| abogado: un kómplise ku no ta kore ningun riesgo |
| algun pais pober ta orguyoso i lo ke solushoná nan problemanan sin yudansa, pero afortunadamente, e multinationalsnan no por keda sin sakrifiká nan mes pa nan |
| algun persona ta kere ku genio ta hereditario; otronan no tin yu |
| amor ta un kastigu. Nan ta kastigános pasombra nos no por ta nos so |
| amor tin e derechi di ta desonesto i mentiroso, basta e ta sinsero |
| anarkia no ta nifiká ousensia di reglanan, sino di gobernantenan |
| antes niun persona no tabata por a pensa libermente. Awendia personanan ke pensa solamente loke nan ta suponé di ke pensa i esei nan ta konsiderá libertat |
| arepentimentu ta nifiká e determinashon firme pa no laga spornan atras e próksimo bes |
| asina bo kuminsá papia den un otro idioma, e ekspreshon den bo kara, e movementu di bo mannan, bo lenguahe di kurpa, ta kambia. Ba bira un otro persona kaba |
| aventura no ta mas ku un mal planifikashon |
| bendishoná ta esun ku no ta spera gratitut, pesei e lo no wòrdu desapuntá. |
| beyesa ta den wowo di e miradó |
| biaha ta sirbi solamente pa stima mas nos lugá di nasementu |
| biba ta peligroso |
| bida no ta asina largu pa kontené tur kos ku nos deseonan inspirá nos |
| bida no ta mas ku un seri di imágennan wardá den nos serebronan, unda no tin diferensha entre esnan ku ta provení di kosnan eksistente i esnan soñá, sin ningun motibu pa pone un riba e otro |
| bida ta un enfermedat ereditario |
| biña ta daña seriamente e salú mental di esun ku no ta bebé |
| bo mester ta un optimista pa ta un Demokrat i un humorista pa keda un |
| bo no por bisa ku sivilisashon no ta avansá, ya ku den kada guera nan ta matábo di un manera nobo |
| bo no ta tradusí loke e outor a skibí, pero loke e kier a bisa; ta p\'esei kompiuternan lo no por tradusí nunka |
| bo por hasi kosnan ekstraordinario ora bo no kleim e mérito |
| bobonan, nan no sa te ki punto e mitar ta bal mas ku e henter |
| Bon Pasku i Felis Aña Nobo |
| den kada persona síniko tin un idealista desepshoná |
| den ningun teoria demokrátiko nan ta duda si un di e karakterístikanan di un diktadura ta e monopolio di e informashon |
| den polítika, si bo ke pa algu sea bisá, pidi un hende hòmber. Si bo ke pa algu sea hasí, pidi un hende muhé |
| den siertu situashon, palabranan mahos ta mihó |
| derechinan di animal ta bini promé ku religion |
| distraé bo mes ta nifiká kasi semper kambia di ferfelamentu |
| dunámi e pèrmit pa emití i kontrolá e sèn di un nashon i no ta importámi ken ta traha e leinan |
| e analfabetonan di e siglo 21 lo no ta esnan ku no por lesa i skibi, sino esan ku no por siña, pèrdè práktika i bolbe kuminsá siña |
| e berdadero éksito ta bira e mihó persona ku bo por |
| e bolsa di akshonnan ta e lugá unda personanan ingenuo ta ser deshasí di nan sènnan |
| e buki, den kua e konosementu di tur buki, a pidi yudansa pa evitá ku un ratón lo komé. I e ratón a hari duru |
| e delaster tres dékadanan nos a pasa di un ekonomia di merkado pa un sosiedat di merkado. Un ekonomia di merkado ta un instrumento balioso i efikas pa organisá e aktividat produktivo. Pero e \'sosiedat di merkado\' ta un lugá unda tur kos ta na benta. Ta un manera di biba unda e balornan di merkado ta goberná tur aspekto di bida |
| e doñonan di e pais aki sa e berdat: nan ta yamé e soño amerikano pasombra bo mester ta na soño pa kere esei |
| e dos palabranan mas bunita den idioma ingles ta ´chèk athunto´ |
