pa baouezer a grediñ, ar realded eo ar pezh na steuz ket
|
pa c'hoantaez tra pe dra, asambles ec'h irienn pep tra en hollved ma vo sevenet da c'hoant
|
pa dav Doue e c'haller e lakaat da lavaret ar pezh a garer
|
pa fell d'un den lazhañ un tigr e lavarer ez eo ar sport; pa fell d'un tigr e lazhañ-eñ e lavarer ez eo ar fervder
|
pa gav an den emañ diouzh tu ar muiañniver ez eo poent dezhañ chom a-sav hag adsoñjal
|
pa glasker ar furnez, ar gammed kentañ zo chom sioul; an eil, selaou; an trede, derc'hel soñj; ar pevare, ober; ar pempvet, deskiñ ar re all
|
pa glevan an engroez o stlakañ daouarn d'un den em bez atav truez outañ. Goude, ne'n deus nemet bevañ hir a-walc'h ha c'hwitellet e vo outañ
|
pa lammez gant al levenez, diwall ma ne lamer ket an douar a-zindan da dreid
|
pa lavar un den e oar petra eo an eürusted, e c'haller bezañ sur ez eo bet kollet gantañ
|
pa lavar ur skiantour brudet-mat, met kozh, ez eo pousbl ober tra pe dra, ez eo sur, pe dost, en deus abeg. Pa lavar ez eo dibosubl tra pe dra, avat, ez eo gwirheñvel-treñ n'emañ ket ar gwir gantañ
|
pa lavaromp 'soñjit', ar pezh a fell deomp lavaret eo 'soñjit er marv'
|
pa oa degouezhet ar visionerien, gant an Afrikaned e oa an douaroù ha gant ar visionerien e oa ar Bibl. Desket o doa deomp pediñ serret hon daoulagad. P'hor boa o digoret eo ganto e oa an douaroù ha ganeomp-ni ar Bibl
|
pa oan bugel e voe lavaret din e c'halle n'eus forzh piv dont da vezañ Prezidant. Bremañ on krog da grediñ ez eo gwir
|
pa oan yaouankoc'h e c'hallen derc'hel soñj eus pep tra, ha c'hoarvezet e oa pe ne oa ket
|
pa oan-me yaouank, ne oa ket a v-best-sellers, ha ne oamp ket evit en em werzhañ evel gisti. Den ne felle dezhañ hor prenañ
|
pa rankan dibab etre daou wall, dalc'hmat e kavan ar gwellañ kemer an hini na'm eus ket anavezet c'hoazh
|
pa rois boued d'ar beorien e voe graet ur sant ac'hanon. Pa c'houlennis abalamour da betra n'o doa ar beorien netra da zebriñ e voe graet ur c'homunour ac'hanon
|
pa sav an dud a-du ganin, atav e kav din e rankan bezañ faziet
|
pa sellez don e daoulagad un den all e rankez sellet ouzhit-te da-unan
|
pa soñjer penaos e vez an tadoù alies, ral a wech ez eo gwalleur chom hep bezañ tad; ha pa soñjer penaos e vez ar vibien war an holl, ral a wech ez eo gwalleur bezañ hep bugale
|
pa van kousket e tisoñj an den e-unan. Pa zihun e talc'h soñj anezhañ e-unan
|
pa varv ar buagaleaj e reomp 'ar re vras' eus ar c'horfoù, ha dont a reont da vezañ lod eus ar gevredigezh, unan eus dereatañ anvioù an ifern. Setu perak hor bez aon rak ar vugale, zoken mar o c'haromp. Diskouez a reont deomp pegen gwrac'het omp
|
pa vez aes an den en e groc'hen, beajiñ zo chom e lec'h all, n'eo ket bezañ pell
|
pa vez an den, kousket ha difiñv en e wele, o huñvreal diwar-benn tra pe dra, pehini eo ar gwirionañ – pe eñ, evel ur boud emskiantek, pe neuze an huñvre end-eeun?
