cara democrazia, torna casa che no xe tropo tardi
|
castità: la più inatural dele perversioni sessuali
|
che esisti un disopcupà xe una negazion del dirito de viver pezo che la morte stessa
|
che facile che xe scriver dificile
|
che i omini no i se impari sai dele lezioni dela storia xe la più importante de tute le lezioni dela storia
|
che la fine giustifichi i mezi? Grazie, Moggi
|
che tuti i omini gabi de esser fradei xe el sogno de chi che no ga fradei
|
chi che credi che la cressita esponenzial la possi 'ndar vanti per sempre in t'un mondo finito, o xe un ciapà dele strighe o xe un economista
|
chi che miliora el suo stile rafina el lavor del suo pensier
|
chi che no castiga el mal, comanda che se lo fazi
|
chi che no domanda gnente xe quel che se speta tuto
|
chi che no parla altre lingue no sa un tubo dela sua
|
chi che no pol quel che'l vol, che'l voli quel che'l pol
|
chi che no ridi mai no xe serio
|
chi che se vol meter in viagio per le stele, meo che no'l se vardi in giro in zerca de compagnia
|
chi che ubidissi xe quasi sempre meo de chi che comanda
|
chi che varda i sui propi difeti no vedi quei dei altri
|
chi che vivi esteticamente vivi solo nel momento
|
chi che xe bon de tignirse la capacità de riconosser la beleza no diventerà mai vecio
|
chi che xe inamorà de sistesso, in sto suo amor ga per lo meno la fortuna che no'l gaverà sai rivali
|
chi pol contestar che l'ambiente natural sia stà distruto?
|
chi xe povero, se qualchedun ghe vol ben?
|
chissà coss' che gavessi scoperto Colombo se no se gavessi messo de mezo l'America
|
ciamo omo un che xe paron dela sua lingua
|
cinico: un bastardo che per via de un difeto de vista el vedi le robe come che le xe inveze che come che le dovessi esser
|
co l'omo no'l ga più fredo, fame e paura, el taca a lagnar
|
co tirè zo monumenti salvè i basamenti. Se li pol sempre tornar doprar
|
coerenza vol che semo ignoranti desso come che ierimo un ano fa
|
coi bori te pol ver tuto, i disi. Bale! Te pol comprarte de magnar ma no l'apetito; le medizine ma no la salute; i stramazi morbidi ma no el sono; el saver ma no el capir; l'aparenza ma no el star ben; el divertimento ma no el piazer; le conossenze ma no l'amicizia; i servi ma no la fedeltà; i cavei grisi ma no la rispetabilità; un pèr de giorni tranquili ma no la pase. Coi bori te rivi a ver la scorza de ogni roba, ma no el fruto. Quel coi bori no se lo compra
|
col tempo go fato un acordo de coesistenza pacifica: lu no'l me cori drio a mi, mi no scampo via de lu, e un giorno se incontraremo
|
cola morale indrizemo i sbali dei nostri istinti, e col amor i sbali dela morale
|
cola vita come che la xe, vien voia de vendicarse
|
comandar no vol dir dominar, ma far el propio dover
|
come corpo ognidun xe individual, come anima mai
|
come i pulisi anche i pensieri salta de omo in omo, però no i beca tuti
|
complicar el semplice, quel sa far tuti; semplificar el complicato, farlo sai semplice, quel xe creatività
|
comunque no se pol dir che la civiltà no progredissi, visto che in ogni guera i te maza in t'una manira nova
|
consenso xe co' tuti xe dacordo de dir coletivamente qualcossa che nissun personalmente ghe credi
|
considero una barbarie qualunque ofesa che se ghe fazi a un essere umano per via che’l ghe pertien a un’altro popolo o a un’altra classe, che’l parla un’altra lingua o che’l prega un altro Dio
|
console: in politica americana, un che, no vendo vù un lavor de parte dei eletori, ghe lo dà el governo a pato che el abandoni el Paese
|
contar bale xe una parte indispensabile del render soportabile la vita
|
convertir teren agricolo produtivo in teren per produr alimenti che po' se brusa come biocarburante xe un crimine contro l'umanità
|
cossa clona de più, la genetica o la television?
|
cossa ghe vol per scriver un libro? Dura xe legerlo
|
cossa ghe xe de più bel per un popolo che no la lingua dei sui antenati?
|
cossa me frega a mi dei posteri? Cossa ga fato i posteri per mi?
|
cossa servi viver co' no ghe xe el coragio de lotar?
|
cossa terminerà prima, l'aria o el petrolio?
