la Bébbia l'as dîs da vlì bèn m'i nòst nimìgh côm s'î fóss î nòst amîgh. A sarà ch'î jè sèmpr' îstèss
|
la bigamìa l'è qvànd t'è un maròid ad piô, la monogmìa l'è l'istèss
|
la Cîsa la dîs ch' e mànnd l'è piât, mo me a'l sò ch' e l'è tònnd, priché a iò vést la sû òmbra sòra la Lóna, e me a dagh piô rèta m'un òmbra che ma la Cîsa
|
la creaziòun d'i quatrèin tirèda sô d'è gnint cóm ch'î fa al benchî l'è cumpàgna ma la creaziòun d'î sòld ch'î fa i lazaròun falsèri. E chèmbia sno qvèi ch'î guadagna
|
la cusciènza l'è óna vòusa dròinta ad nuijlt, ch'l' a's dés che quelcdôn u's putrìa véda
|
la delinquèinza urganizèda l'è sno cl'èlta fâza (spòrca) d'e dòlar
|
la guèra u'n s'pô fèla dvintè umèna, l'as pô sno fèla sparì
|
la léngua l'è ón sègn, e sègn pió grênd d'la nòsta cundiziòn umèna
|
la léngua l'è parècc piô agitèda d'la véta
|
la lêz, s'la sû bèla cumprensiòun, la'n cunsèint m'i sgnòur e gnènca m'i purètt d'andè a durmì sott'i pòunt
|
la lòta contra nuijlt l'è quèla piô dôura, mo a vinZêr contra nuijlt l'è la vitòria piô bèla
|
la lòta d'î òmm contra e putêr, l'è la lòta d'la memòria contra al 'zcurdèrs
|
la marèzza l'è la cuntentèzza da èsar trést
|
la miséria d'i Zcours la fa dvintè bucalòun: u's côrr e résch ad dvintè s-cèv ad quél ch'i pèinsa ch'ijlt
|
la môrt l'as pèga stènd t'e mònnd
|
la nustalgia l'a n'è piô qvèla d'na vòlta
|
la prudèinza l'è óna vècia zitèla, s'i quatrèin e szgudébla, e quèi ch'i va drê i'è sno i patàca
|
la puesìa l'è l'èrta ad fè entrè e mêr int ón bicêr
|
la puléteca l'è óna guêra sèinza ch'a scôra e sengv; la guêra l'è puléteca dôv e sengv e scôr
|
la puléteca l'è 'na quistiòun d'equilébrî tra qvèi ch'i vô intrè e qvèi ch'in vô scapè
|
la pulétga amuròusa la tàca sno quànnd u'n s'ama da bòn
|
La raZa biènca l'è e càncher d'la storia umèna; l'è la raZa biènca, e sno quèla - s'al sô idiologìi e s'al sô truvèdî - ch'la tira via Ziviltè autònmî là dôv c'la pàSa, ch'la scumbinè l'equilibrî d'la Tèra e ch'adèss la fa ènca al minaZî proprî còuntra la véta.
|
la relaziòuna tra qvèi ch'i'jè bòn da lêz e qvèi ch'i n'è bòn l' sèimpra qvèla, sno che òz qvèi ch'i n'è bòn da lêz, î lêz l'istèss
|
la religòuna l'è e capolavòur ad còm c'us fà a tirè só al bès-cî, prichè la tira só la zèinta sgånd còm ch' l'a da pinsè
|
la ròba piô demucrética d'e mannd l'è e diziunèrî. L'è e sôl ben ch'a tnîm in cmùn
|
la s-cetèZa l'è la forma d'la vera grandèZa
|
la sagèZa ad campè e vô dì botè via tótt qvèl ch' u'n dà in vèll
|
la scièinza l'è tótt qvèl ch'as pô mett sèmpr' in discusiòun
|
la smènia d'la perfeziòun la porta sèmpri a dè rèta ma la finziòun al post d'la s-cetèZa
|
la sozietè l'ai pô ès sno sòura 'na muléga ad bàli zintîli e sno s'a nisòun ui vèin in a mèint da dì qvèl ch'a pèinsa da bòn
|
la spirènza l'è bona pri culaziòun, mo pri zèna la fa piênz
|
la televisiòun l'è e sôl sunéfer ch'u s'ciapa s'î òcc
|
la televisòuna l'è la préma cultòura demucrètica e populèra da bòn, e fâta còmm ch'e vô la zèinta. E brôt l'è qvel ch'e vô la zèinta
|
la véta l'è 'na scòla ad pusibilitè
|
la zèinta la jè ad dô raZî: i giôst e i lazaròun. Quèj ch'i diZîd douv ch'i s'a da stè i jè i giôst
|
la zèinta l'andrà a nuotè int'la mèrda s't'ai mèt dròinta ón pêr ad frènch
|
la zèinta l'as fa to' in zîr mej s'una bàla gròssa ch'a s'una znéna
|
La zèinta, ad sòlit, la dà rèta ma qvèl c'ui fa piô còmud.
