê, cùn la differéinza che chi avochê ìs cuntéinten èd purtêret vìa i sôld, i dutôr, invêce, ìt pôrten vìa i sôld e pò ìt mâzen
|
i dutòr sè chi èn furtunè! Quànd igh ciâpen i al fàn savèr al mànd intèr... E quànd i fàn 'na capêla, alòra cìto, a va tòtt suplî sàtt tèra
|
i ên bê sôl chi ôc che s'ìt guêrden i ên dôlz
|
i ên bèin pôch i quê ch'i sucêden dabòun al mumèunt giòst, e tòt al rêst an sucêd prôpria per gnînta: al stôric coscienziôus al giustarà al mancânzi
|
i ên bòun tòtt d'avêr a côr al dulôr d'un'amîgh, mò sôl chi ghà 'na mêrcia in piò a pôl prôèria êsêr cuntéint per al sucêss d'ùn amîgh
|
i èn bòun tòtt ed taiêr i fiôr, mo nisûn a pâl fermêr la primavêra
|
i èn depiò qui chi mòrèn mèinter i sla dàn a gàmb piotòst che qui chi mòren in batàglia
|
i ên di téimp desgraziê quî quând chi mât i guîden chi ôrb
|
i èn dimàndi quî chi vivèn cuntèint sèinza savèrel
|
i ên pôc quî chi capèssen cum'a sàm dabòun, mo tòtt i vàdden quàl c'a dàm da vàdder d'êser
|
i êser umân ìs pôlen divìder in trî categorî: quî stòff da murîr, quî scazê da murîr e quî preocupê da murîr
|
i ghên d'l'adolescèinzi ch'i tâchen a novantân
|
i ghên tànt ed chi quê ch'a cazarèven vìa s'an fòssa per la paùra che quelchidûn i tògga sò
|
i ghên tânt sistêma per arivêr mò al mijôr l'è quàll ed'n'partìr gnânc
|
i ghèn trî quê c'a me scôrd sèimper: i nàmm, al ghègni, e pò, e pò al tèrz an'm'larcôrd piò
|
i gh'èn dal paròli chi srèven da druvèr na vòlta e po piò
|
i giornê e la televisiòun i èn di zôg in màn ai sgnôr, chi sgnôr chi i drôven per fêr sèimper piò sòld
|
i giornê in vôlen mènga infurmêr i letôr, mò sôl dêregh da intànder ch'igh dân l'informaziòun
|
i giurnalèsta ìn cràdden mènga al bâl chi còunten i polìtich, mò i lì tòrnen a dîr: pêz ancàrra!
|
i gîven che soquânt môrt amazê i ghe vlîven per fêr un mànnd sèinza mazamèint
|
i grând amôr ìs presèinten a sô môd, apèina 't'la vàdd àt vîn da dîr: mò chi êla c'la stròunza
|
i grànd avenimèint dal mànd i càpiten tòtt in dal zervèl
|
i guêren in'n'impêren mài. Sôl la gèint l'impêra
|
i han catè dal cûri per di malàn ch'in s'erèn mai vèst
|
i ilusiòun i tìrn'avânti a la ghègna 'd'la ragiòun e dal savêr
|
i insànni i s'avêren; sèinza quàsta posibilitê la natûra ans purtarèv mènga a insugnêres
|
i italiân i ên sèimper pròunt a còrer a aiutêr i vinzitôr
|
i italiàn i pèrden la guèra cumpàgn a fòssa 'na partida ed fùdbal, e i pèrden al fudbàl cumpàgn a fòssa 'na guèra
|
i lavuradôr i gh'an sòl un quel da fèr: dèr al bòun esèimpi
|
i lèbber brôt i fân gnîr dal bròtti abitùdin e al bròtti abitùdin i fân fêr di bê lèbber
|
i lèbber i gân i stàs nemîgh ed l'àmm: al fôgh, al bêsti, al tèimp ch'a fà, e pò finânch qual ch'a ghè scrètt dèinter
|
i lèbber i gh'àn l'amòr proprî: se ti prêst a quelchidûn in tôrnen piò indrê
|
i lèbber i sêrven a dimostrêr a quelchidûn che ch'àl sô pinsêdi achsé originêli in n'ên nôvi per gnînta
|
i lèbber is rispèten sôl s'is dróven
|
i lêder i rispêten la proprietê, i vôlen sôl che la proprietê la dvèinta sùa, in manêra èd rispetêrla cum'às dêv
|
i letòr i èn di personâgg inventê da la fantasìa d'i scritôr
|
i marî i èn dimàndi brêv a lêt, specie si fân i côren al mujèri
