daaj suspêns ès krei te verdraoge; dat 't mêr lang genoeg blif doere!
|
daaj teekening maok ich dich èn veif meniete, mê doë héb ich waol saestig joër vér vandoen g'had
|
dae raechaut ès kimp weid èn de wêrd, dae vér sjaajnes raechaut ès dèk nog waajer
|
dae wo geen goej bik laes, is geen sjik baeter as wae ze ni kan laeze
|
dae wo kiek noe z'n eege lak, dae ziet dat van nen aandere nie
|
dae 't gelèk nie noëjig, kraajg 't gemeenlek op taubaot
|
daogdreemers zien zaoke wao naachdreemers ontgon
|
daste alleen èn e prezoeng gemaekelek on drugs kons geraoke ès ni waaj 't moet zien
|
dat de minse wie langer wie minder wiëte lik èn de eiste plak doë aon dat ze ammel konne laeze ên sjreive
|
dat ich dich zoe ne lange brief héb gesjriëve kimp doëdér dat ich geenen teid genoeg hao vér dich ne kottere te sjreive
|
dat minse noe sjoël konne gon ès e sjaun dènk, mê 't kan geene kaud van aof ên tau traon te dènke dat niks wao leireswiëd ès kan aongeleïrd wiëne
|
dat ve ni wiëte wo os iëverkimp, dat ès zjustemênt wo os iëverkimp
|
dat wao ver g'had hébbe, da's de 'proloog'
|
dat zin maajn prinsippes, mêr at ze dich nie aonston, héb ich ter nog wol aander
|
daudgon ès niks, ni laeve ès versjrikkelek
|
daudgon ès versjrikkelek êrreg, mê 't gedach te moette stêrreve zonder gelaef te hébbe, da's vér daud te gon
|
de Amerikaonders zin gezon draogers van democratie
|
de belauning vér al 't leed dat ver hébbe moette verdraoge ès dat ve maoge krepiëre waaj nen hond
|
de bèrgeraaj konste zien as eender wo ne groep van minse wo nie kontênt zien mèt wo ze hébbe, mê waol mèt wo ze zien
|
de bès dèk baeter gelèd dér verweite as dér geflêts
|
de bès dèk baeter van dich niër te lègge bei de mizziëre boeste ènzits ên prebiëre 't bèste tevan te maoke, dan te mattele vér traut te geraoke
|
de bès geene mins at z'n sjiëne ni bloo zien van de stampe wo nen aandere mins noë z'n viet hèt gekriëge
|
de bèste lès wo ne sjoëlmeester on z'n studênte kan gaeve, ès ze te leire twiefele on al wo ze te leire krijge
|
de bèste menier vér dich èn z'n toêt te lotte zitte, ès dènke daste slimmer bès as nen aandere
|
de bèste onderwaajzers zin daaj wo eeges 't goêd vérbeeld gaeve
|
de beteekenis van e woëd besjreive ès zoe-iet waaj ne piepel vange terwaajle atter vlieg
|
de buurokrasie ès ne kollosaol graute mèkkenik onderhaage dér petieterig kleen minskes
|
de daud ès, tot nau tau, de bès gelèkde autvènning van 't laeve
|
de daud hèt mèt mich gelaef ên loet mich dan èn perdêl vér bei nen aandere èn te trèkke
|
de dees viël goed mèt gee kaud te doen, mê ooch viël kaud mèt gee goed te doen
|
de Dêrde Wêrd hèt niks on autvènninge; autvènninge maoke 't onraech wo doë ès alleen mêr grutter
|
de doektaurs hébbe bekan ammel 'n vérliefde vér d'een of d'aander zikde
|
de drêts rond ên rond, ên aste stilvils ès 't gedond
|
de eenigste wo altijd iëveral van trègkoëme zin daaj wo nauts érges gewès zin
|
de eiste wèt van 't kapitalisme ès 'dich of ich', nie 'dich ên ich'
|
de èvveluuse van ameube tot mins heete fillezoofe zonder noëdènke 'vérautgang', mê of ameube ooch van dat gedach zien ès nie gewiëte
|
de faontezie kimp voëts aut de vèdzje van os memoëre
|
de fillezoofe hébbe de wêrd alleen mêr versjillig geènterpretiërd, nau kimp 't trop aon van 'm te veraandere
|
de gedaechte ès waaj e kiënke zaovel èn de mèkkenik van de maach
|
de gêk ès de man wao al kweit ès, op z'n zinne noë
|
de gewaerefebrikke, hélpe daaj nau de sjomaasj bestraaje?
