là wice qu' on broûle lès lîves, a l' fin on broûle lès djins avou
|
lès brètes inte lès pôves, c'èst l' mèyeûse dès-afêres po lès ritches
|
lès canârds ponenut leûs oûs tot dimèrant moya do tins k’ lès pouyes cokotenut come dès sotes. Avèz vèyu ? On èst tèrtos à n' magnî ki dès oûs d’ pouye
|
lès cis qui sondjèt dè djoû sèpèt brâmint dès afêres qui lès cis qui n'sondjèt qu' dèl nute ni s'apèrçûvèt nin
|
lès diès n' morenut måy
|
les discovraedjes n' ont pont d' aidance pol Troejinme Monde, is font djusse di pus d' indjustice
|
les djins avou ene putite linwe sont les mias
|
lès djins k’ on d’ l’instruc apudenut voltîye, lès cias ki n’ conèchenut rén volenut tofêr doner dès lèçons
|
les djins naivyîront din les strons si vos metoz des liårds didins
|
Les djins n' ont nén des grandès idêyes. C' est les grandès idêyes ki dischovrèt les djins.
|
lès djins qui voyèdjèt s' èmèrviyèt dè veûy lès montagnes, lès mérs, lès rivîres, lès steûles, mins passèt sins fé 'n' ahote po s'rilouquî èt s'èmèrniyî d' zèls-minme
|
lès djins s’ paurtichenut è deus sôrtes : lès djusses èt lès indjusses. C’ èst lès djusses ki fèyenut l’ divizion...
|
les efants n' ont måy sti très bons a schouter leus parints, min il ont todi sti les meyeus polz imiter
|
lès èfants trovenut tot dins rin, sakants omes ni trovenut rin dins tot
|
Les esprits ki creyèt ont todi stî cnoxhous po sorviker a tote sôre di måva acsegnemint.
|
les femes sont beles po s' fé vey voltî des omes, eyet biesses assez ki po lzès vey voltî
|
lès fêts vinèt sovint disdîre lès savants mèssèdjes
|
lès feumes polenut fé c’k’èles volenut, mins deus côps mia k’ lès omes po n’ todi ièsse riwêtîyes k’ à mitan ossi bounes. Bineûreû, c’ n’ èst k' wêre malauji !
|
lès filosofes n' ont rin fêt d' ôte qui d' veûy li monde a leûs manîres, asteûre, i sèreût timps dè l' candjî
|
les froteus d' mantches richonnnut åzès camas, come les leus richonnnut åzès tchins
|
Lès gazètîs n' ont pont d' fyate dins lès mintes dès politikîs mins is lès ricassenut. C' èst pîre
|
lès grand momints do monde s’ passenut dins l’ cèrvia
|
les grands pays on toudi fe les gangster, e les pitits pays on toudi fe les putes
|
les Inglès voeynut volti d' instint les djins ki n' ont pont d' talint et ki nel criynuxhe nén so tos les toets
|
les Itålyins pierdèt des gueres come si ça sreut des matches di fotbale, eyet des matches di fotbale come si ça sreut des gueres
|
lès kèsses qui n'tiçûvèt nole rèsponse qwand c'èst qu'èlle aspitèt n'ènn' ârans djamây
|
les lingaedjes, come les rlidjons, vikèt des erezeyes
|
Les lwès sont des aréncréns ki les grossès moxhes passèt åd triviè et les ptites dimorèt plakêyes.
|
les maris fjhèt des nouzomes amants, copurade cwand c' est k' i trayixhèt leu femes
|
lès masses si lèyèt djonde pus âhèyemint pa lès grossès mintes qui pa lès p'tites
|
lès minmès paroles ni dijenut nén l' minme foû di totès lès lèbes. Ki do contrêre !
|
Les motis si corridjevent toudi, comme les cartes djeografikes.