|
i mât i vêren al strêdi che pò i druvarân quî normêl
|
i môrt i ên depiò che i vîv. E pò i cràssen sèimper da piò. I vîv i fân spêcie
|
i m'ên stê sul stàmegh tòtt chi ân passê al parlamèint cumpâgn a quî passê al licèo Azèglio a Turèin. 'Na grân pèrdita èd tèimp che dîr che an servîva a gnìnta an sàm gnànc a metê
|
i m'hân dmandê: lò ê favorèvol al liberalizêr al drôghi? A g'hò dèt: Prèmma pinsàm a liberalizêr al pân. Agh tàca un proibizionêsem impestê in mêz mànd
|
i nòster borghês dato ch'in'gh'n'hân mènga âbasta d'avêregh a disposiziòun al mujêri e al fiôli di proletêri per àn parlêr d'la prostituziòun ufficêl, ìs divêrten ànch da mât a fêres a tûren al mujêri 'd'chi êter
|
i nòster ricôrd i ên cumpâgn a schêdi d'archèvi controlêdi e pò incasinêdi da quelchidûn c'àn savàm gnânc chi àl sîa
|
i pacifèsta i èn cumpàgn a dal pêgri cunvìnti che i lôv i sìen vegetariàn
|
i padròun èd ste paês ché i la sân, la veritê. L'insànni americân às ciâma acsé perché te da êser indurmintê, per cràddergh dabòun
|
i partî dal dé d'incô i ên cunpâgn a dal mâchini per fêr di sôld e di tragatèin
|
i pâs in avânti d'un paês alàng a svilupêres i dipânden dal chêl di militêr
|
i poêta ancàrra indrê i fân al vêrs. Quî piò avânti i fân mân bâsa
|
i poêta i ên di cristiân ch'i tînen d'acât i sò ôc da putèin
|
i poêta in ghân mènga verghègna èd quàl chi hân fât: i àl drôven
|
i polìtic i ciacâren da la pêrt d'i sô partî, e 'sti partî ìn sbâglien mài, in'n'ân mài sbagliê e in sbagliaràn mài
|
i polìtic in n'ên che i camarêr di banchêr
|
i politicânt èd sinèstra i dîsen che per al nôster paês i ên pericolôs quî èd dêstra, e quî èd dêstra, alôra, i dîsen uguêl d'i politicânt èd sinèstra. Mé a vrévv dîr, modestamèint, che magâri i ên pericolôs tòtt ê dû
|
i polìtich i ên cumpâgn dappertòtt. I prumàtten èd fêr un pòunt ànch in da ghé gnànch ùn fiòmm
|
i pôpol indìgen i ên la risêrva morêl d'l'umanitê
|
i problêma piò pês i tâchen quànd ûn l'è in grêd èd fêr a sò môd
|
i putèin i câten tòtt in dal gnìnta, i grând in câten gnìnta in dal tòtt
|
i putêin i ghân al sô manêra èd vàdder, pinsêr e sintîr; an ghè gnînta èd piò asûrd che zerchêr èd cambiêrgla cùn la nôstra
|
i putèin in n'ên mâi stê dimàndi brêv a 'scultêr i grând, mò in n'ân mai psû fêr a mèno d'imitêri
|
i puvràtt i vân a la guêra a cumbatêr e a cherpêr per i caprèz, la pèla e al deppiò 'd'chi êter
|
i quê c'a savàm mî i ên quî c'àn n'avàm mài imparê
|
i quê impussìbil i ên piò fâcil èd quî diffìcil
|
i què piò preziòs ed la vètta in n'èn mài quì ch'a tulàm còi sòld
|
i ricôrd i ên cumpâgn al véin ch'àl s'arsôra in'd'la buttìglia, i armânen cêr e al pês al và in fànda. An ghé ménga biséign èd squassêrla, la buttìglia
|
i ricòrd is pólen interpretèr prôpria come i insànni
|
i rûben, i mâzen, i fân dal rapèini e pò, ch'i fêls, i àl ciâmen 'guêren', e indòve i ân fât ùn desêrt, ècco, i àl ciâmen 'pês'
|
i sàn insgnè a cràdder che qual ch l'è bèl an gh'ha mènga bisègn d'èser utìl e che qual ch l'è utìl an pôl brìsa èser bèl. A vòi dimostrèr che qual ch l'è utìl al pôl anch èser bèl
|
i sèins in't pòrten mènga fòra strèda, al giudèzzi sè
|
