Logos Multilingual Portal

Select Language

ä a b c d e ê è f g h i l m n ó ò o p q r s t u v z

a cäl dôn ai pièS i ômen mutargnón. Äl cràdden che i stâghen a sénter
Marcel Achard
a cardän såul a quall ch'a vdän. Siché dånca, da quand ai é la televiSiån a cardän a incôsa
Dieter Hildebrandt
a ciapèr la strè dal tramånt l’é l’ónnica manîra ed psair vàdder vgnîr só al såul
Mirco Stefanon
a clåNna de pió la genêtica o la televiSiån?
Anónimo
A cradd che la Zänt miåura la séppa qualla ch'i san d an cuntèr de pió dal gnìnta ch'i an d atåuren
Vincenzo Cerami
a cradd da bån che la rivoluziån la séppa la surZrî dal dirétt
Fidel Castro
a Cûba an s rispèta brîSa i dirétt umàn, fòra che a Guantanamo
Anónimo
a custruän un’eSistänza coi quî ch’arzvàn; a custruän na vétta coi quî ch’a dän a chi èter
Winston Churchill
a dêdic st’ediziån ai mî nemîg ch’i m an dè tant una man int la mî carîra
Camilo José Cela
a dégg òmen con ón ch'l é padrån dla sô längua
Don Lorenzo Milani
a dir ed sé a incôsa e a tótt, l é cunpâgna an èser brîSa al månnd
Tahar Ben Jelloun
a druvèr äl parôl, l'é l'ónnica manîra ed fèri dvintèr däl parôl bôni, stièti e legéttimi d una längua
Alessandro Manzoni
a dscårr in spagnôl còn Dìo, in itagliàn còn cäl dòn, in franzais còn chi òmen, e in tudàssc còl mî can
Charles V
a dscruvän che la nôstra vétta l’à un bån amåur såul quand a n s sintän pió ublighè d avair un destén
Emil Cioran
a dscrûver un pajaiS e la sô invaSiån, l é sänper stè cunpâgna
Samuel Johnson
a èser däl dòn l é un quèl difézzil magâra, parché al vôl dîr masmamänt avair a che fèr con i òmen
Joseph Conrad
a fèr dvintèr ingatiè quall ch’l é sänpliz, l é una ZîZla; a fèr dvintèr sänpliz, mo sänpliz magâra, quall ch’l é ingatiè, tla lé la creativitè
Charles Mingus
a guardarò tótt i sît cunpâgna s'i fóssen i mî, e i mî cunpâgna s'i fóssen ed tótt
Lucius Annaeus Seneca
a l sò che la poveSî l'é indispensâbil, mo a n sån bSa bån ed dîr par côsa
Jean Cocteau
a lasarî che la pòra dla misêria la séppa la padrånna dla vòstra vétta e, par prèmi, a magnarî, mo sänza vîver
George Bernard Shaw
a lavurän par guadagnères i Sgugiû
Aristotle
a lèZ anc di lîber, un frâc ed lîber: mo da quíssti a inpèr manc che dala vétta. Såul un lîber al m à insgnè magâra: al diziunèri. Oh, a mé al diziunèri am pièS da mât. Mo am pièS da mât anc la strè, un diziunèri bän pió spetaculåuS
Ettore Petrolini
a lèZ i fói ûS d un låuv. L'é la mî ónnica fâta d fantaSî custanta
Aneurin Bevan
a m indspièS che båvver dl’âcua an séppa brîSa un pchè: cum la srêv bôna!
Giacomo Leopardi
a m maravai par dû quî: al capéss däl bîsti e la bestialitè dla Zänt
Flora Tristán
a m sån méss a eSaminèr la vétta e a n sò brîSa parché e parcôsa l’eSéssta
Severo Ochoa
a m sént utiméssta só l futûr dal pesimîSum
Jean Rostand
a n avän brîSa da fidères däli inuvaziån ch'än sêrven brîSa, spezialmänt quand äli én cmandè dala lògica
Winston Churchill
a n avän brîSa da stèr lé a lèZer par vî d dscurdères ed nó e dla nôstra vétta ed tótt i dé, mo invêzi par turnèr a guintèr padrón, cån man fairma, cån pió cusiänza e maturitè, dla nôstra vétta
Hermann Hesse
a n avän da èser spuré d ignínta, fòra che dla pòra
Franklin Delano Roosevelt
a n avî brîSa in amänt che i frût i én ed tótt, e che la tèra la n é d inción
Jean-Jacques Rousseau
a n cgnóss inción erûr, ch'a prêv an avair bSa fât
Johann Wolfgang von Goethe
a n cradd brîSa che un ômen al pôsa valair tant da avair dåu dôn, o sinchenå che una dôna la pôsa valair acsé pôc da èser una secånnda sêlta
Marilyn Monroe
a n cràddet brîSa ch\'a fâga fôra i mî nemîg se mé ai fâg guintèr di mî amîg?
Abraham Lincoln
a n dégg brîSa che cäl dòn äl n séppen brîSa stóppidi. Dío ch'pôl incôsa al i à fâti cunpâgna chi òmen
George Eliot
a n fâg brîSa la limôSna. A n sån brîSa asè puvràtt par fèrla
Friedrich Wilhelm Nietzsche
a n m'aspêt mâi che un suldè al pänsa
George Bernard Shaw
a n ò brîSa di dóbbi che la medgéNna la pòsa fèr bån a zertón, mo a dégg ch'l é una dSgrâzia par l’umanitè
Jean-Jacques Rousseau
a n ò brîSa pôra dla cativêria di malvâg’, mo dal silänzi di unèst
Martin Luther King
a n ò bSa l tänp d avair fûria
John Wesley
a n ò mâi lasè che la scôla la fichéss al nèS int la mî educaziån
Mark Twain
a n ò mâi pinsè, scrivànd, d aSvinèrm al pòpol. Ói, par dîr quall ch’é vaira a n ò mâi pinsè d aSvinèrm a inción
Jorge Luis Borges
a n pòs brîSa canbièr al pasè, mo a pòs canbièr i mî arcôrd
Anónimo
a n pòs brîSa pêrder al mî tänp fand di bajûc
Alexander Agassiz
a n pòs brîSa tgnîr par bón i tradutûr, parché s'a féss acsé a tacarêv a scrîver int na längua universèla e fiâpa, sänza parfómm e stiavvda
Günter Grass
a n psän brîSa èser pió sinsébbil al gósst, sänza èsrel anc al mèl
Alan Watts
a n s arcurdän brîSa i dé, a s arcurdän i âtum
Cesare Pavese
a n sån bån d capîr cus’ai séppa da fèr i ghignûS pr adruvèr al gâs. Mé a sån dimónndi dal parair d adruvèr i gâs velenûS cåntra äl tribó ed beduén. L efèt morèl al prêv èser anc un bån lavurîr... e a se spargujarêv una gran scagâza
Winston Churchill
a n sån brîSa asè Zåuven par savair incôsa
Oscar Wilde
a n sån brîSa såul un paziféssta, mo un paziféssta militànt. A sån prónti a cunbâter par la pèS
Albert Einstein
a n sån brîSa un comunéssta. A n m al pôs brîSa parmàtter
Ennio Flaiano
a n sån bSa bån ed vîver con un quelcdón ch’an séppa bSa bån ed vîver sänza mé
Nadine Gordimer
a n savän brîSa chi è stè a dscrûver l’âcua, mo ed sicûr al n é brîSa stè un pass
John Culkin
a n savän brîSa cus’as suzêd: tal qué cs’as suzêd
José Ortega y Gasset
a n Sbraghîr brîSa d vluntîra int äl mî fazànnd privè
Karl Kraus
a n sò gnínta dla leteratûra d adès. L é un pèz che quî dal mî tänp i én i grêc
Jorge Luis Borges
a n srò mâi bån ed capîr cum i fâghen a insgnèr ai Zûven ed bunbardèr i vilâg’ con al napalm e pó dåpp an lasèri brîSa scrîver “cazzo” in vatta ai sû aparécc’
Marlon Brando
a n stän brîSa ed cà int un pajaiS, a stän ed cà int una längua
Emil Cioran
a n stèdi a fidèruv d un'idé ch'la n séppa brîSa arivè in s mänter ch'andèvi a spâs
Friedrich Wilhelm Nietzsche
a n stèdi lé a vutér, al sêruv såul a fèri curâg’
Anonymous
a n stèr mâi a dèr däl spiegaziån. In tótt i chèS, i tû amîg i n san csa fèrsen e i tû nemîg i n i cardràn mâi
Oscar Wilde
a n um métt brîSa a sêder ala vòstra tèvla a guardèruv magnèr, cån gnínta int al piât, par ciamèrum pò comensèl. Stèr a sêder a tèvla an t fà brîSa dvintèr un comensèl. Èser qué in Amêrica an t fa brîSa dvintèr un americàn
Malcolm X
a n um sént brîSa ublighè ed cràdder che cal Dío ch'al s à dè i séns, al giudézzi e al capéss, al pretannda pò ch'a n i druvâmen brîSa
Galileo Galilei
a n vdän brîSa i quî cum i én, mo cum a sän nuèter
Anaïs Nin
a n vói brîSa èser da par mé, a vói ch’i um lâsen da par mé
Audrey Hepburn
a n vói brîSa finîr såtta i curtlâz di dutûr par stèr al månnd un quèlc maiS de pió: an vèl brîSa la panna. A tói a pât murîr con un zriSén
Margherita Hack
a n vói dimustrèr ignínta, a vói mustrèr
Federico Fellini
a nasän prénzip, e al pruzès d aculturaziån as fà vgnîr bût
Eric Berne
a päns, siché dånca a sån
René Descartes
a pinsèr cum i én i pèder ed sòlit, a èser sänza pèder cèri vôlt l é una dSdétta; e a pinsèr cum i én i fiû ed sòlit, anc a èser sänza fiû cèri vôlt l é una dSdétta
Lord Chesterfield
