egziste solo un bien:el konosimiento, i un solo mal: la inyoransa
|
egziste una sola reushita : ser kapache de bivir la vida a tu manera
|
egzisten dos grupos de ombres: los djustos i los indjustos.la divizion la azen los djustos
|
egzisten tanto periodistos komo politikos kon kavod. Una ves ke se desharon merkar, kedan merkados
|
ek futuro pertenese a las personas ke ven las posivilidades antes ke se agan evidentes
|
el puvliko tiene una kuriozidad inamatavle de saverlo todo, salvo de lo ke vale la pena saver
|
el ajeno mora en mozotros. Kuando fuyimos del ajeno o lo kombatimos, luchamos kontra muestra inkonsiensia mizma
|
el aktor es un mentirozo sinsero
|
el alimento mas sekanozo es la torta de bodas
|
el amor es eterno en lo ke dure
|
el amor es infinito siendo ke esta al alkanso de los perros
|
el amor es la espera de una alegriya ke kuando yega enfasia
|
el amor es lo ke afita a un ombre i una mujer e no se konosen
|
el amor es un kastigo.Semos kastigados por no ser kapaches de estar solos
|
el amor keda de ser un plazer kuando ya no es sekreto
|
el amor mos troka en lokos, el matrimonio en kornudos i el patriotizmo en unos torpes malazedores
|
el amor no es mas ke un truko suzio ke mos djugan para asigurar la kontinuasion de la zera
|
el amor no es siego, es presbite: la prova es ke empesa a ver los defektos a medida ke se aleshan
|
el amor por la patriya no konose las fronteras de los otros
|
el amor resiproko entre talmid i maestro es el primer paso i el mas importante verso el konosimiento
|
el amor tiene derecho de ser dezonesto i mentirozo, si es sinsero
|
el arrepentimiento es la rezia determinasion de no deshar trasas la otra ves
|
el arte de venser se ambeza en las derrotas
|
el arte es la majiya liberada de la mentira de ser vedra
|
el arte es la mentira ke mos alisensia a entender la verdad
|
el arte es un plasamiento de avdales, la kultura un preteksto
|
el arte es una yamada a la ke arresponden demaziados ke no fueron yamados
|
el arte no es un espejo para reflektar el mundo, ama un martiyo para golpearlo
|
el arte sakude de la alma el polvo amontonado diya tras diya
|
el avokato es el kompliche natural del bankero
|
el benadam es lo ke kome
|
el benadam no bive solo de palavras, malgrado ke, en vezes, tiene ke komerselas
|
el bien puede somportar derrotas, el mal no
|
el bien puvliko esta formado por un alay de males privados
|
el dever de los ombres de kultura, oy mas ke nunka, es de sembrar duvdas i no de arrekojer siertezas
|
el dezvelopamiento duradero es komo el kamino del geynam, empedrado de buenas entensiones
|
el dezvelopamiento es un viaje kon mas undimientos/batireos ke sovrebivientes
|
el diksionario es la koza mas demoratika del mundo: es el uniko bien ke tenemos en komun
|
el dinero es la leche maternal de la politika
|
el Dio me pedronara. Es su ofisio
|
el Dio no puede trokar el pasado.Por esta razun esta ovligado a tolerar la egzistensia de los estoridores
|
el disentimiento es la forma mas noble de patriotizmo
|
el djenero umano no puede somportar demaziada realidad
|
el djurado esta kompuesto de dodje personas eskojidas para dechidir ken tiene el mijor avokato
|
el dover es lo ke esperamos ke agan los otros
|
el dover mas alto de los seres umanos es de mamparar los animales kontra la krueldad
|
el edukador mediokre dize. El buen edukador eksplika.El ekselente edukador demostra. El gran edukador inspira
|
el egoizmo no konsiste en bivir komo la persona lo dezea, sino en pretender ke los otros bivan komo dita persona lo dezea
|
el ekseso de informasion espande la inyoransa kon la iluzion de baldarla. Tambien el akseso kolay a la karne degrado el sekso