| e enkuentro entre dos personalidat ta manera e kontakto entre dos sustansha kímiko: si produsí un reakshon nan dos ta wòrdu transformá |
| e Estado ta ami |
| e evolushon di e rasa humano lo no kulminá den e dies mil aña ku e animalnan doméstiko tabatin mester, sino den e mion di aña manera seka e animalnan salbahe, pasombra hende ta i keda semper un animal salbahe |
| e fábrikanan di arma ta yuda kombatí desempleo? |
| e gran mérito di sosiedat ta ku e ta pone nos apresiá soledat |
| e hóbennan tin ilushon tokante nan futuro, e bieunan tokante nan pasado |
| e hòmber di e di tres milenio lo tin e kultura di Bush, e onestidat di Berlusconi i e bondat di Putin |
| e indiferensia, kobardia i e oportunismo di e siudadanonan ta mata e demokrasia mas ku e tiranonan i diktadornan |
| e karakterístika di un persona inmadurá ta ku e ke muri na un manera nobel pa un kousa, mientras ku e karakterístika di un persona madurá ta ku e ke muri pesei na un manera modestu |
| e kolosonan di énternèt ta birando kada bes mas e intermediarionan entre produktor i konsumidó |
| e komportamentu siegu i firme ta forma e forsa di e hòmber liber |
| e kuestion di moralidat ta eksistí ya basta tempu, pero a kambia awor den e kuestion polítiko mas importante, pasombra di su solushon ta dependé e rekuperashon di e fe den e institushonnan, e gobernabilidat aktual di e pais i e viabilidat di e demokrasia |
| e mafia no ta eksklusivamente un problema italiano ni un asuntu di minifundistanan i di supdesaroyo den sur di Italia, sino un problema europeo |
| e mafia tabatin un kuminsamentu i lo tin un final tambe |
| e mihó di bida bo no ta buska, sino haña |
| e negoshi di banko ta engendrá den mal i a nase den piká. Bankeronan ta doñonan di mundu. Kité fo\'í nan, pero laga nan ku e poder pa krea sèn, den un fregá di wowo nan lo tin bastante medionan pa kumpra tur kos bèk. Pero, si bo kita e poder ei fo\' i nan tur e fortunanan grandi manera esnan di mi lo disparesé. Si esei susedé, nos lo biba den un mundu mas felis i mihó pa nos tur. Pero si bo ke keda katibu di Bankeronan i paga e gastunan di bo mes sklabitut, laga nan krea sèn |
| e palabranan ofensivo ku nos ta papia ta mustra kla nos ignoransia |
| e Partido Demokrat ta e partido ku ta bisa ku e gobièrnu ta hasibo mas sabí, largu, riku i ta ranka yerba malu fo\'i den bo kurá. E Partido Republikano ta bisa ku e gobièrnu no ta funshoná i despues nan ta ser elegí i ta demostrá esei |
| e partidonan aktual ta promé ku tur kos generadornan di poder i klientelismo |
| e persona ku bo tin mas miedu di kontradesí ta bo mes |
| e problema ku chisteronan polítiko ta ku nan ta ser elegí tambe |
| e públiko en general tin e obligashon di resistí te último, manera e tabata lucha ne frente di Piave, kontra e prehuisio di e peligroso desintegrashon di e boluntat kolektivo i e noufragio di e sentido sivíko ku e pérdida di e sintimentu di loke ta korekto ku ta e último bastion di e kuestion moral |
| e Quichotenan di awendia no ta lucha kontra sino na fabor di e molinanan di bientu |
| e satisfakshon ta bini debí na hasi, no na e resultado |
| e señal mas sigur ku berdat a ser hañá ta e pas interior |
| e ser humano ta e Tera ku ta kana |
| e soño di esnan ku no tin ruman ta pa tur hende ta ruman |
| e sosiedat erótiko-publisitario den kua nos ta biba tin e afan pa organisá e deseo, desaroyé te na un altura sin presedente, mientras ku e ta mantené e satisfakshon den e esfera privá. Pa ku e sosiedat ta funshoná, pa ku e kompetensha ta sigui, ta nesesario ku e deseo ta krese, ta ekstendé su mes i ta devorá e bida di e hendenan |
