eberatsen negoziorik onuragarriena pobreen arteko borroka da
|
edan-urriaren bihotzean dagoena, hordiaren mihinean egoten da
|
eder denak baliagarri izan beharrik ez duela eta baliagarri denak ezin eder izan duela sinesten irakatsi digute. Baliagarri dena eder ere izan daitekeela frogatu nahi dut
|
edertasuna begiratzen duenaren begietan dago
|
edertasuna hautemateko ahalmenari eusten diona ez da sekula zaharra izango
|
edizio-itxiera kazetariarentzat akuilua da, okerrago idazten du lasai egonda
|
edonon zaudela, ongi bazaude, hortxe duzu aberria
|
edonor bidegabe kartzelaratzen duen gobernu baten mendean, gizon zuzenari ere benetan dagokion lekua kartzela da
|
edonork hitz egin dezake lauso; argi eta garbi, oso gutxik egiten dute
|
edonork senti dezake begikotasuna adiskide baten nahigabearekiko; aparteko izaera behar da haren arrakastarekiko gauza bera sentitzeko
|
edozein emakumeri gustatuko litzaioke fidela izatea; zailena, fidel izateko gizona aurkitzea da
|
edozein emozio, zinez emozio bada, oharkabekoa da
|
edozein hiztegik ere, hizkuntzaren ondarearen zati txiki bat baino ezin eduki du
|
edozein memelok egin diezaioke aurre krisialdi bati; egunez egun bizitzea da ahitzen gaituena
|
edozer esan nahi dela ere, hitz bakar bat dago definitzeko, aditz bakarra suspertzeko eta adjektibo bakarra kalifikatzeko
|
EEBBetan, kartzela gehiago eraikitzen dira, urtean, eskolak eta ikastetxeak baino
|
egia asmo txarrez esatea lizunkeriatzat hartu behar litzateke
|
egia aurkitu izanaren zeinurik nabariena da barne barea
|
egia bakarra senean dago
|
egia bihurtu diren ezinezko gauzei esker egiten du munduak aurrera
|
egia esanez gero, ez duzu gogoan eduki beharko
|
egia esateko, gauzak behar duten bidetik joango badira, batzuetan sutu egin behar gara
|
egia esaten bazaio kalapita sortuko duela agerian uzten duen jokabidea erakusten duen emakumea, gezurra esan dakion ari da eskatzen
|
egia ez dago amets bakar batean, amets askotan baizik
|
egia guztiz barnekoa da; ez da gure baitatik at bilatu behar, ez eta kanpoko arerioen aurkako borrokan gauzatzen saiatu behar ere
|
egia osoa azaltzeko bi modu besterik ez dago: anonimoki edo hil ostean
|
egia, daukagun gauzarik baliotsuena da. Ez dezagun gehiegi erabil
|
egia, ukatzen bezain zaila da ezkutatzen
|
egiagatik hiltzeko beldur ez dena beste inor ez da egia esateko duin
|
egiak ez dio inoiz kalterik egiten bidezko kausa bati
|
egiazko aurrerapen bakarra laguntzarik gabe erratzen ikastean datza
|
egiazko liburua ez da irakurtzen duguna, irakurtzen gaituena baizik
|
egin amets eta espirituz libre izango zara; egin borroka eta bizitzan libre izango zara
|
egin dezagun bat eta garaitezinak izango gara
|
eginak gara ametsak osatzen dituen funts berberaz
|
egintzak ez dira esistitzen, interpretazioak bakarrik esistitzen dira
|
egiten dugun gaizkiak ez digu gure ekintza onek baino gorroto eta arerio gehiago sortuko
|
egiten dugun itxura bera gara, beraz, kontu handia eduki behar dugu zer itxura egiten dugun
|
egiten duzuna maite baduzu, ez zaizu lana irudituko
|
egitzazu ergelkeriak, baina, egitzazu gogo biziz
|
egizu irribarre; zure hortzak ez dira jateko edo hozka egiteko bakarrik eginak
|
egokitu zitzaizkion, gizon guztiei bezala, bizitzeko garai latzak
|
egun bat egon behar luke, bat besterik ez, senatariak harrapatzeko debekualdia altxatzeko
|
egundoko amodioak segituan igartzen dira; batek ikusi orduko galdetzen dio bere buruari: nor ote da txatxala hori?