|
pa vez ar memes soñj gant an holl, den ebet ne soñj ket kalz
|
pa vez bras an ezhomm, ez eus tud hag a gredfe n'eus forzh petra
|
pa vez brezel e tav al lezenn
|
pa vez daou stumm disheñvel eus un istor, ar pep furañ eo krediñ an hini ma vez taolennet ar gwashañ an dud
|
pa vez daou zen a aferioù o kenlabourat ha dalc'hmat a-du an eil gant egile, n'eus ket ezhomm eus unan anezho
|
pa vez daou zen dindan levezon ar feulsañ, an diotañ hag ar berrbadusañ c'hoantoù, e vez dav dezho touiñ e chomint er stad mil inervet, divoas ha brevus-se, dalc'hmat, ken na zeuio an Ankoù d'o dispartiañ
|
pa vez dieub ar wask, ha pa oar an holl dud lenn, ez eo sur pep tra
|
pa vez laeret da wreg gant ur paotr all, n'eus dial gwell eget e lezel d'he mirout
|
pa vez libr an dud d'ober evel ma karont, peurliesañ e trevezont an eil egile
|
pa vez o kreskiñ e kof ar vamm, n'eus soñj ebet en empenn
|
pa vez trefoet ar yezh e koll an dud fiziañs er pezh a glevont, ha kement-se a zegas ar feulsted
|
pa vez ur c'hriz e vez kavet, a-greiz-holl, ur stropad kleñved, unan hag a vije bet kavet sot e pep mare a-raok: stropad kleñved ar produiñ betek re
|
pa vez ur frankiz resis en arvar ez eo ar frankiz dre vras a zo en arvar
|
pa vezer en arvar e tiziver sevel a-du gant ar pezh a zo mat
|
pa vezomp en hor berzh e oar hor mignoned piv omp; pa vezomp reuzeudik e ouzomp piv eo hor mignoned
|
pa vezomp klañv en em rentomp kont n'emaomp ket o vevañ hon-unan, met chadennet ouzh ur bed all, islonkoù ouzh hor mirout distag dioutañ, ur bed dianav deomp hag unan ez eo dic'hallus deomp bezañ komprenet drezañ: hor c'horf
|
pa vin marv, den ne ouelo evidon, ha ne chomin ket goloet gant an douar, rak me eo gwir avel ar frankiz
|
pa voe termenet ar garantez-vro gant an Dr Johnson evel diwezhañ repu un hailhon, ne oa ket o teurel pled ouzh an troioù niverus kinniget gant ar ger 'reform'
|
pa welan Berlusconi hag an targos all e laka ac'hanon da gaout c'hoant paouez a vezañ lod eus an denelezh
|
pa zepant ur gouarnamant war ar vankerien evit e arc'hant ez eo ar re-se ha n'eo ket renereien ar gouarnamant a ren. An dorn a ro a zo trec'h d'an dorn a resev. An arc'hant n'en deus mammvro ebet hag ar finañserien n'o deus na brogarantez na doujañs. Gounit arc'hant eo o fal nemetañ
|
pa ziskuizhan ma zreid e paouez ma spered ivez da vont en-dro
|
pa zistrujit ar monumantoù, mirit ar sichennoù. Implij pe implij a vo kavet evito
|
pa ziviz an doueed hor c'hastizañ, nemet selaou ouzh hor pedennoù ne reont
|
padelezh ar c'hoant zo diouzh eneberezh ar plac'h er penn kentañ
|
paeañ tailhoù a dalvez kement ha bezañ war an tu kleiz
|
pal an deskadurezh zo lakaat ur spered digor e-lec'h unan goullo
|
pal ar c'hastizañ eo gwellaat ar c'hastizer
|
pal hor bezoud zo lakaat a-unan ar soñj kaer zo ganeomp ac'hanomp hon-unan gant an traoù spontus a soñj ar re all diwar hor penn
|
pal kreiz ar politikerezh pleustrek zo derc'hel trechalet ar bobl - ha neuze o c'houlenn groñs bezañ heñchet a-benn kaout gwarez - dre o gourdrouz gant un heuliad diziwezh a c'halvoù-diwall faos, galvoù faltazius - an holl gwitibunan
|
pan vin erru bras e fell din bezañ ur paotrig
|
Paolig zo gwidreüsoc'h eget na oa, hag a-benn hon temptañ, a ra pinvideien e-lec'h peorien
|
pardonit dalc'hmat hoc'h enebourien; n'eus netra o laka ken diaes
|
pa'z a an traoù a-dreuz, n'ez ket ganto
|
pe e c'hallomp bezañ trec'h d'ar mennozioù kontrol dre vreutaat, pe ez eo ret deomp o lezel da vezañ meneget. N'eur ket evit bezañ trec'h da seurt mennozhioù dre heg, rak kement-se a harz ouzh diorroadur libr ar spered
|
pe ziforc'h zo etre ur bugel pemp bloaz, divorfil ha kurius hag unan naontek vloaz, dispered hag amoet? Pevarzek vloaz e sistem deskadurezh Breizh-Veur
|
pegement a wirionez e c’hall an den gouzañv? Kement tra a vez gounezet gant an den, kement kammad war-raok er ouiziegezh, a sav diwar kaout kalon, diwar bezañ kalet outañ e-unan, diwar bezañ glan en e geñver e-unan
|
pegoulz e teuio Unesco da envel ar blanedenn-mañ evel Glad evit an Denelezh?