|
el enemigo anda a muestra kavesera
|
el enkanto: una manera de oyirse responder si sin aver echo ninguna pregunta
|
el enkontro entre dos personalidades es komo el kontakto entre dos substansias kimikas: si afita alguna reaksion, las dos se trokan
|
el eshuenyo de todo ombre ke no tiene ermano es ke todos los ombres sean ermanos
|
el eskandalo empesa kuando la polisiya lo eskapa
|
el esklavo tiene un solo patron; el ambisiozo, tantos komo personas puedan ser utiles a su fortuna
|
el eskopo de la edukasion es dar un meoyo avierto en lugar de un meoyo vaziyo
|
el eskopo de la egzistensia es de rekonsiliar la luminoza opinion ke tenemos de mozotros mizmos kon las kozas orrivles ke los otros pensan de mozotros
|
el eskopo es partir
|
el eskopo puede djustifikar los moldes, siempre ke alguna koza djustifike el eskopo
|
el eskopo sentral de la politika es mantener la povlasion alarmada i, dunke, angustioza de ke la konduskan a la seguridad, amenazandola por una sira sin fin de alarmas, todas imajinarias
|
el espanto de la soledad es mas grande ke el miedo de los atadijos, ansina ke mos kazamos
|
el espor serio no tiene nada ke ver kon el fair play. esta yeno de aborrision, selos i de fanfaronadas, de indiferensia verso kada regla, i de un plazer sadiko en ver la violensia: en otras palavras, es la gerra; ama sin armas
|
el Estado so yo
|
el fanatizmo konsiste en redovlar los esforsos kuando se olvido el eskopo
|
el futbol empesa a ser una mentira muy bien kontada por los mezos de komunikasion
|
el futbol es popular porke la bovedad es popular
|
el futbol tiene ke liberarse de las farmasiyas i de las finansias
|
el futol es el reino de la lealtad umana al aver libre
|
el futuro de los niños es siempre hoy. Mañana será tarde
|
el futuro es el uniko tipo de propriedad ke los patronos konseden de buen grado a los avadim
|
el gayo kanta mizmo la manyana en ke akavara en la oya
|
el geynam i el gan eden me paresen disproporsionados. Los aktos de los ombres no meresen tanto
|
el goral de un puevlo depende del estado/hal de su gramatika. No ay grande nasion sin proprieta de lingua
|
el grado de sivilizasion de una sosiedad puede djuzgarse en lo ke se entra en sus priziones
|
el grande merito de la sosiedad es ke mos aze savorear la soledad
|
el herem del insesto no se aplika al amor de si mizmo
|
el idealizmo es la novle tonga kon la los kavayeros de la politika emburujan sus ansias de poder
|
el idealizmo es muy bueno, ama kuando se aserka a la realidad, kosta los ojos de la kara
|
el idealizmo puja en proporsion direkta a la distansia ke mos separa de la problema
|
el Imperio Britaniko nasio komo konsekuensia de jenerasiones/djeneransios de Inglezes dezesperados ke rekorriyan el mundo en bushka de una komida dinya
|
el instinkto asasino entre munchos otros instinktos, es de nasimiento en el benadam. Van djuntos ombre i muerte, ombre i krueldad, ombre i sangre. No es agradavle, ama es siguramente ansina
|
el intelekto mos aze mas rasionales ama, dezgrasiadamente mos aze i/tambien mas sekanozos
|
el jurnalisto es estimulado por la eskadensia. Eskrive mas negro si tiene mas tiempo
|
el jurnalizmo es solo el arte de inchir un espasio en blanko
|
el kapitalizmo es el mas negro enemigo de la umanidad
|
el kativo de gerra es un ombre ke bushka a matarte i ke despues te demanda ke no lo mates
|
el ke embezara a los ombres a morir, les embezara a bivir
|
el ke esta enamorado de si mizmo tiene a lo menos un benefisio, no se topara kon munchos rivales
|
el ke guadra la kapchidad de apresiar la ermozura nunka sera viejo
|
el ke kere mover el mundo tiene ke moverse primero a si mizmo
