ba al da ezer banku batean lapurreta egitea, bankua sortzearen aldean?
|
ba al dago herri batentzat bere arbasoen hizkuntza baino ezer preziatuagorik
|
ba al du zentzurik heriotz-zigorrak hortara zigortuak daudenentzat?
|
ba ote dago ezer gure esanetan?
|
bada arma bat kalumnia baino izugarriagoa: egia
|
bada benetan jende pobrea hor zehar; dirua besterik ez dute
|
bada energia bat eguzkiarena baino garbiagoa, haizearena baino berriztagarriagoa; kontsumitu gabe uzten dugun energia da
|
bada gizona ondradua ote den jakiteko modu bat: berari galdetu; baietz baldin badio, zitala da
|
bada jendea, bere burua saltzearren dirua emango lukeena
|
bada plazerrik bidezidorrik gabeko basoan; bada estasirik hondartza jenderik gabean; bada lagunarterik, zeinean inor sartzen ez den, itsaso zabalean, eta musikarik bere marruman. Ez dut gizakia gutxiago maite, baina maiteago dut Natura
|
badago arau bat munduko politikari guztientzat: Ez ezazu esan boterea duzunean, oposizioan esaten zenuena; hori esanez gero, besteentzat ezinezkoa dena zeuk egin beharko duzu
|
badago drogen kontsumoa gutxitzeko modu bat: drogak legeztatzea
|
badago estasi-une bat, bizitza baten goren-unea markatzen duena eta, gertatzen den unetik aurrerantzean, ezin jo daiteke gorago; horren bizi-paradoxa da bat inoiz baino biziago dagoenean, bizirauten duen arren, bizirik egotea erabat ahaztuta edukitzearen formaz agertzen zaiola
|
badago guztiaren ezkerrean egoterik, zentzu onaren ezkerrean ezik
|
badakit poesia behar-beharrezkoa dela, baina ez nuke jakingo esaten zertarako
|
badira abaguneak, lekuak eta testuinguruak zeinetan biolentziak eta, beraz, erailketak (biolentzia-ekintza batean muturrik bortitzena) nabarmen, presente, benazko egitea beste aukerarik ez duen
|
badira gizakiak ilea urdindu arren bihotza gogortzen ez zaienak; aldiz, arin eta gazte mantentzen zaie eta betiko indarrez pizten zaie gauza eder eta onekiko grina
|
badira guztia dakiten pertsonak, baina, horixe da dakiten guztia
|
badira hiru gauza sekula gogoratzen ez ditudanak: izenak, aurpegiak eta, hirugarrena ez dut gogoan
|
badira hitzak behin bakar baterako balio behar luketenak
|
badira isiltasuna jasan ezin dutenak, barrenean zarata handiegia dutelako
|
badira nerabezaro batzuk laurogeita hamar urterekin pizten direnak
|
badira sekula ere ez egiteko gauzak, ez egunez ez gauez, ez itsasoan ez lurrean, gerra adibidez
|
badugu elkar gorrotatzeko beste erlijio, baina ez elkar maitatzeko behar adina
|
badute gure arimek elkar ulertzeko, elkarrekin harreman estuan sartzeko eta are toka-noka ibiltzeko modu berezi bat; gure gorputzak, berriz, hitz lohien salerosketak eta eskakizun sozialen esklabotzak ezarritako uztarripean daude oraindik
|
bagara, dagoeneko, hogei urte genituela borrokatu genuen guztia
|
bai kulturaren merkataritzari, ez merkataritzaren kulturari
|
bai, gure aitona-amonak baino hiru aldiz aberatsagoak gara; baina, ba al gara hiru aldiz zoriontsuago ere?
