van al de vies meniere wao doe zin op de wêrd, ès laeve waaj broer ên zister misjin wol de aordigste
|
van al de zaoke wo de 'wijsheid' os lank vér 't laeve lebêndig gelèkkig te maoke, ès vrindsjop abseluut de sjunste
|
van al wo zèkker ès op diëze wêrd ès de twiefel wol 't zèkkerste
|
van de hiëse, ên alleen van de hiëse, kimp alle plezier voëts, alle goej zin, gelaach ên farseroj, mêr ooch al ozze paajn ên os leed
|
van den eene kant maoge ver 't nie te haug èn ozze bol hébbe, mê van den aandere kant maoge ve nie vergaete dat de aander nie on os konne tippe
|
van e graut man konste alteid iet leire, ooch al zwigter
|
van rookers konne ve nog leire wo 't beteekent van mekaander te verdraoge: ich bèn nog nauts eene tiëgegekoëme wo ni kos laaje dat nen aandere nie rookde
|
van 't memênt daste iet verdrigs, wiëdt 't draoglek, ên véreiste 't wiës bèste traon gewènd
|
van 't momênt dat alleman wiët daste kersiërs, ès 't grutste plezier tevan aof
|
vaoderlandsliefde ès 't gedach dat zei land mei ès as al d'aander, zjuus mêr omdas dich doë geboëre bès
|
ve hébbe ammel de eegeste véraaërs, want stèk vér stèk zin vae kènder van de èvoluûse van 't heilal ên van de stêrre, ên doëdér raechde broêrs ên zisters vaneen
|
ve hébbe nog altijd ni dér dat kultuûr alleen mèt plezier, passie ên laachte êch gebaot ès
|
ve konne baeter plak lotte vér de gènneraoses wao koëme, want sjaajve moette ve toch
|
ve konne os alteid ènhaage at ve bêrgop gon, nauts at ve bêrgauf gon
|
ve liege vér op te konne tiëge 't laeve, ên èn d'eiste plak liege ver tiëge os eege
|
ve maoge nie aoflotte, taol te bestraaje, vér te vermaaje dat berosselde formuliëringe, klisjees ên autdrèkkinge - eegelek al boe slaechte sjreivers plichtig on zin, zich zooë ènnèstele
|
ve rappeliëre os nie de daog, waol de momênte
|
ve vergaete lich os eege lak, surtoe at doe niemed aanes wiët van hèt
|
ve wiëne as prinse ên prinsêsse geboëre, mê tiëge dat de besjaoving mèt os viërig ès zin ver èn kwakvroëze veraanderd
|
ve wiëte dat de mins èn stoët ès van soëves Goethe of Rilke te laeze, Bach ên Schubert te spiële, ên smérres fleetentêrre noe ze wêrk te gon èn Auschwitz
|
ve wille alleen mêr zègge: gaef de vrië 'n kans
|
ve woenne nie èn e land, ve woenne èn 'n taol
|
ve zin ammel amateûrs, 't laeve ès te kot vérdat ver iet aanes zooë konne zien
|
ve zin ammel zoe formidaobel gelijk vér de wèt dat 't ne kiëning, aeve goêd as ne baedelêr, verbojje ès van onder 'n brèg te sloppe
|
ve zin wo ve oneenaon doên
|
ve zooë viël zaoke voertgojje at ve nie bang worre dat aander minse ze zooë opraope
|
veiftein joër hèt 't gedoerd ei ich traater koem dat ich van sjreive gee verstand hao, mê tiëge daen teid kos ich nimei stoppe temèt, ich wos al te zeïr bekaand
|
vér de daud hoeve ver êch geene bang: zoe lang at ve laeve ès ze doe nie, ên ès ze doe waol, dan zin vae ter nie
|
vér de laan van de dêrde wêrd zal doë nauts geen verbaetering koëme, ofnae ze moette teis demilitariziëre
|
vér de meeste ès ondervènning zoe iet waaj de faare vanaater op e sjiëp: at ze al lich gaeve, ès 't aater h'n vaase
|
vér êch goed te konne vertaole, tink mich, moeste z'nen têks eis zien te verston, ên verston konste alleen aste gelaef hébs èn de wêrd ên de raechte dérbêndel kèns tevan, vertaole ès viël mei as handspiël hébbe mèt wiëd
|
vér eene wo opkimp mèt de kies ès 't priekel van zaokes te zègge wo minse zich laoter konne rappeliëre
|
vér goed te zin, zèk 'ne mins dèk baeter nie raechaut ze gedach
|
vér ieder èngewikkeld probleem ès doe 'n simpel oplossing – wo zjus niks aofdeet
|
vér wae gee gêld ên geenen teid hèt, ès faontezie niks aanes as nen dreem wao nie blif doere ên nauts zal autkoëme
|
vérdat vae haaj koeme, hao de wêrd niks te kot; noëdat vae haaj voert zin, zal de wêrd niks te kot hébbe
|
verhaole, dat zin os dreeme; ên os dreeme zin os laeve
|
verstênnig ès wae geniet hèt van 't spèktaokel wao de wêrd te zien gif
|
verstênnige minse zulle ze ni zoe gauw van 'n stoemmeteit verdènke
|
vertaole ès de grondigste menier van laeze
|
vertaolers zin de trèkpiëde van de kultuur
|
vertaolinge zin waaj getrauwde vroolaaj: at ze e bitsje hênnig autzien, zin ze altelichtelek nie te betrauwe
|
vérwao zoo ne mins bang moette hébbe vér daud te gon? 't ès 't sjunste wo ter èn ze laeve geet mètmaoke
|
verzèt ès den hoegste vérm van patriotisme
|
viël dikke wiëd maoke dinne kal
|
viël minse laeve gelèkkig zonder 't te wiëte
|
viël minse zooë laffaards zien, at ze mêr mans genoeg worre tevér
|
viël versjrikkeleker nog dan kaudkalle ès d'êchte woerd
|
viër ên aater gezaag: 't ès mèttoere èns goed van zich te sjangeniëre, dan geet 't ammel viël baeter
|
voetbal hèt viël aoftrèk omdat loempighèts viël aoftrèk hèt
|
volwasse? nauts!
|
vraaj zien beteekent rèsponsaobel zien; 't ès doevér dat de meeste zoe ne bang hébbe tevér
|
vrigger gebreikde de graute heire brutte fors, wètte ên reliezje vér 't volk tronder te haage, allewaajl hébbe ze ooch nog voêtbal ên téllevieze
|
vrindelekhèts ès 'n taol wo doove konne heire ên blènne zien
|
vrindsjop ès waaj nen troo: krei eene kér op tein ès doe liefde èn 't spiël
|
vroëge on nen aontrepreneûr vér nie te foetele mèt z'n balans ès zoe-iet waaj vroëge on nen daontis vér 'n zjuste raekening te maoke
|
vroo bèste nie aste op de wêrd kims, vroo wiëste
|
vroolaaj hébbe os gan vér os gebraeke; at ve ter mêr genoeg hébbe, vergaeve ze os al, zêlfs os ongenaodig graut verstand
|
vroolaaj zin sjaajns genoeg vérdat de kènder ammel zooë geleeve dat hun eege moeder 'n héllig vroomes wos
|
vroolaaj zin sjaun genoeg vér mander aon te trèkke, ên loemp genoeg vér tebei te bleive
|