a pòs supurtèr la fôrza bîstia, mo la raSån bîstia l’é pròpi insupurtâbil
Oscar Wilde
a prénn fichèr Zå dala fnèstra la metè däl medgén mudêrni s’an fóss che i pasarén i én bón d andèri a pchèr
Martin Henry Fischer
a propôSit di quî ch’i cånten: i quatrén a i mitän int na casafôrta, i insónni… int un casàtt
Mirco Stefanon
a psän sänper farmères in st’mänter ch’andän al’èlta, mâi in st’mänter ch’andän ala bâsa
Napoleon Bonaparte
a quall di vént sêcol as i pôl pardunèr incôsa, anc äl dåu guèr mundièl e cäli ètri dåpp, anc äl sfilè d môda e äl cåurs däl mâchin, mo brîSa al pchè d avair sacrifichè al cinematògrof ala televiSiån
Luigi Pintor
a quanta veritè pôlel tgnîr cócc', e quanta pôlel atintères a tirèren fôra un ômen? Tótt i riSultèt, tótt i prugrès dla cgnusänza i én una conseguänza dal curâg’, dla severitè cån sé stass, dla pulizî cån sé stass
Friedrich Wilhelm Nietzsche
a ringrâzi al Sgnåur, an i cradd brîsa
Luis Buñuel
a s i vadd pulîd solamänt cån al côr. L eSenzièl t an al vadd brîSa cån i ûc’
Antoine de Saint-Exupéry
A s vargugnarénn spass pr äl nôstri bôni aziån se la Zänt i savéssen al parché äli avän fâti
François de La Rochefoucauld
a sån a scavalózz d un umarèl, ai chèv al fiè, a m fâg purtèr par fôrza. E in st mänter a zairc ed cunvénzer mé e chi èter ch’ai ò una gran cunpasiån par ló e a fâg da vàdder ch’ai ò una gran vójja ed migliurèr al sô destén in tótti äl manîr. Fôra che saltèr Zå
Leo Tolstoy
a sän al månnd int un mumänt priglåuS: La Zänt i én padrón dla natûra prémma d avair inparè a èser padrón ed sé stéss
Albert Schweitzer
a sån angustiè, a tâc a avair däli idê ch’a n sån mégga d acôrd
Francesco Tullio Altan
a sån arivè ala cuncluSiån che la puléttica l’é una fazannda trôpa sêria da lasèrla int äl man ai puléttic
Charles De Gaulle
a sån cunpèrs ala Madôna
Carmelo Bene
a sån cunvént che col tänp a s armeritarän ch'an eSéssta pió di guêren
Jorge Luis Borges
a sän cunvént ed cuntrulèr äl parôl, mo äli én äl parôl a cuntrulères nuèter
Alain Rey
a sän d l istàss materièl / ch’i én fât i insónni
William Shakespeare
a sän drî ch'a inparän, int la pîz manîra, che l urganîSum ch'al dsfà al sô anbiänt al se dsfà da par ló
Gregory Bateson
a sän drî ch’a giän såul ed dèr una pusibilitè ala pèS
John Lennon
a sän i nûstr arcôrd, a sän cal muSêo chimêric ed fåurum ch’äl cànbien sänper, cal mócc ed spîc’ stianchè
Jorge Luis Borges
a sän in vatta a un trêno ch’al và a tarsänt chilòmeter urèri, an savän brîsa indûv l é drî a purtères, e, pió che èter, as sän adè ch’ai amanca al machinéssta
Carlo Rubbia
a sån mât in manîra; intinimôd, s'a n al sån brîSa, gnanc chi èter i arénn da stèr ala målla
George Bernard Shaw
a sån pr al rispèt dla laZZ, sänza dscurdères ch'l'é da druvèr par difànnder chi pió dàbbel
Romano Prodi
a sän quall ch'a fän par mudèr quall ch'a sän
Eduardo Galeano
a sän quall ch'a sän aviè ed fèr
Aristotle
a sån stè int un lunèri, mo a n sån mâi arivè a tänp
Marilyn Monroe
a sän tótt di ciapinéssta, la vétta l’é tròpa cûrta parché a psaggna èser quèl de pió
Charlie Chaplin
a sän tótt di gran ignurantâz, mo a n ignurän mégga tótt i stéss quî
Albert Einstein
a sän tótt prezîS dnànz ala làZZ, mo mégga dnànz a quî ch’i an da aplichèrla
Stanislaw Jerzy Lec
a sän tótt rasegnè ala môrt, l é ala vétta ch’a n sän brîSa bón ed rasegnères
Graham Greene
a sån un òmen con i lémmit dla mî generaziån. Mo a n ò mâi détt quall ch'a n vlêva bSa dîr, anc se brîSa sänper ai ò détt quall ch'a vlêva dîr
Enzo Biagi
a sån una pèrt ed tótt quàll ch’ai ò catè drî ala mî strè
Alfred Tennyson
a savän che un òmen al pôl lèZer Goethe o Rilke ala sîra, ch'al pôl sunèr Bach e Schubert, e andèr a lavurèr ala matéNna a Auschwitz
George Steiner
A sréssi bón ed freghèr tótta la Zänt s'a féssi una bôna reclàm e avéssi di gran quatrén da spànnder
Joseph Levine
a st månnd al n é brîSa quall ch’as ciâpa, mo l é quall ch’as arnónzia ch’fà dvintèr di sgnurón
Henry Ward Beecher
a st månnd al problêma l é che i stóppid i én strasicûr, mäntr invêzi i inteligent i én pén ed dóbbi
Bertrand Russell
a stän da sénter såul cäl dmand ch’a psän catèri un’arspòsta
Friedrich Wilhelm Nietzsche
a stémm chi òmen ch'i an pió d stant'ân: i òfren sänper na devoziån ch'la dûra una vétta
Oscar Wilde
a st'månnd ai é såul dåu tragêdi. La prémma l'é d an utgnîr brîSa quall ch'as vôl, la secånnda l'é d utgnîrel
Oscar Wilde
a st’månnd metè dla Zänt i an quèl da dîr mo i n al pôlen brîSa dîr, cl’ètra metè i n an gninta da dîr e i van d lóng a dîrel
Robert Frost
a té längua santa / a té a t vói un bän dal'âlma / pió che a tótt l arZänt / pió che a tótt l ôr dal månnd
Haïm-Vidal Sephiha
a tirän d lóng inbarbajè da una móccia ed religiån, rôba da ragazû e da mât, inventè dai nûster pèdr antîg cåntr ala pôra dl immäns scgnusó
Guy de Maupassant
a tótti äl dòn ai piaSrêv d èser fîdi. Al difézzil l é d catèr un òmen par èsrel
Marlene Dietrich
a tulän a pât ed giudichèr nuèter da quall ch’a pinsän, mo chi èter da quall ch’i fan
Harold Nicolson
a un bèl mumänt, s’as vôl che la rôda la tåurna a prilèr, biSåggna andèr a rîSg ed pêrder tótta la brôza
Isabelle Adjani
a utgnîr zänt vitôri in zänt batâli an i é brîSa biSåggn d un gran Sbózz, cazèr la pèga al nemîg sänza cunbâter qualla sé ch’l’é una bèla dêrma
Sun Tzu
a v vói cuntèr parché, a nuèter israegliàn, MoSè al s fà vgnîr só i quajón: lu-lé al s à fât Sgirundlèr int al deSêrt par quarant’ân pr andèr pó a finîr int l ónnic sît dl uriänt ed mèZ sänza gnanc la pózza dal petrôli
Golda Meir
a vivän duminè da däl pulsiån ed livèl bâs, cunpâgna 50.000 ân indrî
Rita Levi Montalcini
a vlän ch’ai arîva cal dé da psair dîr ai nûster mûrt e al nôstri môrti stäl parôl che qué: nuèter a n sän brîSa arîS, an i l’avän brîSa dè só, a n s sän brîSa vindó
Subcomandante Marcos
a vói fèr tîg quall che la premavaira la fà coi zrîS
Pablo Neruda
a zarchèr la perfeziån, spass as incâglia al migliuramänt
George F. Will
a zît chî èter såul par dîr méi un mî pinsîr
Michel de Montaigne
acsé a dscruvän una veritè sänpliza e dåppia: prémm, a sän una comunitè d pòpol ch’la dscårr l’istassa längua, e secånnd, dscårrerla l é una manîra, stramèZ a cäli ètri, d èsr un òmen
Octavio Paz
acsé, par pôra di lèder, a mitän i sôld in banca
Anónimo
adès a cgnóss al segrêt par fèr dvintèr la Zänt miûr : cràsser al’âria avêrta, magnèr e durmîr con la tèra
Walt Whitman
adès a savän che al guêren dla finanza urganiZè l é priglåuS cunpâgn al guêren dla delincuänza urganiZè
Franklin Delano Roosevelt
Adès al Dièvel l é guintè pió fûrb, e al s métt in tentaziån fagàndes guintèr di sgnåuri invêzi che di puvrétt
Alexander Pope
adès pò quand arî tirè Zå l ûltum âlber, avelenè l ûltum fiómm, ciapè l ûltum pass, a v adarî che i quatrén i n én brîSa bón da magnèr
Cree Indian Prophecy
adès, pò, quand a srò cunvént ed savair stèr al månnd, a inpararò a murîr
Leonardo da Vinci
ai arêv da èser un dé – anc un dé e pó pió – ed câzia avêrta ai senatûr
Will Rogers
ai arêv da èser un dé – anc un dé e pó pió – ed câzia avêrta ai senatûr
Will Rogers
ai avän méss pròpri pôc a dscurdères ed quànd ai êren nuèter a emigrèr
Susanna Agnelli
ai bâsta såul che lî la s métta a svarslèr la veritè int la ghéggna a tótt. Inción ai cràdd, e a tótt ai é d avîs ch’ai dâga d vôlta l zanfanèl!