| e tabata asina bunita ku nan a prohibié yega seka di e Toren di Pisa |
| e tentashonnan, kontrali na e oportunidatnan, ta presentá nan mes semper un di dos bia |
| e universidat berdadero no tin un lugá spesífiko. E no tin propiedatnan, no ta paga salario ni ta risibí aportenan material. E universidat berdadero ta un kondishon di alma |
| en bes di duna e polítikonan e yabinan di e siudat, lo ta mihó pa kambia e lòknan |
| enamoramentu ta kos di weternan |
| esun ku por pèrdè, ta gana |
| esun ku ta bai poko poko, ta bai sigur i ta yega leu |
| fèrfelamentu ta un enfermedat pa kua e remedi ta trabou; plaser ta solamente un paliativo |
| futbòl no ta solamente un asuntu di bida òf morto, ta algu muchu mas importante ku esei |
| gana shen bes den shen bataya no ta e kolmo di poder. Esei ta someté un enemigu sin lucha |
| gera ta buska pas deramando sanger; pas ta e kontinuashon di e kombate sin deramá sanger |
| gran parti di e historia sosial di e mundu oksidental durante e tres último dékadanan, tabata konsistí den kambia loke tabata funshoná bon pa loke tabata parse bon |
| gran parti di nos polítikonan ta inkapas. E restu ta kapas di tur kos |
| hendenan muhé gusta hendenan hòmber tasiturno |
| hendenan ta kere ku nan ta liber, pero nan ta solamente liber pa kere esei |
| hendenan ta semper sinsero. Nan ta kambia di sinseridat, esei ta tur kos |
| historiadónan ta gaña ku dokumentunan, nobelistanan ku nan imaginashon |
| hopi persona ta laga e alegrianan chikitu bai, sperando e felisidat grandi |
| hopi ta falta i poko ta sobra |
| humanidat no por soportá demasiado realidat |
| hustisia no ta otro kos ku bentaha pa esun mas fuerte |
| i nos ke pe dia yega ku nos por bisa nos defuntunan muhé i hòmber tres kos: nos no a rendi, nos no a bende nos mes, nos no a laga dominá nos mes |
| i pa evitá ku le wòrdu hòrtá...ta konfia sèn na banko |
| ideanan ta mas poderoso ku armanan. Nos lo no pèmití ku nos enemigunan tin armanan, pakiko nos lo tin di pèrmití ku nan tin ideanan? |
| ideologia ta e wardadó mas strikto di pensamentu |
| iglesia ta birando pa hopi persona e opstákulo mas grandi pa nan fe. Nan no ta mira mas den dje ku e ambishon humano di poder, un teater chikitu di personanan, ku e preteksto di goberná e kristianismo ofisial, ta parse mas daña e spiritu berdadero di kristianismo |
| kapitalismo ta e estafa legítimo di e klase dominante |
| kiko ta kaba promé airu òf petroli? |
| kiko ta klona mihó, genétika òf televishon? |
| kompanianan farmaséutiko sa mas tokante inventá enfermedatnan ku ta adekuá pa medikamentonan eksistente, ku inventá medikamentonan adekuá pa enfermedatnan eksistente |
| kon bo por bisa si Lyndon Johnson ta gaña? Si e move su oreanan no ta nifiká ku e ta gaña. Si e isa su wènkbrounan no ta nifiká ku e ta gaña. Pero ora e move su lipnan, e ta gaña |
| kòrda semper ku bo ta apsolutamente úniko,meskos ku tur otro hende |
| korupshon ta manera basura. E mester wòrdu eliminá diariamente |
| kosnan imposibel ta mas fásil ku esnan difísil |
| krueldat kontra animalnan ta e skol di bida di krueldat kontra personanan |
| kultura ta un instrumento ku ta wòrdu manipulá dor di maestronan di skol pa generá maestronan di skol, kendenan lo generá na nan bùrt maestronan di skol |
| Las Vegas lo sinti su mes ofendí si nan komparé ku Wall Street. Na Las Vegas e personanan sa kua ta e posibilidatnan. Na Wall Street nan ta manipulá e posibilidatnan mientras bo ta hunga |