|
el ke kreye ke el pujamiento elsponensial puede turar eternalmente en un mundo limitado, o es un loko o es un ekonomisto
|
el ke mira sus propios defektos no ve los ajenos
|
el ke nada demanda, todo lo aspera
|
el ke no lo piedre, tiene muncho tiempo
|
el ke no pueda lo ke kiera, ke kiera lo ke pueda
|
el ke nunka se izo un enemigo, no se aze amigo
|
el ke ovedese es kaji siempre mikor ke el ke manda
|
el ke save reyir es patron del mundo
|
el komunizmo es dunke, la yena unidad del ombre kon la natura, el vedradero abividiguamento de su natura, el naturalizmo realizado del ombre i el realizado umanizmo de la natura
|
El konosimiento va avanzando porke podemos bazarmos sovre la lavor de los grandes djenios ke mos presedieron
|
el konsejo solisitado es raramente bienvenido, i el no solisitado es sin duvda un
|
el koraje es el espanto de ser konsiderado komo espantozo
|
el koraje es lo ke kale para levantarse i avlar; el koraje es tambien lo ke kale para sentarse i kayar
|
El kresimiento de los payizes ke van dezvelpandosen depende de sus dezmilitarizasion
|
el krimen organizado es solo la otra kara (suzia) del dolar
|
el kristianizmo izo muncho para el amor aboltandolo en pekado
|
el kulto de la perfeksion yeva siempre a preferir el enganyo a lo halis
|
el lavorador se aze una merkansiya mas barata mientres mas merkansiyas produze
|
el lavoro akorta los diyas i alarga la vida
|
el lavoro alesha de mozotros tres grandes males: el enfasio, el visio i el menester
|
el lavoro es el avrigo de los ke no tienen nada ke azer
|
el lavoro sierve para ganarse el tiempo libero
|
el lenguaje es komo un kuero: frego mi lenguaje kontra otro
|
el lenguaje es muncho mas en kudiado ke la vida
|
el libero dezvelopamiento de kada uno i uno es la kondision para el libero dezvelopamiento de todos
|
el linguaje es un arte anonimo, kolektivo i inkonsiente; el rezultado de le kretividad de miles de djeneransios
|
el livro es una de las posivilidades de felisidad ke tenemos mozotros los ombres
|
el livro ke kontiene todo el saver de los livros demandava ayudo para no ser ratonado. I el raton se reiya
|
el livro ke no somporta dos meldadurasno merese dinguna
|
el livro mas emportante para un komunisto komo yo es el tanah
|
el livro sera la salvasion de los benadames
|
el lukso arrovina al riko i amuchigua la mizeria de los proves
|
el mal ke azen los ombres les sovrebive; el bien uzan enterrarlo kon sus guesos
|
el marafet mas popular para avansar de penar es daynda un marido rikachon
|
el marido ideal ke una mujer pueda tener es un arkeologo, mas eya envejese mas el se enteresa a eya
|
el mas alto eroizmo para una persona, komo para un puevlo, es saver afrentar el ridikulo
|
el mas grande abastesedor de violensia en el mundo de oy: el miyo governo
|
el mas grande entrompieso para komprender una ovra de arte es kerer entenderla
|
el mas grande motor de violensia en el mundo de oy es el governo de los estados unidos
|
el matrimnio es la prinsipal kavza de divorsio
|
el matrimonio en la vida, es komo un duelo en medio de una bataya
|
el matrimonio es komo los shampinyones, kuando deskuvrimos si son buenos o malos es demaziado tadre
|
el matrimonio no es mas ke el troko de malas umores de diya i de malas golores de noche
|
el mentirozo deveriya akodrarse ke para ke lo kreyan solo deve dizir las mentiras menesterozas
|
el merkader tiene en todo el mundo la mizma relijion
|
el merkado es un lugar ande los ombres pueden enganyarsen unos a otros
|
el mijor argumento kontra la demokrasiya es un lakerdi de sinko puntos kon el elektor mediano
|
el mijor echo para los rikos es una pelea entre los proves