|
de goêdkeiring van n'n aandere ès ne stimulans boeste dich mèttoêre baeter vér sjaus
|
de goode worre ammel onstêrfelek
|
de graute stoëte hébbe zich alzelaeve waaj gangsters gedraoge, ên de kleen waaj hoêre
|
de grutste èvenemênte èn de wêrd gebiëre èn os heed
|
de grutste prèstaose lik nie èn 't opgespank kreige, eider èn 't verdiene van 'n medolzje
|
de grutste zonde ès de zonde van op de wêrd te koëme
|
de grutsten hoop van de minse geet daud van de remeide, nie van de zikde
|
de hébs gee gelèk as dat woste nen aandere géls
|
de hébs mei vrindsjop te verwaachte van wae heïl raechaut ès èn ze gezich as wae haavelinge fideïl ès aater z'ne règ
|
de hébs teid genoeg ass'm nie verdees
|
de hils ni van 'n stad vér alle sjaunighèts wo ze dich te zien gif, mê vér 't antwoëd woste kraajs aste ze vrigs
|
de hoêfs dich ni te sjauwe vér steen boeste dich ael ni gees on staute
|
de Italjaonders verlieze oërlooge prêl waaj voêtbalmatsje, ên voêtbalmatsje prêl waaj oërlooge
|
de Kérk zèk dat de wêrd plat ès, mê ich bèn zèkker dat ze rond ès, want ich héb z'ne killesjoj gezien op de moën, ên ich geleef de killesjoj eider as de Kérk
|
de kins ès 'n roepping boe te viël minse op aofkoëme wo ni geroeppe zin
|
de klausters van 't getrauwd laeve zin zoe zwaür daste mèt twei moes zien vér ze te draoge, mèttoere mèt draaj
|
de kons de minse op de wêrd èn twei groeppe sjeeë: 't goêd volk ên 't kaud volk, ên 't ès 't goêd volk wo de laajne trèk
|
de kons de wêrd èn twei groeppe verdeele: minse wo ni konne sloppe van den hoenger ên minse wo ni konne sloppe van den angs vér daaj wo hoenger hébbe
|
de kons dich baeter riere ên nie zèkker zien, as dich viere ên verkeïrd zien
|
de kons gaeve zonder van iemed te haage, mê van iemed haage zonder te gaeve, dat geet ni
|
de kons ni wènne zonder dat nen aandere verlies
|
de kons oërlog ni humaniziëre, alleen aofsjaffe
|
de kons onmiëgelek geniet hébbe van zaolig niks doen, aste nie nog 'n heïl deel te doen hébs
|
de kons op zoevel meniere mislèkke, mê lèkke geet mêr op een menier
|
de kons pas êch zègge daste iet verstees aste 't kons autlègge on z'n grautmoeder
|
de kons z'n eege ni zien véreiste iemed bès
|
de kristeleir hèt viël beteekend vér de liefde, dérdat 't 'n zonde hèt gemok tevan
|
de kwêste ès nie zoezeïr dat vroolaaj nie bei hunne man wille bleive, ze hébbe alleen zoe'n miziëre vér eene te vènne wao iet of wat de moeite ès
|
de laach ès de kotste waeg tèsse twei minse
|
de laefs mêr eene kér, mê vér wae 't tegoej deet ès eene kér genoeg
|
de lèsten daog van 't joër ès nog nie de lèste van den tei
|
de liefde ès eivig vér zoe lang at ze doert
|
de liër hange aanes èneen, mê de kèttel blif 'n kèttel
|
de limiete van m'n taol zin de limiete van m'ne wêrd
|
de media zin waaj spiëlgoêd èn de haan van de rijke, ên de rijke gebreike ze vér nog rijker te wiëne
|
de mins ès de eenigste beis wo 'n kleir krig – of zoo moette kreige
|
de mins ès 'n getèmde beis wo dér de joëre d'aander beiste ès gon dominiëre dér bedriegeroj, brutte fors ên beisteraaje
|
de mins ès 'ne leïrgas, paajn ès z'ne meester
|
de mins kan nie êch goed tiëge de realiteit
|
de mins steet as ne beginneling op den délper van ieleke nauwen adderdoem
|
de mins van 't dêrde millênnium zal zoe gekultiviërd zin as Bush, zoe raechaut as Berlusconi ên zoe goed van hat as Putin
|
de mins zal dér z'n eege bik gerêd wiëne
|
de mins z'n zeil teent nauts zoe stêrk dan at ze zich ènhilt èn plak van trèg te hooë, daar aon te haole èn plak van aon te taane
|
de minse hébbe gee gedach wi gevaorlek 't gebreik van bepaolde wiëd kan zien, aanes zooë ze de diksjenaers ni èn de vitrin van ne boekkewinkel doore lègge zonder ne rojje band mèt 't opsjrif: 'Priekel! Ziech vérzichtig temèt!'
