Logos Multilingual Portal

Select Language



[ No Biography for this Author ]

a diferensa dee oportunità, ee tentassioni ne dà sempre na seconda possibiità
a un certp punto, e te voi che na roba e torna come dovarìa, te ghe da ris-ciare de perdare tuto
a violte qualche d\'un confessa un pecato pa torse el merito
a volte xé manco eloquente taxere che parlare
ae femane ghe pixe i omeni che taxe, ee crede che le scolta
alcuni i crede chel genio el sia ereditario i altri no ga fioi
amo tanto ea germania che ghe ne preferivo dò
anarchia nol voe dire assensa de regoe ma assensa de governanti
approposito de vaeori, i schei i tegnemo in cassaforte, i sogni....in te un cassetto
avertensa: ee autorità sanitarie poe fare dani aea saeute
avocato: un complice ch nol cgà nessun risscio
bea\' chi no se speta riconosensa, parchè no restarà deuso
bisogna essere cauti prima de esprimare desideri parché i podaria avverarse
Bon Nadae e Feice Ano Novo
che i omeni sia tuti fradei xé el sogno de chi che no gà fradei
chi va pian, va san e va lontan
chi xé bon de perdare xé vincente
clone de pì ea genetica o ea teevision?
co ee robe va nea diressiòn sbajà no sta seguirle
cò ghe xé do versioni contrarie de na storia, xé mejo crederghe a quea indove che ee persone ee fà pì bruta figura
co i me pie riposa se stua el serveo
co se incontra do persone, xé come quando te smissi do sostanse chimiche, se ghe xé na reassion entrambi i se traforma
co te sté ben, viajare xé stare da n\'altra parte, no essare lontani
co vedo Berlusconi e staltro bassotto me vien voja de dimeterme dal genere umano
come feto a savere se Lyndon Johnson el xe drio dire buxie? Se ghe trema ee recie no voe miga dire che \'l dixe buxie. Se \'l tira su na szeja no voe miga dire che\'l xe drio contar bae. Ma se \'l move i łavari eora sì che \'l xe drio dire buxie
credemo de contreare ee paroe ma xe ee paroe che ne controea
credo che Kissinger el sia el pì grande criminae de guera libero pal mondo
cuxinare xe un atto poitico. Se assemo cuxinare ee corporassioni al posto nostro perdermo el controeo, ghe voe un grande atto de fede pa pensare che i se comporta con integrità e che el vedeo el sia veramente un vedeo
distrarse voe dire quasi sempre cambiare ea maniera de romparse
dixemo pure che ea libertà xé calcossa de vago, xé ea so mancansa che co no ghe xé se sente
doparo i partiti come che doparo i tacsi, monto, pago el viajo e smonto
dovarìa esserghe un dì, uno soeo, de caccia verta ai senatori
drio ogni cinico ghe xé un ideaista deluso
e fabriche de armi \'iuta combàtare ea disocupassion?
e pa no farte rubare i schei....te i assi ae banche
ea borsa xé quel posto dove i ebeti vien saparai dai so schei
ea Ciesa xé drio deventare pa molti l\'ostacoeo principae dea fede; Se vede soeo che l\'ambissiòn umana de potere, na sorta de teatrino de omeni che i voe amministrare el cristianesimo uffciae ma in realtà i deventa un ostacoeo contro el spirito vero del cristianesimo
ea coppia se compone de tre persone di cui una ea xé momentaneamente assente
ea corrussiòn xé come ee scoasse, toca butarla via tuti i dì
ea costitussion xé sta sctita pa protegere ea zente dai ris-ci dee bone intenssion
ea crudeltà contro i animai xé l\'aprendistato dea rudeltà contro i omeni
ea cultura xé un strumento in man ai maestri de scoea, pa tirar su dei maestri de scoea che a so volta i farà altri maestri de scoea
ea fine giustifica i mezi? Grassie Moggi..