|
el monopolio o la posesion de la propriedad por pokos es una maldision para la umanidad
|
el muncho komer yeva al bedahey
|
el mundo debería reírse más, pero después de haber comido
|
el mundo es maternal para los ombres i machista para las mujeres
|
el mundo es testigo de un krimen terrivle ke se komete kontra los derechos umanos en Gaza, ande ay un milyon i medio de seres umanos ke estan prezos kon kaji ninguna salida verso el mundo eksterior.Se esta kastigando brutalmente a un puevlo entero
|
el mundo es un kafes de lokos
|
el mundo es una prizion/karsel ande es mijor/preferivle kedarse aizlado
|
el mundo esta destinado a azerse siempre mas komiko, por esto los umoristos son los vedraderos prekursores de la sivilizasion futura
|
el mundo no es un espektakulo, sino un kampo de bataya
|
el mundo no es vedradero, ama es real
|
el mundo ptogresa grasias a la realizasion de kozas ke paresiyan imposivles
|
el mundo seriya mas pasifiko si fueramos todos ateos
|
el mundo tiene la estruktura del lenguaje i el lenguaje tiene las formas del meoyo
|
el ninyo es un fuego ke kale asender i no un vazo ke kale inchir
|
el noventa por siento de los politikos afean la fama del otro dies por siento
|
el ombre bueno es entelijente, i uno malo es indimas torpe. Las apitudes morales i entelektuales van djuntas
|
el ombre de 50 anyos ke ve el mundo de la mizma manera ke a los 20 anyos, perio 30 anyos de su vida
|
el ombre del tresero milenio tendra la kultura de Bush, la onestidad de Berlusconi i la buendad de Putin
|
el ombre elegante en su vestir es akel ke no se le distinge la ropa ke yeva puesta
|
el ombre emprovese la kaza muncho mas kon las palavras ke kon el silensio
|
el ombre es un animal domestiko ke a lo largo de los siglos domino a los otros animales kon enganyo, violensia i krueldad
|
el ombre es un animal razonavle ke piedre el meoyo kuando le demandan ke se komporte asigun los preseptos de la razon
|
el ombre es un animal sosial ke aborrese a sus semejantes
|
el ombre es un chirak, la dolor es su maestro
|
el ombre esta kompuesto de kuaji de 80% de agua,dunke no es demaraviyarse ke este enkonado
|
el ombre esta siempre dispuesto a morir por una idea, en tal ke no la tenga klara
|
el ombre ke aprova de ganarse la simpatiya de los otros kon buenas echas, konosera las amarga eksperiensia de la ingratitud
|
el ombre kultiva mil rozas sin topar en eyas lo ke bushka; i podriya toparlo en una sola roza
|
el ombre mas riko es akel ke tiene los plazeres mas baratos
|
el ombre produze maldad komo las abejas produzen miel
|
el ombre tiene menester de azer su propia rezerva de eshuenyos
|
el ombre yega adjami a kada edad i edad de sus vidas
|
el ombre/benadam no save mas ke los otros animales : save menos/manko. Eyos saven lo ke tienen menester de saver. Mozotros no
|
el optimisto kreye ke este es el mijor mundo de los mundos posivles, el pesimisto se espanta ke sea vedra
|
el orijinal es infiel al trezlado
|
el ovrero se aze mas prove, kunata mas rikeza produze
|
el pasado es una akdama
|
el pekado mas grande de un ben adam: no aver sido felis
|
el pekado mas grande es el de aver nasido
|
el peligro mas grande en la vida es akavidarse demaziado
|
el pensamiento es rezultado del lenguaje
|
el pensamiento siempre es un grano de arena en la makina del poder
|
el pensamiento va atras, las kozas van adelantre
|
el periodo mas prolifiko de pesimizmo se prezenta a los ventiun anyos, mas o menos, kuando se aprova por la primera ves de konvertir los suenyos en realidad
|
el pesimizmo tiene ke ver kon el sehel; el optimizmo kon la veluntad
|
el plazer mas rezio desta vida es el plazer vaziyo de las iluziones