Luigi Pirandello
ai câpita cèri vôlt che i òmen ch’i an al mâsum rispèt pr äl dòn i séppen bänvló da låur
Joseph Addison
ai dân ch’al prêv fèr un priglåuS SbriSlamänt dla volontè dla Zänt, al naufrâg’ dla cunsénzia di zitadén int la pêrsita dal säns dal dirétt, ch’l é pò l ûltum èrZen dla questiån morèl, tótta la Zänt i an al dvair ed tgnîr bôta, tgnîr bôta, tgnîr bôta cunpâgna ch’i fóssen int la batâglia dal Pièv sänza psair turnèr indrî
Francesco Saverio Borrelli
ai é cuntintazza int un bôsc duv an i é mâi stè inción, as câta dal viSibélli int na spiâZa deSêrta, ai é vétta in dóvv inción l arîva ataiS al mèr prufånnd, e ai é mûSica int la sô råmmba: an é brîSa che mé a vójja manc bän ala Zänt, mo in vói de pió ala Natûra
Lord Byron
ai é da maravières che un indvén an i scâpa brîSa da rédder quand al vadd un èter indvén
Marcus Tullius Cicero
ai é da vargugnères de pió d an fidères brîSa di nûstr amîg, che d èser inbarluchè da låur
François de La Rochefoucauld
ai é däl parôl ch'äli arénn da sarvîr una vôlta såul
François-René de Chateaubriand
ai é däli adolesänz ch’äl sèlten fôra a nuvant’ân
Alda Merini
ai é däli ucaSiån, di sît e di cuntèst in dóvv la viulänza, e dånca l amazamänt (al mâsum int un ât ed viulänza estrêma) al n à inciónni ètri pusibilitè che fères sinsébbil, preSänt e reèl
Roberto Bolaño
ai é dåu clâs d òmen - i galantòmen e i bagâi – e la diviSiån l’é fâta dai bagâi
Oscar Wilde
ai é dåu manîr pr arivèr ala felizitè, ónna l’é qualla ed fèr l idiòta, cl’ètra l’é qualla d èsrel da bån
Enrique Jardiel Poncela
ai é di cumunéssta ec dîS che èser anticumunéssta al vôl dîr èser faséssta. Quasst qué l é un quèl ch'an s capéss brîSa, cunpâgna a dîr che an èser brîSa catòlic al vôl dîr èser un murmån
Jorge Luis Borges
ai é di fiûr dapartótt, par chi i vôl vàdder
Henri Matisse
ai é di giurnaléssta unèst, es ai é di puléttic unèst. Quand i én stè cunprè, i avànzen cunprè
William Moyers
ai é di òmen che l’etè la i fà vgnîr bianc i cavî, mo la n tåcca brîSa l côr, ch’l avanza frassc e Zåuven es al Sbât sänper con l’istassa fôrza pr i quî bî e bón
Ludoviko Zamenhof
ai é di óss al mèr ch'i s avérren con däl parôl
Rafael Alberti
ai é di quî da n fèr mâi, ne al dé, ne ala nòt, ne int al mèr, ne par tèra: pr eSänpi la guèra
Gianni Rodari
ai é di studiûS ch’i s dän da fèr par rinpîr al zócc dla Zänt, e di èter par Svudèriel. Gnanc a dîrel i secónnd i én la pió pèrt.
Carl William Brown
ai é di zriSén ch'i n én brîSa ed felizitè, mo i én såul un môd ed zighèr con dla buntè
Gabriela Mistral
ai é dimónndi manîr d arivèr, cla miåura l'é an partîr brîSa
Ennio Flaiano
ai é dla Zänt acsé puvrétt, ch'i an såul i bajûc
Anonymous
ai é dla Zänt ch'i san incôsa, mo l é pò tótt quall ch'i san
Niccolò Machiavelli
ai é dla Zänt ch’i pagarénn par vànndres
Victor Hugo
ai é quèl ed trâgic int al fât che, apanna che l òmen al strulghé una mâchina bôna ed fèr al sô lavurîr, al taché a padîr la fâm
Oscar Wilde
ai é quèl in quall ch'a giän?
George Steiner
ai é sänper un pôc ed matîria int l amåur. Mo ai é sänper un puctén d rasån int la matîria
Friedrich Wilhelm Nietzsche
ai é sänper una strè bôna, es ai é sänper una strè farlòca. Cla farlòca la pèr sänper pió raSunavvla
George Moore
ai é såul un quèl al månnd ch’an t inbròja mâi: äli aparänz
Ugo Bernasconi
ai é såul un quèl ch’al fa vgîr só al murbén a cäl bîsti pió dal gósst, e l é al dulåur
Umberto Eco
ai é såul un suzès: èser bón ed canpèr cum as pèr
Christopher Morley
ai é såul una gricîSia dignitåuSa: qualla däl parôl
Constancio Vigil
ai é såul una guèra pusébbil par l'umanitè, e l'é qualla cåntr ala sô estinziån
Isaac Asimov
ai é såul una manîra pr abasèr al cunsómm dla rìmmba: legaliZèrla
Gary Becker
ai é tant'ed cäl laZZ, che inción al pôl èser sicûr d an èser brîSa inpichè
Napoleon Bonaparte
ai é trî quî ch’a m dscôrd sänper: nómm, ghéggn, quàlla däl trai a n l’ò brîsa in amänt
Italo Svevo
ai é un bän såul, la cgnusänza, e un mèl såul, l’ignuranza
Socrates
ai è un frâc ed quî ch’a ficarénn vî, s’a n avéssen bSa pòra che chi èter i pséssen tôri só
Oscar Wilde
ai é un quèl pió terébbil dla calóggna, l é la veritè
Charles Maurice de Talleyrand-Périgord
ai é una fåurma d energî ch’l’é anc pió natta dal såul, ch’l’é anc pió rinovâbil dal vänt: l’é l’energî ch’a n druvän brîSa
Arthur H. Rosenfeld
ai é una manîra par dscrûver se un òmen l é unèst: dmàndiel! S'al dîS ed sé, l é farlòc
Groucho Marx
ai é una móccia ed buSî in gîro pr al månnd, mo al brótt l é che la metè äli én vairi
Winston Churchill
ai é una raigla såul pr i puléttic ed tótt al månnd: quand t è al cmand, brîSa dîr i stéss quî ch'et dî quand t î al'upuSiziån; s't al farè, t arè da fèr quall che par chi èter l êra inpusébbil
John Galsworthy
ai ò biSåggn che la Zänt i èven biSåggn ed mé
Anónimo
ai ò bisåggn ed sénter par mî mèder l istàss riguèrd ch’as sént pr un ideèl
Anne Frank
ai ò d intåuren di prît ch'i n fan èter che dîr che al sô raggn al n é brîSa in st månnd che qué, mo in st mänter i guànten tótt quall ch'ai arîva a tîr
Napoleon Bonaparte
ai ò di gósst fâzil. Am cuntänt sänper còl méi
Oscar Wilde
ai ò dla fidózzia såul in cäl statésstic ch'ai ò manipulè
Winston Churchill
ai ò fât al pchè pió brótt che ón al pòsa fèr: a n sån bSa stè cuntänt
Jorge Luis Borges
ai ò inparè a druvèr la parôla “inpusébbil” col man dala fèsta
Wernher von Braun
ai ò inparè che una vétta l’an vèl gnínta e che gnínta vèl na vétta
André Malraux
ai ò pasè la mî vétta a cunfarmèr la raigla
Sacha Guitry
ai ò sänper urganiZè la mî vétta in manîra da murîr con tarSänt mélla rimûrs e gnanc una nustalgî
Fabrizio De André
ai ò una bèla pôra che i Zudî i séppen cunpâgna tótt chi èter di§eredè. Quand i sran arivè in zémma i sran intolerànt e catîv cunpâgna la Zänt i én stè cån låur, quand i êren låur a stèr par d såtta
Harry S. Truman
ai ò una gran memòria par dscurdèrm i quî
Robert Louis Stevenson
ai ò vésst la siänza, ch’adurèva, e l aparàcc’, ch’a i fèva una pasiån, distróZZer cäl ziviltè che, invêzi, äli arénn avó d avair di óttil
Charles Lindbergh
ai ò zarchè la perfeziån, es ai ò dsfât quall ch’andèva bän
Claude Monet
ai srà di vézzi infén ch'ai srà dla Zänt
Tacitus
ai tuché anc a ló, cunpâgn a tótt i òmen, ed vîver di brótt mumént
Jorge Luis Borges
ai vgnarà cal dé, ch’as giudicarà l amazamänt d una bîstia bâsta ch’séppa cunpâgna quall d un òmen
Leonardo Da Vinci
ai vôl al tô nemîg e al tô amîg insàmm par dèrt un cåulp al côr: al prémm par dscår-ret drî, e al secånnd par vgnîrtl a dîr
Mark Twain
ai vôl dimónndi, dimónndi tänp pr èser Zåuven
Pablo Picasso
ai zitadén as i fà tant ed chi sundâg', ch'i n an gnanc pió däli upignån
Jean Baudrillard
äl bagianèd dla Zuventó, a n ò brîSa dSgósst d avairli fâti, mo d an psairli pió fèr
Pierre Benoit
al bän al pôl tgnîr bòta col scunfétt, al mèl nå
Rabindranath Tagore
al bän póbblic l é l insàmm ed dimónndi mèl privè
Anatole France
äl Banc äli én stè cunzepé in mèZ al'ingiustézzia es äli én nèdi dal pchè. I banchîr i én i padrón dal Månnd. S’a i al purtè vî, mo a i lasè l’autoritè ed creèr i quatrén, con un scarabôc’ ed canatta i mitràn insàmm tótt i góbbi ch’i vôlen par turnèrsl a cunprèr. Se invêzi a i cavè vî cl’autoritè che lé, tótt i patrimôni enòrum cunpâgna al mî i se dscuajaràn, cum l’é gióssta ch’al séppa. Alåura sé che quasst che qué al srà un månnd miåur duv al srà pió bèl canpèri. Mo s’a vlî armagnèr schièv di banchîr e pó anc paghèri al prêzi dla vôstra schiavitó, tirè pûr d lóng a lasèri creèr i quatrén.
