a bellessa a serve a-e dònne pe ëse ammæ da-i òmmi, a nesciaia pe ammâ i òmmi
|
a bellessa a sta inti euggi de chi ammïa
|
a Bibbia a ne mostra a voei ben a-i nòstri nemixi pægio che se foìsan nòstri amixi. Fòscia perché son e mæxime personn-e
|
a burocraçìa a l'é un meccanìximo zagante ch'o ven mansinòu da di nanetti
|
a çerchia da perfeçion de soventi a mette di sapelli a-o megioamento
|
à chi à vinto no se ghe ciamma s'o l'à dïto a veitæ ò no. Quande se inandia e se comensa 'na guæra no conta ninte aveighe raxon, ma vinse
|
a coltùa a l'é un instromento ch'o ven manezzòu da-i professoî pe fabbricâ di ätri professoî che fabbrichian à sò vòtta di ätri professoî
|
a conscensa a l'é a voxe de drento chi n'avverte che quarchidun porrieiva veine
|
a conscensa a l'é un can chi ne lascia passâ, ma niätri no ghe poemmo impedî de baiâ
|
a conversaçion a pòrta di fruti söo che tra di spïti che son appreuvo à fâ cresce i sò dubbi
|
a corpoaçion di mëghi a l'é vegnùa à ëse unna gran menassa pe-a sanitæ
|
a cortexia a l'é a lengua che o sordo o sta à sentî e che l'òrbo o vedde
|
a cortexìa a l'è pe-a natùa umann-a quello che o cädo o l'é pe-a çeivia
|
a cösa che tutti çe sentimmo ciù attræti o l'é o passòu, appreuvo ch'a l'é l'ùnica cösa che conoscemmo e che ghe voemmo ben pe 'n davvei
|
a cösa ciù bella che a natùa a l'à dæto à l'òmmo a l'é a vitta curta
|
a cresciansa de sæximo a se peu mesuâ con preçisùa da quante s'ammerma o sangue marso
|
a deçixon crestiann-a de conscidiâ o mondo brutto e grammo a l'à fæto vegnî o mondo brutto e grammo
|
a delinquensa organizzâ a l'é söo che l'ätra cäa (sossa) do dòllao
|
a democraçìa a dà à ciaschidun a poscibilitæ d'opprìmmise da pe lê
|
a democracìa a dovieiva ëse quarcösa de ciù che doî loî e 'n bæ che vótan in sce cöse mangiâ da çenn-a
|
a democraçia a l'é a patética confiansa into sæximo collettivo de 'n'ignoansa personale
|
a democraçìa a l'é fraga e de ciantâghe tròppo bandëe de d'äto a se fregoggia
|
a democraçia a sostituisce a deçixon de 'na minoansa de corrotti con l'eleçion de 'na maggioansa ch'a no se n'intende
|
a desgraçia de sto paise a l'é che gh'é tròppo polìtichi che se créddan, in caxon de 'nna convinsion basâ in sce l'espeiensa che se pòsse imbroggiâ tutti pe de longo
|
a destinaçion a l'é partî
|
à dî a veitæ, se sa solo quande se sa pöco. Con ciù se sa, ciù cresce i dubbi
|
a dònna a l'é un regallo ch'a ve çerne
|
a dònna che, da comm'a fa, s'accapisce ch'a faià 'na scena se ghe dian a veitæ, a domanda che se ghe conte de micce
|
a duâ da pascion a l'é in proporçion da rexistensa ch'a fa a dònna a-o prinçipio
|
à fâ compricòu quello che l'é sencio no ghe veu guæi, ma fâ che e cöse compricæ pàggian sence inte 'na mainëa da no créddise, te â lì a creativitæ
|
a fantaxìa di òmmi a l'é ciù pövia che a realtæ de pe coscì
|
