i alvam i magna quel che i profesor i ha digerì
|
i amich i è cla part a dla rasa ümana con la quale at pœ esar üman
|
i analfabeti dal nostar tenp i ‘n sarà mia quei mia bon da lesar e da scrivar, ma quei ch’i sarà mia bon d’inparar , disinparar quel ch’i à inparà par tornar a inparar
|
i aocat i è i unich chi vegn mia punì par la so ignoransa dla lege
|
i aocat i è i unich delinquent chi gh à par giudice, par forsa, uno ch’l’è dla so categoria
|
i besi ch’i pœl conprar tüt, ch’i pœl veragh tüt i è oget dal poter püsè grand. S’i pœl tüt alora vœl dir ch’i è tüt e ‘l è par quel chi è onipotent
|
i bèsi i è bon servitor ma cativ padron
|
i besi i è al lat a dla politica
|
I bèsi i iuta a soportar la miseria
|
i cativ i gh è parchè gh è i bon, tirè via i bon e pian pianin a sparirà anca i cativ
|
i confini dla me lingua i è i confin dal me mond
|
i delinquent da ier i è i sior d’incò, i delinquent d’incò i è i sior d’adman
|
i democratich i è al partì ch’al dis che ‘l goeran at farà gnir püsè inteligent, püsè alt, püsè sior e ch’al trarà via i ortighe dal to giardin. I republican i è al partì ch’al dis che ‘l goeran an al funsiona mia, i ‘s da votar e po dopo i la dimostra
|
i dì ch’as pol mia dismengar in dla vita ‘d ‘n om i è sinch o sié in tüt. Chi atar i fa nümar
|
i difèt da chi àtar i somilia tròp ai nòstar
|
i disionari i è conpagn i arlòi: al pegio ‘l è mei da gninte ma ‘n podema gnanca fidaras dal mei
|
i ditator i pol canbiar le legi, mia la manèra da far
|
i dmanda senpar e tant cosa i pensa i citadin che anca lor i sa pù cosa pensar
|
i don Chisiote d’incò i conbat pù contra i molin a vent ma par lor
|
i dulator i somilia ai amich conpagn i lof ai can
|
i è bei chi oc ch’i’t varda con teneresa
|
i è pusè quei ch’a mor in dal scapar che quei ch’i mor in dal far la guera
|
i fat i nas d’ continuo par confüşionar le teorie
|
i giornalisti i cred mia ale bosie di politich, però i a ripet, ch’l’è pegio
|
i grand amor i ‘s presenta in na manera precisa , apena at la vedi at disi: chi ela cla stronsa lì?
|
i grand fat dal mond i nas in dal sarvèl
|
i grand òm i è i püsè 'd par lor
|
i insogn is realisa, s’agh fos mia sta posibilità la natura la si a fares mia far
|
i ladar i rispeta la roba da chi atar, i vol sol ch’la dventa sua , acsì i la podrà rispetar mei
|
i libar cativ i fa nasar manere cative da vivar, le manere cative da vivar le fa nasar di libar bon
|
i libar i gh à al so amor propri, quand a ti inpresti i torna pù indrè
|
i libar i gh à i stes nemich a dl’om: al fogh, l’umidità, le bestie, al tenp e qual chi ta spiega
|
i lìbar i ‘n servis àltar che a dimostraragh al’òm che le so idee ch’le par originai an i è mia nœe par gninte
|
i lìbar is rispeta quand is droa
|
i ma dsea che pochi mort i sares servì par rivar a ‘n mond indoa as copes pù nisün
|
i marì a i è di gran amador, specialment quand i tradis le sò spose
|
i mat i vers le strade che po i fa i giust
|
i media a i è an sugatol in man ai sior. E i sior i dventa ancora pusè sior
|
i mort i è pusè che i viv, e i cres senpar pusè. I viv i taca a dventar pochi
|
i nostar ricord i è conpagn l’indice ad n’archivi ch’al vegn let e po rimis a post in disordan da ‘n qualdun che nuantar a riusema mia a controlar
|
i om a i è dventà strument di so strument
|
i om a i è i unch nimai cha dventa ros.Ma i è anca i unich chi gh à la ragion par faral
|
i om ch’a parla poch a i è i pusè mei
|
i om i canbia i sentiment e la manera da far con la stesa velocità chi gh à in dal canbiar i so interes
|
i om i coltiva mila rose sensa catar in lore quel ch'al sercava. E l'avres podì cataral in una sola
|
i om i dventa eroi sol quand i pol mia far àltar
|
i om i è mia presoner dal so destin ma dle so idee
|
i òm i è sènpar sincer. I canbia sol sincerità
|
i òm i fa al mal conpagn i ave le fa 'l mel
|
i om i fa tropi mur e mai pont bastansa