i sintêr ìs fân a fôrza èd camminêr
|
i sô progêt i êren, cum'às dîs, prôpria rispetâbil: insàmma al vlîva ciavêr a'la sgnôra tòt quàl c'l'a gavîva con un bêl matrimôni
|
i sôld dàto che i ghân al particolêr ch'i pôlen cumprêr tòtt, d'acaparêres in côsa, i ên al quêl da avêr piò che tòtt al rêst. Al fât che tòtt i sâven 'ste quêl al pôrta a dêregh un potêr sèinza lìmit, e insàmma, as dîs che còi sôld às pôsa fêr e avêr tòtt
|
i sôld i ên al lât matêren èd'la polìtica
|
i sòld i èn di bòun serèv mo di catîv padròun
|
i sôld i ên dvintê acsè importânt c'às capitarà ed parlêr èd Kènedi come dal prèmm marî d'la mujêra d'nàssis
|
i sôld in pôlen menga parturîr di sôld
|
i sòld it dàn na màn a supurtèr la misèria
|
i specialèsta i ên di agèint chi fân e rifân sèimper chi erôr
|
i stôric i scrèvven dal busî e i drôven di documéint, i romanziêr, invêce, i drôven l'imaginaziòun
|
i studéint 'i mâgnen quàl che i profesôr i hân bêle digerî
|
i tèimp dal purtêres avânti, dal mêzi misûri, di truccàt per stêr in camòffa e tgnîr bòuna la gèint, di ritêrd, i ên quêsi finî. Adêsa, piotôst, a tâca al perìod dal conseguèinzi
|
i tirânn i ên bòun èd màtt'r'a pôst tòtt i problêma, fòra che quàll piò grôs: lôr
|
i tradutôr i ên cumpâgn ai pitôr èd ritrât, i pôlen ànch fêr piò bêla la côpi mò la ghà sèimper da arvisêres a l'originêl
|
i tradutòr i en i cavàl da tìr ed la cultùra
|
i ùnich chi i èn sèimper apèina turnè da chè e da là i èn quî chi n'èn mai stê in nisûn pôst
|
i vistî i èn di artifèzi semiotich, cum i disèn i profesòr, insàmma, i èn dal màchini per comunichèr
|
i vôlen la guêra ma in'ni lasaràm mènga in pês
|
i zôven i ghân d'l'aspiraziòun che insavèren mài, i vècc i s'arcòrden qual c'an n'è mài sucès
|
i zôven i pôlen mò in ghân ménga al capéss, chi vêc i ghân al capéss mò in pôlen ménga
|
i zôven is fân dl'ilusiòun su qual ch'a gnarà; i vêcc su qual cl'è stê 'na volta
|
i zôven 'pèina spusê in pôlen gnànc imaginêr quànt i ghân da ringraziêr la televisiòun. 'Na vôlta, tra marî e mujêra, a tuchêva ànch ciacarêr
|
i 'merican i èn di purtadòr sân ed democrazìa
|
i 'nalfabêta dal sêcol vintûn in's'rân mènga quî ch'ìn sân mènga lêzer e scrèvver mò quî ch'ìn'n'ên mènga bòun d'imparêr, disimparêr e turnêr a imparêr
|
ìm piêsen da mât i partî polìtic: i ên i unìc pôst armês ìn dàs ciacâra mènga èd polìtica
|
imbambî i ên quî ch'in capèsen mènga che la metê la vêl piò dàl tòtt
|
immunitê a stà a impunitê cumpâgnb a dîr che onorèvol al stà a onôr
|
imparèr a parlèr l'è cumpàgn a imparèr a fèr al traduziòun
|
impiccàm i lêder da dû sôld e pò mandàm a cmandêr i lêder in gàmba
|
in conclusiòun la pâtria l'è la lèngua
|
in dàl crîsi a fà al ciôch n'epidemìa sociêl che 'na vôlta la srèvv stêda un quêl da mât: l'epidemìa 'd'la sovraproduziòun
|
in dàl futûr an ghè mènga pôst per la proprietê privêda, a sàm in d'l'època dal comunîsem d'i compiûter
|
in dal mê stòri d'amôr 'na volta al rimòrs al gnìva dàpp, adèsa invèce al rìva prèmma che me
|
in dall questiòun 'mportanti bisègna badêr ai môd piò che a la sinceritè
|
in dàs brùsa i lèbber a và a finìr ch'as brùsa ànch i agèint
|
