zahartzaroa da gizaki bati gerta dakizkiokeen gauzetatik ustekabekoena
|
zahartzaroa luzea izatea nahi baduzu goiz hasi beharko duzu zaharra izaten
|
zaila da besteren emaztea ez desiratzea; jaberik ez dutenak ez dira izaten oso erakargarriak
|
zaila da ezer aurreikustea, batez ere etorkizunari dagokiona
|
zaila da gizaki batek egia esan duela sinestea, bere lekuan bazina gezurra esango zenukeela dakizunean
|
zaila da inori ezer ulertaraztea, bere soldata horixe ez ulertzearen mende dagoenean
|
zaindu zure pentsamenduak... zure hitz bihurtuko dira; zaindu zure hitzak... zure ekintza bihurtuko dira; zaindu zure ekintzak... zure ohitura bihurtuko dira; zaindu zure ohiturak... zure izaera bihurtuko dira; zaindu zure izaera... zure patu bihurtuko da
|
zakurrari hezurra botatzea ez da karitatea; karitatea da zakurra bezain gose zarenean, hezurra berarekin partekatzea
|
zalantza da inteligentziaren izenetariko bat
|
zalantza ezatsegina da, baina ziurtasuna barregarria da
|
zalantza izpirik ere ez dago, garapen iraungarria kontzepturik toxikoenetariko bat dela
|
zalantzaren aurrean zuzena dena aukeratzen dugu
|
zalantzarik ez dago mundua amaigabea dela
|
zama estugarria daramat nire baitan: besteei eman ez dizkiedan aberastasunen zama
|
zehaztugabetasun apur batek makina bat esplikazio eman beharraz libratuko zaitu
|
zein da gizakiaren lehen betekizuna? Erantzuna oso laburra da: norbera izatea
|
zein erraza den ulergaitz idaztea
|
zekenkeria ohoragarri bakarra dago: hitzena alegia
|
zenbait gizakirentzat, esperientzia itsasontzi baten txopako argia bezalakoa da: atzean utzitako bideari bakarrik egiten dio argi
|
zenbat eta ahulago izan gorputza, esfortzu handiagoa eskatzen du; zenbat eta indartsuago, hobeto obeditzen du
|
zenbat eta arrazoi gehiago izan gizon batek lotsatzeko, orduan eta errespetagarriago izango da
|
zenbat eta ezatseginago izan egia entzuteko, orduan eta baliagarriago izango da esateko
|
zenbat eta gorago igotzen garen, oorduan eta txikiago gara hegan ez dakitenen begietarako
|
zenbat eta gutxiago daukagun, orduan eta gehiago ematen dugu; zentzugabea dirudi, baina hori da maitasunaren logika
|
zenbat eta gutxiago jan eta edan, zenbat eta likore gutxiago erosi, zenbat eta gutxiagotan joan antzerkira, dantzara, tabernara, zenbat eta gutxiago pentsatu, maitatu, teorizatu, abestu, pintatu, esgrima egin, etab., orduan eta gehiago aurrezten duzu, orduan eta handiagoa da ez sitsak ez erdoilak jango ez duten zure altxorra, zure kapitala. Zenbat eta gutxiago zaren, zenbat eta gutxiago kanporatzen duzun zeure bizitza, hainbat gehiago daukazu, hainbat handiagoa da zure bizitza alienatua eta areago gordetzen duzu zeure zerizana
|
zenbat eta lege gehiago, orduan eta lapur gehiago
|
zenbat eta ustelago den Estatua, orduan eta lege gehiago ditu
|
zenbat hizkuntza dakizun, hainbat gizaki balio duzu
|
zenbat kezka ez ote dugun ekiditen, zerbait ez, baizik eta norbait izatea erabakitzen dugunean
|
zenbaterainoko egia jasan dezake espiritu batek, zenbaterainoko egian ausartzen da? Ezagutzan lortutako oro, aurrerantz emandako urrats oro, adorearen ondorio da, norbere buruarekiko zorroztasunaren eta xahutasunaren ondorio
|
zentsuratzaileak ulertzen dituen satirak egoki debekaturik daude
|
zentzuzkoa al da "derrigorrezko hezkuntza"z mintzatzea?
|
zer alde dago bost urteko haur bizkor eta jakingura baten eta hemeretzi urteko gazte babo eta memelo baten artean? britainiar hezkuntza-sistemako hamalau urte
|
zer amaituko ote da lehen, airea ala petrolioa
|
zer da bada, gizakia, planak egin ahal ditzan
|
zer da mundu erreala guztiok dugun ametsa baino...? amets komuna baino?
