câisî-vo, merda! - stâosse que volyant ressuscitâ, lévâ la man ! - stâosse que volyant revenî dzouveno, on pas ein an!
|
caminâ, l'è lo meillâo remîdo por l'hommo
|
cein l'è vîlyo quemet lo mondo, la novitâ
|
cein me plyérâi bin de vère lè z'eincourâ eingadzî dein lo mariâdzo et pas rein qu'atterî pè lè fènnè
|
cein que compte n'è pas cein que sè di, mâ cein que n'a pas fauta d'ître de
|
cein que compte, l'è pas tant la cotse yô no sein que clliasique que no z'ein prègnein la direcchon... no faut navigâ dâi yâdzo avoué lo veint, dâi yâdzo contre lo veint, mâ no faut navigâ, pas no lâissî allâ à la dèpetolye, assebin pas accoulyî l'eincra
|
cein que compte, n'è pas de fére on moûï de tsousè, mâ de betâ on moûï d'amoù dein tot cein que te fâ
|
cein que compte, n'è pas tant d'avâi on mouî d'idé que d'ein vivre ion
|
cein que fâ la veretâblya valeu d'on hommo, l'è sa capacitâ à sè libèrâ de li-mîmo
|
cein que fâ que noûtron mondo l'è terriblyo, l'è que no coudyein, avoué lo mîmo accouet, ître benhirâo et eimpatsî lè z'autro de l'ître
|
cein que la tsenelye appele fin dâo mondo, lo resto dâo mondo l'appele prevolet
|
cein que lâi a de meillâo avoué l'avenî, l'è que l'arreve tsô dzo
|
cein que lâi a de mî por ître dègotâ de la démocracî, l'è de discutâ cin menute avoué on élèteu moyan
|
cein que lâi a de pllie prévond dein l'hommo, l'è la pî
|
cein que l'è amirâblyo dein la guierra, l'è que tsacon dâi coumandeint dâi tyâ-chrétien fâ à bènî sè drapî et prèye Diû dèvant que d'allâ mazallâ son vesin
|
cein que l'è bî dein la dèmocratie, l'è djusto que tsacon pâo dere cein que vâo, mâ que nion n'è dobedzî de l'accutâ
|
cein que l'è bon, avoué lè rélye, l'è que lâi ein a tant, que te pâo chèdre clliâoque que te vâo châidre
|
cein que l'è einnioleint dein l'amoû, l'è que l'è on crimo que t'î 'obedzî d'eintrâinâ quauqu'on avoué tè po l'accomplî
|
cein que l'èducachon vâo, l'è de reimplliècî on espri vouîdo pè on espri âovè
|
cein que l’è necesséro d’à premî por on précaut nationà, l’è de mousâ tot pllian. L’è pas adî facilo de lâi arrevâ
|
cein que mè faut, l'è que l'aussant fauta dè mè
|
cein que montre lo mî la veretâblya grantiâo d'on hommo, l'è la concheince que l'a d'ître petit
|
cein que moûso su l'avortameint l'è on bocon tosu du que y'îro lo satiémo d'onna famelye de nâo bouîbo
|
cein que m'a adî èbahî, l'è tote clliâo bîte de virevoûte que lè flyuvo dussant fére po passâ dèso trétî lè pont
|
cein que m'èbaye lo mé pè l'Amèrica, l'è la manâire que lè pareint obèyant à lâo z'einfant
|
cein que m'èpouâire lo pllie, l'è l'hivè dâo rassovenî
|
cein que m'èpouâirîve n'îre pas lè parolè dâi grobo, mâ lo seleince dâi z'honnîtè dzein
|
cein que m'interesse n'è pas de savâi se su grand âo bin petioû, mâ de vère se crèsso tsaque dzo
|
cein que no troblye, l'è pas cein que no savein pas, mâ cein que no savein ein tota suretâ ître djusto, mâ que veretâblyameint, l'è pas
|
cein que no z'appelein 'progrès', l'è l'ètsandzo d'onna maunètiâ contr' onn' autra maunètiâ
|
cein que no z'ein ein coumon, l'è que no sein trétî differeint
|
cein que n'è pas utilo po l'essein ne l'è pas mé po l'avelye
|