|
i òm i gh à i rifles lent; ad solit capis sol le generasion dòpo
|
i òm i gh à mia considerasion par chi atar ma i gh n'à poca anca par lor
|
I om i gh à mia idee grande, i è le grandi idee ch ‘a cata i om
|
i om i gh à na sola arma ch’la funsiona propria da bon: al ridar
|
i om i nas ignorant, mia stupid, stupid i gh a dventa con l’educasion
|
i om i sbraia par mia scoltaras
|
i om is pol dividar in trì categorie. I tanto strach da morar, i tanto stuf da morar e i tant poreocupà da morar
|
i om is vergogna mia da pensar a dle porcade, ma is vergogna al penser ch’igh posa dir chi pensa dle porcade
|
i òm, dato ch’i à mia podì eliminar la mòrt, la misèria, l’ignorantìsia, i à strolicà ben, par èsar content, da mia pensaragh
|
i pacifisti a i è cme le pecore ch’le cred che al lof a n’al magna mai la caran
|
i padron da sto paes i sa la verità: L’insogn merican as ciama acsì parchè bisogna esar indormens, par credaragh
|
i partì al dì d’incœ i è prima da tüt machine da poter e client
|
I podrà anca taiar tuti i fior, ma i podrà mai fermar la primavera
|
i poeti a i è di om chi gh à ancora i oc da putin
|
i poeti soan i copia, i vec i roba
|
i politich an i è àltar che i camarer di bancher
|
I politich da sinistra i dis che par al nostar paes i è pericolos quei da destra, quei da destra i dis listes da quei da sinistra. Mi vores dir mopdestament, che forse i è pericolos tuti e du
|
i politich i è conpagn da par tüt: I t’inpromet da far on ponte anca indoa an gh è mia on fiüm
|
i politich i parla par i so partì, e i partì i ‘n sbalia mai, i à mai sbalià e i sbaliarà mai
|
i povret i va in guera, a conbatar e a morar par le mòche, i besi e al di püsè da chi altar
|
i problemi pusè gros par ‘n om i comincia quand al pol far ala sò manera
|
i putin i cata tut in dal gninte, i om i cata gninte in dal tut
|
i putin i è mai stà brai a scoltar i grand, però i è senpar pront a far quel chi fa lor
|
i ricord ch’a gh ema un da ch’l’atar, anca in dl’amor, i è quasi mai conpagn
|
i ricord i s'intend cme d'insogn
|
i roba, i copa, i raspa, e con nom fals, i la ciama inper; po dopo,in dua i à fat al desert i la ciama pace
|
i senter i ‘s costruis col viagiar
|
i sgord is fà la busa coi sò dent
|
i so proget i era pròpia da rispèt, com’as dis, in poche parole al volea ròbaragh a na siora i so besì col matrimoni
|
i specialisti i è dle persone ch’le fa sénpar i stes eror
|
i studi in sle malatie i è ndà tant avanti ch'è quasi inpèosibol catar an qualdun ch'al sia san dal tut
|
i s'à insegnà a credar che quel ch'è bel an al gh à mia 'd bisogn d'esar necesari e che quel ch'è necesari al pol mia esar bel. Volema far vedar che quel ch'è necesari al pol anca esar bel
|
i talian i è senpar pront aiutar quei ch’i vins
|
i talian i perd le partide dal baoln conpagn le fos guere e i perd le guere conpagn le fos partide dal balon
|
i tradutor i è conpagn ai pitor ch’a fa i ritrat, i pol farla pusè bela , la copia, ma la gh à da somogliar senpar a l’original
|
i vocabolari i gh à da esar coret in continuasion, conpagn le carte geografiche
|
i vol la guera, ma nuantar a i a lasarema mia in pace
|
in america ogni an as fa pusè preson che scole e colègi
|
in an mond da mat, credar da mia esar mat, ‘l è da mat
|
in certe ocasion le male parole a i è le pusè mei
|
in conclusion, la patria a l’è lingua
|
in dal 1975 Pasolini al vegn copà, e maraviglia vedar conpagn al smorsaras ad na sola voş posa costar tanto tant a ‘n popol inter
|
in dal bordel di armi le legi le tas
|
in dal corar dal tenp ò vivì tante vite, e posi dir sensa sbaliaram, che in dl’aspet moral, l’òm considerà cme persona an l’à fat gnanca al minim progres in di ültim diesmila ani
|
in di canp da concentrament i canpava atim par atim e i pensava al men posibil parchè pensar l’era scurtar la guciada
|