|
les mots ki divnèt vraiymint populaires apôvrixhèt l' lingaedje
|
lès omes candjèt leûs sintumints èt leûs manîres dè viquer ossi rade qu'i candjèt leûs intèrèts
|
lès omes crîyenut po n’ si nén mète d’ akwêrd
|
les omes dvet mete li guere a l' uxh, oudonbin li guere metrè les omes a l' uxh
|
lès omes ni sont nin prijonîs do dèstin, is nèl sont ki d’ leûs propès idêyes
|
lès paskèyes qui lès cis' qui sindikèt sèpèt comprinde, mèritèt bin d'èsse mètowes foû
|
lès powêtes ont waurdé leus ouy d' èfant
|
lès racènes do sipaurdâdje di l’ ignorance, c’ èst k’ tot l’ monde arive à lîre èt sicrîre
|
lès scroteûs ont do rèspèt po l' proprièté, is ont seûlmint ausse ki l' proprièté fuchisse da zèls po l'co mia rèspèter
|
lès sov'nances qui nos avans onk di l'ôte, minme dè timps qui nos èstans amoureûs, ni sont nin lès minmes
|
les statistikes dso li santéye del tiesse dijhnut k' on Amérikin so cwate est on peu aiwaré. Pinsez ki si vos troes meyeus soçons sont oké, adon c' est vozôte l' aiwaré
|
les USA n' savnut nén ewou çk' i vont mins ont todi håsse d' î rexhe les prumîs
|
lès victwères conte lès feumes sont lès seûles qu'on rèpwète tot corant èvôye
|
lèyèz-vos mwinrner pa l' èfant k' vos avèz stî
|
Leyîz m' vos dire, å risse di parete ridicule, ki l' revolucionåre vraiy est moenné pa des grands sintimints d' amour
|
li banne dè cîr po d'zeû mi, li lwè morâle â d'vins
|
li Bîbe nos aprind a voey voltî nos innmis ostant ki nos amis. Mutoi pask i sont les minmès djins
|
li bigameye, c'est d'aveu on mari di tro. Li monogameye ossi
|
li blanke rèce c' èst li crantche di l'istwère di l'Ome. C'èst l'blanke rèce , èt rin qu' lèy, avou sès îdèyes èt sès èmantcheûres, qui bouhe djus lès civilisâcions dès ôtes tot la wice qu'èle si dispât, qui disrindje çou qu' èsteût ècolojikemint d'adrame èt qui asteûre manecèye li vèye minme
|
li Britanike Impire c' est çu k' a doné des djeneråcions d' Inglès e ribote sol daegn po cachi après ene sacwè di mandjåve
|
li châme: ene façon d' oyu on oyi sin awè dmandé ene sacwè
|
li chatimint èst fêt po rinde mèyeû li ci qui tchèstèye
|
li ci a quî l'fôrteune ni pout pus rin d'ner n'èst nin ossi ureûs qui l' ci qu' n'a pus rin a piède
|
li ci ki n' dimande rén, c' est k' i ratind tot
|
li ci ki n' punit nén li må, ordone ki si fwaixhe
|
li ci k' sait rire est mwaisse do monde
|
li consyince c'èst l' divintrinne vwès qui nos advèrti qu'ine sakî nos pout wêtî
|
li cotuzeu est ene djin ki fwait mete des belès covietes a des lives k' i n' a nén léjhou
|
li crexhance des payis sol voye do devlopmint n' est possible k' avou dismilitarizåcion
|
li crustinnté a bråmint fwait po l' amour, e l' lomant petchî
|
li culture ci n' est nen lire branmint, ci n' est nen savu branmint; c 'est aprinde branmint
|
li diale ni pout nén pierde, li bén siya
|
li disseûlance, c'èst -st-ine saqwè d' bê, mins fa ine saquî po v's-èl dîre
|
li djåzaedje est a mitan li cene do djåzeu, eyet a mitan li cene do xhouteu
|
li dotance èst displêhante, l' acèrtinance èst ine sot'rèye
|
li feme est on bistocaedje ki vs tchoezixh
|
li fidelite, c'es li art di fe l'adultere avou l'pinseye solmin
|
li fisike, c'èst come li sèkse , èle pout d'ner dès rèsultats pratikes mins ci n'èst nin çoula qui nos assètche li pus' après
|
li fotbale a mezåjhe di s' fé libe des droukes et des caissîs
|
li fotbale est populaire paski l' biestreye est populaire
|
li guère èst-st-on lèsson d' l' istwère qui lès peûpes ni s'sovinront djamây assez
|
li guere ni pout nen iesse umanizéye, ele doet esse tapéye evoye
|
li guere, c' est l' pus modiene môde di tereurisse
|
li lingadje èst brâmint pus nièrveûs qui l'vèye
|
Li lingaedje est on sene, li mwaisse sene di nosse condicion uminne
|
li lingaedje n' est rén d' ôte kel ridujhaedje do tuzaedje a s' pus simpe espression
|
li livea d' analfabetisse n' a nen candji. Çou k' a candji, c' est k' asteure les analfabetes savnut lere
|
li lwè d'assîse dè capitalisme c' èst vos ou mi, nin vos èt mi
|
li lwè, è s' mâdjèstuwzûse égâlité, disfind âs ritches tot fî parèy qu'âs pôves dè dwèrmi d'zos lès ponts
|
li mâ dè payis n'èst pus çou qu'il èsteût
|
Li måletindou c' est l' manire do comuniker inte les djins k' on rescontere li pus sovint.