|
baina, ba al dakizu zer diren gizakiak? hil behar duten gauza dohakabeak, zizareak baino edo haien berri jakin gabe hil ziren iazko hostoak baino dohakabeagoak
|
bakardadea babesteko modu bakarra dago, besteak mintzen dituena; maite ditugunak inor baino lehen
|
bakardadea ez da aurkitzen, eraiki egiten da
|
bakardadea gauza ederra da, baina norbait behar duzu bakardadea gauza ederra dela esateko
|
bakardadea jasan ezinak egiten du jendea lagunkoi
|
bakardadeak abantaila bikoitza eskaintzen dio endelgu handiko gizakiari: bere buruarekin egotearena eta besterekin egon beharrik ez izatearena
|
bakardadearen beldur bazara, ez ezkondu
|
bakardadeari loturei baino beldur handiagoa diogu; beraz, ezkondu egiten gara
|
bakarrik bizitzea, festa batean zaudela inork jaramonik ez egitea bezala
|
bakarrik dagoen gizonak adiskide gaiztoa du
|
bakea da inork tiro egiten ez duenean; 'bidezko bakea' berriz, gure aldeak nahi zuena lortu duenean
|
bakea ez da gerrarik eza; bertute bat da, gogo-aldarte bat... onginahi, konfiantza eta justiziarako joera bat
|
bakea ez da Jainkoak gizakiei egindako oparia, gizakiek euren buruari egiten diotena, baizik
|
bakerik kaltetsuena ere hobe da, gerrarik legitimoena baino
|
bakezalea naiz, baina, ez hori bakarrik; bakezale millitantea naiz; bakearen alde borrokatzeko prest nago
|
bakezaleak otsoa barazkijale dela uste duten ardien modukoak dira
|
bakezko tresnak erabiliz borrokatu behar dugu bakearen alde
|
bakoitza Jainkoak egin bezalakoxea da; eta batzuetan askoz ere okerragoa
|
bakoitzak aditzen duena bakarrik entzuten du
|
bakoitzaren garapen askea da nahitaezko baldintza guztion garapen askea lortzeko
|
bakoitzaren iragana da gehien erakartzen gaituena, benetan ezagutzen eta maitatzen dugun gauza bakarra delako
|
baliabide digitalak azkartasuna dira, eraginkortasuna; papera plazera da
|
balioez ari garela: dirua kutxa gotor batean daukagu; ametsak, berriz... tiradera batean
|
baliteke hizkuntza ispilu deformatzailea izatea, baina, hori besterik ez dugu
|
bankari batek leihotik jauzi egiten duela ikusten duzunean, saltatu berarekin; hantxe egongo da dirua
|
banketxeek gaur egun darabilten dirua ezerezetik sortzeko jarduera, funtsean, diru faltsua fabrikatzen dutenen berbera da; aldatzen den gauza bakarra onuradunak dira
|
banketxera joan eta dirua maileguan utziko dizute; hori bai, behar ez duzula frogatzen baduzu
|
bankua leku bat da non eguraldi ona denean aterkia uzten dizuten eta euria hasi orduko eskatzen dizuten itzultzeko
|
bankuen negozioa gaizkiaren sorkuntza da eta haren fruitua bekatuzkoa da; bankariak dira munduaren jabe. Hura kentzen bazaie, baina, dirua fabrikatzeko ahalmena uzten bazaie, ziztu bizian erosiko dute berriz. Baina, botere hori kenduta, berriz, nirea bezalako dirutza handiak ke bihurtuko lirateke. Hori gertatuko balitz, mundu zoriontsuagoan eta guztiontzat hobean biziko ginateke; baina, bankarien esklabu izaten eta gure esklabutzaren gastuak ordaintzen jarraitu nahi badugu, utz diezaiegun diru fabrikatzen jarrai dezatela
|
barkatu beti zure etsaiei; horixe da gehien ernegarazten dituena
|
barkatu jaunok esaten badizuet, baina ez zaituztet oso sakon ezagutzen
|
barometro. Euria ari duenean eguraldi txarra dugula adierazten duen tresna benetan bitxia
|
barre egiten dakiena unibertsoaren jabe da
|
barruak bakean edukitzea funtsezkoa da, eragile handiek guztioi aztoratuta biziarazteko bidaltzen dizkiguten mezuei aurre egiteko
|
basakeria deitzen dio bakoitzak bere azturen aldean ezberdina denari
