• about logos
• logos dictionary
• bilingual dictionaries
• children's dictionary
• fashion dictionary
• volunteers
• logos conjugator
• learning conjugator
• logos library
• logos poetry
• children's library
• logos quotes
• logos toolbars
• translation course
• help

a b c d e f g h i l m n o p q r s t u v x z

i americani xe portatori sani de democrazia Giorgio Gaber

i avocati xe i soli delinquenti comuni per cui se ga necessariamente de s'celger i giudici tra de lori Charles Caleb Colton

i avocati xe le sole persone che no se punissi per ignoranza dela lege Jeremy Bentham

i babuini e le simie antropomorfe no i parla perchè se i parleria i omini li obligassi a lavorar Antoine Le Grand

i bori sai iuta a soportar la miseria Alphonse Allais

i bori xe boni servi ma cativi paroni Alexander Dumas

i bruti libri fa brute abitudini, e le brute abitudini fa bei libri René Descartes

i confini dela mia lingua marca i confini del mio mondo Ludwig Wittgenstein

i criminai de ieri xe i siori e paroni de ogi, e i criminai de ogi sarà i siori e paroni de doman Carl William Brown

i ditatori pol cambiar le legi, ma no le usanze Jacinto Benavente y Martínez

i dizionari bisogna coregerli in continuazion, come le carte geografiche Carlo Dossi

i Don Chisiote de ogigiorno i combati coi molini a vento, no più contro Anónimo

i esseri umani se dividi in tre categorie: quei stanchi de morir, quei scazadi de morir e quei preocupai de morir Winston Churchill

i fioi no xe mai stai gran che bravi a scoltar i sui veci, però no i ga mai mancà de 'ndarghe drio James Baldwin

i ga cambià la disposizion dei anei, ma la cadena la xe restada una cadena Gianni Rodari

i ga svilupà cure per malatie che nissun conosseva Ronald Reagan

i giornalisti no i ghe credi ale bale che conta i politci, però i le ripeti! Xe ancora pezo! Coluche

i giorni indimenticabili dela vita de un omo se conta sui dedi de una man. Quei altri xe là solo che per far peso Ennio Flaiano

i golosi se scava la fossa coi denti Henri Estienne

i governi no se impara mai. Solo la gente se impara Milton Friedman

i grandi avenimenti del mondo nassi in tel zervel Oscar Wilde

i ladri rispeta la propietà; i zerca solo che la propietà diventi SUA propietà per poderla rispetar come che idio comanda Gilbert Keith Chesterton

i libri ga un suo orgolio: co' te li impresti no i torna più indrio Theodor Fontane

i mati verzi le strade indove che po' camina i savi Carlo Dossi

i me diseva che un dò morti iera necessari per rivar a un mondo indove che no se mazassi più nissun Albert Camus

i media xe zogatoli in man dei siori, e i siori li dopra per diventar ancora più siori Ryszard Kapuściński

i morti xe più che i vivi. E 'ncora i cressi de numero. I vivi xe rari Eugène Ionesco

i ne ga imparà a creder che quel che xe bel no ga de esser utile, e che quel che xe utile no pol esser bel. Voio provarve che una roba utile pol anche esser bela Mohandas Karamchad Gandhi

i nostri ricordi xe come schede de archivio consultade e po' tornade a meter a posto incasinade de autorità fora del nostro controlo Cyril Connolly

i omini de poche parole xe i meo William Shakespeare

i omini I dopra le parole solo che per sconder i pensieri Voltaire

i omini nassi ignoranti, no mone; mone se li fa diventar col'educazion Bertrand Russell

i omini no xe ridicoli altro che co' i vol parer quel che no i xe Giacomo Leopardi

i omini xe sempre sinceri. Semplicemente i cambia sincerità, tuto qua Tristan Bernard

i omini, per no poder eliminar morte, miseria e ignoranza, per star ben i ga pensà ben de no pensarghe Blaise Pascal

i pacifisti xe come agnei che credi che i lupi sia vegetariani Yves Montand

i pezo problemi de un omo scuminzia co'l xe in condizioni de far de testa sua Thomas Henry Huxley

i poderà anche taiar tuti i fiori, ma no i riverà a fermar la primavera Pablo Neruda