a farta de quarcösa che se vorriæ a l'é unna parte da feliçitæ che no se peu fâne de meno
|
a fedeltæ a l'é l'arte de mette e còrne söo che co-o penscëo
|
a feliçitæ a l'é anâ d'accòrdio con ti mæximo
|
a feliçitæ a l'é l'éstaxi sempiterna d'ëse mastrussæ ben ben
|
a feliçitæ a l'é quarcösa de mäveggioso, con ciù ti ne dæ e ciù te n'arresta
|
a feliçitæ a l'é unna recompensa ch'a l'arriva à chi no l'à çercâ
|
a feliçitæ a l'é 'na condiçion imaginäia, che 'na vòtta i grændi attribuìvan a-i figgeu, e òua i figgeu a-i grændi
|
a feliçitæ a no l'é quarcösa che ti preuvi, ma quarcösa che ti t'arregòrdi
|
a finalitæ a peu giustificâ i mezi, basta che ghe segge quarcösa che giustìfiche a finalitæ
|
a finansa a l'é l'arte de fâ passâ e palanche da 'na man à l'ätra fin tanto che no scéntan
|
a fìxica a l'é comme o sesso, de segùo a peu avei de conseguense pràtiche ma no l'é pe quello che se ghe dedichemmo
|
a fòrsa de 'nna lengua a no consciste into refuâ quello che l'é foestê, ma inte l'ascimilâlo
|
a gente a no meue pe farta de dinæ, ma perché a no peu arrivâ a-e resòrse
|
a Gexa a dixe che a Tæra a l'é ciatta, ma mi sò ch'a l'é rionda, percöse ò visto a seu ombra inta lunn-a e gh'ò ciù confiansa inte 'n'ombra che inta Gexa
|
a giöxìa a l'é un beuiâ de cæn ch'o l'attïa i laddri
|
a giustiçia a l'é söo che a convegnensa do ciù fòrte
|
a giustiçia a l'é söo che quello che ghe ven ciù ben a-o ciù fòrte
|
a gran differensa tra o sesso à pagamento e o sesso de badda a l'é che, pe comun, o sesso à pagamento o l'é ciù à bon patto
|
a grandixe a no sta into reçeive di onoî, ma into meitâli
|
a guæra a l'é a forma de terrorìximo moderno ciù praticâ
|
a guæra a l'é döçe pe chi no a conosce
|
a guæra a l'è o massacro de òmmi che no se conóscian, pe l'avvantaggio de òmmi che se conóscian ma schivian de massacrâse
|
a guæra a l'é o scistema che o Segnô o l'à çernùo pe mostrâ a giografìa a-i americæn
|
a guæra a l'é unna leçion de l'istöia che i pòpoli no s'arregòrdan mai basta
|
a guæra a no se peu umanizzâ a se peu solo abolî
|
a lengua a l'é a pelle de l'ànima
|
a lengua a l'é ben ben ciù sciätâ che a vitta
|
a lengua a l'é söo che a reduçion do penscëo a-a sò forma ciù sencia
|
a lengua a l'é un segno, o segno ciù importante da nòstra condiçion umann-a
|
a lengua a l'é unna pelle, mi fretto a mæ lengua contra unn'ätra
|
a lengua a l'é unn'arte anònima, collettiva e inconscente, o resultato da creativitæ de miggiæa de geneaçioin
|
a lettùa a l'é pe-a mente quello che a ginnàstica a l'é pe-o còrpo
|
a levre ghe gusta a polenta. O dixe o cheugo
|
a leze, inta sò grandiosa imparsialitæ, a proibisce segge a-i mosci segge a-i misci de dormî sotta i ponti
|
a lezze ciave do capitalìximo a l'é: ò mi ò ti; no mi e ti
|
a libertæ a l'é comme a poexìa; a no l'à de mestê de aggettivi: a l'é libertæ!
