un ambassiator xe un omo onesto mandà al estero a contar bale pel ben del suo Paese
|
un amico xe un che te ghe pol star insieme in silenzio
|
un archeologo xe el meo marì che una baba possi ver: più che ela la diventa vecia, più lu la trova interessante
|
un ator xe un che, se no te parli de lu, no'l te scolta
|
un avocato xe un gentilomo che salva i tui bori dei tui nemici e po' se li tien
|
un baso legale no val mai un baso robà
|
un bon dizionario xe un specio indove che un, se'l sa zercar, el trova quel che za el sospetava
|
un che vol tanto la presidenza de butar via dò ani per organizar e far campagna eletoral, no xe propio de fidarse de lù come presidente
|
un cinico no xe solo un che legi amare lezioni in tel passato, ma anche un che xe scazà in anticipo col futuro
|
un cinico xe un che co'l senti profumo de fiori el se varda torno in zerca dela cassa de morto
|
un classico xe un libro che no ga mai finì de contarte qualcossa de novo
|
un compromesso xe l'arte de spartirse una torta in maniera che ognidun credi de esserse fato la parte del leon
|
un concerto per salvar el pianeta... me fa vignir inamente el Titanic
|
un critico xe un omo senza gambe che ghe impara ai altri a corer
|
un dei piazeri de leger vece letere xe saver che no ocori risponder
|
un dei vantagi del piazer sul dolor xe che al piazer te ghe pol dir basta
|
un dizionario xe tuto l'universo in ordine alfabetico
|
un dovessi esser sempre inamorà. Eco perchè che no se dovessi mai sposarse
|
un E-mail no pol ver la macia de una lagrima
|
un editor xe un che separa el formento dela paia e publica la paia
|
un esperto xe un che ga za fato tuti i sbali possibili in t'un setor sai limità
|
un fan club xe un grupo de persone che ghe disi a un ator che no'l xe solo a pensar quel che'l pensa de sistesso
|
un filosofo xe un orbo in t'una camera scura che zerca un gato nero che no xe. Un teologo xe un che lo trova
|
un governo xe la sola barca che fa acqua del alto
|
un inteletuale xe un cola mente che se varda sola sistessa
|
un lecaculi ghe somilia a un amico come che un lupo ghe somilia a un can
|
un marì xe sai bravo in leto, soratuto co'l ghe fa i corni ala molie
|
un minimo de inesateza sparagna un mar de spiegazioni
|
un moroso fidanzà xe un omo felice disposto a terminar presto de esserlo
|
un no se vergogna de ver pensieri sporchi, ma pitosto che i altri possi pensar che'l ga pensieri sporchi
|
un omo - qualunque omo, val più de una bandiera - qualunque bandiera
|
un omo senza sogni, senza ilusioni e senza ideali saria un mostro, un cinghial laureado in matematica pura
|
un omo solo xe sempre in cativa compagnia
|
un omo xe infelice perchè no'l sa de esser felice, xe questa la sola ragion. Tuto qua, tuto qua! Chi che se inacorzi de questo diventerà felice al'istante
|
un omo xe tanto più sior, quante più robe che el pol far de meno
|
un Paese senza cine documentario xe come una familia senza album de foto
|
un paranoico xe un che sa un pochetin de quel che sta sucedendo
|
un prigioniero de guera xe un che tenta de coparte, no'l riva, e po' el te prega de no coparlo
|
un proverbio xe una frase curta basada su un'esperienza longa
|
un psichiatra xe un mato che te fa un mucio de domande carissime che tu molie te fa agratis
|
un riformator xe un che naviga in t'una fogna su una barca col fondo de vetro
|
un sinonimo xe una parola che te dopri co' no te sa come che se scrivi la prima parola che te xe vignuda inamente
|
un spagnoleto xe l'archetipo perfeto de un piazer perfeto: la xe una goduria, epur la te lassa insodisfato. Coss' te vol de più dela vita?
|
un studià xe un che maza el tempo studiando
|
un traditor xe un che mola el suo partito per iscriverse a un altro; un convertido xe un che mola el suo partito per iscriverse al tuo
|
una banca xe un logo indove che i te impresta un'ombrela co' fa bel e i te la domanda indrio co' taca a piover
|
una bona recension dei critici no xe che un rinvio del'esecuzion
|
una campagna politica la costa sai de più de quel che un omo onesto pol permeterse
|
una conferenza xe una riunion de persone importanti che sole no le pol far gnente, ma insieme le pol decider che no se pol far gnente
|
una giuria xe fata de dodise de lori che ga de decider chi che ga l'avocato più bravo
|
una laurea in arte xe come un diploma de origami. E la xe altretanto utile
|
una lingua taiente xe el solo ordegno de taio che col uso se gua sempre de piú
|
una lingua xe un dialeto con un esercito e una marina
|
una multinazional la ghe somilia a un'istituzion totalitaria più de qualunqua altra roba che l'omo gabi mai pensà
|
una nota no se la scrivi per informar chi che la legi, ma per pararghe el cul a chi che la scrivi
|
una seta religiosa o un partito xe una scondariola elegante per sparagnarghe al omo el tormento de pensar
|
una volta go leto un dizionario dela prima al'ultima pagina; me xe vignù de pensar che iera un cocolo poema su tuto
|
una volta la polizia la iera comandada de gente in ordine. Ma po' sto eror xe sta coreto
|
un'atività che no produsi altro che bori no val chissà cossa
|
un'ombra la se perdi per tropa luce... o per tropo scuro
|
