tandu la né, vo faut pas bouâilâ po dèmandâ dâo sècoo, cein porrâi reveillî lè vesin
|
tandu que crâyé appreindre à vivre, y'appregné à mourî
|
tant mein lè dzein ein sâvant su la manâire de fabrequâ lè sâocesse et lè lâi, tant mî droumant tandu la né
|
tchèra dèmocratsie, revire-tè tsî tè, l'è oncora prâo toû
|
te botserî d'avâi pouâire, se te botse d'espèrâ
|
te comprein la vià ein vouâiteint ein derrâi, mâ la faut vivre ein dèvant
|
te crè du lo dzo que po lo premî yâdzo, te rî de tè-mîmo
|
te dèmariâ d'on hommo po cein que te l'ame pllie rein mé, l'è tot djusto asse bîte que lo mariâ po cein que te l'ame
|
tè faut adî djuvî sein froulyî, quand t'a tî lè z'atout
|
tè faut adî te rassovenî que t'i absolumeint unico, Tot djusto, quemet trétî
|
te faut dere qauque yâdzo la veretâ, po que tè crâyant quant te derî dâi dzanlye
|
tè faut djamé eimplyèyî onna phrase ètreindzîre, on mot de saveint âo on mot d'onna dein de mètî, se te pâo ein trovâ ion dein la leinga de tî lè dzo
|
tè faut djamé peinsâ que la guierra, quand bin seimblye djusta et necesséra n'è pas on crimo
|
tè faut einseimblyo on einnemi et on ami po te fére à souffrî âo fin fond dâo tieu: lo premî po tè caloniâ et lo sècond po venî vè tè po redzipètâ
|
tè faut ître gènèrâo et respètâ lo quant à sè dâi z'autro
|
tè faut ître sincéro et âovè avoué ton meinna-mor: sarâ à li, ein aprî, à s'arreindzî po tot complliquâ
|
tè faut ître tè-mîmo lo tsandzemeint que te vâo vère dein lo mondo
|
tè faut jamé châidre on tsemin bin marquâ, tè mene que lé yô lè z'autro l'ant dzà passâ
|
tè faut pas abandounâ tè z'illujon. Quand sarant vîa, pâot'ître que te sarî oncora per iquie, mâ te sarî pllie rein mé viveint
|
tè faut pas atteindre qu'arrevèye la boun'occajon; te la faut fére arrevâ
|
tè faut pas coudyî ître on hommo que rèusse, mâ on hommo que vau
|
tè faut pas coudyî vivre adî. Te va pas lâi arrevâ
|
te faut pas eimplyèyî clli mot ètreindzî: 'idéal'. No z'ein on bon mot de tsî no : 'dzanlye'
|
tè faut pas fére âi z'autrè cein que te voudrâi que tè fassèyant. L'è pâo-t'ître pas lè mîme tsoûse que sant à lâo yeinna
|
tè faut pas fére ton petioû - t'î pas prâo grand po cein
|
tè faut pas pèdre ton tein à tsertsî aprî dâi baragne que lâi a petître pas
|
tè faut pas regrettâ cein que t'a pas pu fére, mâ cein que t'arâi pu fére et que t'a dègognî
|
te faut pas translatâ cein que l'è ècrit, mâ cein que lo gratta-papâi volyâve à dere, et l'è po cein que l'ordinateu n'arreve pas à translatâ
|
tè faut rein dèsirâ et te sarî l'hommo lo pllie retse dâo mondo
|
tè faut ruminâ, dèvant de peinsâ
|
tè faut tè maufiâ de totè lè z'affére yô t'î dobedzî d'avâi 'na novalla vetîre
|
tè faut votâ por clli que promè lo mein l'è li que te dèpitarâ lo mein
|
tè faut vouardâ lè get grand âovè dèvant lo mariâdzo et à mâitî cllioû ein aprî
|
tè mariâ âo bin restâ solet, fâ cein que te vâo, te t'ein repeintrâ
|
te mè tsertserâi pas se te m'avâi pas dzà trovâ
|
te n'arreve jamé tant lyein que quand te sâ pas yô te va
|
te pâo balyî sein amâ, mâ te pâo pas amâ sein balyî
|
te pâo bin perdounâ à on hommo d'ître taborniâo tandu 'n'hâoretta quand lâi a dâi coo que botsant pas de l'ître mîmameint onn'hâora tandu tota lâo vià
