ca ll'uommene 'un mpareno assaie r'ê lezzione r''a storia è 'a cchiù mpurtante 'e tutte 'e lezzione r''a storia
|
caiola 'e schirchie è 'o munno
|
campà cchiù nzémprece, accussì ca pure ll'ate ponno campà sempreciamente
|
campà sula è comme quanne se sta a 'na festa e nisciuno te guarda
|
campammo duminate 'a mpurze 'e leviello scarzo, comm'a 50.000 anne areto
|
capedopera r' 'o nuosto gruosso e gluriuso è 'o ccampà sestimato. Tutt' 'o riesto, rignà, assummà, fravecà, nun so' ca refose e guarattelle
|
capisce 'a cosa, 'e pparole veneno appriesso
|
cara democrazzìa, tuornaténne â casa che nn'è tarde
|
caso strano, è sempe overo pure 'o ccuntrario
|
castetà: 'a cchiù nnaturale r' 'e perversione sessuale
|
ccà muglierama è addurbecata; lassatela stà stesa! Mo ha truvato abbiento, e accussì pur'io
|
cchiù ca int'a tant'ate periode 'e storia, ll'umanità sta nfaccia a nu bivio. Na strata porta â disperazzione e â cchiù scura prustrazzione. Ll'ata a nu tutale scenufleggio. Priammo 'e tené giudizzio pe fà 'a meglia penzata
|
cchiù llegge se fanno, cchiù mariuole ce stanno
|
cchiù na perzona è ntelligente meno suspetta 'e ll'assurdo
|
cchiù s'apprezza chello ca se guaragna cu cchiù fatica
|
cchiù 'e ll'ate vire r'essere appusato, si ce arriesce; ma nun ce 'o ddìcere
|
cchiù 'o cuorpo è debbole, cchiù cumanna; cchiù è forte, cchiù ubberisce
|
ce aggio 'a ì pe fforza appriesso, songo 'o capo lloro
|
ce capimm' megglio cuann parlamm' lengue diverse
|
ce facimmo sempe abbabbià facirmènte 'a chello ca amammo
|
ce putimme fermà 'ncoppa a sagliuta, ma nun 'coppa a scesa
|
ce scurdammo facirmente r¹¹e ccorpe noste quanno sulo nuie ¹e sapimmo
|
ce stà coccose inta ‘e ccose c’a dicimme?
|
ce sta da stupesce ca n' astroleco nun rire cuann' vere n'ato astroleco
|
ce stà ggente ca sape ogni ccosa, ma che ssape sulo chesto
|
ce sta ggente che pavarrìa pe se vennere
|
ce sta na cosa sola ô munno peggia 'e fà parlà 'e sé, ch'è 'un fà parlà 'e sé
|
ce stà na manera p'appurà si n'ommo è unesto: spiatancéllo! Si responne ca sì, è fràceto
|
ce stà na sola regula p''e pulitece r''o munno: quanno staie ô putere 'n dicere 'e stessi ccose ca rice quanno staie a ll'uppusizzione. Si ce pruove tutto chello ca ce guaragne è che 'a fà chello ca ll'ate hanno truvato mpussibbele
|
ce stà nu bbene sulo, 'a canuscenza, e sulo nu male, 'a gnuranza
|
ce stà nu sulo succiesso: essere capace 'e campà na vita comme cchiù t'aggrare
|
ce stà n'èstrece che segna 'a cimma r' 'a vita e cchiù llà 'a vita nun pò gghì. E 'o paraduosso 'e ll'asestenza è ca chest'èstrece s'appresenta quanno s'è cchiù vive e cunziste int'a cchiù chiena scurdanza 'e ll'essere viviente
|
ce stà sempe na manera iusta e na manera sbagliata. 'A manera sbagliata pare sempe chella cchiù raggiunévele
|
ce sta sempe na nticchia 'e pazzarìa int'a ll'ammore, ma ce sta sempe pure na nticchia 'e raggione int'â pazzarìa
|
ce stà sulo na uerra ca se pò permèttere 'a specie umana: 'a uerra contr'â propia stinzione
|
ce sta sulo nu prublema felosofico overamente serio: 'o suicirio
|
ce stà sulo n'avarizzia degnetosa: chella r' 'e pparole
|
ce stann semp duie raggion pè na azion: chillo onesto e chillo ovèro
|
ce stanne gente accussì pover che tenen sulamente ‘e sorde
|
ce stanne parole che hann servì na vota sola
|