|
bat beste hizkuntza batean hasi orduko, aurpegikera aldatzen da, eskuen mugitzeko era eta gorputz-adierazpena aldatzen dira; beste pertsona bat zara
|
bat ez da emakume jaiotzen, izatera heltzen da
|
bat hasten da gazte izaten hirurogeirekin; eta, tamalez, beranduegi izaten da
|
batek desio duen zerbaiten eza zoriontasunaren ezinbesteko zati bat da
|
batek egon behar luke beti maiteminduta; horregatik ez ginateke inoiz ezkondu behar
|
batek errazen engaina dezakeen pertsona norbera da
|
batek irudika dezakeen oro, beste batzuek errealitate bihur dezakete
|
baten batek zoriona zer den badakiela badio, pentsatzekoa da zorion hori galdu duela
|
batzuek perfektuak direla uste dute, beren buruarekiko hain zorrotzak ez direlako soilik
|
batzuek uste dute talentua hereditarioa dela; gainerakoek ez dute haurrik
|
batzuen oroipenak besteekiko, ezta maitasunean ere, ez dira bat etortzen
|
batzuentzat elikagai dena beste batzuentzat pozoin mingotsa da
|
batzuetan ederragoa da ibiltzea iristea baino; ez dago iritsierarik, bidearen une bat besterik ez da
|
batzuetan gure argia itzali egiten da baina gero garra berriro pizten du beste gizon-emakume batek. Gutariko bakoitzak eskerrik onena zor dio gar hori berpiztu duenari
|
batzuetan hobe da zorigaiztoa onartu eta bere barnean zoriontsu izaten saiatzea, borrokatu eta bertatik irten nahi izatea baino
|
batzuetan norbaitek bekatu bat aitortzen du meritua bereganatzeko
|
batzuetan ongia egiten dugunean ondoren inolako zigorrik jaso gabe gaizkia egin ahal izateko izaten da
|
batzuetan urteak eman diatzakegu ia batere bizi gabe; eta, bat batean, gure bizi osoa istant batean biltzen da
|
batzuetan, entzungo badizute, beharrezkoa izaten da isilik gelditzea
|
batzuetan, isiltasuna ez da hitza baino gutxiago adierazgarritasunean
|
begi ederrak samurki begiratzen dizutenak bakarrik dira
|
begia begi truk eta, azkenean, mundua itsutu
|
begiratu batean, salgai batek ematen du begien bistako zerbait dela, oso nabaria; aztertuz gero frogatzen da oso objektu konplexua dela, zolitasun metafisikoz eta amarru teologikoz josia
|
behar adina bizi bazara, garaipen oro porrota dela ikusiko duzu
|
behar adinako iluntasunean bakarrik ikusten dira izarrak
|
behar nautela behar dut nabaritu
|
beharbada, etika mundu osotik desagertu egin den zientzia bat da; berdin dio, berriz asmatu beharko dugu
|
beharbada, gaur egun, helburua ez da zer garen aurkitzea, baizik eta garena ukatzea
|
beharbada, gizon batek bere burua benetan salbu senti dezakeen leku bakarra gehienezko segurtasun-presondegia izango da, berehala askatzeko mehatxurik ez badago, behintzat
|
beharbada, gutariko hoberenak dira badakitenek ez dutela balio inguruan duten ezerezak baino gehiago
|
behatzeko ahalmen zorrotzari zinismo deitu ohi diote horixe ez daukatenek
|
behin bakarrik bizi gara, baina ongi biziz gero, behin bizitzea nahikoa da
|
behin eta berriz dagiguna gara
|
behin, goitik behera irakurri nuen hiztegi bat; den-denari buruzko olerki zoragarria iruditu zitzaidan
|
bekaturik larriena jaio izanaren bekatua da
|
belarri eman denei, ahotsa gutxi batzuei; entzun guztion iritzia, baina gorde zure irizpidea
|
belaunaldi berriei aurrera egiten utzi behar zaie; hala ere, uzten ez bazaie, beren kabuz hartzen dute aurrea
|
beldarrarentzat munduaren amaiera denari, munduan beste denek pinpilinpauxa deitzen diote
|
benetako arrakasta ahal duzun pertsonarik onena izatera iristean datza
|
benetako boterea hedabideak kontrolatzen dituztenen eskuetan dago
|