ea gratificassiòn xe nel fare no nel risultato
ea indiferensa, ea codardia e l\'oportunismo copa ea democrassia pì dei tirani e dei ditatori
ea jera cussì bea che i ghe gà vietà de ndarghe tacà aea tore de pisa
ea mafia gà avuo un inissio e gavarà na fine
ea mafia nol xé miga soeo un problema italiane gnanca na question de coppoe e situassion sotosvilupada del sud italia, ma l\'è
ea monogamia ea xé na invenssiòn dea nostra civiltà ocidentae, pa darghe un serto, e go da dire saggio, ordine ae istitussioni sociai, no ea ga gnente da vedare co ea natura umana, sfido chiunque a catare uno veramente monogamo
Ea musiica oncò xé direta da banchieri e comerciaisti, tendensa che gavemo da cambiare
ea patria xe qualsiasi parte dove che te ste ben
ea persona che pì te temi de contraddire te si tì
ea poesia xé come el pan, de tuti
ea poitica xé l\'arte nobie de ciapare voti dai poaretti, schei dai siori promettendoghe de difendere i uni dai altri
ea prima mafia da combatare xé quea dentro de nialtri, ea mafia semo noialtri
ea proprietà monopoixà o in man de pochi xé na maedissiòn pa ea umanità
ea questiòn morae esiste da un toco, ma ormai ea xé diventà ea questiòn poitica prima ed essensiae parché daea sò soeussiòn depende ea ripresa de fiducia nee istitussioni, ea efetiva governabiità del paese e ea tenuta del regime democratico
ea realtà xé na illusiòn creà daea carensa de alcool
ea scoea come strumento educativo xé sempre sta par mi soeo un vuoto
ea siensa no ea xé perfeta, ma questo no significa che te ghé bisogno dea reigiòn
ea società ea gà da resistare come se ea fusse ea linea del Piave, contro ea voeontà comune che xé drio desfarse pericołoxamente, contro el senso sivie che\'l se svanpisse perdendo el senso del dirito, l\'ultima fortessa dea question morae
ea società erotico-publicitaria in cui vivemo se adopara pa organizzare el desiderio e a sviluppare el desiderio in proporzioni esagerate mantenendo ea soddisfassiòn nea sfera privata. Parché ea società ea funsioni e ea competissiòn continui bisogna chel desiderio cressa finché el divorerà tutta ea vita
ea speransa in un guadagno disonesto xé l\'inissio dea rovina
ea teevision ga fato tanto paea psichiatria, sia pa falla conossere che pa renderla necesaria
ea tradussion ea xé ea esperiensa che te ofre e te costrinsze a na letura pì lenta posie, quasi na caminada vera dentro el testo co ee so vali, pianure e montagne
ea vera università no gà un posto specifico, no gà possedimenti, no paga stipendi e no riceve contributi, Ea vera università xé na condissiòn mentae
ea vita no ea xé bastansa granda pa contegnère tuto queo che voe el desiderio
ea vita xé na serie de immagini dea mente, no ghe xé differensa tra que dea realtà e quee che ghemo imaginà nei sogni segreti, e no se poe manco dire che ee prime xé pì vere dee seconde
ea zente se crede libera ma ea xé libera soeo de crederlo
ee banche xé stà concepie nell\'ingiustissia e xé nate dal peccato. I banchieri xé i paròni dea tera, se ghea cavé ma ghe assé ea possibiità de stampare i schei co no scarabocchio i gavarà tuto el necessario pa ricomprarsea. Se invesse ghe cavé el potere, tuti i patrimoni smisurai, come el mio, i svanirà, come xé giusto che sia. Eora cussì sarà un mondo mejo dove che se vivarà mejo. Ma se invesse voì rimanare schiavi de sti banchieri e pagarve el costo dea schiavitù, continué a darghe ea possibiiità de stampare i schei
ee cose imposibii ee xé più fassii che queo difissii
ee idee xé pì potenti dee armi, no ghe assemo ee armi al nostro nemico, parché gavemo da assarghe ee idee
ee industrie farmaceutiche xé pì brave nel scoverxere nove maeatie pai medicinai esistenti che nel scoverxere nuove medicine pa maeatie che già esiste