Sir Josiah Stamp
äl barîr äl fan Zûg solamänt par fèr guintèr la Zänt sänper pió puvrétt, pr uzèri ón cåntr a cl èter, par fèri dscårrer una längua vèga e inconprensébbil ed spâzi vitèl, ed geopuléttica, par fèri dîr di gran brótt lavurîr cåntra i imigrè cunpâgna ch’i fóssen di lebrûS e cme se un pòpol, quand an in vôl brîSa savair ed chi èter pòpol, invèzi d andèr incånter ala miSêria e al melcuntänt ai vgnéss in bisâca góbbi e fôrza
Luigi Einaudi
al bèl di stànndard l é ch'as pôl dlîZer stamèZ a dimónndi
Andrew S. Tanenbaum
al bèl dla democrazî l é pròpi quasst qué: tótt i pôlen dscårrer, mo an inpôrta brîSa stèr d'ascultèr
Enzo Biagi
al bès l é una bèla truvè pr evitèr che i anbrûs i dégghen tròpi bagianè
Alessandro Morandotti
al biSåggn al n à inciónni laZZ
Oliver Cromwell
al buSèder l arêv da tgnîrs in amänt che, pr èser cardó, biSåggna ch’al dégga såul cäl buSî nezesèri
Italo Svevo
äl cadän dal matrimòni äli én tante paiSi che par purtèri biSåggna èser in dû, e däl vôlt in trî
Alexander Dumas
al cånpit di òmen ed cultûra, mâsum al dé d incû, l é d sumnèr di dóbbit, brîSa ed cójjer däl sicuràzz
Norberto Bobbio
al capéss an s fà brîSa dvintèr såul pió razionèl, purtròp al s fà dvintèr anc pió priglûS
Simon Wiesenthal
al capitalîSum l é la camarélla legéttima ch’i pôlen fèr i sgnåuri
Al Capone
al cåssta dimónndi èser stièt quand as à dl'óssta! L é cunpâgna èser unèst quand as é anbiziûS
Fernando Pessoa
al castîg d un delétt l é quall d avairel cuméss; la panna ch'ai aZónta la laZZ l'é un såurapió
Anatole France
al castigliàn l é la längua frànca di Indiàn dl Amêrica
Carlos Fuentes
al cínnema, cunpâgna la pitûra, al fà da vàdder l inviSébbil
Jean-Luc Godard
al comerziànt l à in tótt al månnd sänper cla religiån
Heinrich Heine
al comunîSum l é l’unitè eSenzièl dl òmen cån la natûra, la vaira resureziån dla natûra, al naturalîSum cunpé dl òmen e l umanêSum cunpé dla natûra
Karl Marx
al côrp, se ón ai tén drî pulîd, al pôl durèr anc tótta la vétta
Enrique Clarasó Daudí
äl côs che quèSi tótta la Zänt i vôlen savair äli én, par l urdinèri, qualli in dóvv i n i äntren un azidóll
George Bernard Shaw
al crémmin urganiZè l é såul cl'ètra fâza (malnatta) dal dòlar
Raymond Chandler
al cristianêSum, acsé cum l é organiZè, l é sänper stè e l é anc adès al pió gran nemîg dal prugrès morèl in ste månnd
Bertrand Russell
al cumpiûter l é un quèl dSumàn anc parché, dåpp ch’i l an programè pulidén e ch’al s é méss a andèr ala granda, al s cunpôrta in manîra asolutamänt unèsta
Isaac Asimov
äl cunferänz pr al diSarmamänt äli én äli eSerzitaziån antinzanndi di piròmen
John Osborne
al cunsäns ed chi èter l é un quèl ch’al stuzîga, mo l é méi stèr in uraccia
Paul Cézanne
al curâg’ l é la pôra ch’i t dégghen ch’t î un vigliâc
Horace Smith
äl dåu parôl pió bèli dla längua inglaiSa äli én “asàggn aleghè”
Dorothy Parker
al dé d incû la mûSica i la dirîZen i banchîr e i comerzialéssta, una môda ch’a i avän da dèri cånter in tótt i môd
Brian May
al dé d incû, al pió famåuS uSvaj arsprèmia-fadîga l é un maré pén ed bajûc
Joey Adams
al dé d incû, äl scôl superiåuri äli én cunpâgna, o un puctinén de pió, una spêzi d eSîl par di grand par môd ed dîr, in dóvv, däl vôlt, par cunbinaziån, i t insàggnen di quî ch’i n vèlen na canta
James Howard Kunstler
al dé d incû, fòra che l tabâc, l èlcol e la televiSiån, äl dròg äli én squèSi tótti pruibé, mo i nûster fiû i pôlen sänper catèrli in tótt i cantón däl scôl
Manu Chao
al dé d incû, i Zûven i cràdden che i quatrén i séppen incôsa e, da vîc’, i s adaràn ch’l é prôpri acsé
Oscar Wilde
al dèbet póbblic l é grand asè da tgnîres drî da par sé
Ronald Reagan
al destén d un pòpol al dipànnd da cum l'é méssa la sô gramâtica. An i pôl bSa èser una gran naziån sänza proprietè int al dscårrer
Fernando Pessoa
al dièvel l é un utiméssta, s’al cradd ed psair fèr dvintèr i òmen pîz d acsé
Karl Kraus
al digitèl l é la velozitè, l'eficiänza. Mo la chèrta l'é al piaSair
Giuseppe Annoscia
al disäns l é al patriutîSum dla pió èlta fâta
Thomas Jefferson
al diziunèri l é al quèl pió democrâtic al månnd. L é l ónnic bän ch'avän in cmón
Bernard Pivot
al dóbbit l é dSgudàvvel, mo la sicurazza la fà scapèr da rédder
Voltaire
äl dòn... un cuvlén da gnínt al li tîra, un cunplimänt al li Smaréss
Raymond Quatorze
äl dscuêrt i n dan brîSa una man al Têrz Månnd, mo äl fan cràsser l'ingiustézzia ch'ai é bèle
Ryszard Kapuściński
al dulåur, ch’al mâza l dulåur, al tén al sît dla medgénna
Publilius Syrus
al dvair l é quall che ón al s aspèta da chi èter
Oscar Wilde
äl fâbric d èrum, cuntribuéssenli a cunbâter la diSucupaziån?
Anónimo
al fanatîSum l é cal lavurîr ch’at fà sfurzèr al dåppi prôpi quand t a t î dscurdè al tô obietîv
George Santayana
al fangén l é un fûg da inpièr, brîSa un vèS da rinpîr
François Rabelais
al fât ch'ai séppen tänti länguv ónna divêrsa da cl ètra l é ón di pió gran mistêri dal månnd
Elias Canetti
al fén l è int i mîZ, cunpâgn a l âlber int l almén
Mohandas Karamchad Gandhi
al fó mudé l åurden di anî, mo la cadäNna l’avanzé una cadäNna
Gianni Rodari
al fóddbal al tâca a èser una buSî cuntè pulîd dai mîZ ed comunicaziån
Jorge Valdano
al fóddbal l à da vgnîr fòra dal spziarî e dai ufézzi finanzièri
Zdenek Zeman
al fóttbal al n é brîSa una questiån ed vétta o d môrt, l é un quèl dimónndi pió inpurtànt
Bill Shankly
al fóttbal l é al raggn dla lealtè umèna druvè al’âria avêrta
Antonio Gramsci
al fóttbal l é populèr parché la stupidîSia l’é populèr
Jorge Luis Borges
al furastîr l é däntr in nuèter. E quand a tgnän dscòst es a cunbatän un furastîr, a fän la lòta con quall ch'avän int un cantån dal zócc
Julia Kristeva
al futûr di tuSétt l é sänpr incû. Edmàn al srà bèle tèrd
Gabriela Mistral
al futûr l é d cla Zänt ch'i vàdden äl posibilitè prémma ch'äl dvänten cèri a tótt
Theodore Levitt
al futûr l é l'ónnica fâta d proprietè che i padrón i dan d vluntîra ai stièv
Albert Camus
al gâl al canta pr infén cla matéNna ch'al và a finîr int la pgnâta
Stanislaw Jerzy Lec
al gâs l é un'èrma pió misericordiåuSa d una grôsa båmmba e l ôbliga al nemîg a azetèr na deziSiån ch'la cunpôrta una pêrsita sänz'èter pió céNna
Winston Churchill
al giurnaléssta l é parè só dala scadänza. Al scrîv pîz s’al i à dal tänp
Karl Kraus
al giurnalîSum l é såul cl'èrt ed rinpîr un spâzi bianc
Rebecca West
al giurnalîSum l é spargujèr quall che un quelcdón an vôl brîSa ch'as sèva; al rèst l é prupaganda
Horacio Verbitsky
al giurnalîSum, cal bån, al pôl es l à da muSghèr la man ch'la prôva a dèri da magnèr
David Simon
al gósst ed stèr al månnd sänza dSgósst l é méi ed cal pôc dal dSgósst ed stèr al månnd sänza gósst.
Sant'Agostino
al gran amåur al s preSänta int na manîra prezîSa, apanna t la vadd té t dî: mo chi êla cla scuénzia?