| lenga no ta sino un redukshon di pensamentu na su forma mas simpel |
| lo bini un dia ku imáhennan lo remplasá hende i ku esei no mester ta presente mas, sino mira so. Nos lo no ta sernan bibu mas, sino solamente opservadónan |
| lo bo haña algu mas den mondi ku den bukinan. Palunan i piedranan lo siñábo loke niun maestro no por siñábo |
| loke nos tin komun ta ku nos tur ta otro |
| loke ta alimento pa esun, ta venenu amargo p\'e otro |
| loke ta trata asuntunan balioso: e sèn ta den e kaha di heru, i e soñonan....den un lachi |
| loke ta trata nan, tur persona ta Nazi; pa e animalnan ta un Treblinka eterno |
| ma mira e siensia ku mi tabata adorá i e avion ku mi tabata gusta, destruí e sivilisashon ku mi tabata spera ku lo wòrdu sirbí dor di nan |
| ménos mal Bush tei pa defendé demokrasia |
| mi ke pa tin mester di mi |
| mi no ke ta mi so, mi ke pa nan lagámi mi so |
| mi no por kambia e pasado, pero mi por kambia mi rekuerdonan |
| mi no ta un pesimista. Rekonosiendo e malu unda e presentá su mes, ta na mi opinion, un forma di optimismo |
| mi opinion tokante planeamentu di famia ta un poko perturbá debí ne echo ku mi tabata e di shete di nuebe yunan |
| mi optimismo ta basá riba e siguransa ku e sivilashon aki ta seka di derumbá. Mi pesimismo ta den tur kos ku e ta hasi pa lastra bai ku nos den su kaida |
| mi patria ta unda mi ta sintími bon |
| mi ta haña importante den e mundu aki no kaminda nos ta, sino den ki direkshon nos ta move nos mes - tin bia nos mester nabegá ku bientu i otro bia kontra dje, pero nos mester nabegá i no bamboleá ni ankra |
| mi ta kere ku Kissinger ta e kriminal di gera mas notabel ku ta kana liber na mundu |
| mi ta kere ku, tanten tin abundansia, pobresa ta un malu |
| mi ta spera di no bira asina bieu pa mi bira religioso |
| mi ta stima Alemania asina tantu ku mi ta preferá ku tin dos |
| mi ta usa e partidonan na mes manera ku mi ta usa taksinan: mi ta drenta, paga pa e kareda i sali |
| mi tabata antikomunista tempu ku tabatin komunista |
| mi tin gana di mira pastornan kasa i no solamente heteroseksualnan |
| mientras tin petroli, lo no tin pas den Medio Oriente |
| mitar di e droganan modèrnu lo por wòrdu tirá fo´i bentana, si e paranan lo no por a kome nan |
| monogamia ta un inbenshon di nos sivilisashon oksidental pa krea siertu, i mi ke agregá, ordu bon studiá den e institushonnan sivil. No tin nada di ber ku naturalesa humano. Mi ta reta kada un pa mustrami un persona monógamo di berdat |
| monopolio òf poseshon di propiedat di algun persona ta un maldishon pa humanidat |
| mundu no ta un espektákulo, sino un kampo di bataya |
| mundu ta testigu di un krimen teribel kontra derechinan humano den Gaza, unda un mion i mèi persona ta den prison, kasi sin kontakto ku e mundu eksterior. Nan ta kastigá henter un poblashon di un manera atros |
| muzik di awendia ta dominá pa bankeronan i bukhoudernan: un desaroyo ku nos tin di kombatí inkondishonalmente |
| m\'a dediká mi mes na investigashon di bida i mi no sa pakiko i pa kua e tei |
| na Cuba nan no ta respetá derechinan humano ku eksepshon di Guantánamo |
| nada no ta eksistí fuera di atomnan i espasio bashí; tur sobrá ta opinion |
| nada no ta hasibo asina pober manera kodisia |
| nada no ta imposibel pa esun ku no tin ku hasié |
| nan a desaroyá e Konstitushon pa protehá e pueblo kontra e peligernan di bon intenshonnan |