in dàs rèd mâi an ghè mènga umanitê; in dàs rèd mâi às và a finîr ai câmp èd concentramèint
|
in di chès dóbbi a-s decìda per al gióst
|
in di mumèint èd crîsi, solaméint l'imaginaziòun la ghà piò importânza èd la conoscéinza
|
in di quê importànt la gèint la's'fà vàdder cum'àgh cunvîn, in di quê da gnînt i fân vàdder cum'i ên dabòun
|
in di Stêt Unî tòt i ân i tîren sò piò prigiòun che scôli e universitê
|
in di ûltem tréint'ân a sàm passê dall'avêr 'n'economìa èd merchê a dvintêr prôpria 'na societê èd merchê. L'economìa dal merchê la sêrev per fêr funzionêr i attivitê èd produziòun, mò invêce la societê èd merchê a vôl dîr che tòtt quânt l'è bòun da vànder. As trâta d'un sistêma èd vétta che i prinzéppi dal merchê i cmànden tòtt i quê 'd'la vétta
|
in dimàndi i psîven arivêr al capèss, s'ìn n'avèssen mènga cherdû d'êsergh bêle arivê
|
in dimàndi ìs pêrden i pìcol piasêr ed'la vètta in càl mèinter chi aspêten la grân felicitê
|
in dl màmd dal futûr i ghr srân chisàmai quànt dialàtt mo solamèint quâter lèngui
|
in dla vètta com'in tràm quànd èt càt da sèder t'e bèle al capolìnea
|
in dl'èrt l'è diffìzil dîr quèl c'a sìa acsè giòst come tasêr
|
in d'i àmm an s'ghà ménga paûra dal vézzi, ch'al fà dvintêr schiêv, mò d'la virtù sé, per vìa ch'la fà dvintêr di padròun
|
in d'i câmp ed concentramèint as tirêva avânti mumèint per mumèint e as zerchêva ed pinsêr al mêno pusìbil, per vìa che pinsêr l'è frustêres
|
in d'i chês dòbbi às tôs per bòun al giòst
|
in d'i paradîs fischêl i duvrèvven vìver sôl quî chi vôlen paghêr al tâs: i ên tòt acsè cinèin…
|
in d'la comunicaziòun quàl ch'a còunta de piò l'è sintîr quàl ch'àn n'è mènga dèt
|
in d'la lôta fra tè e al mànd, stà da la pêrt dàl mànd
|
in d'la sô vétta, un àmm al pôl cambiêr mujêra, partî, religiòun, mò àn cambiarà mâi la squêdra èd câlcio ch'l tîn
|
in d'la vètta an ghé gnînta d'avêr pòra, mò a ghé tòtt da intànder
|
in d'la vètta tòtt a stà in d'l'avêr 'na bòuna digestiòun. Acsè l'artêsta al câta l'ispiraziòun, i zuvnôt la vôia èd fêr l'amôr, quî chi pèinsen dàgli idèi luminôsi e tòtt quànt la cuntintàzza èd stêr al mànnd
|
in d'l'archeologìa as và a la scuèrta ed quàl c'an's sà mènga. In diplomazìa as màtt in camòffa quàl c'as sà
|
in d'ûn vucabulàri ag stà solamèint un pcunzèin ed tòtt al patrimôni ed 'na lèngua
|
in fânda a s'invèinta sôl còl ricôrd
|
in filèin ed sòl l'è abàsta per scanzlèr 'na marèa d'àmbrì
|
in generêl , ongi paês al ghà la lèngua ch'às mêrita
|
in ghèn mènga dagli èrbi catìvi e gnànc di cristiàn, catìv. I ghèn sòl di catìv cuntadèin
|
ìn ghên mènga dàl religiòun chiêti, la religiòun l'ha sèimper fât a pôgn cun al capèss
|
in ghên mènga di fât mo sôl dl'interpretaziòun
|
in ghên mènga di segrêt piò nascôst che quî chi sân tòtt
|
in ghên mènga dô agèint chi lêzen al stàss lèbber
|
in gh'ên mènga al pinsèdi fâti trôp prèst, bisègna sòl aspetêr al mumèint giòst
|
in guêra, al prèmm quêl ch'as va a fêr benedîr l'è la veritê
|
in Itâlia la magiôr pêrt di polìtic an batàglia mènga per di progêt mò per di intêresi
|
in mêz a 'sta cunfusiòun, a sâm mè e tè, cuntèint ed stêr insàmm, e a ciacaràm ànch sèinza dîr gnìnta
|