ce stanno accasione, luoche e cuntieste addó 'a viulenza, e donca 'o micirio ('o mmassemo int'a n'atto 'e viulenza astrema) addeventa a forza tangibbele, presente, riale
|
ce stanno cose ca nun se ponno fà maie, nè 'o iuorno nè 'a notte, nè pe mmare nè pe tterra. 'A guerra, pe ffà n'esempio
|
ce stanno dduie tipe 'e televisione: chella ntelliggente, ca creia cetatine ntruppecuse 'a guvernà, e chella locca ca fà cetatine facele 'a guvernà
|
ce stanno giurnaliste oneste e accussì pure pulìtece oneste. Na vota ca se so' fatte accattà, rummàneno accattate
|
ce stanno paricchie mmanere 'e arrivà, 'a meglio è nun partí
|
ce stanno porte a mare ca s'aràpeno cu parole
|
ce stanno roie classe r'uòmmene: chille iuste e cchille niuste. 'A spartènza 'a fanno chille iuste
|
ce stanno sciure 'a tutte parte, pe cchi 'e vvo veré
|
ce stanno uommene ca ll'età le fa venì 'e capille ianche, ma nun le scarfigna 'o core, lassannolo chino 'e frischezza e giuventù, e sempe mpàrpeto, c' 'a stessa forza, p'ogne cosa bona e bella
|
ce vo assaie, assaie tiempo p'addeventà giovane
|
ce vonne l’amic e ‘o nemic ‘nsieme pe te colgliere into ‘o core: ‘o primme pe te calunnià, ‘o sicondo pe to dicere
|
cercammo sulo 'e rà nu canzo â pace
|
cercanno 'e paré chello ca nun simmo, fernimmo r'essere chello ca simmo
|
cercanno 'o bbene 'e ll'ate, truvammo 'o nuosto
|
che ce vò a scrivere nu libbro? 'A fatica è p' 'o lèggere
|
che sarria maie sta vita, si nun tenessemo 'o curaggio 'e fà cchiù 'e nu tentativo?
|
che sciorta p''e guvernante ca ll'uommene nun penzano
|
chella che sia a cosa che dicere,ce stà sulamente na parola pè a dicere, sulament nu verb pè ce dà a vita, e sulament n'aggettiv pe a qualificà
|
chella nova spirazzione, senza 'e che tradùcere vò sulo rìcere spiecà int'a n'ata lengua
|
chello ca ce associa è che simmo tutte uno riverzo a ll'ato
|
chello ca chiammammo 'prugresso' è 'o rempiazzo 'e nu sfastirio cu n'atu sfastirio
|
chello ca conta nun è tanto ll'idea, quant' 'o fatto 'e ce crérere overamente
|
chello ca cunzidere na cimma è sulo nu grarillo
|
chello ca fa terribbele stu munno è ca mettimmo 'a stessa passione cercanno r'essere felice e cuntrastanno 'a felicità 'e ll'ate
|
chello ca me mette napprenzione nun è si so' gruosso o piccerillo, ma puté appurà si cresco tutt' 'e iuorne
|
chello ca nn'è utile p' 'o nzamo nun è utile nemmanco 'a ll'apa
|
chello ca renne sucievule ll'uommene è 'a scapacetà r''a lloro 'e suppurtà 'a sulitudine
|
chello ca voglio è che ttutto ha dda essere tunno e che nun ce ha dda stà, pe ddìcere accussì, nè abbìo nè ttèrmene int'â forma, ma ch'essa ha dda rà, mmece, 'o penziero 'e nu nzieme armuniuso, chillo r' 'a vita
|
chello che chiù me fa paura è ‘o vierno d ‘ ‘a mammoria
|
chello che è assaje ammanca, chello che è poco sopra
|
chello che è sciucciant de l'ammore, è che na delinquenza che necessita a nu complice
|
chello che nun se pò dicere s‘adda tacè
|
chello ch'è bbello r' 'a guerra è ca ogne cumannante 'e ll'assassine fa benerìcere 'e bannère r' 'e sóie e addumanna spanfianno 'a grazzia 'e Ddio primma 'e fà r' 'o prossemo sfraciello
|
chello c'ha sempe rennuto nu nfierno nterra 'o stato è 'o tentativo 'e ll'ommo 'e ne fà nu paraviso
|
chello c''a campa chiamma 'a fine r''o munno, 'o riesto r''o munno 'o chiamma palomma
|
cher'è ll'arte? Puttanìzzio
|
cher'è rapinà na banca a cunfronto 'e ne funnà una?