|
zer da, bada, plazerra, min izugarri gozoa ez bada
|
zer demontre, kazetari-erregistro profesionala! Hori harroputzen burutazioa besterik ez da, sasi-irakasleena, kazetari hutseginena, besteok euren kontu pentsatzea eragotzi nahi duen jendearena. Erregistro hori sortzeko asmoak ez dauka ez buru ez hanka eta ezmorala da, izan ere, mugak jarri nahi dizkio ez dauzkanari eta eduki behar ez dituenari: pentsamenduaren adierazpen erabat libreari
|
zer edo zer toleratzen denean, jasangarri bihurtzen da eta, denbora laburrean, normaltzat jotzen da
|
zer kostatzen da liburu bat idaztea? Irakurtzea da benetan zaila
|
zer litzateke bizitza, arriskatzeko gauza ez bagina
|
zerbait baldin badaukazu, ken diezazukete; ematen baduzu, ezin kenduko dizu ezein lapurrek; zurea izango da betiko
|
zerbait behar duzunaren itxura ematen baduzu, ez dizute ezertxo ere emango; dirutza egiteko, aberats-itxura erakutsi behar da
|
zerbait gura duzunean, unibertso guztia hasten da konspiratzen zeure guraria egin dezazun
|
zerbait txarra behar du lanak ezinbestean, bestela aberatsek dena beraientzat hartua izango zuten dagoeneko
|
zerbaiten alde hiltzeko prest ez dagoen gizona ez dago bizitzeko prestaturik
|
zereginik dudan bitartean ez dut ezer eginik izango
|
zeren zain dago UNESCO planeta osoa gizadiaren ondare deklaratzeko?
|
zerga-paradisuetan zergak ordaindu nahi dituztenek soilik bizi beharko lukete, hain dira txikiak leku horiek...
|
zergatik arduratu behar nintzateke etorkizuneko belaunaldiez? Nigatik ezer egin al dute, akaso?
|
zergatik egiten zaio ihes, orokorrean, bakardadeari? Oso gutxi direlako bere buruaren lagun
|
zergatik hiltzen dugu beste inor hil duena, hiltzea gaiztakeria dela frogatzeko?
|
zergatik izan heriotzaren beldur? Bizitzako abenturarik ederrena da
|
zerk klonatzen du gehiago, genetikak ala telebistak
|
zertan ibili aspaldiko hutsak errepikatzen, horrenbeste huts berri egiteko egonda
|
zertan xahutu dirurik zuhaitz genealogikoa egiten? sartu politikan eta zure arerioek egingo dizute
|
zertarako balio du bizitzeak, borrokatzeko kemenik eduki gabe?
|
zertarako erabili hitz potoloak? hain dira mamigabeak...
|
zeru izartsu hori nire gainean eta lege moral hau nire baitan
|
zeure burua gehiengoaren artean aurkitzen duzunean, gelditu eta gogoeta egiteko garaia da
|
zibilizazioa beharrik gabeko beharren pilaketa amaigabea da
|
zibilizazioa, pentsatu gabe egin ditzakegun garrantzizko eragiketen kopurua areagotuz egiten ari da aurrera
|
zientza zehatz guztiak hurbilketaren printzipioan oinarritzen dira
|
zientzia ez da guztiz doia, baina, horrek ez du erlijioa behar duzula esan nahi
|
zientzia ez zait interesgarri. Bazter uzten ditu ametsa, zoria, barrea, sentimendua eta kontraesana; eta nik horiek ederresten ditut
|
zientzia ideia hilen kanposantua da
|
zientzia, eztabaidagai izateko aukera beti eskaintzen duen hori guztia da
|
zientziak senaren aurkikuntzak egiaztatzeko baino ez du balio
|
zigarroa plazer ezin hobearen adibide ezin hobea da. Oso atsegingarria da eta ase gabe uzten gaitu. Beste ezer eska al daiteke?
|
zigarroak kaltegarriak direla agerikoa izanik, nola liteke berauek saltzea baimenduta egotea?
|
zigorrak bekatu egin nahi ez dutenak izutzeko balio du
|
zigortzeak zigorra ezartzen duena hobe bihurtzeko helburua du
|
zine dokumentalik ez duen herrialdea argazki-albumik gabeko familia bezalakoxea da
|
zineak, pinturak bezalaxe, ezin ikusizkoa erakusten du
|
zinez nago sinestuta, zuek bezalaxe, banku-erakundeak arriskugarrigoak direla armadak baino
|
ziniko bakoitzaren barruan idealista desengainatu bat dago
|
zinikoa, lore-usaina hartzen duenean ingurura zerraldoaren bila begiratzen duena da
|
zinikoa: ikusmen akastuna duelako gauzak diren bezala, eta ez behar luketen bezala, ikusten dituen pertsona zikoitza
|
zinikoak ez ditu bakarrik historiatik ikasbide garratzak ateratzen, gainera, etorkizunaz behar baino lehen desengainatuta dago
|
zirkua globalizatu dugu; baina, ogia ez
|
zirkunstantziek gizakia taxutzen dute, eta gainera, ez gizkakiek zirkunstantzia baino neurri txikiagoan
|
ziur bazaude gertatzen den guztia ulertzen duzula, etsi-etsian nahasia zaude
|
ziurgabetasuna, inoiz erabat hostokatzen ez den bitxilorea da