Ennio Flaiano
al gran mèrit dla sozietè, l é ch'la s fà vgnîr a pièSer ed stèr da par sé
Charles Chincholles
äl längv, cunpâgna äl religiån, äl cànpen coli ereSî
Miguel de Unamuno
al lavurîr al scûrta i dé es al Slónga la vétta
Denis Diderot
al lavurîr al se Sluntèna da trî gran mèl: la lôrgna, al vézzi, e al biSåggn
Voltaire
al lavurîr l é l arfûg? ed chi an à ngåtta d méi da fèr
Oscar Wilde
äl laZZ äli én däl tlarè che äl måssc pió gròsi äl i pâsen stramèZ, mänter cäl pió céNni äl i avànzen intraplè
Honoré de Balzac
al lébber Svilópp d ognón l é la cundiziån pr al lébber Svilópp ed tótta la Zänt
Karl Marx
äl lègrum äli én al dsfères dal giâz dal’âlma
Hermann Hesse
al lîber al srà la salvaziån dal gèner umàn
Voltaire
al lîber duv i an scrétt tótta la siänza librèria l invuchèva ajût parché i pónndg i n al ruSghéssen. E i pónndg ai scapé da rédder
Leon Battista Alberti
al lîber l é ónna däl pusibilitè ed felizitè ch'avän nuètra Zänt
Jorge Luis Borges
al lîber pió inpurtànt pr un cumunéssta cunpâgna mé l é la Bébbia
Nichi Vendola
al linguâZ l è una pèrt dal nòstr urganîSum, brîSa manc cunplichè ed ló
Ludwig Wittgenstein
äl m an sänper fât spêzi tótti äl vultè che i fiómm i téNnen fèr par pasèr såtta tótt i pónt
Beppe Grillo
äl magâgn ed chi èter äl s arvîSen tròp al nòstri
Leo Longanesi
al månd l é matêren par chi òmen e maschiléssta par cäl dòn
Belén Sánchez
al månnd ai é i catîv parché ai é chi bón; fè fôra chi bón e pian pianén ai scunparéss anc i catîv
Carl William Brown
al månnd ai é såul un quèl pîz ed quand Zänt i dscårrn ed té, e l é quand la Zänt i n dscårren brîSa ed té
Oscar Wilde
al månnd al n é brîSa un spetâcuel, mo un canp ed batâglia
Giuseppe Mazzini
al månnd al n é brîSa vaira, l é reèl
Fernando Pessoa
al månnd al srêv dimónndi pió pacéffic, s’a fóssen tótt sänza un Dío
José Saramago
al månnd al và inànz par vî di quî inpusébbil ch’i én stè realiZè
André Maurois
al månnd l à la strutûra dla längua, e la längua l’à äl fatàzz dal giudézzi
Eugenio Montale
al månnd l arêv da rédder de pió, mo dåpp avair magnè
Mario Moreno (Cantinflas)
al månnd l é destinè a dvintèr sänper pió ridéccuel, écco parché i umuréssta i an bèle l ôc’ int la ziviltè ch’à da vgnîr
Carl William Brown
al månnd l é divîS stra quî ch’i n dôrmen brîSa parché i an fâm e quî ch'i n dôrmen brîSa parché i an pòra ed quî ch'i an fâm
Paulo Freire
al månnd l è tstimôni d un terébbil crémmin cåntr al’umanité cme quall ch’i an fât a GâZa, duv i an cazè in galêra un migliån e mèZ ed cristiàn sanza ch’i pôsen savair gnint ed tótt quall ch’ai suzêd par d fôra. In st mänter tótt un pôpol i l an méss int un castîg bestièl
Jimmy Carter
al månnd l é una parSån in duv l é méi stèri int na zèla d iSulamänt
Karl Kraus
al månnd quall ch’cånta de pió l’é una bôna digestiån. In st môd l artéssta al trôva l’ispiraziån, i Zuvnût la vójja ed fèr l amåur, quî ch’pänsen ai vén äli idéi luminåuSi e tótta la Zänt i trôven la cuntintazza ed stèr al månnd
Guy de Maupassant
al marchè l é un sît in duv la Zänt i pôlen infarluchères ón con cl èter
Anacharsis
al màsster pió brèv dla längua l é adruvèrla
Quintilianus
al mâsum dvair pr un òmen l é d tirèr fòra äl bîsti dala crudeltè
Emile Zola
al matrimòni l é al prémm mutîv ed divòrzi
Groucho Marx
al matrimòni l é cunpâgna i fónnZ: t at n adè tròp tèrd s'i én bón o trésst
Woody Allen
al matrimôni l é såul un scanbi ed catîv umûr al dé e ed catîv udûr ala nôt
Guy de Maupassant
al matrimòni, int la vétta, l é cunpâgn a un duèl in mèZ a una batâglia
Edmond About
al méi dla vétta an s zairca brîsa, as câta
Anonymous
al mèl ch'a fän, an s tîra brîSa tânt òdi e ustilitè, cunpâgn a äl nòstri bôni aziån
François de La Rochefoucauld
al mèl l é che la generoSitè la pôl èser anc un bån intarès
Ugo Ojetti
al mèl, l é prôpi tótt qué! Int äl parôl! Avän tótt, par d dänter, un sbandêren ed quî! E cum faggna a intànndres, chèro vó, se int äl parôl ch'a dégg, mé ai métt al säns e al valåur di quî ch'i én dänter da mé; mänter, ón ch'al li stà a sénter, al li capéss col säns e col valåur ch'äli an par ló, dal månnd che ló l à dänter? A n arivaràn mâi d åura d intànndres!
Luigi Pirandello
al menefreghîSum, la vigliacarî i amâzen äl democrazî pió che i tirân e i ditatûr
Luigi Tosti
al mî futûr al tâca quand a m lîv ala matéNa... Tótt i dé a cât quèl ed creatîv da fèr int la mî vétta
Miles Davis
al mî gât al fà quall ch’a vrêv fèr mé, sänza tant stûdi, as capéss
Ennio Flaiano
al mî utimîSum al s bèSa in vatta ala cunvinziån che cla ziviltè che qué l'é drî ch'la se dsfà. Al mî pesimîSum, in vatta a tótt quall ch'al fà par guantères int al sô mulinèl
Jean-François Brient
al mutîv prinzipèl dla difuSiån dl'ignuranza ed mâsa l é che tótt i én bón ed lèZer e scrîver
Peter de Vries
al n à brîSa däl cunvinziån, quall ch'al n à studiè gnínta pulîd
Emil Cioran
al n é brîSa scandalåuS che socuànt banchîr i finéssen in parSån. L é scandalåuS ch’ai n séppa anc ala målla
Honoré de Balzac
al n é brîSa un quèl bån, ch'ai suzêda tótt quall ch'et vû
Heraclitus
äl n én mâi äl virtó, mo sänpr i vézzi, ch'i s dîSen d in man in man chi é l òmen
Umberto Galimberti
al naziån grandi äl s én sänper cunpurtè da delincuént, e cäl céNni da buSåNni
Stanley Kubrick
al nemîg al mèrcia par dnanz da nuèter
Bertolt Brecht
al nòster chèp d ôvra grand e gluriåuS, l é vîver cum và. Tótt chi èter quî, regnèr, fèrs al magàtt, tirèr só däl cà, i én par la pió däl bujarî inóttil
Michel de Montaigne
al nôster gran turmänt, int la vétta, al vén dal fât ch’a sän sänper da par nuèter e tótt i nûster sfûrz, tótti äl nôstri aziån, i n fan èter che zarchèr ed scapèr vî da sta solitûdin
Guy de Maupassant
al nòster pinsîr dla môrt al cånta såul par quall che la môrt la s fà pinsèr dla vétta
André Malraux
al nòster sistêma econòmic dal dé d incû l é una mâchina universèl ch’la dsfà l anbiänt es la prudûS di miglión ed pirdént che inción sà csa fèrsen
George Susan
äl nòstri vétt äl finéssen quand a stän zétt dnanz a di quî inpurtànt magâra
Martin Luther King
al nuvanta dal zänt di puléttic l arvéNna la riputaziån dal dîS dal zänt ch'ai avanza
Henry Alfred Kissinger
al parêva che al månnd al fóss dsparté stra i bón e i catîv. I bón i durmêven méi, st mänter che i catîv al parêva ch'i Sguazéssen de pió a stèr dSdè
Woody Allen
äl parôl äli an al valåur ch’ai dà quall ch’al li stà a sénter
Giovanni Verga
äl parôl äli én inpurtanti s'äli én pôchi
Lalla Romano
äl parôl äli én tótt quall ch’avän
Samuel Beckett
äl parôl ch'et drôv par descrîver la realtè äl crêan la realtè
Martin Brofman
äl parôl pió antîghi e pió cûrti – 'ói' e 'nå' – biSåggna tgnîri in gran cunsideraziån
Pythagoras
äl parôl pió bèli äl n én brîSa “a t vói bän”, mo “l é benéggn”
Woody Allen
äl parsån pió fâzil da inbarluchèr a sän nuèter
Edward Bulwer-Lytton
al pasè l é un pròlog
William Shakespeare
äl patèt frétti äli én ónna däl cariaziån pió spirituèli dal Sbózz parigén
Maurice Edmond Sailland dit Curnonsky
al patriotîSum l é la cunvinziån che la tô naziån l’é superiåura a tótti cäli ètri par vî ch’t i naséss té
George Bernard Shaw
al pchè pió grand l é l pchè d èser nèd
Samuel Beckett
al pentimänt l è fichèrs int al zócc d an lasèr trâzia st’ètra vôlta
Marcel Achard
al pèr che al pruzès ch’al pôrta dal’amêba al òmen, pr i filòSof sänza dóbbi al séppa un prugrès, mo a n s sà brîSa se al’amêba ai séppa d avîS l istàss
Bertrand Russell
al períod pió produtîv dal pesimîSum l arîva a ventión ân o dåntr a lé, quand par la prémma vôlta as prôva ed trasfurmèr i insónni in realtè
Heywood Broun
al pesiméssta l é ón che s’al pôl dlîZer tra dû mèl ai tôl tótt e dû
Oscar Wilde
al pesimîSum al i äntra col giudézzi; l utimîSum con la volontè
Antonio Gramsci
al piaSair al n é èter che un dulåur dåulz da murîr
Heinrich Heine
al piaSair pió tamóggn dla vétta l é al piaSair inóttil däli iluSiån
Giacomo Leopardi
al pinsîr al và indrî, i ugèt i van inànz
Nina Ivanoff
al pinsîr l è sänper un granén ed rèna int al macàgg’ dal psai
Bruno Arpaia
al pinsîr l é un riSultèt dal linguâg’
Carmelo Bene
al pió brèv màsster d una längua l é druvèrla
Quintilianus
al pió gran furnidåur ed viulänza int al månnd dal dé d incû l é al mî guêren
Martin Luther King
al pîz ch’ai pôsa capitèr, a un gêni, l é che tótt i al capéssen
Ennio Flaiano
al pôl dèr che al dé d incû l obietîv an séppa brîSa dscrûver cus'a sän, mo arfiudèr quall ch'a sän
Michel Foucault
al pôl dèr che l’êtica la séppa una siänza sparé da tótt al månnd. Fà gnínta, a tgnarän inventèrla un’ètra vôlta
Jorge Luis Borges
al pôl dèr che st månnd al séppa l infêren d un èter pianaid
Aldous Huxley
al povêta l é cunpâgn a cal pränzip däl nóvvel ch’as n infótt dla tinpèsta es al rédd dl arzîr; eSigliè só la tèra stramèZ al minciunè, äl såu ègli da Zigànt äl i inpedéssen ed girèr
Charles Baudelaire
al pränzip l é al prémm servitåur dal sô Stèt
Friedrich der Große
al prèmi pr avair padé tant l é che pò as môr cunpâgna di can
Cesare Pavese
al prémm ât rivoluzionèri l é quall ed ciamèr i quî col sô nómm
