Logos Multilingual Portal

Select Language



[ No Biography for this Author ]

a rêgola un facchèin l\'è divêrs da un filôsof mêno che un mastèin da un levriêr. L\'è per vìa d\'la divisiòun dal lavôr ch\'a ghè gnû un abèss tra l\'ûn e l\'êter
al comunîsem l\'è la pûra unitê èd l\'àmm cùn la natûra, prôpria la resureziòun \'d\'la natûra, al naturalîsem fât per l\'àmm e l\'umanêsim fât per la natûra
al funzionamèint \'d\'la stupidêra: i quatrèin i mòten la fedeltê in infedeltê, l\'amôr in ôdi e l\'ôdi in amôr, la virtù in vèzzi e al vèzzi in virtù, al sêrev in padròun e al padròun in sêrev, la stupidêra in capèss e al capèss in stupidêra
al lèbber svilòpp \'d\'ognûn l\'à la cundiziòun per al lèbber svilòpp èd tòtt
an n\'è mènga la coscièinza c\'a règola la vètta mò la vètta c\'la règola la coscièinza
chi filôsof i ân sôl interpretè al mànnd in tànti manêri, mò adêsa l\'è gnû al mumèint ed cambièrel, \'ste mànnd
cùn mêno te mâgn, te bàvv, te còumper di lèbber, \'t\'vê a teatêr, a balêr e a l\'osterìa, cùn mêno et pèins, te vô bèin, \'t\'fê dàl teoriî, te cànt, \'t\'fê di quêder o dàl poesiî, e vìa andêr, cùn piò a cràss al tô tesôr, che i têrel o la pôlvra in\'n\'àl pôlen mènga cunsumêr, al tô capitêl. Cùn mêno t\'ê tè stàss, cùn mêno t\'èt fê la tô vètta cùn piò te ghê; e piò grânda l\'è la tô vètta fôra da tòtt, piò grând al srà al tô êser fôra da incôsa
fìn da quànd i èn nêdi, al gràndi banchi i ân fât al grândi cùn di nàm còme \'nazionêl\' ma in n\'êren êter che dàl bândi ed speculadôr in camòffa còi guèren
i nòster borghês dato ch\'in\'gh\'n\'hân mènga âbasta d\'avêregh a disposiziòun al mujêri e al fiôli di proletêri per àn parlêr d\'la prostituziòun ufficêl, ìs divêrten ànch da mât a fêres a tûren al mujêri \'d\'chi êter
i sôld dàto che i ghân al particolêr ch\'i pôlen cumprêr tòtt, d\'acaparêres in côsa, i ên al quêl da avêr piò che tòtt al rêst. Al fât che tòtt i sâven \'ste quêl al pôrta a dêregh un potêr sèinza lìmit, e insàmma, as dîs che còi sôld às pôsa fêr e avêr tòtt
in dàl crîsi a fà al ciôch n\'epidemìa sociêl che \'na vôlta la srèvv stêda un quêl da mât: l\'epidemìa \'d\'la sovraproduziòun
la magiôr pêrt di sòddit i cràdden d\'êser mès acsè perché al rè l\'è al Rè, e in rîven mènga a capîr che a dîr la veritê al re l\'è al Rè per al fât che lôr i ên i sòddit
la mercanzìa, a préma vésta, la pêr un quêl da gnînta, ch\'às risòlv da per sé. L\'esâm ch\'ìàm fât, invêce, al dimàstra ch\'l\'è un lavôr dimàndi cumplichê, cun dàl finàzzi zervelôtichi, e dàl furbêdi religiôsi
la svalutaziòun dal mànnd \'d\'la gèint la cràss in càl méinter che la và sò la consideraziòun dal mànnd di quê
la teorìa dal comunîsem l\'às ardûs a pòchi parôl: scanzlêr la proprietê privêda
la violèinza l\'è la levatrîz èd tòtti al societê vêci chi ên prègni èd \'na nôva
l\'ideologìa ch\'la dèta lèz l\'è sèimper stèda quàla d\'i padròun
l\'operâi àl dvèinta sèimper piò puvràtt cùn quânta riccàzza àl prodûs
l\'operâi al dvèinta \'na mercanzia a bòun merchê cùn piò ch\'al prodûs d\'la mercanzìa
quàl c\'a càpita al càmbia la gèint piò o mèno quànt la gèint la càmbia quàl c\'a càpita
tòtt al vôlti che \'na zêrta libertê l\'è mèssa in discussiòun, l\'è prôpria la libertê in generêl ch\'l\'è in discussiòun
tòtta la stôria modêrna la dimâstra che al capitêl, s\'àns\'gh màtt mènga un frêno, agh pôl dêr dèinter, sèinza gnànch un problêma o d\'la pietê, per fêr andêr tòtta la clâs operàia in fànda a la misêria piò bròtta
un scritôr l\'è produtîv brîsa cùn quànt idèi al tîra fôra mò cùn quànt quatrèin al fà fêr al sô editôr