la esperansa es muy buena komo desayuno amz muy mala komo sena
|
la kontinensia se logra solo kon la inkontinensia. La kierana defende la kaza
|
la propiedad es una trampa; lo ke kreemos amaestrar mos amaestra
|
la saviduriya no konsiste en estruyir a los ildos, sino en kriyarlos
|
la agua avla sin kedar i nunka se arrenova
|
la akdama es la parte mas importante del livro. Mizmo los kritikos la meldan
|
la alma libre es rara, ama la rekonoses kuando la ves, sovretodo porke te konsientes bien, muy bien,kuando estas serka de eya o kon eya
|
la amabilidad es la lingua ke eskucha el sodro i ke el siego vee
|
la amistad es un komersio dezinteresado entre iguales; el amor una relasion abominavle entre tiranos i siervos
|
la amistad la aze la lealtad i no la fidelidad pasiva
|
la anarkiya no sinyifika absensia de normas, sino absensia de governantes
|
la aprovasion de los otros es un estimulante, del kual en vezes konviene deskonfiarse
|
la arkeoldjiya deskuvre lo deskonosido; la diplomasiya enkuvre lo konosido
|
la aventura no es mas ke una mala planifikasion
|
la Biblia ambeza a amar muestros enemigos komo si fueran muestros amigos. Posivlemente porke son los mizmos
|
la bigamiya es tener un marido demas, la monogamiya es lo mizmo
|
la burokrasiya es un mekanizmo redjido por nanikos
|
la bushkida de la perfeksion jeneralmente entrompiesa el amejoreamiento
|
la delikadeza/el takto en la atrivision es de saver asta ande ir demaziado leshos
|
la demokrasiya es achakoza, i si se plantan demaziadas banderas sovre eya, se derroka
|
la demokrasiya es la patetika fey/fe en una saviduriya kolektiva surjida de la inyoransa individual
|
la demokrasiya es un sistema ke asigura ke no mos governaran mijor de lo ke meresemos
|
la demokrasiya konsiste en eskojer tus diktadores, despues ke te disheron lo ke kreyes ke keres sintir
|
la demokrasiya ramplasa la desizion de una minorita podrida por la eleksion de una majorita inkompetente
|
la demokrasiya tiene ke ser una koza mas ke dos lovos i una oveja ke votan para eskojer la sena
|
la derrota se me suvio a la kavesa
|
la desizion kristiana de topar el mundo feo i malo, izo ke el mundo seya feo i malo
|
la devda puvlika es bastante grande para okuparse de si mizma
|
la dezgrasia del kapitalizmo son los kapitalistos, ke kaji siempre ekselentes en sus emprezas, ahuera de eyas son akorruto duros, afeshugados i hamores, i en vezes mas negros
|
la dezgrasia en este payis es ke ay demaziados politikos ke kreyen, grasias a una konviksion bazada en la ekperiensia, ke es posivle enganyar siempre a todos
|
la diferensia entre una demokrasiya i una diktatura es ke en una demokrasiya votas primero i arresives mandamientos despues ; en una diktatura no deves pedrer tiempo a votar
|
la distansia ke ay entre una molekula i otra es komo la ke ay entre una estreya i otra
|
la djente deveriya konoser los rizikos de bushkar de suisidarsen
|
la djente nadara en la medra si metes arrientro unos kuantos shilings
|
la djente no muere por falta de revenidos. Muere por no tener akseso a los moldes
|
la djente se identifika mas kon la dezdicha ke kon la felisidad
|
la djente se kree libre, ama solo es libre de kreerlo
|
la djente, komo las ovejas, tiende a seguir un lider, okazionalmente en la buena direksion
|
la djustisia no es mas ke lo ke konviene al mas fuerte
|
la durasion de la pasion es proporsional a la rezistensia primera de la mujer
|
la duvda no es agradavle, ama la serteza es ridikola
|
la edukasion es el deskuvrimiento gradual de muestra inyoransa
|
la edukasion es la manera kon la ke los parientes transmeten sus defektos a sus ijos
|
la edukasion es un metodo ke mos permete obtener un nivel mas alto de predjuisios
|
la edukasion es una koza maraviyoza, ama de vez en kuando kale rekodrar ke nada ke valga la pena konoser puede ser ambezado
|
la edukasion se aze prinsipalmente, de lo ke mos dezambezimos
|
la egzistensia de tantas linguas diferentes es uno de los mas grandes misterios de la umanidad
|
la ekonomiya mundial es la mas efikas ekspresion del krimen organizado. Los organizmos enternasionales ke kontrolan la moneda, el komersio i el kredito praktikan el terrorizmo kontra los payizes proves, i kontra los proves de todos los payizes, kon una frialdad profesional i una impunidad ke arrebashan el mas eksperto terroristo kon bomba
|
la ekonomiya mundiala es oy un djigantesko kazino
|
la eksperiensia es el peine ke mos da la vida kuando pedrimos los kaveyos
|
la eksperiensia es el peine ke mos da la vida kuando pedrimos los kaveyos
|
la eksperiensia es un bilieto de loteriya merkado despues de travar al goral
|
la eksperiensia es una buena eskola, ama kosta muncho
|
la eksperiensia es una yama ke solo alumbra kemando
|
la eluenga es el uniko enstrumento de kortar ke se afila kada ves mas kon el uzo
|
la ermozura esta en los ojos del ke mira
|
la ermozura les sierve a las mujeres para ser amadas por los ombres, la bovedad para amar a los ombres
|
la esensia de la matematika mora en su libertad
|
la eskases mundial de alimentos ke toka unos miliones de ninyos podriya aliviarse kon lo ke kosta un solo diya de gerra
|
la eskola es la ajensia publisitaria ke te aze kreyer ke tienes menester de la sosiedad tal komo es
|
la esperansa de enrikeserse es una de las kavzas mas espandidas de la aniyut
|
la esperansa tiene dos ijas ermozas: el deshachalamiento i el koraje. El deshachalamiento ante el hal de las kozas i el koraje para trokarlas
|
la espesializasion mas grande korresponde a la mas grande inkultura > 27/07/05
|
la espontaneidad es el fruto de largas meditasiones
|
la estoria ideal de amor se aze por korrespondensia
|
la estoria mos ambeza ke kuando la djente dskuvre la barbariya, se mobiliza para derrokarla
|
la estoria mos ambeza ke ombres i nasiones solo se komportan komo benadames kuando atemaron las otras alternativas
|
la estoria sera amigavle kon mi, porke tengo la intension de eskrivirla
|
la estoria umana, entre salvasion i pedrision es ekivoka. Ni savemos si semos patrones de muestro destino
|
la estreyeriya sovre mi i el din moral en mi
|