| nan a konvensé nan mes ku hende, e pió violadó di tur sortonan, ta e rei di e kreashon. Tur e otro kriaturanan a ser kreá únikamente pa duné alimento i paña di bisti, pa ser tormentá i eksterminá |
| naturalmente un relashon platóniko ta posibel, pero solamente entre marido i muhé |
| ningun dòkter por primintí un rekuperashon kompletu, pero naturalmente tur dòkter lo mester ta kapas di primintí un atenshon kompletu di e patiènt |
| ningun gobièrnu por tin un eksistensha sólido pa muchu tempu sin un oposishon temibel |
| niun hende ta peñami mihó ku bientu |
| niun persona no por lagábo sintíbo inferior sin bo pèrmit |
| niun persona ta asina hóben ku e no por muri awe mes |
| niun persona ta konsultá e dikshonario prome ku e papia |
| no duda nunka ku un grupo chikitu di personanan dediká por kambia mundu |
| no huzga un buki nunka pa su pelikula |
| no ta berdat ku dianan di awaseru ta esnan mas malu; nan ta e úniko dianan den kua bo por kana kabes na laira, asta ora bo ta yora |
| no ta e espesie mas fuerte ku ta sobrebibí, ni esun mas inteligente. Ta esun ku a adaptá su mes mas na kambio |
| no ta e hende, sino e mundu ku a bira apnormal |
| no ta eksistí algu manera sosiedat. Ta eksistí hòmbernan i muhénan individual i famianan.I niun gobièrnu no por hasi algu sino atraves di hendenan i e hendenan aki mester sòru pa nan mes promé |
| no ta importá muchu ku ken bo ta kasa; sin duda lo bo ripará e siguiente dia ku tabata otro persona |
| no ta konosimentu nos falta. Loke nos falta ta kurashi pa komprondé loke nos sa i saka konklushonnan |
| no ta morto ta mas marga, sino e echo ku si bo ke muri, asta e deseo ei ta keda inkumplí |
| no ta prolongá bida, sino behes |
| no tin otro kos ku regresá na un lugá ku no a kambia i ripará ku bo mes a kambia |
| no tin yunan ilegítimo, solamente mayornan ilegítimo |
| no vota, esei ta enkurashá nan so |
| nos a globalisá e sirko pero no e pan |
| nos no por legalisá e narkotráfiko pasombra tin muchu sèn metí aden |
| nos no sa ken a deskubri awa, pero nos ta sigur ku no tabata un piska |
| nos por bisa ku libertat ta algu vago. Su ousensia no ta esei |
| nos por spera di berdat di esnan ku tin intenshon di eksplotá nos ku nan por eduká nos? |
| nos ta kere ku nos ta kontrolá e palabranan, pero ta e palabranan ta kontrolá nos |
| nos ta loke nos ta pretendé di ta; pesei nos mester paga bon tinu loke nos ta pretendé di ta |
| nos tin di kombatí promé e mafia ku ta den kada un di nos. Ta nos ta e mafia. |
| nos tin e mihó Kongreso ku por kumpra ku sèn |
| nos tur ta hari den mes idioma |
| ora bo ta sintíbo bon, biaha i ta otro kaminda, no ta leu mas |
| ora kosnan bai malu, no bai ku nan |
| ora mi mira Berlusconi i e otro hòmber chikitu, mi tin gana di despedí di e rasa humano |
| ora mi sosegá mi pianan, mi mente tambe ta stòp di funshoná |
| ora tin dos vershon kontradiktorio di un istoria ta mas prudente kere esun den kua e hendenan ta mustra pio |
| pa laga un kos funshoná di nobo un siertu momentu, tin di kore e riesgo di pèrdè tur kos |
| pa splika un palabra bo mester di otro palabra, ku bo mester splika ku otronan i asina te final. Komunikashon ta simpelmente un ilushon |
| pakiko paga sèn pa laga traha bo stambom. Bai den polítika i bo oponentenan ta hasié pa bo |
| palabranan tin e balor ku e oyente ta duna nan |
| papia ta tradusí, skucha ta tradusí, lesa ta tradusí, skibi ta tradusí, pensa ta tradusí. Tur hende ta tradusí, ku eksepshon di algun traduktor |
| pensamentunan ta bai patras, ophetonan ta bai padilanti |
| periodismo di kategoria superior por i tin ku morde kada man ku ta purba duné kuminda |