|
de minse lètte nie op wao doe al gedond ès, ze kieke alleen mêr noe wao doe nog te doen ès
|
de minse lotte dich nie laeve noe z'n eege goesting, mê aste mans genoeg bès hoefste tenminste nie te laeve noe hin goesting
|
de minse lotte zich rapper vange on 'n graute liëge dan on 'n kleen
|
de minse zooë nog liever daudgon dan dat ze hin verstand gebreike; ên dat doên ze dan ooch
|
de minse zwèmme dich dér de stront aut, aste e paor knêpkes zoos trèngojje
|
de moes nie laeze waaj de kènder dat doen: alleen vér dich t'ammeziëre, of krêk waaj 'ne woover: zjus mêr vér iet bei te leire - nae, laeze dat moeste doen vér te hêrkoëme
|
de natuur konste alleen koemmendiëre dér te doen wo ze zèk
|
de pên ès de toeng van 't verstand
|
de pêrs wilt de laezer ni op de hoegte haage, de pêrs wilt de laezer zjus mêr diets maoke datter op de hoegte gehaage wiëdt
|
de pestaurs maoge vér mich gerès trouwe, ooch daaj wo vér de mander zien
|
de plich, da's iet waoste verwaachs van aander
|
de polletikker dènk on de kies wo kimp, de stoëtsman on de gèneraose wo kimp
|
de preis woste betaols vér te wiëne woste wils wiëne, ès daste mèt z'n naos op de lillekste kant van z'ne stiel moes zitte kieke
|
de prinsipoëlste boek vér ne kommenis waaj ich ès de Bijbel
|
de reikdoem van nen êrme mins ès te zien on z'n kènder, van ne reike mins on z'n aaërs
|
de reike doên goej zaoke boe de êrme riezing maoke
|
de reliezje ès e meesterwêrk van drèssiërkins, want 't leirt de mins waajter zoo moette dènke
|
de rijkste mins op de wêrd ès dae wo ze plezier hèt vér 't minste gêld
|
de stêrkde van 'n taol lik nie èn 't konne aofstaute, waol èn 't konne assimiliëre, van wao vrémp ès
|
de stiks iemed nie e mês tein vingere diep èn z'ne règ, vér 't dan ziëve vingere trèg aut te trèkke ên te zègge: allabonneûr!