|
pehini a echuo da gentañ - an aer pe an eoul-maen?
|
pehini a ra ar muiañ a glonoù, ar genetig pe ar skinwel?
|
pehini eo ar c'hablusañ eus an daou-mañ a ren fall o buhez: ar plac'h a bec'h evit arc'hant, pe ar paotr a bae evit pec'hiñ?
|
pell, pell e kemer da zont da vezañ yaouank
|
pemzek vloavezh he doa kemeret evidon da c'houzout ne oan ket donezonet da skrivañ; ne oan ket evit paouez avat, rak re vrudet e oan a-benn neuze
|
penaos anavezout un oberenn a arz? Penaos e virout distag, panevet e-pad ur serr-lagadig, diouzh e vurutellerien, diouzh e varnerien, diouzh ar re brest dalc'hmat d'e laerezh, diouzh ar re en diskaro, ha diouzh e donkadur, en diwezh, en digenvez? N'eo ket diaes - gra un droidigezh anezhi, tra ken
|
penaos e vez renet ar bed ha penaos e krog ar brezelioù? An diplomated a gont gevier ouzh ar gelaouennerien ha neuze e kredont ar pezh a lennont
|
penaos eo e 'post' ar Mafia e arc'hant dre reiñ an dramm evit netra dirak ar skolioù ha ne ra ket an embannerien ar memes tra gant levrioù?
|
penaos gouzout hag o kontañ gevier emañ Lyndon Johnson? Mar bez o fiñval e ziskouarn, ne lavar ket emañ o kontañ gevier. Mar sav e abrantoù, ne lavar ket emañ o kontañ gevier. Pa fiñv e vuzelloù, avat, emañ o kontañ gevier
|
pennaenn an deskadurezh eo prezegenniñ dre skouer
|
pennañ mammenn ar c'hudennoù eo an dirouestloù
|
pennoberenn an arz a zoñvaat al loened eo ar relijion, rak stummañ a ra an dud evit gouzout penaos e vefe ret dezho soñjal
|
peoc'h ennoc'h-c'hwi hoc'h-unan zo ret-holl a-benn dizarbenn ar c'hemmennadurioù a spont a vez implijet gant ar pennoù-bras a-benn klask lakaat diaes buhez an holl
|
peoc'h, Santez Anna benniget! Ra savo e zorn pep hini zo gant ar c'hoant sershaat, ha ra raio ur gammed war-raok pep hini zo gant ar c'hoant yaouankaat
|
pep broad a ra goap eus ar broadoù all, hag an holl o deus abeg
|
pep den a chom e-unan e kalon ar bed treantet gant ur barr-heol; hag a-greiz-holl, serr-noz zo anezhi
|
pep den a c'hoari ur roll, war-bouez, marteze, aktored zo
|
pep den a gemer bevennoù tachenn e weledigezh da vezañ bevennoù ar bed
|
pep den a ziskuilh ar sioù en e natur e-unan
|
pep den en deus un dever er vuhez, ha n'eo morse an hini a vije bet dibabet gantañ
|
pep den zo evel ma'z eo bet krouet gan an Aotrou Doue, hag alies gwashoc'h
|
pep dispac’h a ya gant an avel hep lezel war e lerc’h mann nemet limouz ur burevierezh nevez
|
pep foeter-hentoù ha pep klasker-bara zo kevatal dindan al lezenn
|
pep from, mar bez gwirion, a zo diratozh
|
pep genaoueg a fazi etre ar priz hag an dalvoudegezh
|
pep ger a zoug e eñvor e-unan
|
pep ger zo faos. Petra zo avat hep ar gerioù?