|
chesta vita è nu spitale addó ogne paziente è mpussessato r'ô vulìo 'e cagnà lietto
|
chest'è 'a lezziona mia: tutte ll'uommene so' ppazze
|
chi a ll'uommene nzignarrà a murì nzignarrà pure a ccampà
|
chi crere ca na cresceta spunenziale pozza cuntinuà ô nfinito int'a nu munno finito è nu schirchio, opuro n'ecunumista
|
chi è ca tene 'o putere pe nu menuto, cummette nu crìmmene
|
chi è nnammurato r'isso stesso tene si nun ato nu vantaggio: nun se ncuntrarrà cu assaie nemmice
|
chi guarda 'e rifiette suoie 'un vere chille 'e ll'ate
|
chi mantene 'a capacetà 'e cogliere 'a bellezza nun sarrà maie viecchio
|
chi nun addummanne niente, s'aspett tutte 'e cose
|
chi nun castica 'o mmale vò ca vene fatto
|
chi nun pò chello ca vò, vulesse chello ca pò
|
chi nun sape 'e llengue 'e ll'ate 'un sape niente r' 'a soia
|
chi nun tene mmaggenazzione nun tene 'e scelle
|
chi pò annià che ll’ambiente è destrutto?
|
chi rint'a ttutt''e ccose cerca 'o rridìculo primma o roppo 'o trova
|
chi sape rìrere è padrone r''o munno
|
chi sperisce p' 'a preserenza tant' 'a sprecà ruie anne pe nciarmà e deriggere 'a campagna alettorale nun s'ammereta 'a feducia pe chella carreca
|
chi ubberisce è quase sempe meglio 'e chi cumanna
|
chi vò mòvere 'o munno ha dda mòvere apprimma a isso
|
chi, essenn amat, è puveriello?
|
chille ca ce sfruttano ponn'avé crerenzia comme educature nuoste?
|
chille ca se so' frusciate r'avé fatto na rivoluzzione hanno sempe visto, 'o iuorno roppo, che nun sapevano chello ca facevano, c''a rivoluzione c'avevano fatto nn'assumigliava pe niente a chella c'avarrìano vuluto fà
|
chille ca sonnano 'e iuorno sanno cchiù ccose ca sfùieno a cchi sonna sulo 'e notte
|
chille ca vonno 'o sango 'e ll'animale cunfessano na renza naturale p''a nfamità
|
chillo ccà perde tiempo ne tiene assaje
|
chiste songo 'e prencipie r' 'e mie. Si nun ve piàceno, ne tengo ll'ate
|
ch'aspetta ll'Unesco a ddichiarà patremmonio 'e ll'umanità tutt' 'o chianéta?
