ka demokrasiya da a kada ombre i ombre el derecho de ser el opresor de si mizmo
|
kada benadam i benadam tiene su dover en esta vida, i nunka es el ke uviera dezeado eskojer
|
kada estoria es estoria kontemporanea
|
kada pensamiento es la eksepsion de una regla jeneral ke es la de no pensar
|
kada uno i no solo oye lo ke entiende
|
kada uno i uno de muestros puntos es uniko i otro i nunka semos los mizmos de un punto al otro, de un tiempo al otro
|
kada uno i uno de mozotros mos sentimos atrayidos por el pasado kon la mayor fuersa, porke es la unika koza ke vedraderamente konosemos i keremos
|
kada uno i uno es koo el dio lo izo i munchas vezes mas vegro
|
kada uno i uno konfunde las fronteras de su kampo de vizion kon las del
|
kada uno i uno yama barbariya lo ke no se asemeja a sus propios uzos
|
kada uno i uno; en lo ke esta meldando, melda en si mizmo . la ovra del eskritor solo es un enstrumento optiko ofresido al meldador para darle la posivilidad de sintir lo ke, sin eya, nunka uviera visto
|
kada ves ke se diskute de una determinada libertad, es de la libertad mizma ke se diskute
|
kada ves ke una persona basta para kumplir kon su lavoro kon adjile, el rezultado sera peor si lo azen a dos, i yuch sera akavarlo si deven azerlo entre tres o mas
|
kada ves ke veo un adulto en una bisikleta, ya no dezespero en la rasa umana
|
kaji todos los medikos tienen sus hazinuras preferidas
|
kale muncho, muncho tiempo para ser djoven
|
kale ser muy fuerte para agradar la soledad
|
kale ser optimisto para ser Demokrato, i umoristo para kontinuar de serlo
|
kaminando i kaminando, mizmo rekorriendo todos sus kaminos, nunka puedras alkansar los konfinos de la alma, tanto ondo es su logos
|
kastidad:la manko natural de las perversiones seksuales
|
kastigar a una persona es kerer amijorarla kon el kastigo
|
kazar kon una mujer a la ke uno ama i ke lo ama a uno, es eskometer ken sera el primero ke deshara de amar al otro
|
ke egzista un ser umano sin echo es inyegar el derecho de bivir i es mas negro ke la muerte
|
ke es asaltar una banka komparandolo a fondarla
|
ke esta asperando la unesco para deklarar patrimonio de la umanidad la tierra entera?
|
ke klona mas: la jenetika o la televizion?
|
ke kosta eskrivir un livro? meldarlo es lo yuch
|
ke koza es el plazer, sino una dolor kodja dulse
|
ke la djente vulgar de a entender sus ideas kon klaridad esta leshos de ser siguro, i kuando lo aze no se deve a su fasilidad de ekspresion, sino a lo superfisial de sus ideas
|
ke manziya ! en lo ke inventa una makina para azer su lavoro el ombre empesa a morirse de ambre
|
ke manziya ke las unikas personas ke saven giyar el payis esten demaziado ocupadas konduziendo taksis o kortando kaveyos
|
ke no savemos lo ke mos kontese: esto es lo ke mos akontese
|
ke otros se horferten de las pajinas ke eskrivieron, a mi me dan orguyo las ke meldi
|
ke pena ke bever agua no sea pekado. Seriya delisioza!
|
ke seriya la vida si no tuvieramos el koraje de entrar en riziko?
|
keda de esperar i kedaras de espantarte
|
ken en una diskusion se apoya en su otoridad,no uza la razon, sino la memoria
|
ken es inkapache de amar es ainda mas dezdichozo ke akel ke ninguno ama
|
ken lucha puede pedrer.Ken no lucha ya pedriyo
|
ken munchigua la saviduriya,munchigua la dolor
|
ken no kastiga el mal, manda ke se aga
|
ken no konose las linguas ajenas no save nada de la suya
|
ken no tiene imajinasion, no tiene alas
|
ken nunka tuvo un perro, no puede saver lo ke es amar i ser amado
|
ken puede nyegar ke el entorno esta bozdeado?
|
ken resive mas, resive en funsion de los otros. No es mas grande ni mijor, es mas responsavle. Deve servir mas. Bivir para servir
|
ken save lo ke uviera deskuvierto Kolon si Amerika no se uviera interpuesto
|
ken save si la etika ya no es una siensia mutlak dezaparesida del mundo entero . No emporta, tendremos ke enventarla otra ves
|
ken siendo amado es prove?
