abagune jakin batzuetan, hitz zakarrak dira garbienak
|
abantaila elkarrenganakoa da; gizakiek, irakasten duten bitartean, ikasi egiten dute
|
abentura, plangintza oker egin izana besterik ez da
|
aberastasunak ez zaitu egiten aberatsago, lanpetuago baizik
|
aberasteko anbizioa da pobretasunaren zergatirik hedatuenetariko bat
|
aberats gaitezen elkarrekiko gure desberdintasunez
|
aberatsagoa da gutxiagorekin asetzen dena; asetasuna baita naturako aberastasuna
|
aberatsak abolitu ordez, pobreak abolitu behar genituzke
|
aberatsei jakinduria ihardestea bezain zaila gertatzen zaie jakitunei dirutza lortzea
|
aberatsei zaila egiten zaie ulertzea pobreak gose direnean zergatik ez duten ezkilatxoa jotzen, afaria eraman diezaieten
|
aberri bat da etengabeko gogaita; batek ezin eduki die juduei nahikoa inbidia –edo errukia– bat ez dutelako, edo dituztenak behin-behinekoak direlako, Israel barne
|
aberriarekiko maitasunak ez ditu besteen mugak ezagutzen
|
abertzale izateko, gorrotatu nazio guztiak, zurea ezik; erlijiotsu izateko, gorrotatu sekta guztiak, zurea ezik; moraltasuna erakusteko, gorrotatu itxurakeria guztiak, zure ezik
|
abertzaletasuna da, zu bertan jaio zarelako zeure herria munduko beste guztiak baino hobea dela uste izatea
|
abisua: osasun-agintariak kaltegarriak izan daitezke osasunerako
|
abokatu kaskar baten jardunak hilabete edo urte batzuez atzera dezake auzia. Abokatu aditu batenak, askoz ere luzeago atzera dezake
|
abokatua bankariaren konplize naturala da
|
abokatua, zure ondasunak zeure etsaien eskuetatik berreskuratu eta beretzat hartzen dituen jaun bat da
|
abokatua: ezer arriskatzen ez duen gaizkidea
|
abokatua: tentazio-iturriak kenduz, lapurreta-arriskutik babesten gaituena
|
abokatuak dira juzgatuko dituen epailetzat, nahitaez, euren arteko bat izendatu behar zaien delitugile arrunt bakarrak
|
abokatuak dira legea ez ezagutzeagatik zigorrik jasotzen ez duten pertsona bakarrak
|
abortoa legeztatzeak traumatizaturik nauka, beste hainbatek bezala, gizahilketaren legeztapentzat baitaukat
|
abortuari buruz dudan iritzia distortsionatu samar dago bederatzi haurridetan zazpigarrena izanagatik
|
adeitasuna da itsuak ikusten eta gorrak entzuten duen hizkuntza
|
adi ez bazaude, egunkariek gorrotaraziko dizute zanpatuta dagoen jendea, eta zanpatzaileak maitarazi
|
adimen sortzaileen ezaugarria beti izan da hezkuntza-sistemarik okerrenetan ere bizirauteko gaitasuna
|
adimena kategoria moral bat da
|
adimenak arrazionalago egiten gaitu, baina, tamalez, arriskugarriago ere bai
|
adimenean ez dago ezer lehenik sentimenetan ez zegoenik
|
adiskidantza leialtasunez dago egina, ez fideltasun pasiboz
|
adiskidantzan, amodioan bezalaxe, ez dakigunagatik zoriontsuago izaten gara, dakigunagatik baino
|
adiskidea ez duzu malkoak lehortzen dizkizuna, negarrik eragiten ez dizuna baizik
|
adiskideak ez dira ausaz aukeratzen, menderatzen gaituzten irriken arabera baizik
|
adiskideek giza arrazaren zati hori osatzen dute, zeinarekin izan gaitezkeen onberak
|
adiskidetasuna berdinen arteko harreman desinteresatua da; maitasuna, berriz, tirano eta esklaboen arteko harreman doilorra