|
ch''e perzone 'e miez'â via esprimmano 'e penziere propie chiaramente nn'è pe niente overo; 'a chiarezza che se pò truvà int'a lloro nun pruvene r'â patrunanza r''a lengua, ma r'â puchezza r''e penziere
|
cierte nun supportano 'o selenzio pe bbìa 'e ll'ammuina ca teneno int'a lloro stesse
|
cierte r' 'e cchiù mpurtante cunte r'ammore ca i' canosco tèneno nu sulo prutagunista
|
cierte se créreno allicchette sulo pe bbìa ca so' meno pretenziuse 'e ll'ate cu lloro stesse
|
cierte vote pè essere buone amma fenì ‘e essere onest
|
cierti paise pòvere song'urgugliuse e vurrìano resòrvere 'a sule 'e prubbleme lloro, ma pe furtuna 'e multinazzionale non ponno fà a meno 'e se sacrificà pe lloro
|
cierti sturiuse faticano a ntufà 'o cerviello 'e ll'ommo, ate p''o svacantà. Inutele è 'o ddì ca 'e siconne songo 'a maggiuranza
|
cierti surrise nun so' 'e priezza, ma na manera 'e chiagnere carnale
|
cierti vvote pò essere cchiù bbello scarpettià ca iògnere. Nun ce stà n'arrivo, è sulo nu mumento r' 'o cammino
|
cierti vvòte, 'e mmale parole songo 'a meglia cosa
|
cìneco: nu canaglio 'e vista defettosa che vere 'e ccose comme songo, e nno comm'avarrìano 'a essere
|
clona 'e cchiù 'a genèteca o 'a tivvù?
|
comme è facile a scuprì ‘o difficile
|
comme nun me so' dato penziero 'e nascere, accussì 'e murì nun me rongo apprietto
|
core mio: 'o muttietto cchiù ausato pe se nnirizzà a na perzona 'e ll'atu sesso e dd''o cuie nomme nun v'arricurdate
|
costa caro 'o parlà apierto si un'è ntelliggente. Quanto ll'essere aoneste si un'è ambezziuso
|
crer propiament che 'a rivoluzion è a mamm d''o diritt
|
crérere int'ô prugresso nun vò rìcere ca uno crere c' 'o prugresso già c'è stato
|
crerimmo r'essere nu paese, ma mmeretà nuie simmo ô cchiù ô cchiù nu paisaggio
|
crerimmo sulo a chello ca verimmo. Pirciò, 'a quanno ce sta 'a televisione, crerimmo a tutte cose
|
crerite vuie ca Ddio sarrà cattolico?
|
crero ca passanno 'o tiempo nce ammeretammo ca 'n ce stanno cchiù guvierne
|
crero ca pe tradùcere buono s'ha dda primma capì 'o tiesto, e che pe fà chesto è necessario avé campato int' 'o munno overo, maniàbbele, senza maie arredùcere ogni cosa a nu sémprece maniamiento r' 'e parole
|
crisciute? maje
|
Cristo è muorto p''e peccate nuoste. Cu qua' curaggio putimmo rennere inutele 'o martirio suio nun cummettennone?
|
cu ll'avvucato he 'a essere lìceto e sprìceto, sarrà po' affare r''o suio mbruglià ogni ccosa
|
cultura nun vò rìcere lèggere assaie, manco sapé assaie; vò rìcere cunoscere assaie
|
cumbàttere cu sé stesso è 'a cchiù tosta r' 'e battaglie; véncere cu sé stesso è 'a cchiù bbella r' 'e vittorie
|
cummengo sempe cu 'e sapute, si parlano pe pprimme
|
cummertì campagna pruduttiva a turreno ca pruduce civo c'ha dda venì abbruciato comm'a biocumbustibbele è nu crimmene contr'a ll'umanità
|
c' 'a murale apparammo ll'errore 'e ll'istinte nuoste e cu ll'ammore 'e sbaglie r' 'a murale
|
c'hann 'nsignat a crerer che e cose bell nun song util e chell che util nun song 'e cos bell. Voglje addimostrà che 'e cose belle song pur util
|