|
a libertæ a l'é mai tanto de quello preçiosa che bisà scompartîla
|
a libertæ a no l'existe, ma a çerchia da libertæ scì, e a l'é sta çerchia chì ch'a ne fa lìbei
|
a libertæ d'ammâ a no l'é meno santa da libertæ d'appensâ, quello che ancheu ciàmman mette e còrne, unna vòtta ô ciammàvan erexìa
|
a libertæ solo pe chi sostegne un goerno, a libertæ de chi appartegne à 'n partïo, a no l'é libertæ. A libertæ a l'é de longo solo a libertæ de chi a pensa à unn'ätra mainëa
|
a lòtta contra o poei a l'é a lòtta da memöia contra l'obliansa
|
a l'é sta pascion pe-i libbri ch'a m'à fæto vegnî a nescia ciù instruïa do mondo
|
a l'ëa mai tanto bella che gh'aivan proibïo d'anâ da-a vexin a-a Töre de Pisa
|
a màchina fotogràfica a no peu contâ de stoppe, ma a peu aggiuttâ à contâle
|
a maffia a l'é un tràffego comme 'n ätro co-a defferensa che d'ògni 'n pittin a späa
|
a mainëa de constrùe unna superstar a l'é de fâghe tegnî a bocca serrâ. Revelâ un artista a-o pùbbrico peu voei dî mandâlo à quaterno. No serve à nisciun de vei a veitæ
|
a malinconia a l'é a feliçitæ d'ëse triste
|
a màscima speçializzaçion a l'é a ciù gran farta de coltùa
|
a mattaia a l'é unna condiçion umann-a. A mattaia a l'é drento de niätri comme a raxon. O problema o l'é che a societæ pe ciammâse çivile a doviæ açettâ a raxon e a mattaia ascì
|
a megio mainëa de fâse imbroggiâ a l'é quella de créddise d'ëse ciù fùccai di ätri
|
a megio mainëa de gödîse a libertæ a l'é de dâne tanta a-i ätri
|
a megio mainëa de imprende à fâ un cine a l'é de fâne un
|
a memöia di òmmi a l'é 'na cösa mäveggiosa, ma a fa di äri
|
a mòrte a l'é quarcösa che no beseugna aveine poïa, perché, quande ghe semmo lê a no gh'é, e quande lê a gh'é niätri no ghe semmo ciù
|
a mòrte a l'é unna condiçion de perfeçion, l'ùnica che un òmmo mortâ o ghe peu arrivâ
|
a mòrte a mette poïa, ma mettieiva ancon ciù poïa o savei de dovei vive in sempiterno e no poei moî mai ciù
|
a mòrte a no sta into no poei comunicâ, ma into no poei ciù fâse accapî
|
a mòrte a se paga de vive
|
a mòrte a viveiva drento de mi, scin ch'a no m'à lasciòu pe anâ à vive inte 'n ätro còrpo
|
a moæ a l'é o cheu mòrto da famiggia. A spende o meise do poæ pe accattâ di ben de consummo da meggioâ o pòsto che lê o mangia o dòrme e o mïa a televixon
|
a mæ religion a l'é de çercâ a veitæ inta vitta e a vitta inta veitæ
|
a naçion ch'a s'arroinn-a a seu tæra, a s'arroinn-a da pe lê
|
a natùa umann-a a l'é quella cösa ch'a ne fa giastemmâ o pedon quande guidemmo e l'ötista quande anemmo à pê
|
a neçescitæ a n'à de leze
|
a no l'é a lòtta ch'a ne constrenze à ëse artisti, a l'é l'arte ch'a ne constrenze à lottâ
|
a no l'é a vitta chi detèrmina a conscensa, ma a conscensa chi detèrmina a vitta
|
a nostargia a n'é ciù quella de 'nna vòtta
|
a paxe a no l'è un regallo che o Segnô o fa a-i òmmi, o l'é un regallo che i òmmi se fan à lô
|
a paxe ciù desgraçiâ a l'é megio che a guæra ciù giusta
|
a paxe de drento a l'é neçessäia pe scombatte i messaggi de terrô co-i quæ i grændi interesci se preuvan à rovinâ a vitta de tutti
|
a pëna a l'é a lengua de l'ànima
|
a perdia a m'à dæto a-a testa
|
a pezo intolleransa a ne ven da quello che ciàmman raxon
|
a poexìa a l'azzonze vitta a-a vitta
|
a poexìa a l'é o conzónzise de doe pòule che no çe figuemmo che pòssan mescciâse e fórman quarcösa coscì comme inte 'n mistëio
|
a poexìa a me serve pe dî quello che no se peu dî
|
a poïa de stâ da soli a l'é ciù fòrte che a poïa de ligagge, e coscì çe sposemmo
|
