safek es uno de los nombres de la intelijensia
|
salir de muestras difikultades implika trokar a fondo muestra relasion kon mozotros mizmos i kon todo muestro pasado
|
Satan agora es mas seheludo,provando de azer rikos en lugar de proves
|
savemos ke un ombre puede meldar Goethe o Rilke, ke puede tanyer Bach i Schubert, i ir trankilamente a lavorar en Auschwitz por las manyanas
|
se amavle kon la djente ke enkuentres durante la suvida, porke tornaras a enkontrarala durante la abashada
|
se hovarda , respekta el egoizmo de los otros
|
se izieron kuras para las ke no aviya hazinuras
|
se ke la poeziya es muy de menester, ama no se de ke
|
se krese el diya en el ke se riye por primera ves de si mizmo
|
se puede estar a la siedra de todo, ama no del buen sentido
|
se puede pedronar a un ombre de ser bovo una ora kuando ay maredos ke no deshan de serlo ni una ora en toda sus vida
|
se puede ser infiel ama nunka dezleal
|
sea franko i klaro kon tu avokato ... ya se enkargara el de embroliarlo todo
|
seas el trokamiento ke keres ver en el mundo
|
seas mas savio ke los otros si puedes, ama no se lo digas
|
semos lo ke azemos para trokar lo ke semos
|
semos lo ke pretendemos ser,dunke, devemos azer muncho dikat kon lo ke pretendemos ser
|
semos tres vezes mas rikos ke trenta anyos atras, ama semos tambien tres vezes mas dichozos?
|
ser mansevo i no ser revolusionario es finalmente una kontradiksion biolojika
|
ser mujer es veramente yuch, porke kale sovretodo tener alaka kon los ombres
|
ser orguyozo de su propia kultura es el peor tipo de inyoransa
|
ser politiko es komo ser entrenador de futbol.tienes ke tener sehel para entender el djugo, i lo igual de bovedad para kreer ke es emportante
|
sezudo es solo akel ke bive kada diya i diya komo ken kada diya i kada ora puede morir
|
si a la ekonomiya de merkado, no a la sosiedad de merkado
|
si ayudas alguna persona a salir de su merekiya,puedes estar siguro ke se akodrara... la otra ves ke se tope merekiyozo
|
si bives bastante, veras kada viktoria i viktoria se abolta en una derrota
|
si dash la impresion de tener menester de kualkier koza, no vos daran nada. Para ganar paras kale azerse pasar por riko
|
si dezeas savorear tu vertud, peka de vez en kuando
|
si dishera lo ke veramente penso, me tomariyan prezo,o me enserrariyan en una klinika de lokos. Ayde, esto siguro ke kon todo el mundo afitariya lo mizmo
|
si dizes la verdad, no tendras ke akodrarte de nada
|
si dominas el argumento las palavras saldran solas
|
si dos personas se keren, no puede eskaparse kon un happy end
|
si egzisten dies mil normas se balda todo respekto por la ley
|
si el Dio no uviera echo la mujer, ni la flor uviera echo
|
si el mediko me dishera ke solo me kedan sesh puntos de vida, no me detendriya a pensarlo. Eskriviriya un poko mas presto
|
si el patron no puede lavorar sin su siervo, ken de los dos es el ombre forro/libero?
|
si el voto trokara alguna koza, lo azeriyan ilegal
|
si empesa uno kon sertezas, eskapara kon duvdas: ama si se akontenta kon duvdas, yegara a eskapar kon sertezas
|
si en el futbol ay violensia es porke oy en italia solo vale ken gana
|
si eskrivi una letra tan larga, es porke no tuve bastante tiempo para eskrivirla mas kurta
|
si estas siguro de entender todo lo ke afita, alora estas dezesperadamente en la konfuzion
|
si keremos akavar kon los konfliktos interetnikos, devemos gastar manko en gerras i gastar mas en la kultura de la pas
|
si keremos ke las kozas troken, ay ke okupar las bankas i azer saltar la televizion. No ay otra posivle solusion revolusionaria
|
si keres ambezar, ensenya
|
si keres azer reyir al Dio, kontale tus proyektos
|
si keres azerte riko eskriviendo, eskrive estas kozas ke meldan estas personas meneando los mushos
|
si keres azerte una idea de komo sera el futuro, imajinate un chizme aplastand una kara de benadam
|
si keres dizir la vedra/verdad a la djente, dizela shakaladeando o te mataran
|
si keres topar en tu kamino amistad, dulsura i poeziya, yevatelas kontigo
|
si keres viajar verso las estreyas, no te bushkes kompanyiya
|
si la soledad te espanta, no te kazes
|
si los korrompidos se aunen i konstituyen un poder, la djente onrada deve azer lo mizmo
|
si los mansevos adoptan una atitud klaramente kontraria a la omnipotente i misterioza mafia ,esta se azera yok komo un esuenyo pezgado
|
si los ombres entendieran bien las sakanas ke eskonde el uzo de siertas palavras , los diksionarios en las vitrinas de las libreriyas yevariyan un avizo kon la fraza 'elsplozivo ... utilizar kon akavido'
|
si los republikanos eskapan de mentir sovre los demokratos, eskaparemos de dizir la verdad sovre eyos
|
si me yega la pensada, me topara pintando
|
si no esperas lo inesperado nunka lo deskuvriras siendo ke es arrezvalante i improbavle
|
si no uviera priziones, savriyamos ke estamos todos enkadenados
|
si para salvar la vida de un hazino se pueden dar las organos, para salvar la vida del ke muere de ambre, ¿ no se podriyan dar las proteinas?
