sacciu c'a poesia è indispenzabbile, ma un saperra di' picchì
|
sapimu ca n'ùaminu po' leja Goethe e Rilke a sira, o po' sona' Bach o Schubert, e, ra matina appressu, po' ji' a fatica' a r'Auschwitz
|
Satana mo' s'è fattu chiù furbu, e ni tenta faciennune ricchi invece ca poveri
|
scopra nu paisi novu e l'invada su sempi stat'a stessa cosa
|
scoprimu nu sapure a ri jùarni nostri sulamente quannu ninni 'ncarricamu i l'obbligu d'avì nu ristinu
|
scriva è na manera i parla' senza ca t'interrumpanu
|
scriva è sempe ammuccia' anguna cosa 'ppi fa' ca pu si scopra
|
scriva puasìa dùappu ad Auschwitz è n'attu i barbarie
|
senza sordi e senza tempu, a fantasia si riducia a nu sùannu passeggeru c'un si po' traducia in azzione
|
Sette Peccati sociali: politica senza principi, ricchizza senza fatica, piacire senza coscienza, canuscenza senza carattere, commercio senza moralità, scienza senza unmanità e cultu senza sacrificiu
|
si campi abbastanza, vidi ca ogne vittoria si trasforma 'ntra na sconfitta
|
si dicia borghesia ogne grupp'i persune ca su scuntenti i chiru ca tenanu e soddisfatt'e chiru ca su'
|
si dicia ca 'ccu ri sordi s'accatta tuttu. No, unn'è veru. Vi putiti accatta' u mangiare ma no u pitittu, i medicine ma no a salute, nu lìettu morbidu ma no u sonnu, u sapiire ma no a spertizza, a presenza ma no u benessere, u divertimento ma no a gioia, a gente ca canusci ma no l'amici, i servi ma no a fedeltà, i capiddri janchi ma no a reputazzione, jurni tranquilli ma no serenità. I sordi pùannu accattà a corchia i tutte se cose. Però no a simenta. Chira un si pù avì 'ccu ri sordi
|
si dicissa chiru ca pìenzu daveru m'arresterranu o mi chiuderranu dintra a nu manicomiu. E jà, signu sicuru ca forra d'accussì 'ppi tutti
|
si Dio unn'avissa fatt'a fimmina, unn'averra fattu mancu u fiore
|
si i Repubblicani a finiscianu i cunta' pagliette sup'i Democratici, nua a finiscimu i dicia a verit´supa a loru
|
si l'omini capiscissaru mìegliu i pericoli ca cumporta a usa' certe parole, i dizionari 'ntre vetrine di librai forranu 'mmulicati 'ccu na strisciulilla i carta russa 'ccu supa scrittu: 'Esplosivo... manijati 'ccu cura'
|
si nu populu s'aspetta i poti' essa liberu restannu 'gnorante, spera 'ntra na cosa ca unn'è mai stata e ca mai sarà
|
si n'omu unn'è dispost'a cummàtta 'ppe l'idee sue, o u'bbalanu l'idee sue, o u'bbala d'iddru
|
si rispettanu sulu i diritti umani d'e persune giuridiche
|
si si commetta in nome di Dio o d'a patria, nuddru crimine è tantu bruttu c'un si po' perduna' a ra gente
|
si ti spusi 'ccu na fimmina ca a vo' e ca ti vo'. fa na scommessa supa a chini a finiscia 'ppi primu i vuli' all'atru
|
si tìani nu talentu usalu i ogni manera possibile. un t'u stipa'. unn'u sparta pocu a vota cumu nu tirchiu. spennatillu senza frenu, cumu nu milionariu c'ha decisu i si ruvina'
|
si un'i nua, unu qualsiasi i nua esseri umani, 'ntra stu momentu sta soffrennu cumu nu cane, è malatu o tena fame, è na cosa ca ni riguarda a tutti. N'ha di riguarda' a tutti, pecchì far'a mossa ca unn'esista a sofferenza i n'ùaminu è sempi n'attu i violenza, e d'i 'cchiù vigliacchi
|
si vi faciti vida c'aviti bisognu d'anguna cosa, unn'acchiappate nente; 'Ppi fa sordi s'ha di fa a mossa i essa ricchi
|
si vi fidat'i vua stessi, ispirati fiduacia puru all'avutri
|
si vu diventa' riccu scrivìannu, scriva u gener'i cose ca venanu lette d'i persune chi quannu lejanu movanu u mussu
|
si vu nu quadru d'u futuru, immagginati nu stivale ca zampa ra faccia i nu cristianu, 'ppi sempi
|
si vulimu ca è cose cangianu, avimu i occupa' ae banche e fa zumpa' a televisiune. Un c'è n'atra possibbile soluzzione rivoluzzionaria
|
si vulimu ca finiscianun e guerre tra popoli, n'amu i'mpegnà menu 'ntre guerre e di 'cchiù 'ntra a cultura d'a pace
|
si 'cchiù saggiu i l'avutri ma un ci u dicia
|
si, simu tria vote 'cchiù ricchi d'i nùastri nonni ma simu puru tria vote 'cchiù felici?