a polìtica a l'é l'ombra che e grænde intrapreise fan cazze in sciâ societæ
|
a polìtica a l'é un atto d'equilibrìximo tra quelli che veu intrâ e quelli che no veu sciortî
|
a polìtica a l'é 'na guæra ch'a no spanteiga de sangue, tanto che a guæra a l'é unna polìtica ch'a spanteiga do sangue
|
a polìtica a no l'é l'arte do poscìbile. A consciste into çerne tra o desastroso e o desgustoso
|
a polìtica, ch'a l'é l'arte de occupâse da cösa pùbbrica, a l'é fæta da-i polìtichi, che son di artisti di daffæ privæ
|
a pòula a l'appartegne pe meitæ à chi parla e pe meitæ à chi sta à sentî
|
a pòula a rende l'òmmo lìbeo. Chi no se sa esprimme o l'é un scciavo
|
a prefaçion a l'é a parte ciù importante de 'n libbro. Â lézan scinn-a i crìtichi
|
a primma cösa ch'a fa unna dònna quand'a veu che un òmmo o l'acciappe, l'é méttise à corrî
|
a primma meitæ da nòstra vitta ne l'arroinn-a poæ e moæ, a segonda i nòstri figgi
|
a primma miccia da gestion a l'é a convinsion de existe. A segonda che arriescî veu dî ëse intranti
|
a primma raxon de chi mostra a l'é quella de formâ da gente ch'a sacce imprende da pe lê
|
a proibiçion de l'incesto a no se àpprica à l'amô che gh'emmo pe niätri mæximi
|
a propaganda a l'é quella ramma de l'arte da böxìa chi consciste inte l'imbroggiâ tòsto i amixi, sensa imbroggiâ pe ninte i nemixi
|
a proprietæ a l'é unn'inçenta, quello che se creddemmo de aveighe, in realtæ o l'é lê ch'o ne possede
|
a qualitæ de 'n libbro a depende da chi ô leze
|
a raxon de l'educaçion a l'è de cangiâ unna mente veua con unn-a averta
|
a raxon do travaggio a l'é quella de guägnâse o tempo lìbeo
|
a raxon primmäia da polìtica a l'é de tegnî de longo a popolaçion in allarme, co-a sprescia d'ëse ghiâ verso a seguessa, in menassâla con 'na quantitæ sensa fin de fäsci allarmi, tutti imaginäi
|
a realtæ a l'é quella cösa che, quande ti fornisci de créddighe, a no svampisce
|
a reçerca de base a l'é quella che fasso quande no sò cöse son appreuvo à fâ
|
a reçerca in scê mouttìe a l'é anæta mai tanto avanti che à momenti no s'attreuva ciù nisciun ch'o segge san arrëo
|
a reclamme a se peu descrive comme a sciensa d'affermâ l'intelligensa umann-a quello tanto che basta pe tiâghe feua di dinæ
|
a ricchessa di pövei a l'é rappresentâ da-i seu figgi, quelli di ricchi da poæ e moæ
|
a sàtira polìtica a no serve ciù à ninte da quande Henry Kissinger o l'à piggiòu o Premmio Nobel pe-a paxe
|
a scheua a l'é l'agensìa de reclam ch'a te fa credde d'avei de beseugno da societæ coscì comm'a l'é
|
a sciensa a no m'inteessa. A no tegne in conscideaçion o seunno, l'azzardo, a contradiçion, o sentimento; tutte cöse che pe mi en preçiose
|
a sciollaia da gente a ne ven da l'aveighe 'na respòsta à tutto. O sæximo do romanzo o ne ven da l'aveighe unna dimanda pe tutto
|
a se ciamma recescion quande o tò vexin o perde o travaggio; deprescion quande ti ô perdi ti
|
a sencitæ a l'é a forma da vëa grandixe
|
a senestra a l'é un mâ ch'o se peu comportâ söo che perché gh'é a drïta
|
a servitù de belle vòtte, a no l'è 'na violensa di baccæn, ma unn'intentaçion di servi
|
a seu conscensa a l'ëa netta, de fæto o no â deuviava mai
|
a smersa umann-a a gh'à söo che unn'arma ch'a l'é pe in davvei de bon riescî: o rïe
|
a smersa umann-a a no peu comportâ tròppo realtæ
|
a soçietæ a l'é permisciva inte cöse che no costa racca
|
a soçietæ a peu existe solo in sce 'nna çerta base de corteixi böxìe e à condiçion che nisciun no digghe pe 'n davvei quello ch'o pensa
|