|
adiskidetasuna esatea da ezin hobe ulertzea, berehalako konfiantza eta oroimen iraunkorra esatea; hau da, leialtasuna esatea
|
adiskidetasuna etxabere bat bezalakoa da, ez talde-abere baten modukoa
|
adiskidetasuna ezkontza bezalakoa da: hamarretik bakarra da maitasunezkoa
|
adiskidetasuna maitasunaren haurtzaroa da
|
aditua, oso alor txikian egin daitezkeen akats guztiak egin dituen norbait da
|
adituaren eginkizuna ez da bestek baino zuzenago asmatzea, baizik eta arrazoi sofistikatuagoengatik oker egotea
|
administrazioa deitzen diogun hori neurri handi batean jendearen lana oztopatzean datza
|
adoragarri nuen zientzia eta maite nuen hegazkina ikusi ditut zerbitzatuko zutela espero nuen zibilizazioa suntsitzen
|
adorea besteek koldartzat hartuko gaituztenaren beldurra da
|
agian mundu hau beste planeta baten infernua da
|
agintzea eginbehar bat betetzea da, ez inor menderatzea
|
ahalik eta lan gutxiena egiteko gailurik famatuena, oraindik ere, senar aberatsa da
|
ahateek isilean erruten dituzte euren arrautzak. Oiloek, berriz, oihu artean erruten dute. Eta emaitza zein da? Guztiok oilo-arrautzak jaten ditugula.
|
ahaztu egin duzue fruituak guztionak direla eta lurra ez dela inorena
|
ahoz gezurra esan daitekeen arren, une horretako aurpegieraren bidez egia adierazten da beti
|
ahula da behar adinako zalantza egin ez eta ondorioak atera nahi izan dituelako
|
aise ahanzten ditugu geure erruak beste inork ez dakizkienean
|
aise barka dakioke gizon bati ordubetez memelo izatea, bai baitaude ergelak bere bizitza osoan ordubetez ergel izateari uzten ez diotenak
|
aktorea gezurti egiatia da
|
aktorea, berari buruz ari ez bazara, entzuten ez dizun pertsona da
|
aladurak dirauen artean, erruak dirau
|
alde guzietan dira loreak, ikusi nahi dituenaren begientzat
|
alderdi demokrata da esaten duena
|
alderdi demokrata da esaten duena gobernuak bizkorragoa, altuagoa eta aberatsagoa egingo zaituela, eta zure lorategiko sasiak desagerraraziko dituela; errepublikarra da esaten duena gobernuak ez duela funtzionatzen, eta orduan, hautatzen dute eta esandakoa egiaztatzen du
|
alderdiak taxien modura erabiltzen ditut: igo, ordaindu eta jaitsi egiten naiz
|
alfabetismoaren eta analfabetismoaren arteko proportzioa ez da aldatzen, baina gaur egun analfabetoek irakurtzen dakite
|
alferrik da korrika ibiltzea, garaiz abiatu behar da
|
alferrik galtzen ez duenak, denbora sobera izaten du
|
Ama Birjinari agertu nintzaion
|
ama familiaren bihotz hila da, aitak irabazitako diruak kontsumo-ondasunetan gastatzen duena, aitak jaten, lo egiten eta telebista ikusten duen lekuan giroa hobea izan dadin
|
amebatik gizakira bitarteko eboluzioa filosofoen ustetan benetako aurrerapena izan dela ematen du, baina inork ez daki ameba iritzi horrekin bat datorren ala ez
|
amerikarrak demokrazia-eramaile gaixotu gabeak dira
|
ametsak errealitate bilakatzen dira; horrela ez balitz, naturak ez gintuzke amets egitera bultzatuko
|
ametsik, ilusiorik eta idealik gabeko gizona munstroa litzateke, matematika hutsean doktoretza duen basurdea legezkoa