|
el poeta entiende mijor la natura ke un sientifiko
|
el poeta es igual al princhipe de las nuves ke mora en la fortuna i se riye del saetero, egziliado en la tierra, sufriendo el griteriyo, sus alas de djigante lo estorvan a andar
|
el poeta vale akeyo ke vale su mijor poema
|
el politiko deve ser kapatche de predizir lo que va akonteser amanyana, el mes veniddero i el anyo ke viene, i de aklarar dospues porke no akontesio
|
el politiko es un akrobato: mantiene el ekilibro diziendo lo kontrario de lo ke aze
|
el politiko pensa a la eleksion venidera, el ombre de estado a los jeneransios venideros
|
el presio ke se paga para enkaminarse en un ofisio o vokasion es el de konoser intimamente su lado sozio
|
el primer djesto revolusionario es yamar las kozas por sus nombre vedradero
|
el primer eskopo del edukador es de formar otodidaktos
|
el primer mito de la jestion es ke tal koza egziste. El sigundo mito es ke la reushita ekivalga a ser kapache
|
el princhipe es el primer moso de su Estado
|
el problema de la umanidad es ke los bovos estan siguros de todo i los entelijentes estan yenos de duvdas
|
el puerpo, si se le trata bien, puede turar toda la vida
|
El raporto entre el alfabetizmo i el analfabetizmo es konstante, ama oy en diya los analfabetos saven meldar
|
el rekodro de la alegriya ya no es alegriya; el rekodro de la dolor es daynda dolor
|
el rekodro es siempre un lugar de enkontro
|
el rekodro ke desha un livro es mas emportante ke el livro mizmo
|
el salario del mas alto dirijente de una grande empreza no es el premio ke le dan los rezultados obtenidos. Jeneralmente es un djesto karinyozo personal para si mizmo
|
el sekreto de la reushita es la onrades i el komportamiento korrekto.Si yegas a afektar ditas kozas, ya salites a bash
|
el sekreto de la azlaha es la sinseridad. Si logras maymunearla, ya lo logrates
|
el sekreto de la ventura es kayer en las tentasiones
|
el sekreto mas yuch de guadrar es la opinion ke tenemos de mozotros mizmos
|
el sekso alivia la tension; el amor la kavza
|
el sikileo de ser puntual es ke no ay dinguno ke te lo agradeska
|
el sine komo la pintura, amostra lo invizivle
|
el temel de la edukasion es darsar kon el enshemplo
|
el tiempo de la inersiya, de solusiones a medias, de rekursos apaziguadores i haksizes, de dilasiones, esta yegando a su fin.En su lugar, entramos en una epoka de konsekuensias
|
el tiempo es el mijor autor. Siempre topa una fin perfekta
|
el tiempo es la sola koza ke no se puede dar atras
|
el tiempo es lo mas emportante: esto es simplemente un pseudonimo de la vida mizma
|
el tiempo i las oras no se detienen ni en los diyas mas negros
|
el ultimo diya del anyo no es el ultimo diya de tiempo
|
el uzo es la unika kavza ke aze ke las palavras seyan buenas, vedraderas, lejitimas, palavras de una lingua
|
el Vatikano reprezenta la fuersa mas reksionaria ke egziste en Italia. Para la iglezia, los governos ke limitan sus privilejios son despotikos, i los ke los pujan, komo el fashizmo, son providensiales
|
el vedar sin fin solo endjendro problemas
|
el vedradero deskuvrimiento del viajero no konsiste en topar territorios muevos sino en ganar una mirada mueva
|
el vedradero eskopo del sosializmo es , si, de pasar adelantre i avansar mas aya de la faza depredadora del dezvelopamiento umano
|
el vensedor apartiene a su despojo
|
el verbo meldar no tolera el imperativo. Komparte esta partikularidad kon otros verbos komo amar i sonyar
|
el viento nunka sopla de la buena parte para el ke no save ande ir
|
el vino danya seriamente la salud (mental) del ke no lo beve
|
el visio es una kriatura talmente orrivle ke mas la miras mas te agrada
