de qualunque roba se pol esser a sinistra, fora che del bon senso
|
de solito digo sempre quel che penso. Ma ogigiorno xe un grave sbalio perchè un ris'cia de vignir stracapì
|
de solito le robe tremende che se fa cola scusa che el progresso le richiedi no le ga gnente cossa far col progresso ma le xe solo che robe tremende
|
de tute le aberazioni sessuali, la castità xe senz'altro la più balorda
|
de tute le malore che impesta l'umanità, la pezo xe la tirania dei preti
|
de tute le robe sicure, el sicuro xe (solo che) el dubio
|
de un grando omo se ga sempre qualcossa de impararse, anche quando che el tasi
|
de ver un amico no xe roba che tuti pol gloriarse
|
definir una parola xe come ciapar a volo una farfala
|
dèi, no stè doprar parole ordinarie. Le disi cussì poco
|
dele monade che se fa de giovini, quel che me dispiasi no xe de verle fate, ma de no poderle far più
|
democrazia vol dir selzer ti i tui ditatori dopo che i te ga dito quel che te credi de voler sentir
|
democrazia xe el nome che ghe demo al popolo co'l ne servi
|
desso vedo el segreto per far l'omo ideale: cresser al'aria libera e magnar e dormir cola tera
|
dificile dir coss’ che xe più pericoloso, se un nemico cole intenzioni più cative o un amico cole più bone
|
dificile far un lavor impecabile e nel stesso tempo disprezar el tuo mestier
|
digitale vol dir velocità, eficenza. Ma la carta, quel xe godimento
|
dimostrar che go ragion saria come riconosser che podessi ver torto
|
dir amicizia xe come dir capirse perfetamente, fidarse subito e ricordarse per tanto tempo; in una parola, fedeltà
|
dirghe de sì a tuto e a tuti xe come no esister
|
distrarse vol dir quasi sempre cambiar maniera de noiarse
|
diventemo siori cole nostre reciproche diferenze!
|
divorziar perchè no te ghe vol ben a un omo xe de mone come sposarlo per amor
|
dò robe me fa meravilia: l'inteligenza dele bestie e la bestialità dei omini
|
doman co' sarò morto, no ste pianzer per mi; no sarò soto tera, mi son vento de libertà
|
domandite se te son felice, e la felicità te passa
|
dopo Auschwitz scriver una poesia xe una roba barbara
|
dopo che'l xe 'ndà in television per tre volte, ogni coion co' i lo intervista el disi la sua e anche quela dei altri
|
dovemo esser modesti e ricordarse che i altri ne xe inferiori
|
dovemo zercar fini pacifici con mezi pacifici
|
do' te va, Ivan? - A Minsk. - Bale, Ivan! Te me disi che te va a Minsk ciò che mi penso che te va a Mosca, e inveze te va propio a Minsk. Te me conti bale, Ivan!
|
drio come che usa esser i pari, raro che no ver pare sia una disgrazia; e drio come che se comporta i fioi, xe anca raro che sia una disgrazia no ver fioi
|
drio man nassi fati a incasinarne le teorie
|
drogarse xe pel atleta quel che contar bale e robar xe pel politico: dificile de evitar
|
dubitar de sistessi xe el primo segno de inteligenza
|
dura cussì poco l'amor, e cussì tanto la dimenticanza...
|