|
egunen batean pertsonak izango gara berriz, eta ez soilik juduak
|
egunero eta ordu oro hil daitekeenaren legez egunero bizi dena bakarrik da zentzudun
|
egunez amets egiten dutenek gauza asko dakite, gauez bakarrik amets egiten dutenek ezagutzen ere ez dituztenak
|
egungo gazteek uste dute dirua dela guztia eta, helduak direnean, halaxe dela jakingo dute
|
egungo gure sistema ekonomikoa ingurumena suntsitzeko eta milioika galtzaile sortzeko makina unibertsala delarik, azken horiekin inork ez daki zer demontre egin
|
egungo musika bankariek eta kontulariek kontrolatzen dute; bete-betean borrokatu behar dugu joera hori
|
egungo zinearen joera bakarra, diru-mordoa irabaztearena da
|
egunkari baten zatirik egiazkoena publizitatea da
|
egunkarietan irakurtzen duzun guztia erabat egiazkoa da, gertakariak pertsonalki ezagutzen dituzun kasu bakanetan ezik
|
egutegiren batean agertu izan naiz, baina ez naiz sekula garaiz iristen
|
ehun batailatan ehun garaipen lortzea ez da bikaintasun goiena; arerioa borrokatu gabe menderatzea da bikaintasun goiena
|
ekintza batek beti ditu bi arrazoi: zintzoa eta benetakoa
|
ekonomia berria baliteke planetan inoiz proiektatu den ameskeria handiena izatea: existitzen ez diren premietarako existitzen ez den merkatua
|
Ekonomia Berria kontzeptu zoragarria da, dirua galduz aberastasuna sortzeko aukera ematen duena
|
ekonomia kontutan, gehiengoa beti erratzen da
|
eleak gizakia askatu egiten du; mintzoaz adierazteko gauza ez dena esklabo da
|
elikagai-eskasiagatik munduan bostehun bat milioi haurrek duten arazoa gerra-egun batean gastatzen denarekin konpon liteke
|
elikagairik arriskugarriena ezteietako tarta da
|
Eliza, askoren iritziz, fedearen eragozpenik handien ari da bilakatzen; beregan ez dute ikusten boterea erdiesteko giza grina besterik; kristautasun ofiziala kudeatzea aitzakia hartuta kristautasunaren benetako espiritua oztopatzen ari direla ematen duten gizonak soilik irudi zaizkie antzerkitxo bat egiten
|
Elizak dio lurra laua dela, baina, nik badakit biribila dela, ilargian egiten duen itzala ikusi baitut; eta konfiantza handiagoa ematen dit itzal batek Elizak baino
|
elkarrekin bakean bizitzeko akordio bat egin nuen denborarekin: berak ez nau jazartzen eta nik ez diot ihes egiten; halako batean, elkar topatu genuen
|
elkarrekin bat egiteko gauza bagina, zein eder eta hurbila litzatekeen etorkizuna
|
elkarrekin ondorioztatu dugu hezkuntzarako eskubidea, gehienentzat, erabat murriztua geratzen dela eskolara derrigor joan beharrarekin
|
elkarrizketa emankorra izan ohi da, norbere zalantzak finkatzera loturiko izpirituen artean soilik
|
elkartasuna ez da ezer ematea, injustizia borrokatzea baizik
|
elkartasuna herrien samurtasuna da
|
emakume askorentzat, perfekziorako bidea samurtasuna da
|
emakume batek amore ematen duenean, irabazi duelako izaten da
|
emakume batek benetan zer esan nahi duen jakiteko, begira iezaiozu, ez aditu dioena
|
emakume baten mendekurik gupidagabeena gizonari fidel izaten jarraitzea da
|
emakume burutsuak maitemintzen diren bezala maitemindu zen: memelo baten antzera
|
emakume izatea izugarri zaila da, batez ere, gizonezkoekin harremanak izatean oinarritzen delako
|
emakume librea emakume arinaren alderantzizkoa da, hain justu ere
|
emakume zentzudunak nahiago du bakarrik egon edonorekin baino
|
emakumea gaizki jantzita badago, jantziari erreparatuko diozu; bikain jantzita badago, emakumeari baino ez diozu erreparatuko
|
emakumea hautatu egin zaituen oparia duzu
|
emakumeak dira gizonek gobernatutako planeta baten jabeak
|
emakumeak maite ditut, baina ez ditut miresten
|
emakumeak nahi duenean gizonen batek harrapa dezan, egin behar duen lehen gauza korrika hastea da
|
emakumeak... edozein huskeriak erakartzen ditu eta konplimendu batek uxatu egiten ditu
|
emakumeei begirunerik handiena gordetzen dieten gizonek ez dute ospe handirik izaten haien artean
|
emakumeei edertasunak gizonen maitasuna bereganatzeko balio die, eta txatxukeriak gizonak maitatzeko
|
emakumeei gizon malenkoniatsuak gustatzen zaizkie; entzun egiten dietela uste dute
|
emakumeek beti hartzen dute barruan dauzkan ametsaren forma
|
emakumeek esaten dutenaren ehuneko ehun betetzen dute; gizonek ehuneko berrogeita hamar ez dute betetzen
|
emakumeek gizonek baino bi aldiz hobeto egin behar dituzte gauzak, edozer gauza dela ere, haien erdian aintzat hartuak izateko. Zorionez, ez da zaila
|
emakumeek gure akatsengatik maite gaituzte; behar adina akats baldin badugu, guztia barkatzen digute, baita gure adimena ere
|
emakumeekin ongien konpontzen diren gizonak eurek gabe nola bizi badakiten berberak dira
|
emakumeen kontrako garaipenak dira ihes eginda lortzen diren bakarrak
|
emakumezkoek nahikoa hipokritak behar dute izan, seme-alaba guztiek esan dezaten norbere ama aipatzean: santua zen
|
eman daiteke maitatu gabe, baina ezin maita liteke eman gabe
|
eman duguna beste zorionik ez dugu
|
enbaxadorea, atzerrira bere herriaren mesedetan gezurra esatera bidali duten gizon ondradua da
|
engaia zaitezte; neutraltasunak zapaltzaileari egiten dio mesede beti, inoiz ez zapalduari; isiltasunak torturatzailea adoretzen du, inoiz ez torturatua
|
enperadorea banintz, lehenik eta behin hiztegi bat egingo nuke, hitz bakoitzari bere esanahia emateko
|
enpresa handi baten zuzendari gorenaren soldata ez da merkatuak bere merituengatik eskainitako saria izaten; normalean, bere buruarekiko xerazko keinu pertsonal bat baino ez da
|
enpresari bati bere diru-sarrerei buruz gezurrik ez esateko eskatzea, dentista bati fakturan iruzur ez egiteko eskatzea bezalakoa da.