|
pep hini a lavar ez eo barbar ar pezh n'eo ket boas da implijout
|
pep komz, dre skrid pe distaget gant ar vouezh, zo ur yezh varv
|
pep kredenn zo ur c'harc'har
|
pep momed hor bez a zo dibar, dalc'hmat, ha ni ivez morse ne vezomp heñvel eus an eil momed d'egile, eus an eil mare d'egile
|
pep paotr en deus ur plac'h en e soñj, hag ar baotred zimezet o deus unan all er gêr
|
pep sacherezh zo eus an daou du
|
pep skiant resis zo reolennet gant ar soñj a c'houzout dre vras
|
pep soñj zo un direizhadenn d'ur reolenn-stur , da lavaret eo chom hep soñjal
|
pep torr-dimeziñ zo un tamm emglev a-benn renkañ un dra hag a zo echuet fall. Ar stourm ma vefe degemeret an torr-dimeziñ zo ur stourm gward-adreñv. Gwell e vefe stourm a-enep an dimeziñ
|
pep tra a c'haller kaout evit an arc'hant, war a lavarer. - Ne c'haller ket, n'eo ket gwir. Boued a c'haller prenañ, ket ar c'hoant debriñ avat; al louzeier, ket ar yec'hed avat; ar gweleoù blouk, ket ar c'housked avat; ar ouiziegezh, ket ar speredegezh avat; al lufr, ket an aested avat; ar plijadurioù a-ziwar-c'horre, ket ar gwir blijadur avat; an anaoudeien, ket ar vignoniezh avat; ar vevelien, ket al lealded avat; ar blev gwenn, ket an enor avat; an devezhioù sioul, ket ar peoc'h avat. Krogen pep tra a c'haller kaout gant an arc'hant. Ket ar graoñenn avat. An dra-se ne c'haller ket e brenañ
|
pep tra a lenner er c'helaouennoù zo gwir penn-da-benn, nemet an istor ral-se, pa oar an den petra a oa en em gavet dre ma oa war al lec'h
|
pep tra ne dalvez mann, hag ar peurrest a dalvez nebeutoc'h c'hoazh
|
pep tra zo risklus. Ma ne vije ket, ar vuhez ne dalvezfe ket ar boan he bevañ
|
pep tra zo un dra lu pa soñjer er marv
|
perak adober fazioù kozh, ma'z eus kement a fazioù nevez da ober?
|
perak e vefen chalet gant rummadoù an dazont? Petra o deus graet-i evidon-me?
|
perak e vez lazhet ganeomp ar re o deus lazhet? A-benn diskouez d'ar re all n'eo ket reizh lazhañ?
|
perak kaout aon rak ar marv? Kaerañ avantur ar vuhez eo
|
perak paeañ ma vo diskoachet da lignez? Kae da bolitikour ha da enebourien a raio se evidout
|
perak, peurvuiañ, e tec'her diouzh an digenvez? Dre ma'z eo nebeut ar re a gav int gant ur mignon mat pa vezont o-unan
|
perc'henned ar vro-mañ a oar ar wirionez: graet e vez "an huñvre amerikan" anezhañ, pa'z eo ret bezañ kousket a-benn krediñ ennañ
|
pet buhez zo en ur vuhez, ha pet den zo en un den
|
petra e vefe ar vuhez ma n'hor devije ket kalon da risklañ netra?