|
li media son del riche, e les riches savent kimin ovrer avous-z-elles po divni toudi pu riches
|
li mèyeû cadô qui l' nateûre âye fêt à l'ome, c'èst-st-ine coûte vicârèye
|
li meyeure romance, c'est celle qui s'fe por lettre
|
li mèyeûse manîre dè djouwi di pus' di libèrté, c'èst d'ènnè brâmint d'ner pus' âs ôtes
|
li meyeuse manire di s' fé emantchî c' est di s' croere pus sûti k' les ôtes
|
li moirt on l' paye tot vicant
|
li monde ci n' est nen l' vraiy, min c' est reyel
|
li monde molèye li lingadje èt li lingadje èst molé pa l'èsprit
|
li monde n' èst k' ène mohone po lès sots
|
li monde si pârtèye inte lès cis qui n' dwèrmèt nin pasqu'il-ont fwim èt lès cis qui n' dwèrmèt nin pasqu'il-ont sogne dès cis qu'ont fwim
|
li mwért, c'èst-st-ine saqwè qui nos n' divans nin avou sogne, tant qui nos èstans è vike, èle n'ègzistèye nin, èt qwand èle atoume, nos n' ègzistans pus
|
li plaijhi li pus stocaesse di ç' vicåreye c' est l' vude plaijhi do s' rafityî a l' air
|
li politike pratike ça vout dire di nén voer les fwaits
|
Li politique, c'èst l'guére sins bagne di song'. Li guére, c'èst l'politique avou l' bagne di song'
|
Li powezeye adjoute li veye a l' vicåreye.
|
li presse ni vout nen eformer li lijheu, min li fé croere k' il a stî eformè
|
li prudince èst-st-ine vîye djonne fèye hantèye pa l' incapâcité
|
li prumîre såme por on educateû c' est di foirmer des otodidakes
|
li pu rade combat est l'ciss avous vos-minme. Si vo'l ganez, c'est li plus belle victoire
|
li publike dete a tant crexhu k' elle pout ben viker tote seule
|
li pus bê avou l' guére,c'èst qui chaque mêsse dès moudreûs fêt bèni sès drapês èt prèye solanèlemint Diu, divant d'aler distèrminer sès vwèzins
|
li pus impôrtant live po on comunisse come mi, c'èst l' bîbe
|
li reclame pout iesse discrite come li syince di stoper l' etelidjince des omes on timp po-z e rtirer des cårs
|
li rfuzaedje des abondroets culturels åzès minorités fwait ostant d' toirt å texhou morå d' ene societé ki l' rifuzaedje des abondroets civils.
|
li ritchèsse dès pôves,c'èst leûs èfants; li cisse dès ritches c'èst leûs parints
|
li saedjesse c' est si disfé di çou ki n' est nén necessaire
|
li seûl bouneûr qu'on-z-a, vint foû dè ci qu'on done
|
li seûle manîre dè protèjer l' culteûre,c'èst d'accèpter dèl mète è dandjî
|
li seule sacwè ki n' åye inte l' ome et çou k' i rawåde del vicåreye, c' est sovint simplumint li volté do sayî et l' confiance do croere ki çoula est possibe
|
li sole manîre d' esse di boune santè c' est di mougni çu ki vos n' vloz nén, boere çu ki vos n' inmez nén, et fé çu ki vos n' plait nén
|
li spece uminne n' a k' ene fel årme : li rire
|
li vicareye est ene sicole di probabilités
|
li viebe lére ni tolere nén l' imperatif; nén pus ki des ôtes viebes come inme et sondjî
|
li vikereye n' est nen çu k' on vike, min çu k' on si rimimbe et co rimimbrer po savou li recapete
|
li vraiy est li sacwè li pu importante po nozôtes. Spågnans-lu
|
li vraiy muroe di nos råjhonmints, c' est l' coûsse di nos vicåreyes
|
li wangneu apårtént a s' butin
|
lis pus spès d' l'ome, c' èst s' pia
|
L' amitié est fwaite di lweyåté, nén d' fidelité sins exhowe.