I poeti imaturi imita. I poeti maturi roba Thomas Stearns Eliot

i poeti xe omini che ga salvà i oci de co' i iera fioi Alphonse Daudet

i politici parla pei sui partiti, e i partiti no sbalia, no ga mai sbalià e mai no i sbalierà Walter Dwight

i popoli indigeni xe la riserva morale del'umanità Evo Morales

i poveri va in guera a combater e a crepar pei caprici, pei bori e pel superfluo de quei altri Plutarch

i ricordi xe sempre un logo dove che se se incontra Isabel Allende

i sogni se realiza; senza sta possibilità la natura no ne sburtassi a farli John Updike

i soli bei oci xe quei che te varda con tenereza Coco Chanel

i specialisti xe gente che ripeti sempre i stessi erori Walter Gropius

i spiriti più grandi xe capaci dei più grandi vizi come dele più grande virtù René Descartes

i sui piani iera, per dir cussì, rigorosamente onorevoli: cioè pizigarghe a una baba la sua fortuna per mezo del matrimonio Henry Fielding

i tempi del rimandar, dele meze misure, dei espedienti per sconderse e tignir bona la gente, dei ritardi, i sta per terminar. In cambio stemo per entrar in t'un periodo de conseguenze Winston Churchill

i tradutori xe come i pitori de ritrati: la copia i pol zercar de farla più bela, ma sempre la ga de somiliarghe al original Elie Fréron

i tradutori xe i cavai de tiro dela cultura Aleksandr Pushkin

i vestiti xe artifizi semiotici, cioè machine de comunicazion Umberto Eco

i vol guera, ma noi no li lasseremo in pase! José Saramago

Iera sai un bon consilio quel che una volta ghe go inteso dar a un giovine: fa sempre quel che te ga paura de far Ralph Waldo Emerson

in fin dei conti la patria no xe che la lingua Camilo José Cela

in generale ogni Paese ga la lingua che'l se merita Jorge Luis Borges

in guera la prima vitima xe la verità Hiram Warren Johnson

in Italia la più parte dei politici no combati per progeti ma per interessi Indro Montanelli

in panza de mama el zervel no ga dentro gnanche un'idea Maurice Blanchot

in sto mondo ghe xe solo che dò tragedie: una xe no rivar ver quel ghe se vol, l'altra xe rivarlo ver Oscar Wilde

in Svizera i xe mati pela pulizia, tanto che i lava perfin i bori Marcos Vergara Meersohn

in tei campi de concentramento vivevimo minuto per minuto e dovevimo pensar meno possibile, perchè pensar vol dir consumarse Haïm-Vidal Sephiha

in tel istinto xe la sola verità Anatole France

in tela lota tra ti e'l mondo, tien pel mondo Frank Zappa

in tute le epoche zerti ipocriti ciamai preti ghe ga messo corone in testa a zerti ladri ciamai re Rober Green Ingersoll

in t'un vocabolario riva a star solo che un tochetin del patrimonio de una lingua Giacomo Leopardi

in t'un'epoca de matio, spetarse che el matio no ne sfiori xe una forma de matio Saul Bellow

in zerti casi le parolaze xe meo dele parole Anónimo

indove che ghe xe tanta luce, ghe xe anche tanta ombra Johann Wolfgang von Goethe

infedele: a New York, un che no ghe credi al Dio dei cristiani; a Costantinopoli, un che ghe credi Ambrose Bierce

inferno e paradiso me par esagerai. Le azioni dei omini no se merita tanto Jorge Luis Borges

instesso, anche el contrario xe sempre vero Leo Longanesi

interprete: un che ghe permeti a dò persone de lingua diversa de capirse un col altro ripetendoghe a ognidun quel che al interprete ghe convignissi che l'altro gavessi dito Ambrose Bierce

istintivamente i inglesi amira qualsiasi persona senza nè arte nè parte che no se dà arie per questo James Agate

iutème a capir quel che ve stago contando, che po’ ve lo spiego meo Antonio Machado