|
te pâo dere qu'on tein è âo bet quand totè sè z'illujon arrevant âo bet
|
te pâo ître à man gautse de tot cein que te vâo, mâ pas à man gautse de l'ècheint
|
te pâo ître infidélo, mâ djamé maulhonnîto
|
te pâo mèsourâ bin adrâi l'accrèssemeint de l'ècheint pè lo dècrè de la bila
|
te pâo pas balyî 'nna pougnà de man avoué lo poeing cllioû
|
te pâo pas dere que la civilisachon avance pas, du qu'à tsaque novalla guierra, te tyant d'onna novalla manâire
|
te pâo pas estiusâ dâi saveint que fant soffrî lè z'animau; n'ant qu'à fére lâo z'espèrience su dâi gazettâre et dâi politicâre
|
te pâo pas fére de la politica avoué la morâla, mâ te pâo pas pî ein fére sein
|
te pâo pas humanisâ la guierra; pâo rein qu'ître abolyà
|
te pâo pas plliantâ on coutî veint centimétre prévon dein lo doû d'on coo, pu lo fére à resalyî de quieinze centimétre po dere ein aprî que t'a fé dâi progrè
|
te pâo rein einsègnî à on hommo; te pâo pi l'aidyî à cein trovâ ein li-mîmo
|
te pâo reindzî lè dzein dein trâi tropè: clliâo que, dèvant la moo sant dein la peinna, clliâo que dèvant la moo, sant dein l'einnoyondze et clliâo que, dèvant la moo, sant dein lè tormeint
|
te pâo vère yô ein è la civilisachon d'onna sociètâ ein eintreint dein sè preson
|
te pâo, dâi yâdze, dere onna dzanlye, mâ la mena qu'adan te fâ di la veretâ
|
tè peinsâïe assebin, te pâo pas lè translatâ complliètameint avoué dâi mot
|
te porrâi dere que la libertâ l'è ôquie on bocon einniolassî. Mâ l'abseince de libertâ, cein, l'è pas ôquie d'einniolassî
|
tè que t'î tant saveint, quemet se fâ-te que t'î vegnu tant retso?
|
te trâove on son âi dzornâïe que se te botse de tè crâire dobedzî d'avâi 'nna destinâïe
|
te troverî mé de tsoûse dein lè dzo que dein lè lâiuvro. Lè z'âbro et lè scex t'einsègnerant cein que min de règent t'einsègnerâ
|
te vâo que sâi pas possiblyo qu’on hommo oppressèye on autro ? Tè faut arreindzî lè z’affére po que nion n’ausse dâo povâi
|
te vau atant d'hommo que te dèvese de leinguè
|
te vi rein qu'on yâdzo. mâ se te lo fâ bin adrâi, on yâdzo, l'è prâo
|
te vin dzouveno quand t'a soissant'annâïe. Maulhirâosameint, l'è trâo taa
|
te vire sein dècessâ, et quand te vâo botsî, te tsî perquie bas
|
te vote tsaque coup que te va âi coumechon
|
tî clliâo que l'ant fé dâi grantè tsousè sant z'u dâi grand rèvâo
|
tî lè coup que lè dzein sant d’accoo avoué mè, y’é adî l’imprèchon que dusso avâi too
|
tî lè mot trâinant derrâi leu lâo rassovenî
|
tî lè yâdzo qu'onna dzein mare soletta pâo fére onna tâtsa bin adrâi, l'ovrâdzo l'è mein bin fé pè dûve dzein et quasu impossiblyo po trâi coo âo oncora mé
|
tî lè z'hommo djuvant on rôlo, na pas, petître quauque z'acteu
|
tî lè z'hommo l'ant 'na fènna ein tîta; clliâo que sant mariâ l'ant ein pllie 'n'autra pè l'ottô
|
tî lè z'idé sant dzà dein la cervalla. quemet totè lè z'estatue dein lo mâbro
|
tî lè z’animau, à pâ quauque z’hommo, l’ant onn’âma
|
tin bin la tsoûsa, lè mot porrant chèdre
|
tot bin mousâ, lâi a dûvè sortè d'hommo pè lo mondo : stâosse que restant pè l'ottô et stâosse que lâi restant pas
|
tot cein que compte veretâblyameînt dein la vià sè fâ gratis
|