|
keres ke munchos te ayuden? Mira de no tenerlos de menester
|
keres ke sea emposivle ke un ombre oprima a otro? Asigurate ke dinguno tenga poder
|
kerida demokrasiya, abolta a kaza, ke no es tadre
|
keriendo pareser lo ke no semos, deshamos lo ke semos
|
kero azer kontigo lo ke la primavera aze kon las serezas
|
kero dizirvos una koza ke mozotros los israelianos le reprochamos a Moshe: kuarenta anyos mos izo andar por el dizierto para yevarmos al uniko lugar del Oriente Medio ande no ay petrelio
|
kijera ke el sertifikado de niftar de kada benadam fuera eskrito en la mizma lingua ke la de su akto de nasimiento
|
kitarte de tu marido solo porke no lo keres es kuaji tan bovo komo kazarse porke lo keres
|
kolaymente olvidamos muestras kulpas kuando son konosidas solo de mozotros
|
komerme las palavras nunka me desho kon el estomago pezgado
|
komo de kolay es eskrivir embroliadamente
|
komo no me preokupi de naser, no me preokupo de morir
|
komo puerpo kada uno i uno es un individuo, komo alma nunka jamay
|
komo se rije el mundo i komo se empesan las gerras? Los diplmatikos mienten a los jurnalistos i despues se kreyen lo ke meldan
|
komo se save si Lyndon Johnson miente? Ke menee las orejas no kere dizir ke mienta.Si las sejas,no kere dizir ke mienta. Ama kuando menea los mushos, si ke esta mintiendo
|
komparando la kantidad de muertos, los fabrikantes de armas son filantropos frente a los de sigarros
|
kon el musar amijorea-mos los yerros de muestros instinktos, i kon la amor los yerros de muestro musar
|
kon el punyo serrado no puedes apretar la mano
|
kon kada lingua ke se amata se embarra una imaje del ombre
|
kon la ozadiya krese el koraje,kon la detadransa krese el sar
|
kon los enemigos las leyes se aplikan, kon los amigos se interpretan
|
konsidero el mundo por lo ke es, un teatro ande kada uno i uno deve meldar su parte
|
konsidero ke toda ofensa ke se le aze a un benadam por su puevlo, su lingua, su relijion o su klasa sosial es una barbariya
|
konsul: en poliika amerikana una persona , siendo ke no pudo obtener un posto puvliko por eleksion del puevlo, lo arresive del govierno a kondision de deshar el payis
|
kontinualmente nasen echos ke kontradizen la teoriya
|
kontinuamos asiegados por las relijiones pueriles i lokas inventadas por muestros padres kontra el terror de la imensidad de lo deskonosido
|
kosta muncho ser sinsero kuando ay intelijensia. Es komo ser onesto kuando ay ambision
|
krear bibliotekas es komo fraguar siyeros puvlikos kon el eskopo de adjuntar rezerva para el envierno del esprito, del ke a i desplazer, ya veo senyas de progreso
|
kreemos ser un payis, ama la verdad es ke semos apenas un payizaje
|
kreo/kreigo reziamente ke la revolusion es la fuente/huente del derecho
|
kreye todo lo ke te konten sovre el mundo; nada es demaziado orrivle para ser emposivle
|
kreyemos solo lo ke vemos, dunke , dezde ke tenemos televizion, mo lo kreyemos todo
|
kreyer en el progreso no sinyifika kreyer ke ya uvo un progreso
|
kreyer es krear
|
kreyesh ke el dio es katoliko?
|
kreygo ke kon el tiempo mereseremos ke no ayga govervos
|
kreygo ke topi la kadenika pedrida entre los animales/las bemas i el homo sapiens: mozotros
|
kreygo ke un buen trezlado sotoentiende entender el teksto, y ke a su ves esto sotoentiende aver bivido en el mundo real i no limitarse semplemente a djugar kon las palavras
|
kreyo ke las institusiones bankarias son mas sekanozas para muestras libertades ke las armadas permanentes. Si el puevlo amerikano permete un diya ke las bankas privadas kontrolen su moneda, las bankas i todas las institusiones ke floreseran alrededor de las bankas, privaran la djente de toda posesion, primero por la inflasion, ensegida por la resesion, asta el diya en ke sus ijos se despertaran sin kaza i sin techo, sovre la tierra ke sus padres konkistaron
|
kreyo ke mientres egzista la abundansia, la proveza es un mal
|
kreyo sinseramente, komo vozotros, ke las institusiones bankarias son mas sekanozas ke las armadas permanentes
|
Kristio murio por muestros pekados. Mos atreverytamos a azer su martirio inutil deshando de kometerlos ?
|
kuaji todos los ombres mueren de sus kuras, no de sus hazinuras
|
kual es el primer dover del ombre? La repuesta es korta, ser el mizmo
|
kual es la diferensia entre un ninyo de sinko anyos harif i kuriozo, i un muchacho enfasiozo i bovo de dizimueve? Katorze anyos del sistema edukativo britaniko
|
kualkier emosion, si es sinsera, es involuntaria
|
kualo es el arte? Zenut
|
Kualo se akavara primero: el aire o el petrolio?