|
amodio eztiena gutunen bidez garatzen dena da
|
amodio-gutun guztiak barregarriak dira; barregarri ez balira, ez lirateke amodio-gutunak
|
amodioa da hasperenen lurrinak sortzen duen behelainoa
|
amodioa iristen denean aspergarri den pozaren zain egotea da
|
amodioa, elkar ezagutzen ez duten gizonaren eta emakumearen artean gertatzen dena da
|
amodioaren funtsa da emakume baten eta besteren arteko diferentziak gehiegi baliostea
|
anarkia ez da araurik eza, agintaririk eza da
|
animaliei dagokienez, pertsona guztiak gara naziak; eurentzat, etengabeko Treblinka bat da
|
animaliekiko ankerkeria gizakiekin anker izateko ikastaldia da
|
animaliekiko grina ankerrak krudelkeriarako berezko joera frogatzen du
|
anomalia guztiek erakartzen gaituzte; lehen-lehenik, bizitzak, anomalietan handienak
|
antikomunista nintzen komunistak bazirenean
|
antzerkiaren modukoa da bizitza; iraupenak ez dio axola, antzezpenaren kalitateak bai, ordea
|
antzeztu ongi zure partea, horretan datza ohorea
|
apaizak ezkonduta ikusi nahi nituzke, eta ez bakarrik heterosexualak
|
arauen alderik onena da aukeratzeko horrenbeste izatea
|
arautzat dut isiltasuna hobetzen duten hitzetara bakarrik jotzea
|
arazo filosofiko bakarra dago benetan larria dena: suizidioa
|
arazo konplexu bakoitzerako, bada beti konponbide sinple bat... zuzena ez dena
|
arazoen kausa nagusiak konponbideak dira
|
ardoak larriki hondatzen du edaten ez duenaren (adimen) osasuna
|
arerio amorratua, segur aski, adiskide epela baino hobe da
|
arerioa dabil gure buru
|
arerioa maitatzea (Ebanjelioak agintzen duen legez) ez da gizakiek egiteko moduko lana, aingeruek egitekoa baizik
|
arerioekin, legeak aplikatu egiten dira; lagunekin, berriz, interpretatu
|
argi jainkotiarrak mundua itsutu egiten du argitu beharrean
|
argitalpen hau, lanbidea egiten horrenbeste lagundu didaten nire arerioei eskaintzen diet
|
argitasuna da filosofoen gizalegea
|
argumentua menderatzen baduzu, hitzak bakarrik irtengo dira
|
arima libreak bakanak dira, baina bat ikusi orduko igartzen diozu; batez ere, hurbil duzunean edo berarekin zaudenean, ongi sentitzen zarelako, oso ongi
|
arimarik eta bihotzik gabeko burtsako espekulatzaile-talde batek desberdinkeria, miseria eta lazturaz betetako mundua sortu du; lehenbailehen eman behar zaio akabua euren erresuma kriminalari
|
arimarik handienak gauza dira, bertuterik handienak bezalaxe, biziorik handienak ere izateko
|
arkeologian ezezaguna dena azaltzen da. Diplomazian ezaguna dena gordetzen da
|
arkeologoa da emakume batek aurki dezakeen senarrik onena; bera zahartu ahala, interesgarriago egingo baitzaio gizonari
|
arma-fabrikak, lagungarri al dira langabeziaren aurkako borrokan?
|
armak mintzo, legeak mutu
|
arrakasta desio duzuna edukitzea da; zoriona daukazuna desiratzea da
|
arrakasta lortzen dutenak, edonola lortu dutela ere, ez ditu inork larderiatuko
|
arrakasta-mota bakarra dago: bizitza zure modura bizitzea lortzearena
|
arrakastaren gakoa zintzotasunean eta jokabide tatxagabean dago; horien itxura egitea lortzen baduzu, horra!
