nassemo principi, e'l processo de civilizazion ne trasforma in rane
|
nei omini no fa paura el vizio, che li fa servi; la virtù inveze sì, perchè li fa paroni
|
nei Stati Uniti se fa ogni ano più galere che scole e università
|
nela vita el matrimonio xe come un duel in mezo de una batalia
|
nele mie storie de amor una volta el rimorso vigniva dopo, desso el riva prima
|
nele robe sai importanti xe essenziale el stile, no la sincerità
|
netar casa co' i fioi sta ancora cressendo xe come spalar la neve vanti che gabi terminà de nevigar
|
nissun fa più dano de quei che va in giro a far del ben
|
nissun taia tabari sule bone qualità segrete dei altri
|
nissun varda in tel dizionario vanti de verzer boca
|
nissuna descrizion dela realtà no la poderà mai esser completa, a meno che no la sia in poesia
|
no bevo alcol. No perchè son bravo, ma perchè ghe xe un'altra bibita che me piasi de più: l'acqua
|
no cito mai altri, altro che per esprimer meo el mio pensier
|
no conosso un eror che no gavessi podù far
|
no desiderar xe la stessa roba che ver
|
no digo che le babe no le sia mate: sior Idio le ga fate per compagnarse coi omini
|
no esisti fioi ilegitimi, solo genitori ilegitimi
|
no esisti nè prinzipio nè fine, solo che la infinita passion pela vita
|
no esisti una via pela pase. La via XE la pase
|
no fazo mai la carità. No son bastanza povero
|
no ga sai importanza con chi che se se sposa, perchè se pol star sicuri che la matina drio salterà fora che iera qualchedun altro
|
no ghe xe amor più sincero che quel pela boba
|
No ghe xe baba che soporti un marì zogador, a meno che no'l vinzi sempre
|
no ghe xe dò de lori che legi el stesso libro
|
no ghe xe el minimo dubio che el svilupo sostenibile sia un dei conceti più distrutivi
|
no ghe xe felicità senza libertà e no ghe xe libertà senza coragio
|
no ghe xe gnente al mondo de meio spartì che el bon senso: ognidun pensa de verghene anche pel porco
|
no ghe xe gnente de più utile e nobile dei dizionari per far zogar i fioi dopo i zinque ani. E anche, con un pel de fortuna, i bravi scritori fin ai zento
|
no ghe xe gnente de ver paura, fora che de ver paura
|
no ghe xe gnente in tel zervel che no sia prima passà pei sensi
|
no ghe xe idea tanto mona che un qualche filosofo no possi tirarla fora
|
no ghe xe mai stada una bona guera o una bruta pase
|
no ghe xe nè erbe nè omini cativi. Ghe xe solo che gente che no sa coltivar
|
no ghe xe omo completamente paron dela sua lingua che ghe ne parli perfetamente un'altra
|
no ghe xe passion più egoista che l’amor: se xe sempre più pronti a sacrificar la pase de chi che se ghe vol ben che no la propia
|
no ghe xe regole. Tuti i omini xe ecezioni a una regola che no esisti
|
no ghe xe religioni moderate, la religion ghe ga sempre fato violenza ala ragion
|
no ghe xe un fioco de neve che caschi in tel logo sbalià
|
no go intenzion de sentarme ala tua tavola senza ver gnente in piato a vardarte magnar, e per questo reputarme un comensal. Esser qua in America no basta per far de un un american
|
no go tempo de perder fazendo bori
|
no go tempo de ver furia
|
no i te lasserà viver come che te vol ti ma, se te son bastanza forte, almeno no te tocherà viver come che i vol lori
|
no me sento obligà a creder che quel stesso Idio che ne ga dà sensi, ragion e zervel, el pretendi che no li dopremo
|
no penso che convegni ver tropa sincerità in tela società. Saria come un travo de fero in t'un castel de carte
|
no podemo esser più sensibili al piazer senza esser più sensibili anche al dolor
|
no posso star con un che no'l pol star senza de mi
|
no se fa politica cola morale, ma gnanche senza
|
no se ga mai visto prima tanta diferenza tra chi che lavora e chi che fa i bori senza lavorar
|
no se ghe va mai drio a quel che xe stà fato; se vedi solo quel che resta de far
|
no se xe eroi altro che co' no se pol far de meno
|
no so gnente de leteratura contemporanea, mi. Xe za bastanza tempo che i mii contemporanei xe i greghi
|
no solo la più parte dela gente aceta la violenza se a cometerla xe l'Autorità costituida, ma adiritura i la vedi come intrinsecamente legitima contro zerti tipi de persone, indiferente chi che la esercita
|
no solo son un pacifista, ma anche un pacifista militante. Son pronto a baterme pela pase
|
no son bastanza giovine de saver tuto
|
no sta desiderar, e te sarà l'omo più rico del mondo
|
no sta esser egoista: gabi rispeto per l'egoismo dei altri
|
no sta zercar de viver per sempre: no te ghe la farà
|
no sta 'ndar pela strada segnada, la porta solo indove che altri xe za stai
|
no stè doprar quela parola foresta: 'ideali', co' gavemo quela bela parola nostrana: 'bale'
|
no stè leger come che fa i fioi per divertirse o i cagoni per impararse. No, legè per viver
|
no steme domandar de ver bona creanza; domandeme solo de far finta
|
no steve lassar impor la libertà de parola vanti de ver la libertà de pensier
|
no te fa paura un mondo pien de ignoranti senza altra memoria che quela del compjuter?
|
no te ga capì una roba per bon a meno che no te sia bon de spiegarghela a tu nona
|
no te ghe pol imparar gnente a un omo; solo te lo pol iutar a trovarlo dentro in sistesso
|
no te stassi a zercarme se no te me gaveria za trovà
|
no tuti xe condanai a esser sgai
|
no ver vizi no ghe zonta gnente ala virtù
|
no voio dimostrar gnente, voio mostrar
|
no voio discuter che la medicina no la ghe sia utile a qualchedun, digo solo che per l'umanità intiera la xe funesta
|
no xe dificile ver sucesso, el dificile xe meritarselo
|
no xe gnente vero che la gente comune esprimi i sui pensieri in maniera ciara; quel che se vedi de ciaro in lori no vien del suo parlar s'ceto, ma dei sui pensieri senza spessor
|
no xe la lota che ne fa esser artisti, xe l’arte che ne fa lotar
|
no xe le persone che ga grande idee, xe le grande idee che le trova le persone
|
no xe mai le virtù ma sempre i vizi a contarne volta per volta chi che xe l'omo
|
