melancholie, da's aste blaaj bès van tristig te zien
|
mesjin ès de daud wol 't bèste wao 't laeve èn zich hèt
|
mesjin ès eetik 'n wiëtensjop wao doe nimei ès èn de wêrd; mê dat kan geene kaud, ve moette 't toch obbenêr gon autvènne
|
mesjin ès ozze wêrd wol de hél van 'n aander planeet
|
mèt bik deeste zau mêr nie waoste wils: aste ze autleins, koëme ze dich nimei trèg
|
mèt de moraol verbaetere vae de foute van os instinkte, mèt de liefde daaj van ozze moraol
|
mèt loempighèts bèste dèk kotter bei de woerd dan mèt prezoengses
|
mèt noe de kérk te gon wiëste nog geene kristen - de wiës toch ook geenen ottoo mèt noe de graasj te gon?
|
mèt 't onderzik noë zikdes ès 't zoe weid gestaute allewaajl daste krei nog iemed kons vènne wao heilegans gezond ès
|
mètdat de minse gee gedach haoë boehaer ze goenge, hébbe ze langenlèste hunne waeg toch gevonne
|
mèttoêre ès ne mins mèt strante kal nog 't bèste gediend
|
mèttoêre ès 't baeter van onder de baon te zien as aon te koëme; aonkoëme beteekent immes niks, 't ès ni mei as e momênt op z'ne waeg
|
mèttoere geet os lich aut, mê kimp doe 'nen aandere mins os lêmpke wir aonstaeke. Ver zooë dankbaor moette zien dat ver iemed hébbe wao op vies momênte tevér zérreg dat ve nie èn den doenkele zitte
|
mèttoere moeste z'ne mond haage vér at ze noe dich zooë leistere
|
militaere intélligênse, da's iet wao nie kan: da's naot ên dreig tegeleik
|
minse booë vètste viël miere ên nie genoeg brègge
|
minse gon heïl weid vér zich te verwondere iëver bêrge, zeië, graute riviere ên de stêrre, mê on 't wonder van h'n eege gon ze verbei zonder kieke
|
minse haaj 't raech ontzègge op 'n eege kultuûr ès minse haaj 't raech ontzègge van mins te zien
|
minse hébbe mei hat vér wae malsjaos hèt, as vér wae gelèkkig ès
|
minse konne mekaander nog 't bèste laaje at ze liege vér de vrië wil ên nauts raechaut zègge wo ze dènke
|
minse sjaeme zich ni vér h'n vies gedaechte, alleen at ze meine dat aander dènke dat ze vies gedaechte hébbe
|
minse vaechte tiëge de maach waaj 't memoëre zich waert tiëge vergaete
|
minse vertaole ni wo doë gesjriëve steet, mê wo de sjreiver wilt zègge - 't ès doëmèt dat computers ni èn stoët zin van te vertaole
|
minse wao aander minse vér de kop staute zjus mêr omdat ze van 'n aander land, taol, reliezje of klas zin, dat zin geen minse
|
minse wao nauts laachte zin geen serieuze minse
|
minse wao nie goed tiëge de stilte konne hébbe gemeenlek teviël lewaet èn zich
|
minse wao viël kalle zègge niks
|
minse wao zich van kant prebiëre te maoke zooë toch moette wiëte wie gevaorlek dat dat ès
|
minse wo kaeke wille ni leistere
|
minse zin minder gezjeniërd vér eene vér de kop te loope wao gan gezien ès, dan eene boe ze bang van hébbe
|
minse zin nie loemp at ze op de wêrd koëme, waol onniëzel; loemp wiëne ze eis mèt noe sjoël te gon
|
minse zin sosjaole beiste wao hun eege sort nie konne laaje
|
minse zin van h'n geteig eeges 't geteig gewoëne
|
minse zin waaj ze zin: de moes ze kènne, want veraandere konste ze ael ni
|
m'n ènspiraose kraajg ich sjilderentêrre
|
m'ne nauwe boek draog ich op on al wae tiëge mich ès: zonder oech zoo ich 't nauts zoe weid gebraach hébbe
|
m'nen taukoms begint van at ich 's mérges wakker wiën... ieleken daog vèn ich iet nauw vér te doen mèt me laeve
|
