nagikeriaren garaia, erdipurdiko soluzioena, espediente baretzaile eta frustranteena eta atzerapenena amaitzear dago. Horren ordez, ondorioen sasoian sartzen ari gara
|
nagitasuna da bizio guztien jatorria eta bertute guztien ondorena
|
nagusiak esklabua gabe moldatu ezin badu, zein da bietatik gizon librea?
|
nahasmenduan, elkarrekin egoten jarraitzeaz pozik sentitzen gara, hitzik egin gabe hizketan
|
nahi al diozu norbaiten ospeari kalte egin? Ondo hitz egin hari buruz
|
nahi duena ezin duenak, nahi beza ahal duena
|
nahiago dut egiaren bidez gogaikarri izan, losentxekin atsegina izatea baino
|
nahiago nuke gezurra frogatzen den bezain erraz aurkituko balitz egia
|
nahiago nuke gizaki ororen heriotza-ziurtagiria bere jaiotza-agiriaren hizkuntza berean idatziko balitz
|
nahikoa du (emakumezkoak) egia denen aurpegira aldarrikatzea. Ez dio inork sinetsiko eta guztiek pentsatuko dute burutik egin duela!
|
nahikoa jolastu zinen, erromatarren erara bazkatu zinen eta edan ere egin zenuen; joateko garaia duzu!
|
nahitaez jarraitu behar diet, euren buruzagia bainaiz
|
nahiz eta gramatikariak bezain ugari diren gramatikak, edo are ugariago...
|
naizena banaiz, ez da idazten dudanagatik, irakurri dudanagatik baizik
|
naturak ez du inoiz ezer egiten arrazoi bat izan gabe
|
naturak ez du nagusirik ez esklaburik sortu; nik ez dut legerik eman nahi, ezta jaso ere
|
naturak gizakiari egin dion oparirik onena bere bizitzaren laburtasuna da
|
naturak zergatik sortu zuen gizakia? hain handia denez, hutsegitea ere jasan dezakeela frogatzeko, ala ezjakintasun hutsagatik?
|
naturaltasuna gogoeta sakonen emaitza da
|
naturari obedituz bakarrik agintzen zaio
|
nazio denak trufatzen dira gainerakoez, eta guztiek daukate arrazoia
|
naziorik handienek beti jokatu izan dute gansterrek bezala eta txikiek prostitutek bezala
|
neba-arrebarik ez dutenen ametsa da guztiok neba-arrabak izan gaitezela
|
negozioarengatik ohorea galtzen duen gizonak ohorea eta negozioa galtzen ditu
|
nekez lortutakoa gehiago estimatzen da
|
nekez luzatuko diozu inori bostekoa, ukabila estututa
|
neronek ere egin izan ez nezakeen akatsik ez dut ikusten
|
neu naiz estatua
|
ni naiz ni eta neure ingurunea
|
nik ez dakit Jainkorik ba ote dagoen, baina ez balego irudi hobea emango luke
|
nik gauzak margotzen ditut, ez dakuskidan bezala, otutzen zaizkidan gisan baizik
|
nik manipulatu ditudan estatistikez bakarrik naiz fio
|
nik uste, denboraren poderioz, gobernurik ez edukitzea merezi izango dugu
|
nik, idaztean, ez dut sekula ere herriarengana hurbiltzeko asmoa izan; egia esan, ez nuen inorengana hurbiltzeko asmorik
|
nire aburuz, edozein gizakiri beste herri, hizkuntza, erlijio edo gizarte-klase batekoa izateagatik egiten zaion irain oro basakeria da
|
nire ahalmenetik kanpo dauden gauza guztien artean, gehien balioesten dudana, egia zinez maite duten gizonekin adiskidantza-loturak ezartzea da
|
nire amodio-istorioetan, barruko harra gero etortzen zitzaidan, sasoi batean; orain aurrez aldetik gertatzen zait
|
nire belaunaldiko gizonek dituzten muga berberak ditut; hala ere, esan nahi ez nuenik ez dut inoiz esan, esan nahi nuena beti esan ez badut ere
|
nire erlijioa bizitzan egia eta egian bizitza bilatzea da
|
nire etorkizuna goizean jaikitzen naizenean hasten da... egunero aurkitzen dut sormenezko egitekoren bat
|
nire heziketak izan duen eten bakarra, eskola garaian gertatu zen
|
nire iritziz diot eta ados nago
|
nire izena ez dut liburuetan idazten, irakurri ditudan artean; orduan bakarrik har baititzaket nire liburutzat
|
nire katuak neuk egin nahi nukeena egiten du, literatura gutxiagoz
|
nire kezka ez da handia ala txikia naizen jakitea, egunero hazten ote naizen egiaztatzea baizik
|
nire mintzairaren mugak nire munduaren mugak dira
|
nire optimismoaren oinarria da zibilizazio hau gainbehera datorrela jakitea; pesimismoarena, berriz, gu ere herrestan eramateko egiten duen guztia