|
elektor: persona ke goza del sagrado privilejio de votar por un kandidato elejido por otros
|
en kada gerra i gerra, la primera viktima es la verdad
|
en algunas situasiones las palavras malas son las mijores
|
En djeneral, los ombres kreyen kolaymente lo ke dezean
|
en el empesijo, la emosion. Mas tadre, solo el entendimiento
|
en el fondo, no es la foto en si ke me enteresa. lo ke kero es aferrar una fraksion de punto de la realidad
|
en el momento en ke alguna persona se demanda kual es el senso i la valor de la vida, se enhazina
|
en eskriviendo, yo nunka pensi a aserkarme al puevlo. bueno, en realidad no pensi aserkarme a dinguno
|
en este mundo egzisten dos trajedias. la primera konsiste en no otener lo ke se dezea, la sigunda en obtenerlo
|
en este mundo ninguno se aze riko por lo ke gana, ama por akeyo a lo ke renunsia
|
en frente de un entrompeso, la distansia mas korta entre dos puntos es la kurva
|
en Italia la mas parte de los politikos no lucha por realizar proyektos sino por defender entereses
|
en kuba no se respektan los derechos umanos, salvo en guantanamo
|
en la amistad, komo en el amor,uzamos ser mas dichozos por lo ke inyoramos ke por lo ke savemos
|
en la konfuzion estamos tu i yo, kontentes de estar djuntos, avlando sin dizir ni una palavra
|
en la lucha entre tu i el mundo, metete en la vanda del mundo
|
en la prosperidad muestros amigos mos konosen,en la adversidad los konosemos a eyos
|
en la vida komo en el tramvay, kuando te estas asentando ya yegates a la abashada
|
en la vida no ay nada de temer, solo ay ke entenderlo
|
en la vida todo es poder dijerir bien.Ansina es komo el artisto topa la inspirasion, los mansevos el dezeo de amar, los pensadores las ideas luminozas, i todos la alegriya de estar en el mundo
|
en las kozas grandes los ombres se amostran komo les de la gana, en las chikan se amostran tal komo son
|
en las krizas se dezata una epidemiya ke, en todas las epokas anteriores, uviera paresido absurda: la epidemiya de la sovreproduksion
|
en las personas la lokura es rala, ama en los grupos, en los partidos, en los puevlos, en las epokas es la regla
|
en lo ke esta durmiendo, la persona se olvida de si mizma i despertandose se akodra
|
en los aplegos mas emportantes de la vida no ay senyales de direksion
|
en los echos vitalmente emportantes lo esensial es el estilo, no la sinseridad
|
en los Estados Unidos se fraguan anualmente mas priziones/karseles ke eskolas i koledjos
|
en los kampos de konsentrasion, biviyamos minuto kon minuto i teniyamos ke pensar lo manko posivle siendo ke pensar es aflakarse - Haïm-Vidal Sephiha
|
en los momentos de kriza,solo la imajinasion es mas emportante ke el konosimiento
|
en materia de konsiensia no konviene aplikar la ley de la mayoridad
|
en mi epoka no aviya best sellers i no puediyamos prostituyirmos.No aviya ninguno ke merkara muestra prostitusion
|
en mis estorias de amor en vezes la apezadumbre yegava despues, agora me viene antes
|
en munchos kavzos, la servidumbre no es una violensia de los patrones, sino una tentasion de los siervos
|
en ninguna teoriya demokratika se mete en duvda ke una de las karakteristikas de una diktadura es el monopolio de la infotmasion
|
en politika, el vedradero santo es el ke kirbachladea i mata al puevlo por el bien del puevlo
|
en prinsipio, ay menos diferensia entre un hamal i un filozofo ke entre un perro domestiko i un perro korredor, es la divizion del lavoro ke kreo un abizmo entre uno i otro
|
en tiempo de gerra, la verdad es tan presioza ke kale mampararla kon una barrera de mentiras
|