benetako dotorezia morala gure garaipenak porrotak bailira mozorrotzean datza
|
benetako ezjakintasuna ez da ezagutzarik eza, ezagutzeari uko egitea baizik
|
benetako filosofia mundua ikusten berrikastean datza
|
benetako gizaki orok masailean sentitu behar du edozein giza masaili emandako kolpea
|
benetako plazerra, plazerrak gaitzestean datza
|
benetako Unibertsitatea ez dago leku jakin batean; ez dauka jabetzarik, ez du soldatarik ordaintzen eta ez du ekarpen materialik jasotzen. Benetako Unibertsitatea adimen-jarrera bat da
|
benetan balio duena ez da ideia ugari izatea, bat bera bizi izatea baizik
|
benetan izugarria da jendeak gugandik ezkutuan esatea erabat egiazkoak diren gauzak
|
benetan libre naiz, soilik nire inguruko gizaki guztiak ere, gizon zein emakume, libre direnean
|
benetan pentsatzen dudana esango banu, preso hartu edo zoroetxe batean sartuko nindukete. Tira, ziur naiz jende guztiarekin berdina gertatuko litzatekeela
|
benetan zaila da lan goraipagarria egin eta, aldi berean, egiten duzun lana arbuiatzea
|
berandu baino lehen, hiribide handiak zabalduko dira, gizaki askeak hiribide horiek zeharkatuz gizarte berria sortu dezaten
|
bere bandera goian jarri zuen; hartara, ez zuen hari begira egon beharrik
|
bere bide guztiak egiten dituzula ere, hain da sakona arimaren logosa, ez duzu sekula bere mugarik joko
|
bere buruan konfiantza duenak, besteei konfiantza ematen die
|
bere buruari zibilizatu deitzeko, gizarteak berdintsu onartu behar du arrazoia eta ergelkeria
|
bere buruaz amestu duen ideiari zenbat gehiago hurbiltzen zaion, orduan eta egiazkoago da bat
|
bere buruaz maiteminduta dagoenak, abantaila bat du, bederen: ez du lehiakide asko topatuko
|
bere helburua, esan ohi den bezala, guztiz errespetagarria zen: alegia, ezkontzaren bitartez, dama bati bere ondasun guztiak kentzea
|
bere hizkuntzaren ezagupen handia duen inork ezin menderatu du beste bat
|
bere laborategian diharduen zientzialaria ez da teknikari soila; maitagarrien ipuinek bezainbeste txunditzen duten fenomeno naturalei aurre egiten ari zaien haurra ere bada
|
bere zorua hondatzen duen nazioak bere burua hondatzen du
|
berealdikoa zen behinola gazte bati ematen ziotela entzun nuen aholkua: 'egizu beti egiteko beldur zarena'
|
beren burua komentzitu dute gizakia, espezie guztien artean ankerrena, kreazioko erregea dela; gainerako izaki guztiak sortu omen ziren soilik berari elikadura eta jantzia emateko, torturatuak eta sarraskituak izateko
|
berez erantzuten ez diren galderek ez dute inoiz erantzunik izango
|
Berlusconi eta beste txiki hori ikusten ditudanean, gizateriatik dimititzeko gogoa pizten zait
|
Berlusconi, txertoaren bitartez sendatzen diren gaixotasun horietakoa da. Berlusconiz sendatzeko, Berlusconi-injekzio on bat behar da
|
berriro inspiratzea; hori gabe itzulpena beste hizkuntza batean parafraseatzea baino ez da
|
bertutea, lo egon bada, indarberrituta esnatuko da
|
bertutea: borondatearen aurkako ekintza
|
bertuteari ospe txarra eman eta gero, mende honek bizioari ospe txarra ematea lortu du
|
bertuterik ez duen bakarra, bertuterik nahi ez duena
|
beste hainbat sen bezala, hiltzeko sena bere-berea du gizakiak; elkarren uztarrian ibili ohi dira: gizona eta heriotza, gizona eta krudelkeria, gizona eta odola. Ez da atsegin, baina, egia da
|
besteek ez dizute zuk nahi bezala bizitzen utziko, baina nahikoa bizkor eta indarti bazara, ez duzu, gutxienez, eurek nahi duten eran bizi beharko
|
besteen akatsek geureenen antz handiegia dute
|