|
nire ustez, armada iraunkorrak baino arriskugarriagoak dira bankuak gure askatasunekiko. Estatu Batuetako herriak bere moneta bankuei kontrolatzen uzten badie, banku pribatuek eta euren inguruan sortuko diren erakundeek jendeari ondasun guztiak kenduko dizkiote; lehenik inflazioaren bidez eta, berehala, atzerapenaren bidez, eta halako egunen batean, beren seme-alabak etxerik eta aterperik gabe esnatuko dira, gurasoek bere garaian erdietsi zuten lurraren gainean
|
nire ustez, mundu honetan, garrantzia duena ez da non gauden, baizik eta norantz mugitzen garen; batzuetan, haizea alde dugula nabigatzen dugu eta, beste batzuetan, kontra dugula, baina, nabigatu egin behar dugu eta ez jitoan egon edo aingura bota
|
nireak bailiran begiratuko diet lur guztiei; eta nireei, guztienak bailiran
|
niregana goizean baldin badatoz, zuregana gauean etorriko dira
|
niretzat adinak ez du ezer esan nahi; zaharra nintzen hogeita bat urterekin lanik gabe nengoenean; lan egiten duen bitartean, batek gazte dirau
|
nobedadea mundua bezain zaharra da
|
nola adiskideen lausenguek galbideratzen gaituzten, hala arerioen gaitzespenek sarritan zuzentzen gaituzte
|
nola antzeman artelan bat? Nola banandu, une batez besterik ez bada ere, bere kritikari-aparatutik, exegetengandik, plagiatzaile nekaezinengandik, arbuiatzaileengandik, bere azken barkadade-patutik? Oso erraz: nahikoa da itzultzea
|
nola arkiketa fisikoak gorputzari, hala irakurketak adimenari
|
nola beroak ezkoari hala adeitasunak giza izaerari
|
nola bizi ikasten ari nintzelakoan, nola hil ikasi dut
|
nola hezi pentsatzen hasi aurretik, komenigarri litzateke zer nolako emaitzak lortu nahi diren argitzea
|
nola jakin daiteke Lyndon Johnson gezurretan ari ote den? Nahiz eta belarriak mugitu, horrek ez du esan nahi gezurretan ari denik; bekainak goratzen baditu ere ez du zertan; ezpainak mugitzen baditu, ordea, gezurretan ari da
|
nola-halako hezitzaileari hitza dario; hezitzaile onak argibideak ematen ditu; hezitzaile bikainak frogak ematen ditu; hezitzaile aparta inspirazio-iturri da
|
nor bere buruarekin ongi dagoenean, bidaiatzea beste leku batean egotea da, baina, ez urruti egotea
|
nor bere buruaren aurka jardutea da borrokarik latzena; nork bere burua gainditzea da garaipenik ederrena
|
nor da pobre, maite badute?
|
nora doan ez dakiena baino urrunago, inor ere ez da iristen
|
nora zoaz, Ivan? Minskera noa. Gezurra diozu, Ivan. Minskera zoazela diostazu, Moskura zoazela sinets dezadan, baina, egiaz, Minskera zoaz. Gezurra diozu, Ivan!
|
norbait gorroto dugunean, bere irudian gorrotatzen dugu geure baitan dagoen zerbait
|
norbanakoaren zein herri baten balentriarik behinena irrigarri geratzeari aurre egiten jakitea da
|
norbanakoengan, erotasuna da salbuespena, baina, talde, alderdi, herri eta garaietan, araua da
|
norbera inor izateko, norbait izan behar da
|
norbere akatsei erreparatzen dienak ez ditu besteenak ikusten
|
norbere buruaren gainean biraka aritu, eta gelditutakoan, blaust lurrera
|
norbere kulturari buruzko harrokeria da ezjakite-motarik okerrena
|
norberekeria ez da gogoak eman bezala bizitzea, besteak guri gogoak ematen digun bezala bizi daitezen nahi izatea baizik
|
nork bere bertueen akats berberak ditu
|
nork bere buruari izan ezik ezinezkoa da inork iruzur egitea
|
nork bere buruaz zalantza egitea da lehen adimen-zeinua
|
nork bere kultura babesteko modu bakarra, arriskutan jarri beharra onartzea da
|
nork bere lana maitatzea da lurrean zoriona lortzeari gehien hurbiltzen zaion gauza konkretua
|
nork du erru handiagoa gaizki jokatzen duten bi hauen artean: diru truke bekatu egiten duen emakumeak, ala bekatu egiteagatik ordaintzen duen gizonak?
|
nork uka dezake ingurumena suntsiturik dagoela?
|
nostalgia ere ez da sasoi batean zena
|
Nurembergeko legeak aplikatuko balira, gerraosteko presidente iparramerikar guztiak urkatuta leudeke
|