|
signu apparsu a ra Maronna
|
signu circondat'i prìeviti ca ripetanu continuamente c'u rgnu loru unn'è di su munnu, e attrimenti mintanu i mani supa a tuttu chiru ca ponnu acchiappa'
|
signu favorevole a ra legalizzazione d'e droghe. Secunnu u sistema mio di valori s'a gente si vo ammazza' tena tuttu u dirittu d'u fa'. A maggior parte d'u dannu chi vena d'i droghe deriva de l'illegalità loro
|
signu na parte i tuttu chiru chi haju truvatu supa a strata mia
|
signu pi rispettà a legge, però unn'amu i scorda' ca a legge s'ha d'usa' pi proteggia i chiù debboli
|
signu sempi d'accordo 'ccu chini tena cultura, si su i prima ca parlanu
|
signu traumatizzatu d'a legalizzazione i l'aborto, picchì a conzideru, cumu assaji atre persune, na legalizzazione i l'omicidio
|
simu chiri ca facimu a mossa i essa, quindi n'avimu i sta assaji accorti a chiru ca facimu a mosssa i essa
|
simu chiru ca facimu ripetutamente
|
simu chiru ca facimu 'ppi cangia' chiru chi simu
|
simu chiru ca ni mangiamu
|
simu sempe obbligati, pi renna sopportabile a realtà, a coltivare dintra a nua stessi anguna follia picciriddra
|
simu tutti rassegnati a ra morte; è a ra vita c'un simu rassegnati
|
soffra senza ni lamenta' è l'unica lezione c'amu i 'mpara' 'ntra sa vita
|
solitamente, e cose terribbili fatte 'ccu ra scusa ca i richieda ru progressu un su di nente progressu, ma sulu cose terribbili
|
sonnati e si liberu 'ntru spiritu, lotta e si liberu 'ntra vita
|
spero c'un arrivu a diventa' tantu vìacchiu i mi fa' religioso
|
spirtizza militare è na contraddizzione in termini
|
sta vita è nu spitale 'ddue ogne paziente èpigliatu d'a gulìa i cangià lìettu
|
statt'acùartu 'ccu chiru ca desideri, ca si puterra puru avvera'
|
storia: nu resocontu chiù favuzu ca atru, d'eventi a ru 'cchiù senza significatu, provocati i guvernanti quasi sempi latri, e de surdati quasi sempi ciùati
|
stu trica trica è tremennu; vulerra durà
|
su daveru poche e cose ca succedanu a ru momentu giustu, u rìastu un succeda di nente: u storicu 'ccu cuscienza ha di curreggia sti difetti
|
sulu a re persune i cultura li piacia a si 'mpara'; i 'gnuranti prefescianu a fa' scola all'atri
|
sulu a ri lati d'a scala sociale si vidan'i 'rre
|
sulu chini unn'ha approfonditu nente po' avi' nguna convinzione
|
sulu chini vincia decida quali su ri crimini i guerra
|
sulu quannu aviti tagliatu l'urtimu arbaru, avvelenatu l'urtimu jumi, catturatu l'urtimu pisci, sulu tannu capisciti ca i sordi un si ponu mangiare
|
sulu si t'incamini supa u viale d'u tramonto, pu trovà l'aurora
|
s'ajuti a 'ngunu ch'è 'ntra na 'mmulica, statti sicuru ca su ricorda... a prossima vota ch'è'mmulicatu
|
s'apprezza de 'cchiù chiru ca si guadagna 'ccu 'cchiù fatica
|
s'averra de pensa' cchiù a fa bùanu ca a sta bùanu, accussì finiscerra puru ca si sta mìegliu
|
s'ha di di' a verità, cerca d'essa divertente, sinnò ti conzanu linze linze
|
s'ha d'essa tradituri, ma mai sleali
|
s'i giuvani li neganu l'appoggio pure l'nnippotente e misteriosa mafia sbaniscia cumu nu malu sùannu
|
s'u dottore mio mi dicerra ca mirestanu sulu sia minuti i vita, un ci staperra a pensa' supa. Scriverra 'ccu ra machina na picchicella 'cchiù veloce
|
s'un ni scrntramu 'ccu ra raggiune un concludimu mai nente
|