ee me idee su l\'aborto ee xè un fià distorte dal fato che so el setimo de nove fradei
ee paroe che ofende xé quanto che semo ignoranti
ee paroe gà el vaeore che ghe dà chi che le scolta
ee pì bee paroe dea lengua inglese ee xé asegno allegà
ee reigioni ee xé ee armi pì potenti chel mae gabia inventà
ee simmie antropomorfe e i babuini no i parla parché se eo faxesse i omeni ii obligarìa a lavorare
el bon giornaismo el poe e el gà da morsegarghe ea man che ghe da da magnare
el calcio no xé na questiòn de vida o de morte, xé calcossa de pì
el capitaismo xé el racket legitimo dea classe che comanda
el giusto no xé altro che l\'utie del pì forte
el grande merito dea società xé che ne fà apressare es soitudine
el libro indove che ghe jera tuta ea siensa el gà invocà pietà pa no essere rosegà da un sorse,el sorse ridea
el me otimismo se basa suea certessa che sta civiltà xe drio croeare, el pessimismo invesse eo gò par tuto queo che semo drio fare pa ndarghe drio
el mejo dea vita no se serca ma se cata
el mondo no xé un spetacoeo ma un campo de bataja
el mondo xé drio asistare a un delito contro l\'umanità, a Gaza indove che un milion e mezo de abitanti i xé sarai sensa coegamenti co mondo de fora. I xé drio castigare na popoeassion intiera.
el pensiero va indrio e ea roba va vanti
el pentimento xé el proposito de no assare tracce ae prosima volta
el primo dovere del dotor xé insegnarghe aea zente a no tore medicine
el problema coi poitici paiassi xe che dopo i vien eletti
el proibissionismo nol gà creà che guai
el segno pì evidente de aver catà ea verità xe ea paxe interiore
el sociaìsmo poe soeo \'rivare in bicicleta
el vero suceso xe diventare ea persona mejo che se poe
el vin fa un gran dano aea saùte (de sarvéo) de chi che no lo beve)
el zènare uman no poe soportare massa realtà
eo stato sò mi
fare el turista xé viajare lontan in serca dea voja de tornare casa
finché ghe sarà abondansa no se podarà mai acetare ea povertà
finirà prima l\'aria o el petrolio?
forse ee mejo persone xe quee che ee sà che no i vae de pì de queo che ghe xe intorno
ghe soeo un vero suceso: essare bon de vivare ea vita come che te voi
ghe xé adoeesiense che se innesca a novant\\\'anni
ghe xe do modi pa conquistare e rendere s-ciava na nassion. Una xe coea spada staltra xe col debito
ghe xe migliaia e migliaia de persone là fora che i vive na vita de calma, stridente disperassiòn, impegnae pa lunghe, pesanti ore, in lavori che i odia, pa poder comprare robe che no i ghe serve, pa fare bea figura co persone che neanche ghe piaxe
ghe xé na energia pì neta dele e pì rinovabie del vento, xé quea che no consumemo
ghe xé soeo che un modo pa diminuire el consumo de droghe, legalixarle
ghemo el mejo congresso che i schei poe comprare
ghemo globalizà el circo ma no el pan
gnente come tornare inte un posto che no l\'è cambià te fa capire quanto che te sì cambià tì
gnente rende pì poaretti che l\'avidità
gniente xe inpossìbie par chi che no ga da farlo
go bisogno che ghe sia bisogno de mi
go visto ea siensa che mi adoravo e l\'aereo che amavo desfare ea siviltà che credea che i gavesse da servire
gran parte dea storia sociae del mondo ocidentae, nei ultimi trent\'anni xè stà nel cambiare queo che funsionava co queo chel se presentava ben
guera xé sercare pase spandendo sangue. Pase xé farse guera sensa spandere sangue
i analfabeti del 21° secoeo no i sarà quei che no xé boni de lexere e scrivere ma quei che no sarà boni de imparare, disimparare na volta imparà e imparare ancora
i coeossi de internet i deventa sempre pì intemediari esclusivi tra produtori e consumatori