|
kualsiker ke tenga el poder por un punto komete un krimen
|
kuando aparese en el mundo un vedradero djenio,se puede rekonoserlo porke todos los bovos se unen kontra el
|
kuando avlan las armas, las leyes kayan
|
kuando ay dos versiones kontrarias de una mizma estoria, lo akavidado es kreyer akeya en ke la djente da la mas negra salida
|
kuando dava de komer a lo proves, me yamavan santo. kuando demandava por ke los proves no aviyan komido, me yamavan komunisto
|
kuando destruyesh monumentos deshed los piedestales sanos. Siempre pueden servir
|
kuando dos ombres de negosios estan siempre de akordo, uno de eyos no es de menester
|
kuando dos personas se topan basho la influensia de la mas violenta, loka, enganyoza i pasajera, les demandan de djurarsen ke se mantengan en este estado euforiko, anormal i kitador de alma, asta ke la muerte los separe
|
kuando el dinero de un governo depende de los bankeros, son estos i no los miembros del governo ke tienen el kontrol. la mano ke da esta por ensima de la mano ke arresive. El dinero no tiene patriya, los finansieros no tienen patriotizmo ni desensia: sus uniko eskopo es la ganansia
|
kuando el Dio esta kayado, puedes azerle dizir lo ke kieras
|
kuando el Doktor Johnson definio el patriotizmo komo el dal kavo abrigo de un arrastrakanyo, no konosiya las grandes posivilidades de la palavra 'reforma'
|
Kuando el meoyo se forma en la tripa de la madre, no ay en el ni una sola idea
|
kuando el ombre ya no tiene friyo, ambre o sar, esta deskontente
|
kuando era muchacho me diziyan ke kualsikier podiya yegar a ser prezidente de los estados unidos. esto empesando a kreerlo
|
kuando kresere kero ser un ninyo pekenyo
|
kuando la djente es libera de ovrar komo le plaze, imita jeneralmente a los otros
|
kuando la djente esta de akordo kon mi, siempre me parese ke m'esto yerrando
|
kuando la lingua se pudre la djente piedre la fey en lo ke siente, i esto yeva a la violensia
|
kuando la prensa es libera i kada ombre i ombre puede meldar, todo es siguro
|
Kuando la vertud durmio, se levanta kon mas enerjiya/fuersa/huersa
|
kuando las kozas van mal, no vayas kon eyas
|
kuando los menesteres son grandes, ay djente pronta a kreerlo todo
|
kuando miras bien en los ojos de una persona, estas ovligado a mirarte a ti mizmo
|
kuando mis pies se deskansan, mi meoyo tambien ya no funksiona
|
kuando muere la infansia, sus kalavrinas vienen a yamarsen adultos i se enkorporan en la sosiedad, uno de los nombres mas elegantes del Geynam. Es por esto ke los ninyos mos dan sar , mizmo si los keremos, mos dan la medida de muestra dekadensia
|
kuando pensava ke estava ambezandome a bivir, me ambezi komo morir
|
kuando saltes de alegriya, mira ke dinguno te kite el empiedrado de debasho los piezes
|
kuando siento la munchedumbre dar palmas a un ombre siempre me adjideo de el. Para sintir los chufletes solo tendra ke bivir bastante
|
kuando todos pensan de la mizma manera, ninguno pensa
|
kuando un ombre mata un tigre, lo yaman espor; kuando el tigre mata al ombre, lo yaman ahzarayut
|
kuando un puevlo ya no se atreve a defender su propia lingua, esta a punto de ser esklavo
|
kuando un sientifiko afamado, malgrado ke es aedado, sostiene ke una koza es posivle, es kaji siguro ke tiene razon. Kuando afirma ke alguna koza es imposivle, es muy probavle ke se yerre
|
kuando una mujer konsiente es ke ya vensio
|
kuando una persona pretende savar lo ke es la felisidad, es ke siguramente le perio
|
kuando una persona se topa kon la mayoridad, ya es ora de detenerse , pensar i repensar
|
kuando uno esta bien kon si mizmo, viajar es estar en otra parte, ama ya no es estar leshos
|
kuando veo a Berlusconi i a este otro bashiko, me dan ganas de abandonar el jenero umano
|
kuando vinieron los misioneros,lo s afrikanos teniyan la tierra i los misioneros la Biblia.Mos ensenyaron a orasionar konlos ojos serrados.Kuando los avrimos, eyos teniyan la tierra i mozotos la Biblia
|
kuando yo era djoven podiya akodrarme de todo. Lo ke afitara o no
|
kuantas linguas avlas, tantos ombres vales
|
kuantas mas leyes, mas ladrones
|
kuantas mas son las kozas de las ke se averguensa un ombre, mas respetavle sera
|
kuantas merekiyas mos kitamos kuando desidimos de no ser algo, sino de ser una persona
|
kuantas vidas en una vida, kuantos benadames en un benadam
|
kuanto mas komas i bevas, kuantos menos livros merkes, kuanto menos vas al teatro, al baile, a la meana, kuanto menos penses, ames, teorizes, kantes, pintes, espadees, ets., tanto menos gastas, tanto puja tu trezoro al ke ni puliyas ni ferroja, devoran tu kavdal. Kuanto menos sos, kuanto menos eksteriorizas tu vida, tanto mas tienes, tanto mas puja tu vida alienada, tanto mas amontonas en tu ser alienado
|
kuanto mas korrompido es el Estado, mas numerozas son las leyes
|
kultura no es meldar muncho, ni saver muncho; es konoser muncho
|
kuriozo es ke la valor fizika sea tan munchiguada en el mundo i la valor moral tan rala
|