Rosa Luxemburg
al prémm quèl ch'l'à da fèr una dòna, quand la vôl un òmen, l é ed méttres a córrer
Molière
al prémm quèl ch’l à da fèr un dutåur l é quall d insgnèr ala Zänt d an tôr mâi däl medgén
Osler William
al prémm sàggn dla môrt l é la nâsita
Stanislaw Jerzy Lec
al prémm ubietîv dl educadåur l é quall ed furmèr di autodidâta
Daniel De Montmollin
al prêzi ch’as pèga par méttres drî a una prufesiån o una vucaziån, l é d cgnósser pulîd la sô banda pió malnatta
James Baldwin
al prîguel al n arîva brîSa dal côs scgnusó, mo da qualli che nuèter a cardän ch’äl séppen vairi mo invêzi äl n i én brîSa
Mark Twain
al prinzéppi dl’educaziån, l é d predichèr con l eSänpi
Anne-Robert-Jacques Turgot
al problêma coi puléttic pajâz l è quall che, dåpp, i van só
Anonymous
al proibizionîSum l à fât såul di dân
Al Capone
al psair stièt l é in man ed quall ch’l à in man i mîZ ed comunicaziån
Licio Gelli
al puléttic al pänsa a st'ètri eleziån, al statésstic a st'ètri generaziån
Otto von Bismarck
al puléttic l é un acròbat: al stà in ecuilébbri, digànd l incuntrèri ed quall ch'al fà
Maurice Barrès
al puvêta al vèl quall ch'vèl la sô puveSî miåura
Fernando Pessoa
al puvêta l intànnd la natûra méi dal sienziè
Novalis
al quèl giósst da fèr pr un ômen l é quall ed stèr al månnd e brîSa quall d èsr al månnd. A n cazarò mâi vî i mî dé zarcànd ed Slunghèri. Mé, al mî tänp, al druvarò
Jack London
al quèl inpurtànt, a st’månnd, an é brîSa al sît duv a s truvän, mo piotôst la direziån duv a sän drî a andèr... avän da navighèr däl vôlt col vänt favuràvvel e däl vôlt ed stravänt, mo avän da navighèr, sänza andèr ala derîva e sänza fichèr Zå l’àncora
Oliver Wendell Holmes
al quèl miåur int al futûr l é ch'l arîva såul un dé ala vôlta
Abraham Lincoln
äl religiån äli én äli èrum pió putänti che al Dièvel al s séppa mâi inventè
Tino di Bacco
äl religiån äli én cunpâgna äl lózzel: par SlûSer i an biSåggn dal bûr
Arthur Schopenhauer
al rîSg pió grand int la vétta l é d tôr tròpi precauziån
Alfred Adler
al saggn pió sicûr d avair catè la veritè l é la pèS ch'al sént dänter
Amado Nervo
al såurapió al fà guintèr la vétta un såurapió
Pier Paolo Pasolini
al scàndel al tâca quand la polizî al le fà dSmétter
Karl Kraus
al schièv l à un padrån e pò pió, l ambiziåuS al n à tant, quanti äli én äl parsån óttili ala sô furtóNna
Jean de La Bruyère
äl scôl an i äntren un azidóll cån l’educaziån... äli én pió che èter däli istituziån fâti par cuntrulèr, ch’äli an da insfilzèr int al zócc di Zûven i cunpurtamént pió inpurtànt. L’educaziån l’é tótt un èter quèl e int la scôla l’à un sitarén cinén dimónndi
Winston Churchill
al scritåur ch’an và mâi in fånnd l avanza sänper a gâla
Stanislaw Jerzy Lec
al segrêt dal suzès l é la sinzeritè. S't arîv d åura d fèr véssta d avairla, t ai l'è fâta
Arthur Bloch
al segrêt dla felizitè l è dèrla vénta al tentaziån
Oscar Wilde
al segrêt méi arpiatè l é quall che tótt i al san
George Bernard Shaw
al segrêt pió difézzil da mantgnîr par la Zänt, l é l'upignån ch'i an ed låur
Marcel Pagnol
äl sensaziån an frêghen brîsa: mo al giudézzi al frêga
Johann Wolfgang von Goethe
äl sêrven a quèl såul cäli arspòst ch'äl fan däl dmand nôvi
Vittorio Foa
al Sgnåur al n é bSa bån ed mudèr al pasè, e l é al parché l é custràtt ed lasèr ch'ai eSéssta i stòric
Samuel Butler
al Sgnåur l um pardunarà. L é al sô lavurîr
Heinrich Heine
al sienziè int al sô laburatòri al n é bSa såul un tètnic; l é anc un tuSàtt in fâza a di fenòmen naturèl ch'i l inpresiåNnen cunpâgna una fôla
Marie Curie
al silänzi l é insupurtâbil par zertón, parché i an tròpa vêrgna dänter
Robert Fripp
Al sò benéssum che, pòst ch’a n sån brîSa un leterè, un quèlc preSuntuåuS al cardrà gióssta biaSimèrum par vî ch’a sån un ileterè. Zänt bâsa! I n san brîSa che mé a prêv arspånndri, cunpâgna al fé Mârio coi patrézzi ruman, mé sé a prêv arspånndri acsé: “Tótt quî ch’i s fan bî con la fadîga ed chi èter, i n vôlen brîSa arcgnósser la mî, däl fadîg
Leonardo Da Vinci
al sozialîSum al pôl arivèr såul in biziclatta
José Antonio Viera Gallo
al spagnôl an prà mâi èser una längua prôpi ed cultûra prémma ch’i scrîven la siänza in spagnôl
Angel Martín Municio
al spèc’ vaira di nûster dscûrs l é al cåurs däl nòstri vétt
Michel de Montaigne
al spórrt sêri an à gnínta a fèr coi galantòmen. L é pén d òdi, geluSî, Sgrandicè, indifaränza pr ògni raigla e gósst sâdic int al vàdder la viulänza: in cûrti parôl, l é una guèra sänza stiuptè
George Orwell
äl statésstic só la sanitè äl dîSen che un americàn só dû l à una malatî mentèl d una quèlca fâta. Pänsa mò ai tû trî amîg miûr. S'i én a pòst, alåura t î té quall
Rita Mae Brown
al Stèt a sån mé
Louis XIV
al stipanndi dal diretåur pió in èlt int na gròsa aZiannda al n é brîSa un prêmi pr i riSultèt ch'l à utgnó. Spassi vôlt l à la natûra d un ât caluråus e personêl ch'al s fà da par ló
John Kenneth Galbraith
äl stòri äli én i nûster insónni. E i nûster insónni i én la nòstra vétta
Tim Burton
äl strè dla lealtè äli én sänper drétti
José Ortega y Gasset
äl stréi äli an piantè lé d eSésster quand nuèter avän piantè lé ed bruSèrli
Voltaire
al suzès al n é brîSa fâzil da utgnîr. La dificultè l é armeritèrsel
Albert Camus
al suzès l é avair quall ch’et vû. La felizitè l’é vlair quall ch’t è
Jackson H. Brown
al suzès stièt, l é dvintèr al miåur ch’et pû dvintèr
Harold Taylor
al Svilópp l é cunpâgna una strèla môrta ch'as vadd anc la sô lûS, anc s'l'é dSmôrza da un pèz e par sänper
Gilbert Rist
al Svilópp l é un viâZ int al mèr con pió Zänt int l’âcua che in vatta ala bèrca
Eduardo Galeano
al Svilópp sustenébbil l é cunpâgna l infêren: salghè con däl bôni intenziån
Serge Latouche
al tänp e l’åura i pâsen anc int al dé pió brótt
William Shakespeare
al tänp ed tirèrla in lóng, däl mèZi miSûr, däl truvè inóttil e cunsulatôri, di cuncón l é drî ch’al finéss. Adès, invêzi, al tâca a èsr åura ed paghèr dâzi
Winston Churchill
al tänp l é al quèl pió inpurtànt: ló l é såul un’ètra manîra ed ciamèr la vétta
Antonio Gramsci
al tänp l é l autåur pió brèv. Al trôva sänper la finâdga parfèta
Charlie Chaplin
al tänp l é l ónnic quèl ch’an s pôl brîSa dèr indrî
Lucius Annaeus Seneca
äl tentaziån, difaränt däli ucaSiån, äl t daràn sänper una secånnda pusibilitè
Orlando Aloysius Battista
äl tèst creatîvi äli én sänper stè cgnusó parché äli én bôni ed tgnîr bòta anc chi sistêma educatîv pió trésst
Anna Freud
al tgné èlta la sô bandîra...acsé an tgné brîSa fèrla vàdder
Stanislaw Jerzy Lec
al traditåur l é ón ch’al và vî dal sô parté e al s iscrîv int un èter, al cunverté l é quall ch’al vén vî da st’èter parté e al s iscrîv int al vôster
Georges Clemenceau
äl traduziån, cunpâgna äl mujêr, äli én fîdi cèri vôlt, s'äli an quèl d atratîv
Roy Campbell
al và bän ed tgnîr drî ala sô inclinaziån, bâsta ch’la vâga al’èlta
André Gide
al vair obietîv dal sozialîSum l é prôpi quall ed lasèr indrî e pó tirèr d lóng dåpp cal mumänt dal Svilópp dl’umanitè dóvv tótt i zairchen ed gratèr
Albert Einstein
al valåur stièt d na parsåNna as vadd dala sô capazitè ed liberères da par sé
Albert Einstein
al Vaticàn l é la fôrza reazionèria pió granda ch’ai séppa in Itâglia. A sénter la CîSa, i én dispôtic i guéren ch’i dan adôs ai sû privilêg’ e i én pruvidenzièl quî che, cunpâgn al fasîSum, i fan in manîra ch’i cràssen
Antonio Gramsci
al vêrb lèZer an vôl brîSa l inperatîv. Al spartéss sta particularitè con di èter vêrb, cunpagna vlair bän e insugnères
Daniel Pennac
äl veritè ch’äl cånten, i gran prinzéppi, ala fén, i avànzen sänper dû o trî: i én quî ch’la t à insgnè la tô mamà da ragazôl
Enzo Biagi
äl vitòri cåntr a cäl dòn, äli én äli ónnichi ch’as utén scapànd vî
Napoleon Bonaparte
äl Zåuvni côpi i n s imâZinen gnanc tótt quall ch’ai à dè la televiSiån. Una vôlta, cån cl èter, t avêv anc da dscårrer
Isidoro Loi
al zîl starlén par d vatta da mé, e la laZZ morèl in mé
Immanuel Kant
al zimitêri l é pén d ômen grand che al månnd an psêva fèren da manc
Leo Tolstoy
ala fén di cónt, al månnd ai é såul dû gèner d ômen: quî ch’i stan a cà e quî nå
Rudyard Kipling
ala fén di cónt, l é catères pulîd con la Zänt al quèl pió inpurtànt dla vétta
Wilhelm von Humboldt
ala lîvra ai pièS la pulänt. Al l à détt al cûg
Stanislaw Jerzy Lec
ala natûra as i cmanda dandi a mänt
Francis Bacon
äli âlum pió èlti äli én bôni d avair i vézzi pió grand, mo anc äl virtó pió grandi
René Descartes
äli anâder äl fan äli ôv tótti chiêti, mäntr äl galén äl starnâzen cme däl mâti. Al riSultèt? Tótt i mâgnen äli ôv ed galéNna
Henry Ford
äli ânum äli an una manîra spezièl pr intànndres, d arivèr fén in fånnd, fén a dères dal té, in st mänter äl nôstri parsån i n sän cum fères a druvèr äl parôl ed tótt i dé e par vî dla schiavitó ed quall che la Zänt i pretànnden
Luigi Pirandello
äli ânum splànndidi äli én pió ufaiSi dal èser tundè che dai numâz
Nicolò Tommaseo
äli idê äl fan pió spargói dla båmmba atômica
Fidel Castro
äli idéi äli én pió putänti däli èrum. Ai nûster nemîg a n i darénn mâi äli èrum, parché mâi arénn da dèri äli idéi?