|
de stoëtsjood zèrg wol vér z'n eege, ze ès graut genoeg tevér
|
de taol ès e teeke, 't eiste teeke van os mins-zien
|
de taol ès viël kwikkelaetiger as 't laeve
|
de vérautgang èn de wêrd ès te danke on al daaj onmiëgeleke zaokes wo minse oneenaon viërig kreige
|
de verdees z'nen teid aste kieks noe al wao z'ne geboer zèk, deet of meint, kiek noe z'n eege aste wils dat goed ên zjus gedond ès waoste eeges te doen hébs
|
de vérm van minseleke kommunikaose wo nog 't meeste vérkimp ès 't misverstand
|
de voêtbal moet zich ni zau ènlotte mèt apteikers ên boekhaagers
|
de vrië ès nie iet wao Slivvenheïr lank on z'n sjèpsele, de vrië ès wao ver mekaander gonne
|
de vrië lit zich nie bewérke mèt brutte fors
|
de vrigs gee gêld vér de grond boe minseviet op traeë
|
de vroo ès ne kaddau wao dich autkies
|
de wêrd ès e prezoeng boeste ni baeter kons èn zitte as maunekes alleen
|
de wêrd ès e zottegelaeg
|
de wêrd ès waaj de taol ès, ên de taol ès noë 't verstand
|
de wêrd ès waaj 'n moeder vér de mander ên waaj 'ne macho vér de vroolaaj
|
de wêrd stik èn gee goed vêl, want op dat vêl zitte zikdes; een zau'n zikde heet b.v. 'mins'
|
de wiëd waoste gebreiks vér z'nen eege wêrd te besjreive maoke dae wêrd waür
|
de wiëtensjap èntressiërt mich ni: ze kènt niks van dreeme, sjaos, laachte, geviel ên tiëgespraok – ammel zaokes wo mich lief zin
|
de winner ès deel van de baut
|
de woëdkaorige minse zin de bèste
|
de woerd ès nérges aanes te vènne as èn os bènneste, ooch nie dér fors te gebreike tiëge daaj wao os tiëgewérke
|
de woerd ès ni zèggeswiëd at ze ni kimp aut de mond van wae ze laeve tevér iëver hèt
|
de woerd ès 't kostelekste van al wo ver hébbe, dat konne ve mêr baeter gojslon
|
de zèks baeter de woerd, dan hébste ooch gee kopbraekes
|
de zies mich mesjin op nen almenak, mê nauts nie op 't oer
|
de zoos konne zègge dat 'n taol lêstiger wiëdt noëvenant dat mer minder moejte tevér iëver hèt vér ze te leire
|
de zoos mich ni koëme zikke, aste mich ni al gevonne haos
|
de 'publieke opinie', da's prebiëre de loempighèts van de minse te organiziëre ên op te wérke tot de woerdighèts van brutte fors
|
dèk ès 't de woerd wao mer nie gan heïrt wao 't eis moet gezaag wiëne
|
dèk lot mer de foenkelêr loope ên priegelt mer dae wao brand kaek
|
democratie: ên zau, mèt dat 't ni miëgelek wor van stêrk te maoke al wo zjus ès, ès 't langenlèste zau gereegeld dat al wo stêrk ès, ooch zjus ès
|
den aod van de mins, da's wao dich deet autvliege op 'ne sjoffeûr aste te voet bès, ên op 'ne voetgênger aste mèt den ottoo bès
|
den aod van de minse stik mich ooch tiëge allewaajl, doë haag ich mich nimei mèt beizig: hae doêch mich te zeir dènke on dae van mich
|
den dichter ès zjus waaj de prins van de wolke, dae jig mèt de stérm weid boëve de sjètters, verbanne noe d'iëd, gepoed ên besjaeterd, z'n vliëgel te graut vér ordênt'lek te gon
|
den êchte spiegel van waover zègge, ès waover doen mèt os laeve
|
den eenigste trend èn de cinema allewaajl ès zoeviël miëgelek gêld bènnesjaare
|
den eiste waoste kons weismaoke dat de piepele hoj aete, dat bès dich eeges
|
den ekonomie van ozze wêrd ès haajn den daog eene graute kezienau
|
den hiemel ên de stêrre boëve m'n heed, de wèt ên de gebojje onder me kleed
|
den télevieze ès 't eenigste slopmiddel dat dér de ooge moet èngepak wiëne
|
dènke deet geene paajn
|