|
petra eo an arz? Ar c'histierezh
|
petra eo ar blijadur, ma n'eo ket ur boan c'hwek espar
|
petra eo ar gwir ved, ma n'eo ket an huñvre a huñvre an holl dud, a zo boutin d'an holl?
|
petra eo kentañ dever mab-den? Berr eo ar respont: bezañ e-unan
|
petra eo laerezh eus ur bank e-skoaz diazezañ ur bank?
|
petra eo Mab-den, ma rafe raktresoù?
|
petra zo diaes e sevel ul levr? E lenn eo a zo start
|
petra, ur roll kelaouennerien a-vicher! Nemet ur mennozh kaset war-raok gant brizhouizieien, gant kelennerien faos, gant ar re a garfe bezañ kazetennerien, ha gant ar re a fell dezho mirout ouzh an dud a soñjal evito o-unan. Seurt roll zo mat evit c'hoarzhin ha ne zeuio netra anezhañ. Direizh eo ivez dre ma klask lakaat bevennoù war ar pezh n'en deus ket a vevennoù, hag evit gwir a vefe ret dezhañ bezañ hepto. Techet eo da strishaat frankiz an den da lavaret e soñj
|
peurliesañ, ar pezh a fell d'an dud gouzout ne sell ket outo
|
peurvuiañ, daou abeg en devez an den evit ober tra pe dra: un abeg a seblant bezañ mat, hag an hini gwir
|
Picasso zo livour, ha me ivez; Picasso zo Spagnol, ha me ivez; Picasso zo komunour, ha me n'on ket kennebeut
|
piket e voe he c'halon en hevelep doare ha ma vez piket kalon an holl blac'hed speredek: evel ur sod
|
pinvidigezh an den zo diouzh niver an traoù a c'hall tremen hepto
|
pinvidigezh ar beorien a daolenner anat gant o bugale, ha hini ar binvideien gant o zud
|
pinvidik eo an den ur wech ma vez boas ouzh ar verrentez
|
piv a c'hall nac'h ez eo bet distrujet an endro?
|
piv a oar petra en dije dizoloet Kristol Goulm, mar ne vije ket bet Amerika o stankañ an hent dezhañ
|
piv, pa vez karet, a zo paour?
|
plijadur zo er c'hoadeier hep gwenodennoù, Gwenvidigezh zo war an draezhenn digenvez, Kevredigezh zo, na zirenker gant den, War aod ar mor don, ha sonerezh en e voud; Hep karout nebeutoc'h mab-den, e karan muioc'h an Natur
|
plijout a rafen din gwelet ar veleien dimezet, ar re heñvelreizhat koulz hag ar re all
|
pok: un ijinadenn gaer a harz ouzh an amourouzien a gontañ re a sotonioù
|
politikerezh: un akt a gempouez kenetre an dud a fell dezho bezañ e-barzh ar jeu hag ar re na fell ket dezho chom hep bezañ e-barzh ar jeu
|
preder, kent soñjal
|
prederiañ a vez atav un dra spontus d'ober
|
preizherezh, lazherezh, laerezh - ar re-mañ a vez fallanvet an impalaerezh; hag al lec'h ma krouont ur gouelec'h a vez anvet ar peoc'h
|
prestoc'h e vezer da gendrueziñ gant ar gwalleur eget gant an eürusted
|
prizet da vat eo ar pezh a c'hounezer dre strivañ
|
propaganda eo ar skourr-se eus an arz a gontañ gevier ma vez mignoned an den tost da vezañ touellet, ha ma ne vez ket peurdouellet e enebourien
|
prouiñ emañ ar gwir ganin a dalvezfe anavezout e c'hallfen bezañ em gaou
|
p'en em zisoñjomp eo e reomp traoù hag a zellez bezañ kounaet
|
p'he devez graet ur pennad kousk e tihun ar vertuz kennerzhet
|
p'ho pez fiziañs ennoc'h hoc'h-unan e vagit fiziañs er re all
|
p’en em ziskouez ur gwir spered-dreist er bed-mañ e c’haller e anavezout dre an arouez-mañ: an holl c’henaoueien en em gevre en e enep
|