|
epaimahaia hamabi pertsonek osatzen dute, abokaturik onena nork duen erabakitzeko
|
erabilera da hitzak on, benetako, zilegi, hizkuntza baten hitz bilakatzen dituen kausa bakarra
|
erabilera da hizkuntz irakasle onena
|
erakarpena beti da elkarrenganakoa
|
erantzun baliagarri bakarrak galdera berriak sortzen dituztenak dira
|
erantzuna izan duten erreguek negar ugariagoak isurarazten dizkigute erantzun gabeek baino
|
erantzunen bat aurki dakiekeen galderak bakarrik aditu ohi ditugu
|
erbiak gustuko du morokila, sukaldariaren esanetan
|
ergel bat ikusi nahi ez baduzu, ezer baino lehen, hautsi zeure ispilua
|
ergel guztiek nahastu egiten dituzte balioa eta prezioa
|
ergel ikasia ergelagoa da ergel ezjakina baino
|
ergelak dira zalantzarik ez duten bakarrak. Ziur zaude? Ez dut zalantza izpirik ere!
|
ergelak; ez dakite zenbateraino balio duen gehiago erdiak, guztiak baino
|
ergelarena eginez adimen handia erakutsi du Pinochetek, adimen militar handia hain zuzen ere
|
ergelkariaren paradigma: diruak leialtasuna desleialtasun bihurtzen du, maitasuna gorroto, gorrotoa maitasun, bertutea bizio, bizioa bertute, morroia jabe, jabea morroi, lelokeria adimen eta adimena lelokeria
|
erlekumearentzat baliagarri ez dena, erlearentzat ere ez da
|
erlijio bat da ezertan ez sinestea ere
|
erlijio unibertsala ez da, homo sapiens gehienentzat, futbola beste ezer
|
erlijioa existitzen da lehen bilauak lehen inozoa topatu zuen une beretik
|
erlijioa maisulana da entrenatzeko artean, jendea nola pentsatu behar duen jakiteko entrenatzen baitu
|
erlijioak, gaizkiak sekula asmatu dituen armarik indartsuenak dira
|
erlijioek, ipurtargiek bezalaxe, iluntasuna behar dute distiratzeko
|
eroa da, arrazoimena salbu, guztia galdu duen gizakia
|
erosketak egitera joaten garen bakoitzean bozkatzen dugu
|
erratzeko arriskurik hartuko ez baduzu, ez duzu inoiz ezer originalik egingo
|
erraz idatz daitezke norberaren oroitzapenak, batek oroimen eskasa duenean
|
erraz tronpatzen gaitu maite dugunak
|
erraza denak konplikatua eman dezan lortzeko, ez da talenturik behar; baina, konplikatua denak erraza, harrigarriki erraza, eman dezan lortzea... horixe da kreatibitatea
|
errazago barkatzen zaio etsaiari lagunari baino
|
errazagoa da desintegratzen atomo bat, aurreiritzi bat baino
|
errazagoa da gizateria orokorrean maitatzea, lagun hurkoa maitatzea baino
|
errazagoa da guztioi bigarren hizkuntzaren bat irakastea, itzuliko duen makina sortzea baino
|
errazagoa da jendea engainatzen, engainatu duzula konbentzitzen baino
|
errazagoa da nork bere printzipioen alde borrokatzea, printzipio horiek errespetatzea baino
|
errealitatea alkohol-gabeziak eragindako irudipen bat da
|
errealitatea da batek horretan sinesteari uzten dionean desagertzen ez dena
|
errealitatea da gehiengoak errealitate gisan ikusten duena
|
errealitatea dugu areriorik trebeena; erasoak zuzentzen dizkigu gure bihotzaren gune batera non ez genituen espero eta babestu gabe genuen
|
errealitatea irudipen bat besterik ez da, oso irudipen iraunkorra izan arren
|
errealitatea manipulatzeko funtsezko tresna hitzen manipulazioa da
|
errealitatearen ezein deskripzio ez poetiko ez da sekula osoa izango
|
erredakzioko arduraduna garia jo eta gero lastoa argitaratzen duena da
|
erreformatzailea, azpiak kristalezkoak dituen txalupa batean estolderian barrena dabilen norbait da
|
errepublikanoek demokratoi buruzko gezurrak esateari uzten badiote, utziko diogu eurei buruzko egia esateari
|
erretzaileengandik tolerantzia ikas dezakegu, ez baitut bakar bat ere ezagutu ez-erretzaileengatik kexuka
|
esan dezagun bi eratako adimen poetiko direla: bata alegiak asmatzeko gaitasuna duena eta, bestea, alegia horiek sinesteko prest dagoena
|
esan ez den guztia betiko esanda dago
|
esan ezin dena isilpean gorde behar da
|
esan liteke askatasuna zer lauso bat dela; askatasun eza inola ere ez
|
esan liteke hizkuntza baten zailtasuna alderantziz zaiola proportzionala ikastera bultzatzen gaituen motibazioari
|
esan liteke publizitatea dela gizaki baten adimena, dirua ateratzea lortu arte, geldirik egonarazteko zientzia
|
esan noizean behin egia, gezurretan ari zarenean sines diezazuten
|
esandako edo idatzitako hitz oro mintzaira hila da
|
esaten zidaten beharrezkoak zirela hildako batzuk hildakorik gabeko mundu bat erdiesteko
|
eskale guztiak dira berdinak legearen aurrean
|