in nissûna idèa èd democrazìa às pôl màttr'in dòbbi che ûn di quê tìppich èd'na dittatûra l'è d'avêregh in mân l'informaziòun
|
in n'ên mài al virtù mò sèimper i vèzzi a fêres capîr d'màn d'in mân cum'a l'è 'na persòuna dabòun
|
in n'èn mènga i agèint chi ghân dal pensêdi grandiòsi, i èn al pensêdi chi câten i agèint
|
in n'ên ménga quî 'd'la râza piò fôrt e gnànch i piò inteligéint ch'i tînen bôta comûnque, mò quî piò brêv a adatêres
|
in ôgni tèimp la mancànza 'd'na disiplèina dûra impestêda l'è stêda fôrse la vêra fôrza di àmm lèbber
|
in polìtica l'è un sânt dabòun quàl c'àl ciâpa a frustêdi al pôpol e al mâza al pôpol per al bèin dàl pôpol
|
in polìtica, ste vo' dal ciâchri dmânda a un àmm, ste vo' di fât và da 'na dànn
|
in sustânza, tirêr fôra di sôld dàl gnînta damând al bânchi l'è cumpâgn a stampêr di sôld fêls, a chè sôl la diferinza in chi agh fà d'interêsi
|
in Svìzera i ghân la manìa d'la pulizìa, tânt che i lêven ànc i sôld
|
in tèimp èd guêra la veritê l'è acsè preziôsa c'a bisgnarèv difàndèrla cùn'ùn mûr èd busiî
|
in tòtt al tèimp ch'l'è passê a ghò avû dimàndi vètti e quîndi àv pôs prôpria dîr sèinza dòbbi che l'àmm, come persòuna, dal pùnt èd vèsta d'la morêl an n'ha mènga fât di pâs in avânti, perlomêno in di ûltem dêsmèlla ân
|
in tòtt i paês e in tòtt i perìod i prêt i ên séimper stê contrâri a la libertê
|
in tòtt i perîod d'i ipôcrit ciamê prêt i hân piazê dàl coròuni in tèsta a d'i lêder ciamê rè
|
in ûltem quàl ch'às'arcurdaràm in srân mènga al parôli di nôster nemîgh mò al silèinzi di nôstr'amîgh
|
in un cristiân al quêl piò profànd l'è la sô pêla
|
in un perìod ed matâna cràdder d'èn n'êser mènga mât l'è 'na manêra d'êser mât
|
inamurêres l'è ch'àl muméint d'imbabiméint che po' se Dio vôl al pâsa
|
inamurêres l'è un quêl da camarêr
|
inànz l'emoziòun! E pò dàpp i ragionamèint
|
inda vêt, àn, Ivan? A Mìnsk. T'ê prôpria un busiêrd, Ivan! T'èm dî ch'èt vê a Mìnsk per dêrem da cràder ch'èt vê a Mòsca, invêci èt vê prôpria a Mìnsk. T'èm còunt dal bâl, Ivan, va bèin là!
|
indóve a ghè dimàndi lûs, l'àmbra l'è piò nêgra
|
ind'àn 'rìva mènga la spêda 'd'la lêz, ècco la frôsta 'd'la sàtira
|
inssàgna e't'srê lèbber in dàl spìrit, lôta e't'srê lèbber in dla vètta
|
inteligèinza militêr: mah, a gh'è quèl ch'a tàca
|
intèrprete: un ch'al fa in môd che du chi pèrlen lèngui divèrsi is capèssen, a forza ed dìr a ognùn quall ch'agh cunvîn ch'abìa dèt ch l'èter
|
invêci èd fêr in manêra ch'ingh sìen piò d'i sgnôr, as duvrév fêr in manêra ch'ìngh fòssen piò di puvràt
|
inzèma a quelsìasi proprietê privêda a chê 'na spècie d'ipotêca sociêl
|
in'd'l'economìa, la magiorânza l'ha ghà sèimper tôrt
|
in's'còunten mai tânt bagianêdi cumpâgn a prèmma degli eleziòun, sà ghè la guêra e dàp la câza
|
ìs ciâmen inzìdèint, i crìmin fât còl mâchini
|
ìs preòcupen tòtt d'i rinoceròunt, mò ànc àl pòllghi i ên in vìa d'estinziòun
|
ìs rispêten sôl i dirètt dàl persòuni giurìdichi
|
i'a'gèint, cumpâgn al pêgri, i vân adrê al càpo, e c'sa càpita, in d'la direzziòun giòsta
|
i'm pièsen al dàmm, mò an n'ariv mènga a amirèrli
|
i'n'ên mènga dimândi quî chi drôven la têsta, ancàrra mêno quî chi drvov'n'àl côr, e pochìssim quî chi drôven tott'e dû
|