|
arrakastaren sekretua zintzotasunean dago, zintzo-itxura osoa eginez gero, lortu duzu
|
arras egoki da apurka-apurka ulertzea ez dugula ezertxo ere ulertzen
|
arrazoi izatea aski arrazoi da batere arrakastarik ez izateko
|
arretaz ibili zure desioekin; egia bihur litezke
|
arriskugarria da agintean dauden mandatariak oker dauden argudioetan arrazoi izatea
|
arriskugarria da egiati izatea, non eta ez zaren aldi berean ergela ere bai
|
artalde bateko kide akatsgabea izateko, lehenik eta behin ardi izan behar da
|
arte-titulazio bat papiroflexiako diploma baten parekoa da; eta, gutxi gorabehera, baliagarritasun berdinekoa
|
artea da egia izatearen gezurretik askaturiko magia
|
artea egia ulertzeko bidea erakusten digun gezurra da
|
artea ez da mundua islatzeko ispilua, mundua kolpatzeko mailua baizik
|
artea kapital-inbertsioa da eta kultura, berriz, hori zuritzeko aitzakia
|
artea zer den? Prostituzioa
|
artea, deituak izan ez diren gehiegik erantzuten duten deia da
|
arteak arimari, eguneroko bizimoduan metatzen zaion hautsa astitzen dio
|
artean nekez esan daiteke ezer ez esatea bezain ona den ezer
|
artelan bat ulertzeko eragozpenik handiena konprenitu nahi izatea da
|
ase eta zoriontsu direnek ez dute maitatzen; ohituran loak hartuta daude
|
askatasun handia izateko modurik onena, besteei askatasun handia ematea da
|
askatasun jakin bat zalantzan jartzen denean, askatasuna bera jartzen da zalantzan
|
askatasuna gobernuaren jarraitzaileentzat bakarrik, alderdi politiko bateko kideentzat bakarrik, nahiz eta oso ugariak izan, ez da askatasuna; beste era batean pentsatzen dutenen askatasuna da beti askatasun
|
askatasuna hain da preziatua, ezen arrazionatu egin behar baita
|
askatasuna poesia bezalakoa da: ez du adjektiborik behar, askatasuna da!
|
askatasunak erantzukizuna esan nahi du, baina gehiengoa horren beldur da
|
askatasunak ezer esan nahi badu, jendeari entzun nahi ez duena esateko eskubidea esan nahi du
|
aski da eguzkiaren errainu bakarra, milioika itzal ezabatzeko
|
asko jakinduriara helduta leudeke, hara helduak zirela uste izan ez balute
|
asko koldarrak izango lirateke, behar adinako ausardia balute
|
askok galtzen dituzte pozgarri xume guztiak, erabateko zorionaren zain
|
askok itzuri nahi lieke zergei, baina, aberatsenek bakarrik egin dezakete hori; beraz, pobreak jakinaren gainean daude haien ordez ere ordaindu beharko dituztela
|
askotan, onak izatearren, ondradu izateari utzi behar diogu
|
askoz estimu handiagoa merezi du hortz batek diamante batek baino
|
asmatu izan den guztia, egiazkoa da
|
asmo zuzenak... bide okerra zilegitzen du? Mila esker, Moggi
|
asperkizuna gaixotasun bat da eta lana da bere sendabidea; gozamena aringarri bat besterik ez da
|
astiro doana, onez eta urrunera
|
astoa ere joan daiteke Mekara, baina horregatik ez da erromesa
|
astronomiak irakatsi digu ez garela unibertsoaren erdigunea; planeta nimiño bat baino ez gara, izar guztiz arrunt baten inguruan biraka; gu geu, izaki adimendunok, izarren bilakaeran gara sortuak, astroen materiaz eginak gara
|
atarramentu ona lortzen duten hitzek probetu egiten dute hizkuntza