eskarmentuan oinarritutako konbikzio bati esker, beti guztioi ziria sar dakiekela uste duen politikari gehiegi dago; horixe da herrialde honen zorigaiztoa
|
eskarmentuarena eskola bikaina da; baina, matrikulazioa garestiago ateratzen da
|
eskatutako aholkua ez da ongi etorria izaten; eskatu gabea, zer esanik ez, lotsagabekeria da
|
eskerrak Bush daukagun demokrazia defendatzeko
|
esklaboa da inor aske uztera etortzeko zain dagoena
|
esklaboak jabe bakarra du; askonahiak, berriz, bere ondasunak areagotzeko probetxugarri izan litezkeen pertsonak beste jabe ditu
|
eskola da gizartea bere horretantxe behar duzula sinestarazten dizun publizitate-agentzia
|
eskola, hezibide moduan, niretzat, hutsunea izan zen
|
eskolek ez dute nahitaez hezkuntzarekin zer ikustekorik... funtsean, gazteengan oinarrizko portaera batzuk sortzeko kontrol-erakundeak dira; hezkuntza oso bestelako kontua da eta eskolan ez du leku handirik
|
eskubideak zuzenean areagotzen dira betebeharrak zuzen betetzen dituenarentzat
|
eskuzabala izan; errespeta ezazu besteon berekoikeria
|
eskuzabaltasuna ere, tamalez, negozio koipatsua izan daiteke
|
esperientzia da gure hutsegiteen multzoari ematen diogun izena
|
esperientzia erre ezean argirik ematen ez duen sugarra da
|
esperientzia, lehengo oker bat errepikatzen ari zarenean antzemateko gaitasuna ematen dizun zera miragarri hori da
|
esperientzia, zozketa izan eta gero erositako loteri billetea da
|
esperientzia: bizitzak eskaintzen digun orrazia burusoil geratu eta gero
|
esperientziak irakasten diguna esperientziak ezer irakasten ez digula besterik ez da
|
espero dezagun paraolinpikoetan dominak irabazi zituzten atleta "normalek" drogarik hartu ez izana
|
espero dut ez naizela erlijiozale izatera heltzeko beste zahartuko
|
espezialista da, gero eta gutxiagori buruz gero eta gehiago dakiena, azkenean guztia jakitera iristen delarik... ezeri buruz!
|
espezialistak beti akats berberak egiten dituzten pertsonak dira
|
espezializaziorik handiena eta kultur ezjakintasunik handiena pare-parekoak dira
|
esplotatzen gaituztenak gure hezitzaile sinesgarri izan al daitezke?
|
Estatu Batuak, badirudi Probidentziak zuzendu dituela Amerika, askatasunaren izenean, lazeriaz betetzera
|
Estatu Batuak, nora doan ez jakin arren, helmugara abiadura-errekorra txikituz iristea erabiki duen herria dira
|
Estatu Batuetatik gehien harritzen nauena hauxe da: gurasoek seme-alabei nola obeditzen dieten
|
estatua mundu honetako infernu bihurtu duena, beti izan da gizakiak paradisu bihurtzeko izan duen apeta
|
estatuburu batek, ezer baino lehen, adimen kamutsekoa izan behar du eta, hori, beti ez da lortzen erraza izaten
|
estiloa hobetzeak adimena hobetzea esan nahi du
|
eta alderantzizkoa ere, alabaina, egiazkoa da beti
|
eta faltsua bedi guretzat algara ozen batez lagundu gabe dioskuten egia oro
|
eta gero aurrerapena etorri zen, guztia txikitzera. Gerra baino okerrago izan zen, ze gerrak gauza asko suntsitu zuen, baina aurrerapenak gure bizimodua suntsitu zuen
|
eta lapur ez dezaten... dirua banketxeen esku uzten dute
|
eta sasoi batean Jainkoaren maitasunagatik egin genuen hura, diruarekiko maitasunagatik dagigu orain, hau da, botere eta kontzientzia on sentsazio handiena ematen duenarekiko maitasunagatik
|
etengabe suertatzen dira teoriak 'hankazgoratzen' dituzten gertakariak
|
etnien arteko gatazkak amaitzea nahi badugu, gutxiago inbertitu behar dugu gerratan eta gehiago bakearen kulturan
|
etorkizuna da ugazabek esklaboei gogo onez eman ohi dieten jabetza-mota bakarra
|
etorkizuna izango da garaile; ziberespazioan ez da jabetza pribatua existituko. Puntocom-unismoan izango gara
|
etorkizuna nolakoa izango den irudikatu nahi baduzu, pentsa ezazu zer litzatekeen bota bat etengabe aurpegi bat zanpatzen
|
etorkizuna, aukerak agerian egon baino lehen ikusten dituztenentzat da
|
etorkizunak duen onena, egunean behin besterik ez dela heltzen
|
etorkizuneko belaunaldien nazioarteko hizkuntzak, ezinbestean, planifikatutako hizkuntza beharko du izan
|
etorkizuneko munduan, auskalo zenbat dialekto izango den, baina hizkuntzak lau besterik ez: espainiera, ingelesa, arabiera eta txinera
|
etxea garbitzea, seme-alaba txikiak dituzunean, elurra ari duen bitartean espaloitik kentzen aritzea bezala da
|
Europa bilakatuko al da benetan den hura, hau da, Asiako kontinentearen mutur bat? Ala ematen duena izaten jarraituko du, hau da, lurreko unibertsoaren zati preziatua, lurbirako altxorra, gorputz izugarri handi baten burmuina?