a soçietæ a tegne da conto i òmmi normali. A l'éduca i figgeu à arroinâse da lô e à vegnî strafaläi, e coscì ëse normali. Di òmmi normali an massòu maniman çento mioin de ätri òmmi normali inti ùrtimi çinquant'anni
|
a sola cösa ch'a spartisce da quello ch'o vorriæ inta vitta a l'é de soventi söo che a voentæ de provâ, a forsa de credde ch'a segge poscìbile
|
a sola feliçitæ a-o mondo a sta into comensâ. Vive l'é bello perché vive veu dî comensâ, de longo, tutti i momenti
|
a sola mainëa de protezze a nòstra coltùa, l'é açettâ de méttila à peigo
|
a sola mainëa de stâ ben de salute a l'è quella de mangiâ quello che no n'emmo coæ, beive quello che no ne gusta e fâ quello che no vorriëscimo fâ
|
a sola miscioin de classe popolare a l'é quella de dâ o bon exempio
|
a solidaietæ a no l'é dâ, ma travaggiâ contra e ingiustiçie
|
a solitùdine a l'é piaxeive, ma gh'é de longo beseugno de quarchidun ch'o ne digghe ch'a ô l'é
|
à son de çercâ à pai quello che no semmo, smettemmo d'ëse quello che semmo
|
à son de curlâ, quande ti t'affermi ti dæ unna patta pe-a tæra
|
a speansa a ven ben da colaçion, ma a l'é ben ben gramma da çenn-a
|
a speansa de vegnî ricchi a l'ëa unn-a de raxoin da misëia
|
a spontaneitæ a l'é fruto de longhe meditaçioin
|
a stampa a no veu informâ o lettô, ma dâghe da intende ch'a l'é appreuvo à informâlo
|
a strategìa de l'amô â semmo deuviâ solo quande no semmo innamoæ
|
a s'é innamoâ franco comme s'innamöa de longo tutte e dònne fóccae; comme 'na nescia
|
a televixon a gh'à 'na fòrsa da lion, a televixon a no gh'à poïa de nisciun, a televixon a te fa dormî comme 'n belinon
|
a televixon a l'é a primma coltùa davvei democràtica, a primma coltùa pe tutti e goernâ da quello che a gente a veu. Quello che mette poïa o l'é quello che a gente a veu
|
a televixon a l'é fæto ben ben pe-a pscichiatrìa, tanto co-o fâ savei cös'a l'é, comme co-o fâla vegnî neçessäia
|
a televixon a l'é o spegio che se ghe peu vei a derotta do nòstro scistema coltuale
|
a televixon a l'é unn'invension ch'a te permette de fâte demoâ into teu salòtto da de gente che pe comun no ti faiësci manco intrâ in cà
|
à travaggiâ gh'é meno da angosciâse che à demoâse
|
a tæra a gh'à unna pelle, e sta pelle a gh'à de mouttìe; unn-a de ste mouttìe a se ciamma 'òmmo'
|
a tæra a l'é di seu patroin, ma o paisaggio o l'é de chi sa apprexâlo
|
a vëa filosofìa a l'é de imprende torna à vei o mondo
|
a vëa ignoansa a no l'è farta de conoscensa ma o refùo de conosce
|
a vea raxon de l'existensa a l'é de mette insemme a regiosa opinion che gh'emmo de niätri con e cöse gramme che tutti pénsan de niätri
|
a veitæ a l'é de grammo denegâ, comme de grammo sconde
|
a veitæ a l'é o ciù gran valô che gh'emmo. Economizzémmola
|
a veitæ a l'é söo che drento de niätri. No se peu attrovâla con deuviâ violensa contra di nemixi de de feua
|
a veitæ a no dannezza mai unna còusa giusta
|
a veitæ a no sta inte 'n seunno solo, ma inte tanti
|
a virtù di poæ a l'é unna gran deutta
|
a vitta a l'é comme sunnâ o violin in pùbbrico, da maniman che se imprende à sunnâ l'instromento
|
a vitta a l'é mäveggiosa se no se n'à poïa
|
a vitta a l'é o paragon de pòule
|
a vitta a l'é quello che te intravvegne, tanto che t'ê appreuvo à fâ de ätre cöse
|
a vitta a l'é unna chintann-a. Quello che ti ne tïi feua o dipende da quello che ti gh'æ misso drento
|
a vitta a l'é unna frase interrotta
|
a vitta a no l'é quella ch'emmo visciùo ma quella che çe regordemmo e comme çe a regordemmo pe contâla
|
a vitta a se peu capî söo che in derrê, ma a se vive in avanti
|