tot cein que fant lè fènne, dâivant cein fére doû yâdzo mî que lè z'hommo por ître tegnâte à mâiti asse boune que leu. Pè bounheu, l'è pas bin dèfecilo
|
tot cein que l'è pas z'u de, l'è de por adî
|
tot cein que no diein, l'è que faut balyî 'na tchance à la pé
|
tot cein que no nommein ora "mau" l'è z'u considèrâ on autro yâdzo et autra pâ quemet "bin". Rein ne pâo garantî que cein vâo pas remé tsandzî
|
tot cein que no rapporte noûtron savâi, l'è de mourî ein soffreint mé de dèlâo que lè z'animau que ne savant rein
|
tot cein que no suprein no tserme assebin, d'à premî la vià, que l'è bin l'affére lo mé èberluveint
|
tot cein que sé pas, ye l'é apprâi pè l'ècoûla
|
tot cein que tè faut, l'è de rein savâi et d'ître confieint et lo suquecè l'è assurâ
|
tot cein que te medze sein nècessitâ, te cein robe à l'estoma dâi poûro
|
tot cein que t'apprein, te l'apprein de quauqu'on que t'ame
|
tot cein que t\'ein a fauta, l\'è de rein cougnâitre et d\'avâi confience ein tè et t\'î sû de rèussâ
|
tot cein qu'è et tot cein que no sein, à la fin dâi fin, n'è rein que dâi mot
|
tot cein qu'è inveintâ l'è veré
|
tot cein qu'onna dzein pâo èmaginâ, quauqu'on cein farâ on dzo
|
tot dâo long, l'arreve dâi z'affére que fotant avau lè théorî
|
tot è pouâison et rein n'è pouâison; cein que fâ la differeince, l'è lo dosâdzo
|
tot è 'na risârda, quand te mouse à la moo
|
tot lo caractèro religiâo dâo mondo de vouâi, no lo devein à cein que lâi a min d'hèpetau po lè lenatico pè Djérusalem
|
tot l'è dandzerâo. Se l'ètâi pas dinse, la vià voudrâi pas la peinna
|
tot quemet la mafia bete de l'erdzeint po distribuâ de la droûga dèvant lè z'ècoûlè, lè z'èditeu pouant-te pas fére de mîmo avoué lè lâivro?
|
tot quemet noûtrè z'ami no z'eintârant pè lâo clliatèrî, soveint, noûtrè z'einnemi no corredzant pè lâo reproûdzo
|
tot quemet 'nna dzornà bin passâïe amîne on galé sonno, onna vià bin otiupâïe amîne onna galésa moo
|
tot vère, catsî on moui, poû corredzî
|
tota boun\'acchon l\'è \'nna dèmonstrachon de pucheince
|
tota la biautâ dâo mondo apparâi dein on gran de grôblyâ
|
tota l'histoire moderna dâi grante fabreque montre que l'erdzeint, se rein vein l'eincoblyâ, coudye, sein vergogne ne pedyî, rebâissî tota la dzein dâi z'ovrâi dein 'nna prèvonda dègradachon
|
tota l'histoire moderna dâi grante fabreque montre que l'erdzeint, se rein vein l'eincoblyâ, coudye, sein vergogne ne pedyî, rebâissî tota la dzein dâi z'ovrâi dein 'nna prèvonda dègradachon
|
tota l'histoire moderna dâi grante fabreque montre que l'erdzeint, se rein vein l'eincoblyâ, coudye, sein vergogne ne pedyî, rebâissî tota la dzein dâi z'ovrâi dein 'nna prèvonda dègradachon
|
tota possèchon privâïe è gravâïe d'onn'hypotèca sociala
|
totè lè cervalle de la terra ne pouant rein contro lè bètanie quand l'è que sant à la moûda
|
tote lè dzein amâblye l'ant ôquie à catsî, ordinérameint, l'è que dèpeindant à tsavon de cein que lè z'autro mousant de leu
|
totè lè dzein crâyant que lè bouenne de cein que vâyant sant lè bouenne dâo nondo
|
totè lè dzein sâvant qu'on affére è impossiblyo, tant qu'âo dzo qu'arreve on coo que sâ pas que l'è impossiblyo et l'inveinte
|