|
eutsi begiei erne ezkondu aurretik; eta txitxilduta gero
|
existentzia bat eraikitzen dugu jasotzen dugunarekin; bizitza bat eraikitzen dugu ematen dugunarekin
|
existentziaren zioa, geure buruaz dugun iritzi bikaina eta besteok guri buruz pentsatzen dituzten gauza izugarriak adiskidetzean datza
|
ez ahaztu inoiz guztiz berdingabea zarela; beste guztiak bezala
|
Ez al da ironikoa Lur Santua deitzen dioten parajea izatea mundu osoan gorrotorik basatiena eta sakonena biltzen duen lekua?
|
ez al ditut bada suntsitzen nire arerioak eurekin adiskidetzen banaiz?
|
ez al zaituzte beldurtzen, bere ordenagailuetakoa beste memoriarik ez duten analfabetuz osatutako mundu batek?
|
ez al zara zu Smith andereñoa, Smith bankari aberats okituaren alaba? Ez? Barkatu, une batez iruditu zait zutaz maitemindu nintzela
|
ez badugu talka egiten arrazoiaren aurka, ez gara inoiz ezertara helduko
|
ez bozkatu; adorea ematen die eta ez du beste ezertarako balio
|
ez da asmatzen erraza nork egiten dizkigun jukutriarik okerrenak, arerioek asmorik txarrenaz ala lagunek onenaz
|
ez da bidezkoa droga askatasunez eskura daitekeen leku bakarra espetxea izatea
|
ez da egia egun euritsuak okerrenak direna; horietan bakarrik ibil zaitezke burua gorantz, negarrez ari bazara ere
|
ez da erabili behar 'idealak' hitz arrotz hori; badugu geure hizkuntzan hitz bikaina: 'gezurrak'
|
ez da eskandaluzkoa bankari batzuek gartzelan amaitzea, gainontzeko guztiak aske ibiltzea da eskandaluzkoa
|
ez da espezie indartsuena bizirauten duena, ezta bizkorrena ere, aldaketei hobekien egokitzen zaiena baizik
|
ez da ezohikoa lapurretaren aurkako predikua egiten duten lapurrak topatzea
|
ez da gizakia, mundua baizik, anormal bihurtu dena
|
ez da heriotza saminena, baizik eta hil nahi izanda horixe ere lortzerik ez izatea
|
ez da hitzetara erabat itzultzea lortzen, ezta nork bere pentsamenduak ere
|
ez da inoiz agertzen giza izpiritua, mendekuari uko egin eta zauria barkatzen ausartzen denean baino sendoago eta zintzoago
|
ez da inor besteen ezkutuko bertuteen gainean esamesaka ari izaten
|
ez da itzultzen idatzita dagoena, idazleak esan nahi zuena itzultzen da; horregatik ordenagailuek ez dute itzultzea lortzen
|
ez da kontzientzia bizitza ebazten duena; aldiz, bizitza da kontzientzia ebazten duena
|
ez da lehen esan ez den ezer esaten
|
ez da maitasunean bezain indartsu ageri beste ezein pasio-unetan nork bere buruarekiko maitasuna; beti baikaude prest, geurea galdu baino lehen, maite dugunaren baretasuna arriskutan jartzera
|
ez da politika ohelagun arraroak sortzen dituena, baizik eta ezkontza
|
ez da pornografia lizuna dena, gizakiak gosez hiltzea da lizuna
|
ez da saltzen lurra zeinean herri bat dabilen
|
ez da seme-alaba ez-legitimorik, guraso ez-legitimoak bakarrik dira
|
ez da zaila arrakasta lortzea, merezi izatea da zaila
|
ez dago araurik; gizaki guztiak dira existitzen ez den erregela baten salbuespenak
|
ez dago arrazoia bezain ongi banatutako ezer: guztiok daude behar adina daukatelakoan
|
ez dago askatasunik, askatasunaren bilaketa baizik, eta bilaketa hori da aske egiten gaituena
|
ez dago aspaldi batean bezalaxe dagoen leku batera iritsi eta norbera zenbateraino aldatu den egiaztatzea bezalakorik
|
ez dago atomoak eta espazio hutsa besterik; gainerakoa uste soila da
|
ez dago atsegingo gaituen ondasunik, non eta ez dugun norbaitekin partekatzen
|
ez dago aurka egiten ezer zailagorik, lausengu apur baino
|
ez dago bakerako biderik; bakea da bidea
|
ez dago belar txarrik, ez gizaki gaiztorik. Kultibatzaile kaskarrak baino ez daude
|
ez dago egun luzeegirik lan egiten duenarentzat
|
ez dago erlijio neurritsurik; erlijioak beti borrokatu du arrazoia
|
ez dago ezer ardura handia merezi duenik, eta ezer gutxi nolabaiteko ardura merezi duenik
|
ez dago ezer ezinezkorik, egin behar ez duenarentzat
|
ez dago ezer kaltegarriagorik nazio batentzat, bertako azeri-jendea adimentsutzat hartua izatea baino
|
ez dago ezer ona edo txarra denik; pentsaera da horrelako egiten duena
|
ez dago filosofo batek ezin adierazi izateko bezain iritzi zentzugaberik
|
ez dago gerra ezkutua baino zekena izateko aukera gehiago duen ezer
|
ez dago gerra nahi duen herririk, jakina. Eraso egingo diotela jakinarazten dioten arte, bederen, aldi berean bakezaleei herria arriskutan jartzen ari diren abertzale kaskarrak direla leporatzen dietelarik
|