i democratici xe quel partito che dixe che te farà diventare pì inteijente, pì alto e pì sior e i te snetarà el giardin da l\'erba cativa. I republicani xe quei che dixe che el governo non funsiona, i se fà elegere e poi teo dimostra
i diriti dei animai vien prima dea reijion
i don Chisciotte de oncò no i combate contro, ma pai muini a vento
i esseri umani ga soeo do modi operativi: iresponsabiità e panico
i mona xé quei che no i se rende conto che ea metà vae de pì del tuto
i omeni i xe sempre sceti: i cambia soeo el tipo de scetesa
i paroni de sto paese i sà ea verità. El sogno americano se ciama cussì parché bisogna essere indormessai pa crederghe
i partiti de oncò i xé sora de tuto macchine de potere e de clientela
i poitici i xè uguai dappartuto. I promette de fare un ponte anca dove che no ghe gnanca un fiume
i poitici xé quee persone che co ee vede ea luce aea fine del tunnel i va fora e i compra altri tunnel
i ricordi i xe come el vin che decanta inte na butilia, i resta limpidi e el torbio resta sul fondo. No bisogna sguaratare ea butilia
i schei xé el late materno dea poitica
i se gà convinto che l\'omo, ea specie che pì trasgredisse, domina ea creassiòn, tute st\'altre xe stà creà pa farlo magnare, darghe ee peìsse e pa essare martoriae e sterminae
i storici dixe buxie usando i documenti, i romanzieri usando l\'immaginassiòn
i zòvani se ilùde sul so futuro; i veci sul so passà
in poitica se te voi calcossa de detto te domandi a un omo, se te voi calcossa de fato te domandi a na femena
in serti casi, ee mae paròe xè quee mejo
inamorarse xé da camerieri
invesse che darghe a un poiticoee ciave dea sità, saria mejo cambiare serratura
jero anticomunista cho ghe jera i comunisti
Las Vegas dovarìa sentirse offesa co ea vien paragonà a Wall Street. A Las Vegas se sà co che probabiità se poe vinsere. A Wall Street invesse ee regoe se cambia mentre che se xuga
l\'amore ga dirito a essare disonesto e buxiaro, se l\'é veritiero
l\'amore xé un castigo, semo stai punii pa no essae reusii a restare soi
l\'aventura xé soltanto na cativa pianificassiòn
l\'essere umano xè ea tera che camina
l\'evolussiòn dea rassa umana no ea vien in poche decine de miaia de ani come xé pai animai domestici, ma in diversi milioni de ani come che xé pae bestie selvadeghe, L\'omo xé e sarà par sempre un animae selvadego
l\'ideologia xé el pì duro carceriere dea mente
l\'omo xe condissionà par intiero al comportamento produtivo pa l\'organixassiòn del lavoro e, fora deae fabrica mantien ea stesa pee e ea stesa testa
l\'urbanistica xe ea presa de possesso de l\'ambiente naturae e umano da parte del capitaismo che, svilupandose logicamente come na dominassiòn assoluta, poe e el deve desso rifare ea totalità deo spassio a sò imagine
me pare chea roba bea de sto mondo no ea sia tanto el posto che semo ma ndove che ndemo...dee volte navighemo col vento che supia a favore dee volte col vento contro ma ne toca navigare, no podemo miga butare l\'ancora e gnanca łasarse portare daea corente
me piaxaria vedare i preti sposai ma no noeo quei etero
me sò dedicà a esaminare ea vita e no so parché ne pa cossa esisto
molti poitici i xé incapaci, el resto i xé capaci de tuto
na campagna poitica costa molto de pì de quanto chel poe pagare un omo onesto
na cesa che no subisse persecussioni ma che gode de priviegi e del apogio dea borghesia, no xé ea vera cesa de Cristo
na inflessibie e orba mancansa de disciplina in ogni tempo xé ea vera forsa de tuti i omeni libari
na parte granda de queo che ciamemo educassiòn xe poco de pì de un costoso isoeamento daea realtà