la estupides de la djente proviene de tener una repuesta para todo. La saviduriya del romanso proviene de tener una pregunta para todo
|
la evolusion del djenero umano no se kumplira en dies mil anyos komo los animales domestikos, sino en un milyon de anyos komo los animales salvajes, porke el ombre es i siempre sera un animal salvaje
|
la evolusion ke yeva dezde la amiba al ombre parese reprezentar a las klaras un progreso para los filozofos, ama no savemos si la amiba aksepta o no esta opinion
|
la fantasiya umana es imensamente mas prove ke la realidad
|
la feliidad es una koza maraviyoza kuanto mas se le da a uno, mas le sovra
|
la felisidad es el enkanto de estar siempre bien enganyado
|
la felisidad es komo un gayiko: si lo asegiyes, nunka puedes aferrarlo, ama si te detienes avagar, puede ser ke se apoze sovre ti
|
la felisidad no es koza ke se konsiente ama koza de la ke mos akodramos
|
la fidelidad egziste ande el amor es mas huerte ke el instinkto
|
la fidelidad es el arte de pratikar el adulterio solo kon la imajinasion
|
la fin djustifika los medios ? Grasias Moggi
|
la fin esta en las vesiles, komo el arvole en la simiente
|
la finansa es rl arte de azer pasar las paras de mano en mano fina ke dezapareskan
|
la fizika es komo el sekso: en vezes puede dar rezultados praktikos, ama no es por esto ke mos entregamos a eya
|
la fuersa de una lingua non konsiste en arrondjar lo ajeno, ama en asimilarlo
|
la fuersa no proviene de la kapachita fizika, ma de una veluntad indominavle
|
La gerra es bushkar la pas vertiendo sangre, la pas es kontinuar kombatiendo sin verter sangre
|
la gerra es delisioza para los ke no la konosen
|
la gerra es el kamino ke el Dio uza para ensenyar la jeografiya a los Amerikanos
|
la gerra es la forma mas difundida del terrorizmo moderno
|
la gerra es una matansina entre ombres ke no se konosen i ke aprovechan otros ke se konosen ama ke no se matan
|
la gerra no se puede umanizar, solo se puede baldar
|
la gerrra es una lision de la estoria de la ke los puevlos no se akodran bastante
|
la grande diferensia entre el sekso por paras i el sekso debaldes es ke el sekso por paras es mas barato
|
la grandeza de una nasion i su progreso moral pueden amezurarsen por la manera kon la ke tratan a los animales
|
la grandeza no es solo resivir onores, ama ay ke mereserlos
|
la grandioza igualdad de las leyes veda a los rikos komo a lps proves de dormir basho los pontes
|
la ideolojiya es el karselero mas duro del pensamiento
|
la imajinasion konorta los ombres de lo ke no son. La shaka los konorta de lo ke son
|
la imajinasion no es mas ke el fruto de muestra memoria
|
la imajinasion sierve para viajar i kosta manko
|
la indiferensia,la kobardeza i el oportunizmo de los sivdadinos matan la demorasiya ainda mas ke los tiranos i los diktadores
|
la inkapasidad de somportar la soledad es lo ke aze a la djente sosiavle
|
la inkompetensia se manifesta kon el uzo de demaziadas palavras
|
la insierteza es una margarita ke nunka se akava/eskapa de desfojar
|
la intelijensia es una kategoriya moral
|
la investigasion de las hazinuras avanso tanto ke kada ves es manko kolay de topar uno ke este kumplidamente sano
|
la inyoransa es la madre de la felisidad i de la beatitud seksual
|
la inyoransa esta ma serka de la verdad ke lo prepensado
|
la inyoransa mas pezgada es la de su propia inyoransa
|
la kamera no puede mientir, ama puede ser un alat de mentira
|
la kapasidad de azer observasiones agudas se yama jeneralmente sinismo por akeyos ke karesen de eya
|
la kavza prinsipal de la difuzion de la inyoransa de masa es el echo ke todos saven meldar i eskrivir
|
la kestion moral egziste dezde muncho tiempo, ama agora se abolto en la prinsipal i mas emportante kestion politika, porke de su solusion dependen la rekuperasion de la fey en las insttusiones, la governavilidad del payis i la viabilidad del rejimen demokratiko
|
la klaridad es el benadamlik del filozofo
|
la klisa dize ke la tierra es apitada, ama yo se ke es redonda porke vide su solombra sovre la luna, i tengo mas konfiensa en una solombra ke en la klisa
|
la klisa se esta aziendo para munchos,el mas grande entrompieso kontra la fey. Ya no ven en eya ke la ambision umana de poder,el teatro chiko de ombres ke,kon el preteksto de administrar el kristianizmo ofisial, paresen mas bien entrompeser el vedradero esprito del kristianizmo
|
la koerensia demanda ke seamos inyorantes oy komo lo eramos atras un anyo
|
la kompensasion de aver sufrido tanto es ke despues morimos komo perros
|
la konsiensia es la bos interior ke mos aviza ke alguno podriya vermos
|
la konsiensia es lo ke te diziya tu madre antes ke kumplyeras sesh anyos
|
la konsiensia es un perro ke mos alisensia a pasar, ama no puedemos empedirle ke ladre
|
la konsiensia no mos empide de kometer pekados, ma dezdichozamente si, de gozar de eyos
|
la konstitusion fue eskrita para mamparar la djente de las sekanot de las buenas intensiones
|
la korrupsion es komo el esierkol, deve ser echo yok kada diya i diya
|
la kriyasion de moneda ex nihilo, lo ke agora pratikan las bankas,es esensialmente semejante a la aktividad de los monederos falsos. Solo ke los benefisiarios no son los mizmos
|
la kriza mos viene presizamente de ke lo viejo s'esta muriendo i ke lo muevo daynda no puede naser
|
la krueldad kon los animales es el aprendisaje de la krueldad hon los ombre
|
la kualidad de un livro depende del meldador
|
la kultura es lo ke sovra en el benadam kuando se lo olvido todo
|
la kultura es siempre ansina, kat tras kat de dichos sovre dichos, de ideas ke paren otras ideas, sentiyantes bayles de palavras a traves del tiempo i del espasio
|
la kultura es un alat ke utilizan los profesores ke, a su ves, fabrikaran otros profesores
|
la kurteza/brevedad es la alma de la saviduriya
|
la lealtad es un kompromizo kon mozotros mizmos,antes ke verso los otros
|
la ley bazika del kapitalizmo es tu o yo, no tu y yo
|
la libertad de prensa es puede ser la ke mas sufriyo la lenta degradasion de la idea de libertad
|
la libertad es komo la poeziya: no tiene menester de adjektivos, es libertad!