totè lè dzein s'eincousenant damachein lè rhinocèros, mâ lè cafâ assebin sant ein grand dandzî d'esterminachon
|
totè lè dzein vâodrant vivre grantein, mâ nion ne vâodrâi ître vîlyo
|
totè lè dzein, quand lyèsant, lyèsant ein leu-mîmo. L'âovra de l'ècriveint n'è rein qu'onna sorta de lorgnetta propousâïe à clli que lyè por que pouâisse apèçâidre cein que n'arâi djamé yu sein stasse
|
tote lè rèvoluchon s'ein vant ein vapeu, ein laisseint derrâi leu rein que lo diot d'onna novalla burocracî
|
tote lè science èsate sant dominâïe pè l'idé de l'à poû prî
|
toyet, savant pas guiéro la mâitî l'è mî que lo tot
|
translatâ dâi lâivro, l'è quemet por lo sexe: vau mî ein dèvesâ mein et fére mî
|
travaillî fâ lè dzo pllie coû et la vyà pllie longa
|
travaillî, l'è min einnoyâo que sè galâ
|
trétî, no dâivein obèyî âi lâi, mâ po lè compreindre, faut on meinna-mor
|
tsacon a lè dètse de sè qualitâ
|
tsacon de noûtrè momeint l'è differeint d'on autro et d'on momeint à on autro, no sein djamé la mîma dzein, d'onna vouerba dâo tein à clliaque d'aprî
|
tsacon di que l'è sauvadzerî cein que lâi è pas accotemâ
|
tsacon è mare solet âo tieu de la terra - percî per on râi dâo sèlâo: et rîdo vito, l'è lo né
|
tsacon l'è quemet Diû l'a fé et prâo soveint pî
|
tsacon n'accute que cein que comprein
|
tsacon pâo recheintre la souffreince d'on ami. Mâ faut avâi l'âma rîdo finna po recheintre lo dzoûyo de son suquecè
|
tsacon sorî dein la mîma leinga
|
tsaque mot l'è fau. Mâ qu'è-te que cein balye sein lè mot ?
|
tsaque mot, on dzo, l'a ètâ novî
|
tsaque nachon fâ dâi recafâïe su lè z'autrè; et trétote, l'ant bin réson
|
tsaque parola, dite âo bin ècrite è leinga morta
|
tsaque peinsâïe l'è onn'eccepchon à 'nna rélya gènèrâla que l'è de pas peinsâ
|
tsaque tzandzemeint dein noûtrè lâi prein dâi ferrette dein la fatta de quauqu'on po lè betâ dein la fatta d'on autro coo
|
tsaque yâdzo que t'einsègne ôquie, tè faut einsègnî à dotâ de cein que t'einsègne
|
tsaqu'hommo l'a 'na tâtsa dein la vyà, et n'è djamé clliaque que volyâve avâi
|
tsertrîde dein tote lè tsoûse cein que l'è risiblyo et vo cein troverâ
|
tsertsî, l'è corre vè lo bet, mâ trovâ, cein vâo à dere ître libro, restâ âovè, avâi min de ciba
|
tsî lè hommo, faut pas avâi pouâire dâi dètse, du que l'ein fant dâi z'esclliâvo; mâ bin de l'honnîtetâ, du que l'ein fâ dâi mâitro
|
tsî l'hommo, lo rassoveni l'è on rîdo bî l'affére, mâ pâo trompâ
|
tsî 'nna dzein, la folèrâ l'è râra, mâ dein dâi trope, dâi nachon et dâi momeint, l'è la rélya
|
tso momein, fâ bon mousâ que vouâi,, mîmameint dein sta vouèrbetta, no fabrequein lè rassovenî que rètsauderant noûtron tieu per on dzo que vindrâ bin on yâdzo
|
tsoûye-tè cein que te coo, cein porrâi arrevâ
|
tsouye-tè de pas proclamâ sutî rein que clliâo que mousant quemet tè
|
tsouyî-vo, lo cadâvro dâo Marx socclie oncora
|
t'a prâo djuvî, t'a prâo medzî et bu. Ora, tè faut modâ
|
t'a rein qu'à mèlliorâ quauqu'on po lo fotre avau
|
t'ein faut cougnâitre dâi tsoûse po vère la grantiâo de tot cein que te sâ pas
|
t'estime bin mé cein que t'a cotâ mé de peinna
|
t'î adî pllie veretâblyo quand t'approûtse de l'idé que t'a rèvâ de tè-mîmo
|
t'inveinte rein qu'avoué lo rassovenî
|