in di ültim trent’ani a sema pasà dal’averagh n’economia da marcà a èsar na sosietà da marcà. N’economia da marcà ‘l è ‘n instrument ch’al va ben par organisar e produsar. Na sosietà da marcà ‘l è on post indoa as pœl vendar tüt. L’è na manera da vita indoa i è i valor dal marcà a detar lege insima a ogni aspet a dla vita
|
in dla ment an gh è gninte ch’an al sia stà prima in di sens
|
in dla politica un da bon sant ‘l è quel ch’al bastona la gent, ch’al copa la gent apr al ben a dla gent
|
in dla so vita l’òm al pœl canbiar moier, partì o religion: Ma sens’altar an al pœl mia canbiar la squadra ch’agh pias püsè
|
in dla vita an gh è gninte da veragh paüra, ma tüt da capir
|
in dla vita mmè in sal tram quand t’at senti a tsè a la fin a dla corsa
|
in dla vita, dle volte bisogna esar bon da lotar, mia sol sensa paura, ma anca sensa speransa
|
in dle me storie d’amor, al rimors na volta al gnea dopo, ades ancor prima da cominciar
|
in dle question da cosiensa an gh è magioransa ch’a tegna
|
in dle robe grande i òm i ‘s presenta conpagn a gh convien faras vedar, in dle picole conpagn i è
|
in dl’abondansa i nostar amich is conos, in dle disgrasie nuantar a conosema i nostar amich
|
in dl’archeologìa as serca da scoprir quel ch’as conos mia, in diplomasia invece quel ch’as conos
|
in dua a gh è tanta luce, l’onbra l’è pusè scura
|
in dua as brusa i libar, a va a fnir ch’a brusa anca i om
|
in dua vet Ivan? A vaghi a Minsk. Busiadar t’am disi ch’at ve a Minsk par faram credat ch’at vè a Mosca e invece at vè a Minsk. Busiadar!
|
in economia la magioransa la gh à sènpar tòrt
|
in Italia al pusè di politich i ‘n conbat mia par di proget ma par di interes
|
in longa a la strada par dventar savi al prim pas a l’è al silensi, al second l’ascoltar, al ters ricordar, al quart praticar quel ch’as dis e al quint insegnaragh a chi atar
|
in mesa a la confusion a dla gent, stema mì e tì, content d’esar insiem, e parlema sensa gnanca versar boca
|
in nisuna lingua 'l è csì brigos capiras cme in dla pròpia
|
In ogni guera la prima ch’a mor a l’è la verità
|
in ogni post e in ogni tenp, i pret i è sènpar sta incontrari ala libertà
|
in ogni tenp la mancansa da disiplina volida e completa l’è la vera forşa di òm liberi
|
in pochi i ved cme sema, tuti però i ved quel ch’a fema finta da esar
|
in politica s’at vœ quel a parole admanda a ‘n òm, s’at vœ quel da fat, admanda a na dona
|
in Svişera i è tanto mat par al pulì chi lava infin i besi
|
in s’la preda as costruis gninte, tut ad sorvia dla sabia, ma nuantar a gh ema da costruir cme se la sabia la fos preda
|
in tanti i sares vigliach sol si gh es al coragio
|
in tanti i vœres mia pagar le tase, ma sol i püsè sior i è bon da faral, ragion par cui i povret i sapia ch’i gh avrà da pagar le tase anca par lor
|
in tenp da guera, la verità l’è csita presiosa, ch’la gh à da esar tgnida a bada da na bariera da busìe
|
inamoraras l’è da camarer
|
incò l'economìa dal mond l'è na gran casa da sogh
|
incontra da lor tüti i è di nasisti, par le bestie Treblinka la düra in eteran
|
Infedel: a New York a l’è chi è mia cristian. A Costantinopoli chi ‘l l’è
|
inferan e paradis i’m par sproporsionà. Quel ch’a fa l’om a n’al merita mia po acsì tant
|
inparar a parlar l’è inparar a tradur
|
inrichemas con le diferense d’ognün da nüàltar
|
insima a quel ch’as pœl mia parlar ‘l è mèi taşar
|
intant ch’a serchema al ben par chi atar a catema al nostar
|
inteligensa militar l’è na contradision
|
Internet ‘l è anca ‘n asasin dle lingue
|
interprete: chi fa in manèra che dò persone ch’le parla lingue diverse le ‘s posa capir, intant ch’al dis a üna e a cl’altra quel che gh fa püsè comod a lü
|
invece che daragh a ‘n politich li ciaf a dla cità, sares mei canbiar la ciüsera
|
invece che far in manera ch’an agh sia pü i sior, bisognares far in manera ch’an agh füs pü i povret
|