|
ateoa naiz, Jainkoari esker
|
atletarentzat dopaketa dena, horixe dira gezurra eta lapurreta politikariarentzat... neke handiz saihes daitekeena
|
atsegin dut hitz egitea; sarritan hitz egiten diot neure buruari, ezer entzutearren, eta batzuetan hain buruargia naiz non ez dut esandakoa ulertzen
|
atsegin izan zaitez goranzko bidean aurkitzen dituzunekin, berriro aurkituko baitituzu beherantz egiten duzunean
|
atsegina egiten ari zarenak ematen dizu, ez lortuko duzun emaitzak
|
atsotitza eskarmentu luzean oinarrituriko esaera laburra da
|
atzeraldia da auzokoa lanik gabe geratzea eta beheraldia da lanik gabe norbera geratzea
|
atzerriko hizkuntzak ezagutzen ez dituenak ez daki ezer aberriko hizkuntzaz
|
atzerritarra gugan bizi da; atzerritarrari ihes edo eraso egiten diogunean, geure inkontzientea borrokatzen dugu
|
atzoko kriminalak gaurko jaunak dira eta gaurko kriminalak biharko jaunak dira
|
aurkikuntzek ez diote hirugarren munduari laguntzen, injustizia areagotzen dute
|
aurrean oztopo bat duzula, bi punturen arteko distantziarik laburrena kurba da
|
aurreikuspen ekonomikoen betekizun bakarra, astrologiari itxura errespetagarria ematea da
|
aurrerabidean sinesteak ez du esan nahi bidean aurrera egin denik
|
aurrerakuntza deitzen diogu daukagun eragozpen baten ordez, beste eragozpen bat ezartzeari
|
ausardia arretatsuak erakusten digu noraino irits gaitezkeen urrunegi
|
ausardiak adorea areagotzen du; zalantzak, berriz, beldurra
|
ausartek bakarrik dakite barkatzen; koldarrak ez du sekula ere barkatzen: ez dagokio bere izaerari
|
Auschwitz hasi zen, baten batek abere-hiltegi bat ikusi eta pentsatu zuenean: animaliak besterik ez dira
|
Auschwitz-ekoa eta gero olerkiak idaztea basakeria hutsa da
|
auskalo zer aurkitu izango zukeen Kolonek, Amerika tartean jarri ez balitz
|
axola duena ez da esaten dena, esan beharrik ere ez dagoena baizik
|
azalduko dizuet israeldarrok zer dugun Moisesen aurka: berrogei urtez ibilirazi gintuen basamortuan barrena eta, azkenean, Ekialde Ertain osoan petroliorik ez duen leku bakarrera ekarri gintuen
|
azken batean, pertsonekiko harremanak dira bizitzari garrantzia ematen diona
|
azken finean asmakuntzak oroimenaz bakarrik sortzen dira
|
azken finean, argazkia bera ez zait interesatzen; errealitatearen segundo-zati bat atzeman, hori da nahi dudana
|
azken finean, bi motatako gizonak dira mundu honetan: etxean geratzen direnak eta geratzen ez direnak
|
azken hiru hamarkadetan, merkatu-ekonomia bat edukitzetik ekonomia-gizarte bat izatera joan gara. Merkatu-ekonomia tresna baliotsua eta eraginkorra da produkzio-jarduera antolatzeko. 'Merkatu-gizartea' berriz, guztia salgai dagoen leku bat da; bizimodu bat da, non merkatu-balioek bizitzaren arlo guztiak arautzen dituzten
|
azken irudipena da batek ilusio guztiak galdu dituela uste izatea
|
azken zuhaitza bota, azken ibaia pozoindu eta azken arraina harrapatzen duzuenean, orduan bakarrik ohartuko zarete dirua ezin jan dela
|
azkenean, ez ditugu gogoratuko etsaien hitzak, lagunen isiluneak baizik
|
azkenean, hizkuntza da aberria
|