|
la libertad no egziste, ama la bushkida de la libertad, i es esta bushkida ke mos aze forros
|
la libertad solo para los segidores del Governo, solo para los miembros de un partido politiko, kualke numerozos ke fueran,no es libertad.Libertad es siempre la libertad del ke pensa de otro modo
|
la lingua es el kuero de la alma
|
la lingua es un kondjunto del ke kada avlante i avlante detiene una parte
|
la lingua es un siman/sinyo, el siman/sinyo mas grande de muestra kondision umana
|
la lingua es una parte de muestro guf, no manko komplikada ke este
|
la lingua internasiional de los futuros dores solo podra ser una lingua planifikada
|
la lingua no es otra koza ke una reduksion del pensamiento a su forma mas simple
|
la lokura es una kondision umana. En mozotros lokura i razon biven djuntas. El problema es ke la sosiedad, para yamarse sivilizada, deveriya akseptar igualmente la lpkura i la razon
|
la lucha kontra el poder es la lucha de la memoria kontra el olvido
|
la lus divina siega el mundo en lugar de alumbrarlo
|
la madre es el korason de la famiya, ke gasta las ganansias del padre en bienes de konsomasion para amijorar la atmosfera ande el kome, durme i mira la televizion
|
la mafia es el mijor enshemplo de kapitalizmo ke tenemos
|
la mafia es komo todo otro negosio, solo ke en vezes utiliza armas de fuego
|
la mafia no es una kestion unikamente italiana ni un sodjeto de kazalinos atrazados i de subdesvelopamiento en el sud de Italia, sino una kestion evropea
|
la mafia tuvo su empesijo i tendra su fin
|
la mankansa de lo ke se dezea es une parte indispensavle de la ventura
|
la manseves es una hazinura de la ke todos mos melezinamos
|
la mas alta dicha de la vida es la konviksion ke te aman tal komo sos, o mijor dicho, ke te amen malgrado de ser komo sos
|
la mas negra intoleransia es la de lo ke yaman razon
|
la mas parte de los ombres no nadan antes de saver azerlo
|
la mas parte de los sodjeftos kreyen ke son sodjeftos porke el rey es rey; ama no les kuadra ke en realidad el rey es rey porke eyos son sodjeftos
|
la mayoría de la gente no sólo acepta la violencia cuando es impuesta por la autoridad legítima, también la considera intrínsecamente legítima cuando se vuelve contra ciertos tipos de personas, sin importar quién la ejerce
|
la mayoridad de las personas prefereriya morir antes de meterse a pensar, i vedraderamente munchos lo azen deste modo
|
la melankoliya es la felisidad de estar triste
|
la meldadura es al sehel lo ke el egzersisio es al puerpo
|
la memoria de kada ombre es su literatura privada
|
la memoria umana es un instrumento maraviyozo ama enganyozo
|
la mentira es una de las kozas indispensavles para azer la vida somportavle
|
la merekiya no es lo ke inyoramos.Es lo ke estamos siguros de saver i es falso
|
la mijor manera de ambezarse a azer un filmo es azer uno
|
la mijor manera de azerse enganyar es kreyerse mas harrif ke los otros
|
la mijor parte de la fiksion, enmunchas novelas, es el avizo de ke los personajes son puramente imajinarios
|
la mision del eksperto no es ser mas harif ke otros, sino yerrarse por razones mas sofistikadas
|
la mitad del mundo esta kompuesta por djente ke tienen algo ke dizir i no pueden azerlo i la otra mitad por akeyos ke no tienen nada ke dizir i no kedan de dizirlo
|
la moda, o sea, la monotoniya en el trokamiento
|
la monogamiya es una invension de muestra sivilizasion oksidental para dar un sierto,i asta savio,orden a las institusiones siviles.No tiene nada ke ver kon la natura umana.Meto eskometa/bas a ken sea ke me amostre un ser umano vedraderamente monogamo
|
la muerte es algo ke no deve espantarmos, mientres semos, la muerte no es i kuando la muerte es, mozotros no semos
|
la muerte es asta agora, lo mas rezio ke envento la vida
|
la muerte es espantoza, ama mas espantoza seriya la konsiensia de bivir para siempre sin nunka djamay pueder morir
|
la muerte es una vida bivida. La vida es une muerte ke viene
|
la muerte morava en mi i me desho para morar en otro puerpo
|
la muerte no es la mas grande pedrita ke ay en la vida. La pedrita mas grande es lo ke muere adientro de mozotros mientres ke bivimos
|
la muerte no esta en la incomunicasion, ama en la imposivilidad de ya no poder ser entendidos
|
la muerte por si mizma, siempre mato muncho menos ke los ombres
|
la muerte se paga biviendo
|
la mujer en la ke se adivina ke azera un teatro si se le dize la verdad, esta demandando ke la enganyen
|
la mujer es un regalo ke vos eskoje
|
la muzika aktual esta dirijida por bankeros i kontavles: es una tendensia ke devemos kombatir totalmente
|
la nasion ke destruye su tierra se destruye a si mizma
|
la natura umana es lo ke mos aze maldizir al kaminante kuando estamos en la araba i al arabadji kuando semos kaminantes
|
la negasion de los derechos kulturales a las minoridades, destruye tanto el teshido moral de una sosiedad komo la negasion de los derechos siviles
|
la nesesidad no tiene ley
|
la ninyes tiene sus propias maneras de ver, pensar i sentir; nada mas dezmeoyado ke pretender substituyrles las muestras
|
la novedad es la koza mas vieja ke se konoska
|
la opinion puvlika es una tentativa de organizar la inyoransa de la djente i de enalteserla a la dinyidad kon la fuersa fizika
|
la organizasion de la sosiedad amerikana es un sistema entremesklado de semi-monopolios partikularmente pudridos i un elektorado ârtikularmente inyorante, enganyado por unos mezos de komunikasion partkularmente enkashadores
|
la orijinalidad es el arte de kopiar sin ke se veya
|
la palavra aforra el benadam. El ke no puede darse a eksprimirse es un esklavo
|
la palavra es meatad del ke avla i meatad del ke la siente
|
la parte mas vera de un jurnal es la publisidad
|
la pas es kuando ninguno trava, una pas djusta es kuando muestra vanda obtiene lo ke kere
|
la pas no es absensia de gerra, es una vertud, un estado de alma, una dispozision a la kerensia, a la feguzia, a la djustisia
|
la pas no es un regalo ke el dio da a los ombres, es un regalo ke los ombres se dan los unos a los otros
|
la pendola es la eluenga del sehel
|
la persona es mas otentika mientres ke mas se parese a la idea ke se sonyo de si mizma
|
la persona ke mas te espantas de kontradizir sos tu