|
si pudiera eskrivir la ermozura de tos ojos
|
si se aplikaran las leyes de Nuremberg,todos los prezidentes norteamrikanos de la postgerra uvieran sido enforkados
|
si se komete en nombre del Dio o de la patriya, no ay krimen tan atros ke le djente no pedrone
|
si se tolera una koza, se aze somportavle, i poko despues se aze normal
|
si te agrada lo ke azes, nunka sera un lavoro
|
si te apoyaras en la kandjela de un puente i te enkorvaras por ensima deya, observando el riyo korrer avagar por debasho, en supito savriyas todo akeyo ke kale saver
|
si te ekksplikas kon un enshemplo, no entiendo nada
|
si tienes algo te lo pueden kitar. Ama si das, ya lo entregates. Ningun ladron te lo podra arrevatar. Sera tuyo para sempre
|
si tienes un talento, uzalo kada ves ke lo puedas. No atezores.No lo des kon kuenta gotas komo un eskaso.Gastalo kon hovardalik, komo un milionario ke kere arrovinarse
|
si tus prinsipios morales te atristan, puedes estar siguro de ke estan yerrrados
|
si un bankero salta por la ventana, salta tras el, ayi esta el kavdal
|
si un benadam no esta pronto a luchar por sus ideas, o no valen nada sus ideas, o no vale nada el
|
si un puevlo kreye ke puede ser inyorante i forro, kreye en koza ke nunka afito i nunka afitara
|
si una mujer esta mal vistida, el atinara el vistido, si esta bien vistada, el atinara la mujer
|
si una persona tiene fe en si mizma, esta fe pasa a las otras
|
si uno de mozotros, un ben adam kualkiera, en este momento sufre intensamente, esta hazino o tiene ambre, es algo ke mos toka a todos. Mos deve emportar a todos, porke inyorar el sufrimiento de una persona es siempre un akto de violensia, i de los mas floshos
|
si vienen por mi de manyana, vendran por ti al anocheser
|
siempre ay un modo djusto i un modo yerrado. el modo yerrado parese siempre mas razonavle
|
siempre ay un poko de lokura en el amor, ama siempre ay un poko de razon en la lokura
|
siempre ke avra benadames, avra visios
|
siempre kreyi ke si ay un lugar en el mundo ande no egziste la rasa, es sin duvda Italia. En efeto, muestros avot tuvieron demaziadas okaziones de esparzirsen
|
siempre me desharon enkantado los arrodeamientos torpes ke deven azer los riyos para pasar debasho de los pontes
|
siendo ke el dinero tiene la propriedad de merkarlo todo i de apropriarse de todos los objetos, es dunke el objeto de posesion por ekselensia.La universalidad de su kalidad es la omnipotensia de su esensia: vale dunke, komo ser omnipotente
|
siendo ke el teatro es la vida, no importa la durasion, sino la kalidad de la reprezentasion
|
siendo ke en el meoyo de los ombres nasen las gerras, es en el meoyo de los ombres ke deven fraguarsen las enkasteyaduras de la pas
|
siendo ke un politiko nunka kreye lo ke dize, se keda enkantado kuando otros lo kreyen
|
siendo la vida lo ke es, la persona sonya de vengansa
|
siendo sus mayoral, tengo ke segirlos
|
siensia es todo lo ke siempre puede yevar a diskusion avierta
|
siertas kozas son mas kolay de legalizar ke de lejitimar
|
siertas sonrizas no son de felisidad, ama son una manera de yorar kon bondad
|
Siete Pekados Politikos: la politika sin prinsipios, la rikeza sin lavoro, el plazer sin konsiensia, el konosimiento sin karakter, el komersio sin moralidad, la siensia sin umanidad i la admirasion sin sakrifisio
|
siguan los mijores egzemplos. Los de akeyos ke lo deshan todo para fraguar un futuro mijor
|
siguro ke una relasion platonika es posivle, ama solo entre marido i mujer
|
sin haber conocido la miseria es imposible valorar el lujo
|
sin memoria, el ombre no savriya nada ni savriya komo azer las kozas
|
sin sadam el mundo se amijoreo. Komo seriya sin bush?