en todas las epokas, papazim ipokritos metieron koronas en la kavesa de ladrones, yamados reyes
|
en un bezo, savras todo lo ke no te dishe
|
en un momento dado, para ke las kozas kaminen de muevo, ay ke korrer el riziko de pedrerlo todo
|
en una epoka de lokura, kreerse imunizado kontra la lokura es una forma de lokura
|
en vezes el silensio no es menos elokuente ke la palavra
|
en vezes en la vida kale saver luchar, no solo kontra el sar, ama tambien sin esperansa
|
en vezes mijor ke kombatir o kerer salir de una dezgrasia, es provar de ser felis arientro de eya, akseptandola
|
en vezes puede ser mas agradavle kaminar ke yegar. La yegada no egeziste, no es mas ke un momento del kamino
|
enamorarse es koza de garson
|
enrikesemonos de muestras resiprokas diferensias
|
ensenyando siempre tienes ke ensenyar a duvdar de lo ke ensenyas
|
entre dos males siempre eskojo el ke nunka provi
|
enves de amor, paras o fama, dadme la verdad
|
envezes muestra lus se amata, ama despues la flama es rekonosida por otro ben adam. Kada uno i uno de mozotros deve ser profundamente agradesido a los ke reensendieron muestra flama
|
era antikomunisto kuando aviya komunistos
|
era tan ermoza ke le vedaron aserkarse a la Torre de Piza
|
eretiko no es el ke kema en el kemadero, eretiko es el ke lo asende
|
ereziya no es mas ke otra palavra para dizir libertad de pensamiento
|
es bueno entender a pokapoko ke no entendemos nada
|
es bueno segir su propia abashada en tal ke sea suviendo
|
es detestavle esta eskaseza espiritual ke tienen los ke saviendo alguna koza, no provan de transmitir akeyos konosimientos
|
es djustamente porke la umanidad no saviya ande estava ke logro topar su kamino
|
es este amor ke tengo para los livros ke me troko en el bovo mas harif del mundo
|
es flako porke no duvdo bastante i kijo yegar a konkluziones
|
es impedronavle ke los sientifikos torturen los animales; ke agan sus eksperiensias kon jurnalistos i politikos
|
es imposivle tomar totalmente el kief si no ay un monton de lavoro que mos aspera
|
es kuando estamos hazinos ke entendemos ke no bivimos solos,sino enkadenados a un ser de un mundo diferente, del ke mos separan abismos, ke no mos konose i del ke no podemos azermos entender: muestro puerpo
|
es kuando mos olvidamos de mozotros, ke azemos kozas ke meresen ser rekodradas
|
es mas kolay dezazer un atomo ke un predjuizio
|
es mas kolay kerer a la umanidad en su kondjunto ke kerer a su vizino
|
es mas kolay/fasil pedronar a un enemigo ke a un amigo
|
es mas vergonsozo deskonfiar de muestros amigos ke ser enganyados por eyos
|
es mijor saver bavajadas ke no saver nada
|
es muy akonsejavle kreyer solo lo ke el artisto aze, i no lo ke dize de su ovra
|
es muy kolay eskrivir sus memorias personales cuando la persona tiene tino de gato
|
es muy kolay lograr la reushida. Lo yuch es de mereserla
|
es posivle amar un benadam, si no lo konoses bastante bien
|
Es posivle ke el uniko lugar ande un ombre pueda sentirse vedraderamente a salvo, sea una prizion bien guadrada, aparte del kavzo de amenaza muy serkana de liberasion
|
es posivle ke la lingua sea un espejo deformante, ama es el solo ke tenemos
|
es ralo ke los ombres ke tienen el mas grande kavod por las mujers sean populares entre eyas
|
es rizivle la livianes kon la ke los malvados kreyen ke todo les saldra bien
|
es sekanozo para un kandidato dizir kozas de las ke la djente podriya akodrarse
|
es sekanozo tener razon en kozas en las ke las otoridades se yerran
|
es tambien una relijion no kreer en nada
|
es tan korto el amor i es tan largo el olvido
|
es tipiko de un ombre sin eksperiensia de no kreer en la suerte
|