|
la persona mas kolay de engayar es eya mizma
|
la perversion mas eksitante de la vida: el menester de lograr algo en menos tiempo de ke en vedra tendriya de menester
|
la poeziya es el marafet de verter la mar en un vazo
|
la poeziya es komo el pan, de todos
|
la poeziya le enyade vida a la vida
|
la poeziya me sierve para dizir akeyo ke se puede dizir
|
la politika deve azerse kon las manos limpias
|
la politika es el arte de bushkar problemas, enkontrarlos, azer un diagnostiko falso i aplikar despues los remedios yerrados
|
la politika es el arte de evitar ke la djente se preokupe de lo ke lo konserna
|
la politika es el arte de lo posivle. Konsiste en eskojer entre lo dezastrozo i lo dezagradavle
|
la politika es gerra sin vertimiento de sangre; la gerra es politika kon vertimiento de sangre
|
la politika es la seksion Espektakulo de la industia
|
la politika es la solombra ke las grandes emprezas echan sovre la sosiedad
|
la politika es una echa de ekilibro entre la djente ke kere entrar i akeyos ke no keren salir
|
la politika i el destino de la umanidad los fraguan ombres sin ideales i grandeza. Akeyos ke tienen sus ideal en si no entran en politika
|
la politika i la mafia son dos poderes ke biven del kontrol del mizmo territoro; o se azen la gerra o se meten de akodro
|
la posesion de un livro viene a sustituyirse a su meldadura
|
la praktika politika konsiste en inyorar los echos
|
la primera koza ke aze una mujer kuando kere ke un ombre la alkanse es echarse a korrer
|
la Primera Ley del Jurnalizmo: konfirmar los predjuisios egzistentes en lugar de kontradezirlos
|
la primera mafia ke devemos kombatir es la ke ay arientro de kada uno i uno de mozotros. Mozotros semos la mafia
|
la primera meatad de muestra vida la bozdean muestros djenitores, i la sigunda meatad muestros ijos
|
la propaganda es esta rama de la mentira ke konsiste en kuaji enganyar a los amigos sin eskapar de enganyar a los enemigos
|
la provedad del lenguaje mos aflaka i puede azermos siervos de las ideas de otros
|
la prudensia es una soltera rika i fea kortizada por la inkapachidad
|
la publisidad es el arte de trokar medias verdades en mentiras kompletas
|
la publisidad podriya deskrivirse komo el arte de detener la entelijensia del benadam el karar de tiempo menesterozo para travarle las paras
|
la puja de la saviduriya se puede mizurar egzaktamente bazandose en la mengua de la fiel
|
la realdad es solo una iluzion,ama muy turavle
|
la realidad es lo ke la mayoridad ve komo realidad
|
la realidad es una iluzion debida a la falta de akool
|
la reijion egziste dezde ke el primer berbante enkontro el primer bovo
|
la relijion es un kapolavoro del arte de amaestrar animales, porke auza a la djente a komo deven pensar
|
la relijion kristiana, tal i komo esta organizada en sus iglezias, fue i es ainda el prinsipal enemigo del progreso moral en el mundo
|
la reushida es tener lo ke se dezea. La ventura es dezear lo ke ya se tiene
|
la rikeza de los proves deskolga de sus ijos, la de los rikos de sus padres
|
la riza es la distansia mas korta entre dos personas
|
la satira politika se baldo kuando dieron el Nobel de la Paz a Henry Kissinger
|
la saviduriya en la vida es saver kitar lo ke no es indispensavle
|
la saviduriya se akava kuando muestro eshuenyo es tan alto ke lo pedremos de vista mientres aprovamos de alkansarlo
|
la semplichita es la forma de la vedradera grandeza
|
la sezudeza es la koza del mundo mijor espartida, porke kada uno i uno pensa tenerla en abatansa
|
la siedra es un mal ke solo la derecha aze somportavle
|
la siedra no tiene la mas chika idea del mundo en el ke bive
|
la siensia es un bedahayim de ideas muertas
|
la siensia no es perfekta, ama esto no kere dizir ke tienes menester de la relijion
|
la siensia no me enteresa. Inyora el eshuenyo, el azardo, la riza, el sentimiento i la kontradiksion, kozas ke me son karas
|
la siensia solo sierve a averiguar las topaduras del instinkto
|
la sivilizasion es una multiplikasion ilimitada de nesesidades inesesarias
|
la sivilizasion progresa munchiguando el numero de operasiones emportantes ke puedemos azer sin pensar
|
la skola komo mezo de edukasion fue para mi nada mas ke una koza vaziya
|
la sola koza ke empide el Dio a mandarmos otro mabul, es ke el primero fue sin provecho
|
la sola koza ke mos ambeza la eksperiensia es ke la ekperiensia no mos ambeza nada
|
la sola manera de evitar ke los otros konoskan muestros limitos es de nunka trespasarlos
|
la sola manera de mamparar muestra kultura es akseptar de meterla en sakana
|
la sola manera de mantener la salud es komer lo ke no keres, bever lo ke no te agrada i azer lo ke prefeririyas no azer
|
la sola manera kon la ke un reportero deve mirar un politiko es de arriva abasho
|
la sola tiraniya ke aksepto en este mundo es la de mi konsiensia
|
la soledad es para la alma lo ke la parnasa es para el puerpo
|
la soledad es una koza agradavle, ama kale ke aya una persona ke mos diga ke
|
la soledad ofrese al ombre de gran altura intelektual un dupio benefisio: estar kon si mizmo i no estar kon los otros
|
la solidaridad es la ternura de los puevlos
|
la solidaridad no es dar, ama luchar kontra la indjustisia
|
la sosiedad erotiko-publisitaria en la ke bivimos se esforsa por organizar el dezeo asta proporsiones sorprendentes, mientres mantiene la satisfaksion de la vida privada. Para ke la sosiedad funksione, para ke la kompetision siga, kale ke el dezeo kreska, se estienda i engluta la vida de los ombres
|
la sosiedad es permisiva kon las kozas ke no kostan nada
|
la sosiedad estima muncho el ombre normal. Eduka los ninyos para ke se piedran i se agan absurdos, trokandololos ansina en seres normales. Los ombres normales, puede ser, mataron sien milyones de otros ombres normales en los ultimos sien anyos
|
la sosiedad puede egzistir solo sovre sierta baza de amavles mentiras i kon una kondision, ker dinguno diga egzaktamente lo ke pensa
|
la taktika amoroza solo save utilizarla uno, si no esta enamorado
|
la telelevizion es fuerte komo un leon, la televizion no se espanta de ninguno, la televizion te adormese komo un bovo
|
la televizion es el espejo ke reflekta la derrota de toda muestra sistema kultural