Joseph Stalin
äli iluSiån äl tîren d lóng ala fâza dla raSån e dal savair
Giacomo Leopardi
äli istassi parôl, prununziè da däl båcc difaränti, äl ciâpen anc di significhèt difarént, scuèSi incuntrèri
Alessandro Morandotti
äl’idê äli én cunpâgn al póllg, äl sèlten da ón a cl èter mo i n pzîghen inción
Stanislaw Jerzy Lec
am é d avîS che pr una bôna traduziån biSåggna avair intaiS pulîd al tèst, e pr intànndrel pulîd biSåggna avair visó int al månnd fîSic, la n é brîSa såul na quistiån ed manipulèr äl parôl
Douglas Hofstadter
am é d avîS d avair acatè l'anèla ch'l'unéss äl bîsti al homo sapiens
Konrad Lorenz
am piaSrêv che i ât ed môrt ed tótt i fóssen scrétt int l'istassa längua di sû ât ed nasiån
Bertolt Brecht
am piaSrêv ed vàdder i prît maridè, e brîSa såul chi eterosesuèl
Anónimo
am pièS da mât i parté puléttic. I én i ónnic sît ch'ai séppa avanzè in duv la Zänt i n dscårren brîSa ed puléttica
Oscar Wilde
am pièS ed dscårrer. Spassi vôlt a dscårr mîg, giósst par stèrum da sénter. Däl vôt a sån acsé inteligiänt, ch'a n sån bån gnanca mé ed capîr cus ai ò détt
Oscar Wilde
am pièS tant la Germâgna ch'arêv tôlt a pât ch'äl fóssen avanzè dåu
Giulio Andreotti
am vôls zincuant’ân par dscrûver ch’a n ò brîSa dal Sbózz par scrîver, mo a n psêva brîSa dèrila só, parché ormâi ai êra dvintè tròp famåuS
Robert Benchley
amåur? Fôrsi, s’a la tiran in lónga, s’a s cgnusarän pîz
Ennio Flaiano
amîg l é quall ch’et pû stèri sîg in silänzi
Camillo Sbarbaro
an avair inción vézzi an Zónta gnínta ala virtó
Antonio Machado
an avèdi pôra che un ruglàtt ed zitadén scruplûS e dezîS al pôsa canbièr al månnd
Margaret Mead
an biSåggna brîSa fèr di pulintén, quand as à däl bôni chèrt
Oscar Wilde
an biSåggna brîSa fidères di prémm istént, parché i én scuèSi sänper bón
Charles Maurice de Talleyrand-Périgord
an druvèdi brîSa cla parôla furastîra "ideèl". Avän una parôla bulgnaiSa stièta : "buSî"
Henrik Ibsen
an é brîSa al cunbatimänt ch’al s òbliga d èser di artéssta, l’é l’èrt ch’la s òbliga ed cunbâter
Albert Camus
an é brîSa che l amåur al séppa ôrb mo l é prèSbit: defâti ló al tâca a vàdder i difèt ed man in man ch’al se Sluntèna
Oscar Wilde
an é brîSa la cusiänza ch’la rêgola la vétta, mo l’é la vétta ch’la rêgola la cusiänza
Karl Marx
an è brîSa la libartè ch’ai amanca; ai amanca di òmen lébber
Leo Longanesi
an é brîSa vaira che i dé ch’ai piôv i séppen i pió brótt: såul in chi dé che lé t pû girèr a tèsta èlta anc s’t î drî a zighèr
Jim Morrison
An é megga vaira che la Zänt urdinèria i t fâghen da capîr i sû pinsîr in manîra bèla cèra; e se chèSo mâi i avéssen quèl e cèr al n é brîSa ch’i séppen padrón dla längua mo l é che i an dla Sgadézza int al zócc
Samuel Johnson
an eSésst gnínta fôra di âtom e al spâzi vûd: tótt al rèst äli én upignån
Democritus
an i é brîSa amåur sänza padîr o fèr padîr
Henri François-Joseph de Régnier
an i é brîSa biSåggn ed bruSèr i lîber par dscanzlèr una cultûra. Ai bâsta fèr in môd che la Zänt i la dSmétten ed lèZri
Ray Bradbury
an i é brîSa däl nôrum. Tótt i òmen i én däli eceziån a una raigla ch'an eSésst brîSa
Fernando Pessoa
an i é brîSa däli êrub tréssti, ne di òmen trésst. Ai é såul di cultivadûr trésst
Victor Hugo
an i é brîSa däl’idê ch'äl séppen anc indrî, mo ai é di mumént giósst che biSåggna èser bón d asptèr
Jean Monnet
an i é brîSa dåu parsån ch’äl lèZen l istàss lîber
Edmund Wilson
an i é brîSa di fât, mo såul däl'interpretaziån
Friedrich Wilhelm Nietzsche
an i é brîSa di fiû ilegéttum, mo såul di genitûr ilegéttum
Leon R. Yankwich
an i é brîSa dl amåur strasinè
Miguel de Cervantes
an i é brîSa felizitè sänza libartè, e libartè sänza curâg’
Pericles
an i è brîSa un amåur pió stièt che l amåur pr al magnèr
George Bernard Shaw
an i é brîSa un crémmin acsé catîv da n èser brîSa pardunè dala Zänt, s'l é stè fât int al nómm dal Sgnåur o dla naziån
Tom Robbins
an i é brîSa un quèl ch'al séppa bån o catîv par cånt sô, mo l'é quall ch'ai é int al zócc ch'al dîS ch'l é prôpi acsé
William Shakespeare
an i é brîSa un Zuglén pió óttil e nòbil che un diziunèri, par fèr Zughèr i fangén dai zéncu’ân in só. E, con un pô d furtóNna, anc i bón scritûr infén ai zänt ân
Gabriel García Márquez
an i é brîSa una strè par la pèS. La pèS l'é la strè
Mohandas Karamchad Gandhi
an i é brîSa un'upignån tante Sbagliè, che un quèlc filòSof an pòsa brîSa manifestèrla
Marcus Tullius Cicero
an i é cminzéppi né fén, ai é såul na pasiån sänza fén par la vétta
Federico Fellini
an i é dóbbi che l'ónnica pèS fôrta e ch'la tén bòta stra un òmen e sô mujêr l'é dscunpagnères
Lord Chesterfield
an i é dóbbi ch’ai fóss biSåggn d na rivoluziån, par spieghèr ala Zänt che i gran Svèri däl ricàzz i dan la målla a un Sbandêren ed mèl e a un sinifîli ed delétt; mo mé a sån anc cunvént che a èser tótt récc prezîS al séppa un bèl insónni
Robespierre
an i é dóbbi, l univêrs l é sänza cunfén
Epicurus
an i é dutåur ch’pôl inprumétter la guarigiån, mo ògni dutåur l arêv da psair inprumétter ed tgnîr drî al malè
Patch Adams
an i é gnìnt ch'al pòsa èser pió malnàtt d na guèra ardupè
Susan Sontag
an i é gninta al månnd ch’s arvîSa al’afeziån d una mujêr. L é un quèl che un ômen spuSè an i pâsa gnanc pr al zócc
Oscar Wilde
an i é gnínta ch'fâga dvintèr tant puvrétt, cunpâgna l'aviditè
Anónimo
an i é gnínta cunpâgna turnèr int un sît ch’l é avanzè sänper quall par dscrûver cum a sän canbiè
Nelson Mandela
an i é gnînta d acsé prâtic, cunpâgna una bôna teorî
Kurt Lewin
an i é gninta ed pió difézzil da tgnîr bòta che l udåur dl’adulaziån
Arnold Lobel
an i é gninta ed pîz pr una naziån dla Zänt fûrba ch’i fan cånt d èsr inteligént
Francis Bacon
an i é gnìnta pió brótt dla raSån quand la n é brîSa dala nôstra pèrt
George Savile
an i é guêren ch’al pôsa tgnîr bôta dimónndi sänza un’upuSiziån coi marón quèder
Benjamin Disraeli
an i é inción ch’al pôsa fèruv sénter brîSa al’altazza s’an sî brîSa d acôrd
Eleanor Roosevelt
an i é inción ch’l um pètna cunpâgna al vänt
Alda Merini
an i é inciónna teorî democrâtica ch’l’èva di dóbbi che ónna däl caraterésstichi d una ditatûra la séppa dvintèr padrón ed tótt i rubinétt däl nutézzi
Giovanni Sartori
an i é inciónni pasiån in duv ai séppa acsé tant egoîSum, cunpâgn a int l amåur; e a sacrificän sänper pió vluntîra la trancuilitè ed quall ch’a i vlän bän, piotòst che pêrder la nòstra
François de La Rochefoucauld
an i é mâi stè una guèra bôna e una pèS catîva
Benjamin Franklin
an i é malediziån pió granda d un'idê spargujè con la viulänza
Ezra Pound
an i pôl èser grandazza sänza senplizitè
Leo Tolstoy
an ié dóbbi ch’a muréss pr äl mî cunvinziån, parché äl prénn anc èser Sbagliè
Bertrand Russell
an inpôrta savair chi é ch’avän spuSè, parché a psî stèr sicûr che, ala matéNna dåpp, a s adarän d avair spuSè un èter
Samuel Rogers