| poesia ta, manera pan, di tur persona |
| polítika ta e arte nobel di optené votonan di pobernan i finansiamentu di rikunan, ku e promesa di protehá esunnan kontra e otronan |
| polítikonan ta meskos tur kaminda. Nan ta primintí di konstruí un brùg asta ora no tin riu |
| polítikonan ta personanan ku, ora nan mira lus na final di e túnel, ta bai buska mas túnel pa kumpra |
| por konsiderá un era terminá ora su ilushonnan básiko a agotá |
| prohibishon no a kousa otro kos ku problema |
| realidat ta un ilushon okashoná pa falta di alkohol |
| rekuerdonan ta manera biña plakiá den un bòter: nan ta keda transparente i e kachikachi ta keda abou. No mester sakudí e bòter |
| religionnan ta e armanan mas poderoso ku e Mal a yega di pensa |
| riba kiko Unesco ta warda pa deklará hinter e planeta patrimonio di humanidat? |
| Satanás ta awor mas sabí ku antes i ta tenta ku hasi personanan riku en bes di pober |
| sea franko i eksplísito ku bo abogado...E ta sòru si brua tur kos |
| sea kouteloso ku bo deseonan, nan por bira realidat |
| sèn ta e lechi materno di polítika |
| sernan humano tin solamente dos manera operativo: iresponsabilidat i pániko |
| si bo no ta dispuesto pa ta robés, e or\'ei lo bo no bini nunka ku algu original |
| si e Israelinan no ke wòrdu akusá di ta nasista, nan mester stòp di komportá nan mes manera nasista |
| si ta posibel duna órganonan pa salba bida di un patient, pakiko no por duna proteina pa salba bida di esnan ku ta muri di hamber? |
| si un persona tin di referí na un di e partinan manera un estado terorista, e tin di hasié referiendo na e gobièrnu di Israel, ya ku ta nan ta masakrá e Arabirnan indefenso i inosente den e teritorionan okupá |
| si votamentu por a kambia algu, nan lo a hasié ilegal |
| siensia no ta perfekto, pero esei no ke men ku bo mester di religion |
| sin Saddam mundu a mehorá. Kon lo ta sin Bush? |
| skol komo medio di edukashon tabata simpelmente un bashi pa mi |
| solamente e derechinan humano di personanan hurídiko ta wòrdu respetá |
| solamente esnan ku ta tribi hasi erornan grandi lo logra alkansá éksitonan grandi |
| solamente esun ku no ta aspirá virtut, no tin virtut |
| solamente ora bo ta den direkshon di e bahada di solo bo por mira e ourora |
| solamente ora e delaster palu ta di kap, e delaster riu kontaminá, e delaster piska kohé, lo bo ripará ku bo no por kome sèn |
| solamente personanan kulto ta gusta siña; esnan ignorante ta preferá enseñá |
| sosialismo por yega so ku baiskel |
| sperando ku mundu ta tratábo bon pasombra bo ta un bon persona, ta un poko manera spera ku e toro no ta atakábo pasombra bo ta un vegetariano |
| speransa di ganansia deshonesto ta e komienso di bankrut |
| ta basta ku droga den deporte: mester prohibí e kòntròlnan |
| ta bon pa rekordá ku avarisia tabata semper e enemigu di birtut; difisilmente por haña un bon reputashon esun ku ta buska di mas su propio interes |
| ta e hòmber kompletu, ku debí na e manera ku e trabou ta organisá, ta komportá su mes produktivamente; pafó di e fábrika e ta keda ku e mésun aparensia i mésun kabes |
| ta ora nos lubidá nos mes ku nos ta hasi kosnan ku mester wòrdu kòrdá |
| ta un guera de klase; esun di mi ta ganando, pero no mester tabata asina |
| televishon ta presta hopi atenshon na sikiatria dor di distribuí informashon tokante esei i tambe dor di kontribuí na e nesesidat di esei |
| tene kuidou: e Outoridatnan Sanitario por ta dañino pa e salú |