|
la televizion es el uniko dormitorio ke se toma por los ojos
|
la televizion es la primera kultura vedraderamente demokratika, la primera kultura alkansavle para todos i echa asigun el dezeo de la djente. El uniko problema es lo ke dezea la djente
|
la televizion es mas interesante ke la djente. Si no fuera ansina tendriyamos personas en los kantones/rinkones de muestras kamaretas
|
la televizion es una invension ke te da la posivilidad de ser entretenido en tu salon por djente ke nunka tendriyas en kaza
|
la televizion izo muncho para la psikitriya, tanto asaventando sovre eya komo dandose por nesesaria
|
la televizion kriya el olvido, el sine kriya los rekodros
|
la teoriya del komunizmo puede rezumirse en una sola fraza: el baldamiento de la proprieta privada
|
la tierra pertenese a sus patrones, ama el paizaje pertenese al ke save apresiarlo
|
la tierra tiene una piel, i dita piel tiene hazinuras. Una destas hazinuras se yama 'ombre'
|
la ultima iluzion es kreyer ke uno pedriyo todas sus iluziones
|
la umanidad deve meter fin a/ atemar la gerra sino/otramente la gerra metera fin atemara la umanidad
|
la umanidad es tal komo es, no se trata de trokarla, ama de konoserla
|
la umanidad no somporta la idea ke el mundo nasiera por aksidente, por yerro, solo porke kuatro atomos dezmeoyados se chokaran en una autopista mojada.Alora kale topar una konspirasion kozmika, El Dio, los andjeles o los diavlos
|
la unika alegriya del mundo es empesar. bivir es ermozo porke bivir es empesar, siempre, en kada punto i punto
|
la unika felisidad ke tenemos viene de la ke damos
|
la unika funksion de las previziones ekonomikas es azer apareser respektavle la astrolojiya
|
la unika lucha ke se piedre es la ke se abandona
|
la unika manera de dezvelopar el sentido de la responsabilidad en las personas es de konfiarles responsabilidad
|
la unika pas solida i duradera entre un ombre i su espoza es sin duvda la kitasion
|
la unika tendensia del sine aktual es la de ganar munchas paras
|
la utopiya esta en el orizonte. Me aserko de dos pasos, eya se alesha de dos pasos . Kamino dies pasos i el orizonte va dies pasos mas aya. Por kuanto ke kamine, nunka lo alkansare. Para ke sierve la utopiya? Para esto : sierve para kaminar
|
la vedra sovre las intensiones de un ombre no se ambeza perguntandosela
|
la vedradera elegansia moral konsiste en prezentar muestras viktorias komo derrotas
|
la vedradera filozofiya es reambezar a ver el mundo
|
la vedradera funsion del ombre es bivir, no egzistir. No gastare mis diyas provando de prolongarlos. Aprovechare mi tiempo
|
la vedradera inyoransa no es falta de konosimiento, ama refuzo de konoser
|
la vedradera reushita es yegar a ser la mijor persona ke puedes
|
la vedradera Universidad no esta en un lugar espesifiko. No tiene propiedades, no paga salarios ni resive bienes materiales. La vedradera Universidad es una dispozision mental
|
la vedradera valor de un benadam se determina a su kapachidad de pueder liberarse de si mizmo
|
la vejes rs lo mas imprevisto de todas las kozas ke le pueden afitar a un ombre
|
La vengansa mas kruel de una mujer es de kedarse fiel a un ombre
|
la ventura es el premio ke arresive el ke no la bushko
|
La verdad es la koza mas presiada ke tenemos. Mamparemosla
|
la verdad es totalmente interior. no ay ke bushkarla ahuera de mozotros, ni kerer afirmarla luchando zorla kon enemigos eksterioresenemigos eksteriores
|
la verdad no esta en un solo suenyo,ma en munchos
|
La verdad nunka danya una kavza djusta
|
la verdad, solo es dinyo de dizirla akel ke no se espanta de morir
|
la vertud de los padres es una grande dota
|
la vida es komo un lagum. lo ke obtienes de eya depende de akeyo ke le dates
|
la vida es el modelo de los biervos
|
la vida es komo tanyer el violin en publiko, en lo ke se ambeza a tanyer el enstrumento
|
la vida es lo ke te pasa en lo ke estas embevesido por otros proyektos
|
la vida es maravyoza si no se le tiene sar
|
la vida es un kuento kontado por un bovo,yeno de barana i furia ke no sinyifika nada
|
la vida es una eskola de probabilidades
|
la vida es una fraza sin kedar
|
la vida es una ovra de teatro ke no aksepta provas. Por esto, kanta, yora, baila, riye i bive intensamente kada momento de tu vida, antes de ke el telon se abashe i la ovra se eskape sin palmas
|
la vida no es la ke una persona bivio, ama lo ke la persona se akodra i komo se akodra para kontarla
|
la vida no es mas ke un kondjunto de imajenes en el meoyo;no egziste diferensia entre las ke salen de kozas reales i las ke salen de los eshuenyos intimos, ni ay razon para estimar unas por ensima de otras
|
La vida no vale la pena de ser bivida si no saves apresiar lo ke ofrese
|
la vida se entiende verso atras, ama se bive verso adelantre
|
la vida ya no es una shaka para mi; no la topo divertiente
|
la violensia es la partera de toda vieja sosiedad prenyada de una mueva
|
la yave para fraguar una superestreya es no desharla avrir la boka. Revelar un artisto al publiko puede estruirlo. Para ninguno es util ver la verdad
|
las almas djenerozas se ofenden mas kon salameriyas ke kon dichas negras
|
las almas tienen un modo partikular de entendersen,de entrar en entimidad unas kon otras i asta de tutearsen, mientres ke muestros puerpos se topan daynda atados por las palavras vulgares de la sumision a las egzijensias sosiales
|
las amistades no se eskojen por azardo, sino asigun las pasiones ke mos dominan
|
las ataduras ke atan el respekto de unas personas por otras son jeneralmente ataduras menesterozas
|
las barieras solo emprovesen los puevlos, los enfrentan unos a otros, los azen avlar una lingua dezmodrada i inentendivle de espasio vital i de menesteres jeopolitikos,los yevan a maldezir los imigrantes ajenos,kuaji komo si se tratara de leprozos, i komo si la ferosidad kon ke kada puevlo se replega sovre si mizmo pudiera,en lugar de krear mizeria i deskontestes,produzir rikeza i poder
|
las batayas kontra las mujeres son las solas ke se ganan fuyendo
|
las dos palavras mas ermozas de la lingua ingleza son : 'cheke adjunto'
|
las echizeras kedaron de egzistir kuando kedimos de kemarlas
|
las fabrikas de armas ayudan a kombatir el batallik?