cein que rein insupportâblya la vanitâ dâi z'autro, l'è que biètse la noûtra
|
cein que rein l'ècritoûra dèfecila, l'è que lè z'autro savant pas lyère
|
cein que reste dein lo tieu de l'hommo à djon l'è su la leinga dâo bèviâo
|
cein que te crâi ître lo coutset, l'è on reban
|
cein que te vâo recordâ, tè faut l'einsègnî
|
cein que volyâve îre bin honnîto, à cein que desâi : libèrâ 'nna fènna de la tsevance pè lo mariâdzo
|
cein que vu, l’è que tot sâi ein riond et que n’ausse, po dere dinse, ne coumeincemeint ne bet dein la forma, mâ que cllia forma balyâi, âo contréro, l’idé d’on einseimblyo bin èquilibrâ, cllique de la vià
|
cein qu'arreve forme l'hommo pas mein que l'hommo fâ cein qu'arreve
|
cein qu'attere lo mé tsacon de no, l'è lo passâ, pè la mau que l'è la soletta tsoûsa que no cougnessein et que no z'amein
|
cein tsau poû cô te marie du que l'è prâo sû que lo leindèman, te va dècrevî que l'îre quauqu'on d'autro
|
cein vâo-te dere ôquie, de dèvesâ d'onn'"ècoûla per obligachon"?
|
cein vo fâ-te pas pouâire, on mondo de taborniâo que n'arant pllie rein ‘n’autra mémoire que clliaque de lâo z'ordinateu?
|
cheinto bin qu'onna boûna traducchon dèmande de compreindre l'ècrit, et quand te l'a comprâi, cein dèmande d'avâi vityù dein lo mondo et d'avâi âovrâ avoué lo mondo veretâblyo, et cein n'è pas qu'on affére de mot à manèyî
|
clli que lo pè pas, l'a on mouî de tein
|
clli que l'a gagnî, l'è âo povâi de cein que l'a ramenâ
|
clli que regarde à sè dètse ne vâi pas stâosse dâi z'autro
|
clli que sâ rein è pllie proûtso de la veretâ que stisse que dzudze d'eintrâïe sein rein cougnâitre
|
clli que sâ rire è mâitro dâo mondo
|
clli que vâo venî âo mondo, lâi faut ître rîdo prudeint po chèdre l'eindrâi, lo momeint et lè pareint
|
clli que vâo voyadzî pè lè z'ètâilè, lâi faut pas tsertsî de la compagnî
|
clli qu'obèye l'è quasu adî meillâo que stisse que coumande
|
cllia réinspirachon que sein li, onna traducchon n'è rein qu'onna reprâissa dein 'n'autra leinga
|
clliâo que fant dâi traducchon sant quemet clliâo que fant dâi potrè; pouant lo fére pllie bî, mâ dâi adî ître resseimblyeint
|
clliâo que l'ant gagnî la guierra sant solet à dècidâ cein que l'è on crîmo tandu la guierra
|
clliâo que moûsant pas, foudrâi bin sein lo mein que rebetèyant on yâdzo de l’oodre dein lâo z’idé tot fé
|
clliâo que volyant, pè la gramméra, eimpatsî lè dzein de dèvesâ quemet sant accotemâ, sè fotant dâo mondo
|
clliâo qu'ècrisant quemet dèvesant, quand bin mîmo dèvesant prâo bin, ècrisant bin mau
|
clliâoque que gâgnant, cein tsau poû quemeint, ein ant min de vergogne
|
clliâosique que rêvant tandu lo dzo cougnèssant on mouî de tsoûsè qu'ètsappant à clliâosique que rêvant rein que tandu la né
|
cllique que cougnâi pas lè leingue ètreindzîre ne sâ rein de la sinna
|
cllique que l'è capâblyo de recougnâitre la biautâ ne sarâ djamé vîlyo
|
cllique que pâo pas cein que vâo, lâi faut volyâi cein que pâo
|
cllisique que prein lo povâi onna menuta fâ on crîmo
|
cllisique que reçâi mé, lo reçâi dâi z'autro. L'è ne pllie grand ne meillâo qu'on autro, mâ l'è pllie responsâblyo. Dâi servî mé'. Vivre por servî
|
cô fâ lo mé de clôno, la gènètica âo bin la tèlèvijon ?