|
la zénta la sbràita pri nu stès a sêntì
|
la ziviltà la prugredéss crissènd e nômmer d'uperazioun impurtènti ch'a putém fè sànza pinsèij
|
lavurè l'è mènc nuijòus ch'a dvirtéss
|
l'acqua la 'zcórr ad conténuî mo la'n dîs mai al stèsi robî
|
l'aèrta l'è cla busìa ch'as pirmètt ad capî qvèl ch'lè vêr
|
l'aèrta l'è una ciamèda ma la quèla i'arspònnd parécc ad quèî ch'i n'è ciamêd
|
l'ànema d'i òmm l'an pêr mai isé forta e sgnòura côm quannd l'a fa a mènc ad vindichèss e l'a e couràz ad perdunè un'ufésa
|
l'è diféZil a dè rèta m'a ôn quànnd t'sè bén che té, m'e su pòst, t'avréss racuntè d'al balî
|
l'è periculòus avì rasòun qvand gli' autoritè î ja tòrt
|
l'è proprî bèl quand pièn pièn t'capéss d'an capì gnînt
|
l'è t'la malatìa ch'a s'incurzêm ch'an sém sól a campè, mo a sém tachèd t'óna criatòura strêna, luntêna un abéss, ch'a l'an's cnòss e ch'la n'sta a sintì ma noun: e nost urganésmi
|
l'espariènza l'è on bijiètt d'la luterìa cumprèd dòp l'estraziòun
|
l'esperièinza l'è c'la ròba stôpènda ch' l'at fa arcnòss un sbaij quànnd t'ci ilé ch' t'al fè d'arnòuv
|
l'espiriènza l'è ch'e pèten ch'la véda u's dà quànnd ch'arvanzém plêd
|
l'ignurènza piô bróta l'è quèla d'la propî 'gnurènza
|
l'imaginaziòuna l'as fa curàz sa qvèl ch'an putém ès. E sens dl'umorìsm sa qvèl ch'a sém
|
l'impurtènt un'è tènt la truvèda, mo s'a si è bôn ad es cunvèint fên in fond
|
l'intulerènza piô bróta l'è qvèla ad qvèl ch'î cèma rasòn
|
l'òm piô sgnòur l'è quèl ch' l'a i su piasêr ch' i'n còsta 'na màSa
|
l'òmm sèinza sugnè, sèinza utopii, sèinza ideèl, e sarìa óna bróta bis-ciàza, ón zinghièl s'la làvrea in matamàteca s-cèta
|
l'òmm u'n chèmpa sno s'al paròlî, ènca sa d'al vòltî l'è custrètt a magnèslî
|
l'upiniòun pôblica... l'è un mòd ad racôij l'ignurènza d'la zèinta, e tirèla sô slà fòurza côm s'la avéss la dignità
|
l'uriginalitè l'è l'ærta ad cupiè sèinza fês véda
|
l’archeologh tira fòra quel c’un s’cnòss. E diplumatigh us dà da fè pri masè quel ch’è cnòssud
|
l’avuchéd ch’ u n’è bon e pô fè ‘rmandè e prucess pri un sac ad têimp. Un c’lè brèv al pô fè ‘rmandè ‘na massa ad piô
|