|
las fronteras de mi lingua son las de mi mundo
|
las grandes almas son kapaches de los mas grandes visios komo de las mas grandes vertudes
|
las ideas son komo las pulgas, saltan de uno a otro, ama no punchan a todos
|
las ideas son mas poderozas ke las armas nukleares
|
las ideas son mas poderozas ke las armas. No deshariyamos ke muestros enemigos tuvieran armas. Por ke deveriyamos deshar ke tuvieran ideas?
|
las kadenas del matrimio son tan pezgadas ke para yevarlas kale dos personas, i , en vezes, tres
|
las klasas populares no tienen otra mision ke la de dar el buen enshemplo
|
las konferensias de dezarmamiento son los egzersisios kontra insendios de los piromanos
|
las konsejas son muestros eshuenyos. i muestros eshuenyos son muestra vida
|
las konviksiones son enemigas de la vedra, mas sekanozas ke las mentiras
|
las kozas imposivles son mas kolay ke las difisiles
|
las kozas ke la mas parte de la djente kere saver son djeneralmente las ke menos las konsernan
|
las kozas ke mijor savemos son akeyas ke no mos ambezimos
|
las kriyaturas lo topan todo en nada, los ombres no topan nada en todo
|
las lagrimas salen del buz de la alma ke va derritiendose
|
las leyes son telas de aranyas por las ke pasan las moshkas godras i en las ke kedan las chikas
|
las linguas, komo las relijiones, biven de las koferutes
|
las masas se enganyan mas kolaymente kon una gran mentira ke kon una chika
|
las mizmas palavras, dichas por bokas diferentes, toman sinyifikasiones diferentes, asta kontrarias
|
las mujeres ... una bavajada las atraye, un komplimento las aze fuyir
|
las mujeres deven azer kualker koza dos vezes mijor ke los ombres para ser djuzgadas la mitad/meatad; por dicha no es yuch
|
las mujeres kumplen el sien por siento de lo ke dizen; los ombres inkumplen el sinkuenta por siento
|
las mujeres mos keren por muestros defektos. Si tenemos bastantes mos pedronan todo, asta muestro entendimiento
|
las mujeres son bastante hanefas para ke todos sus ijos puedan afirmar kon konviksion avlando de sus madre ke era una santa
|
las nasiones mas grandes se portaron siempre komo bandidos i las chikas komo eskaradas
|
las palavras ke ofenden son el grito de muestra inyoransa
|
las palavras mas antiguas i mas kortas - 'si' i 'no' - egzijen la mas grande atension > 16/12/06
|
las palavras mas ermozas no son 'te amo', sino 'es afavle'
|
las palavras no las azen los akademikos en las akademiyas, ama la djente en la kaye. Los otores de los diksionarios las aferran kaji siempre demaziado tadre, las embalsaman alfabetikamente, i en munchos kavzos kuando ya no sinyifikan lo ke pensaron sus inventores
|
las palavras son emportantes si son pokas
|
las palavras son komo monedas, ke una vale por munchas komo munchas valen por una
|
las palavras son todo lo ke tenemos
|
las palavras tienen la valor ke les da el ke las oye
|
las paras ayudan a somportar la proveza
|
las paras son un buen moso, ama un patron malo
|
las pasiones son visios o vertudes solo si se yevan a la egzasperasion
|
las patatas fritas son una de las kreasiones mas espirituales del djenio pariziano
|
las perguntas a las ke no se arresponde kuando nasen kedaran siempre sin repuesta
|
las personas ke nunka riyen, no son benadames
|
las personas no tienen grandes ideyas. Son las ideyas ke se topan kon las personas
|
las personas sivilizadas no pueden satisfazer sus instinktos seksuales sin amor
|
las personas son ridikolas solo kuando keren azer komo si o ser lo ke no son
|
las personas viajan para sorprendersen kon las montanyas, las mares, los riyos, las estreyas, ama pasan por si mizmas sin maraviyarsen
|
las relijiones komo los guzanos luminozos tienen menester de la eskuridad para poder briyar
|
las relijiones son las armas mas poderozas ke el Mal nunka se aya imajinado
|
las rikezas no azen riko, ama okupado
|
las satiras ke el sensor entiende son djustamente vedadas
|
las solas repuestas provechozas son las ke yevan a muevas preguntas
|
las tentasiones, kontrariamente a los mazales buenos, se prezentan siempre una sigunda ves
|
Las Vegas se apuntariya si la komparan kon Wall Street.En Las Vegas la djente save kuales son las probavilidades.En Wall Street manipulan las probavilidades en lo ke uno djuga
|
las verdades de baza, los grandes prinsipios, finalmente son solo dos o tres.Son los ke te ambezava tu madre kuando eras chiko
|
lavorar es manko enfasiozo ke englenearse
|
le fado, komo a todos los ombres, malos tiempos para bivir
|
lla vieja guayatina de ke la kultura de masas esta echa para ninyos de onze anyos es una mentira verguensoza. En realidad, la edad - yave esta mas serka de los katorze
|
lo bueno de la demokrasiya es este: todos pueden dizir lo ke keran, ama no es menester de eskucharlos
|
lo bueno de las normas es ke son tantas. Ke se puede eskojer entre eyas
|
lo dijital es la presteza, la efikasidad. El papel es el plazer
|
lo emporante no es azer muncho, ama azerlo kon muncha amor
|
lo ke dezeo es ke todo sea sirkolar i ke en la forma no ayga, para dizirlo ansina, ni empesijo ni fin, ama, a la kontra, la ideya de kondjunto armoniozo ke karakteriza la vida
|
lo ke distinge el ombre dezmeoyudo del meoyudo es ke el primero ansia morir orguyozamente por una kavza, mientres ke el sigundo aspira a bivir
