e i òmmen resten pussee desquattaa quand che i offenden chi che l'è ben voruu pittòst che chi che'l fa pagura
|
e inscì descoeuvrom ona veritaa sempia e doppia: primm, semm ona comunitaa de pòpoj che i parlen l'istessa lengua; segond, parlalla l'è ona manera di tant per vess òmmen
|
el ballon el gh'ha de vegnì foeu di spizzee e di offizi finanziari
|
el ballon l'è popolar perchè la stupidera l'è popolar
|
el bell de la guerra l'è che i capp di assassitt i se fann benedì i sò bander,e che i preghen el Signor primma de andà e fà foeu i sò fredèj
|
el ben pubblegh l'è formaa d'on grand nummer de maj privaa
|
el Berluscon l'è voeunna de quij malattij che se curen cont el vaccin. Per guarì del Berluscon ghe voeur ona bella iniezion de Berluscon
|
el bosard el dovaria stagh attent, che per vess creduu besògna dì domà bosij necessari
|
el ciel pien de stell a sora a mi e la legg moral de denter
|
el contrari d'on pòpol civilizzaa l'è on pòpol creador
|
el còrp, cont la giusta cura, el pò durà ona vitta intrega
|
el dissens l'è la forma pussee nòbil de amor de patria
|
el dopera mèj el temp chi che'l varda minga quell che l'è adree a fà, dì o pensà el sò compagn, ma el preferiss badà ai sò faccend, perchè questi sien bònn e giust
|
el dover di òmmen de coltura l'è incoeu anmò pussee che mai de sormà dubbi, nò de regoeuj certezz
|
el dover l'è quell che sperom che i òlter faghen
|
el dubbi l'è nò còmod, ma vess cert el fa rid
|
el fa nò amis quell che'l s'è faa mai nemis
|
el fin della saggezza l'è de fà sognà ai òmmen ròbb inscì alt de fagh desmentegà el sògn intant ch'hinn adree a corregh adree
|
el fin el sta in di mezz come l'alber in la somenza
|
el gros de chel che ciamöm management el serf a fa fatigà de pö la sent
|
el lavorà el scurta i dì e el slonga la vitta
|
el lavorà el slontanna trii maa cattiv: la slòja, el vizzi e el bisògn
|
el lavorà l'è el ricòver de chi che gh'ha nagòtt d'òlter de fà
|
el lenguagg l'è on'art anònema, collettiva e incònscia, el resultaa della creativitaa de miar de òmmen
|
el liber el sarà la salvezza di òmmen
|
el lusso el ruina el ricch e'l fa cress la miseria di pòver
|
el maa l'è che la generositaa la pò anca vess on bon affar
|
el matrimòni l'è come i fong: s'incorgiom semper tard assee se hinn bon o cattiv
|
el matrimòni, in della vitta, l'è come on duell in del mezz della battaglia
|
el mè cred: provà a trovà la veritaa in della vitta e la vitta in della veritaa
|
el mè doman el comincia quand che levi su alla mattinna... Tucc i dì troeuvi on quajcòss de creativ de fà cont la mia vitta
|
el mond el gh'ha la forma della lengua e la lengua la gh'ha i form della ment
|
el mond l'è mamm per i òmmen e pà per i dònn
|
el passaa l'è on pròlogh
|
el patriottismo l'è la toa convinzion che sto paes el sia pussee mèj de tucc i òlter perchè te ghe seet nassuu ti
|
el penser el va indree, i oggett innanz
|
el penser l'è semper on ciccin de sabbia in di meccanismi del poter
|
el poetta el capiss la natura mèj del scienziaa
|
el poetta l'è come quell nòbil prinzep di nigol, che'l snòbba la boffera e'l rid de l'arcer; poeu, in esili in sulla terra, in mezz ai sgognad, cont i sò al de gigant el riess pù a camminà
|
el possess l'è ona rattera: quell che credom nòster el me tegn
|
el prozess che l'ha portaa de i ameba ai òmmen el par ai filòsof ona evoluzion, anca se nissun el sa se i ameba i hinn poeu d'accòrdi
|
El pussee grand motor de violenza al dì d'incoeu l'è el governo di Stat Unii d'America.
|
el regòrd l'è semper on loeugh per trovass
|
el savè minga, pussee che'l pregiudizzi, l'è arent alla veritaa
|
el savè nò l'è la reson maggiora de contentezza
|
el secrett della felicitaa l'è ced ai tentazion
|
el Signor el me perdonarà. L'è el sò mestee
|
el sistema econòmegh mondial del dì d'incoeu l'è ona moeulla global che l'è dree schiscià la natura e dà foeura milion de poverasc che nissun el sa pù 'se fann
|
el socialismo el pò rivà domà in bicicletta
|
el soo che la poesia l'è necessaria, ma soo poeu minga per cosè.
|
el sorris l'è la distanza pussee curta tra de dò persònn
|
el spegg ver di nòst pensee l'è la nòstra vitta
|
el success l'è vegh quell che te voeut. La felicitaa l'è vorè quel che te gh'heet
|
el va ben fà nò del maa. Ma fà nò del ben el va pròppi maa
|
el verb 'legg' el ciappa nò l'imperativ. Sta chì l'è ona caratteristega che'l gh'ha insemma ai verb 'amà' e 'sognà'
|
el vin el bozarra la salut (mental) de quij che'l bev minga
|
em fa propi prest a desmentegas de quand serum nialter a vegh de emigraa
|
eretegh l'è minga quell che'l brusa in sulla pira, eretegh l'è chi che la pizza
|