|
l' ârt èst l' minte k' arive à vos lèyî tchôker l' vèrité
|
l' avni est li sole foime d' apropriyaedje ki les mwaisses don'nut åzès slåves
|
l' cigarète èst l' ècsimpe do vrêy plêjhi, ça rafîje èt n' nén vos continter. D' kwè aurîz co ausse?
|
l' consyince è-st-on tchén ki n' nos èspêtche nén d' roter mins k' nos n' polans fé djoker d' bawî
|
l' consyince èst l' rèsse di c'ki vosse moman vos a conté avant vos chîj ans
|
l' corussâdje, come lès mannèstés èt ck' èst tchamoussé, il l’ faut taper au batch sins balziner èt ratinde
|
l' crime adjancné n' èst ki l' mannèt costé do dolâr
|
l' daegneresse èconomêye èst l' pus bia vizaedje dèl criminalté. Lès intèrnacionâles èmantchûres ki tègnenut dins leûs pougnes lès manoyes, l' comêrce èt l' prustaedje di mastokes fêyenut l' tèrorisse conte lès payis lès pus paûves, èt conte lès mandayes di tos lès payis, avou ène frèdeû d' mèstî, tot s' tènant bén à iute, co pîre ki l' mèyeû dès tapeûs d' bombes ki s' sint tot ptit
|
l' educåcion c' est li manîre des parints di transmete les défåts da zels a leus efants
|
l' egzistince d' on sins-ovraedje noye li droet di viker co pés ki l' moirt
|
l' eretike, c' est l' ci k' esprind l' legné, nén l' ci ki broûle divins
|
L' espwer c' est bea pol prumî mandjî, min ça fwait on pôve souper.
|
l' imadjinâcion nos console po c'k'on n' èst nén, lès crakes nos consolenut po c'k'on èst
|
l' indyin s’ continte di l' ôr ki l’ solia lî done di sès rèyons
|
l' Inglutere c' est li seu payi el monde eyouski mougnî est pu dandjereus ki cougnî
|
l' mèyeuse manîre d' aprinde à fé on fime èst d' é fé onk
|
l' monde va mia sins Sadam ? Pokwè nin sins Buxh ?
|
l' mwârt n' èst nén moya, djusse k' on nèl xhoûte pus
|
l' numèrike ça va rade èt djusse, l' papî c' èst tot l' plêjhi !
|
l' om ni cnoxhe pupont d' sacwès k' ene ôte animå - i cnoxhe mons po dire li vraiy. Les ôtès biesses savnut çu k' eles ont a savu. Nen nozôtes
|
l' ome n' a nole onte dès mannèstés ki trèvautchenut è s' tièsse, mais in'a onte qu'on pinse qu'i pinse a coula
|
l' ôpignon k' l' ome a d' li minme èst ck' il a d' pus malauji à waurder come sicrèt
|
l' peû di dimèrer tot seû èst pus grande ki l' cine d' ièssse alaxhî, c' èst bén pokwè on s' ritrove mârié
|
l' pîre, èst-ce sicroter ène banke odobén l' doviè?
|
l' plêji d' lîre dès vîyès lètes c' èst d' sawè k' vos n' avoz pus dandjî d' î rèsponde
|
l' politike c' èst l' ârt di vos fé distoûrner lès ouy di c'ki s' passe ddrî vosse dos
|
l' politike. On balzin èteûre lès djins ki volenut î intrer èt lès cias ki n'volenut nén è rèxhe
|
l' povrité do linwâdje nos aflawi. Èle riskêye di nos rinde èsclave dès idêyes d’ ôtès peûpes
|
l' problinme avaurci, c' èst k' lès nates sont todi shûrs d' ièsse dins l' bon èt k' lès sûtis sont tofêr à doter
|
l' prumî dèlûje a stî inutile èt adon èspêtchî Diè è nn' èvoyî on ôte
|
l' prumîre lwè d' on (mwê) gazètî : ricassî lès glèteusès idêyes à lumeçoner dins lès orbêres pus rade ki daler conte
|
l' pus gros dès omes n' volenut nén bagnî avant d' awè apri
|
l' pus ritche èst l' cia ki s' continte di plêjis sins pont d' costindje
|
l' sakî k'a ène noûve idêye dimère on sot djusk' à c'k' èle fuchisse riconèxheuwe come boune
|
l' seûl filozofike problinme à ièsse vrêmint sérieûs : s’ tuwer li minme
|
l' seûle avaristé digne, c' èst l' cine dès mots
|
l' sûtisté nos apontîye tot nos rindant fèlemint pus dandjereus
|
l' ûtopèye è-st-a l' ôrizon. Dj' avance di deûs pas, èle ricule di deûs pas. Si dj' avance di dîj, i rcule parêy. Dji rote ostant k' dj' èl pou, dji n' arive måy à l' djonde. A kwè m' pout sièrvu l' ûtopèye ? A ça : m' fé d' aler todi pus lon
|
l' vikêrîye èst come li bus, èle vos wachote tot l' voyâdje. C' n' èst k'cauzu arivé à place k' vos avèz l' tins d' vos ashîre ène miète èt n' wêre è profiter
|
l'amoûr n'èst djamây alouwé a malvâ
|
l'civilizâcion s’ a avancî èt multipliyî l’ masse d’opèrâcions k’ on pout mwirner sins î pinser d’pus k’ ça.