|
lo ke esta en el korason del sobriyo esta en la eluenga del borracho
|
lo ke konsideras komo un tepe solo es un eskalon
|
lo ke konta no es tanto la idea, sino la kapachidad de kreer en eya final kavo
|
lo ke mas me espanta es el invierno de la memoria
|
lo ke no es provechozo para su nido no lo es ni para la bezba
|
lo ke pensamos de la muerte solo tiene importansia por lo ke la muerte mos aze pensar de la vida
|
lo ke siempre izo del estado un geynam en la tierra fue djustamente el esforso del benadam para ke se iziera gan eden
|
lo ke yamamos progreso es trokar una sekatura por otra
|
lo kontrario de un puevlo sivilizado es un puevlo kriador
|
lo malo es ke la jenerozidad puede tambien ser un buen negosio
|
lo maraviyozo de la gerra es ke kada gadol i gadol de asasinos aze bendizir sus bandieras i invokar seremoniozamente al Dio antes de echarse a eksterminar su proksimo
|
lo mas arraviante en l'amor es ke se trata de un krimen ke tiene menester de un kompliche
|
lo mas emportante de la komunikasion es eskuchar lo ke no se dize
|
lo mas ondo del ser benadam es su kuero
|
lo mijor de la vida no se bushka, se enkontra
|
lo mijor del futuro es ke yega solo un diya a la ves
|
lo mijor ke la natura dio al ombre es la kurteza de su vida
|
lo obseno no es la pornografiya, ama ke una persona pueda morir de ambre
|
lo peor ke le puede afitar a un djenio es ke lo entiendan
|
lo politika, ke es el arte de okuparse de la koza politika,es ovra de politikos ke son artistos de los echos privados
|
lo primero ke deve de tener un kapo de estado es la lentitud de meoyo, lo ke no siempre es kolay de alkansar
|
lo terrivle en este mundo es ke bushkamos kon la mizma ardor la felisidad i luchamos para ke los otros no la alkansen
|
lo uniko ke dizimos es denle una posivilidad a la pas
|
lo uniko ke separa el ombre de lo ke dezea en la vida es, a korruto, solo la veluntad de provar, la h/fuersa de kreer ke seya posivle
|
loko es el ombre ke lo pedrio todo manko la razon
|
los amigos son esta parte de la rasa umana kon la ke uno puede ser umano
|
los analfabetos del siglo XXI, no seran akeyos ke no sepan meldar i eskrivir, sino mas bien akeyos ke no puedan ambezar,dezambezar lo ambezado i ambezar de muevo
|
los avokatos son las unikas personas a las ke no se kastiga por no konoser la ley
|
los avokatos son los unikos delikuentes komunes de los ke los djuezes tienen ke ser eskojidos mutlak entre eyos
|
los bankos fueron konsevidos en la endjustisia i nasieron del pekado. Los bankeros son los patrones del mundo. Arrevatadlos, ama si les deshad el poder de fabrikar dinero,de un plumaso se lo bolveran a merkar.Portanto, si se les kitara este poder, todas las grandes fortunas komo la miya se azeriyan umo. Si tal koza afitara, biviriyamos en un mundo mas dichozo i mijor para todos. Ama si keremos kedar siervos de los bankeros, i korrer kon los gastes de muestra servidumbre, deshemos ke sigan fabrikando dinero
|
los bibliofilos kon bibliotekas yenas de livros de los ke no aboltan una sola pajina se podriyan komparar kon sinklavos en un haren
|
los biervos ke empleyas para deskrivir la realidad, krian la realidad
|
los biervos ke se azen famozos emprovesen la lingua
|
los derechos de los otros se asemejan demaziado a los muestros
|
los derechos pujan otomatikamente para ken kumple devidamente kon sus ovligasiones
|
los deskubrimientos no ayudan el Treser Mundo, pujan la indjustisia
|
los despotas saven rezolver todos los problemas eksepto el mas grave : eyos mizmos
|
los dikdionarios deven ser korrejidos de kontino, komo las kartas jeografikas
|
los diksionarios son komo las oras: el mas negro es mijor ke nada, i no puedemos fiarmos ni mizmo del mijor
|
los diktadores pueden reformar las leyes ama no los uzos
|
los diyas inolvidavles en la vida de un ombre no trespasan de sinko o sesh. Los otros son komo gomo
|
los eshuenyos se trokan en realidad. si no fuera ansina, la natura no mos empushariya a sonyar
|
los espesialistos son personas son personas ke van segundeando los mizmos yerros
|
los espritos kreativos se amostraron siempre kapaches de sovrebivir i en los mas negros sistemas edukativos
|
los Estados Unidos paresen destinados por la Providensia a yenar la Amerika de mizeria en nombre de la libertad
|
los filozofos solo interpretaron el mundo; agora kale transformarlo
|
los governos nunka se ambezan. Solo la djente se ambeza
|
los grandes akontesimientos del mundo tienen lugar en el meoyo
|
los grandes amores empesan de manera muy presiza, pishin,solo al verla, uno se demanda : Ken es esta bova ?
|
los grandes ombres son los ke estan mas solos
|
los inglezes admiran kualsiker sin talento i no trave orguyo desta koza
|
los italianos estan siempre prontos a korrer al ayudo de los vensedores
|
los italianos piedren los partidos de futbol komo si fueran gerras las gerras komo si fuean partidos de futbol
|
los jurnalistos no se kreyen las mentiras de los politikos, ama las repeten/segundean, aindamas negro
|
Los kaminos de la lealtad son siempre derechos
|
los kaminos se azen kaminando
|
los ke eskriven komo avlan, mizmo si avlan bien, eskriven muy mal
|
los ke ganan,en kualsiker modo,nunka resiviran keshas
|
los ke mos eksplotan pueden ser kreyivles komo muestros edukadores?