besteen estimua ekintza onen bitartez beraganatzen saiatzen den gizonak, esker gaiztoaren eskarmentu latza ezagutuko du
|
bestek gure mugak ezagut ez ditzaten, muga horiek ez gainditzen saiatzea beste biderik ez dago
|
besteok kaskarrago direla gogoan hartuta, apal izan behar dugu
|
besteon aintzatespena pizgarria da, baina, batzuetan hobe da horretaz ez fidatzea
|
besteon analfabetismoak ere idaztea zaildu egiten du
|
Besteren harrokeria guretzat jasanezina bada gurea iraintzen duelako da
|
bete, guztiok bete behar ditugu legeak; baina, ulertu, ulertzeko abokatu bat behar da
|
betebeharra, besteok beteko dutela espero duguna da
|
beti antolatu izan dut nire bizitza hirurehun mila alhadura bai, baina, nostalgiarik batere ez izateko
|
beti dago erokeria apur bat maitasunean, baina, bada beti arrazoi apur bat ere erokerian
|
beti dago modu zuzenen bat eta modu okerren bat; okerrak beti ematen du arrazoizkoago
|
beti garaiz iristen denaren arazoa da han ez dela inor izaten eskertzeko
|
beti harritu izan naute ibaiek zubi guztien azpitik igarotzeko egin behar izaten dituzten bira zentzugabeek
|
beti nago ados kulturadun jendearekin, lehenbizi eurek hitz egin badute
|
beti uste izan dut munduan arrazarik gabeko lekuren bat baldin bada, horixe Italia dela; izan ere, gure asabek olgetarako denbora gehiegi izan zuten
|
betiere, errazagoa da gizonez aldatzea gizonari aldaraztea baino
|
bi eratako gizonak dira, zuzenak eta okerrak eta mugaren marra zuzenek ezartzen dute
|
bi gaizkiren artean, beti aukeratzen dut sekula probatu ez dudana
|
bi gauzek txunditzen naute: animalien adimenak eta gizakien basakeriak
|
bi irakurketa jasaten ez dituen liburuak ez du irakurketa bat ere merezi
|
bi modu daude nazio bat menderatu eta esklabo bihurtzeko: bata ezpataz, eta, bestea, zorraren bidez
|
bi negozio-gizon beti ados daudenean, bietako bat sobera dago
|
bi nortasun bizi biltzen direnean, substantzia kimikoek elkar uktitzen duteneko gauza bera getatu ohi da: erreakzoirik izaten bada, biak aldatzen dira
|
bi pertsona grinarik bortitz, zoro, engainagarri eta iragankorrenak harrapatuta daudenean, egoera euforiko, ohiz kanpoko eta nekagarri horretan heriotzak banantzen dituen arte jarraitzea exijitzen zaie
|
bi pertsonak elkar maite badute, ezinezkoa da amaiera zoriontsua
|
bi telebista mota daude: adimentsua, hiritar gobernagaitzak sortzen dituena; eta ergela, hiritar arras gobernagarriak sortzen dituena
|
Bibliak irakasten digu gure arerioak lagunak bailiran maitatzen, seguruenik, batzuk eta besteak, guztiak bat direlako
|
bidaiako benetako aurkikundea ez da lurralde berriak aurkitzea, baizik eta ikusmolde berri batez begiratzea
|
bidaiatzeak jaio gineneko txoko kuttuna maiteago izateko soilik balio du
|
bidean topatu dudan horren guztiaren zati naiz
|
bidean zoazela adiskidetasuna, samurtasuna eta poesia aurkitu nahi badituzu, eramaitzazu zeure baitan
|
bigamia senar bat sobera edukitzea da. Monogamia ere bai
|
bigarren iristeak esan nahi du galdu dutenetan lehena izatea
|
bihar, hilen naizenean, ez nazazue deitora, ez naiz amalurraren pean izanen, bainaiz askatasun haizea
|
bihotz oneko gizona bizkorra da, gaiztoa, gainera, ergela ere bada; gaitasun moralak eta intelektualak batera ibili ohi dira
|
bihotz zabalak gehiago mintzen ditu lausenguak irainak baino
|
bihotza saminduko badizute, arerioa eta laguna behar dira elkarrekin: bata zuri buruzko kalumniak botatzeko eta bestea kontatzera etortzeko
|
bihotzaren bidez bakarrik ikusten da ongi; begiek ez dute funtsezkoa ikusten