ez dago gizartea litzatekeen ezer; daude emakumeak, gizonak eta familiak; ezein gobernuk ezin egin du ezer pertsonen bidez ez bada, eta pertsonek beren burua zaindu behar dute ezer baino lehen
|
ez dago gure artean maitasun galdurik
|
ez dago hasierarik ez amaierarik; bizitzarekiko irrika azkengabea bakarrik existitzen da
|
ez dago hiztegiak baino gauza erabilgarri eta zintzoagorik, haurrak bost urtetik aurrera jolasteko. Eta, zorte pixka bat izanez gero, idazle onak ehun urte bete arte jolasteko ere bai
|
ez dago ideia goiztiarrik, une egokiak baizik; eta horiei itxaroten jakin behar da
|
ez dago inbertsio hoberik, edozein erkidegorentzat, haurren barruan esnea jartzea baino
|
ez dago indarkeriaren bidez hedatutako ideia baino madarikazio handiagorik
|
ez dago inor gaur bertan hiltzeko posibilitateaz libre egoteko bezain gazte denik
|
ez dago jenio batentzat okerragorik beste inork ulertzea baino
|
ez dago leku erratuan eroriko den elur-malutarik
|
ez dago maitasunik sufrimendua pairatzen eta eragiten ez bada
|
ez dago munduan ezer emakume ezkonduaren eraspena bezalakorik; ezein gizon ezkonduk inondik ere ezagutzen ez duen zerbait da
|
ez dago pazientea erabat osatuko dela ziurta dezakeen medikurik; baina, bistakoa da mediku orok ziurtatu behar duela erabateko arreta emango zaiola
|
ez dago sekreturik isilpean edukitzen zailagorik, nork bere buruaz duen iritzia baino
|
ez dago senar jokozalea jasango duen emakumerik, non eta ez duen beti irabazten
|
ez dago zorionik askatasunik gabe, ezta askatasunik ere adorerik gabe
|
ez dago zoriontsu izateko betebeharra baino betebehar gutxietsiagorik
|
ez dago zure malkoak merezi dituen pertsonarik, eta merezi dituenak ez dizu negarra eragingo
|
ez dakidan guztia eskolan ikasi nuen
|
ez dakigu nork asmatu zuen ura, baina, ziur gaude ez zela arrain bat izan
|
ez dakigula zer gertatzen zaigun; horixe da gertatzen zaiguna
|
ez daude liburu bera irakurriko duten bi lagunik
|
ez daukat presaka ibiltzeko astirik
|
ez desira eta munduko gizakirik aberatsena izango zara
|
ez desiratzea eta edukitzea gauza bera dira
|
ez dio asko axola norekin ezkontzen den bat; hurrengo goizean, dudarik gabe, beste pertsona bat zela ohartuko da
|
ez diogu beldurrik izan behar heriotzari, garen bitartean heriotza ez baita, eta heriotza denean, gu ez gara
|
ez diogu ezeri beldurrik izan behar, beldurrari berari izan ezik
|
ez dira bertuteak, bizioak baizik, gizona aldi oro nor den erakusten digutenak
|
ez ditugu egunak oroitzen, uneak baizik
|
ez du lagunik egiten sekula areriorik egin ez duenak
|
ez dugu ezagutza faltarik; ausardia falta dugu dakigun hori ulertzeko eta ondorioak ateratzeko
|
ez dugu inoiz egin izan dena ikusten, egiteke dagoena baizik
|
ez dugu irakurri behar gure buruaz eta eguneroko bizitzaz ahanzteko; baizik eta gure bizitzari indar, argitasun eta heldutasun handiagoz heltzeko
|
ez dugu sortu ez dugun zoriontasuna kontumitzeko eskubide handiagoarik, sortu ez dugun ondasuna kontsumitzeko baino
|
ez dut alkoholik hartzen, baina ez bertutetsu naizelako, baizik eta beste edari bat atseginago zaidalako: ura
|
ez dut bakarrik egon nahi; bakarrik egoten utz diezadaten nahi dut
|
ez dut ebakuntza-mahai gainean bukatu nahi, hilabete batzuk gehiago irauteko: ez du merezi; nahiago dut irribarrez hil
|
ez dut ezer frogatu nahi; erakutsi nahi dut
|
ez dut inoren aipurik erabiltzen, nire pentsaera hobeto adierazteko baizik
|
ez dut limosnarik ematen; ez bainaiz horretarako behar bezain pobrea
|
ez dut sinesten mirakuluetan; gehiegi ikusi ditut
|
ez dut ukatuko emakumeak tentelak direla; Ahalguztidunak gizonaren antzirudiz egin baitzituen
|
ez dut ukatzen medikuntza pertsona batzuentzat ona izan daitekeenik, baina, zorigaiztokoa da gizadiarentzat
|
ez duzu behar bezain sakonki ulertu zerbait, amonari esplikatzeko gauza ez zaren bitartean
|
ez duzu tutik ere ulertu gizon arrunta zarelako. Gizon arrunta munstro bat da, delitugile arriskutsua da, konformista, arrazista, esklabista eta politika axola ez zaiona
|
ez egin adioak zure ilusioei; joanak direnean, existitzen jarraituko duzu, baina bizitzeari utzita
|
ez egin besteei zuretzat nahi zenukeena; agian beste gustu batzuk dituzte
|
ez egin oihu gauez laguntza eske; bizilagunak esna daitezke eta
|
ez egon ezin egin izan zenuenaren damutan, egin ahal izan eta egin nahi izan ez zenuena damutu behar zaizu
|
ez eman inoiz esplikaziorik; nolanahi ere, lagunek ez dituzte behar, eta etsaiek ez dizute sinetsiko