|
los ke mueren fuyendo son mas ke los ke mueren kombatiendo
|
los ke naturalmente son sanginarios verso los animales dan la prova de sus propension natural a la krueldad
|
los ke sonyan de diya saven munchas kozas ke se piedren los ke sonyan de noche
|
los Kishotes de oy no luchan kontra ama para los molinos de viento
|
los kolejios segundarios de muestra epoka son poko mas ke guarderiyas para adultos virtuozos en las ke en vezes por puro fado, se da algun tipo de ensenyansa, en su mayor parte de duvdoza valor
|
los kriminales de ayer son la sinyores de oy i los kriminales de oy seran los sinyores de manyana
|
los laboratorios farmaseutikos saven mijor deskuvrir muevas hazinuras adekuadas a las melezinas egzistentes, ke deskuvrir muevas melezinas par las hazinuras egzistentes
|
Los ladrones respektan la propieta, solo ke keren ke vengan a ser propieta suyas para respektarla mijor
|
los livro sierven para demostrarle a un ombre ke sus ideas tan orijinales en ninguna manera son nuevas
|
los livros negros kavzan negros uzos i los uzos negros kavzan buenos livros
|
los livros tienen los mizmos enemigos ke el ombre: el fuego/huego, la umedad, los animales, el tiempo i sus kontenido mizmo
|
los livros tienen sus orguyo, kuando se prestan no aboltan nunka
|
los lokos avren los kaminos ke mas tadre rekorren los savios
|
los malos egzisten porke ay buenos; kita a los buenos i los malos dezapareseran poko a poko
|
los mansevos de oy imajinan ke solo kontan las paras i echos mas aedados deskuvren ke ansina es
|
los mansevos se embabukan sovre sus futuro; los viejos sovre sus pasado
|
los maridos son buenos amantes, indimas kuando traisionan a sus mujeres
|
los maymunes antropomorfes i los babuinos no avlan porke, si lo izieran, los umanos los ovligariyan a lavorar
|
los medikos preskriven melezinas ke konosen poko, a hazinos ke konosen manko, para kurar hazinuras ke no konosen del todo
|
los meldadores son personajes imajinarios kriyados por la fantaziya de los eskritores
|
los mezos de komunikasion son un djugete en las manos de los rikos. I afilu los rikos los uzan para enrikesersen mas
|
los muertos son mas numerozos ke los bivos. Sus kuenta va munchiguando. Los bivos van amenguandosen
|
los ninyos nunka eskucharon los adultos kon agrado, ama nunka mankaron de imitarlos
|
los norteamerikanos son ombres sanos i embevesidos de demokrasia
|
los ombre fraguan demaziadas murayas ama no bastantes puentes
|
los ombres de pokas palavras son los mijores
|
los ombres gritan para no oyirsen
|
los ombres ke avlan muncho no dizen nada
|
los ombres ke mijor salen a bash kon las mujeres,son ekeyos mizmos ke saven komo bivir sin eyas
|
los ombres ke se glorifikaron de aver echo una revolusion, al otro diya siempre entendieron ke no saviyan lo ke aziyan, ke la revolusion akavada no se parese en nada a lo ke eyos keriyan azer
|
los ombres nasen inyorantes, no bovos, la bovedad es el rezultado de la edukasion
|
los ombres no azen el mal de manera tan absoluta i kon tanto entuziasmo komo kuando lo azen por konviksion relijioza
|
los ombres no se averguensan de pensar kozas suzias: ama les da verguensa pensar ke se le puedan atribuyir ditos pensamientos
|
los ombres no son kativos de sus destino, sino de sus opiniones
|
los ombres non seran vertuozos si no se les da lesensia de ser visiozos
|
los ombres son siempre sinseros. Trokan de sinseridad, nada mas
|
los ombres tienen manko akavidamiento en ofensar al ke se aze amar ke al ke se aze temer
|
los ombres tienen refleksos lentos, jeneralmente tadran munchos jerenansios para entender
|
los ombres tienen una arma ke es realmente provechoza: la riza
|
los ombres tienen una opinion totalmente yerrada de sus pozision en le natura; i este yerro es inkorrejivle
|
los ombres trokan sus sentimientos i sus komportos kon la mizma rapides kon la ke se trokan sus entereses
|
los ombres yegan a ser gibores solo kuando no pueden ser otra koza
|
los otros no te desharan bivir komo dezeas. ama si sos sufizientemente ezvelto i fuerte, a lo manko no deveras bivir komo eyos dezean
|
los partidos de oy son,sovre todo, makinas de poder i de klientela
|
los pasifistos sonkomo ovejas ke kreen ke el lovo es vejetariano
|
los patos guevan kon kayades. Las gaynas a la kontra, gritan komo lokas. El rezultado? Todo el mundo kome guevos de gayna
|
los poetas no maduros imitan; los poetas maduros arrovan
|
los poetas no tienen pudor kon sus eksperiensias: las eksplotan
|
los poetas son ombres ke guadraron sus ojos de ninyo
|
los politikos avlan en nombre de sus partidos, i los partidos nunka estan, nunka estuvieron i nunka estaran yerrados
|
los politikos de la siedra dizen ke los politikos de la derecha son sakanozos para muestro payis; los de la derecha,a su vez, dizen lo mizmo de sus kolegas de la siedra. Yo dariya,modestamente, la idea de ke puede ser ke ambos son sakanozos e
|
los politikos no son sino los garsones de los bankeros
|
los politikos son personas ke,kuando ven lus a la fin del tunel, van i merkan mas tunel
|
los povres van a la gerra a luchar i morir por los kaprichos, la rikeza i la demaziya de otros
|
los problemas mas negros de un ombre empesan kuando puede ovrar a su manera
|
los puevlos indijenos son la rezerva moral de la umanidad
|
los rekodros ke tenemos los unos de los otros, asta en el amor, nunka son los mizmos
|
los rekodros se soltan komo los suenyos
|
los salameros se paresen a los amigos komo los lovos a los perros
|
los satisfechos, los dichozos, no aman, se durmen en sus uzos
|
los selos son un ladrido de perros ke trava a los ladrones
|
los seres umanos no konsienten muncha estima por los otros porke konsienten poko por si mizmos
|
los seres umanos pueden ser arrekojidos en tres grupos:los muertos de kanseria, los muertos de enfasio i los muertos de ansia/merekiya
|
los seres umanos se izieron alates de sus alates
|
los seres umanos son los unikos animales ke se enkorladean. o ke deven azerlo
|
los sivdadinos son sometidos a tantas enkuestas de opinion ke se kedan sin opinion
|
los suisos son fanatikos de la limpieza, lavan mizmo las paras
|
los tasmanianos ke nunka kometieron adulterio, son oy una rasa amatada
|
los terdjumanes son los kavayos ke travan la kultura
|
los trezladadores son komo los retratistos, pueden afermoziguar la kopia ama esta devera siempre pareserse al orijinal >
|
los trezlados (komo las espozas) son ralamente fieles si tienen kozas atraktivas
|
los unikos ke siempre estan aboltando de alguna parte son los ke no se fueron nunka a ninguna parte
|
los unikos ojos ermozos son los ke te miran kon ternura
|
l'amor en grupo tiene el hayir ke si uno lo dezea, puede durmir
|