|
bikotea hiru lagunek osatzen dute eta horietako bat ez da bertan egoten
|
bikoteak elkarrekin biziko ez balira ezkontza onak sarriagoak izango lirateke
|
bila dabilenak badu helburu bat; aurkitu duena, aldiz, aske da, adikor dago, ez du helbururik
|
bila ezazu alde erridikulua gauza guztietan, eta aurkituko duzu
|
biolentzi eroalerik handiena, egungo munduan, Estatu Batuetako gobernua da
|
biolentzia gizarte berri batez ernari dagoen gizarte zaharraren emagina da
|
bitrainiar inperioa ingelesak munduan zehar, belaunez belaun eta etsita, itxurazko janaria bilatzen ibili izanaren ondorioa da
|
bitxia da balio fisikoa horren ugaria izatea munduan eta balio morala, berriz, horren urria
|
bizi apalago, beste batzuk apalki bederen bizi ahal daitezen
|
bizi dugun gizarte erotiko-publizitarioa buru-belarri saiatzen da desioa antolatzen, desioa neurriz kanpo garatzen, gogobetetzea esparru pribatuan gordetzen duen bitartean; gizarteak funtziona dezan, lehiak aurrera segi dezan, desioak hazi egin behar du, hedatu egin behar da eta gizakien bizia irentsi behar du
|
bizi naiz, bada, munduan, gizateriaren behatzaile gisa, espeziearen zati banintz baino
|
bizia ikertzea izan dut jardunbidea eta ez dakit zergatik eta zertarako existitzen den
|
biziki atsegin ditut alderdi politikoak; geratzen diren leku bakarrak dira non jendeak ez duen hitz egiten politikaz
|
bizioa hain da izaki izugarria, zenbat eta gehiago begiratzen duzun, orduan eta gogokoago duzu
|
biziorik ez izateak ez dio ezer gehitzen bertuteari
|
bizioso izaten uzten ez zaion gizona ez da birtuoso izango
|
bizitza asko bizi izan ditut denboran barrena; gizakiak, norbanako gisa, ez du batere aurrerapen moralik egin azken hamar mila urteetan. Zalantza izpirik gabe diot
|
bizitza atzerantz ulertzen da, baina, aurrerantz bizitzen da
|
bizitza berean hainbat bizitza, gizon batengan hainbat gizon
|
bizitza bibolina jendaurrean jotzea bezala da, baina tresna jotzen ikasten ari zaren bitartean
|
bizitza da beste plan batzuk egiten ari zaren bitartean gertatzen zaizuna
|
bizitza entsegurik egiteko aukerarik ez duen antzerkia da; hartara, abestu, egin negar, dantza, barre eta bizi zeure bizitzako une bakoitza bete-betean, antzezlana amaitu eta oihala txalorik gabe jaitsi baino lehen
|
bizitza erabat zoriontsua erdiesteko jakinduriak eskaintzen duen guztiaren artean, ezbairik gabe, adiskidetasuna da handiena
|
bizitza ergel batek kontaturiko ipuina da, zarataz eta amorruz betea eta esanahirik gabea
|
bizitza estoldea bezalakoa da; eman diozunaren ondorio zuzena itzuliko dizu
|
bizitza etendako esaldi bat da
|
bizitza ez da batek bizi izan zuena, baizik eta batek gogoratzen duena eta kontatzeko gogoratzen duen modua
|
bizitza ez da desioak imajinarazi dezakeen guztia barruan hartzeko bezain handia
|
bizitza garunean bildutako irudi-multzoa besterik ez da; ez dago alderik gauza errealetatik datozenen eta barneko ametsetan sortutakoen artean, ezta batzuek besteen gainetik balioesteko arrazoirik ere
|
bizitza hitzen parekoa da
|
bizitza honetako doilorkeriarik grinatsuena: zerbaitek benetan behar lukeena baino denbora laburragoan egitea lortzeko premia
|
bizitza honetako plazerrik zehatzena ilusioen plazer hutsala da
|
bizitza jasateko gezurretan aritzen gara; batez ere, geure buruararekin
|
bizitza luzea da, asegarri baldin bada
|
bizitza maite dugu, ez bizitzen ohituta gaudelako, baizik eta maitatzen ohitutako gaudelako
|
bizitza osoa eman dut araua berresten
|
bizitza probabilitate-eskola bat da
|