|
cô l'è poûro, quand l'è amâ?
|
cô pâo niyî que lè z'adzî l'ant ètâ destruit
|
cô sâ cein que Colomb l'arâi dècâovè se l'Amèrica lâi avâi pas botsî lo tsemin
|
cô va tot pllian va ein sûretâ et va lyein
|
compliquâ cein que l'è simpllie, l'è correint; fére simpllie cein que l'è compliquâ, incrayiblyameint simpllie, l'è cein, la crèativitâ
|
compreindrî djamé quemeint pouant einsègnî à dâi dzouveno à bombardâ dâi velâdzo âo napalm et lâo dèfeindre d'ècrire "terî on coup" su lâo z'avïon
|
comptâ su on revegneint-bon eincoffèyî, l'è lo coumeincemeint de la cupessa
|
considèro qu'onn'offeinsa féte à quauquon damachein sa race, sa leinga, sa religïon âobin son ètà dein la sociètâ, l'è onna barbarî
|
consul: dein lo mondo politico de l'Amèrique, l'è dinse que diant por on coo que n'a pas rèussâ à sè fére nommâ qauque pâ pè lo peuplyo mâ que l'administrachon lâi a balyî onna tserdeze à la condechon que fote lo camp dâo payî
|
contro lo dandzî dâo dèfreguelyâdzo de la volontâ coumouna, contro lo naufrâdzo de la concheince dâi citoyein que l'ant pèsu la cougnesseince de cein qu'è drâi, derrâire protecchon po la morâla, l'è lo devâi de la collettivitâ de resistâ, resistâ, resistâ quemet su lo Piave que faut défeindre tant qu'âo bet
|
cougnâisso min de cavîlye que n'aré pas pu fére mè-mîmo
|
crâide tot cein que vo diant su lo mondo, rein n'è prâo pouèt por ître impossiblyo
|
crâire à l'avancemeint dâi tsoûsè n'è pas crâire que lè tsoûsè l'ant dzà avancî
|
crâire ein rein, l'è assebin 'nna religïon
|
crâire ôquie fermo bin, l'è 'na preson
|
crâire, l\'è crèâ
|
crâirî rein mé possèdâ que cein qu'è z'u bin balyî
|
crâyo bin que y'é trovâ l'ègrâ que fâ fauta eintre lè bîte et l'hommo: l'è no
|
crâyo bin, quemet vo, que lè z'organisachon dâi bantse sant pllie dandzerâose que lè z'armâïe mobilisâie
|
crâyo fermo bin que la revoluchon l'è la fontanna dâo drâi
|
crâyo que lè z'instituchon dâi bantsè sant dandzerâose pllie que lè z'armâïe por noûtrè libertâ. Se, on dzo, lo peuplyo amèrican permet âi bantse privâïe de controlâ sa mounïa, d'à premî per l'inflachon, pu ein aprî pè la dèflachon, lè bantse et lè compagnî que vîrant à l'einto de leu s'ein vant dèpelyî lo peuplyo de tot cein que possède tant qu'à que sè z'einfant sè reveillerant sein tâi su la terra que lâo pére l'ant gagnà
|
crâyo que tot âodra bin po cein que l'è de crâire que tot va mau
|
crâyo qu'avoué lo tein, no mereterein de pllie rein mé avâi de governemeint
|
crâyo tot parâi que lè dzein l'ant bon tieu. Tot simplyameint, pu pas bâtî mon espoi su on fondemeint de dèsoodre, de misére et de moo
|
créde-vo dan que lo bon Diû l’è catholico ?
|
cynique : on coo mau dègrâobâ que vâi lè tsousè tot fau quemet sant, na pas quemet dèvetrant ître
|