| tin adolesensianan ku ta bira aktivo na nobenta aña |
| tin biá un persona ta konfesá un piká pa por saka benefisio di dje |
| tin bia, para ne baranda di un brùg i bo ta lèn ofer dje pa mira e riu kore pasa poko poko bou bo, lo bo sa di repente tur kos ku bo ke sa |
| tin di bini un dia, un dia so, ku nan ta abri e yagmentu riba senadornan |
| tin dos manera pa konkistá i esklabisá un pais. Un ta ku spada i e otro ta ku debe |
| tin dos manera so pa bisa berdat, anónimo i póstumo |
| tin miles i miles di personanan eifó ku ta biba un bida di desesperashon sofokante i bou gritamentu, ku ta traha dianan largu i pisá na un trabou ku nan ta odia pa por kumpra kosnan ku nan no mester, pa por imponé personanan ku nan no ta gusta |
| tin ora no ta menos elokuente pa keda ketu |
| tin personanan asina pober ku nan tin sèn so |
| tin solamente un éksito - ser kapas di biba bo bida na bo manera |
| tin solamente un manera pa redusí e konsumo di droga: legalisé |
| tin un forma mas limpi ainda di energia ku solo, mas renobabel ku bientu: ta e energia ku nos no ta konsumí |
| tradukshon ta un eksperensha ku ta ofresé i imponé e lektura mas slo posibel, kasi un kaminata dor di e espasio físiko di e teksto, ku su bayenan, sabananan i serunan |
| tur Amerikano ku ta prepará pa postulá pa presidènt lo tin di ser deskualifiká, outomátikamente i pa definishon, pa hasi esei |
| tur animal, fuera di algun persona, tin alma |
| tur istoria ta istoria kontemporáneo |
| turismo ta biaha leu buskando e deseo di bolbe kas |
| un bon dikshonario ta manera un spil: si bo sa kon usé bon, bo por haña loke bo tabata sospechá kaba |
| un di e debernan prinsipal di e dòkter ta eduká e masanan pa nan no usa remedi |
| un indikadó trágiko di e balornan di nos sivilisashon ta ku no tin mihó negoshi ku negoshi di gera |
| un kampaña polítiko ta kosta muchu mas di loke un persona onesto por paga |
| un katibu tin un patron so; un persona ambisioso tin asina tantu manera tin persona útil pa su fortuna |
| un konosimentu konsiderabel ta nesesario pa komprondé e magnitut di bo ignoransia |
| un konsierto pa salba e planeta...e ta ponemi kòrda e Titanic |
| un makaku merikano lo no mishi nunka mas ku brandy despues ku e la bira fuma di dje i ta p\'esei e ta mas sabí ku mayoria persona |
| un misa ku no ta sufri di persekushon, sino ku ta disfrutá di e privilegionan i e apoyo di e burguesia, no ta e misa di berdat di Hesukristu |
| un negashon ta un notisia duná dos bes |
| un optimista ta esun ku ta kere ku un hende muhé a terminá su kombersashon di telefòn solamente pasombra e la bisa ´´ayó´´ |
| un pareha ta komponé di tres persona i un ta semper ousente temporalmente |
| un parti grandi di loke nan ta yama \'edukashon\' ta ménos ku un aislamentu kostoso di realidat |
| un persona no ta planta un palu pa su mes. E ta planté pa posteridat |
| un persona ta gana sabiduria solamente ora e kuminsá kalkulá e profundidat aproksimá di su ignoransia |
| un polítiko ta un tipo ku ta sakrifiká bo bida pa su pais |
| un traidó ta esun ku ta bandoná un partido pa uni ku un otro i un kombertido ta esun ku ta bandoná e otro partido pa uni ku esun di bo |
| urbanismo ta apropiashon di e medio ambiente natural i humano; kapitalismo ku ta desaroyá su mes lógikamente komo dominashon apsoluto, por i tin di hasi e totalidat di espasio su mes dekorado |
| vota ta apdiká |
| ya nos ta tur loke nos a lucha kontra na edat di binti aña |
| yega di dos ta nifiká ta e promé persona ku a pèrdè |
