para aklarar una palavra kale otras palavras,ke, a sus torno, deven ser aklaradas kon otras, i ansina asta el infnito.La komunikasion es una iluzion
|
para azer ke lo simple pareska komplikado no es menester talento, para azer ke lo komplikado pareska simple, enkantadamente simple, esto es kreatividad
|
para el benadam ke save demaziado, no es kolay no mentir
|
para estruir una kultura no es menester kemar los livros. Basta azer ke la djente ya no los melde
|
para eyos, todos son nazistos; para los animales es un Treblinka permanente
|
para kada problema i problema entravikado ay una solusion sempliche ke es yerrada
|
para ke repetir viejos yerros aviendo tantos yerros muevos ke kometer ?
|
para ke sierve bivir, si no se tiene el koraje de luchar?
|
para ke triunfe el mal, solo kale ke los buenos no agan nada
|
para ke uzar palavras godras? por lo poko ke sinyifican!
|
para kualsikier koza ke se kiera dizir, solo ay una palavra para dar a entenderla, solo un verbo para animarla i solo un adjektivo para kalifikarla
|
para la majorita de los ombres, la eksperiensia es komo las luzes de la popa del barko : ke alumbran solo el kamino ke keda a sus espaldas
|
para munchas mujeres el kamino mas korto verso la perfeksion es la ternura
|
para munchos ombres, la vida es la bushkida de la anvelop djusta ande archivarse
|
para ser miembro primario de un revanyo de ovejas, kale primero ser oveja
|
para ser patriota, aborrese todas las nasiones menos la tuya; para ser relijiozo, todas las sektas menos la tuya; para amostrar moralidad, todas las falsas aparensias menos la tuya
|
para ser perfekta solo le faltava un defekto
|
para ser si mizmo kale ser alguno
|
para somportar la egzistensia mentimos i, sovre todo, mos mentimos
|
para topar un amigo kale serrar un ojo, para guadrarlo, los dos
|
para un ombre,el sekreto de la azlaha en el lavoro es tener una grande mujer a su lado. I trokarla a korruto...
|
paradigmo de la estupides : el dinero aze de la fidelidad infidelidad, del amor aborrision, de la virtud visio, del esklavo amo, del amo esklavo, de la bovedad intelijensia i de la intelijansia bovedad
|
paresiya komo si el mundo estuviera partido en buenos i negros. Los buenos durmiyan mijor alora ke los negros paresiyan gozar muncho mas de las oras de despertes
|
Pasolini fue asesinado en 1975 i es sorprendente ke atabafar una sola bos pudiera kostar tanto karo a un puevlo entero
|
patriotizmo es kreyer ke tu payis es superior a todos los otros porke tu nasites ayi
|
pedronen si los yamo siniores, ama es ke los konosko muy bien
|
pensar es el lavoro mas yuch ke egziste
|
pensar es siempre algo terrivle
|
pensar no aze danyo
|
penso, dunke egzisto
|
perkura de no azerte un ben adam ke reushe, ama uno ke tiene valor
|
personalmente esto siempre pronto a ambezar, afilu ke no siempre me agrada ke me den lisiones
|
Picasso es un pintor, yo tambien; Picasso es espanyol, yo tambien; Picasso es komunisto; yo no ni no
|
podemos detenermos en lo ke estamos suviendo, ama nunka abashando
|
podran kortar todas las flores, ama no podran detener la primavera
|
podriyamos echar por la ventana la mitad de las melezinas, si no fuera porke los pasharikos podriyan komerlas
|
poeziya es la union de dos palavras ke no se imajina poder djuntarsen un diya, i ke forman alguna koza komo un misterio
|
pokas kozas son tan introkavles komo el atamiento de los grupos politikos a las ideas ke los yevaron al poder
|
pokos ven lo ke somos, ama todos ven lo ke afektamos ser
|
politika: konflikto de intereses maskarado de lucha de prinsipios
|
por ke espantarse de la muerte? Es la aventura mas ermoza de la vida
|
por ke jeneralmente se fuye de la soledad? Porke son muy pokos los ke topan kompanyiya kon si miizmos
|
por no ser yo un letrado, siertos prezentuozos pretenden tener motivo para kritikarme, afirmando ke no so un umanisto. Djente torpe! Estos no saven ke yo podriya arresponderles a la manera de Mario a los Patrisios romanos: 'Los ke se glorifikan de las ovras de los otros i se apoyan en eyas, no keren rekonoserme el merito de las miyas'
|
por tu bien' es un argumento konvensiente ke puede yevar un ombre a akseptar su propia estruision
|
porke la natura kriyo el ombre? Para demostrar ke es tan grande ke puede azer yerros o por pura inyoransa?
|
porke para mi,de todas las kozas ke no estan en mi poder, nada va mas aya de mi onor, ke fraguar ataduras de amistad kon los ombres ke aman la verdad sinseramente
|
portanto, tambien lo kontrario es siempre vedradero
|
pratikar libremente muestro sehel, esta es la vedradera ventura
|
prever es yuch, indimas si se trata del futuro
|
primero se forro despues demanda la alforriy
|
puede ser ke este mundo seya el geynam de otra planeta
|
puede ser ke oy el eskopo no es de deskuvrir lo ke semos, sino arrempushar lo ke semos
|
puedemos dizir ke las linguas son difisiles kon proporsiones aboltadas a la roves de la fuersa ke mos empusha para ambezarlas
|
pueden azersen kozas ekstraordinarias kuando no se pretende atribuirse el merito
|
puedo tolerar la fuersa bruta, ama la razon bruta es insomportavle
|