dér de bot geleeve minse mêr al te gan wo ze wille geleeve
|
dérdat ve meine te moette periëre waaj ve ni zin, zin ve langenlèste heil nimei wae ve zin
|
dichters zin minse wo de wêrd nog bekieke dér h'n kènderooge
|
digitaol gedond ès rap gedond, ên hênnighèts troêf, mê pepier gif plezier
|
diksjenaers moeste oneenhaagetig bijwérke, prêl waaj landkaote
|
diksjenaers zin waaj gerlauzjes: de slaechste ès nog alteid baeter as geene, ên de bèste ès nauts heilegans waaj 't moet zien
|
doe besteet nie zoe-iet as e gedach wao nog nie voldraoge ès, doe ès alleen mêr 't zjuste momênt daste moes konne aofwaachte
|
doë ès altijd ne goejje waeg ên doë ès altijd ne kojje waeg; de kojje waeg ziet gemeenlek baeter aut
|
doe ès gee sjunder vérbeeld van kapitalisme as de maffia
|
doe ès geen haages on 'n kultuur wo 't gevaor nie verdrig
|
doë ès geen onkraud of onmins, doë ès alleen onnèt bij wae ze grauttrèk
|
doe ès geen opraechter liefde as de liefde vér aete
|
doe ès geen passie boe 't Ich zoe fél de baos spiëlt as èn de liefde; ne mins ès dan alteid geploëg vér de gemoedsrès van waeste gan zies op 't spiël te zètte, eider dan daaj van z'n eege
|
doe ès mêr een zaok op de wêrd wao nauts bedrieg: de sjein
|
doë ès mêr eene oërlog wo de mins zich kan pêrmetiëre, ên dat ès den oërlog tiëge z'n autroejjing
|
doe ès mêr eene rèspèktaobele vérm van gierighèts, ên dat ès daaj van 't woëd
|
doe ès nauts geene kal iëver wao minse hiemelek goed doen
|
doë ès niks zoe dèmokraotes op de wêrd as den diksjenaer: 't eenigste goêd wo van os allemoël ès
|
doe ès niks zoe lêstig as nen onniëzelêr op ze woëd te pakke atter zwig
|
doë loêg mich niks aon van op de wêrd te koëme, wo kan 't mich sjille van daud te gon?
|
doe mankiêrt ne mêrsi on e plezier woste te heistig trègdees
|
doë wiëne ielek joër mei perzoengs as sjoële gebood èn Amerika
|
doë zal dich niemed èn z'ne nak zitte, aste eeges ni geboek stees
|
doe zin êrm laan wo te sjaun zin vér mèt hin leed noe nen aandere te loope, mê per sjaos zin doe de multinationals wo 't ni konne lotte van zich op t'offere
|
doe zin geen onwèttige kènder, alleen onwèttige aaërs
|
doe zin mei minse wo daudgon mèt op de loop te gon as mèt op de vaus te gon
|
doe zin minse boe den aaën daog krei pak op hèt: 't hoër wiëdt wol greis, mê 't hat blif joeng ên fris, ên klop nog heivetig fél vér al wao goed ès ên sjaun
|
doe zin minse wao zoe êrm zin dat ze niks aanes as gêld hébbe
|
doë zin minse wo al wiëte, mê da's dan ooch alles wo ze wiëte
|
doe zin wiëd wao nie mei as eene kér zooë maoge van pas koëme
|
doë zin zaokes woste nauts ni maos doên, dér den daog ni ên snaas ni, op zei ni ên ooch ni op 't land: oërlog, per ekzêmpel
|
doe zin zoevel wètte dat langenlèste alleman riskiërt van opgehange te wiëne
|
doektaure, gelèkkige minse: wao ze goed doen lik te blinke èn de zon, wao ze verkeïrd doen staek mer èn de grond
|
doêt waaj de goej 't os hébbe vérgedond: daaj wo al wo ze haoë hébbe opgegaeve vér te konne booë on ne baetere wêrd
|
dors-ich-mêr ès 'n lilleke aa joengdochter mèt kneep wo kérsiëre geet mèt Kos-ich-mêr
|
dreeme koëme zèkker aut! vérwao zoo de natuur os aanes tot dreeme aonzètte?
|
d'eenigste menier vér gezond te bleive ès te aete waoste nie gan maos, te drènke waoste nie bènnekraajs ên te doen waoste liever nie dees
|
d'hoefs 'ne mins mêr te verbaetere vér 'm te verrènnewiëre
|