na simmia americana dopo che se gà imbragà de brandy, no eo tocarìa altro,e xé quindi pì sagia dea magior parte dei omeni
na smentida xé na notissia dà do volte
na volta nissuni podeva pensare liberamente, desso se poe ma quasi nissuni xé pì bon de farlo, desso ea zente ea pensa soeo queo che crede che bisogna pensare. E i crede che ea sia libertà
nei utlimi trent\'ani semo passsai da na economia de marcà e essare ne società de marcà. L\'economia d emracto serve pa organixare l\'atività produtiva, mentre ne società de marà voe dire che tuto xe in vendita. Xe na maniera de vivare in cui i vaeori de marcà i detta legge su tute ee cose dea vita
nessun dotore poe prometerhe ea guarigiòn scura, ogni medico poe prometare chel gavarà curà del passiente
nessun guerno poe mantenerse soidopa tanto tempo sensa na opposission formidabie
nesuna teoria democratica ea mete in dubio che una dee caratarisiche dea ditatura xé el controeo de l\'informassion
nissuni me petena ben come el vento
nissuni poe farte sentire inferiore se no teo permeti
nissuni varda el dissionario prima de parlare
nissuni xé massa zovane pa morire oncò
no esiste gnente che se ciama società. Ghe xe singoli omini e femene e ghe xe ee famije. Nissun guerno poe fare gnente se no par mezo dea zente e pa prima cossa ea zente ga da torse cura de se stesa
no esiste gnente tranne atomi e spassio vodo, el resto xe opinioni
no gà mia tanta importansa chi che se sposemo, parché tanto el dì dopo salta fora calchedun altro
no ghe xè mai fioi ilegitimi, ma soeo che genitori ilegitimi
no podemo legalixare el trafico de droga parché ghe xe masssa schei
no savemo chi che gà scoverto l\'acqua ma de sicuro no xé stà un pesse
no se slonga ea vita, se slonga ea vechiaia
no sò miga pessimista, vedare el mae dove chel stà xé na forma de otimismo
no stà zudicare un libro pal fil chei ga fato
no ste dubitare che un grupeto de person consapevoi e decise poe cambiare el mondo
no sté votare, serve soeo a darghe corajo
no te poi dire che ea civiltà no ea va vanti, visto che in ogni guera i te copa in maniera diversa
no vojo essare soea, vojo che i me assa da soea
no xe ea conossense che ne manca, ne manca el corajo de capire queo che savemo e tirare fora ee conclusioni
no xé ea morte el mae pexo, xé provarghe e no riussire gnanca a morire
no xé ea specie pì forte che sopravive, gnanca queo pì inteigente, ma quea che xé bona de adattarse mejo
no xé vero che i giornoi che piòve xé i pì bruti, te poi caminare a testa alta anca se te pianxi
ocore na considerevoe conossiensa pa capire ee dimensioni dea propia ignoransa
ogni american che voe candidarsi presidente el dovarìa essere, par definissiòn, interdetto
ogni storia xé storia contemporanea
ormai semo diventai queo che ghemo combatuo a vent\'ani
pa iori xé tuti nazisti: pa i animai Treblinka no ea finirà mai
pa spiegare na paroea serve altre paroe che ee va spiegà co altre paroe ancora e cussì par sempre, comunicare xé un illusiòn
par fortuna che ghe xè Bus a difendare ea democrassia
parché no xe l\'omo ma el mondo che xe diventà anormae
parché pagare pa ricostruire el to albero genealogico. Entra in poitica e i to aversari eo fdarà par ti
parlare xé tradurre, scoltare xé tradurre, lexare xé tradurre, scrivare xé tradurre, pensare xé tradurre. tutti i traduxe manco che alcuni tradutori
pena che te tachi parlare na lengua straniera, scumissia a cambiare ee espressioni del viso, dea mano e el lenguajo del corpo. Te sì zà n\'altra roba
pì te ghe n\'è e pì te ghe ne vorissi, manco te ghè e pì te dà
podarissimo butare dea finestra metà dei farmaci de oncò se no ghe fusse el ris-cio che i magna i oxei
quei che ne sfrutta xei credibii come nostri maestri?