bizitza zer den ikusita, batek, mendekuarekin egiten du amets
|
bizitza zoragarria da, beldurrik ez bazaio
|
bizitza, niretzat, dagoeneko ez da txiste bat; ez diot graziarik ikusten
|
bizitzak balio handia du erdeinatzen dugunean
|
bizitzak denbora gehiegi kentzen die gizakiei
|
bizitzak ez du merezi bizi izatea, eskaintzen dizunaz gozatzen ez badakizu
|
bizitzak ez duela ezer balio eta bizitza batek baino gehiago ezerk ez duela balio ikasi dut
|
bizitzako arriskurik handiena arreta handiegiz ibiltzea da
|
Bizitzako gauzarik preziatuenak ez dira diruaren truke lortzen direnak
|
bizitzako pozik handienetariko bat adiskidantza dugu, eta adiskidantzaren pozik handienetarikoa sekretu bat gordeko digun adiskidea edukitzea dugu
|
bizitzako zorionik behinena zarena zarelako maitatua izatean datza; zehatzago esateko, zarena izanagatik ere, maitatua izatean
|
bizitzan benetan axola duena dohain egiten da
|
bizitzan ez dago ezer beldur izateko, guztia da ulertu beharreko
|
bizitzan guztia da jasateko modukoa, egun asko segidan etengabeko zorionean ematea ezik
|
bizitzan guztia da ondo digeritzea; horrela aurkitzen du artistak inspirazioa, gazteok maitatzeko grina, pentsalariak ideia argiak, eta guztiok munduan egoteagatiko poza
|
bizitzan, batzuetan, jakin behar da borrokatzen, ez bakarrik beldurrik gabe, baita itxaropenik gabe ere
|
bizitzan, tranbian bezala, eseri orduko iristen zara helmugara
|
bizitzaren bidegurutzerik garrantzitsuenetan ez dago seinalerik
|
bizitzaren lehen erdia gurasoek zapuzten digute; eta bigarrena seme-alabek
|
bizitzaren onena ez da bilatzen, aurkitu egiten da
|
bizitzea arriskugarria da
|
bizitzeko jakinduria, ezinbestekoa ez dena bazter uztean datza
|
borondate kolektiboaren desintegratze arriskutsu baten aurrean, moralaren beraren azken gordelekua den zuzentasunaren zentzua galduz kontzientzia zibikoa hondoratzen dela ikustean, gizartearen obligazioa da azken ondorioetaraino eustea, Piaveko frontean borrokan ariko bailitzan
|
borrokatu behar dugun lehen mafia nork bere baitan daramaguna da; mafia gu geu gara
|
borrokatzen denak galdu egin lezake; borrokatzen ez denak, galdu du
|
boterea minutu batez daukan edonork egiten du krimena
|
boterearen aurkako borroka, oroimenak ahanzturaren aurka duen borroka da
|
botika modernoen erdiak leihotik behera bota genitzake; txoriek jan litzaketelako ez balitz
|
botoa ematea da abdikatzea
|
bozak ezertarako balioko balu, legez kanpo utziko lukete
|
bozkatu gutxien promesten dizunaren alde; berak desengainatuko zaitu gutxien
|
Bradley Manning heroitzat hartu behar litzateke. Hiritar ondradu eta zintzo orok egin behar lukeena ari da egiten: herriari jakinarazten ari zaio zer dagiten gobernuek, hau da, botorea duten jendeek. Ixilpean gordeta eduki nahi dute, jakina.
|
bulkada makurren mende bizi gara; duela 50.000 urte bezalaxe
|
burmuina amaren altzoan osatzen ari denean, ez dago han ezein ideiarik
|
burokrazia mekanismo erraldoi bat da, kakanarruek eragina
|
burokrazia: edozein irtenbiderako oztopoa
|
burtsa-merkatua da ergelek beren dirua galtzen duten lekua
|
buru-argitasuna aske erabiltzea, horra hor benetako zoriona
|
buru-osasunari buruzko estatistikek diote lau estatubatuarretatik batek gaixotasun psikikoren bat duela. Ekarri gogora zure hiru lagun min; ongi badaude, zeu zara
|
burua erabiltzen dutenak gutxi dira; bihotza erabiltzen dutenak, gutxiago; eta biak erabiltzen dituteztenak, bakanak
|
burugabekeria da behin eta berriz gauza bera egin eta emaitza ezberdinak espero izatea
|