|
ez erabili termino atzerritar, zientifiko edo argotekoak eguneroko hizkeran nola esaten den baldin badakizu
|
ez eskatu adeitsu izan nadin; eska iezadazue, soilik, adeitsu bainintz joka dezadan
|
ez ezazu inoiz liburu bat bere filmean oinarriturik epaitu
|
ez ezazue denborarik gal oztopoen bila: baliteke batere ez egotea
|
ez gaitu borrokak artista izatera behartzen, arteak borrokalari izatera baizik
|
Ez gaituzte zentzumenek engainatzen, zentzuak engainatzen gaitu
|
ez gara fidatu behar azaleko berrikuntzetan; batez ere, logikari jarraitzen diotenean
|
ez gara herrialde batean bizi, hizkuntza batean bizi gara
|
ez garenaren itxura egiteagatik, garena izateari uzten diogu
|
ez gaude askatasun faltan, gizaki libreen faltan baizik
|
ez ginateke fidatu behar jantzi berria behar duen enpresaz
|
ez irakurri, haurrek bezala olgetarako, edo helduek bezala ikasteko. Ez, irakurri bizitzeko
|
ez itxaron une egokiari: egoki ezazu
|
ez itzazu inoiz barneak ausiki emazteaz pentsatu duzunagatik. Hark zuk baino askoz ere gauza okerragoak pentsatu baititu zutaz
|
ez izan horren umila; ez baitzara hain handia ere
|
ez izan inoiz besteak baino gutxiago; jaitsi itzazu zure mailara
|
ez jarraitu, inoiz, egindako bideari; beste batzuk dagoeneko egonak diren lekura baino ez zaitu eramango
|
ez lirateke gizakiak, tristeak ez balira; hiltzeko dira jaioak; heriotza dute norabide bakar eta horrexek behartzen ditu ahalegintzera, gogoratzera eta aurreikuspenak egitera
|
ez nahiz ezkorra; gaizkiarekin konturatzea, edonon dela ere, nire iritziz, optimismo mota bat da
|
ez naiz behartuta sentitzen, zentzumenak, arrazoia eta adimena eman zigun Jainko berberak erabil ez ditzugan nahi duela sinestera
|
ez naiz guztia jakiteko behar bezain gazte
|
ez naiz harriak altxatatu eta azpian zer den begiratzen duen pertsona bat besterik; ez da nire errua noizean behin munstroren bat ateratzen bazait
|
ez naiz inoiz ezeren egilea izan, beti harrapatu izan baititut hor zehar airean zebiltzan kontuak
|
ez naiz itsu-itsuan fio estatistikez; burua labe piztu batean eta oinak izozkailu batean sartuta dituen gizonak, estatistikoki, batez besteko tenperatu du gorputzean
|
ez naiz komunista; ez daukat horretarako beste
|
ez naiz nire arazo pribatuetan muturra sartzeko zale
|
ez nau gaiztoen zitalkeriak izutzen, zintzoen isiltasunak baizik
|
ez nau inork hobeto orrazten haizeak baino
|
ez nintzateke nire konbikzioengatik heriotzera iritsiko; oker egon bainintekeen
|
ez utzi adierazpen-askatasuna inposatzen pentsamendu-askatasuna baino lehen
|
ez zaigu arazogarri ez dakiguna, baizik eta ziur jakinda ere gezurrezkoa dena
|
ez zaio erraz antzematen korronteari berez darraionari
|
ez zaitez betiko bizitzen ahalegin; ez duzu sekula lortuko
|
ez zaitez fida ideia batekin, ez bazaizu otu ibilian zinela
|
ez zaitu inoren esana gezurtatzeak gehiago beldurtzen, zuk esana gezurtatzeak baino
|
ez zalantzarik egin pertsona kontziente eta ausartek osatutako talde txiki batek mundua alda dezakeela
|
ez zara inoiz zoriontsu izango, zoriontasuna zertan datzan bilatzen ibiltzen bazara; eta, ez zara inoiz biziko, bizitzaren zentzua bilatzen baduzu
|
ez zen ezinbestekoa iraultza bat, aberatsen dirutzek sortutako ezberdintasun itzelak kalte eta krimen ugariren iturri direla munduari erakusteko; baina, zaudete ziur ondasun-berdintasuna ameskeria hutsa dela
|
ez zinateke nire bila arituko, lehendik ere aurkitu ez baninduzu
|
ez-fidel izan behar da; baina, inoiz ez desleial
|
ezagupena areagotzen duenak oinazea areagotzen du
|
ezagutu ditudan amodiozko istorio handienetako batzuk pertsona bakar batek protagonizatzen zituen
|
ezagutza kandelen antzerakoa da: bat erabiltzen denean beste bat pizteko, ez da lehenaren argia gutxitzen, aldiz, argitasuna areagotzen da
|
ezatsegin ditudan bertute guztiak dauzka eta, miresten ditudan akatsetan, bakar bera ere ez
|
ezein gizaki ez da gerra nahi izateko eta bakea nahi ez izateko bezain ergela: izan ere, bake garaian seme-alabek ehorzten dituzte gurasoak eta gerra garaian gurasoek ehortzi behar izaten dituzte seme-alabak
|
ezein gobernuk ez du oso luze tinko iraungo, egundoko oposizio bat ez badu
|
ezein hizkuntzatan ez da nor berean bezain zaila elkar ulertzea
|
ezein teoria demokratikok ez du zalantzan jartzen diktaduraren ezaugarrietako bat informazioa monopolizatzea dela
|
ezer adierazteko etsenplua erabiltzen baduzu, ez dut ezer aditzen
|