queo che gavèmo in comune xè che semo tuti difarenti uno da st\'altro
queo che xe cibo pa un omo xe veèn pa n\'altro
ricordate sempre che te sì assoeutamente unico, come tuti staltri
rivarà un dì che podemo dirghe ai nostri morti e morte: so se ghemo arrenduo, no gavemo moeà, no se gavemo venduo
rivare secondi voe dire essare el prima che ga perso
satana se ga fato furbo, el ne tenta faxendone diventare ricchi invesse che povari
se el voto cambiasse calcossa sarìa illegae
se gavemo da ciamare terorista qualche stato. dovarissimo farlo pal guerno de israee, parché i xe iori a trucidare arabi innosenti e sensa armi nei teritori occupai
se i israeliani no i voe essere ciamai nazisti i gà da moearghea de comportarse da nazisti
se no te si pronto ad avere torto, no te vegnaré mai fora co calcossa de originae
se poe fare cose straordinarie co te te ciapi el merito
se rispetta soeo i diritti umani dee persone giuridiche
se te parli a un omo co na lengua comprensibie, te colpiré ea so mente, se te parli co un omo nea so lengua te colpiré el core
se te sté sul parapetto de un ponte par vedare el fiume che passa sotto, d\'un tratto te savaré queo che ghe xé da savere
semo queo che femo finta de essare, par queo ghemo da stare atenti a queo che feme essare
serto che xè posibie na relassion platonica, ma soeo tra marido e mujera
sii franco e esplicito col to avocato...ghe penerà eo a rendere tuto complicà
soeo chi che no aspira aea virtù la gà
soeo co sarà stà taja l\'ultima pianta, avveenà l\'ultimo fiume e ciapà l\'ultimo pesse te capiré che i schei no te i magni miga
soeo e persone colte che piase imparare, quei ignoranti preferisse insegnare
soeo quei che gà el corajo de faire clamorosamente poe otenere grandi risultati
soeo se te te incamini in tel viae del tramonto te podaré vedare l\'aurora
sperare chel mondo te trata ben parché te si sta bravo xé come pensare che un toro nol te ataca soeo parché te si vegetarian
spero de no deventare mai cussì vecio da diventare reigioso
tanti i se perde ee beesse picoe dea vita spetando quee grandi
te cati de pì tra i boschi che dentro i libri. I alberi e ee pietre te poe insegnare robe che nessun maestro te conterà
te ghé da essere otimista pa essere un democratico e te ghé da essere un umorista pa rimanerlo
te ghé da ricordarte che l\'avarissia xé sempre stà nemica dea virtù, quei che voe massa no i gavarà na bea reputassiòn
te ghe soeo che do modi de dire ea verità, come anonimo o postumo
tuti i animai, manco qualche omo, gà l\'anima
un bon dissionario xé uno specio indove che uno, se\'l sà dove sercare, el trova queo che za el sospetava
un conserto pa salvare el pianeta....el me pare el titanic
un epoca poe dirse finia co xé finie anca ee so illusioni
un mona se riconosse parché xé pronto a morire pa na causa, un saggio se riconosse parché l\'é pronto a lottare umilmente pa na causa
un omo el deventa sajo quando chel taca capire quanto chel xé ignorante
un omo nol pianta un albaro pa se steso ma par quei che vien dopo
un otimista xé uno chel pensa che na femena gabia finio de ciacoeare al teefono soeo parché ea dixe: eora te saeudo
un otimo indicatore de quei che xè i vaeori dea nostra civiltà xè che no ghe xè un afare mejo dea guera
un poitico xè uno che darà ea to vita per el so paese
un traditore el xé uno che assa el so partio par pasare a n\'altro, un convertio l\'è uno che pasa da n\'altro partio al tuo
uno s-ciavo gà un soeo paròn; i ambissiosi ghe ne gà tanti quante xe ee persone utii aea so fortuna
vegnarà un dì in cui ee imagini rimpasserà l\\\'omo, che nol gavarà pì bisogno de essare ma de vardare, no saremo pì dei viventi ma dei osservatori
viajare serve soeo a voerghe pì ben al posto \'ndove che semo nati
vinsere sento volte in sento bataje no xé na prova de grande abiità, vinsere sensa combattare xé na prova de grande abiità
vivare xe pericoeoso
voialtri assème batare e controeare i schei de un paese, no me intaressa chi che fa ee legi
votare xé abdicare
xé co se desmenteghemo de nialtri che femo ee robe che merita de essere ricordà
xé na guera de classi, ea me classe vinse ma no dovarìa