|
cossa xe l'arte? Prostituzion
|
cossa xe rapinar una banca, vizin de verzerghene una?
|
co' cresso voio diventar un muleto
|
co' dò de lori che colabora xe sempre dacordo, un dei dò vanza
|
co' el dotor Johnson ga definì el patriotismo come l'ultimo rifugio de un fiol d'un can, no'l conosseva le enormi possibilità dela parola 'riforma'
|
co' ghe xe sai bisogno, ghe xe anche chi che xe disposto a crederghe a qualunque roba
|
co' i altri me dà ragion go sempre come l'impression de ver torto
|
co' iero muleto i me contava che qualsiasidun pol diventar presidente. Desso comincio a crederghe
|
co' iero più giovine rivavo a ricordarme tuto, indiferente che fussi nato per bon o no
|
co' la gente xe libera de far come che ghe par, de solito i se va drio un col'altro
|
co' la lingua xe corota, la gente no ghe credi più a quel che la senti, e questo ciama violenza
|
co' la ne bati ben i nostri amici ne conossi; co' la ne bati mal semo noi che li conossemo a lori
|
co' la stampa la xe libera e tuti sa leger, xe tuto a posto
|
co' la virtù la ga dormì ben, la se dismissia tuta imborezada
|
co' le xe nate, le grande banche carigade de titoli nazionali no iera che associazioni de speculatori privati che se meteva coi governi...
|
co' mori l'infanzia i sui cadaveri se ciama 'adulti' e i se inserissi in tela società, che xe una dele maniere piú gentili de ciamar l'inferno. Xe per questo che i fioi ne fa paura anche se ghe volemo ben: i ne mostra che in vaca che semo 'ndai
|
co' parla le armi le legi tasi
|
co' per far un lavor basta un che se meti de impegno, el stesso lavor fato in dò xe pezo, e in tre o più xe dificile che se lo fazi
|
co' se trata de questioni de cossienza le ragioni dela magioranza no esisti
|
co' se xe inteligenti costa sai esser sinceri. Come esser onesti co' se xe ambiziosi
|
co' sento la fola che aplaudi un omo me fa pecà per lu. Per farse fis'ciar no'l ga che de viver bastanza
|
co' te salti dela contenteza, ocio che nel fratempo nissun no te cavi la tera de soto i pie
|
co' te scuminzi a trovarte dela parte dela magioranza xe ora de fermarte un momento a pensarghe su
|
co' tuti quanti la pensa preciso, no xe che nissun pensi sai
|
co' un popolo no ga più coragio de difender la sua lingua, el xe pronto per la schiavitù
|
co' un se indormenza el se dismentiga de sistesso. E po' co'l se dismissia el se ricorda
|
co' un se pretendi de saver coss' che xe la felicità, sicuro che'l la ga persa
|
co' un sienziato ilustre ma vecio sostien che una roba xe possibile, quasi sicuro che'l ga ragion. Co'l sostien che una roba xe impossibile, sai fazile che'l gabi torto
|
co'un omo vol mazar una tigre, se ciama sport; co' una tigre vol mazar un omo, se ciama ferocia
|
co’ che davo de magnar ai poveri i me dava del santo. Co’ domandavo perchè che i poveri no gaveva cossa magnar, i me dava del comunista
|
co’ scrivo no posso propio bazilar drio dei tradutori: se cominceria cussì finiria per scriver in t’un’insulsa lingua universal, piata, senza odor nè gusto de gnente
|
credeghe a tuto quel che i ve conta sula gente: no ghe xe gnente de tanto laido che'l sia impossibile
|
credemo de esser un Paese e la verità xe che semo pena un paesagio
|
creder nel progresso no vol dir creder che un progresso sia stà za fato
|
credo che col tempo se meriteremo che no ghe sia più governi
|
credo che per tradur un testo come che idio comanda ocori capirlo, e che per capirlo ocori ver vissudo nel mondo e ver vudo cossa far col mondo reale; no xe solo question de trapolar cole parole
|
credo fermamente che la rivoluzion sia la fonte del dirito
|
Cristo xe morto pei nostri pecati. Gaveremo forsi coragio de render inutile sto martirio no pecando più?
|
cultura no xe leger sai, e gnanca saver sai; xe conosser sai
|
cultura xe quel che resta in tel omo dopo che el se ga dismentigà tuto
|
cussì come che no me son preocupà de nasser, cussì no me preocupo de morir
|
cussí scoprimo una verità semplice e dopia: primo, che semo una comunità de popoli che parla la stessa lingua e secondo, che parlarla xe un modo fra i tanti de esser omini
|