an liZîdi, cum i fan chi cínno, par divartîres, o cum i fan i anbiziûS pr istruîres. Nå, liZî par vîver
Gustave Flaubert
an ò mâi fât gnìnt ed mî, parché ai ò sänper aguantè i quî ch’i pasèven pr âria
Nicanor Parra
an pôl brîSa dèr che i sienziè i fâghen däl catûr al bîsti; ch'i fâghen bän i sû esperimént coi giurnaléssta o coi puléttic
Henrik Ibsen
an pôs vàdder i ân ch’ai ò pasè in Parlamänt cunpâgna quî dal licéo Azêglio ed Turén. Una pêrdita ed tänp a insachèr dla nabbia
Susanna Agnelli
an psän fèr gnìnta ed pîz a un quelcdón, che tgnîr drî såul a ló
Elias Canetti
an s dîS mâi tanti ufèl, cunpâgna prémma däli eleziån, in st mänter ch'ai é la guèra e dåpp ala câzia
Otto von Bismarck
an s fà brîSa di amîg, quall ch’an s fé mâi un nemîg
Alfred Tennyson
an s fà brîSa puléttica con la morèl, mo gnanc sänza
André Malraux
an s nâs brîSa dòna, mo as dvänta
Simone de Beauvoir
an s pånnd mâi mänt a quall ch’as é fât, as vadd såul quall ch'ai avanza da fèr
Marie Curie
an s pôl brîSa legaliZèr al trâfic dròga parché ai gîra trûp quatrén
Hillary Clinton
an s pôl tradûSer dal tótt col parôl gnanc i pinsîr
Friedrich Wilhelm Nietzsche
an s sà brîSa in dóvv la môrt la t stà d’asptèr, siché dånca té stâla d’asptèr dapartótt
Lucius Annaeus Seneca
an s tîra só gnínta in vatta ala prêda; incôsa as tîra só in vatta al sabiån, mo avän da tirèrel só cunpâgna se al sabiån al fóss dla prêda
Jorge Luis Borges
an s tradûS brîSa quall ch’é scrétt, as tradûS quall che l autåur al vlêva dîr, e l é par quall che i conpiûter i n arîven bSa d åura ed tradûSer
Anónimo
an stèdi a dmandèrum d èser gentîl; dmandèm såul ed fèr cånt d èsrel
Jules Renard
an stèdi a lasèruv inpónner la libartè ed parôla prémma dla libartè ed pinsîr
Stanislaw Jerzy Lec
an stèr a avair vójja d ignínt e t srè l ômen pió récc dal månnd
Miguel de Cervantes
an stèr mégga a èser acsé mudèst ... t an î pó mégga acsé grand
Golda Meir
an strasinèdi dal tänp a zarchèr di incâli, a prêv anc an èsrien inción
Franz Kafka
an uv fà brîSa pòra un månnd d analfabêta sänza inciónni memòri, fòra che qualla di sû conpiûter?
Harold Bloom
an vèl brîSa la panna ed vîver la vétta, s'an s é brîSa lûv ed quall ch'la s ufréss
Emmanuel Wathelet
an vlair brîSa l é cunpâgna avair bèle
Lucius Annaeus Seneca
anarchî an vôl mégga dîr ch’an i é brîSa däl raiguel, mo mo ch’i n i én brîSa i gvarnànt
Edward Abbey
anc int al spòrrt biSåggna vîver insàmm ala mâfia?
Carlo Cattaneo
anc se däl gramâtic ai n é cunpâgn a i gramâtic, anzi, de pió…
Desiderius Erasmus von Rotterdam
anc s'et gîr in zà e in là, par tótti äl såu strè, t an arivarè mâi d åura ed catèr äl cunféNni dl'âlma: l é acsé fånnd al sô 'logos'
Heraclitus
andèr in cîSa t a n guänt brîSa un cristiàn cunpâgna andèr in garag’ t a n guänt brîSa un’automôbil
Laurence J. Peter
andèr in viâZ al sêruv såul a vlair pió bän al sît duv a sän vgnó al månnd
Noel Clarasó Serrat
antèr la cà in st mänter che i tû fiû i én anc in cràsser, l é cunpâgna fèr la råtta prémma ch'al dSmétta d anvèr
Phyllis Diller
apanna ch’t et métt drî a supurtèr quèl, al dvänta suportâbil, e pasè pôc anc normèl
Israel Zangwill
Arcôrdet che, anc s't avéss mâi da canpèr par trai mélla ân, o magâra tränta mélla, t a n préss pêrder un'ètra vétta fôra ed qualla t è e an i srà mâi un'ètra vétta dåpp a qualla t è. Sichedånca la vétta pió longa e qualla pió cûrta äli én prezîSi. Al mumänt preSänt (al dé d incû) l é ed tótt i cristiàn, mo al tänp indrî l é pasè par sänper. An i é inción ch'pôsa pêrder al tänp indrî o quall ch'l à da vgnîr parché, sicómm i n én brîSa i tû, cum fèni a rubèrti?
Marcus Aelius Aurelius Antoninus
arénn da stèr ala lèrga da dchi afèri ch’a t tåcca ed méttret un ftièri nôv
Henry David Thoreau
as à a dispuSiziån dîS minûd par realiZèr un'idéa, prémma ch'la tåurna int al månnd di insónni
Richard Buckminster Fuller
as arêv da pinsèr de pió a fèr dal bän che a stèr bän; in sta manîra as finirêv pò anc par stèr méi
Alessandro Manzoni
as canpa såul una vôlta, mo s’t al fè pulîd una vôlta l’é asè
Joe E. Lewis
as dîS che coi bajûc et pû avair incôsa. Nå, la n è bSa vaira. Et pû cunprèr la rôba da magnèr, mo brîSa l aptît; la medgéNna, mo brîSa la salût; un lèt mulSén, mo brîSa la sòn; la cgnusänza, mo brîSa al capéss; l'aparänza, mo brîSa al stèr bän; al divertimänt, mo brîSa la felizitè; di cgnusént, mo brîSa di amîg; di servidûr, mo brîSa la fedeltè; i cavî grîS, mo brîSa l unåur; di dé chiêt, mo brîSa la pèS. Coi bajûc et pû avair la góssa d incôsa. Mo brîSa l'âlma. Quella t an la pû brîSa avair coi bajûc
Arne Garborg
as dvänta Zûven a s-sant’ân: purtròp, l é tròp tèrd
Pablo Picasso
as é d avîS d èser un pajaiS e la veritè l'é ch'a sän arîSg un paeSâg'
Nicanor Parra
as é strulghè däl cûr par di mèl brîSa cgnusó
Ronald Reagan
as guänta pió grand cal dé che, par la prémma vôlta, a s ridän drî
Ethel Barrymore
as lasän inbarluchèr fazilmänt da quàll ch’ai vlän bän
Molière
as pôl falîr in tanti manîr, mo as arîva d åura int na manîra såul
Aristotle
as pôl fèr di quî straurdinèri, sänza stèr lé a pretànnder d avair tótt al mèrit
Edward Moore 'Ted' Kennedy
as pôl miSurèr al livèl ed ziviltè d na sozietè, andànd dänter int äl såu parSån
Fedor Michailovich Dostoevski
as pôl pardunèr a un òmen d èsr un inSmé pr un'åura, quand ai é di inSmé ch'i n la piànten mâi d èsrel par tótta la vétta
Francisco de Quevedo y Villegas
as prélla in tånd e, quand as finéss, et crôd in tèra
Carmelo Bene
as prêv dîr che la libartè l'é un quèl vèg. La sô mancanza an l é brîSa
Rodrigo Rey Rosa
as rispèta såul i dirétt umàn däl parsån giuréddichi
Anónimo
as zîga de pió pr ägli uraziån cuntintè, che par quàlli brîSa cuntintè
Santa Teresa de Jesús
Auschwitz al tâca tótti äl vôlt che un quelcdón al guèrda un mazèl e al pänsa: äli én pó såul däl bîsti
Theodor W. Adorno
avair incôsa pr èser cuntänt an é brîSa una raSån pr èsrel
Normand Jacques
avair raSån l é una raSån de pió pr an utgnîr inción riSultèt
Nicolás Gómez Dávila
avair un amîg al n é brîSa un quèl che tótt i s n in pòsen stimèr
Antoine de Saint-Exupéry
avair un lîber al dvänta un sostitût dal lèZrel
Anthony Burgess
avän al miåur Cungrès che i góbbi i pséssen cunprèr
Will Rogers
avän asè religiån par vlairs dal mèl, mo brîSa asè par vlairs bän
Jonathan Swift
avän da fèr la lòta par la pèS con di uSvéi ed pèS
Martin Luther King
avän d'èser mudèst, e tgnîrs in amänt che chi èter i én pió trésst che nuèter
Oscar Wilde
avän globaliZè al zîrcuel, mo brîSa al pan
Anónimo
avän såul la felizitè ch'avän dè
Eduard Pailleron
avanzé delûS pr infén dala natûra dl òmen, e a i la dé só, parché am pèrs ch'la s arviSéss tròp ala mî
J.P. Donleavy
avuchèt: ón ch'al s prutèZ dal rubarî, cavàndes vî la tentaziån
H.L. Mencken
avuchèt: un cånplîz ch'an và arîSg ed gnínta
Anónimo
azidänt a cal mumänt ed felizitè ch’al m à fât guintèr infelîz par sänper
Franco Trincale