|
sin tiempo i sin paras dinero, la fantaziya no es mas ke un eshuenyo pasajero ke no puede transformarse en aksion
|
siniko:pezenvenk del ke la vista flaka le aze ver las kozas komo son i no komo deveriyan ser
|
sinyor no entenditsh nada porke sosh un ombre medio; Un ombre medio es un monstre, un sekanozo delikuente, konformisto, rasisto, esklavisto, indifrente
|
so apikoros/ateisto, grasias al Dio
|
so favoravle al respekto de la ley sin olvidar ke egziste para mamparar los mas flakos
|
so optimisto sovre el futuro del pesimizmo
|
so un ombre kon las mizmas limitasiones ke los de mi dor. Ama, nunka dishe lo ke no keriya, mizmo si no siempre dishe lo ke keriya dizir
|
so una parte de todo akeyo ke enkontri en mi kamino
|
sohbet i lakerdi son fekundos solo entre espritos ke se konsagran a konsolidar sus propias duvdas
|
solamente en bisikleta puede yegar el sosializmo
|
solo a las personas kultivadas les agrada ambezar, las inyorantes preferen ensenyar
|
solo akeyos ke se atreven a sufrir grandes desgrasias eskaparan alkansando grandes reushitas
|
solo ay un problema filozofiko seriozo: el suisidio
|
solo ay una eskaseza onrada: la de las palavras
|
solo ay una manera de amenguar el uzo de drogas : legalizarlo
|
solo deskuvrimos la savor de muestros diyas kuando mos guadramos del obligo de tener un destino
|
solo el ombre ke nada aspera es vedraderamente ijo forro
|
solo el silensio es grande, todo el kusur es flakeza
|
solo el tino a la opinion publika garantiza el futuro de una sosiedad
|
solo el yerro tiene menester del apoyo del governo. La verdad se sostiene sola
|
solo en los kavos de la eskalera sosial se rekonosen los reyes
|
solo kuando avresh kortado el ultimo arvole, entosigado el ultimo riyo i aferrado el ultimo peshe, solo entonses vos daresh kuento de ke el dinero no puede komerse
|
solo kuando ay bastante eskuridad pueden versen las estreyas
|
solo los grandes ombres pueden tener grandes defektos
|
solo los korajozos saven pedronar,un kobardo no pedrona nunka: no es parte de su natura
|
solo los muertos tienen el derecho de pedronar i los bivos no tienen ningun derecho de olvidar
|
solo los muertos ven la fin de la gerra
|
solo los vensedores desiden kuales fueron los krimenes de gerra
|
solo manka de virtud ken no la dezea
|
solo me fiyo de las estaditikas ke yo mizmo manipuli
|
solo se enventa kon el rekodro
|
solo se oyen las perguntas a las ke se puede topar una repuesta
|
solo se respektan los derrechos umanos de las personas djuridikas
|
solo se ve bien kon el korason, lo esensial es invizivle a los ojos
|
solo si kaminas verso el sol ke se echa vas a enkontrar el amaneser
|
solo so una persona ke se limita a levantar una piedra i a mirar lo ke ay debasho.No es kulpa miya si de ves en kuando me salen monstres
|
solo tiene konviksiones el ke nada aondo
|
somos lo ke azemos repetidamente
|
sonriye, tus dientes no se izieron solo para komer o modrer
|
sonya i seras libero de esprito, lucha i seras libero en la vida
|
sorprenderse, enkantarse, es empesar a entender
|
sovre toda propieta privada peza una ipoteka sosial
|
su eskopo era absolutamente onesto, komo se uza dizir, desplumar una dama de su fortuna kazandose kon eya
|
Sufrir sin kesharse es la unika lision ke devemos ambezarmos en esta vida
|