|
ziurtasunetik abiatzen denak zalantzan amaituko du; baina, zalantzan abiatzea onartuz gero, ziurtasunera ere helduko da
|
zor publikoa bada bere buruaz arduratzeko bezain handia
|
zoramena nagusi den garaian, zoramenak ukituko ez zaituela uste izatea zoro izateko modu bat da
|
zoriona aske izatean datza, alegia, ezeren irrika ez izatean
|
zoriona erdiesten da batek pentsatzen duena, batek dioena eta batek egiten duena bat datozenean
|
zoriona ez da nabaritzen, gogoratu egiten da
|
zoriona gauza miresgarria da; zenbat eta gehiago eman, orduan eta gehiago daukazu
|
zoriona nor bere buruarekin ados egotea da
|
zoriona ongi engainatuta egotearen ondare betiraunkorra da
|
zoriona saria da; zorion-bila ibili ez denari emana
|
Zoriona topatzeko, nahitaezkoa da zorion bila ez ibiltzea
|
zoriona tximeleta baten antzerakoa da: jazartzen baduzu, ezin harrapatuan ibiliko zara, baina, gelditu eta lasai egonez gero, agian zure gainean pausatuko da
|
zorionak eta urte berri on
|
zorionaren sekretua tentaldietan erortzea da
|
zorioneko zoritxarra da seme-alabarik ez izatea
|
zorionekoa bere buruaz barre egiten dakiena, ez baitzaio zertan jostatu sekula faltako
|
zorionekoa esker onik espero ez duena, ez baitu desilusiorik izango
|
zorionera heltzeko bi modu daude: bata, ergelarena egitea; bestea ergela izatea
|
zoriontasuna sasoi batean bizien ustez hilei zegokien alegiazko egoera da, gaur egun helduen ustez haurrei eta haurren ustez helduei dagokiena
|
zoriontsu egin bazintuen, ez zenuen erratu
|
zoriontsu ez izatearen abantailetako bat, zoriona desiratu ahal izatean datza
|
zoriontsu izateko behar den guztia edukitzea ez da zoriontsu izateko arrazoi
|
zoriontsu izateko eragozpen handia da zorion handiegia espero izatea
|
zoriontsua ez da zoriak gehiago eman ez diezaiokeena, zoriak ezer ken ez diezaiokeena baizik
|
zoritxarrez, gaur egun, munduko eszenatokian, mendebaldarrak gara protagonista bakarrak eta ikusle bakarrak, eta gure telebisten eta egunkarien bidez gure arrazoiak bakarrik entzuten ditugu eta ez dugu geure samina beste minik sentitzen
|
zoritxarrez, laurogei urterekin ere maiteminduta egon daiteke. Nik arreta maitasunetik desbideratzeko idazten dut
|
zoro-kaiola da mundua
|
zoroek urratzen dituzte, gerora, jakintsuek burutzen dituzten bideak
|
zorotasuna giza adiurrean dago. Gugan zorotasuna eta arrazoimena elkarrekin bizi dira. Arazoa da gizarteak, bere burua zibilizatutzat edukitzeko, neurri berean onartu behar dituela zorotasuna eta arrazoimena
|
zorritxarrekoa da, azken finean, gizakiak lanean ordeztuko zuen makina asmatu zuenean gosea ezagutzen hasi izana
|
zortea dute agintariek, gizakiek pentsatzen ez dutelako
|
zubi baten eskudelean paratu eta ibaiari zure azpitik geldiro iragaten begiratuko bazenio, bat-batean, jakin beharreko guztia zenekike
|
zuen aburuz, Jaungoikoa katoliko al litzateke?
|
zuen etxeetan seguru bizi zaretenok, otordurako itzulitakoan bazkaria berotuta eta aurpegi adeitsuak aurkitzen dituzuenok: pentsa ezazue gizakia ote den lokatzetan lan egiten duena, bakea ezagutzen ez duena, ogi-koskor erdi baten truke borrokatzen dena... baiezko edo ezezko baten odorioz hiltzen dena
|
zuhurtasunez oparitu dudan hori da jabetzan dudan gehiena
|
zuhurtzia, ezgaitasunak gorteiatzen duen neskazahar aberats eta itsusi bat baino ez da
|
zure begien edertasuna idatz ahal baneza
|
zure bertutea gozatu nahi baduzu, egin bekatu noiz edo behin
|
zure errealitatea adierazteko erabiltzen dituzun hitzek errealitatea sortzen dute
|
zure printzipio moralek nahigabetu egiten bazaituzte, zaude ziur okerrak direla
|
zurekin egin nahi dut udaberriak gereziondoekin egiten duena
|
zurien arraza gizadiaren historiako minbizia da; zurien arraza bakarrik da -bere ideologiak eta asmakuntzak, alegia- edonora hedatzen dela ere, bertako zibilazio burujabeak ezabatzen dituena, planetaren oreka ekologikoa hondatzen duena eta, orain, bizitzaren izatea bera ere arriskutan jartzen ari dena
|
zutitu eta hitz egiteko adorea behar da; eta eseri eta isiltzeko ere adorea behar da
|
zuzen nagoela frogatzea, oker egon naitekeela onartzea litzateke
|
zuzenbidearen iturburua iraultza den uste osoa dut
|