es un krimen kontra la umanidad konvertir una tierra ke produze en tierra ke produze alimentos ke se kemaran komo kombustivles
|
es un milagro ke la kuriozidad sovrebiva a la edukasion formal
|
es un yerro suponer ke ninguno entiende su propia personalidad. La mas parte de la djente konose mizmo muy bien sus defektos, solo ke mete inat en darles nombres diferentes de los ke uza el kusur del mundo
|
es una lucha de klasas, la miya va ganando ama no deveriya
|
es util rekodrar ke la eskasura fue siempre enemiga de la vertud, difichilmente podra topar buena fama el ke buske kon ekseso su propio benefisio
|
es vedraderamente monstruozo ke la djente diga a muestras espaldas kozas ke son absolutamente vedraderas
|
es vedraderamente yuch lavorar kon tino i, al mizmo tiempo arrebashar el lavoro ke azes
|
es yuch azer entender alguna koza a una persona kuando su paga depende de no entenderla
|
es yuch no dezear la mujer ajena, las solteras son jeneralmente poko dezeavles
|
es yuch rekonoser el ke sige la korriente espontaneamente
|
esklavo es akel ke aspera ke venga alguno a liberarlo
|
eskrivir es el uniko ofisio en el ke ninguno se burla de ti porke no ganas paras
|
eskrivir es siempre eskonder alguna koza de manera ke pueda ser deskuvierta
|
eskrivir es una manera de avlar sin ser interrompido
|
eskrivir poeziya despues de Auschwitz es un akto barbaro
|
eskrutea tus pensamientos... se trokaran en tus palavras. Eskrutea tus palavras... se trokaran en tus echas. Eskrutea tus echas... se trokaran en tus uzos. Eskrutea tus uzos... se trokaran en tu karakter. Eskrutea tu karakter... se trokara en tu destino
|
espeo no yegar a ser tan viejo ke me abolte relijiozo
|
esta es mi ensenyansa: todos los ombres estan lokos
|
esta muy bien ke la djente de este payis no entienda muestro sistema bankario, si lo iziera, kreyo ke avriya una revolusion antes de manyana por la manyana
|
esta vida es un eshpital ande kada hazino i hazino dezea kon i
|
Estados Unidos es un payis ke no save ande va, ama ke desidio yegar a su eskopo batiendo un rekord de rapides
|
estamos ambezando kon muestro puerpo ke el organizmo ke destruye su entorno se destruye a si mizmo
|
estamos en un treno lansado a 300 kms a la ora, no savemos ande mos yeva i, sovre todo,agora mizmo mos ambezimos ke no ay konduktor en el
|
estash olvidando ke los frutos son de todos i ke la tierra no tiene patron
|
este dizenyo me tomo solo sinko puntos ama sesenta anyos para pueder azerlo
|
este kedarse enkantado es terrivle… espero ke turara
|
esto ach por meldar la prensa . Es la unika fantassziya ke uzo alisensiarme
|
esto arrodeado de saserdotes ke van repetando ke sus reino no es de esta mundo ama ke, kon manos ganchudas, van apoderandosen de todo lo ke tienen a sus alkanso
|
esto de akodro para diseminar deliberadamente entre personas i animales bakteriyas aparejadas metodikamente, mofo...para destruyir los kultivos, antraks para eliminar kavayos i ganado, i plagas, para anikilar no solo armadas enteras, sino tambien a los moradores de rejiones espandidas
|
esto sentado sovre las espaldas de un ombre, atabafandolo i ovligandolo a yevarme . Al mizmo tiempo,bushko a konvenserme a mi mizmo i a los otros ke esto yeno de kompasion por el y digo ke kero amijorar su hal de kualker modo, eksepto de abashar de sus espaldas
|
esto siempre de akordo kon la djente kulta, si avlan primero
|
estoria: rekontamiento kaji siempre falso de echas kaji siempre poko emportantes produzidas por governantes kaji siempre ramayes o por soldados kaji siempre torpes
|
estos son mis principios. Si no vos agradan, tengo otros
|
eyos keren la gerra,ama mozotros no los vamos a deshar en pas
|