a vitta pe mi a l'à smisso d'ëse unna barselletta. A no me demöa ciù
|
a zoentù a l'é 'na mouttìa che tutti ne guæimmo
|
a 'paxe' a l'é quande no späa nisciun; a 'paxe giusta' a l'é quande a nòstra parte a l'ottegne quello ch'a veu
|
a-a fin, no ç'arregordiëmo de pòule di nòstri nemixi, ma do scilensio di nòstri amixi
|
a-a giornâ d'ancheu e scheue ærte en ciù nì meno unna smersa de axilo nïo pe di grændi virtuali, donde quarche vòtta, franco à caxo, se peu attrovâghe quarche menn-a de insegnamento, che pe-o ciù no se sa cös'o vagghe
|
a-a giornâ d'ancheu i zoeni s'appénsan che e palanche séggian tutto, e quande saian vegi descreuvian ch'a l'é pròpio de coscì
|
a-a giornâ d'ancheu, à l'infeua do tabacco, de l'alcol e da televixon e ciù tante dròghe son proibïe, ma i nòstri figgi peuan attrovâle de lengê inte tutte e scheue
|
a-a natùa se ghe comanda söo che con obbidîghe
|
a-i guasti de 'n peigoso roiddo da voentæ de tutti, a-o passâ pe euggio da conscensa di çittadin inta perdia do senso do drïto, ùrtimo, estremmo bastion da costion morale, l'é dovei da collettivitæ resciste, resciste, resciste, comme in sce 'na linia do Piave, che no se ghe peu renonsiâ
|
a-i mæ tempi no gh'ëa de best sellers e no çe poeivimo prostituî. A nòstra prostituçion no ne l'avieiva accattâ nisciun
|
a-o mondo gh'é söo che 'na cösa ch'a l'é pezo de fâse fâ di parli appreuvo: no fâse fâ di parli appreuvo
|
a-o mondo no gh'é ninte ciù diffìçile che a sccettessa e ninte de ciù fàçile che 'na strisceuia
|
a-o sécolo vintéximo se peu perdonâ tutto, scinn-a e doe guære mondiale e quelle appreuvo, e desfiadde de mòdda e e corse de fórmola un, ma no o peccòu d'avei sagrificòu o cine a-a televixon
|
a-o tempo da mattaia, créddise de no ëse toccæ da-a mattaia, veu zà dî ëse matti
|
affortunòu quello ch'o rïe de lê mæximo, no gh'ammanchià a demöa
|
ammâ o seu travaggio a l'é a cösa ch'a s'avvexinn-a de ciù a-a feliçitæ in sce sta tæra
|
amô, a pòula ciù deuviâ pe rivòlzive à 'na personn-a de l'ätro sesso che no v'arregordæ comm'a s'acciamma
|
amô? Fòscia co-o tempo; se çe conoscemmo pezo
|
an cangiòu l'òrdene di anelli, ma a cadenn-a a l'é arrestâ unna cadenn-a
|
ancheu ciù che mai o dovei di òmmi de coltùa o l'é quello de semenâ di dubbi e no quello de cheugge de çertesse
|
appreuvo che un polìtico o no se credde mai quello ch'o dixe, o se mäveggia se i ätri se o créddan
|
arrestâ, mäveggiâse, veu dî comensâ capindo
|
ascì l'anarfabetìximo di ätri o rende diffìçile scrive
|
asquæxi tutti i òmmi meuan pe-e cùe, no pe-e mouttìe
|
astimmo chi gh'à ciù de settant'anni: dan de longo a-e dònne un amô pe tutta a vitta
|
avanti che arrivéscimo, a-o mondo no gh'ammancava ninte, e quande çe ne saiëmo anæti ninte no gh'ammanchià
|
avanti de cangiâ de idea, açertæve d'aveine unn-a
|
avanti de tutto seggi lìbeo, dappeu ciamma a libertæ
|
avanti de tutto, l'emoscion! Söo che appreuvo, a comprenscion
|
avei da moî a l'é dùa, ma l'idea de dovei moî sensa avei visciùo a no se peu comportâ
|
avei raxon a l'é unna raxon de ciù pe no avei nisciun successo
|
aveighe avùo 'na bonn-a educaçion, a-a giornâ d'ancheu, o l'é un grande desvantaggio, appreuvo ch'a te taggia feua da 'n muggio de cöse
|
aveighe tròppo sprescia à desdebitâse de 'n piaxei, a l'é unna forma de desconoscensa
|
aveighe tutto p'ëse contento, a no l'é unna raxon p'ësilo
|
aveighe un amigo a no l'é unna cösa che tutti se ne peuan ambî
|
avvocato: un ch'o n'avvarda da-i robariçi con levâneghe da mezo l'intentaçion
|
avvocato: un cómprixe ch'o no l'arreisega ninte
|