|
l'éduc' chève à mète on cèrvê â lâdje so tot èl plèce d'on vûde cèrvê
|
l'ewe djoze toudi mais n'est djamoy li meme
|
l'incertitude est ene mågrite k' on n' finixh måy d' endè disfouyî ses florifouyes
|
l'linwâedje c' èst l' vèrzin d' l' âme
|
l'ome èst l' seûle bièsse ki rodji o ki duvréve li fé
|
l'ome ni vique nin seûlemint avou dès paroles minme s'i deût co bin r'magnî lès sonkes
|
l'ome piu malin cést ci-la ki n' tuze li mwin al biestreye
|
l'ome sûtî, c'èst l' ci qui vique chaque djoû di s' vicârèye come si c' sèreût l' dièrin
|
l'onêtité èst-st-al nateûre di l'ome çou qui l' tcholeûr èst-st-al cére
|
l'ôte è-s-au ddins d' nos. Kwand nos tapant èvoye l' ôte, nos nos batant conte nos-minme
|
l'politikî, tot come ène lîjheûse di cautes, dwèt ièsse capâbe di vos dîre cki vos va tchêre èt, bén après, d' vos èspliker da kî c' èst l' fåte si ça n' a nén vnu
|
l'pus bièsse dès idêyes trove todi on fulozofe po è disbate
|
l'pus simpe arindjemint po n' pus awè à bouter c' èst d' trover à s' mârier avou ène sakî d'ritche
|
l'ûsèdje c'èst li seûle rêzon qui rind lès paroles d'on lingadje bounes, vrèyes èt lèdjitimes
|
l‘ pus grand dandjî dè l’ vikêrîye c’ èst d’ prinde tro d’ précôcions
|
l’ ârt è-st-on uchâdje ki trop d’ djins î rèspondenut sins î awè stî priyî
|
l’ dicsionêre èst c’k’ i gn’a d’ pus dèmocratike au monde. C’ èst l’ seûle ritchèsse k’ tèrtos on partâdje.
|
l’ èspèryince è-st-ène sakwè d’ madjike ki vos pèrmèt di riconèche ène bièstrîye (ène couye) à fwace dèl ricomincî
|
l’ monde è-st- ène prîjon, k’ il èst todi mia d’ î awè ène place po li tot seû
|
l’ monde è-st-on tèyâte èt tos lès omes èt lès feumes î djoûwenut. Is ont leûs intrêyes èt leus rèchâdjes
|
l’ nateûre d’l’ omanité m’ dèzèspère d’ ostant pus k’ èle rishène trop à l’ mène
|
l’ pus ritche èst l’ cia ki s’ continte di plêjis sins pont d' costindje
|
l’ seûl à todi rivnu c’ èst l’ cîa ki n’ a stî nule pau
|
l’ silince èst grand, l’ rèsse n’ èst k’ fwèblèsse
|
L’ soce n’ ègzistêye k’ aspouyîye dissus sakants binamêyes mintèrîyes, po ostant k’ nèlu n’ dîje vrêmint c’k’i pinse.
|
l’ UNESCO s’ va-t-èle on djoû dècider à riconèxhe ki l’ Daegne è-st-on 'patrimwène di l’ omanité'?
|
l’omanité è-st-insi, on n’ vos cauze nén dèl’ kandjî, mins djusse di sayî dèl comprinde
|