ezer eskatzen ez duenak guztia espero du
|
ezer espero ez duen gizakia bakarrik da benetan aske
|
ezer ez da harri gainean eraikitzen; guztia harea gainean eraikitzen da, baina, harea harria bailitzan eraiki behar dugu
|
ezer ez da ikuspuntu guztietatik eder
|
ezer ez da iraunkor, aldaketa ezik
|
ezer ez da irekitasuna bezain zail eta ezer ez da zurikeria bezain erraz
|
ezer ez da legez kanpoko, ehun negozio gizonek egitea erabakitzen badute
|
ezer ez da pozoi, dena da pozoi: dosian dago koxka
|
ezer ez dakit egungo literaturari buruz; aspaldidanik ditut garaikide grekoak
|
ezer gutxi nahi dut, eta nahi dudan hori, gutxi nahi dut
|
ezer irakasten duzunean, irakasten duzuna zalantzan jartzen irakas ezazu
|
ezerk ez du besteen ohiturak bezainbat aldatzeko premiarik
|
ezerk ez zaitu kodiziak baino gehiago pobretzen
|
ezertan sakondu ez duenak bakarrik ditu konbikzioak
|
ezertxo ere ez da teoria on bat bezain praktiko
|
ezertxo ere irakurtzen ez duen gizakia jantziagoa da egunkariak bakarrik irakurtzen dituena baino
|
ezezagun duzu heriotzak non espero zaituen; leku orotan itxaron ezazu
|
ezezaguna dugunaren eskergatasunaren aurka gure arbasoek asmatutako erlijio hutsal eta zentzugabeek itsututa aurrera jarraitzen dugu
|
ezin adierazi du edonork, harrotasunez, adiskide bat daukala
|
ezin aldatu dut iragana, baina nire oroipenak alda ditzaket
|
ezin barkatuzkoa da zientzilariek animaliak torturatzea; egin ditzatela saiakuntzak kazetari eta politikariekin
|
ezin bizi naiz ni gabe bizi ezin duenarekin
|
ezin dut inolako begiramenik izan itzultzaileekin, zeren eta, bestela, nire idazkera globala eta laua, usaingabea eta zaporegabea izango bailitzateke azkenean
|
ezin egin da iraultza demokrazia ezartzeko; demokrazia behar da iraultza egiteko
|
ezin esan duzu zibilizazioak aurrera egiten ez duenik, gerra berri bakoitzean era berri batez akabatzen baitzaituzte
|
ezin ezagutuko duzu gizaki baten benetako asmoa berari galdetuta
|
ezin galdu dut nire denbora dirutza egiten
|
ezin irabazi du batek, beste batek galtzen ez badu
|
ezin irakatsi diozu inori ezer; bere barnean aurkitzen lagundu baino ezin duzu
|
ezin izan gaitezke plazerrarekiko sentiberagoak oinazearekiko ere sentiberago ez bagara
|
ezin jasan duzula gezurra esatea? Bada, ez galdetu
|
ezin kontrola dezakezu gertatzen dena; gertatzen denaren aurrean dituzun erreakzioak bakarrik kontrola ditzakezu
|
ezin sinetsi nuen euren mutilei napalmez bonbardatzen irakatsi eta gero, hegazkinetan "zoazte pikotara!" idazten ez uztea
|
ezin ulertu ditut gasa erabiltzeari buruzko milikeria horiek guztiak; erabat ados nago tribu zibilizatu gabeen kontra gas toxikoa erabiltzearekin, eragin moralak ona izan behar luke... eta sekulako izua sortuko luke
|
ezinezkoa da aisiaz erabat gozatzea, non eta ez daukagun lan ugari egiteko
|
ezinezkoa da handitasuna sinpletasunik gabe
|
ezjakina hurbilagoa zaio egiari, aurreiritzia baino
|
ezjakintasuna eta norbere buruarekiko konfiantza besterik ez da behar; horrekin, arrakasta ziurtaturik dago
|
ezjakintasuna modu izugarri batean hedatzen ari da
|
ezjakintasuna zorion-iturririk itzelena da
|
ezjakintasuna zorionaren eta dohatasun sexualaren iturburua da
|
ezjakiterik okerrena norberaren ezjakintasunari buruzkoa da
|
ezkerra eskuinaren presentziari esker bakarrik jasan daitekeen gaitza da
|
ezkerrak arrasto putarik ere ez dio antzematen, zer nolako munduan bizi den
|
ezkertiarra izateak zergak ordaintzea esan nahi al du
|
ezkondu ala ezkongabe geratzeari dagokionez, edozein bide hartzen duela ere, gizonari beti damatuko zaio
|
ezkondu aurretik, neska batek, gizon bat atxiki nahi badu, amodioa behar dio; ezkondu eta gero, atxiki egin behar du amodio egin nahi badu
|
ezkontza da dibortzio-arrazoi nagusia
|
ezkontza egunez umore txarrak eta gauez usain txarrak trukatzea besterik ez da
|
ezkontza perretxikoak bezalakoa da: onak ala txarrak diren konturatu garenerako, berandu izaten da
|
ezkontza, bizitzan, batailaren erdian duelua bezalatsu da
|
ezkontza: beharrezko formalitatea dibortzioa lortu aurretik
|
ezkontzaren kateak hain dira astunak, bi lagun behar dira eramateko; eta batzuetan hiru
|
ezkortasunak adimenarekin du zerikusia, baikortasunak, berriz, borondatearekin
|
eztabaida batean bere aginpideaz baliatzen denak ez du arrazoimenera jotzen, oroimenera baizik
|
ezustekoa itxaro ez baduzu, ez duzu inoiz aurkituko; iheskorra baita, eta uste ez izatekoa
|
